بلد أخر تعيشي فيه- اسم أخر لك - شخصية تاريخية تتمني تعاصريها ؟السعوديه طبعا حبيبه صلاح الدين الايوبى

- هل تعتبرين نفسك موهوبة ؟ و في أي شيء ؟
مش موهوبه قوى يعنى بس بكتب خواطر مش وحشه والله والى حد ما برسم حلو
بس تقدرى تقولى عندى موهبة انى اقف جنب الناس قوووووووى واحاول اخرجهم من اللى هما فيه رغم ان انا نفسى ممكن اكون مكتئبه جددددددددا

- ما مدى خوفك من الأخرين ؟ و لماذا؟
لا خالص مش بخاف من حد الحمد لله لأن الواحد لازم يخاف من ربنا بس وطالما انتى بتعملى اللى بيرضى ربنا يبقى خلاص ميهمنيش حد بس ممكن اكون بخاف من موضوع الحسد لأنى اتقرصت كتير منه وبخاف ان حد يفرق بينى وبين حبيبى

- من هم أكثر الأعضاء الذين تتابعين مواضيعهم ؟
بصى بصراحه انا بدخل بنسبه 90 % من دخولى عالنت قسم الخواطر والباقى لباقى الاقسام والشات فطبعا حيبقى الاعضاء اللى بهتم بالقرايه لهم من الخواطر يعنى الرومانسى الحزين ربيع عقب الباب بلاك روز همس الخيال وفتاة الجليد ةالاحمر وناس تانيه كتييييييييير

- ( اعرف نفسك ) حكمة سقراط المكتوبة بالذهب , إلى أي مدى تعرفين ذاتك ؟

جدا جدا انا مش شخصيه متقلبه
انا انسانه رومانسيه جدددددددددددا الحب اهم حاجه فحياتها
هاديه عصبيه شويه
لكن الحمد لله انا راضيه عن نفسى وعن تصرفاتى
ما عدا حاجه واحده بس فحياتى اللى ندمت عليها
انى حاولت انتحر فيوم من الايام ودا كان بسبب حبيبى

ههههههههههههه
ماشى يا كوكو


حبيب القلب بيدلعك بيقولك ايه ؟
ولا حاجه ساره عادى

وانت بتدلعيه وبتقوليلو ايه ؟؟ برضه ولا حاجه امجد عادى ساعات بقى بقوله يا جميل بس دى مش دلع يعنى

وفى البيت عندك بيدلعوكى بأيه ؟
برضه ولا حاجه انا بنت مش متدلعه خااااااااااااااالص بالعكس
اخر خناقه كانت عندك فى البيت كانت امتى وبسبب ايه ؟؟؟؟؟؟؟؟؟؟؟؟؟؟؟؟؟؟
من اسبوع مع ماما السبب ان عندى اخويا عنده 5 سنين ماما بتدلعه جدا ودا مينفعش فعلى طول نتخانق فالموضوع دا

غير خناقات حبيب القلب طبعا ؟؟

اخر خناقه كانت فعيد الفطر كانت جامده جدددددددددددا واغم عليا فالشارع
ايه اخبار الغيره معاكى؟
انا غيوره جدا وممكن اعيط لو ضحك مع اختى او صحبتى
بس مش بخنقه بغيرتى يعنى
يعنى عمرنا ما اتخانقنا على موضوع الغيره دا بنزعل شويه بس
وبعدين ما هو كمان بيغير قووووووووووى

انا مش حقدر ارد على اسئلتك دلوقتى يا عطاء لأنها عايزه وقت وانا لازم انزل دلوقتى اروح اتثقف
ههههههه
رايحه مكتبة اسكندريه وراجعه بليل بقى
استنينى
اوك
سلام

1/ من اكثر شخص استفدتي منه في المنتدى؟

امممممممم ربيع عقب الباب استاذ كبير وشجعنى كتيييير

2/ ما اسم العضو الذي يثير فضولك...وتشعري انه كتلة من الغموض؟؟مفيش حد اغاية دلوقتى كل اللى فالمنتدى بحس انه كأنه فبيته وبحس انهم بيتعاملوا بتلقائيه

3/من هو الشخص بحياتك...الذي تقدمي له شكر,,,او اعتذار..؟؟

شكر للأنسان اللى بحبه لأنه قدملى كتير
واعتذار برضه ليه لأنى فى اوقات كتير كنت بأثر فى حقه

4/ من قدوتك في هذه الحياة؟

بصى السؤال دا صعب جدددددددا ومؤلم
لأنى للأسف معنديش قدوة لأن وبصراحه انا عايشه فى عيله مفككه جدددددا وبابا قافل عليا انا واخواتى علشان كده شخصيتى اتكونت مع نفسى ومن التجارب والقرايه ولأنى عايزه اغير الوضع اللى عايشه فيه علشان كده بحاول ابقى احسن

5/هل تخافي من الظلام..؟؟وماهو اكثر مايخيفك؟

الظلام لأ خالص بالعكس انا بحبه جددددددا انا بحب الليل والسهر والنجوم وبعدين انا بحب واللى بيحب بيسهر طول الليل يفكر الظلام بيريحنى بيهدى اعصابى واحلى خواطرى طلعت وانا فالظلام
اكتر حاجه بتخوفنى لما حبيبى يبقى مسافر ببقى بموت من القلق عليه وبخاف من المستقبل انه يبعدنى عنه

6/ ماهو الشعور الاكثر الما لك.....رتبي الاحاسيس الاكثر الما...

** .. الحنين لاشخاص رحلوا**,,,او

** لحظة الوداع**....او..

** صمتك لشخص عزيز ظلمك... لكي تحتفظي به**...او...

**تضحكي بصوت عالي... حتى لايكتشف من حولك..بحوح صوتك وبكائك وانين قلبك**الترتيب هو ( لحظة الوداع - الحنين لاشخاص رحلوا - صمتك لشخص عزيز ظلمك... لكي تحتفظي به - تضحكي بصوت عالي... حتى لايكتشف من حولك..بحوح صوتك وبكائك وانين قلبك - حينما لايفهمك شخص...فتلجأئي للصمت )

7/ هل هناك شخص تكرهينه في حياتك؟؟

فى ناس كتير جرحونى لكن مش بكره حد الحمد لله لكن لو حد جرحنى قوى بصراحه بقطع علاقتى من غير تفكير بالانسان دا

8/ الغيرة .. هل هي ترادف كلمة ...(التملك )..؟؟

لالالا خالص الغيره حلوة جدا لو كانت بحدود لكن التملك شىء صعب قوى قوى وبصراحه للأسف انا ساعات كتير موضوع الغيره بيقلب معايا تملك

9/ متى تعتقدي ان بامكانك..تخلدي للنوم ..للراحة..بدون هموم ؟؟

لما اقابل اللى بحبه او اكلمه فالتليفون قبل ما انام وعامة طول ما احنا مع بعض انا مستريحه بس مش بنام على طول بفكر كتييييييير طول الليل فى كل كلمه قلناها وبعد ساعات لما اتعب بنام يعنى ممكن ادخل انام الساعه 12 بس بفضل صاحيه لغاية
6
10/ اذا احببتي شخص...هل تصارحيه؟

لو حسيت ان هو كمان بيحبنى لكن لو لأ يبقى خلاص ولو هو خايف يصارحنى حتعامل معاه بطريقه تحسسه انى بحبه علشان يصارحنى

11/ هل احببتي حب حقيقي في حياتك؟وهل هو مستمر؟

الحمد لله حقيقى جدا جدا جدا وقابل مشاكل ورفض كتيييييييير وصمد واستمر لغاية دلوقتى تسع سنين ونص

12/ كيف تستطيعي ان تحددي مشاعرك..هل هي حقيقية.. ام اندفاع..؟؟

صعب اجاوبك عالسؤال دا لأن مفيش حد بيفهم مشاعر الانسان غير نفسه ومهما اتكلمت مش حقدر اوصف لأن دى مشاعر مش كلام

13/ ماهو الشعور الاكثر الما لك...
الوحدة/ الغربة/ الاحتياج / الافتقاد..اعتقد الغربه لأن الغربه فيها وحده وفيها احتياج لأهلك وافتقاد لكل حاجه حلوه فحياتك بعدتى عنها واتغربتى

14/ ايهم اقسى...الخيانة/ الغدر / الكذب؟؟

الغدر لأن الغدر جزء منه الخيانه والكذب
............................................................ ................

تحسبيني خلصت..؟؟..لا لسا... ليلك طويل هههههه

نكمل::

15/ ماهو اكثر اسم نال اعجابك في المنتدى؟

فيوليف وفتاة الجليد الاحمر والرومانسى الحزين

16/ هل تقتنعي بهذه العبارة...

كل انثى امراءة... لكن ليست كل ...امراءة انثى....

ايوه بقتنع بيها لأن فى ستات كتير مش بتهتم بنفسها ولا انوثتها يعنى امرأه اه بس فى شهادة الميلاد بس لكن الانوثه اثبات ان دى امرأه

17/ماهو الشيء..الذي تحتاجه الانثى..رتبي بالاهم..

النعومة/ الدلع/ الاغراء/ التعقل والحكمة../الذكاء..

التعقل والحكمه _ النعومه _ الذكاء _ الدلع _ الاغراء
وماهو الاهم..::: الذكاء..ام الجمال؟؟
الذكاء لأن الجمال بيزول مع تقدم العمر لكن الذكاء لأ باقى وكمان الذكاء بيفتح كل السكك

18/ كلمة تحتفظي بها..لشخص في المنتدى...انتقاد او شكر او اعتذار؟؟

كلام كتير فى قسم الخواطر اشاده بكتابتى واطلاق اسم العاشقه الجميله عليا بدل العاشقه الحزينه
19/ من الاكثر انسجما معك.... الذي يفهمك..ويخالفك الرأي..

او......... الذي يوافقك الرأي.. ولا يشعر بك..؟؟

لالالالالالالالالا مش فاهمه السؤال دا خالص
20/ ماهي العادة التي تودين التخلص منها...مثلا:: (السهر..او..او..)؟؟

العصبيه والغيره الزايده

21/ اطول مدة لصداقاتك...كم استمرت,,,؟؟
من وانا عندى 5 سنين وكل صحابى اعرفهم طول عمرى انا عشريه ومش بفرط فى صحابى

22/ هل ترين من الصواب... محبة الصديق اكثر من الاخت؟؟

فى مقوله بتقول اللى ملوش ير فأهله ملوش خير فحد

23/ ماهي اكلتك المفضلة؟
مكرونه بشاميل وكل انواع البطاطس والحلويات الشرقيه يووووووووووه دا انا مفجوعه

24/ ماهي الاغنية المفضلة لك؟

اغنيه اسمها اه يا ليل بتاعت هشام عباس بحبها جدددددددددددا
لأنها كأنها معموله علشانى بتحكى قصتى هى بتتكلم على اتنين بيحبوا بعض وهما جيران
ااااااااااااااه خلاص

موضووع جميل

ويني عنه انا هههههههههههههههههه