كاتب الموضوع :
زيونه الحلوه
المنتدى :
القصص المكتمله من وحي قلم الاعضاء
جزء 12
البارت الثاني
بعد الغدى الاء وريم راحو البيت
و طلال كان قاعد مع مشاعل في المجلس
طلال : ها حياتي لين متى بتمين هني مااشتقتي لي
مشاعل : اليوم برجع البيت
طلال : يا الله عيل جهزي اغراضج عشان نروح
مشاعل : انا الي بحدد الوقت
طلال : ان شاء الله مدام مشاعل متى تبين نمشي
مشاعل : قوم يا الله احين بنمشي بس خلني انادي جانيت اييب جنان
طلال : وحشتني
راحت تيب بنتها
طلال : هلا والله بنور عيني فديتج والله
مدت جنان يدها لابوها : بابا
طلال شالها وقعد يبوسها ويلعب معاها
مشاعل راحت البست العبايه والشيله وارجعت لهم : يا الله مشينه
طلال : اوكي وشال بنته
مشعل : ها اجوف الحكومه رضت عليك
طلال : اي واخيرا
مشاعل : مالك خص فينه يا الله اقلب ويهك وروح مو تقول مشغول
مشعل : مرتك ذي يبيلها تكسير راس
طلال يهمس له : مينون انا المسها تبيها تسفرني
مشعل : ههههههههههههه اي عادي تسويها
مشاعل : هي انتو اشكره تعقرون
مشعل : يا الله باي وباس جنان وعضها في خدها
شوق : سامي حياتي قوم
سامي : يعني الواحد مايعرف ينام خليني حدي تعبان
شوق : قوم خالتي تبيك على التلفون
سامي : امي
شوق : ايي
سامي : قولي لها راقد
شوق : يا الدب قوم تبيك ظروري
سامي : انزين انزين وقعد يكلم امه بعدها راح جاف شوق مع اليهال وتلعبهم
خالد : بابا تعال العب معانه
سامي : ان شاء الله شواقه حبيبتي يبي لي شي اشربه
شوق : ان شاء الله
سوت له عصير ويابته
خالد : انا بعد ابي
شوق : روح المطبخ وقول حق ميري تسوي لك وتسوي حق اخوك
مسك سامي قيس بس قيس مارضى وراح حق امه
سامي : ولدج شنو فيه من جسناه مايبينه وراح شاله يا الدب تراني ابوك
قيس : اماااه اهئ اهئ
سامي : صيح لين باجر مافي وقعد يعضه بالعدال
شوق : هد ولدي حرام عليك تصيحه وشالته من عهنده
سامي : وايد ماعطته ويه الدلوع هذي الي ببوقه ببتلش فيه
شوق : اصلا يحصل لهم مثل ولدي فديته
شذى مع منار ومشعل يتسوقون
مشعل تملل منهم وقعد في الكوفي شوب لين يخلصون
منار : شذوي تعالي جوفي هل فستان حلو خل ندش نجربه
شذى : يا الله شورانه
قعدو يجربون الفساتين اخر شي منار خذت لها فستان قصير لونه ليموني ناعم فيه اكسسوارات عند الصدر
اما شذى اخذت فستان طويل لونه احمر نعوم مافيه وايد اكسسوارات
بعدها قعدت منار تشتري لها ملابس الاستقبال و ملابس للطلعه
راح لمشعل واهم حاملين الاكياس
مشعل : جان مايتو بعد خميتو المحلات
منار : كيفه احنه ينه لانه مانقدر نشيلهم نبيك توديهم السياره وترجع نكمل الفراره
مشعل : اقول يا الله جدامي مو جني عطيتكم ويه زياده عن اللزوم
شذى : حياتي مانبي نرجع البيت شرايك تطلعنه تعشينه برع
مشعل : انتي تامرين امر يا الغاليه
منار : احين اهي تامر امر اما انا اذلف
مشعل : اهي مرتي وبتفيدني انتي شنو بتسوين لي
منار : الله يهينكم ويخليكم حق بعض
مشعل و شذى : امين
مشعل : يا الله عن الهذر الزايده و خلنه نروح نتعشى
تعشو ورجعو البيت منار انسدحت على السرير واهي تفكر شنو بصير في الملجه
منار : آآآه ياقلبي ماباقي الا 4 ايام وعقب اسبوعين وشي الخطوبه مشتاقه لشوفته
وحشني من زمان ماجفته وصوته بعد وحشني قامت من محلها وفتحت الدريشه وقعدت تطالع السمى بعدها شغله اغنيه stand by me الي غناها لها
شذى : حياتي تعال ساعدني البق الاقراض
مشعل : شذوي تعالي وخلي الخدامه تسويهم
شذى : لا ماابي ابي اسويهم بروحي
مشعل قام وسحبها : انتي نامي ولا تعروين راسي ابي انام باجر وراي اشغال الدنيا والدين
شذى : اوكي نام انت
مشعل : مااقدر تراج نفختي راسي
شذى : اوكي حياتي
رن تلفونها بساط الريح
مشعل : اففففف من الي متصل
شذى : عزوزي بروح اكلمه برع
مشعل : اوكي تسوين خير
شذى : ههههههه الو
عبدالعزيز : هلا والله شخبارج
شذى : بخير وانته شخبارك وينك ماتبين
عبدالعزيز : لاهي شوي الا شخبار الغاليه اقول قومي قعدي سولفي وياها وحشتني
شذى : ارقدت واخاف ان رحت لها تطردني
عبدالعزيز : عاد حياتي بلييز بس ابي اسمع صوتها حرام عليج ارحمي حالي
شذى : كلها جم يوم وبتصير مرتك
عبدالعزيز : شذوي عن النذاله عاد وبعطيج الي تبين
شذى : مابي
عبدالزيز : يا الله عاد
شذى : انزي انزين بس ابي امممم تعطيني اللابتوب مالك اليديد و تلفونك اليديد وسيارتك
عبدالعزيز : لج كل الي تبين بس خليني اسمع صوتها
شذى : اوك خلاص
وراحت حق منار طقت الباب ودخلت
شذى : منور .. منور
منار انقزت : بسم الله انتي متى يتي خرعتيني الناس تطق الباب قبل ماادش
شذى : طقيته و ولا الف مره ناديتك وانتي مفهيه وحركت حواجبها ها سرحانه في شنو
منار : ها .. ولا شي بس كنت اتامل برع
شذى : شنو تطالعين مافي شي برع السمى مافيها قمر
منار : اوه كيفي
شذى : ولا تفكرين في القلب
منار صار ويها احمر : اقول روحي ابي ارقد وطلعتها وصك الباب
شذى : ههههههههههه وكلمت عبدالعززي ها ارتحت
عبدالعزيز : يا لبيه فديتها وفديت صوتها خلاص ابشري باجر كل الي تبينه بعطيج
شذى : هههههههه لا اتقشمر فديتك بس كنت احرق دمك شوي
عبدالعزيز : انا قلت بعطيج يعني بعطيج
شذى : خالو حبيبي ماابي شي يكفيني اجوفك مستانس
عبدالعزيز : اوكي تحملي بروحج واذا تبين الاقراض قولي لي يا الله فمان الله
شذى : ابي سلامتك و تحمل بروحك باي
رجعت الحجره كان مشعل مغطي ويه
شذى : حياتي نمت
مشعل : ايي
شذى : ههه والي يرقد يتكلم
مشعل : شذوي خليني انام بلييز
شذى : اوكي خلاص بسكت
شال اللحاف عن ويه : اقول حبيبي شرايج نسهر مو احسن شكلي مابنام
شذى : لا حياتي نام اخاف عقب تتحندى علي وراك اشغال
مشعل : تتشردين يا الدبه
شذى : هههههههه انا لا حشى علي
مشعل : يا الله تصبحين على خير واي نفس لاتلومين الا نفسج
شذى : اوكي ههههههه
مشعل : ولا نفس
حطت يدها على فمها
مشعل : هههههههههه خوافه
بعد كم يوم في يوم ملجه منار
العايله كلها متيمعه
منار : وااااااااي ميته من الخوف خلاص هونت ماابي
شذى : ههههههههههه ليش حلاوه اهي وقت اليلا تبين بتاخذين وقت الي ماتبين ماتاخذينها
مشاعل : ههههه خليها تحس فينه قبل تعيب احين استلموها
رهف : حرام عليكم بدال ماتهدونها تسوون فيها جي
الاء : انهديها اشدعوه اهي بتعرس مو شي ثاني
ريم : ياريتني انا الي ارعس منور ريلج اينن عطيني اياه
منار : يله مناك ذلفي ريلي حقي برحي سمعتي
ريم : ههههه مانبيه شبعي فيه ياربي متى اعرس
الاء: تبي راجو
ريم : لالالالا وع لو ابيض وحلو معليه بس اسود
الاء : لا تغلطين عليه تراه اشقراني
مشاعل : اقول منور شفيج قعدي ذبحتيني يا رايحه ياراده
مشاري : درب درب
قامت له رهف وعطاها الدفتر عشان منار توقع
رهف : هاج منور وقعي
منار : لاخايفه مو قادره اكتب اصلا نسيت شلون يكتبون
الاء : عطيني بوقع عنج وبكتب اسمي واخذت القلم
منار : اقول عطيني وسحبت القلم منها وقعت
الاء : ههههههههههه
شذى : الف الف مبروك وحضنتها حطي عزوزي في عيونج سمعتي
خذت رهف الدفتر وعطته مشاري
مشاري : جان رقدت بعد
رهف : هههههه حرام عليك خايفه
مشاري : ناديها عشان اسلم عليها
رهف : منور تعالي اخوج يبيج
منار : حق ليش
مشاعل : عشان يكفخج يعني حق شنو يبي يبارك لج عن الثواره
مشاري : الف مبروك يا المزعجه
منار : الله يبارك فيك
حضنها وباسها على راسها
مشاري : جوفي عقب شوي بناديج عشان اتيين تقعدين مع ريلج
منار : ها لالالا ماابي
مشاري : تراه مايعض يا الله انا بروح وعقب شوي برد لج
مشاري دخل المجلس وحب يلعب في اعصاب عبدالعزيز فكشر
عبدالعزيز ويده على قلبه : بشر
مشاري : والله يا اخوي ماادري شقول لك بس
عبدالعزيز ؟: بس شنو قول
مشاري : البنت
عبدالعزيز : شفيها ماوافقت
مشاري : موافقه
عبدالعزيز من الخوف ماسمع : شنو البنت شفيها
بو خالد حضنه : الف مبروك يا ولدي منك المال ومنها العيال
عبدالعزيز : وافقت وقام يرقص من الوناسه
مشعل : ههههههههههه اقعد فشلتنه عند الريايل
الكل بارك له
عبدالعزيز : اقول مشاري ابيك في كلمه راس
طلال : قول تره عادي
بو طارق : طلال عن اللقافه
طلال : عمي اصلا معروفه يبي يجوفها
الجد محمد : يا بوك قوم خل ريل اختك يجوفها ويبارك لها واحنه بعد نبي نبارك لها
قامو عمامها و الجد في المجلس
عند النسوان الكل بارك لها وكان الرقص قايم عند البنات
اتصل مشعل على شذى عشان تييب منار وراحت شذى معاها
منار : وين بتروحين
شذى :بلبس دفتي وه
منار : اوكي و راحو المجلس الثاني وكانت منار ميوده في شذى الي يجوفها يقول
خايفه تشرد
شذى : سلام عليكم
الكل : وعليكم السلام
وراحت تبوس راس الجد شذى : يبه شلونك وينك ماتبين مشتاقين لك
الجد محمد : هلا والله بنيتي ها يبه مافي شي بالطريج
مشعل : لا يبه مافي شي اصلا ماابي احين ازعاج يبه ودني ولا يمه ويمه ابي اتدلع عليها
احين وعقب يصير خير
الجد محمد انتو عيال احين ماينعرف لكم اقول منوره تعالي
منار : هلا يدي واهي منزله راسها
الجد (محمد ) : الف مبروك يا بنت الغالي ومسح دجمعه نزلت
منار : افا يا الغالي ليش هل دموع
الجد محمد : كان ودي يكون موجود ويجوفج عروس
حضنت يدها و باست راسه
بو عادل : خلاص مانبي افلام هنديه نبي نفرح وحضن بنت اخوه الف مبروك يا الغاليه
منار : الله يبارك فيك
بو طارق : الف مبروك يا قمر و باسها وحضنها
منار : الله يبارك فيك عمو
مشعل : الف مبروك يا الغاليه وحضنها
منار : الله يبارك فيك
بعد ماقعدو معاها شوي طلعو و دخل عبدالعزيز
شذى قعدت معاها لان منار هددتها ان بتذبحها ان راحت
قامت شذى سلمت على خالها وباسته
شذى : الف مبروك يا الغالي
عبدالعزيز : الله يبارك فيج ويا الله فارجي
شذى : هههههههههه اوكي جااو
عبدالعزيز : مساء الحب .. مساء الفل .. مساء الورد
منار : .....
عبدالعزيز : سلام عليكم
منار : ....
عبدالعزيز : وعليكم السلام والرحمه شخبارج
منار : زينه
عبدالعزيز : واخيرا سمعت صوتج .. انا بعد بخير والحمدالله مشتاقين لج
منار صار ويها احمر ونزلت راسها
عبدالعزيز : تره انا مو ياي اجوف كشتج ابي اجوف ويهج
منار : ههههههههههههه
عبدالعزيز : فديت الضحكه وراعيتها وفديت الي لابسه بحري
( منار كانت لابسه فستان لونه بحري طويل و له اكتاف )
طلع علبه وفتحها كان فيها خاتم
نعوم و فيه قلب و القلب مرصع بالماس من داخل الدبه كاتب تاريخ الملجه واسمه
ولبسها وباس يدها
عبدالعزيز : حياتي شفيج بردانه
منار : لاعادي
عبدالعزيز : تبين ادفيج بدفيج
منار : لالا مو برادنه وسحبت يدها و بتعدت شوي
عبدالعززي : ههههههههههههههه
دخل عليهم مشعل : يا الله قوم اذلف خلص وقتك
عبدالعزيز : افففففففففففف يه مفرق الجماعات
منار : هههههههههه
مشعل : مستانس يا الله قوم اذا عرست خذها وياك وفكنه من ازعاجها
عبدالعزيز : احلى ازعاج احسن من ام الخضر والليف مرتك
مشعل : ههههههههههههههه
شذى : وشفيها مرته ها
عبدالعزيز : بسم الله الرحمنن الرحيم انتي هني
شذى : لاهناك
وراحت لمنار
شذى : الااي حلو الخاتم وطلع عندك ذوق
عبدالعزيز : حلفي عاد اقول ذلفو خلونه شوي
مشعل : لا مافي واقول الدبه مو احين في الخطوبه
عبدالعزيز : اشحارك ابي اعرف انزين عطاها كيس تفضلي يا الغاليه ونبي نسمع صوتج الليله
منار : اوكي
عبدالعزيز : مع السلامه اخوج عضم في البلعوم
مشعل : ههههههه يا الله امش جدامي
وكان برع في الحديقه يعزفون ليوه و الشبار رقص و وناسه و عشى والبنات داخل قعجو يتفرجون وقامو يرقصون
في الليل الساعه وحده وشي
رن تلفونها بنغمة حياتي لمحمد نور ( حياتي في بعدي عنك مش حياه انا بعد منك قلت آه مشتاق لحضنك )
طنشته رجع يرن مره ثانيه وثالثه ورابعه
منار : افففففففففف من هل مزعج
وعطته مشغول بعدها وصلها مسج ولما بطلته
(( منور قلبي رد علي فديتج .. اذا كنتي قاعده وااذ نمتي فنوم العوافي و احلام سعيده .))
سيده اتصلت له
عبدالعزيز : هلا والله بالي يحقرون
منار : لانه رقم غريب
عبدالعزيز : بس انا قلت لج بتصل فيج
منار : نستي اخذ الرقم
عبدالعزيز : ماعلينه قلبي شخبارج
منار : بخير دامك بخير
و قعدو يتكلمون الى اذان الفير بعدها راح يصلي واهي صلت ونامت
الساعه 10 ونص ...
شذى : يمه شخباركم وكيف اصبحتو
ام خالد : بخير .زالحمدالله وانتو كيف اصبحتو
شذى : الحمدالله بخير
ام خالد : ها يمه مافي شي بالدرب
شذى : لا ليحين واحنه مو مستعيلين وايد
ام خالد : على خير يمه .. يا الله بخليج عشان اروح بيت ام جمال
شذى : اوكي سلمي عليه وسلمي على ابوي
ام خالد : يوصل يا الله مع السلامه
شذى :الله يسلمج فمان الله
بعد ماسكرته قامت عشان تدخل الحمام ( وانتو بالكرامه ) عشان تسبح رن تلفونها
ولما راحت تجوفه كان رقم تعرفه عدل
شذى @@
تم يرن ثلاث مرات بعدها شالته بس بدون ماتكلم
الطرفة الثاني : الوو السلام
شذى : وعليكم السلام هلا والله
الطرف الثاني : شخبارج وشلونج ..
شذى : بخير
الطرف الثاني : عرفتيني ..
شذى : ايه وهل يخفى القمر انتي رشا
رشا : ههههه اي عبالي ماعرفتيني سوري لان انا عطيتج رقمي بس احين اتصلت لج من رقم زوجي
شذى : اهاا
رشا : امم حبيت اسئل عنج و اعزمج يعني اليوم مثلا اتيين البيت على عشى
شذى : اوك بجوف ريلي وبرد عليج المهم مروه شخبارها وخالتي
رشا : كلهم بخير و مروه وايد مستانسه
شذى :الحمدالله وانتي ان شاء الله مرتاحه
رشا : اي الحمدالله اوكي قلبي استاذن احين وردي لي خبر
شذى : اوكي وتحملي بروحج
رشا : مع السلامه
شذى : مع السلامه
اول يوم دوام في الجامعه
منار : افف مالي بارض ادوام
شذى : جبي زين تخليني بروحي
منار : شذوي جوفي شله الصبيان ذلاك شلون يطالعونه
شذى : امشي ومعليج منهم
منار : مااحب احد يطالعني جي جوفيهم كانهم عمرهم ماجافو بنات
شذى : اقول منور امشي نروح الكفتريا احسن
واهم يمشون
...: فديتج والله يا عمري اشتقت لج
منار سيده التفت وابتسمت له : عبدالعزيز
عبدالعزيز : عيونه
منار : شنو تسوي هني
شذى :يعني شنو يسوي ياي يجوفج يا الخبله
عبدالعزيز : وانا افوت علي فرصه فيها جوفتج
شذى : يا الله انا بروح عنكم
عبدالعزيز : اوكي ذلفي زين تسوين
شذى : تره بروح بكيفي مو بكيفك انت
وراحت عنهم
عبدالعزيز : شخبارج يا الغاليه
منار : بخير دامني معاك
عبدالعزيز : بخاطري اقعد وياج واطلع نتمشى بس اخوج النحيس
منار : ههههههههههه احسن عشان تشتاق لي
عبدالعزيز : انا اشتاق لج كل لحظه وكل ثانيه
صار ويها احمر : عبدالعزيز
عبدالعزيز : عيونه امري
منار : لا مافيني شي بس خلنه نروح الكفتريا نقعد احسن لنه هني وايد حر وشمس
عبدالعزيز : اوكي قلبي
شذى : اوكي تمام بس حده حرر اوف
مشعل : يا الله شنو تسوين قلبي
شذى : انته شخبارك وشنو مسوي
مشعل : بخير دامني اسمع هل صوت يعلني مانحرم منه
شذى : لحد احين ماجفت احد من صديقاتي
مشعل : ان شاء الله تجوفينهم اوكي روحي بخليج احين عندي اجتماع تامريني بشي
شذى : سلامتك تحمل بروحك
مشعل : اونتي بعد ايي الظهر لاترجعين مع منور انا بمرج وبنروح نتغدى
شذى : اوكي باي
مشعل : باي
نوف : شذوووي
شذى : نوفو هلا والله وحشتيني وحضنتها
نوف : وينج ماتبيني وشخبارج
شذى : بخير اسئل عنج وكل شي تمام
نوف : ها شنو اخر التطورات بينكم
شذى : اي ماقلت لج تزوجت
نوف @@ : اخذتي حمانو
شذى : لالا واحد اسمه مشعل و تعرفين احببه موت ولا اقدر اعيش بدونه
نوف : اوه تطورات وبعد قولي كل شي
وقعدت تقول لها كل شي من البدايه لي النهايه
نوف : يه يه كشخه انزين خلنه نجوف مشعل
شذى : خير اختي ذلفي مناك اغار
نوف : هي لاتنسين تراني معرسه من زمان وعندي بنوته
شذى : هههههههه ادري شخبارها احين
نوف : سكتي ذابحتني مزعجه
شذى : الا شخبار البنات
نوف : تصدقين ماادري عن احد من بدايه العطله سافرنه و رجعت من ثلاث اسابيع
بعدها انشغلت مع البيت و زوجي
شذى :اهاا اي صح ماقلت لج
نوف : شنو
شذى : مروه تزوجت
نوف : اوه زين زين
شذى :يا الله قومي خلنه نروح الكلاس
نوف : اوف مالي بارض يا الله
واهم يمشنو
نوف : شذوي
شذى : ها
نوف : في واحد مع منور من ذي
شذى : هذي خالي و خطيبها
نوف : يا الكريها ماقلتي لي انها مخطوبه
شذى : هههههههه نسيت اي تراج معزومه بس خل ايبون الكروت بكره ان شاء الله بيب لج كرت
نوف : اي مو تنسيني تره اذبحج
شذى : ان شاء الله عمتي
خلص اول يوم جامعه
كان بالنسبه لمنار ممل ومتعب و اكره شي عندها
بس الي خلها تفرح وجود عبدالعزيز
اما شذى كان عادي عندها
في المطعم
مشعل : ها حياتي شنو سويتي اليوم
شذى : عادي مثل كل مره
مشعل : انزين شنو تبين تاكلين تراني ميت يوع
شذى : امممم ماادري اي شي
مشعل : خلاص على ذوقي اطلب
شذى : لا خاطري في باستا
مشعل : باستا باستا انتي تامرين
بعد الغدى طلعو شوي يتمشون في المول
و اخذت لها بعض الحاجات
وارجعو البيت على العصريه
صلو بعدها راحو ينامون
في المغرب ...
شذى : مشعل قوم بسك نوم اذن المغرب روح صل
مشعل : انزين خلاص قمت قام ودخل الحمام وانتو بالكرامه بعدها راح المسجد
اما اهي صلت ونزلت حق خالتها
شذى : سلام
ام مشاري : وعليكم السلام
رهف : هلا والله
شذى : رهوفه هني شخبارج وراحت ستلم عليها
رهف : والله بخير مع ازعاج الياهل و شخبار اول يوم معاج
شذ1ى : الحمدالله
رهف : هههههه اما مناكره يوم عندها
شذى : اي عادي اهي لو الود ودها كنسلت الدراسه
منار : تعقرون علي
شذى : اكي ياتج عمرها طويل
منار : اي ياريتني اطلع تمللت افف 12 سنه مدرسه وغير الروضه واحين الجامعه افف ياناس طقت جبدي
شذى : اقول سكتي لا يسمعج خالي اهو عكسج
منار : قولي والله
شذى : كيفج لا تصدقين
منار : اذا اهو يبحها ىانا بعد احبها
رهف : هههههههه وانا اقول احمد طالع على من
شذى : ههههههه احين لما قلت حبيب القلب يحب الدراسه صرتي تحبيها
منار : كيفي مالت عليكم وقامت عنهم راحت لاحمد تلعب وياه
شذى : ههههههه ينت واقعدت
رهف : يا الله هذي منار عسل والله بنفتقدها الا مافي شي بالدرب
شذى بحزن : لا بس عندي مراجعه بعد جم يوم وان شاء الله خير
رهف : ربج كريم
شذى : والنعم بالله
رهف : تراكم توكم معرسين مو من زمان يعني احين صرتو سته وشي ليش مستعيله
شذى : تعرفين اهو ولا على باله يقول اذا صرنه سنه عقب تكلمي وساعات يسوي ماابي ازعاج
مشعل مشاري من برع : درب درب
شذى بروح البس العبايه وبرد
تلبست ورجعت
شذى : سلام
مشاري : وعليكم السلام هلا بمرت اخوي ام مشاري
مشعل : هي انت شنو ام مشاري كل واحد يسمي ولدي على كيفه تراها ام فيصل
شذى : لالالا ماابي فيصل ابي ام عبادي
مشعل : عبادي عبادي اهم شي رضاج
شذى : وااذا بنوته مريومه
وقامت حبت خالتها
شذى : وابيها مثل امي مريم
ام مشاري : الله يخليج لنه ويحرمني منج
----
قرائه ممتعه للجميع
وان شاء الله يعجبكم
|
24-03-08, 11:07 PM
جديد مواضيع قسم القصص المكتمله من وحي قلم الاعضاء
العرض العادي
