هههههههههههههههههههههههههه وربي احرجتووووني ليلاس
وووه بس يخليكم ربي ياعسل كللللللكم

يسلمو على هالوجود الحلو
راجعة لكم وسوري ع الاستعجال
--------------------------------------------------------------------------------

(2)
في المستشفى

نواف يهذي وراسه يتحرك يمين يسار ببطء .. " الله لايسامحك .. الله لايسامحك "

ام نواف ويدها على جبهته تقرا عليه وتصيح : بسم الله عليك ياولدي ,, شللي صار لك بس ..!

ابو نواف : من يقصد بكلامه هاه؟

ام نواف متضايقه : مدري اكيد يهذي , بسم الله عليك ,, بسم الله عليك ..

هدى نواف شوي وراسه ثبت بعد فتره , ونام وهو عاقد حواجبه من تأثير المسكن ..


في فيلا 14 ..

منصور وهو يقرا اخر جزء من قصة عشانك بس ويلتفت لفي : شنو هذا هااااه ؟

في حمر وجهها : شفيك مافي شي

..... ضحك منصور : مدري عنج مسك يدها وقعد يمها وباسها ومادري ايش , ايش هاللحظات الجريئة هاه

في طاح وجهها مع انها تدري انه يمزح : منصور شفيها و الله عادي , اشياء بريئة يعني

.... : ادري بس اللي يشوفج يقول ذي وحده جريئة وقوية عين تكتب زي كذا , وانتي ماشفت احد يستحي كثرج

جلست في : لا مو شرط , يمكن لأني أفرغ بالكتابه بس لو تقرا قصص ثانيه وربي تستحي وانت تقرا

منصور مسوي معصب : يعني تقرين قصص قليلة ادب !! قولي لي بعد روايات رومنسية ومادري ايش

...... : ههههههه لا و الله , بالعكس ماحب , ,, بس انا احس اني ماقدر اعيش اللحظه الا لما اوصفها

ضربها منصور على راسها بخفيف وهو يبتسم : و الله لو يدري مشاري خخخخخخخخخ

..... : و الله انت الوحيد اللي فاهمني يامنصور , تذكر انت ان ماجد شافني اكتب خاطره سوى لي زحمة يحسب اني احب ..!

منصور فطس ضحك : ماعليج منه , لاتعلمين احد , مو شرط الأفكار اللي انتي تكتبينها معناها انج تتمنين هالأشياء تصير , اتوقع اممممم انتي تفرغين وتبين احد يشاركج , ومواقف تنقلينها للناس .. صح ؟

ابتسمت في : أي و الله انا اكتب لأني أحب , تدري منصور , نزلتها بمنتديات مجرد محاولة ماتوقعت تعجب احد

منصور عفس وجهه : اول شي يبيلج ضرب على هالنهايه البايخه ,, خخخخخخخخخ

..... : ليه مش حلوه ؟

..... : يعني ,, لاتزعلين ..

...... : هههههههههه لا عادي ..

منصور : طيب والأعضاء اعجبتهم

..... ابتسمت بحب : يعني , بس أرائهم وأحبها كلها ,, و الله صرت احب اكتب زياده , لاني تعرفت على ناس حبيتهم من كل قلبي .. معاي كل بارت ,, مع ان اللي اكتبه و الله مايجي ربع اللي تشوفه بالمنتديات , فيه اشياء روعه , بس هم يكبّروني في عين نفسي

..... : في ! اخاف تغترّين علينا !

.......... : لآ عاد شدعوه ...

ابتسم منصور : تعرفيني في , مدمن قراءه .. وخاصة قصص .. و حتى اللي بالنت , وما أكذب عليج أني أعيش معاهم وأتأثر منهم وأحس أني أدخل بعالم غير اللي أنا أعيش فيه .

ابتسم منصور ورجع يقفل الوورد,, فجات في لعنده وفتحت النت

منصور: شتسوين ؟

في وهي تفتح المفضلة وعلى صفحة نسيج : شوووف هذا المنتدى اللي بديت اكتب فيه اول قصة ..

منصور حط يده على جبهته : كم صفحة ماشاء الله وصلتو

ضحكت في : ياحبيلهم بس ,, صبر بوريك الباقي .. لازم تشوف بعد صديقاتي اللي بجروح

..... : جروح ايش ؟ وباقي أيش

...... : المنتديات ,, جروح وليلاس والم ..

..... منصور يتطنز : مافيه بعد سبعه زياده مثلا يعني !

ضحكت في على وجهه : لآ بس و الله هم اللي معاي اكثر شي واحس اني فرد منهم وما أقدر استغنى عنهم , حتى لوو وقفت كتابه ماقدر اتركهم , منصووووووووور ارتاح معاهم و الللللللللللللللللللللللللللللللللللللللله

منصور يستهبل : أها يعني بمثابة عائلة أخرى أليس كذلك ؟

ضحكت في : ههههههههههههههههههههههه أي و الله , غريبه كيف تحب ناس ماقد شفتهم و اللي يفصل بينك وبينهم شاشه (وتطالع صفحة المنتدى وتبتسم ) و الله انبسط اذا شفت ردودهم

منصور سرحان : ايه و الله غريبة كيف تحب ناس ماقد شفتهم (وتنهد )

في مافهمته : ليه انت تحب ؟

منصور حط يده على خده : احب والحب عذآب .. واللي احبها مستحيل اقدر اوصل لها , حتى عقب مامات زوجها

في عقدت حواجبها : ومين ذي اللي تحبها وزوجها ميت ؟

منصور فطس ضحك : ناديه اللي في قصتج خخخخخخخخخخخخخخخخخخخخخخخخخخخخخخخخخ


فلا 16 ..

"ديييييييييييييييييييييييييييييييييييييييييييييييي ييييييييييم "

ديم وهي ماسكة كتابها في الصالة تذاكر : في الصآله

شافت فواز مارد , فراحت للغرفه , شافته ع السجاده كان يصلي , واول ماشافها ابتسم لها : هايدي , نعسان .. ابي انام ..

ديم تأشر ع الكتاب بيدها : ياحبيبي عندي امتحان بكره !

فواز سكت شوي : طيب .. قعدي ذاكري .. يمي ...

ابتسمت ديم وهو انسدح وتلحف بينام .. جات وجلست على السرير تقرا بهدوء والقلم بيدها ..

تركت القلم شوي .. والتفتت له .. مغمض عيونه بس باين انه لسه مانام ..

ضاقت .. سكرت الكتاب وقربت له

همست : فواز .. فواز

فتح فواز عين وابتسم : ذاكري ديم .. شوي وبنام

.... : خلاص خلصت

رفع فواز راسه : هاتي الكتاب .. اشوف

مدت له ديم الكتاب وماهي فاهمه ليش , وهو قلب صفحاته وابتسم وهو يأشر على الجزء اللي هي فيه : باقي .. ماخلصتي .. باقي كثير يللا كملي .. انا بنام

سحبت ديم الكتاب منه بهدوء .. هي عارفه انه مايقدر ينام بدون ماتاخذه لعندها وتحرك له شعره .. من اول ماتزوجو ,, ومن كثر ماتحبه كانت ماتخليه ينام الا بهالطريقة .. وهو مسكين ! ماتعود على هالحنان من صغره لين كبر .. ماكان مسموح له حتى يتوسد رجل امه ...............

فواز بهدوء وهي تحط راسه على رجلها : ديـم .. خليني .. وروحي ذاكري

ديم بهدوء اكبر : اشششش فواز , بذاكر و الله

ابتسم فواز وهو يطالعها بعيونه ,, وهي ابتسمت وحمر وجهها يوم شافت الحب بنظراته .. فغطت عيونه بيدها : خلاص فوازي اذا تبيني اذاكر نام يللا ..

فواز ضحك وهو يوخر يدها يكمل تأمل : طيب ..بوسي فواز وينام

ديم تعاند : لا مافي , نام يللا

..... : نحييييييييسة ... بوسيه وقولي له .. تصبح على خير .. بس

ضحكت ديم ونزلت راسها وباسته على جبهته وقالت تصبح على خير

رفع فواز ظهره : شايفتني فواز الخبل .. ؟

ديم تستعبط : وشو ؟

فواز يأشر على جبهته معصب : شسوي فيها تحطينها هنا ..؟

ضحكت ديم من قلبها : هههههههههههههههههههههههه احسن ههههههههههههههههه

انقهر فواز بس وهي تضحك مسكها و فاجأها ببوسه على كيفه .. وهي ضربته على كتفه بخفيف .. ورجع يحط راسه وهو يبتسم بانتصار .. وكلها دقايق وهي تحرك له شعره شوي .. ويغط بنوم عميـق .. ابتسمت هي وحوطته بيد .. وفتحت كتابها تكمل مذاكره بيدها الثانيه ... كلها سنه وتتخرج ان شا الله

نواف طلعوه من المستشفى , باعتبار ان حالته تحسنت عن اول .. وراحو له الناس يزورونه

كان جالس في المجلس مع الرجال .. الكل يتطمن عليه ويحاول يسولف معه يخفف عليه , على اساس ان اللي فيه ارهاق من السفر , وشوي نادوه للمجلس الثاني لان اهله بيسلمون عليه ..

طلع نواف للمجلس الثاني والتعب باين على ملامح وجهه .. سلموا عليه خالاته والبقية .. وشوي جات هديل تسلم عليه .. بحكم انها اخته في الرضاع ..

هديل وهي تجلس جمبه وتحط يدها على ذراعه : ها نواف .. شلونك الحين ..؟

نواف بعد تنهيده : الحمد لله ..

انتبهت هديل ان نواف اشر لها تجلس كأنه يبي يقول لها شي .. وشوي طلع الكل وجلست جمبه : نواف ..

التفت نواف بعيون كلها هم بدون مايرد

هديل بهدوء : نواف شفيك

نواف ابتسم ابتسامه مريضه : الحمد لله بعافيه ماعلي شر

هديل بجديه : لا قصدي شللي سوا فيك كذا

تنهد تنهيدة طويلة ولف لها بكامل جسمه : هديل لو اطلبج شي تقدرين تساعديني ؟

دارت عيون هديل على نواف اخوها اللي شكله يكسر الخاطر وكأن هموم الدنيا كلها فوق راسه .. وبدون ماتفكر نطقت : نواف شالكلام و الله اسوي لك اللي تبي بس قول لي شلّي قلب حالك

ابتسم نواف : ماعليه السفر تعبني وجيت وماكنت أكلت لاتشيلين هم

رفعت هديل حاجب كنها مو مصدقه كلامه : نواف , انت وبدور فيكم شي , اصلا بدور من اول وهي مو طبيعيه والحين بزياده , وتجي انت وتكمل

..... : .........

........ : تحبون بعض صح ؟

ضحك نواف وهو يعض شفته وسكت شوي : اها .. يمكن

ضحكت هديل مع انها حسّته يتطنز : طيب اوكي امرني

..... : بدور , ابي اكلمها

هديل طلعت عيونها : نعمممممممممم لا لا معليش مو مرسال حب انا , معليش مقدر

نواف يهدّيها بيدينه : هديل بس ابي رقم جوالها , هي عندها جوال ؟

هديل تتطنز : طبعا عندها في احد ماعنده جوال هالأيام

..... : طيب انتي بس عطيني الرقم وانا اتصرف

متردده : طيب واذا هي درت اكيد بتعرف ان انا اللي اعطيتك اياه

.... : ماعليج منها , انا اتصرف معاها

..... : ياربي ,, نواف ..

نواف بدا يتنرفز : هديل قلت لج انا بتفاهم معاها مالج شغل

سكتت هديل لأنها حست ان في سالفة كبيرة , فطلعت جوالها واعطته الرقم : والله وقمنا نحب يانويف

نواف ضحك ..



صبح يوم السبت , الكل يستعد للدوامات والجامعات ..

هديل لبست تنورة جنز ومعاها بلوزه كت بلاك بياقه , وفوقها تي شيرت وردي سفطت اكمامه .. , ولبست اساور وردي واسود ...

ضبطت شعرها عند المرآيه ..

هي انســانه ملامحها عاديه , طولها عادي , جسمها عادي .. صوتها عادي ..

مافي أي شي بشكلها يميزها ... يمكن هي أنيقه شوي ..!

ابتسمت برضا للمرايه وكعادتها راحت غرفة أبوها وأمها,,

كان الباب مفتوح وهم نايمين , استغلت الفرصة ومشت على اطراف اصابعها

راحت للدولاب وفتحته بشويش ,, وسوت اللي تبي وطلعت رايحة للجامعة بانتصار ..... ..

بدور ماداومت ,, كانت تعبانه شوي , وفضلت انها تجلس بالبيت ,, تفكر بأشياء كثير ,,

كانت متماسكة , بس جية نواف خربطتها وارعبتها ..

سرحت بشاشة جوالها شوي , على رساله كانت هديل راسلتها لها , تطيب خاطرها وتهديها ..

وبجهه ثانيه نواف ماسك الجوال ويده ترجف مو قادر يتصل , فكر يتصل على هديل بس لا ماينفع ! رمى الجوال على السرير وراح يتوضا ويصلي يمكن تهدى نفسيته , ماكان ابد كذا .. ماهو عارف كيف يفكر ولا عارف كيف يتصرف , .. هو ماخذ اجازه اسبوع , لازم خلال هالاسبوع يتصرف .. الكل حاس ان فيه شي بينهم , كنهم يحبون بعض من وهم صغار

فلا 16..

ديم وهي تربط شعرها بحركة سريعه : طيييب

فواز وهو بالمطبخ يحشي ساندوتش : اخرتيني على الدوام ... يللا العباية

جات ديم للمطبخ ركض لقته واقف يلف الساندوتش : هايدي ... المربى حاسني ,, كم مره قلت لج .. ماحب المطبخ

ضحكت ديم على شكله وهو عاقد حواجبه وحايس الطاولة مطلع كل شي يقاله بيتفنن , يبي يساعدها , قربت له وخذت الساندوتش منه وباسته : وه بس فديييييييييييته و الله

ضحك فواز : ياشيخه روحي ,,, حتى ساندوتش ,, ماعرف اصلّح

ديم ضمته : و الله باكله الساندوتش

ضحك فواز : طيب , يلا عطلتيني ,, مالي خلق .. المدير يتفلسف علي

ضحكت ديم وراحت تلبس عبايتها ..

وفي السياره فواز ماد يده اليسار على الدركسون يسوق , وباليمين ياكل الساندوتش شوي شوي , وديم تاركه كل شي وتطالعه كنها اول مره تشوفه

فواز ضحك بجاذبيه : شفييج؟ ... فيه مربى بخشمي؟

ديم ضحكت : هههههههههههههههههه لا بس قاعده اطالع شي عاجبني

..... : وشو ... الشي؟

يقالها انحرجت : ورد على الرصيف اللي وراك ..

فواز بابتسامه : أها أها .. ورد .. طيب , كلي الساندوتش ,, باقي شوي .. ونوصل

مدت يدها ليده وسحبت منه الساندوتش بهدوء : طيب

التفت لها فواز وضحك : وبعدين !

ديم وهي تصلح ظهرها على المقعدة : خذ الثاني انا ابي هذا ..

وجّه فواز نظراته على الطريق وهو مبتسم من حركتها , وديم ببالها "فديته وفديت هدوءه ياناااااااااااااس "


دخل فواز مبنى الشركة وهو يسلم على اللي يمر عليه ,, وراح للمصعد وهو يعدّل شماغه , ضغط الدور الخامس وطلّع بطاقته شبكها عند جيب ثوبه ,,,

كان مكتبه الصغير بآخر الصاله الواسعه اللي مليانه مكاتب زجاجيه ,, كان شغله متواضع ويناسبه ويطور قدراته .. وراتبه متواضع ويعيّشه ,,

ضحك فواز لما شاف ابو محمد مرتاع : هههههههههه ... يالله صباح خير .. وش فيك ..

بو محمد : خرعتني حسبت ان المدير جا وانا اشفط من ذا القهوة ولا حركت شي

ابتسم فواز وهو ماشي يطالع ساعته : ماعليك منه ..

جلس فواز على مكتبه ,, فتح الدروج يطلع الاوراق عشان يرتبها ويبدا شغله .. اللي صار ان المدير عينه على كل شي, وحريص كل شوي يطل على الموظفين , لكنه وقت البريك يسولف معاهم ويضحك كنه واحد منهم .. شافو الموظفين المدير طالع يتفقدهم , واتجه لمكتب فواز ..

" فـــواز! متأخر عشر دقايق اليوم "

فواز رفع راسه وابتسم : هلا مديري ,, ليه معـصب ؟

مشعل : ممممتأخر عشر دقايق هذااااا تسيّب انا ما أسمح فيه !

فواز وهو يرتب الاوراق بدون مايطالعه : مشيعل ,, ترا بمرّ العصر,, اخذ اختي فدوى .. ارجعها لبيتنا ..

مشعل علطول : سم طال عمرك تحب اخدمك بشي ؟

فواز ابتسم : عطنا .. مقفّاك

..... : ابشر ! بس مو قدام الموظفين خل لي برستيج شوي ..

..... : اوكي اوكي ,, يو كان جو ناو

مشعل نفخ صدره ورفع صوته : الاوراق على مكتبي اشوفهم قبل الساعه عشر يافواز

فواز كاتم ضحكته قدام الموظفين وهز راسه ,,, : ابشر تامر امر

مشعل ضحك : هع , جود بوي يسمع الكلام

..... : اذلف بس !

..... : تمون انت ووجهك ؟

..... : تراني فجأه ..... اشتقت لفدوى ..ودي اجيب ديم , واجي اليوم كله ... نقعد معاها ..

مشعل بصوت واطي وبنظرات ترجي : لا يرحم امك لاتجي حقتي بس

....... : تيرن يور فيس ,,, كويكلي

...... : ابشرررررررررر بقلبه لابعد مكااااان .............


ابو محمد لواحد جمبه : سبحان الله كنهم ماخذين واحد وحاطينه بالشمس وطلع الثاني

...... : خخخخخخخخخخخخخخخخخخخخخ


قريب الظهر .. كـــان الكل متملل ويبي يرجع لبيته .. دوام , جامعات , شغل , مدارس ..


بس ام نواف في فيلا 15 كانت تنادي ولدها مالقته .. ماشافته يرد عليها , استغربت لانها عارفه انه موجود بالبيت .. وبدا الخوف يدب بقلبها ,, مو معقوله طلع من غير مايقول لي .. راحت لغرفته تركض ودقت الباب ..

بس مالقت رد

فتحت الباب بشويش لقته طايح على الارض , والعرق يغطي جبينه ..

وصرخت : ياااااااويلي ولدي !

قامت تتلفت حولها ماشافت احد , الكل في دوامه ,, هم ساكنين بنفس فلا 15 بجناح في الدور الارضي .. بس هي ماكانت تدري ان بدور ماداومت , تحسب مافي احد بالبيت ..

ماتعرف احد تدق عليه , ماحست بنفسها الا وهي لابسه عبايتها رايحه للجيران

وحرقت الجرس من كثر مادقته ..

مشاري نزل بسرعه وهو يقفل ثوبه : اللهم اجعله خير ,, مين هذا اللي يدق االجرس كذا

مشى بسرعه و فتح الباب ..لقى حرمه باين شكلها كبيرة في السن .. مغطيه نفسها بأهمال .. وقبل لايبدا يتكلم نطقت : ساعدني ياوليدي .. الله يخليك

ارتبك مشاري ولف لوراه ينادي : يمه تعالي , سمي ياخاله عسى ماشر

ام نواف وهي تأشر على فلتهم : ولدي ولدي تعبان ,, مانعرف احد هنا .. مادري شسوي

ارتعب مشاري ودخل للصاله نادى امه وطلع ورا ام نواف بسرعه

...

دخلو الفلا ومشاري يلحق ام نواف بربكه مو عارف يتصرف , اول مره ينحط بهالموقف ..

ام نواف بخوف : شيله للمستشفى ... الله يخليكم الحقو على ولدي

ام مشاري جلستها على كرسي تهديها , ومشاري راح بسرعه جلس على ركبتينه عند راس نواف ورفعه , يحاول يكلمه

ام مشاري بهدوء : لاتخافين ولدي صيدله ويفهم بالطب

ام نواف تعلقت يدها بيد ام مشاري تقبض عليها بخوف

ابتسم مشاري : خاله ماعليه شر بس هو عنده ضغط ؟

هزت ام نواف راسها

وقف مشاري وهو يمد ذراع نواف على كتفه : خلاص بوديه المستشفى يرتاح شوي ويكشفون عليه

ام مشاري : روح ياولدي بقعد معها

ابتسم مشاري يبي يطمن ام نواف من ابتسامته وشاله معاه للسياره وبعدها للمستشفى ..

ام مشاري : وين مطبخكم يام نواف خليني اجيب لج ماي تشربينه

ام نواف ويدها على قلبها تصيح : ما بي شي ابغي اعرف ولدي شفيه

ام مشاري : هدّي ياام نواف وتعوذي من ابليس , الولد قال لج مافيه شي وهذا هو راح المستشفى وبتصل لج عليه اطمنج بعد شوي

سكتت ام نواف شوي تدعي وحبت تغير الجو : ولدج الكبير هذا ؟

ابتسمت : ايه هذا مشاري

..... : الله يحفظه لج , عندج غيره ؟

ابتسمت : اربع اولاد وبنتين ,,

...... : ماشا الله , الله يخليهم لج ..

...... : انتي من اهل المرحوم ؟

رفعت راسها : ايه انا اخته , بس ساكنين بمنظقه قريبه من الرياض ما نجي هنا كثير

...... : إيه انا اول مره اشوفج في العزا ,,

.....تنهدت : إيه نواف خذ اجازه اسبوع وبعدها بنرجع ان شا الله , وابو نواف ساكن هنا مع زوجته الثانيه بس يطل علينا لكن مو كثير

انصدمت ام مشاري بس اتسعت ابتسامتها : الحمد لله على كل حال

ضحكت ام نواف وكنها روقت شوي : عساني ماعطلتج عن اشغالج

.....: لا ابد وش دعوه

...... : مشكورة , تجين معاي المطبخ اسوي لج قهوة

ضحكت ام مشاري وقامت واقفه

...... : شيلي العبايه مافيه احد .. الا اقول ماشا الله يام مشاري اللي يشوفج مايقول عندج ولد كبر مشاري

ضحكت ام مشاري لانها حست ان ام نواف ودها تقول هالجملة من زمان : ههههههههههه ليه

طالعت ام نواف فيها , بجسمها الصغير وملامحها الصغيره وغمازاتها, وشعرها القصير اللي يوصل كتفها , شكلها يعطي بالكثير بالكثير 35 سنه

انحرجت حيل منها وماعرفت ترد , فكملت ام نواف : لا لا , لازم تقولين لي اسمج ماينفع اناديج ام مشاري ابد !

ضحكت وهي ماشيه معاها : امل

ابتسمت ام نواف : الله يخليج لابو العيال , عطيني وصفة ريجيم , يمكن هالرجل يترك ذيك ويعطينا وجه شوي ( ام نواف سمينة )

ضحكت امل و هي تراقب ام نواف , باين عليها راضيه باقدارها لدرجة تتطنز على نفسها همّها تعيش ..

انتبهت ام مشاري انها سرحت شوي : تبيني اكلم لج ولدي اشوف شصار عليه ؟

هزت ام نواف راسها بقلق ,, وتوها بتتكلم الا شافو بدور نازله من الدرج

شهقت ام نواف : بدور انتي ماداومتي ؟ حسبت اني لحالي في البيت !

ابتسمت بدور بتعب وجات صبحت عليها : صباح الخير خالتي , لا ماداومت تعبانه شوي

لفت لام مشاري اللي كانت تبتسم لها , وسلمت عليها : هلا خالتي شخبارك

استغربت ام نواف انهم يعرفون بعض ,, وبرضو بدور كانت مستغربة شللي جاب ام مشاري بهالوقت ,,

ام نواف ,, ماكانت تحب بدور كثير , ماتدري ليه تحس ان لها علاقة بللي يصير لنواف ,,

....... : تقهوي معانا يابدور , دام ماوراج جامعه

بدور وهي تجلس على بنش المطبخ : لا مشكورة خالتي

ام نواف وهي تصب القهوة في الدله : ياحسرتي على نواف لقيته طايح بالارض اليوم , لولا الله ثم امل وولدها الله يعافيهم كان الولد راح من يديني

امل : شالكلام يام نواف الناس لبعضها

بدور اهتزّ قلبها وماعرفت تتكلم : سلامته , شفيه

ام نواف : مدري من جينا هنا وهو بس يتعب (قصدها انه يمكن بسببج )

ارتخت نظرات بدور وقامت رايحه : ان شا الله ماعليه شر

ماحبت امل تعلق فلفت تجيب التمر من على الطاولة الثانيه ...

فيما نزلت ام نواف راسها ترتب الصينية ...




....... : هـــ.. هــــديل ,, هديل نواف تعبان , تعبان

هديل : بدور ارفعي صوتج عندي ازعاج ماسمعج

بدور تصرخ : ياحماره نواف بالمستشفى مره ثانيه , بموت انا .................وربي بموت

ارتاعت هديل : لااااااااااا وش ,, خلاص خلاص سكري انا جايه

3)

بدور تصرخ : ياحماره نواف بالمستشفى مره ثانيه , بموت انا .................وربي بموت

ارتاعت هديل : لااااااااااا وش ,, خلاص خلاص سكري انا جايه

_

سحبت هديل على المحاضره للي كان باقي لها بع ساعه وتبدأ , وراحت دقت على السواق ورجعت بسرعه للفلا , ويدها على قلبها من الخوف ..

دخلت ونزلت طرحتها بسرعه وراحت ركض لغرفة بدور , وفتحتها علطول ..

كانت بدور جالسه على الارض وراسها للسرير , ترجف من الصياح

هديل بسرعة مسكتها :بدور شفيييييييييييييييييييك

بدور وهي تصيح : انا السبب , روحي شوفي نواف , تطمني عليه .. الله يخلييييييييييج

صنمت هديل بمكانها ثانيتين تستوعب , وبدون ماتحاول تعرف السبب .. طلعت بسرعه تدور نواف ..

شافوها ام نواف وامل , ونادوها لعندهم وجات رررررررررركض

هديل علطول جلست ع ركبها قدام ام نواف : يمه نواف شفيه , وينه ياخالتي وييييييينه

ام نواف بهدوء : الحين جاي من المستشفى

هديل توها تنتبه لوجود امل وبكل براءه مدت يدها سلمت ورجعت تطالع ام نواف : اخوي شفيه

ابتسمت امل : بنتك هذي يام نواف؟

ام نواف وهي تمسح على شعر هديل : بنتي بالرضاعه , هديل نواف تعبان شوي بس .. والحين هو بخير ..

طالعتهم هديل شوي بس تركتهم والدموع متجمعه بعيونها , وركضت طالعه لبرا كنها مو مصدقه

ام نواف بكل جديه : انا حاسه ان بدور تحب ولدي !

........ : ........

....... : اجل من اللي قال لهديل ان الولد تعبان هاه؟

سكتت امل ولفو يراقبون هديل اللي طلعت كنها تدور نواف ..



قطعت الحوش الكبير ,, ولما شافته جالس على احد احواض الزرع ,, راحت ركض له وهي تصيح : نواااااااااااف

شافها نواف وابتسم بتعب ..

هديل اول ماوصلت تلقائيا مسكته من يده وحطت يدها على جبهته : نواف الله يخليك قل لي شفيك ليه كذا جسمك بارد

ابتسم نواف : الحين يرجع دافي

هديل وبعيونها قلق كبير : نواف قل لي شفيك

ابتسم نواف : .......

يأست هديل منه : تبي اجيب لك ماي تشربه ؟

برضو يبتسم : ايه الله يعافيج

سكتت شوي ورجعت تقول بهدوء : نواف .. انت كنت تصيح ؟

انتبه نواف انها كانت تدقق بعيونه فعـصب : لا وش قالولج بزر كل يوم طاقّها لي صيحه؟

تضايقت هديل شوي بس ابتسمت وحطت يدها على راسه : اسفه عـصبتك

نواف من غير مايطالعها وهو يسمع صوت مفاتيح :ادخلي داخل فيه رجال , وحطي لي الكاس على البنش

ابتسمت هديل وقامت رايحه ..

مشاري كان داخل , يسمع الحوار ,, بس ماشاف هديل لانها معطته ظهرها , ماشاف غير شعرها وكانت مسويته كيرلي بعد , ابدا ما اهتم

جا مشاري وجلس جمب نواف : ماكان له داعي تعـصب عليها كذا

التفت نواف : نعم؟

مشاري مايهمّه احد : لا يعني شكلها خايفه عليك

نواف تنرفز : خير شدخلك اختي وانا حر , وبعدين لايكون واقف تتفرج حضرتك ؟

ابتسم مشاري وحط يده على كتفه : لا ماني من هالنوع , بس بالغلط سمعتكم ..

نواف علطول هدى من نظرات وابتسامة مشاري اللي تحسس الكل بصدق كلامه .. فمدّ مشاري كيس الصيدلية وحطه بحضنه : وإذا ماخذت ادويتك يانواف مايصير لك خير ..

ضحك نواف ضحكة تعبانه : مشكور تعبتك معاي

ابتسم مشاري واقف : صندوق

عفس حواجبه : وين؟

ضحك مشاري ضحكة قصيرة : ههههه , لا انت صندوق

...... : ....

...... :قلبك ... صندوق فخم وشكله غالي , بس عليه شوي غبار .. وعليه قفل , والمفتاح مرمي بعييييييييييد عشان ماحد يقدر يجيبه ويعرف اللي فيك

ارتسمت على وجه نواف اكبر علامة استفهام , فيما ابتسم مشاري وسلم عليه وطلع ..,,,تارك نواف يحاول يفهم غموضه ..





على الغدا ..

في جالسه بين منصور وماجد , كانو طالبين اكل من برا ,, رز مع دجاج مشوي ,,

ابو مشاري بعد صمت : ماشاء الله المعونات غير منقطعة النظير

ضحكت في يوم درت ان ابوها انتبه : بابااااااااااااااااااااااااا

ابو مشاري يأشر لمنصور وماجد : انت وياه , لاتقطعون دجاج لاختكم , بكره يافيّ لاتزوجتي وقعدتي مع زوجج ع السفرة بتقولين له قطع لي ولا بتقومين منتيب ماكله هاه؟

انطمت في لما شافتهم كلهم يضحكون عليها , وحمر وجهها

مشاري بابتسامه : خلها يبه , ماتعرف البنات ودلعهم

ضحك ابو مشاري ورجعو يكملون اكلهم , فيما اشر مشاري لفي تمد صحنها بسرعه قبل ينتبه ابوها , ونقل لها الدجاج اللي بصحنه ,,

وعلطول التفت ابو مشاري لما انتبه لهم , واعطى مشاري نظره خلتهم يفطسون ضحك , صار كل اللي بالصاله يضحكون بقوة من حركة مشاري , وهو يطالع في ويضحك , طبعا مشاري مايضحك بصوت بس تبان اسنانه .., اذا كثر طلع صوت خفيف حيل

بعد دقايق لما خلصو غدا وجلسو يسولفون

ام مشاري : مالك الله يعافيك قوم جيب اختك شكلها صحت من النوم

فز مالك واقف ورجع للصاله شايل لمى من رجلينها ويمرجحها في الهوا

ام مشاري صرخت : وجع شيلها زين

مالك : خخخخخخخخخخخ لا يمه شوفيها قاعده تضحك مستانسه

منصور نط وشال لمى من يدينه : هاتها جعلك المانيب قايل

مسك منصور لمى وجالس يلاعبها ويبوسها

وماجد يضحك : تحب منصور لان عنده حنان دبل , خخخخخخخخخخخخ ويذكرها بأمي شكلها تتلخبط

الكل : هههههههههههههههههههههههههههه

منصور سافههم

مشاري التفت لفي يوم شاف الكل لاهي عنهم : اقول في

في بهدوء : قول

...... : جيراننا ذول وش قصتهم؟ (يأشر على يمينه)

ابتسمت في : حتى انت مو فاهمهم؟

....... : لا و الله ابد ! قالت لج امي عن ام نواف اليوم الصبح؟

...... : ايه قالت لي , الله يعينهم وربي حالتهم تكسر الخاطر

سكت مشاري وسرح شوي , وسرحت في هي الثانيه ...كنهم بيحاولون يفهمون اهل فلا 15 ,, اللي تغيرو جذريا خاصة بعد العزا ..

اذن المغرب , والكل راح يصلي .. وكانو فارضين اجتماع بفلا 15 ,, لكل العيلة الكريمة ..

الكل كان جالس , حتى اللي مايبي يشوف الثاني , انفرض عليهم يكونون كلهم بنفس المكان ..

المجلس الزيتي واسع وكبير , والقهوة والشاهي تتوسط الطاولة الزجاجية الفخمة ..

البنات متغطين وجالسين , الخوال وحريم الخوال وكل اللي ممكن يكون يقرب لهاالعائلة الصغيرة والغامضة ,, يغطيهم سكون ..

بدور يديها بحضنها تمنع نفسها ترتجف لانها مع نواف بنفس المكان

هديل ساكته تلعب بساعتها اسبريت يمين يسار

ام نواف تراقب بدور وهديل ..

تكلم الخال الكبير , ونطق بعد فترة كان يرتب فيها اوراق وملفات ...

كانو يتناقشون في ممتلكات خالهم اللي توفى , كاتب وصيه موزع بعض الاشياء .. هديل انتبهت ان نواف يأشر لها , كانت نظراته جادة , حازمة وقوية , ومتعبة بنفس الوقت ,,

اللي فهمته انه يحاول يقول لها طلعي بدور برا ,, لاتجلس زياده , كأنه عارف فيه كلام مايبيها تسمعه .. بس هي ماقدرت , نظرات ام نواف عليها , وغير عن كذا لو قامو بيلفتون الانتباه , ويمكن بدور ماترضى تقوم ..

"وانتي يا ام بدور لج الارض..........."

بدور صرخت واقفه : لااااااااااااااا

التفت الكل عليها باستغراب , هالشي خلاها تستوعب اللي سوته , ماكان له داعي ابد تصرخ وتقوم بهالطريقة

الخال الكبير : بدور خير !

بدور دمعت عيونها :أأ .. أأسفه ..

...... : شنو كنتي تبين تقولين !

بدور بهدوء وهي حاسه عيون نواف عليها ماهي عارفه تتكلم : لحد ,, لحد ياخذ شي من خالي

سكت الكل فتوجهت الانظار لها , وعلطول بدور طلعت شخصيتها القوية وقالت بثقه : إيه لحد ياخذ منه ..!

....... : بدوووووووووووووور !

حاولت بدور ماتبين خوفها ,, تبي تتكلم تبي تبرر , بس ماعرفت شتقول , ماتدري كيف تتكلم ...

نطق خالها مره ثانيه : وليه محد ياخذ منه !

انتبه الكل لنواف اللي حط يدينه على فخوذه وقام واقف : انا اقول لك .. خالي كان ,,, يتاجر بالحرام ..

سكت نواف يطالع فيهم ,, اللي شهق و اللي حط يده على راسه .. واللي التفت يطالع نواف وبدور , والكل يحاول يستوعب

......... : حرام وش ؟ خمر ولا مخدرات ولا وش

.............. : كل شي

صرخت ام بدور : وانتو وش يدريكم , ليه احنا ماندري , كيف عرفتو, ووش معنى انتي وياه بالذات اللي تدرون هاه؟

هديل وقفت بسرعه تنقذ الموقف : انا برضو ... كنت ادري !

التفت الكل لها , وبدل ماكانو مجتمعين عشان يتناقشون , قامت خناقه , الكل غاضب على الثلاثه , فتحو لهم تحقيق , هل فعلا خالهم كان كذا , ولا هم يتبلّون ,, وليه ساكتين كل هالوقت , وكيف عرفو , و ايش اللي يخليهم متأكدين .. و ...و.....




بنفس الحي وقفت سيارة اكورد عند فلا 14 ,,

مالك راح للباب يفتحه و الكورة بيده , فرحان خلص واجباته وأبوه سمح له يطلع ..

فتح مالك الباب وشاف واحد لابس جينز وبلوزة كحلي , وابتسم له : مين تبغى ؟

...... : وانا كل يوم يطلع لي من بيتكم آدمي شكل ! انتا اخو ماجد؟

ضحك مالك : لا اخته !

........... : خخخخخخخخخخخخ , هيّا روح نادي اخوك قول لّو عبد المحسن يبغاك

...... : ططططططططيب

راح مالك ينادي ماجد , وطلع رايح للملعب ..

مرت دقايق انشغل الكل فيها , اما امل كانت في المطبخ وسمعت لمى تصيح : ياعيااااال واحد فيكم يشيل اخته عني شوي انا في المطبخ

مشاري وهو ينزل الدرج : يمه مافي غيري بالبيت , نسيتي ان في طلعت مع ابوي

امل : معليه جيب لي اختك ولا سكتها عني الله يعافيك

طلع مشاري لفوق , مايعرف للبزران ولايحب يشيلهم , بس عشان امه ,,

راح لسريرها ومسكها وشالها على كفوفة بطريقة تضحك كنه شايل كرتون كيك .. ونزل الدرج مقرر يبلش ماجد فيها لانه بيروح يجيب اغراض من السوبرماركت

راح للمجلس وشاف محسن جالس يكتب في كتاب شكله يخطط شي .. : هلا محسن

محسن رفع راسه وضحك : اهلين إش اخبارك

ضحك مشاري بدون صوت وتقدم عنده : امسك امسك

محسن مافهمه بس علطول خذ لمى بين يدينه , فمشى مشاري لعند الباب : بروح السوبرماركت

محسن بدون أي مانع ترك الكتاب ومسك البنت , وماجد كان رايح سيارته يجيب كتب منها , شافه مشاري وضحك وهو يتخيل ردة فعله , < كالعاده مايهمه احد , وركب سيارته ومشى

دخل ماجد المجلس شاف محسن ضام لمى لصدره ويدور في المجلس : ااااششششش حبيبتي , لاتبكي , هيّا اسكتي ,, اشششششش , بس حبيبتي بس


ماجد : هههههههههههههههههههههههههههههههههههههههههههههههههه ههههههههههههههههههههههههههه

محسن شق الضحكة ببراءه : إش بك تضحك كذا

ماجد وهو يجي عنده : وش جابها عندك ؟
...... : ما أعرف , اخوك ميشو هذاك دخل واعطاني هيّا وقال لي انو حيروح , إش درّاني انا ..

ماجد : هههههههههههههههههههههههههههههههههههه يقطع شرّك يامشاري هههههههههههههههههههههههههه

..... : هي بنتو ولا اُختكم؟

........ : خخخخخخخخخخخخخخخخ لا مو متزوج هذي اختنا

........ : غريبه شكلو كبير بالمرّه

....... : و الله انت اللي شكلك يموت ضحك وانت ماسكها

محسن وهو يطل بوجهها : إش اسمها طيب ؟

....... : لمى

محسن ضحك ونزل راسه وباسها وقعد يكلمها : يالله اسمك حلو .. عارفه؟

ماجد جا لعنده : هههههههه هاتها لاتلعوزك بوديها للوالدة

....... : لا عادي خلّيها عندي

....... ابتسم : معليه الحين بتبلشك , خلنا نشتغل على البحث برواق

باسها محسن مره ثانيه وعطاها ماجد يوديها لداخل ..





ديم كانت رايحة تزور اهلها , فواز دق عليها وقال لها انه مارح يقدر يجي ياخذها .. جت مع ابوها وفتحت الفلا ودخلت ,, شافت المكان ظلاااام , شكله فواز مابعد وصل للبيت , بس غريبه !

فتحت نور الصاله ووقفت بمكانها ,, كأن هالصالة مو صالتهم !

فيه جدار اورنج فاتح لونه روعه بين الجدران الكريمي الباقية , والكنبات غير , و المكتبه حقت الكتب والتلفزيون متغيره , وحده ذوق وبسيطه اكثر ,, رفوف مفتوحه طويلة بلون خشبي فاتح , وبالطرفين تمسكهم حدايد فضي طافي بسيط ,, واهم شي الطاولة االلي لونها خشبي فاتح الي بنص الصاله , عليها مزهريه مستطيله شكلها غريب . و لونها اورنج مليانه ورد احمر .. ...

تلفتت حولها وشافت فواز واقف عند باب المطبخ , متّكي بذراعه على الباب ويبتسم : شرايج ؟

ديم لمعت عيونها كنها بتصيح : فووووااااااااااز شنو هذاااااااا ياربي

فواز حك راسه بشويش : غيرت الديكور عشانج ,.. يوم سكننا.... ماكنا قادرين نغير ...

ديم رمت اللي بيدها وجت ضمته : مشكوووور فواز و الله مابي شي يكفيني وجودك معاي

فواز ويده على شعرها : هايدي ,, شلون مابي شي .. ارجع الاثاث يعني .. ؟

رفعت ديم راسها شافته يبتسم لها : ليه فواز ؟

...... : عشان يصير عندج ..... مكان كشخه ,,

..... : فوازي مايهمني

.... : انا يهمني ! انتي مو ناقصج شي , محد.... احسن منج ..!

سكتت ديم شوي وبعدت عنه تتذكر تاريخ اليوم , موعد استلام الرواتب , مسكين ينتظر هاليوم عشان يفاجأها ..

حطت يدها على قلبها : يابعد قلبي يافواز !

فواز ضحك : قلبج بس ؟

ديم بدت عناد : أها , قلبي بس !

ابتسم فواز ينتظرها تلف : طيب كيف الصاله ... عحبتج ولا لا ؟

ديم لفت تطالع كل شي بالصاله : بساطتها رووووعه

فواز علطوووول شالها وهي صرخت , ورفعها وجلسها على أعلى رف من رفوف المكتبه : بس قلبج ها؟

ديم تكتفت : أي بس , فووووواااااااااااااااااااااااااااااااااااااااز نززززززلنييييييييييييييي اخاااااااااااااااااااااااااااااااااااااااااااااااا ااااااااف

فواز و هو رايح الغرفة يضحك : أفكر !




ومن صراخ ديم البريئ , الى فلا 15 ,,

بدال ماكانو يتناقشون , عم المكان صراخ , من الكلام اللي فاجأوه الثلاث فيهم ! كيف توهم يتكلمون وكيف واحد يثقون فيه مثل اخوهم يسوي كذا .. .. اللي صدقهم و اللي كذبهم , و اللي مايبي يقتنع اساسا

طلع الكل يفكر لحاله بهالمصيبة .. ! على انهم يجتمعون بيوم ثاني لما يتأكدون ..

بقو الثلاثه بالمجلس بعد ماراح الكل ...دخلو نفسهم بدوامه من غير مايحسون , كانو يبون يصرفون الانتباه عن مشكلة , ودخلو بمشكله ثانيه ...

هديل فتحت غطاها ودموعها بعيونها ..

بدور واقفه بشموخ الدنيا ,, ثابته وماتحركت رغم وجود نواف , يمكن لانها تذكرت اشياء اثرت فيها اكثر

حست هديل بيد على كتفها والتفتت

نواف بعيون تعبانه وحنونه بنفس الوقت : ليه تصيحين ..؟

...... : .........

....... : هديل

...... : هاه

.......: ربي يخليج , انقذتي الموقف ياذكية

ضحكت هديل ببراءه : يعني خالي صج كان ..........؟

هز نواف راسه بالايجاب ,, والتفتو الثنين لبدور

بدور بهدوء : تبون شي ؟ بروح غرفتي

عرف نواف بإيش كانت تفكر وانقبض قلبه وبدت اعصابه تلعب فيه : لا سلامتج (وهمس لهديل) خليج وياها

لفت له هديل : وتعلموني شفيكم؟ احس اني بقرة !

ضحك نواف غصب عنه : ههههههههههههههههه لا مو بقرة , خلاص بقول لج بعدين

راحت هديل ماشيه ورا بدور ,, ونواف شد على نفسه لين وصل الغرفة واستلمته امه تعيد نفس الأسأله , كيف , وشلون وشلي صار

نواف جلس على الكنبه ورجع راسه لورا : يمه ,....... تعبان

ام نواف خافت وجات جلست جمبه : شفييييييييك

غمض نواف عيونه وبدا يتنفس , مع كل نفس يلفظه , يتحرك صدره وبطنه بقوة , يرتفع وينزل

خافت ام نواف وقامت تقرا عليه , شافت مافي فايده وبدا جسمه يرجف .. ارتعبت و جابت بطانيه ,, رجعت وخذت راسه لحضنها وغطته , حوطته بقوة ورجعت تقرا عليه , وعيونها شوي على وجهه , وشوي على رجلينه اللي بدت تخف نفضتها , كل ماضمته اكثر وضغطت على اعصابه , يبدا يخف , لين ينام

وتسهر ام نواف تبكي بهدوء على حالة ولدها ......


اليوم اللي بعده

امل : اللي يوطوط باب الشارع من غير مايفطر ياويله !

ماجد كان رايح بيطلع , فضحكت فيّ : ماماااااااااااااااا ماجد عند الباب

امل : مجود وجع , كلكم على الطاولة اشوف

ماجد وهو يجلس ويهدد اخته بنظراته , وفي تضحك

مالك وهو ياكل : يمه منتي ملاحظة اننا كبرنا , يعني مو لازم نفطر كل يوم !

..... : انطم , هذا جزاة اللي يدور على صحتكم , وين يابو مشاري

ابو مشاري وهو نازل من الدرج : تأخرت ع الدوام

امل بابتسامه : والفطور !

جا بو مشاري بيصرف بس خاف منها وجا عند الطاوله سحب كرسي وجلس وهو كاتم ضحكته

منصور : إيوه يمّه , صح عليج ياقوية !

ابو مشاري ماسك الخبزة بيده : منصور انطم

ماجد ضربه بكوعه : يالمتين احرجت ابوي

......... : خخخخخخخخخخخخخخخخخخخخخ ,

امل : اقول ماجد , ليش ماتعزم خويك على الغدا ولا العشا مره

ماجد : مين قصدج , محسن ؟

...... : إيه , مو انت تقول انه جاي هنا يدرس

...... : طيب وش فيها ؟

....... : لا ياولدي يعني مسكين لحاله مو مع اهله , وربعكم حسبتكم عندي , وهو مايقصر , واحنا مانبي نقصر معاه

ماجد وهو يطالع ابوه اللي يبتسم من كلام زوجته : ان شا الله يمه , بأقرب وقت

مشاري وهو يحط كوعه على الطاوله ويده على خده : فديتها الحنونة و الله

منصور : خلها خلها لابوي يتفداها

امل حمر وجهها فابتسم مشاري : احرجنا الوالدة اظاهر

الكل : هههههههههههههههههههههههههههههه

امل : يقطع شركم مادري متى تعرسون وتريحوني من احراجاتكم شوي

الكل الا مشاري وفي : آآآآآآآآآآآآآآآآآآآآآآآآآآآآآآآآآآآآمين

مشاري وهو قايم : مطآفيق




الساعه ثمان

هديل : بدور قدامي اشوف !

بدور : هاااااااااه هديل وخري مابي

..... : مش على كيفج قومي لازم تداومين

بدور وهي تشرب شاهي : طيب طيب بداوم ببجامتي

هديل فتحت الدولاب وسحبت لها بلوزة تركواز وتنورة سودا : لبسي اشوف ! دوام بتداومين , ولوسمحتي ترا وراي محاضرات لاتعطليني ..

ابتسمت بدور وباستها على خدها وخذت الثياب منها , وراحت تبدل ..


في الجامعه

"لوسمحتي البنت اللي هنا اللي لابسة اصفر , معانا؟ "

في طلعت من سرحانها وابتسمت : أها

..... : اسمك ايه؟

..... : فيّ

...... : طيب يافي خليكي معانا ماتفكريش بحاجه تانيه خاااالص

كتمت في ضحكتها وهزت راسها بخجل , لانها كانت تفكر بابطال قصتها الجديده ,وتكتب على طرف دفترها ملاحظاتها والاحداث اللي بتصير ..

بجهه ثانيه هديل كانت سرحانه برضو , بس قلقه , مرتبكه وضايقه .. نواف وبدور بينهم شي , وهي تخبي عنهم , وتصرف لهم قدام الاهل , تدخل بينهم بكل شي عشان محد يقول شمعنى هم , بس ماهي عارفه شفيهم , قلبها منقبض حاسه بضيقتهم وتعبهم

هم شفيهـــــم؟
هم ليه دايم الهم يعتريهم ؟

امس تقابلو بكت عينه
وبكت عينها ..

واحس بضيقه دايم تجيهم ..

شالقصة !

ابي اسأل ... بس مافيه ابد فرصة !

آه يابدور ..

احس الوقت فيك .. يدور

واحس قلبك فيه شي لنوآف..

بس ماينشاف ..

"وووووووووووووووووووووووووووووووووجع"

انتبهت هديل لما صقعت بوحده وتطايحت كتبهم ع الارض

هديل بارتباك : سووووووووري مش قصدي , كنت سرحانه

عبير تطالعها : انتي؟

هديل تغير وجهها (يالله ماني ناقصتها ) : يا الله سوري عبير مانتبهت ,,

عبير التفتت لصديقتها بقرف : استغفررررر اللله شووووووفي زي بلووووووزتي , ووووووععععععع

هديل طالعت في لبس عبير وضحكت : هههههههههههههههه سبحان الله


...... : شلون شريتي البلوزه هذي ماركه وانتو ماعندكم فلوس انتم قراوى اصلا

...... : عبير ! حياتي فيها اشياء مهمه اكثر منج , ماني رايقه لج

...... : اووووووبس متضايقه هدول , ليه ابوج ماعطاج مصروف اليوم خخخخخخخخخخخخخخخخخخخخ

هديل بذوق رفعت كتبها وكتب البنت لانها طيحتهم , ومدتهم لها , بس عبير ردت بوقاحه : غصب عنج تشيلين اغراضي , دام ابوج يشتغل عند ابوي , انتي مفروض تخدميني متى مابغيت فاهمه !

مانصدمت هديل من الكلام بس ضحكت وعطتها الكتب : عبير ..

سحبت الكتب بغير نفس : نعم !

...... ضحكت : تخسين !

مشت عنها هديل وتركتها مقهورة من كلامها والبنات يطالعونها ,, واللي زادها ان صديقتها همست لها : ترا البلوزة احلى عليها لان جسمها احلى .....