الجزء السادس عشر

حاولت أنام أو على الأقل أريح راسي من التفكير صعب علي الوضع كله صعب قلبي ما ينبض إلا لسالم أكيد الي بيسمع عن قصتي بينتقدني بيقول متزوجة وتناظر غير زوجها لكن سالم غيييير سالم حسسني بقيمتي صح ما صار بينا شي بس يكفي اني اهمه يكفي اشوف في عيونه الحب الشوق عكس إلانسان المريض الي اعيش معه كل شوي بمزاج يبيني تسليه يسلي روحه فيها نسى أني انسانه لي مشاعر حرمني من الحب يمكن أغلبكم يقول عيشي معه وكوني قصة حب بس قلبي ما يبية قلبي منجرح منه شوفت سالم اليوم جددت الألم في قلبي آآآآهـ ياربي
..: نوووووووووره
نوره : بسم الله الرحمن الرحيم
منور : هههههههههههههههههههههه بسم الله عليك وش المفاجأة الحلوة ما كنتي في القصيم وش جابك هنا
نوره : ابد عامر جابني
منور : اخس اخس تطورات
نوره بعد تنهيده طالعه من القلب: ابد شتقنالكم
منوره : نامي ترى انا راسي مصدع وبنام البارح سامرين لحد ثنتين الفجر
نوره : نامي احد ماسكك
طلعت من الخيمه وخليت منيره وساره نايمات فيها شفت سيارة سالم تحرك خساره بيرحون وبتروح عمتي وانا ما سلمت عليها سمعت صوت وراي
نوره : هلا والله نجود
سلمت عليها
نجود : هلا وغلا بنوره تو ما يحلى المكان بوجودكم ما ناقصنا إلا انتو
نوره : الله يسلمك يارب
نجود : عسى ماشر يا نوره ليش الحزن
نوره : آه يا نجود
نجود : بسم الله عليك وش فيك
نوره : احس بنفسي تكه داخلي بركان أحسه بيثور في أي وقت
نجود : أمشي معي نروح فوق ذاك الرجّم " جبل "
ومشيت أنا ونجود لحد ما بعدنا عن المخيم ورقينا فوق الرجم
نجود : يالله قولي الي في خاطرك
نوره : صعب الأنسان يشكي يا نجود كل شخص فيه همه مابي ازود على احد
نجود : افا يا نوره ليش ما تعتبريني بنت خالك او ما تثقين فيني
نوره : لا والله يا نجود اني احبك وزاد حبك انك بنت خالي وخت نجلا زوجة خالد
نجود : افا يعني تحبيني عشاني اخت نجلا
نوره : ههههههههههه يالله اجي شمال تروحين جنوب احبك لانك نجود ارتحتي
نجود : ايوى اخيرا ضحكتي خلك مثل ما عرفتك يالله بوحي بالي في قلبك قوليلي وش مزعلك مع اني تقريبا فاهمه بس ابي اسمع منك
نوره : اسمعي يا نجود بقولك حكايتي من بدايتها لنهايتها واتمنى تفهميني وتريحيني لأني بين نارين
وبديت احكي لنجود قصتي ومعاناتي من حبيت سالم لحد ما تزوجت عامر وسافر والأسبوع الي قضيته معه وكان جوابها
نجود : يا نوره انا بكون معك صريحة وبما أنك فتحتي قلبك لي فأنا بفتح قلبي لك وبقولك عن الي صار لي وأكيد يا نوره وقتها بتفهمين وش ابي اوصل لك تزوجت سعد خطبوني كان انطباعي عادي تزوجت نجلا وكنت وقتها شاطره بالمدرسه ومهتمه بدراستي يوم تزوجت اختي صرت افكر في الزواج وعرفت ان الحين الدور علي وبعدها تقدم سعد لخطبتي خطبة تقليدية عن طريق العائلة سعد شخص كل بنت تتمناه صالح يخاف الله كل المواصفات فيه ويكفي انه متعلم و متوظف قبلت بعد ما شفت الفرحة في عيون امي وأبوي طبعا كل أب يفرح بتوفيق بناته خاصه اذا الشخص الي متقدم لهم إنسان فيه مثل مواصفات سعد بالصلاح والهداية يعني شخص يطمنون على بنتهم معه تزوجت أنا طبعا ما اعرف شي اسمه حب وما عمري جربته لكن كنت اتوقع اني بعرفه بسعد تزوجت شفت انسان صامت تخيلي بسبوع عرسي ما يتكلم معي الا كلمة او كلمتين تبين شي ناقصك شي حسيت بضيقة حسيت كأنه مجبور على الزواج مني توترت ما عرفت وش اسوي جتني حالة إحباط لدرجة شوي اوقف شوي اجلس اطلع على ساره وكون بعالم ثاني خالتي ام سعد عمي كلهم يكلموني يمزحون معي انا بعالم ثاني افكر كيف انفصل منه بهدوء وقتها فكرت مستحيل اجلس مع انسان ما يبيني لكن اسلوب سعد وحترامه الشديد لي ومعاملته لامه وابوه خلتني غصب احترمه وينبض قلبي له وقتها وقفت وقلت والله ما اخسره فرشت سجادتي تالي الليل بغرفة ثانية عشان ما يحس علي وقعدت ادعي " ياحي يا قيوم أصلح لي شأني كله ولا تكلني إلا نفسي طرفة عين " كنت ادعي وابكي وكنت بنفس الوقت اقوم بخدمته يقوم يلقى فطوره كنت اسولف معه امزح ما اعتبرت هذي اهانه لي كنت اعتبره بيتي وهذا سلاحي الي ادافع به في البدايه ما يرد علي اذا سولفت بعدها صار فيه تغير بسيط كان عليه تصحيح ويجيب اوراق للبيت واجلس اصحح معه ونقعد سوالف وضحك كنت اعلق كنت استغل كل فرصه عشان اخلق جو مرح كنت اعيش معاناة ورب البيت اني ابكي بلحالي على حالتي كنت اشوف بعيونه حب بس مو لي شوي شوي فتح قلبه لي كان قلبي يعتصر وهو يقولي عن الأنسانه الي يحبها وكيف ما قدر يرتبط بها كنت اسوي نفسي متعاطفة معه وانا احترق غيرة شوي شوي قلبت الآية وصار يحبني ولا فيه صغيرة ولا كبيرة بحياته إلا قالي عنها عرفت شلون اكسبه شفت نقاط ضعفه وشفت نقاط قوته صاروا اهله اهلي يعني بالمختصر تمسكت فيه والي فهمت من كلامك يا نوره ان عامر يحبك ومو حب بسيط حب بجنون
التفت عليها وعيوني متروسه دموع
نوره : شلون
نجود : يحبك لكن ما عرف يعبر عن شعوره شخص مثله عاش مدلل كل شي يبيه يلقاه حتى الحب الكل يحبه والكل يتمنى رضاه وجاه شخص هو الوحيد الي يبي حبه لكن هالشخص ما يبيه طلعت عصبيته بانت يشوفك ويبي قربك وانتي تبتعدين عنه وش سوى حاول يبين عكس تصرفاته صار شوي يكون حنون شوي عصبي يعني مزيج مشاعر مختلفة يا نوره عامر شخص الكل يمدحه وأولهم سعد وانا اعرف سعد ما يمدح شخص إلا إذا كان يستحق المدح سالم حب مراهقة مايجوز انك تتركين زوجك عشانة يعتبر الحين غريب عليك وبعدين رفضك وجلوسك بغرفة ثانية بعيدة عنه حرام
لا يجوز للمرأة أن تمنع نفسها من زوجها ومن فعلت ذلك ارتكبت إثماً عظيماً ووقعت في غضب الله ولعن الملائكة. فقد جاء في الحديث عن النبي صلى الله عليه وسلم أنه قال: (إذا دعا الرجل امرأته إلى فراشه فلم تأته فبات غضبان عليها، لعنتها الملائكة حتى تصبح) (البخاري ومسلم). وفي رواية (والذي نفسي بيده ما من رجل يدعو امرأته إلى فراشه فتأبى عليه إلا كان الذي في السماء ساخطاً عليها حتى يرضى عنها) (مسلم).
وانتي يا نوره إنسانه متعلمة لا تهدمين حياتك بنفسك وتندمين وقتها ما عاد ينفع الندم اذا رجعتوا تجهزي ودخلي على غرفته ونامي معه وخلي الشيطان وسوسته
نوره : مقدر مقدر يا نجود هذي اهانه لي
نجود : تنفيذك لأمر ربك إهانة معقولة هذا تفكيرك يا نوره انتي حكمي عقلك فكري بأوامر ربك ربي ما يأمر بشي إلا للحكمة افرشي سجادتك وطلبيه وروحي لزوجك وعيشي حياتك وحاولي تحبينه وعطي نفسك فرصه لا تأخذك المكابرة وتتبعين هوى نفسك وتعصين ربك وبعدها تندمين ولا ينفع الندم حاولي وبعدها اذا شفتي معاملته مو زينه لك وان الحياه معه صعبه اتركيه
نجود : بخليك الحين وفكري في كلامي زين

راحت نجود جلست افكر في كلامها فكرت يوم راح وخلاني صرت بين نارين كيف تركني وكيف اروح له بنفسي كنت اعتبره اني ارمي نفسي عليه ياربي انا بين نارين نار ابي اعرف ليش راح ليش تركني وبين رضى ربي علي ومعصيتي له اني اتمنع عنه
....: وش جالسه تسوين
التفت شفته هذا آخر شي اتمناه
نوره : ما نمت
عامر : حاولت انام وما جاني نوم والشباب نايمين شكلهم سهرانين البارح ومافيه الا الشيبان وطلعت اتمشى شوي وشفتك

كان متردد شوي رجع ناظرني

عامر : نوره
ناظرته ابي يتكلم
عامر : نوره أنا آسف اذا سببت لك حزن بحياتك
نوره : تتوقع الأسف بينفع بيمحي حزن سبع سنوات
عامر : اول شي أنا سافرت خمس سنين وش دخل سنتين
نوره : سنتين قبل اعرفك كانت كلها قمة سعادة وتصدق اندمجت مع الخمس وصارت ذكرياتها كلها حزن
عامر : آها فهمت
نوره : وش فهمت
عامر : فهمت الي فهمت
نوره : يعني بالله عليك هذي حياة كل شي اسرار فهمني وريحني قولي آسبابك ابي اعرف يمكن تطفي النار الي بقلبي
عامر : اسمعيني يا نوره واتمنى كلامي الي اقولة لك يريحك ولا يزيد معاناتك أنا يا نوره اسمع امي دايم تمدحك وتحبك وتشوف فيك البنت الي فيها ريح الأولين البنت راعية البيت بالصريح تشوف فيك بنتها الي ما جابتها ما مدحت بنات خالتي كثرك ما يهمني الموضوع وكنت وقتها ما افكر بالزواج او ما اعرف الحب بس عبير بنت خالتي كانت دايم تحط لي رسايل وهدايا وكنت اتحاشاها ما اعطيها وجه ما حبيتها بالمعنى الصريح كنا رابين مع بعض والجمال الي يشوفه الكل فيها كنت اشوفه عادي ما كان يجذبني أشياء كثيرة مرت بحياتي كنت مهتم بدراستي وجيت ابوي اطلبة ادرس برى ورفض طبعا لأني وحيدهم مايبي يخسرني كنت احاول له لدرجة اني بكيت عنده رفض يعني صعبه رجل يبكي إلا إذا يحب شي وما يبي يخسره جبت نسبة عالية وابي ادرس برى لكن ابوي رافض وامي رايها من رايه جيتها وقعدت اطلب منها تأثر في ابوي وابوي يحبها وينفذ أي قرار تقوله وافقت أمي وشرطت علي شرط إلا وهو اني اتزوجك انصدمت في البداية ورفضت لكن في الأخير وافقت ومع موافقتي كنت واقف عند باب بيتنا شفت سالم يوم رمى عليك الشريط عرفت بحبه لك وهذا من خلال التعليقات والحروف الي حاطها بسيارته لكن حب اني اسافر واخذ الشهادة وجرب حياة ثانية كانت المسيطرة علي تزوجتك وما اخبي عليك ان قلبي يوم شافك انفتح لك بس كنت أكابر كنت راسم لحياتي شكل غير وكان الزواج اخر هتماماتي شفتك صغيرة رحت وسافرت وكنت اسولف مع راشد وما أخبي عليك كان يكلمني عنك كان يقول سوت زوجتك فعلت زوجتك كتبت بالجريدة لدرجة اني شريت مره عشان اشوف وفعلا جذبني موضوع انتي كتبتيه بديت افكر فيك بديت اتخيل حياتي معك وكيف بيكون اشكال اطفالي استحيت لا تضحكين علي يا نوره استحيت اطلب اكلمك وش اقول وش ابرر لك لكن في يوم كلمتني امي الي بنفسها شرطت اني اتزوجك طلبت مني اطلقك وحبك بدى ينمو داخل قلبي رفضت ورفضت بقوة لو ما كانت امي قفلت بوجهها التلفون رجعت وشفتك هذاك اليوم بالخيمة حسيت باحاسيس ما تنوصف حسيت اني ناقصني شي ولقيته دخلتي هذاك اليوم علينا وعيونك معلقة على سالم أحرقتني حسيت اني ولا شي اني بحياتك على الهامش عرفت اني خسرت الماسة استانست يوم شفتك بتروحين معي لبيتنا لكن انا ما عرفت شلون أخليك تحبيني ما عرفت شلون اعوضك يا نوره أنا مالي خوات ولا اعرف اتعامل مع البنات مالي علاقات ولا اقراء روايات ولا اشوف تلفاز اهتمامي بدراستي بحياتي و اصدقائي ونادي الي مشترك فيه عشان كذا ما عرفت شلون اكسبك كنت احاول ما عرفت حاولت أتقرب منك بالقصيم صديتيني جرحتيني بصدودك وانتي ما تدرين مقدر اخسرك يا نوره مقدر ولا راح اسمحلك تهدمين حياتنا

ضاعت الكلمات مني كنت منزلة راسي واسمعه قنبلة ورى قنبلة كانت تتفجر قدام عيوني معقولة عامر يحبني معقولة تصرفاته هذي من حبه لي رفعت عيوني له تعلقت نظراتنا مع بعض شفت فيه خجل حمر وجه ونزل راسه من جد صار كأنه البنت ما عرفت وش اقول ولا وش اتصرف سكت وطال سكوتي وقتها
وقف عامر ومشى وخلاني حسيت بضيق ليش راح وخلاني كان يمشي ويركل الارض برجولة مدري ها الإنسان وش يفكر فيه

ما أكذب عليك اذا قلت لكم اني حسيت بفرح يوم فتح عامر قلبه لي حسيت مثل العطشان الي لقى ماء حسيت براحة غريبة مشيت ورحت للبنات وكنت ناويه انكد عليهم دخلت لقيت نجود تفطر رغد شفتها وابتسمت لها وابتسمت لي حسيت اني ضخمت الأمور وصعبتها علي ولو ماسهلتها لي نجود يمكن ما تكون سهلة خذيت مويه وصرت ارش على البنات

ساره : اووووووه وش هذا بسم الله

نوره ونجود ورغد : ههههههههههههههههههههههههههههه

نوره : بسم الله عليك قومي
ساره وهي تفرك عيونها : متى جيتي
نوره : جيت ورحت وتمشيت وانتو عادكم نايمين ما تشبعون نوم انتو
ساره : شوفي اختك برميل نوم ولا قامت على الأزعاج
رفعت منور الغطا : بسم الله علي من عينكم شوفوني قايمة جتنا نوره بإزعاجها
نوره : يا بختكم بس اقول امشو خلونا نروح للشيبان بالخيمه الثانية
ساره : لا حبيبتي عامر مو من قرايبنا عشان نطلع عنده
نوره : يا عمري خلاص عامر من يوم ما ارتبط اسمي بكرته وهو صار من عائلتكم غصب
منور : اوف اوف تطورات والله تغيرنا سبحان الي يغير ولا يتغير
ناظرت نجود الي ابتسمت لي تشجعني طلعت للخيمة الثانية دخلت لقيت جداني وكلهم بالخيمه ومن بينهم عامر الي نزل راسه يوم دخلت زعلت ليش نزل راسه سلمت عليهم وجيت وجلست جنبه يمكن تقولون تهورت مدري ليش جيت جنبه حسيت بتوتره من حركة يده
امي : اخبارك واخبار اهل القصيم
نوره :ماعليهم كلهم الحمدلله بخير
راشد : هاه شفتي القصيم ياالنوير
عامر : ههههههههههههههههههههههههه حلوه النوير
التفت عليه وجت عيني بعينه وابتسمت : اعجبك النوير
نوره : رويشد اعقل قبل اشيش عليك سوير
راشد : يا قلبي ما تقدرين
امي : خلها تعلمنا وش شافت بالقصيم
نوره وعامر : هههههههههههههههههههههههههههههههههه لقط
التفتنا على بعض قلنا الكلمة بنفس الوقت ابتسمت وكملت : القصيم تعرفون بيت جدي الله يرحمه الطين
الكل : الله يرحمه
نوره : ابد مثله نخيل وبيوت طين وبيوت شعبيه يعني كل الأشكال حسيت بذكرياتي يوم كنا صغار
راشد : الله وطفولة
عامر وراشد :هههههههههههههههههههه
نوره : اقول احترم نفسك
عامر : اقول يا خاله ما عندك صوره لنوره يوم كانت صغيرة
راشد : ما يحتاج تطلب صورة روح لاقرب عنز وشوف صخلتها
الكل : ههههههههههههههههههههههههههههه

نوره : قسم بالله ما تضحك ودمك مافيه اثقل منه
عامر : اقول رويشد احترم نفسك وبعد عن زوجتي قبل اسنعك
راشد : وش بتسوي يعني تبي نتطارح يعني ونشوف من يغلب
عامر : ما انصحك تدري ليش لأني ماخذ الحزام الأسود بأمريكا
راشد : اجل يابوك هونا
الكل : هههههههههههههههههههههههههههه
ابوي : اقول ترى تبريت منك يا راشد اذا الرجال غلبك
نوره : هههههههههههههههههههههه تستاهل
راشد : والله يا يبه راحمه وراحم اختي تسهر عليه الليلة تعالجه
الكل : ههههههههههههههههههههه
نوره : صرف صرف ورنا ونحكم
راشد : اقول وش رايكم بس نتمشى
عامر : عاش مصرف
راشد : اقول نوره وش رايك تنادين ساره دام سعد مو معنا استغل الفرصه اتمشى معها
جدي : لا والله تبي تروح معها وتتمشون وانتو ما بعد اعرستو
صرت اناظر عامر وحاول اكتم ضحكتي وهو بعد على شكل راشد الي انصدم ونسى جداني وانهم يعتبرونه عيب ومنقود عندهم
راشد : يبه الناس تطورت والواحد اذا تملك يا خذ زوجته ويشترون اثاث بيتهم وانتو عشاني بتمشى معها منقود

جدي : أي بالله منقود تبي تروح تلعب بذيلك
نوره وعامر : هههههههههههههههههههههههههههههههه
راشد التفت علينا: أي اضحكوا وش وراكم
راشد : خلاص يبا بنتشمى جماعه بيروح معنا ابو شباب هذا وهو يأشر على عامر ونوره البنات كلهم

تكلم شخص من زمان ما تكلمت عنه عزوز : اقول ريح عمرك بترفض ساره
نوره : هلا وغلا بعبد العزيز عاش من شافك يا مغبر
قام عبد العزيز وهو يفرك عيونه : عاشت أيامك انتي ابد من جا عامر من السفر وانتي غاطسة عندهم
انحرجت رفعت عيوني لعامر الي ابتسم لي
راشد : اقول انتو شكلكم تبون تضيعون السالفه يالله خلونا نتمشى بالسياره

وقفنا ورحت اعلم البنات عشان يتجهزون وصرنا بسيارتين سيارة راشد وعبد العزيز يوم ابعدنا شوي
التفت علينا راشد كنت معه انا وعامر بس وساره ومنيرة مع عزوز تأكد راشد انا ابعدنا عن المخيم
راشد : اقول وش رايكم تنزلون وتخلون زوجتي تجي معي
عامر : طردة وش خلاني اركب معك ما خذيت نوره ورحت اتمشى انا وياها على السيارة
وقف راشد عبد العزيز ونزل ساره الي بغى يغمى عليها من الحيا وراحت معه يتمشون بروحهم هي الحين زوجته ومتملك عليها لكن الشيبان لهم راي وعادات وحنا منيره وعبد العزيز وانا وعامر كنا بسيارة وحده المهم ان عبد العزيز وعامر اتفقوا علينا وصار يطعسون بنا على العروق الحمر الكبار منيرة راح الحيا الي فيها من عامر وصارت تسب بصوت عالي وانا شوي اصارخ شوي اضحك
نوره : ياربي كأنا بجندول شوي نازلين شوي طالعين
عامر : خلاص خلاص وقف لاتكسرهم
منيرة : لا ما قصرت الله يجزاك خير
الكل : ههههههههههههههههههههههههههه
نوره : ترى منور ما تداني شي اسمه ملاهي والحين بنظرها كأنا مبلاهي
عامر : لا ومجاني بعد وش تبي
منيرة : ما بيها لونها مجاني أي يا راسي
نوره وعامر : ههههههههههههههههههههههه
عبد العزيز : وش رايكم نكد على راشد
عامر : فكره خلني اسوق بوريك فيه
عبد العزيز : افا يعني مو واثق في سواقتي
منيره : ههههههههههههههههههههههههه الله يجعل حيلهم بينهم
عامر : ههههههههههههههه الا واثق بس انا بتلف اعصاب راشد
نوره بخوف : لا تبون تروحون اعمارنا مو صاحيين انتو
عبد العزيز : خايفه على عمرك
نوره : ليه تحسبنا مثلكم مهبل هجوله وتفحيط على بالكم تسلية وياما راح بعمار شباب
عامر ببتسامة : لا وتعرفين الهجولة
نوره وهي منحرجة : ابد الله يطول في عمر عزوز ولا كان ما عرفتها
منيره : قسم بالله دمار تصدقون شفت برنامج على الرياضية يروع جايبين شباب الي يفحطون وكل واحد يقول وش يسوي الي يحط والعياذ بالله معه ورعان والي يحط الي جنبه بنات
عبد العزيز : احيانا التلفاز ما يخدم شوفوا منور صارت تعرف الي يعزز هذا يسمونه معزز
نوره : الله يزيدني فيهم جهله يعني الشباب ذولي الي فسدو أمة محمد ما خافوا من عقوبة الله ما عرفو ان الله شديد العقاب ويكفي عذاب الله لقوم لوط وفيهم الصغار والكبار بالسن شملهم الله بالعذاب الله يكفينا شرهم يارب
عامر : تصدقون عاد انتشر الفساد صاروا يجاهرون الحين فيه اول كان كل شي بالدس الحين مجاهر
منيرة : انقطاع المطر مو دليل على كثرة المعاصي اكثروا الاستغفار بس الله يجنينا
عبد العزيز : اشوف هونت يا عامر مراح تجنن راشد
عامر : هههههههه لا خلاص خله الولد الحين عايش جو نخرب عليه
عبد العزيز : ألا بسئلك يا عامر انا صراحه خاطري ادرس برى وش رايك
عامر : تبي الصراحه يا عبد العزيز ادرس بين اهلك وحول ربعك وناسك ديرة تسمع اصوات المساجد بكل وقت اذا طلعت هذا بيت اخوك هذا بيت صديقك هذا بيت قريبك مو ديرة ايدك على قلبك وكل الي فيها ما يدانونك ويبطنون الكره لك عشانك مسلم
عبد العزيز : افا وانا خاطري ادرس
منيره : اقول استريح وعين خير
عبد العزيز : احد كلمك يام لسانين
نوره : ههههههههههههههه بدت الحرب
التفت علي عامر وابتسم حسيت بحراره لا مو حب مدري لكن يمكن بداية حياة جديدة
نوره : اقول عزوز ردنا يمكن الحين زعلانين علينا
عامر : اصبر خلنا ناخذ ساره قبل يدرون الباقين
منيره : لالا تكفون خلونا نخون فيهم ويدرون عنهم
نوره : يا الخبله راح يحرمونا من الطلعات يعني تبين تسوين شي بينقلب فوق راسك
عبد العزيز : ههههههههههههههههههههه أي بتهون عشان طلعات البر
منور : أي بهون حنا ما رحنا ما تعدينا حدود الرياض تبخل علينا بطلعة بر
عامر : صدق ما سافرتو برى الرياض
نوره : أي والله تذكرين منور يوم راشد راح لأبها
عبد العزيز : هههههههههههههههههههههههههه اكيد بتذكر يوم صرتي تهلن العبرات
عامر : ههههههههههههههههههههههههه افا خلاص راح نعوضكم كم باقي على نهاية الترم هذا
منور : يمكن شهرين
عامر : خلا ولا يهمكم بروح لأبها
منور : جدددد
عامر : اعتبريه وعد
التفت علي : هاه نوره ما قلتي وش رايك
كنت مستحية وش اقول : براحتكم
عبد العزيز : براحتكم وبقلبها ترقص رقص اختي وعرفها حركات
عامر ومنور وعبد العزيز : ههههههههههههههههههههههههههههه
نوره : ههههههه داخل قلبي انت
عزوز : والله هذا الي اتوقعه
من جد فرحت خاطري اشوف ابها دايم اسمع الكل يمدحها وانا ولا عمري زرتها بس الحين شلون وش قصده عامر يعني يبي يبين لي انه مراح يطلقني آه
منور : بسم الله عليك وش فيك تتنهدين
نوره : ولا شي
رجعنا على وقت الظهر تقريبا اشرو الشباب لراشد عشان تجينا ساره الي دخلت معنا وهي تضحك وحسينا انها اندمجت مع ابو الشباب بدينا بتجهيز الغدا حنا البنات كانت فعلا رحلة البر شي خاصة الجو بالعصر خيال يوم ما يكون فيه هوا التربة الحمرا والرمل والعشب واصوات الطيور والجبال او مثل ما حنا نقولها العروق كل شي يخلي الواحد منشرح صدره رحنا يالبنات وقعدنا لعب بعيد عن المخيم نسترجع ذكريات الطفولة يوم جهزنا الجمعه للرجعة الصباح ضاقت صدورنا بنرجع للحكره وانا كنت صراحه ما احاتي الرجعه كنت احاتي وش بينتظرني هناك وش راح اسوي توكلت على الله ورجعنا كان طول الطريق مشغل اذاعة القرآن اليوم جمعه وكان برنامج نور على الدرب الصباح يجي المهم كان موقف محرج اتصلت حرمة على المفتي صراحه كان سؤالها على الجرح كانت تسئل وش حكم انها تنام بغرفة منفصلة عن زوجها لأنها زعلانه منه زعل بسيط لكن الي يحرج مره يوم مد يده عامر وطول على المسجل كأنه يبي يوصل رساله لي يعني اسمعي
ما دريت وش اسوي وصلنا البيت تقريبا الظهر قبل ما يقيم للصلاة وراح عامر للمسجد ان استغليت الفرصة وقعدت اتجهز كأني عروس من جد وجديد لبست وتكشخت وطلعت على خالتي الي جالسه بالصالة وقعدت اسولف معها واعلمها عن رحلتنا وش سوينا جا عامر واستحيت من نظراته الي ما شالها ابد عني كنت اناظره ابيه ينزل عيونه لكنه كان مستمتع
يوم شفته احرجني مره رحت للمطبخ ابي اشغل نفسي
جهزنا الغدا والكل تغدا وانا ما تهنيت جالسه افكر وش بسوي الحين يعني الخطوة الأساسية علي قمت قبلهم وغسلت ايديني ورحت للغرفة الي ينام فيها انتظرت يمكن ربع ساعه في الأخير سمعت صوت الباب يوم فتح ناظرني تفاجأه ابتسم وانا تعالوا دوروني ودي الأرض تبلعني جا وجلس جني وانا منزلة راسي مد يدة ومسك ايدي الي ترجف وقالي : نوره مراح تندمين ان شاءلله بكون لك الزوج والاب والاخ والولد بعد وضحك يبي يوخر من الأحراج ابتسمت

وهنا بدت حياة جديدة مع عامر راح تشوفون احداثها في البارت الجاي

الجزء السابع عشر


كنت جالسة عند خالتي أم عامر و سولف معها بعد العشاء ونضحك فجأة رفعت عيوني شفته متسند على الباب ويطالعني وابتسم يوم جت عيني بعينه حسيت بحراج وحرارة فضيعة تذكرت كلامه لي جا يمشي وتعمد يجلس جنبي لزق فيني مره ومسك أيدي وسحبها له ويلعب بأصابعي والخاتم الي في أيدي كان يحركه توترت وأغلب إحراجي كان من خالتي كانت ترفع نظراتها كأنها تبي تتأكد هل فعلا علاقتي مع عامر زينه او بس قدامها

خالتي ام عامر : عامر يمه روح جيب لنا من المخبز الطايفي خبز فرن مشتهيته

عامر ويأشر على خشمة : على ذا الخشم
وقف عامر وترك أيدي بعد ما رص عليها
بعد ما طلع عامر للمخبز التفتت علي خالتي كنت حاسة أنها أرسلت عامر عشان تصرفه وتبي تسئلني
خالتي : يمه بشري شكلك هونتي من إلي براسك
هزيت راسي مدري ليش الكلمات صعبة تطلع مني احيانا الواحد ما يعرف يعبر تضيع الحروف يعجز يجمع جمله هزيت راسي وانا احاول اقنع نفسي قبل اقنع خالتي
قعدت خالتي تكرر الجملة : الحمدلله الحمدلله الحمدلله الله يكملك يا بنتي بعقلك والله يرزقك بالذرية الصالحة
يوم طرت خالتي الذرية حسيت بحساس حلو تخيلت شكلي وبأيدي طفل صغنون شايلته ابتسمت ورحت للمطبخ اذا بوه خبز فرن فأكيد يصلح معه حليب وجبن سايل وهذا كان المخطط الي اقترحته خالتي وصار عشانا خفايف جبت الحليب والكاسات ورجعت للمطبخ اجيب باقي الأغراض ومع جيتي صادفت جيت عامر
نزلت الأغراض ورتبتهم أنا وياه كنا نوزع الكاسات وهو يصب الحليب وخبط راسه براسي ورفعت عيوني له همس لي : بسم الله عليك
ارتجفت كلمته عاديه الكل يقولها بس نبرته غيييييييير فيها أحساس شعور صعب الواحد يترجمه يمكن تقول اختك بسم الله عليك يمكن يقولها اخوك يمكن امك ابوك أي شخص بس ما يكون تأثيرها مثل ما أثرت فيني كلمته مدري يا أنا أتخيل يا فعلا عامر حنون مو علي بس حتى على امه وابوه كتمت أنفاسي وجلست جنب خالتي اتهرب منه أحاول أهدي نفسي ابي أعرف افكر أبي افهم وش ابي اوصل له بعد ما تعشوا قام عمي وراح لغرفته ولحقته خالتي جيت بوقف الم السفرة لكن يد عامر مسكتني
عامر : خليها عنك بتشيلها الشغاله تعالي
مشيت معه وهو ما سكني مع يدي وكنت امشي معه وأنا ما أحس بنفسي اشياء تتضارب براسي فكرة رجوعي له فكرة تنازلي عن حقي لكن كنت اكرر كلمة يحبك يانوره يحبك حاولي حاولي تتقبلينه انتبهت اني وصلت للصالة الصغيرة للغرفة الي كان فيها عامر جلست على الكنبة وراح وجلس جنبي وفتح التلفزيون
عامر وهو يبتسم : من اليوم ورايح لازم تسهرين معي كل يوم وانا اسهر بلحالي
انا ما اعرف صراحه اجامل ولا أعرف اتصنع سكت ما عرفت وش أقوله
قرب مني مره ومسك وجهي بيدينه الثنتين : نوره طالعيني
رفعت عيوني له بصمت كنت احس بغصه بعبره خانقتني مدري وش سببها لا تسئلوني ورب البيت مدري لو اتكلم راح ابكي او تنزل دموعي
عامر بهمس : وش فيك
رفعت كتوفي علامة مدري وش فيني
عامر : لا فيك شي قوليلي
صار فكي التحتي يرجف بقوة ويديني وقعدت ابكي بصوت مسموع لدرجة اني عضيت على ايدي مابي صوتي يعلى مدري وش صار علي او وش صابني ضمني عامر له وكملت بكي بصوت اقل وانا ارجف واسمعه بقول بسم الله عليك هديت شوي
عامر : بسم الله عليك وش فيك يا نوره
اخيرا طلع صوتي وحسيت انه بدى يطلع : مدري
عامر : وش تحسين به الحين
تنهدت : والله مدري
عامر : تعوذي من الشيطان واستغفري صليتي العشا
ناظرته : لااا
عامر : قومي صلي لا تأخرين الصلاه وستغفري
رحت وقعدت اتوضى وارش على نفسي ماء خلصت الوضوء " اشهد ان لا اله الا الله واشهد ان محمد رسول الله" " لا اله الا الله وحده لا شريك له الملك وله الحمد وهو على كل شي قدير" " اللهم اجعلني من التوابين وجعلني من المتطهرين "
فرشت سجادتي وصليت العشاء وستغفرت وسبحت وتسننتن وصليت الوتر بعدها حسيت براحة وانشراح صدر اعوذب الله من الشيطان الرجيم مدري وش صار لي معقولة كبت داخلي والحين طلع المهم خذيت القرآن وقريت خلصت عشر صفحات من سورة البقرة وقفلته ورحت لغرفتي ابي أبدل وغير من شكلي دخلت غرفتي احترت وش البس الحين الوقت متأخر وما يصلح البس تيور أو جلابيه بعد ابي شي مريح البس بجاما أخاف يضحك علي بس وش اسوي هي أكثر شي تريحني ياربي وش اسوي ماعليه بلبس بجاما واذا ضحك بكيفه اصلن هو ماهو خبير عادي عنده حتى لو بجلبيه رحت للدالوب وفتحته وطلعت بجاما بنطلونها ابيض وعليه رسمة فراولى صغار فوشي غامق والبلوزة فوشي غامق كاملة وعليها رسمة فراولى كبيرة بالوسط ومطرز عليها خفيف بالابيض اوف الحمدلله اريح كذا خذيت قلوس فوشي خفيف وحطيت ورفعت شعري كله ذيل حصان :)
ونزلت خصله طويله من قدام الي يشوفني بيقول رايحة تسهر مع اخوها مو زوجها ما عليه وش اسوي اجل اروح البس قميص نوم لو اموت ما سويتها وش بيقول عني فاصخه الحياء
دخلت عليه وانا منحرجة ترددت في الأخير وبغيت ارجع بس خلاص طاح الفاس براس دخلت الغرفة وابتسمت وأنا اشوف عامر شلون متحمس مع الفلم توه متعشي وماسك ليز العائلي وقاعد يأكل شكله والله يضحك مشاء الله عليه
هو ما كان منتبه لي عرف اني دخلت بس بدون ما يشوفني
عامر : تعالي نوره شوفي فلم عجيب
نوره : منو البطل
ناظرني يبي يقولي لكن شفت شلون قعد يناظرني شكيت لحظة أن فيني شي غلط نزلت عيوني وصرت اسحب البلوزة على تحت ابي تطول شوي وانا عيوني احاول أنها تناظر أي شي بس مو عيونه
سمعته يتحنحن : حم .. حم تعالي نوره ليش واقفة
ياربي انا استحي وهو بعد والله إحراج وقمة الإحراج مشيت لحد ما وصلت له وجلست وحاولت اكون طبيعية
نوره : مشاءالله توك متعشي
عامر : هههههههههههههه وش اسوي انا اذا صرت أشوف فلم أتحمس تدرين عاد أن هذا الفلم توني بروح اشتريه وزين انهم اعرضوه
نوره : وش قصته
وبدى عامر يحكي لي قصته وبدى شوي شوي يروح منا الإحراج ونضحك على القطات ونتحمس معها كان شوي حماسي لحد ما جت لقطة محرجة مره انا بغيت أموت مدري وش خلاني احط ايديني على عيوني بتقولون خبله بس من جد خبله واووووو طاح وجهي يوم قعد عامر يضحك
عامر : ههههههههههههههههههههههههههه تبينا نطبق مثلهم
تعالوا بعدها دوروني خلاص ودي الأرض تنشق وتبلعني ما عرفت وش اقول حسيت بحرارة فضيعه كانت سهرة حلوه كنت كل ما اشوف تعابير عامر وهو يضحك وهو متحمس اقول بنفسي لا عاد تحكمين يا نوره على احد بدون ما تعاشرينه صدق الأنسان ما يحكم من المظهر مظهر عامر مغرور شايف نفسه لكنة بالحقيقة معشراني نفسه خفيفة حنون
مضى الليل وراي دوام بالجامعه وقتها قررت ما اداوم واخذ الأسبوع هذا كله لأني ما احب الغياب وعندي رصيد بقدر اعوض أن شاءلله
بدت الأيام حلوة بديت اتقبل عامر بحياتي كا زوج وكنت اقوم الصبح قبل ما يقوم وسوي له فطور ولزم عليه يفطر وروح لخالتي وفطر انا وياها سوى وعمي وقعد سوالف معها واذا جا وقت الغدا اروح اسوي الغدا وبعدها اروح البس وتجهز لعامر كنت اشوف الفرحة والابتسامة في عيونه اذا شافني قاعده احتريه على طول يمد يدينه ويوقفني كنت اجلس على عتب بيتنا واذا جا سحبني من أيدي وقفني وقربني منه وباسني بديت احس أني زوجه وعلي التزامات وأن هالشخص تهمه راحتي كان يجلس معنا وقت العصر واذا اذن المغرب يروح مع راشد وخوياهم ويرجع متأخر شوي وقعد احتريه انا ما اتعشى إلا اذا تعشى معي يعني حياتنا تعبر مستقرة وحلوة وهادية وتشع حب
اتذكر يوم الخميس كنت نايمة وتأخرت بالنوم لأني سهرت أنا وعامر لساعه ثنتين ما خلاني ارقد سمعت طق على باب الغرفة فتحت لخالتي الباب
خالتي : نوره يمه منيرة متصله وتقول ضروري تجينهم
نوره : بسم الله وش فيهم
خالتي : خير ان شاءلله
رحت ابي اقول لعامر لكن عجزت وأنا اقومه لكن الأخو نايم وغاطس بالنوم وما رضى يقوم
رحت ولبست بسرعه وطلعت لقيت خالتي
نوره : خاله ترى عجزت وانا اقوم عامر ابي اقوله اني بروح لهلي ياليت تبلغينه
خالتي : ابشري يمه روحي ولا يهمك
رحت وانا يمكن اركض مو امشي وش تبي منيره كل الأفكار الشينه اعوذب الله من الشيطان طرت في بالي اكيد ما نادتني إلا فيه شي شين
قعدت اطق الباب وضرب على الجرس ابي يفتحون بسرعة يوم فتحت الشغالة الباب طيران داخل وما نتبهت لبزران صغار
كنت يالله اتنفس : وش فيكم
انصدمت شفت اعز انسانه على قلبي شفت فطوووووووم يا ناس متنت زيادة صارت دوووبه مره وحامل
نوره : اووووووووووووووووووووووووه هلاااااااااااااااااا وغلاااااااااااا نورت الرياض
ونجد هلا والله بمن زارنا
فطوم : هلابك نوره
ضميتها وقعدت ساعه انا وياها يا ناس اشتقت لها هذي فطوم نفسها نفسها بس طالت ومتنت زيادة ياربية
نوره : ياربي يا فطوم مراح تسوين رجيم
فطوم : وانا اقدر اسوي رجيم من انوي اسوي رجيم احمل
من قالت احمل تذكرت بزرانها ورب البيت بطة كانت بنيه صغنونه بحضنها الخالق الناطق امها شعرها فلافل ودبدوبة وعيونه صغار شكله بريء تجنن ياناس
نوره : هذي وش اسمها
ومديت ايدي ومسكتها وقعدت ابوسها وقرص خدودها تهبل تهبل
فطوم : هذي خولة
نوره : والباقين
فطوم : ما شفتيهم بالحوش يلعبون
نوره : كنت خايفه وما نتبهت
فطوم : فيه في الحوش حليمة الكبيرة وسفيان
نوره : يا قلبي يا فطوم ليش ما تنظمين راح تتعبين
ياربي فطوم مثل ماهي براءة : اسكتي يا نوره عندي انسان يبي يكثر نسله ويقول ابي ولد
وبعدين الله يحب الودود الولود
جتنا منور : هاه وش رايك بالمفاجأة
نوره : الله يقطع عدوك ما طرى علي الا كل علم شين الله يا خذ ابليس
منور : لا يا حبيبتي اعلومي كلها تهبل لو بعد اعلمك وقول اخونا المصون وش قرر
نوره : منهو
منور : من بعد رويشد
نوره : وش فيه
منور : لو ما خليناهم في البر يتمشون مع بعض ابرك الرجال مستعجل يبي يعرس وحجز اول يوم بالاجازة
نوره : اوف الله يوفقه اهم شي
منور : وانا وش اسوي شكلي بسقط انا من غير ما يكون عندي شي يلهيني دايم افكر شلون عندنا عرس
نوره : الحين باقي فوق ثلاث شهور وانتي تفكرين من الحين
منور : أي افكر ونسيتي بنروح للبر
نوره : لا ما نسيت وبعدين خليني اخذ اعلوم فطوم
فطوم كانت مشغولة تأكل خوله يالله من يصدق فطوم الصغيرة تصير مسئولة وام وراعية بيت الله يعينها بيطلعون الشيب براسها
نوره : هاه فطوم واخبارك
فطوم : الحمدلله وش اخباركم ليش ما زرتو امي تسئل عليكم تقول من زمان ما جونا
نوره : تدرين مشاغل ودراسه على طاري الدراسة ما كملتي
فطوم : لا ابشرك شهادة رابع ابتدائي كل ما اقول لقاسم ابي ادرس يقولي شهادتك عيالك ربيهم
نوره : هههههههههههههههه الله يعينك
منور : وهو صادق ريحي راسك
فطوم : انتي بأي سنه يا منور اخبرك مو شاطره
نوره : هههههههههههههههههههههههههه
منور : حرام عليك يا فطوم رسبت بس سنه وبعدها حرمت والحين انا بثاني سنه بالجامعه
فطوم وهي تفتح عيونها بصدمة : مشاء الله
نوره : ههههههههههههههههههه فطوم منصدمة ما توقعتك شاطره
فطوم : وانتي يانوره اخبارك جا عامر من السفر صح
نوره : أي له تقريبا شهر الحين
فطوم وهي تغمز لي : مافيه بيبي بالطريق
حمر وجهي لو تدرين يا فطوم توني مالي إلا سبوع من صرت انا وعامر أزواج مثل العالم والناس
نوره : لا تو الناس
فطوم : أي والله لاحقة على عوار الراس ترى في البداية قبل ما يجون العيال وانتي في عيونه والي تقولينه ينفذة وكل اوامرك مطاعة ومن يجون البزران سكتي اولادك ازعجوني اولادك ما كأنا اولادي هم اولادة قلت له خلاص اذا ولدت راح اكل حبوب منع الحمل لمدة ست سنوات ابيهم يكبروا شوي
منور : مشاء الله وهو ما يضيع وقت كل سنه بزر
نوره : ههههههههههههههههههه اذكري الله منور
فطوم : منور لا تحسدين اطفالي
منور : لا مراح احسدك يا شيخه
راح الوقت وحنا نسولف مع فطوم وجا الوقت الظهر وراحت لبيتها وما طاعتنا كنا نبيها تتغدا عندنا بس قالت زوجها وراها وانا مشتاقة لهلها وتبي تقعد معهم اطول وقت ممكن قبل ترجع لجيزان
نوره : يالله انا بعد بروح لبيتي
منيرة : ليش حرام عليك وجلس انا بلحالي ما غير اطاق مع رشود وشوي مع عزوز
نوره : وش اسوي عامر وراي ان شاءلله العصر اجيك
منيره : اوف الله يعيني يارب
نوره : الله يوفقك يارب عشان تشغلين وقتك
منور : امين
نوره : هههههههههههههههه لا وامين مابه سحى
منور : وش اسوي ابي اكون مصدر اهتمام احد كل الي في البيت يهاوشوني على الأقل ابي احد يحبني
نوره : خلاص بتكونين من نصيب حمد
منور : اسكتي صح انه مزيون بس ما هضمته
نوره : اقول لو اتم معك شوي ما بقى عندي حسنات خفي من الحكي في العالم
منور : ستغفر الله قولي كفارة المجلس ويروح كل ذنوبك
نوره : يا بعد قلبي كفارة المجلس بس يسقط حق الله لكن حق العبد لا يسقط
منور : اقول روحي غثيتيني الله يعيني اجل تلقين خلق الله كلهم في رقبتي
نوره : يالله فمان الله
طلعت من البيت وطبعا امي وجدتي كانوا عند وحده من جيرانهم مدري ليش امي وجدتي بحبون يزرون جيرانهم عكس خالتي ام عامر دايم تحب تجلس بالبيت جيت بفتح باب الشارع ونصدمت يوم شفت سالم بوجهي توي ما نزلت الغطوه على عيوني عطيتيه جني
سالم : السلام عليكم
نوره : وعليكم السلام
ارتبكت شوفة سالم اربكتني حاولت ما انظر له بالعين الي كنت اشوفه بها بس غصب أي شخص كنتي تحبينه وتحلمين تعيشين معه وتفكرين فيه كل وقت لابد اذا شفتيه تحسين بحنين له بحساس غريب محد راح يحس فيه الا الي مجربة
سالم : شلونك يا نوره
عرفني
نوره : الحمدلله شلونك انت
كان اسلوبي معه رسمي
سالم : بخير راشد موجود
كأنه حس من نبرة صوتي اني مابي اعطيه وجه لكن الصدمة يوم شفت عامر وراه انصدمت
حاولت اكون طبيعية
نوره : لا راشد طالع من الصباح بدري للصناعية
مدري ليش قلت له كذا ابي عامر يسمع ابي ما يشك بشي لكن الي شفته ان وجه عامر صاير اسود مره التفت سالم وشافه وسلم عليه سلام بارد وتركه وراح تكلمت ابي اوخر الإحراج
نوره : جيت توني بروح الحين
كان ساكت ماحبيت سكوته
نوره : ورب البيت يا عامر مو مثل ما انت متخيل يوم جيت بطلع شفت سالم وجيت انت على طول
شفته يتنهد ويتعوذ من الشيطان مشى قدامي ولا قال ولا كلمة ودخل البيت رحت لأول مره اخلي الغدا على الشغالة ودخلت غرفتي وحطيت عبايتي وجيت طالعه لقيت عامر طلع يوم اذن الظهر ورجعت اصلي الظهر وبديت اجهز السفرة وارتبها لحد ما يجي عمي ونحط الغدا تقريبا صارت الساعه وحده وكان عامر يلعب بمفاتيحه وساكت وكنت انا وخالتي نسولف وهو مستمع لنا وجا عمي وحطيت الغدا وتغدوا وانا ما تهنيت بالغدا لاني شفت عامر ما تغدا كان بس اسم انه جالس على السفره يوم شفته راح للغرفة تبعته وغسلت أيدي لقيته متمدد على السرير وحاط يدينه على عيونه جيت جنبه يوم حس بي عطاني ظهره لكن كنت مصممة على الي في خاطري
تقربت منه وقربت عند اذنه وصرت اقولة بسلوب هادي : عامر
ما رد علي ولا قالي ولا كلمة لكن انا مصممة ما ينام وهو زعلان علي
صرت احركه بشويش : يالله عاد لا تزعل حلفت لك بلي خلقني وخلقك انه ما صار بينا شي كان يسئل عن راشد بس
وبعد ما رد علي قربت اكثر منه وحطيت ذقني على ايده من فوق ونصدمت يوم سحبني له وضمني له بقوة وقال : نوره ترى ما اتحمل اشوفك واقفة معه اذا شفتيه روحي لأي مكان ثاني لا تردين عليه
ما خلاني اقدر ارد عليه كانه خايف اني اروح منه سامعه يا نوره
نوره : ابشر ولا يهمك
دفني وهو يضحك : ما تهنيت بغداي
ضحكت : هههه يالله قوم بروح اجيب لك غدا
عامر : أي الحين انفتحت نفسي
رحت وجبت له غدا وحطيته بصينية وجيت
عامر : تغدي معي
نوره : اكيد بتغدا اصلن ماتهنيت بغداي وانا اشوفك ما كليت
قعد يناظرني وهو يبتسم : الله لا يخليني منك
نوره : ما قالك رشود شي
عامر : هههههههههههههه إلا مزعجنا يبي يعرس
نوره : منور زعلانه تقول ان العرس بيلهيها عن المذاكرة
عامر : وهي وش دخلها المفروض ساره الي تعترض
نوره : ههههههههههههههههههههه أي تفكر بفستانها
عامر وهو يبتسم : وانتي ما تبين تفكرين بفستانك
نوره : لا أنا ما يهمني والحمدلله ما اقعد احاتي وربي يسر لي اذا رحت للسوق على طول القى
عامر : لا يا عمري قولي كل شي علي حلو
نوره : هههههههه الله يحلي ايامك
حسيت براحه صراحه يوم شفت عامر يتغدا ونسى موضوع سالم الله يعيني يارب صدق الرجاجيل مثل البزران لازم الواحد يراضيهم ويراعي مشاعرهم
عامر : نوره وش رايك نروح نتمشى العصر
تغيرت ملامحي تذكرت اني مواعدة منور
عامر : وش فيك
نوره : منور ضايق صدرها من زمان ما جيتهم
عامر : عادي اتمشى انا وانتي ونعزمهم على العشا هي وراشد وعزوز وش رايك
نوره : خلاص الي تشوفه


==========================================

منور : قسم بالله اخوك مجنون وبيروحنا كلنا في ستين داهيه
نوره : ههههههههههههههههههههههههههههههههههههه
كان عامر جنبي ويبي يدري وش منور تقولي ماعاد قدرت ارد عليها ولا قدرت افهم عامر سكرت منها
عامر وهو يبتسم لي : عسى دوم ذا الضحكة وش فيك
نوره : صح راشد يوم درى انا عازمينهم للعشا الا قال كلمي ساره وقلي لها حنا بنروح للملاهي عشان تجي ويروح الحبيب يتعشى معها بروحهم ومنور تقول لو تموت
قال حنا بنكون في مطعم واحد وتقوله منور استئذن من سعد أخوها فرضا لو قدر الله يصير علينا حادث شي او يحترق المطعم وش بنقول على الأقل انك مستئذن ومهدد منور لو سعد راح يرفض يخليها تروح معهم لا يحرمها من الطلعه وهي شابه ضو
عامر : ههههههههههههههههههه راشد رهيب ما همه احد
نوره : تصدق عاد ما توقعت راشد كذا كان هو وساره توم وجيري
عامر : يا بنت الحلال يموت فيها مزعجني اذا تصل علي قالت قلت قلت له يا شيخ انت تحبها تدرين وش قال
نوره وهي تبتسم : وش قال
عامر : اقول اذوب في هواها
نوره : سبحان الله ابن الذينا وقاعد يلعب علينا وكأنه يكرها وهي البنت بتموت من القهر
عامر : ههههههههههههه يغطي على حبه
نوره : الله يوفقهم يارب متحمسه اشوف وش بيكون رد سعد تتوقع راح يوافق يخليها او لا

وانتو تتوقعون راح يخليها سعد تروح معهم :)

الجزء الثامن عشر

نوره :هههههههههههههههههههههههه راشد ترى ازعجتنا
راشد : اي وش يهمك عامر وجنبك انا المسكين الي ارحم
عامر : ياخي قل مشاءلله ترى العين حق
راشد : ياليت عيني حاره ابيكم تذقون شوي من الي مذوقني أياه سعيدان يعني انا بخطف اخته وانتو اثنين احترمو مشاعري شوي وش تتصاصرون فيه
عامر : ياحول يا النشبه زوج وزوجته وش مدخلك بينهم
انحرجت مره
راشد : لا زوج وزوجته اقول قم قم من جنب اختي
عامر : دا بعدك
نوره : اقول قصرو اصواتكم فضحتونا
راشد : عزيز ومنير وين راحوا
نوره : يقولون بنلحقكم
راشد : ترا اعرف حركات عزوز تلقينه هو منور يفرون فر بالشوارع سبحان الله مدري كيف العالم تتمشى
عامر : وش في العالم الناس اليوم مو معجبينك
راشد : لا بس انا انسان اذا جيت اتمشى ما احب افتر في السيارة احب اروح لمكان هادي اجلس اتقهوى اسولف اما التمشية بالسيارة هذي ما تعجبني
نوره : الله ويوم كنت تتمشى مع سارونه في البر
راشد : لاااا سارونه غير والتمشيه معها غير حتى لو بأرض مقفرة تصير كلها زهور
نوره : اقول ما كن بس منيرة وعبد العزيز تأخروا يريحونا من الصدعه الي معنا
عامر وهو يقرب مني اكثر : أي والله صدعه ما خلاني اخذ راحتي
وقف راشد وجا يما عامر : علي الحرام ان تقوم من جنبها
نوره وعامر : هههههههههههههههههههههههههه
عامر : الله يا خذ شياطينك ليش تحرم
جا راشد وجلس في مكان عامر : تستاهل اجل ما فيه مراعه للمشاعر
عبد العزيز : السلام عليكم
الكل : وعليكم االسلام
جتني منور وجلست جنبي
راشد : اقول وش أخركم
عزوز : لقينا محل جنبكم اكسسورات وصجتني منور الا تنزل تشوفه تقول ابي اشتري عشان عرس راشد
راشد : لاا اذا عشان عرسي اخذي راحتك
الكل : هههههههههههههههههههههههههههههههه
نوره : الحين تشترين اكسسوار قبل الفستان
منور : قصري صوتك وش اسوي تمويه شفته وعجبني حاجات فيه تهبل ومميز وينا عنه صراحه تحفة والله
استئذن منا عامر وراح
عزوز : يا بو الشباب اشوف سعد رفض يجيب الخطيبة
نوره : ههههههههههههههههههههه لا تذكرة ما صدقنا على الله ينسى
راشد : وش اسوي حكم القوي وكمل ببتسامة وش رايكم اروح اخطفها
منور : الظاهر الايام هذي تتابع سبيس تون
نوره وعزوز : هههههههههههههههههههههههههههههههه
راشد : اقول منو كلمك انتي او جا يمك يعني تنكتين حضرتك
منور : لا احاول
راشد : اقول انثبري
جا عامر وجلس معنا : هاه وش تبون عشاكم
عزوز : تبون الحق وش رايكم ناخذ عشانا وفيه طريق بين الرياض والخرج منطقة هناك بريه نجلس فيه ونسمر لأخر الليل أفضل من المطاعم
راشد : خوووش اقتراح
عامر : يالله على بركة الله
نوره : حسافة لو دارين من زمان سوينا قهوة وشاهي
عامر : ما يحتاج مو حزة قهوة يالله امشو عشان يمدينا نوصل اليوم عاد قمرا
راشد : يالله توكلنا على الله
....: على وين
عامر : هلاااا والله بسعد
سعد : ههههههههههههههههه هلا بك زود
سعد : ههههههههههه راشد وش فيك معصب
عامر : خله الحين عيونه على الي وراك
سعد : اخباركم اخباركم يا بنات
نوره : بخير الله يسلمك وين نجود ما جت معك
سعد : نجود تعذر منكم لو ما ازعجتني ساره ما جيتكم
راشد : ياخي حرام تعذب قلوب
سعد : ههههههههههههههههه لا تفرح ما تبيك انت تبي البنات
راشد : عادي مو مهم اهم شي نشوفها
سعد : اقول الاخو احترم وجودي وين بتروحون
عامر : عبد العزيز اقترح علينا اقتراح نشيل عشانا سفري ونروح على طريق الخرج
سعد : خلاص يالله نمشي عشان ما نتأخر
كنا نضحك على اخوي راشد الرجال مقرب من ساره وماسك يدها ويسولف معها بصوت قصير ما نسمعه وسعد مو يمهم والي زاد ضحكنا يوم شافه سعد ودفه
سعد : اقول يابو الشباب ماكنك زودتها شوي
راشد : لا حول يابن الحلال تراها زوجتي
سعد : بس ناقص شرط واحد الإشهار
راشد : اقول امشوا قبل اخطفها الحين وروح معها واتحدى اذا احد سوى شي
سعد : أي عشان نقلبها حلبة مصارعه
الكل : هههههههههههههههههههههههه
عامر : اقول اسبقونا وحنا بتلحقكم بالعشا
الكل : يالله
راشد : اقول عامر ترا بناخذ نوره معنا
عامر : لا اسمحلي نوره مقدر استغني عنها
حسيت بالاحراج خاصة قدام سعد وتعليقات البنات الخفيه
راشد : اقول سعد وش رايك اخذ منك ساره
سعد : لا تحاول
راحو وجلست انا وعامر نضحك على راشد
عامر : دقايق بروح اطلب العشا ورجع
راح عامر وقعدت أتعبث بسيارته وفتش الإدراج شفت شي مغلف
عامر : لحظة لحظة خليها مشاءلله عليك تفتشين
نوره : ليش خايف اني اشوفها
عامر : أي هذي هدية خويتي وطحتي فيها
صديت على الدريشة اناظر على برى صح اني ما احبه بس تضايقت اكيد كل مره غيري بتتضايق مو مسئلة حب
قرب مني ومسك ايدي وانا مالتفت عليه وحاول اسحب يدي
عامر : شوفيني
نوره : اوف وش تبي مني روح لخويتك ودني لهلي قبل
عامر : ههههههههههههههههههههه لا والله لا يا قلب عامر مراح اوديك وبجيب خويتي بعد تسهر معنا
التفت عليه بعصبيه : لا والله عشان اذبحك وذبحها
عامر : ههههههههههههههههههههه ياختي انتي متوحشة عكس شكلك او عشانك تربية بدو
نوره : والنعم بالبدو
عامر : والنعم والنعم يابوك احد قالك اني ماني بدوي
ورد يقولي : حرقتي مفاجأتي ناوي اهديك أياها بالليل اذا رجعنا
التفت عليه فيه طاري هديه قعدت اناظره
عامر : صدق حريم دايم مستعجلات في الحكم
نوره : الاستعجال بالحكم علينا كلنا مو بس الحريم
جلس يناظرني وما تكلم قعدت اناظره سرحت في عيونه وكيف فيها شي يشع ونظراته خلتني اغوص فيها وابتسم غصب حسيت بحساس حلو شعور غريب في قلبي فرحة خفية يمكن احد منكم جربها قعدت اطالعه وادقق في تفاصيل وجهة مد يدة عامر وحط يدة على خدي فوق البرقع الإسلامي كنا بعالم ثاني نسينا وين حنا فيه وخرب علينا الهندي يوم طق الدريشه
عامر : حسبي الله عليك
نوره : ههههههههههههههههههههههه
عامر ببتسامة : فرحانة ما صدقتي على الله انا اوريك خلينا نروح لبيتنا
نوره : ههههههههههههههههههههه
ما عرفت ارد عليه قعدت اضحك من جد احس بفرحة غريبة احس براحه أي راحة عجيبة
عامر : يا علها دوم هالضحكة
خذينا العشا ومشينا لهم ولقيناهم قدامنا يحترونا قدام نقطة التفتيش مثل ما اتفقنا مشينا تقريبا مسافة ربع ساعه وفرشنا فرشة كانت مع الأخ راشد دايم الأخو راعي طلعات واغراضة بسيارته حتى ذرى سوينا ذرى عشان نسمة هواء بارده وجمعو الشباب حطب وشعلو نار وفرشنا عندهم سفرة وحطينا عشاهم وحنا جينا ورى سيارة وسوينا سفرتنا
ساره : يالله يا راشد احراج بغيت اموت احراج من سعد
نوره : ههههههههه سبحان مغير الأحوال هذا راشد إلي ما تطبين بيتنا عشانه
ساره : نوروه تذكرين معاملته لي هو الي خلاني اسوي كذا
نوره : عاد لو تدرين عامر وش يقولي
ساره متحمسه وتدخل منور بالعرض : وش يقول
ساره : وانتي وش لقفك
منور : الحين انتي وياها عشان كل وحده منكم متزوجة ترفعون روسكم علي
ساره : كملي ما عليك منها
منور : يارب يا كريم ما يجي الشهر الجاي الا وأنا متملكه
نوره : وساره : ههههههههههههههههههههههههههههههه امين
ساره : منور تكفين اصبري خليها تعلمني وش قال عني
نوره : يقول لعامر انه يموت فيك وانه يتعمد يسوي كذا عشان يغطي على حبه
منور : امحق تعبير
نوره :هههههههههههههههههههههههههه
ساره : اقولي احترمي نفسك ترى ما ارضى على رشود
راشد : فديت الي ما ترضى على رشود
شرقت ساره وعطيناها ماء
راشد : هههههههههههههههههههههههه بسم الله عليك يا بنت الحلال انتبهي على عمرك ترى ورانا زواج ادري اني انسان محبوب وانحب والكل يموت فيني
ساره : لا تفرح
قرب راشد وجلس جنبها : قوليها مره ثانيه يعني انا ما انحب
ساره : ا .أأ . أي ما تنحب
راشد ومنور ونوره : هههههههههههههههههههههههههه
نوره : حرام عليك اربكت البنت
ساره : الحين تضحكون علي
راشد : يخسون
نوره : راشد ترى ما تعشينا اذا انت شبعت ترا حنا ما شبعنا
راشد : عادي بتعشى معكم يوم شفت ساره انفتحت نفسي سوسو اكليني
نوره ومنور : هههههههههههههههههههههههههه
ساره ساكته منحرجة
راشد : يالله عاد اكليني مشتهي لقمة من ايدك
ما كنا فعلن متوقعين ان ساره بتأكل راشد اخذت قطعة صغيرة من المشاوي واكلت راشد
راشد : آآآآآهـ ورب الكون احلى لقمة ذقتها
نوره : لاحول لا تحلف بالله وانت نصاب
راشد : ومن قال نصاب
واخذ قطعه صغيرة : يالله دوري اوكلك افتحي فمك
ساره بحراج : لالا مابي
راشد : افا والله ما تبين من يدي
ساره : لا مو كذا
راشد : اجل افتحي فمك
فتحت ساره فمها وانا ومنور نراقبها ونضحك راح راشد وخلانا ناكل ونعلق على ساره الي ما عاد كلت زين وكل شوي تسرح وتعلق عليها منور
عامر : نوره نوره
نوره : لبيه
عامر : لبيتي في منى اذا خلصتو من العشا تعال عندنا نسهر على الضو معناها "النار"
نوره : ابشر
رحنا للشباب وكان الجو حلو صراحه السماء شلون اوصفها تقدرون تقولون بيضاء شفافه مره من اشعه الشمس الي مسلطة على القمر وطالع شكل القمر خياااال كنا نقدر نطالع كل شي واضح كأنا مولعين سبحان الله لمبة من ضوء القمر والنار حاطينها قدامهم بعيده شوي ويجينا دفاها وفارشين فرشتين كبار فرشة جالسين هم عليها وحنا جينا وجلسنا على فرشة الثانية
راشد : خلونا نقول الغاز ونشوف الاذكياء
عزوز : ما يحتاج انا أذكاكم
راشد : اقول بدى لعب البزران
عامر : لاحول قول لغزك الحين عشان نحكم
سعد : ما يحتاج بحله انا
راشد : بدى كل واحد يتفلسف علينا
وفعلا قعدوا الشباب يقولون الغاز ويتهاوشون ومره يعرفون يحلونه ومره يتهاوشون يقولون الحل غلط ما يمت للغز بصلة لحد ما قال عامر
عامر : اقول خلونا نقول ابيات شعر وآخر حرف يبدى فيه الثاني
راشد : قبل تبدون انا هندي قصيدة وابي اهديها
عزوز : شكرا شكرا ادري لي
راشد : لا للقمر الي هناك
كلنا : هههههههههههههههههههههههههه
وساره ماتت من الحيا
يا نجم عمري العالي** لي في السما مجراك

الليل كل ما طالي ** يحلا السهر وياك

إنته الونيس الغالي**او لي يحلو إمناجاك

مِنك القرب يهنا لي ** وافرح انا إبلاماك

او فرقاك لي من طالي ** غث الحشا فرقاك

لك ادعي واسالي ** رب الملا يحماك

عن حاسد أو عذالي**او عن لي إيكدر ماك

يا روحي يا حلالي ** كل العمر يفداك

ما ظنتي يحلالي ** وقتي انا ابلياك

بتهون الأعلالي ** لو تنظر إل مضناك

القلب صوبك حالي ** حل او سكن في احماك

لك اقرب في خيالي ** لو شحت في منحاك

لو تطلبني المحالي ** جبته فدا عيناك
عزوز : الله الله كل هذا للقمر ياليتني قمر
الكل : هههههههههههههههههههههههههههه
عامر :يالله خلونا نبدى
عامر : يالله انا أول واحد

يا صاحبي عسى البشر من فداياك
وعسى الزمن يا غايتي ما يضرك

=

البعد ما يبعد قلوب تمناك
مدام فيها يا حبيبي مقرك
عامر :عامر حرف الكاف
عامر : دور سعد
سعد : اصبرو ادور بيت أي تذكرت
كل ماقالو لفا الديره غريب

قمت أومي في يديني وابتهل

هيه يالمقبل هلابك يالحبيـــب

مرحبا وأهليـــــن ياحي الرجل

وإن تــــبين لا صحيب ولا قريب

أبكي ضيقة أبكي حره وأنفشل
عامر : يالله حرف الام دور عبد العزيز
عبد العزيز : خلوها انا بالقصيد مافيه مثلي
راشد : اقول اخلص علينا
الكل : هههههههههههههههههههههههههههههههه

عبد العزيز :
لمني في محجر عيونك حبيبي وخلني
خلني اشوف نفسي في عيونك واطمئن
عامر : اطمئن حرف النون يالله يا راشد
راشد : يا خي جايبين لي اصعب حرف
عامر : انت ياخي ما ينعرف لك مزعجنا كل شوي موال
راشد : خلاص جاني الالهام
عزوز : يسرق ويقول الهام
راشد : ياخي التذكر بعد الهام اني اتذكر ابيات يعتبر الهام
عزوز : الهام سرقة
الكل : هههههههههههههههههه
راشد : أي خلوني عاد اقول
نور الدنيا ودي أقول له
اللي بيني وبينه كان أحلام
كان غرام ما ودي انسا
شوقي له روحي له
كلي له وشلون ابنسى
نور الايام وينه
ليته يدري عن اللي بين قلبي وبينه
عزوز : سلملي على الهامك وقولة لو ينخمد ابرك له
الكل : هههههههههههههههههههههههه
راشد : الحين ما اعجبك بيتي اقول سارونه وش رايك فيه
سعد: لا حول يبي يحرج اختي اقول عامر من وقف الدور عنده
عامر : عند نوره
نوره :
هــانــت ولـو الـوقـت دايـم لـه احـكام ....بـعـد الـتعـب يا اخـوك نلـقى فــرجها
يـرجـع ورى واقــول يـا وقـت قــــدام.......دنـيـا عـسى الـلـه يـكافـيـنا حـرجـها

عامر : حلى بيت سمعته من ابتدت اللعبة
عزوز : من يمدح العروس
عامر : يالله حرف الالف
راشد : لا مابي احد يسمع صوت ساره بالقصيد هذا لي بس
عامر : اقول انهاوها خلونا نسولف الاخو بيخرب كل للعبة نلعبها
سعد : شكلي بهون منه طلع مو رجال راكد
راشد : تهون عشان اقدم اعتراض ورفع عليك قضية
كانت سهره ولا حلى كلها ضحك وسوالف حسيت اني من زمان ما استانست كثر هاليوم

اتمنى تعجبكم المفاجأة :)

الجزء التاسع عشر


ممممممممم مدري وش أقولكم خلال هـ الفترة يمكن أهم شي فيها تجهيزات لعرس راشد كنا كل يوم نروح لمحلات الأثاث مره أسواق العرب مره أسواق الدايل مرة ايكا كلها عشان نأثث قسمة والمشكلة جامعة وتجهيزات وراشد ما يثق إلا بذوقي وكل يوم مسحبني وستحيت من عامر وكم مرة أعتذر منه على تقصيري وكان صراحة اسلوبه روعة دايم يقولي هذا أخوك اذا ما وقفتي معه أذا اعتازك متى توقفين معه " معنى كلمة اعتازك يعني اذا كان بحاجتك :) "
أي أي تذكرت كنت أيام الي انشغلت فيها وما نتبهت لعامر اقترحت علي منور أسوي له حفله أعوض عن إهمالي شوي وش سويت طلبت منه يروح يجيب لي بحث بمكتبة في آخر الرياض بس عشان اشغله وفي الوقت الي راح رحت لغرفة الي فيها الكنب ومكتبة التلفزيون وش سويت فيها فرشت مفرش احمر على الطاولة الزجاج ونثرت لولو بيج وحجر صغير احمر بعد نثرته على المفرش وجبت شمع بأشكال مختلفة صغير وكبير وطويل وسويت شمعدان ولعت شموع ونثرت ورد طبيعي احمر وابيض با أرضية الغرفة وشغلت سهاره لونها أحمر طبعا كل هذا بمساعدة منور أختي الي ما قصرت سوت لي حلا وصينية مكرونيا بالبشمل وجبت كوبين حقات عصير ما يحتاج احط عليها إكسسوار لأن فيها كسسوار بالأصل في اسفل الكأس مثل الوردة البارزة حمرا ولولو لماع مره ومثل الغصن يرقى على فوق بشكل دائري من الكرستال يكفي صراحة تتفرج عليه بدون ما تذوق منه شي حطيت العصير بالثلاجة عشان يكون بارد شوي لأن بدى الجو يكون لطيف والحلا قطعته وحطيته بصحن صغير تقديم نفس اكسسوار الكاس يعني مناسب مع تقديم العصير قلت بالليل ما يصلح ازين قهوة بخلي عصير افضل والعشا مكرونيا المهم رتبت كل شي وقالت لي منور أروح البس وتزين قلت الغرفة زينتها بالأحمر بخلي فستاني اجل احمر كت وكان قصير تحت ركب ماسك من فوق لحد الخصروكانت فتحت الصدر سبعه وتنزل من السبعة كرستال فضي مدقوق في الفستان لحد نص البطن يعني ناعم مره وتحت قصة فرنسية و النعول الله يعزكم كانت حمرا شوكة و فيها مثل الكرستاله فضية احترت اخلي مكياجي صارخ او هادي بالأخير استقريت على أن أحط شدو اسود ودمج معاه الأحمر بديت بوضع كريم الأساس ورسمت عيوني بالكحل السائل وحطيت لمسة إضاءة وبلاشر احمر خففته شوي عشان الروج بخليه احمر وثقله فضلت يكون احمر الخدود خفيف عشان ما يكون مبهرج وشعري احترت ولأنه طال ونزلت الصبغة قلت مراح ارفعه مع كان ودي ارفعه بس عامر يحبه نازل يوووه ما عاد فيه وقت خليته منسدل ولأنه قاصته قصة ما يحتاج صار مدرج من نفسه تعطرت بعطر بنكهة الفراولة وشغلت الفواحة بالمكان صار المكان رايق مرة وهادي للأعصاب كنت متوترة مره ولو يقولي وش المناسبة مافيه مناسبة او لأني نشغلت عنك ياربي منو اسئل ولا افضل شي اخليها على الله بيحلها ربي
جلست على الكنبة بوجه الباب بحيث اذا دخل اشوف ردة فعله كنت مهتمة اشوفها قبل ما استقبله بديت ارجف وأنا اسمع صوته يناديني مدري يا حظهم البنات الي ما يستحون لازم اتجرا شوي إلى متى اضل كذا هذا كان حواري الداخلي فتح الباب ودخل
عامر : نوره اقول
سكت قعد يطالع ويتلفت ويناظر كل ركن بالغرفة وابتسم شفت ابتسامته وقفت وجيت امشي وأنا ابتسم له وعيوني بعيونه مدري وش اقول هو ما ساعدني كان يناظرني ومبتسم وانا اناظره وابتسم وحس بحراج وكيد لون وجهي قالب احمر اخيرا نطق ابشركم
عامر : هذا كله لي
نوره : ههههههههههههه
ضحكت : أي لك اجل من يستاهل اني اسويه له
كلمات قلتها مدري وقتها فعلا أنا اعنيها هل فعلا مافيه احد يستاهل ما أمداني اكمل جملتي الا سحبني له وقربني منه مره قعدت اطالع عيونه يشع منه بريق عيونه خشمه فمه كل شي فيه حلو مو الشكل الي اثر فيني اسلوبه جذبني بكمل لكم بعدين خلوني اشرح بالتفصيل وش قال لي
رفع ايدي وباسها وقال : تدرين يا نورة انك غالية بقلبي ولا ما تدرين
نوره : هههههههه أي ادري
عامر : ههههههههههههههههه يعني واثقة ورب الكون انك غالية واشتاقلك وانا معك اذا رحتي لغرفة الثانية اشتاقلك واذا داومت اشتاقلك اذا شفت ضحكتك افرح وستانس واذا شفتك معبسه يضيق صدري وغار عليك من الهوا الطاير ابيك لي انا ودي اسكر عليك ومحد يشوفك غيري حتى أهلي صوتك يرن بذني أي كلمة تقولينها احس لها عذوبة خاصة
كلامه وهمسه خلاني بعالم ثاني عيوني بعيونه مدري ليش وقتها أنا ضميته حطيت راسي على صدره ابي أحس بحنانه ما مانع بالعكس لف يديه علي وضمني اكثر
كانت هذيك الليلة من أفضل اليالي الي عشتها مع عامر حبيته أي حبيته تسئلوني شلون حبيته اذا جا من الدوام وشفته احس بسباق خيل بقلبي دق غير طبيعي اذا شفته جاي ياخذني من الجامعه استانس افرح حاولت ابين حبي له ابي يدري اني احبه كنت أتعمد اسوي حركات أحط بطاقات فيها قصيدة وكلمة أحبك في أخرها له بالسيارة اذا نزلت اعطيه اياه وانتظر وش بيكون رد فعله عليها
كنت اضحك اذا طلعت وشفته ينتظرني ادري انه بيقولي شي واذكر مره يوم ركبت معه قالي
عامر : أنا ناقص جنون جننتيني
نوره : هههههههههههههههههههههههه حرام عليك وش سويت
عامر : ما سويتي شي الا خربتي علي دوامي
شهقت : افا
عامر : كل شوي يقولون عدل صحح فيه شي غلط كل تفكيري مو معي كل تفكيري مع الإنسانة الي قلبت كياني
نوره : هههههههههههههههههههههههههههه
عامر بابتسامة : أي اضحكي اصبري اذا وصلنا ما وريتك
حياتي كانت روعه كنت اعيش قصة حب وليدة لسى تبي طور نمو تبي تغذية تبي رعاية مني ومن عامر حتى خالتي وعمي حياتي معهم واهتمامي بهم ما يقل عن اهتمامي بعامر
تقريبا باقي شهر على اختباراتنا وباقي شهر على زواج راشد الي أزعجنا كان مافي العالم بيعرس الا اهو صار حدث حلو خاص فيني وفي عامر كنت شاكة بالأمر بس ما بينت إلا اذا تأكدت ومابي عامر هو الي يوديني ابي اسوي له مفاجأة رحت لخونا في الله راشد وبما أن البيت قريب رحت مشي
وسبحان الله لقيته بالحوش يرتب عزبة البر حقته
نوره : السلام عليكم
راشد : وعليكم السلام
طبعا الاخ مشغول دنقت عليه وحبيت خشمه
راشد : الله لا يهينك
نوره : رشود الحين بتعرس وترتب عزبة المقانيص
راشد : وش اسوي ابي الوقت يمشي ياختي مدري ليش الوقت موقف عندي ياخر ما يمشي
نوره : ههههههههههههههههه ستغفر الله ستغفر ربك
راشد : وانا كفرت الحين
نوره : بس الواحد ما يتعرض ربي الي يمشي الوقت ما سمعت لا تسبوا الدهر فانا الدهر اقلب الليل والنهار
راشد : الحين انا سبيت اقول نوره لا تفرغين علي وتعطيني محاظرت تبين تفلسفين روحي لعامر وتفلسفي على كيف كيفتس
نوره : يا بعد عمري عامركلامي عنده عسل على قلبه
راشد : اجل احمدي ربك لقيتي احد بالوجود يعطيك وجه
نوره : لاحول شكلي لو اطول معك قلبناها هواش
راشد : وش تبين تقرقين على راسي من الصبح
نوره : اقول الله حداني عليك لو رايحة لعزوز ابرك
راشد : اها قولي قولي يا راعية المصالح من شفتك فوق راسي وانا داري ان فيك شي
نوره : ابيك توديني مشوار مراح اطول
راشد : ليه سواقك الخاص وين رجلك ولا اسم بس
نوره : افا هذا وانا اربع وراك واثث شقتك وهذا جزاي
راشد : لاحول على لليل التمنن وين تبين تروحين
نورة : بقولك في الطريق
راشد : يالله امشي بسرعة
رحنا للمستشفى وخليت راشد بالاستراحة مابية يدري وش اسوي سويت التحاليل وبما أن النتايج مو طالعه الا في اليوم الثاني قلت خلاص يجيبها لي راشد وما يحتاج أروح معه
جيت امشي له
راشد : خلصتي
نوره : أي وبكره تروح تجيب نتيجة التحاليل ولان راشد مو خبير بامور هذي ما عرف وش قصة تحاليل او وش سالفتها بس سئلني انتي تعبانه تشكين من شي قلت شوي ابي اموه قلت امور خاصة وسكت ما رد علي
************************************************
واليوم الثاني كنت جالسة عند خالتي ام عامر وحنيها ما خذيت إلا الإزعاج والي داخلين يتدافون وصوت الضحك كان راشد وعامر
راشد يبي يتكلم وعامر يسكر فمه وشوي ينقلب الحال عامر يبي يتكلم وهذا يقفل فمه
خالتي ام عامر : وش فيكم انتو
كنت اضحك انا وخالتي
راشد واخير نطق : مبرووووووووك النوري حامل
انصدمت حسبي الله على ابليسك يا رويشد ابي اسوي لعامر مفاجاة وحرقتها شفت بعيون عامر نظرة ما تبشر وخالتي ام عامر قعدت تصيح وتحمد الله
عامر ويقرب مني : الحين تروحين مع ذا الدلخ وتسوين تحاليل وما تقولين لي
ابتسمت : عز الله انه دلخ
راشد : اقول احترمو انفسكم لا تنسوني اني بعرس بعد اقل من الشهر بخمس ايام
نوره وعامر : ههههههههههههههههههههههههههههههه
نوره : و إذا بتعرس ما يغطي انك دلخ وشوله تروح وتقول لعامر و أنا أبي أسويها مفاجأة
راشد : يوم قلت بروح اجيب تحاليل نوره بغى ينهبل يحس فيك شي كايد ورحت انا وهو لو تشوفين شكله شلون يوم قالت له النيرس انك مافيك شي وبس مجرد حمل بغى شوي ويحب خشمها
نوره : هههههههههههههههههههههههههه
عامر : تضحكين انا اوريك
قرب مني واخذ من الحنا الي في يدي وقعد يحط على خمشي وجهي
نوره : راشد تكفى فزعلي
راشد : اسمحيلي مقدر تبون توسخوني وتغير لون بشرتي وانا رجال بعرس
خالتي ام عامر : ههههههههههههه الله يوفقك يمه
وقعد راشد وخالتي يسولفون ويضحكون وانا رحت اركض داخل اغسل وجهي قبل ما ياثر فيه الحنا
جا عامر وراي
نوره : ههههههههههههههههههه بليز ترا وراي دوام بالجامعه تبيهم يضحكون علي
عامر : تستاهلين اجل انا آخر من يعلم
نوره : والله والله ابي اسويها مفاجأة لك بس راشد الله يهديه خرب علي
عامر وقرب مني وأخذ منديل وبلله مويه من المغسله الي انا واقفة عندها وجلس يمسح وجهي والبقع الي حطها
نوره : خلاص راح
عامر نزل وجلس وقربني منه وحط راسه على بطني
نوره : ههههههههههههههههه توه الحين ما كبر
عامر : لا هذا ولدي بيحس بقربي منه
راشد : لا حووووووووول يا ناس راعو مشاعري تراني ما بعد اعرست
انحرجت وتفشلت من راشد
عامر : وانت ياخي داخل علينا بالا احم ولا دستور ما تستحي
راشد : كيفي غرفة اختي وكيفي
عامر : لا والله باي قانون وهذي مو غرفتي بعد
راشد : يقانوني الخاص الي يقر اني ادخل باي وقت
عامر : يا والله البلشه
راشد : اقول اذا تبي تخاويني امش ولا تبي تسنتر عند حرمتك
عامر : متى تعرس ونرتاح شوي من إزعاجك
راشد : يارب أول مره تقول شي سنع من اليوم
نوره : ههههههههههههههههههههههه والله مدري ساره مثلك مستعجلة ولا انت الي محرق نفسك
راشد : لا ازهليها اخوك قيس زمانه ذوبتها لو الحين تكلمينها تلقينها مسويه تقويم بام القرى وتقويم بالهلال وتلقينها تشطب على كل يوم يروح وتعد الأيام
عامر ونوره : هههههههههههههههههههههههههههههههههه
عامر : يا خوفي العكس وانها تبي تمدد المهلة
راشد : وش رايك تتصلين عليها وتسئلينها
عامر : اقول انت فاضي قول تبي تسمع صوتها
راشد : وش اسوي بهلنا وعقولهم المتحجرة مسوين علينا مراقبة الحين أتحجج ورايح لهم عشان أعطيهم بطاقات الزواج أبي المحها ولو تشوف العجوز و شلون تناظرني والشايب حتى سعيدان قمت استحيت اطلب أشوفها ورحت قمت اهوجس بها
نوره :هههههههههههههههههههه هانت باقي الحين 25 يوم مثل ما حسبتها
راشد : يالله مشينا
عامر : يالله زين بطلع ولتفت علي اقول نوره تقولك الدكتورة اهتمي بنفسك وتغذي زين
راشد : لا تاكلين واجد وتنتفخين
عامر : بكيفها تنتفخ مثل ماتبي
راشد : أي قابلني لو تشوفها مثل النفيخة اعرست عليها
عامر : ما أبدل نوره بالجواهر والألماس
راشد : أي الحكي ببلاش اقول نوره لا تصيرين خبله وتصدقين كل كلمة تنقالك
عامر : اقول انت خراب امش يبي يخرب علي وحرمتي دف راشد الي راح يمشي قدامه وجا عامر وباس راسي : الله لا يحرمني منك
نوره : ومنك ان شاءلله اهتم بنفسك
عامر : يالله مع السلامة
نوره : بحفظ الله
راح عامر وأنا رحت لخالتي في الصالة
خالتي ام عامر : الله يتمم لك يا بنتي ويثبته يارب
نوره : الله يسلمك يارب
خالتي : كم لك الحين
نوره : تقريبا شهر و20 يوم كذا
خالتي : الحمد لله ان شاءلله ان الله يهون عليك ويملا البيت علينا
نوره : ان شاءلله في حياتكم ان شاءلله

"" زواج راشد ""
اليوم زواج راشد طبعا ما خلاني عامر أروح أساعدهم كان خايف علي يقولي توك في بداية الحمل وضغط الاختبارات توه مخلص وتبين تهلكين نفسك بس أنا الكبيرة صح نجلا مراح تقصر بس البنت غير حاولت فيه بس هو عند وكلم امي وتعذر منها وامي عاد ما قصرت قالت حنا نسد فيه أشياء كثيرة لازم اشرف عليها الطاولات متعاقدين مع محل لتزيينها ونحط عليها حلويات وفطاير تبي أشراف
كان قاعد يقرا الجريده وجيته امشي اذا عاد ما يبيني اروح مع اهلي على الأقل المشغل ابي أسوي تسريحة ومكياج هذا اخوي لازم اكون مميزة لازم اقردنه شوي
نوره :عامر
عامر : همم
نوره : أبي أروح للمشغل
عامر : مو تونا جايبين فستانك البارح ولا مو ضابط
نوره : لا زين بس المشغل مو تفصيل بس للمكياج
عامر : ما يحتاج ماكياجك فن وشوله تروحين
نوره : هههههههههههههههه فن عندك ماتعرف انت للمكياج بس الي بلتقي فيهم الليلة ينتبهون لكل صغيرة وكبيرة فيه ترضى يتكلمون فيني ويقولون شكلها قروي ما تعرف تحط مكياج
عامر : لاحول والله انتو يالحريم غثاكم واجد ياحليلنا
نوره : شفت مساكين حنا شعر ومكياج وثوب وخرابيط كثيرة
عامر: انتو الي معنين انفسكم
نوره : أي حبيبي لازم الوحدة تكون وحده
شفته قرب وجهة مني وهو مبتسم الرجال دريت عشاني قلت حبيبي يا حول انا مستعجلة وهو رايق
نوره : ههههههههههههههههههههه عامر تكفى انت تأخرني وانا وراي اشغال كثيرة
عامر : انتي مو وجه رومنسية
نوره : الا وجها بس مو الحين انا الحين وري شغل
عامر : يالله تجهزي بروح اشرب مويه
نوره : اصبر بجيب لك
سحبني مع ايدي : الحين انتي روحي البسي عباتك وانا بشرب بنفسي
رحت بسرعه وجبت عبايتي وخذيت فستاني معي أكيد بتأخر
عامر : ليش جبتي الفستان
نوره : عشان ابدل في المشغل
عامر : من جدك بتبدلين بالمشغل
نوره : أي فيه غرف هناك خاصة ببدل فيها
عامر : لا تحلمين خلي الفستان معي واذا جيتي بدلي
نوره : يوه عامر أنا أبي أروح للقصر على طول
عامر : افا يعني ماتبين توريني شكلك
نوره : هههههههههههههههه حرام عليك اليوم أنا مرتبكة يكفي ما رحت أساعد أهلي
عامر : صرفي مراح أعديها لك
نوره : ههههههههههههههههههه بكيفك مراح اهون عليك
عامر ببتسامة : مشكلة الي واثق
وصلنا ولقيت منيرة ونجلا قدامي نجود وساره في مشغل ثاني
منيرة : مشاءلله كان تأخرتي
نوره : والله العظيم اني داريه اني مقصرة
نجلا : ماعليك منها كل شي تمام ضبطنا كل شي
نوره : الله يسعدكم يارب وربي شايله هم بس عامر الله يهديه ما خلاني
نجلا : وش وراك تدلعي ترا في الحمل الأول تلقين الدلع والدلال وبعدين شوي شوي بيقول روحي صجوني عيالك كأنه مو عياله
نوره : ههههههههههههههههههههه معقولة خالد كذا
نجلا : تركي ازعاجة عسل على قلبه لكن رند إزعاج بسم الله عليها حركية وتعرفين البزر الي توه ماشي ما يخلي مكان ويفتش بالادراج ويتعبث
نوره : هههههههههههههههه ياقلبي تهبل بسم الله عليها تشبهك يا نجلا سبحان الله
منور : اقول انتي وياها اخلصو مشاءلله عليكم حلت لكم السوالف
نوره ونجلا : ههههههههههههههههههههههه
خلصنا تقريبا سويت مكياج وتسريحه ما رفعت كل الشعر بس جزئية منه يعني شكلي والله الحمد مرتاحة كلنا اشكالنا حلوة وطبعا منور شكلها عذاب منور بسم الله عليها جميلة يكفي عيونها ونعومتها تخلي الواحد غصب يذوب عندها والي ميز منور انها حركية وفرفوشة مو مغرورة ابد ولا تعترف انها حلوة
طبعا الأخ عامر معه ثوبي لابد اني اتصل عليه
منور : يالله يا بنات خالد برى
نوره : مراح اروح معكم
منور بشهقة : ليه
نوره بتردد : عامر بيجيني
نجلا : ههههههههههههههههههه يبي يشوفك
منور : قسم بالله انكم ناس فاضيين نوره وش فيك ترى العرس في وجيهنا
نوره : والله ادري يا منيرة اذا تزوجتي ان شاءلله تحسين وتعذريني
راحت منور مع نجلا وشكلها زعلت والله داريه وادري صعب عليها تتحمل كل شي فوق رأسها
ركبت وانا معصبة ومابي ابين لعامر عشان ما يزعل علي
عامر : هاه خلصتي
نوره : أي يالله بسرعه عامر ترى اهلي محتاجين لي
عامر : ابشري ولا يهمك مالك الا الي يوصلك بالوقت المحدد
رحت للبيت وعلى طول لغرفتي بدلت الثوب وتعطرت وشلت عبايتي وجيت عامر الي قاعد يتوضى عند المغسل
نوره : يالله عامر خلصت
عامر وهو يصفر : لفي لفي مو كأنه ضيق
نوره : عامر تو بطني صغير ما يصير البس واسع
عامر وهو يغمز بعينه : وش رايك تطنشين الزواج
نوره : هههههههههههههههههههه لو مو زواج راشد طنشته
عامر : ذكرتيني يالله عشان اوديك وصلي بالمسجد الي جنب القصر ازعجني راشد
نوره : هو من غير الزواج مرتبش وشلون وزواجه اليوم
وداني عامر للقصر وانبهرت شلون مسوين حركات على مدخل الحريم بالورد الطبيعي واشكال الطاولات صراحه ابداع
نوره : روعه روعه
منور : يا حبيبتي هذا ابداع اختك ازعجتهم وانا بعبايتي وجنبي راشد كل شوي يدفني لا تكلمين الرجاجيل قصري صوتك وانا اقول لا سو كذا حطو كذا
نجلا : نوره تعالي بوسي رنوده تطالعك من اليوم وانتي مشغولة
نوره : يناس تدنن خلها لمها وابوها يارب تعالي بوسي عموه
يناس تهبل هالبنيه مشاءلله تشبه نجلا مره
منور : اقول لا يفوتكم اشكال جداتي تعالوا تسدحو يقولون الناس ما يجون الا متأخرين خلنا نريح
نوره : هههههههههههههههههههههههههه يا حبي لهم يختي زواجات اول تخلص بدري
منور : لو تشوفينا يوم عزمتني خويتي هذاك اليوم يوم تأخرنا تدرين امي وش قالت
نوره بضحكة : وش قالت
منور : قالت خليني اتسنن الحين حنا تالي الليل
نوره :هههههههههههههههههههههههه نسيتي زواجي
منور : هههههههههههههههههههههههههههههه لا تذكريني
نوره : منوروه اقول احترمي نفسك
منور : الحمدلله اخيرا بتجي ساره تونسني
نجلا : افا وانا ما اسدك
منور : انتو تقرون الله يعينكم كل سنتين ثلاث بديرة
نجلا : هههههههههههههه لو تشوفين تركي شوي بيقطع ثيابة يقول تراني مليت من الحالة كل ما اتعرف على خويا اروح وخليهم
منور وهي ترفع يديها : الله يقرب داركم يارب
نجلا ونوره : امين
بدو الناس يجون ويتوافدون كنا منشغلين بالترحيب بهم والسلام وبالضيافة وكل شي
وجتنا نجود وعلمتنا ان ساره جت وحطوها بغرفة الخاصه ورحنا لها
نوره : تف تف تف مشاءلله
ساره بتوتر : صدق نوره شكلي حلو
منور : اخوي اليوم بينصرع
البنات : ههههههههههههههههههههههههه
نوره : هههههههههههههههه بسم الله عليه منور اعرفي نقي الفاظك
منور : اقول انا بروح ارقص خلونا نبدا قبل يملون الناس
نوره : حرام مقدر ارقص
منور : ارقصي وش يدري عامر
نجلا : هههههههههههههههههه مجنونه يا منيرة تبين تطيحين بزر اختك
منيرة : تقول نفسي وش دراني الرقص بينزل بزرها
ساره : يوه بنات بتروحون وتخلوني
نوره : كل شوي بتجيك وحده وبنزفك بسرعه مراح تأخرين
وفعلا بدو البنات يرقصون وزفينا ساره ما خلينها تأخر وبسم الله عليها شكلها روعه قعدنا نقرا عليها المعوذات خاصة ساره قعدت من التوتر تبتسم وطلع شكلها خيال وقعدو البنات يرقصون عندها والي يجون يسلمون عليها ويعطونها هداياها لحد ما جا وقت دخول المعرس كلنا قعدنا نضحك اكيد بيجي راشد وبيرتبش
وفعلا دخلوا الرجاجيل ورحنا نتغطى عشان سعد مو محرم لنا حتى عزوز وعامر دخلوا معهم يزفون راشد لحد ما وصلوه ورجعوا
وحنا على طول مانبي نفوت شي جينا بسرعه قعدنا نضحك على راشد لانهم يوم دخلوا غطوا ساره بعباية لحد ما يطلعون الرجاجيل قربت انا ومنور وعلنا عباياتنا وراشد قاعد يناظر ساره ولا قال شي الرجال تنح شكل سعد نبه لانه سعد مات ضحك وقرب راشد منها وباسها على راسها وفي يدينها وجا سعد وسلم على اخته وخالي ابو سعد وحطو لهم شوط وقعدوا يرقصون قدام راشد وساره الي مو يمهم راشد حاط راسه جنب راس ساره ويقرقر عليها مدري وش يقول وهي مسيكينه وجها ينصبغ الوان لحد ما فاجأنا يوم اقبلنا عليه وقف وسلم علينا وحطو لنا شوط وقعدنا انا ومنيره وراشد نرقص
راشد : لو يدري عامر اني رقصتك راح يذبحني وانا ما بعد تهنيت بعرسي
نوره : ههههههههههههههههههههه اجل بقوله
راشد : اذا قلتي له قدني مسافر
نوره : جد وين بتروحون
راشد : طبعا ببدى حياتي بعمره ومنها لفه على ديار ممكلتي الحبيبة جده طايف الباحه ابها
نوره : بصكم عين ياناس خاطري ببها ورفض عامر عشاني حامل
منور بشهقة : نصابه لالا مابي ابي اروح لبها انا ذاكرت مابي اشيل مواد عشانه مواعدنا
راشد : اقول لا تخربون عرسي روحو ارقصو وستانسو فكروا بعدين وين تروحون
منيرة : اي وش همك انت بتروح وتوسع صدرك
نجلا : مبروك يا راشد
راشد : هلا ومرحبا بك الله يبارك فيك عقبال ما تفرحين بتروك
نجلا : بحياتك ان شاءلله

وانتهى زواج راشد والله جمعه بساره وراح تبدى حياة جديدة لنوره مع مولودها الجديد وما يندرى وش بيصير فيها

الله يعطييك العافيه على البارتاات الحلوه

ومبرووك ملكه رااااشد

دمتي بود

سعوديه وكلي عز