كاتب الموضوع :
zhraa
المنتدى :
التحقيقات
جريمة قتل
المفتش سراج يجلس في قسم المنتزه في زياره قصيره لمأمور القسم
مأمور القسم: اهلا اهلا حضره المفتش ازاي حضرتك يا رب تكون بخير
سراج: الحمد لله تمام يا فندم وحضرتك ايه اخبارك
المأمور : تمام الحمد لله... طبعا زي ما انت شايف منتهي الكسل كله نايم ماشاء الله القسم مش بيجيله بلاغات بالمره
سراج يضحك... ويعرف اينما انه ما دام جاء سوف تحدث كارثه ويستدعي فيها هو للتحقيق
التليفون علي مكتب المأمور يرن
يرفع المأمور السماعه علي اذنه ويسمع
يظهر عليه التأثر
سراج يعرف ان الكارثه حدثت... وينتظر من المامور اتاحه التدخل...
يضع المأمور السماعه..ينظر لسراج....
اذن هي الكارثه... ولها وقع كبير كمان
المأمور: جريمه قتل.... قتل فيها السيده العجوز... وخادمتها وبواب الفيلا... الشاهده سمعت صريخ الخدامه من المنور ولما فتحت الشباك شافت واحد بيخنقها وبعد شافت الست العجوزه دخلت اودي الخدامه وجري ورا منها وخنقها هي كمان وشرطه النجده عرفت وبلغت القسم التابع للمنطقه
سراج: طب احنا لازم نروح طبعا دلوقتي
المأمور: طبعا طبعا
ينادي المأمور علي ضابط النوبتجيه ويطلب منه تحضير قوه لمعاينه الحادث وابلاغ الطب الشرعي والجنائي واخذ عربيه اسعاف لنقل الجثه من مسرح الجريمه الي المشرحه للمعاينه
المفتش سراج: يا سياده المأمور... تسمحلي اروح مع القوه لمسرح الجريمه...؟
المأمور ينظر له في دهشه: انت علي طول كده يا سراج بتحب الشغل عايز تروح يا سيدي رووح
يركب سراج سياره الشرطه مع القوه ويتوجهوا الي بيت المجني عليها
تقف السياره امام احدي العمارات الفخمه في حي المنتزه وتطل علي شارع رئيسي حيوي بالاسكندريه..
ويظهر ان سكانها من اصحا الملايين لا اقل
يشق سراج التجمعات حول مدخل العماره للصعود( شعب غريب يتجمع حتي ولو علي قرداتي
يعبر سراج بوابه الامن علي مدخل العماره هو ورجاله وتصرخ بأزيز عالي عن مرور كم الترسانه العابره لها ولا احد يبالي بعويلها وصريخها
يقف ضابط شرطه علي مدخل شقه شبه صغيره في مدخل العماره من مدخلها يظهر انها مضجع البواب الاخير
سراج: جثه البواب هنا يا ابني...؟
الضابط: ايوه يا فندم... موجود في الحمام.. المعاينه الاوليه بتقول انه كان بيتوضأ علشان يروح يصلي الفجر
والقاتل هاجمه من ورا و خنقه... ونتيجه للخنق رقبته اتكسرت
سراج: طيب .. وباقي الحوادث برضه خنق..؟
الضابط: ايوه يا فندم.. كمان السيده العجوزه والخدامه ماتوا بنفس الطريقه
سراج: خلاص ممكن تغطيها وخلي العساكر يطلعوا الجثه في عربيه الاسعاف
يصعد سراج في الاسانسير هو واثنين من رجاله ويبدأ في الصعود
لكن الاسانسير لا يتحرك مع ان الوزن مناسب...
سراج: لازم الحاجات اللي زي دي تعطل في الوقت اللي مش مناسب
يصعد سراج الي الشقه عن طريق السلالم.. ويجد ان بابها مفتوح... ويلاحظ كم البعثره الموجود فيها مما يدل علي مقامه المجني عليهم للقاتل
الضباط يقفون بداخل الشقه
يقترب سراج من احد الضباط
سراج: هي فين الجثث ...؟
الضابط: هو مين حضرتك اساسا.......؟
سراج يبرز البطاقه...
سراج: انا المفتش سراج من مباحت مديريه امن بالاسكندريه
الضابط: اهلا اهلا... احنا يا افندم استجوبنا الشاهده.. وقالت ان فيه واحد قتل الخدامه والست العجوز..........
يقاطعه سراج خلاص عرفت يا ابني... فين بأه الجثث...
الجثث مش موجوده يا افندم... كأنها فص ملح وداب.....
سراج: ازاي يعني...؟
الضابط: مش عارف يا فندم.. انا جاتلي اشاره وانا قاعد في عربيه الدوريه ... ان فيه جريمه قتل فتحركت للموقع وملقتش غير جثه البواب بس
سراج......: امممممممممممم طيب..... يعني القاتل بيلاعبنا.....طب فين الشاهده...
الضابط: اغمي عليها يا فندم... وطلبنالها عربيه اسعاف....
سراج.: كماااااااااااااااااااااااااااااااااااااااااان... ايه يا اخوانا انتوا مش عارفين ان القضيه ممكن تتحل لو الشاهده موجوده.. بتنزلوها من مكانها ليه....؟
الضابط يرتبك: انا اسف يا فندم بس كان لازم ننزلها في عربيه اسعاف...
سراج : خلاص... مفيش داعي للاسف...
ينظر سراج...الي مسرح الجريمه...
سراج للضابط مره اخري: طب هو كان فيه حد بيزورها......؟
الضابط: الشاهده قالت لأ دي كانت مقطوعه من شجره...
سراج.. : طب ولادها...
الضابط: الشاهده قالت ان ليها 3 ولاد وبنت
فيه ولد محجوز في القاهره....في مستشفي للامراض النفسيه وولد عايش في كندا وولد كان ظابط في حرب الخليج وماات
والبنت عايشه هنا في العصافره
والجميل يا فندم.. ان تركه الاب اتوزعت علي كل الاولاد حتي علي مرات الابن المتوفي والابن المريض نفسيا مأخدش اي حاجه...
سراج.... طب حاول تستدعوهملي كلهم...
الضابط: حتي المريض نفسيا......؟
سراج: لا مش لازم دهززز بس اتأكد انه موجود في مكانه...
الضابط.. حاضر يا فندم...
سراج يبحث مره اخري في مسرح الجريمه...ويمشي متجها الي المطبخ الذي تمت فيه جريمه القتل....
فجأه يدوس علي شي واضح انه اتكسر تماما نتيجه ضغط سراج عليه....
ينظر الي الارض... ليجد ساعه رولكس من النوع الغالي... ويرفع عينه الي الحائط ليجد صوره جماعيه للام وولادهاالاربعه
وفيهم اخ يبدو عليه انه الكبير
وكان يلبس هذه الساعه.....
اذن ان الابن المهاجر الي كندا موجود هنا في الاسكندريه...
يلتفت سراج الي الضابط...
سراج: يا سياده الملازم... اتأكد من المطار ومن ابنها اللي عايش في كندا انه موجود في كندا ولا لأ
الضابط : حاضر يا فندم....
يغيب الضابط نصف ساعه...... ويرجع ليعطي تقريرالي سراج
الضابط: الابن المريض نفسيا موجود في مكانه
.......... والابنه موجوده وجايه دلوقتي علي طول... وليها حجه غياب انها كانت موجوده في حفله وكل الناس شافوها
.......... المفاجأه بأه ان الابن المهاجر نزل مصر علشان يشوف امه....
سراج...: يبقي هو القاتل....؟
يجري احد العساكر ويقتحم الشقه......
العسكري: يا فندم يا فندم... لقيت جثه فوق في اوده الاسانسير...
سراج ينظر اليه ويجري الي اعلي.....
يقتم سراج غرفه الاسانسير لييجد ان جثه الابن المهاجر في وضع رأسي ومعلقه ورأسها الي اعلي....اذن من القاتل؟
واين توجد الجثث( جثه السيده العجوز وجثه الخادمه)؟
|
13-03-08, 05:54 AM
جديد مواضيع قسم التحقيقات
العرض العادي
