يسعدلي مسائك
مشكورة على البارت وتسلم الايادي
يارب تكون بنتك اللحين صارت احسن ,,,حاسه بشعورك لان من كم شهر كنت تقريبآ بنفس موقفك
طبعآ ماشاءالله لاقوة الا بالله من رجعتي صار البارت يتخلله بقوه لون وردي
اتوقع هذي نفسيتك اللي ارتاحت وان شاءالله طول الوقت ربي يرزقك الراحه والعفو والعافيه.
مممم
شكرآ قلتي 3ايام وبالفعل كانت 3ايام مشكوره بقايا :)
تدرين لوووول اذا قريت البارت لازم ارجع اقراه من البدايه كم مره
لان لك اسلوبك مختلف تمامآ عن باقي الكاتبات وهو انك تكتبين اسم المتحدث عقب كلامه
واللي ميزك اكثر واكثر كلامك المحترم مع متابعينك,,,يدل على احترامك لهم ,,,,شكرآ
====================================
البارت اليوم كان مركز جدآ على مها وماجد
اللي فهمته ان مها صار عندها علم بموضوع تحاليل ومرض ماجد
بس من خلال حوارها مع نفسها مااثر فيها ولاجات طاريه الا ان الايام ماترجع!
هذي مقوله كلنا نقوله ان الايام ماترجع وفرصه ماتتكرر,
طبعآ بارت اليوم في نقله كبيرررره بتغير كثير بمعاملة ماجد ومها
وكأنه كان خارج حدود معينه لكن هاللحين هو داخل الدائره
بصراحه انا اعتبرت اللي قام فيه ماجد خطوه ايجابيه وان كنت اختلف معاه بموضوع العنف
لان بصراحه موضوعهم طوول مثل ماقال ماجد لهم سنه ,,,وهم لاجديد
صح يكون في قرب ببعض الايام لكن يجي موقف ينفض جمر الماضي ويرجع
مره ثانيه ويأثر تأثير سلبي وتتنكس علاقتهم مع بعض ,,,,وعلى هالحال !
احس موضوعهم مثل (الدمله) لازم تنفتح من نفسها عشان تتنظف ونرجع عليها الغطاء وتلئم
على طهاره ,,,وماترجع تعبي مره ثانيه <--- تشبيه مثل الجدات
==================================
مها مشكلتها متعقده ومين يقدر يلومها
هي تعقدت من شخص عاملها بطريقه حيوانيه اكثر من انها انسانيه
كثير رجال مايحبون حريمهم وتلاقينه يمشي بطريق الخيانه وتلاقينه اخذ طريق المعصية
لكن على القليل يعامل زوجته بطريقه كويسه
لكن اني اكون اناني واعيش حياتي بقذاره وامتع نفسي بالحرام
وارجع البيت وامتع نفسي بالحلال وياليت بطريقه حنونه الا بطريقه حيوانيه
وفوق كل هذا ارمي بوساختي على زوجتي !!!!! وغير كل ظلمه لها ,,,,
منصور قذف محصنه وبهتها !!وش عقابه ؟؟
(اكرررره هالفئه من الذكور لان استحاله ينحسب على الرجال)
طبيعي ان مها تتعقد وتكره كل الرجال وتكره اخوانه لان من وجهة نظرها المعقده انهم
مثله بيكونون,
انتي لو احد ضرك بقوه من عائله معينه ,,,بتكرهين كل افرادها حتى لو ماأذوك
لكن مها رجعت بطيبتها معهم لكن ذكرياتهم موجوده
مممم
طيب يامها انا عاذرتها لكن مدة سنه وهي تتعامل مع ماجد
ماشافت الفرق ؟؟ ليش حكمت فقط انهم يتشابهون بالحياة الزوجيه دامهم اخوان
ليش ماحكمت على فرق الشخصيات وعلى نوعية التعامل والاهم ليش ماحكمت
على طولة البال اللي تميز فيها ماجد دووون عن سواه ؟؟
لكن هالكلام نقوله بأول زواجهم ,,,لكن اللحين بيمر سنه وهي مازالت كل ماتصرف
ماجد تصرف سيئ تجمعه مع منصور وتشبهم ببعض !!!!
بصراحه تفكيرها ابدآ مااقنعني ,,,لان اللي فهمته انها عاشت مع منصور كم شهر
وبعدها توفى ,,,,يعني الفتره اللي عاشتها مع ماجد اكثر من منصور !!!
صح انا معاك ان منصور خلاها تعيش ايام مثل العلقم بمرارتها ولا ريحها حتى بعد
مماته ,,,لكن ليش نحكم فقط من جانب واحد وهو العلاقه الزوجيه,,,
يعني هي ماشافت الفرق بالتعامل ولا الفرق بالشخصيات
شارب الخمر يبان عليه ,,,والخاين ينكشف ,,وقلة الاحترام بالتعامل واضحه
هل هي شافت على ماجد واحد من هالامور؟؟,,,,طبعآ لا
حتى الموقف الوحيد اللي يخص الحريم يوم ركبت معه امنه بالسياره
ورجعت عاتبته ,,,ماجد كان تصرفه مثالي انه شرح لها الموضوع كله وقالها الحوار
اللي بسببه ضحكت امنه,,,,يعني انسان عايش بالنور ولا له حياة خفيه
مها غلطت غلطة ثانيه,,,,
هي عارفه ان ماجد حبها الأول وأن كان هو حاليآ زوجها الثاني
ليش ركزت انها تعامله انه زوجها الثاني وغفلت عن انه حبها الأول .
للأسف ضيعت فرص كثيرررر,,,كانت قادره تختصر طريق وعر وكئيب .
لكن خلينا نكون ايجابيين ,,,,وننظر للجزء المليان من الكوب
انها اللحين تبي ترجع ماجد ,,,وهي داريه ان المده قصيره
هذا بيخليها تتصرف بطريقه سريعه ,,,,,,
ويارب ماتكون تتصرف بالوقت الضايع
=========================================
ماجد
بصراحه رايته بيضا وماقصر
بال طويل وقلب عاشق اثبت عشقه بالفعل قبل القول
أثر عليه الماضي لكن حاول وبكل جهده يكسب مها .
صبره كارجل ينشكر عليه لان نادرآ جدآ اذا احد صبر صبره
وهو اصلآ يحب هالانسانه اللي قدامه وكان يتمناها زوجه له من سنين
=============================
انتظرك بأذن الله تعالي بالبارت الاخير
وبجيب معاي ورقة تعهد ابيك توقعين عليها
ان هالروايه ماتكون الاخيره ,,,لكن تكتبين غيرها وتنتهين منها وعقب تنزلينها
وتكون بأذن الله ظروفك تعدلت وبالك صار مرتاح .
ربي يسهل امرك
07-06-10, 12:31 AM
جديد مواضيع قسم القصص المكتمله من وحي قلم الاعضاء
العرض العادي
