منال:الله يهداج خاله معقوله جذي تخليني اخر من يعلم
ام عاليه:سامحين يا بنتي ماكان قصدي انا اتلبكت وماكان في وقت الدنيا نص ليل واخواله ما قصروا
منال:الله يبارك فيهم اكيد علوي بنتهم مثل ماهي بنتنا ابيج تعذريني خاله بس انا اخترعت عليها و..
قاطعتها ام عاليه:حبيبية قلبي انا بعرف قصدك منيح مافي داعي تبرري الي موقفك
منال:وانتي يله شكله حلت لج القعده هنيه كافي دلال علينا
ابتسمت عاليه بالم لانها تعبانه وجسمها كله مخدر وتكلمت بصوت مبحوح:حبيبت منال مشكوره انا تعبتكم معاي
سلمي على عمي وقوليله ما يقصر
عاليه:شنو ما يقصر ليش انتي بنت اليجيران انتي بنته ولا ناسيه وبعدين انا اليوم كله ما بشوف عمج لاني بتم معاج هنيه
عاليه:منول مشكوره ويكفي اني شفتج روحي ارتاحي يمكن...قاطعتها منال:لا يمكن ولا غيره انا فاضيه
واللي لازم ترتاح خالتي من امس حتى النوم ماذاقته ماقصرت الحين يا دوري..
ام عاليه:مابتقصري حبيبتي بس انا مرتاحه هيك مستحيل اترك عاليه لوحده
منال:افا يالخاله وانا وين رحت انتي روحي ارتاحي وشرط ماتقعدين بالبيت الا ساعه
الا والمستشفى مرخصينا من كثر ازعاجنا لهم ليش اني بدوخها اليوم بالسوالف
عاليه:اي ماما روحي انا تمام الحمدلله الحين احس نفسي احسن وبعد العصر تعالي اذا تبين
ام عاليه:خلاص اذا انتو مصرين.عاليه:السايق موجود والا اخلي منال تتصل فيه
ام عاليه:لا ياقلبي خوالك هون هلا بروح معن..بس بدي نادين لحتى يعرفوا انك صحيتي ويسلمو عليكي
طلعت ام عاليه من المستشفى وراحت البيت..منال:علوي شرايج تتريقين ريوقي انا دام انج ماكلتي اكل المستشفى
ولاتخافين ريوقي مغذي وكله صحي.عاليه:لا ماقدر ماحس نفسي مشتهيه خليها بعد شوي
منال تكلمت بارتباك :علوي انا اسفه.عاليه باسغراب على شنو؟....منال:على اللي انتي فيه ادري انه من سببي
انا تسرعت امس بس..قاطعتها عاليه:لا بس ولا غيره كل شي مكتوب وانتي جميلج ما بنساه وقفتج وياي
بلييييز منال ساعديني على اني ابدا صفحه يديده وخلج معاي وعلى قولتج هذي تجربه وبتعدي
كانت عاليه تتكلم واهي مواثقه بكل كلمه عارفتها بس قاعد تحاول تكابر وتنسى وتبدا من يديد
منال:انشا الله خير والله يكملج بعقلج ...قاطعهم فجاه دخول شخص خلى عاليه ترتجف
خلى نبضها يتسارع وانفاسها تزداد عاليه عرفت منو اهو بدون ماتتلفت ولا اهو يتكلم ليش اهي تقدر تنسى ريحة عطره ورجولته الل تملي الدنيا كلها.مممعقوله بتنساه؟مثل ما قالت قبل شوي
فهد ركز عيونه على عاليه وكان يطالعها بدون تحفظ ناسي اخته اللي انبهرت من تصرفه
بعدها:السلام عليكم .قالها فهد بعد واهو يطالع عاليه واهي منزله عيونها وما طالعته وكانت منسدحه على سريرها
وبعدها قعدت وسندت ظهرها على السرير..وعليكم السلام قالتها اهي ومنال
فهد:ما تشوفين شر عاليه..عاليه بدون ما طالعه الشر ماييك
منال:فهد من قالك؟..فهد:ابوي قالي وانا ييت على طول كانت فهد يتكلم كانه طفل خايف من شي وده يقوله
منال فكرت ان لازم تخليهم بروحهم يمكن يصير شي لانها ايقنت ان فهد يحمل لعاليه مشاعر قويه من نظرته اللي وجهها لها واهي تعرف ان لو اي انسان ثاني بالمتشفى مستحيل فهد يتاثر جذي لان مو من طبعه ان يبيبن مشاعره
منال:انا عن اذنكم شوي ام رفيجتي بجنب غرفة عاليه بطل عليها
فهد قعد على الكرس اللي كان قريب من سرير عاليه وعاليه على نفس الحركه عيونها ما شالتها من الارض
بس فهد كان يسمع دقات قلبها القويه ويحس بتسارع انفاسها نقل فهد الكرسي وحطه مواجه لسرير عاليه بالضبط
عشان يشوفها وصار ويهه بويه عاليه
كانت عاليه رابطه شعرها بس فيه خصلات متناثره على ويها وكان امغذي بايدها
فهد:عاليه بشنو تحسين؟..عاليه بصوت واطي وبدون اهتمام:ولا شي.كان ودها تقول احس اني ودي اقوم
واعطيك صفعه ماتنساها طول عمرك
فهد:طيب شنو بالضبط سبب طيحتج امس..عاليه:عادي حسيت بتعب واغمى علي عادي مثل كل الناس
وكاني طيبه ليش شنو تعتقد؟
فهد كان وده يقوم ويكفخها ليش انه ما تعود التجاهل من شخص فاعد يكلمه واهي حتى ماتطالع له
بس تمالك نفسه.
فهد بيد قويه رفع ويه عاليه عاليه انصدمت من هالحركه وايد فهد للحينها تمسك بويها وررقبتها يجبرها تطالع له
شوفي عاليه تكلمي عدل وقولي شفيج لاني وصلت حدي منج كان فهد يتنفس بغضب وكان ويهه قريب من عاليه
اللي ما قدرت تتحمل قربه جذي منها ودارت ويها
كانت منال تتسمع من براالغرفه واهي تقولم:غبيييييييييييي يييه غبيييييييه ماتدري ان تصرفاتها وعنادها اهي اللي ضيعت فهد
عاليه حست ان الدموع بعيونها ماتقدر تخيبها اكثرجاوبت واهي تقاوم ماتنزل دموعها مافيني شي قتلك انا ماكنت ادري اني مغمى علي ما وعييت الا اليوم الساعه 7
فهد نزل ايده من عاليه :طيب ابوي يقول ان الدكتور يقول ان فيج فقر دم ونقص بلغذا
ليه ما تتغذين عدل فيج شي ناقصج شي خايفه وتحاتين شي
عاليه:لا بعدين طبيعي اللي فيني انا تو خلصت من امتحاناتي وسنه كامله كنت خايفه واحاتي وادرس فيها
وهذي عند كل الطلبه ..فهد:يمكن المهم اهتمي بنفسج وسوي اللي يقوله الطبيب بالحرف الواحد ابتسم فهد واهو يطالعها وكمل مو تقولين انج كبيره وما عدتي طفله اهتمي انتي بنفسج
عاليه ماقدرت تقاوم ابتسامته وقربه منها .من قال انها بتنساه لا فكرت واهي تطالع له ان اللي مثله حرام يكون
مصيره النسيان.فهد كان يبي يطلع لانه شافها وتطمن عليها بس ماوده يروح كل مايبي يقوم يرد يقول شوي بعد
فهد:عاليه اكلتي شي؟عاليه:لا ماشتهي..فهد:شنو ماشتهي انا الحين بروح اييب لج ريوق ولا تخافين بسال الطبي شنو يناسبج ...عاليه:لا فهد واله ما شتهي قالت لي منال قبلك بس ماشتهي خلها شوي انا بطلب من منال بنفسي
فهد:زعلانه مني؟...عاليه تفاجات وطالعت فهد واهي مستغربه,من شنو؟
فهد:اللي صار اخر مره في بيتنا....عاليه:انت قلتها صار يعني شي صار وعدى لا انا نسيت الموضوع وانت حسبة اخو..اخوي العود ولو منال تفكر تزعل منك انا ما سويها..فهد.تكلم واهو مو عارف شيقول وانتي بعد
عاليه طالعته:شنو ؟اختك الصغيره.فهد طالع فوق وتحت ويمين ويسار واهو يجاوب ايه
عاليه من داخل تحطمت بس ماكلن ودها تبين تمنت مشاعر الكره ولا مشاعر الاخوه لان مشاعر الكره ممكن تتبدل مع الزمن بس مشاعر الاخوه بتم مثل ما اهي.....
عاليه تتكلم وهي مو قادره عالكلام:مادام اني مثل اختك تسمح لي اكون اول من يبارك لك
فهد:على شنو؟عاليه:قرارك للزواج من غدير مبروك فهد غدير تستاهل كل خير والله يوفقك معاها
عاليه تتكلم واهي متحطمه ماتدري ليه قالت جذي ..فهد تم ساكت بعدها رد عليها برد ما توقعته؟؟؟؟؟؟؟؟؟؟؟؟
............................
(غرام السنين)

:من قلبج؟.........عاليه ارتبكت:اكيد ليش تتوقع انها مو من قلبي؟
فهد :ليش اني اعرف قلبج عدل.......عاليه انصدمت لجراة فهد وارتبكت اكثر واهو يناظرها بابتسامه خبيثه
واهي مو عارفه شتقول.ليش شتعرف عن قلبي انه حقود مثلا اوما يحب الخير للناس
فهد ناظرها واهو مركز على عيونها الي حس انه اناسر فيهم مثل لون البحر حزة غروب الشمس وقال:
اعرف واااااااااايد اكثر من ما انتي تعرفين ..عاليه حست انها ضاعت بعيونه واهي تترجاه وتقوله:
فهد شقصدك قول .....فهد:ابتسم وحط يدينه على ويها وابعد خصلات من شعرها وحطها لها ورا اذونها
وقرب منها واهو يهمس باذونها مووقته الحين بعدين لنا كلام ثاني..عاليه ضاعت وتاهت بدنيا ثانيه
معقوله هذا فهد اللي لعب بخصلات شعرها.فهد؟اللي يهمس بذونها؟فهداللي يبتسم لها بحنان ويقولها ان في كلام
كثير بيقوله لها....... لا....مستحيل يكون فهد
وقف فهد بيقوم ولا عاليه تمسك بجم قميصه من تحت
وتترجاه مثل الطفله انه مايروح ليما يقولها شقصده؟
فهد بليييييييز لا تروح قولي شقصدك؟ارجوووووووووك عاليه نست نفسها
وايدها اللي تسحب فهد من قمصيه بس اهي معذوره فهد لعب بكيانها كله..
فهد طالعها بحنان واهو يقول:اول شي انا ماحب شخص يترجاني ثاني شي اناقلت بوقته يعني بوقته
وبعدين حركتج هذي تدل ان للحينج ما تخلصتي من فضول الطفوله..
ابتسمت عاليه:لازم داااايم تنهي الحوار امبينا جذي؟
فهد تكلم واهو يطالع وراه :لا انا بنهيه هالمره جذي..وباس يد عاليه اللي كانت ماسكته ....بكل حب وعذوبه
عاليه تمت مبطله حلجها من الصدمه واهي ذايبه هذا فهد لا وااااااااااااااااااا اااالف لا
تم فهد يمسك يدها وبعدين.الحين عن اذنج واخليج ترتاحين واذا بغيتي شي اتصلي فيني انا اخليج لان عندي شغل
تبين شي؟.عاليه كان ودها تصارخ ودها تقوله اي ابيك ابيك انت ومابي غيرك ابيك انت ومابي انساك
لوبتاخذ موبس غدير الا كل البنات ابيك تعوضني عن كل شي.بس اكتفت بالرد
مابي غير سلامتك وماقصرت ييتك هذي غااااااااااليه على قلبي
اتجه فهد صوب الباب وقبل لايطلع قال:صج عاليه اللي نقلج الخبر ماكان متاكد منه لان هالقرار قرار ابوي
وانا لحد الان ماوافقت عليه طلع فهد وخلى عاليه مع سعادتها واحساسها اللي مستحيل تصدقه
شنو يقصد فهد من كل هذا ولييه جذب عليها واهو موافق معقوله بيهون؟
منال دخلت على عاليه اللي ما حست بوجودها واهي سمعت كل كلمه..
منال:هووووووووووووه وين وصلتي....
عاليه:واهي سرحانه بايدها( لقلبه)....منال:هله هله طايحين له حب بالمستشفى والناس من حولكم ماكلين هوى
عاليه:حب؟.....منال:ع يل شتبيني اسميه؟....عاليه:مدري ماصدق منال انتي سمعتي اللي دار امبينا
منال:وشفت بعد.....عاليه:وشردج؟ منال:والله مدري بس يمكن اهو ما وافق انا سمعت ابوي يكلم عمتي منيره يمكن
ضغط عليه وفهد غير رايه او ..والله مدري..عاليه:منول مابي اعرف شي يكفيني اللي انا فيه خليني اعيش هالحظات الحلوه..مابي افكر ان فهد ممكن يروح مني منال انا مستحيل استسلم حتى لوانه موافق وجذب علي انا مابستسلم
منال:والكلام اللي قبل شوي وينه تبخر....عاليه:احبببببببببببببه احبه واموت بغرااااااااااامه من صجج تبيني انساه
اعيش لمنو اذا نسيته قلبي ينبض لمنو؟؟؟؟؟؟؟؟؟؟؟؟؟؟
دق جهاز فهد فجاه:هلا يبه.....ايه تو طلعت......لا الحمدله اكيد مابتكمل اليوم الا واهي بيتها...انشا الله هلا فيك
فهد.كان حددددددددددده فرحان اول مره يعيش هالاحساس وماكان عارف ليه سوى جذي يمكن مشاعره وقلبه
اهم اللي تكلمو بس كان حاس بتانيب الضمير انه جذب عليها واهو عطى ابوه كلمه كان يتمنى ان ابوه ماقال لعمه
عشان لو في مجال يتردد مايكون في احراج
(بس معقوله بتردد؟ وعاليه بيكمل المشوار اللي بداه معاها ,,واهي ممكن تنسى اللي صار ولا كانه صار)

.................................

(غرام السنين)

خالد:من صجج يمه خالي بندر قرر يخطب غدير لفهد اليوم ؟؟
ام خالد:ايه ليه مستغرب لا يكون بس للحين حاطها في بالك؟....خالد:لا يمه انا خلاص شلتها من بالي بس متفاجئ
ان فهد وافق بالسهوله هذي ..ام خالد:ليش ماتوقعت انه يوافق اهو وين يلقى مثل بنت عمه لايكون فهد يبي له وحده
خالد:لا يمه فهد مو مال هالسواف حب وغيره بس انا مستغرب شلون ماقالي
ام خالد:يمكن مامداه وقت ابوه امس بالليل قاله لا وتدري شقالي عنك بعد
خالد:شقال يمه؟؟؟؟؟؟......ام خالد:يبيك انت بعد تتزوج....خالد:ايه ماقال شي غلط يله شدي حيلج واخطبي لي اخت فيصل....ام خالد:انت للحينك تبيها كنت تتكلم من صجك يعني........خالد:ايه يمه الامور هذي مافيها غشمره
ام خالد تتكلم وهي تبتسم:عيل لو تدري خالك يبيك تاخذ منو شتقول؟؟.....خالد:لا يكون بس منال
ام خالد:يالييييييت ياولدي..خالد:منال يمه مثل اختي ماقدر اشوفها الا اخت لي ولا منول مايعيبها شي بس من يقصد خالي؟......ام خالد:عاليه.....خالد: مستحييييييل عاليه بنت خالي راشد؟؟؟.ام خالد:ايه
خالد:معقوله بس علوي صغيره وااااايد عالزواج .......ادري بس خالك وده يطمن عليها ومايبها تاخذ غريب ممكن ياخذها عشان ثروتها واسم ابوها......بس يمه تو الناس عليها والبنت تعدني اخو لها
خالد:ياحليله خالي خليني اتصل بفهد اقوله اني اليوم بروح شركتنا واسوي جرد للحسابات كامله ليش انه خايف من ابو حسام هذا......ايه يمه الحذر واجب وهذا اول مشروع لكم من دون خوالك لازم تديرون بال وشريكم هذا غريب عنا
لازم تحتاطون منه....اتصل خالد بفهد....هلا صباح الخير فهد.....هلا خالد صباح النور.....ها شكلك بالسياره
شعندك.....سلامتك كنت عند عاليه بنت عمي بالمستشفى.......افا شفيها.....والله مدري شوية تعب بس الحين ماعليها
....اوكي انا اخليك الحين بغيت اخبرك اني بروح اليوم لشركتنا واسوي جرد للحسابات من يديد
خالد قال لمه عن عاليه وراحت تطل عليها اهي وخالد وبعدها استاذن خالد وراح
ام خالد:سلامتج ياحبيبتي حطي بالج على روحج ماعندنا غيرج....عاليه:تسلمين عمتي الله يخليج لي وانا ماعندي اغلى منج.....منال:لاو الله انتي ماعندج اغلى منها وعمتي ماعندها غيرج وانا بنت الجيران ها....
ام خالد:كلكم بناتي والله يخليكم لي....وصل مسج تلفون منال.....منال:ياحيات ي هذا من رغد بنت عمي تقول انها خلصت امتحانات اهي وجراح والاسبوع الياي بياخذون النتايج ويردون الديره......ام خالد:الله يوفقهم عاد من زمان ماكلمتهم واااه علي..
................ فهد دخل مكتبه ولقى عمه ينطره فهد.وييييه عمي شعنده اليوم بمكتبي
السلام عليكم......هلا والله وعليكم السلام حي الله ولد اخوي حي الله
النسيب.....فهد بصوت واطي كملت الله يحيك عمي قعد فهد بجمب عمه
بو احمد:اي ياولدي ابوك قالي انك كلمته عن بنت عمك وانا عمك احنا
مابينا رسميات وانت مثل احمد وغدير وين بتلقى مثل ولد عمها الله يوفقكم
فهد حس ان عمه موشايلته ريوله من الفرحه وحاول يرسم ابتسامه على ويهه
الله يقدم اللي فيه الخير عمي....

عاليه تمت بالمستشفى يومين وطلعت البيت..يمه خساره ماكان ودي ان خوالي يروحون منا بالسرعه هذي
ام عاليه:ماعليه ياماما انشا الله بعد ماترتاحي نروح لعندن......عاليه انشا الله
الخادمه:ماما بابا كبير موجود تحت ....عاليه:منو؟,,,,,ا لخادمه:بابا ابو احمد.....ام عاليه اوكي روحي قدمي له
قهوه وانا هلا بنزل......
عاليه:قوه عمي......بو احمد:هلا والله بنتي شلونج يبه....عاليه:تمام عمي....بو احمد:ما تشوفين شر يم عاليه
ام عاليه:تسلم الشر مايجيك....بو احمد:ايه يام عاليه حطي بالج على بنتنا ماعندنا اغلى منها انتي ماعندج غيرها
اذا انتي حاسه انج مو قادره تحافظين عليها ترى عمامها موجودين,,,,,
عاليه حست ان عمها قاصد يجرح امها بكلامه وحست انها تضايقت.عمي الحمد لله ماصار الا الخير وهذا امر الله
والوالده عسى الله يخليها لي مو مقصره
بو احمد:المهم يبه ديري بالج على روحج وانا استان....ام عاليه:تو الناس حتى قهوتك ماكملته
بو احمد:ماقدر اتاخر وعندي ابرة السكر لازم اخذها الحين غدير ازعجتني تلفوناتها ليش انها اهي اللي تعطيني اياها
عاليه:سلم لي على مرة عمي وغدير ....بو احمد:انشا الله بس غدير انتي بنفسج بتجين تسلمين عليها وتباركين لها
ليش ان فهد ولد عمج بندر خطبها ....ام عاليه:الف مبروك والله غدير بتستاهل.عاليه انصدمت ش.شن.شنو
فهد....
عاليه بدارها قعدت تبجي واهي مو مصدقه ليه؟؟؟؟؟يجذب عليها قالها انه مو موافق ومنال ليه ماقالت لها
عاليه حست انها منهاره وماعرفت شتسوي اتصلت بصديقتها نوره واهي تبجي
نوره علوي بليز دموعج غاليه عندي يكفي لا تبجين والله لو الساعه اقل من 10جان ييتج بس انتي تدرين عقب الساعه 9مقدر اطلع....عاليه:بلييييز نوره قولي لي شسوي احس اني بموت بس لاتنصحين فيني انا اتصلت
فيج انتي ماتصلت بمنال لانها بتقعد تتكلم عن شي ماتعرفه بتقولي انسي وانا مابي انسى موبيدي بلييييييز حسوا فيني
نوره:حبيبتي انتي انا حاسه فيج علوي لا تستلمين لا تتخلين عنه بس بشرط اذا كنت حاسه انه يحبج قاومي
وانا معاج والحين ريحي اي شي تبينه سويه لاتخافين اذا كان صج وانا واثقه انج حكيمه وباجر باذن الله بكون عندج
بعد ما سكرت التلفون من نوره طرشت هالمسج لفهد((من لامني فيك ما يعرف كبر قدرك .مايدري انك على كف الثرى جنه)) وصل المسج لفهد اللي كان قاعد عند ربعه ليما قراه انصدم اول مره بحياته بوصله مسج من عاليه
قام من عند ربعه وراح بروحه يقرا المسج مه ثانيه وبعدها وصله مسج ثاني منها بعد((الا يامعلق عمري على
ساحة ميادينك..ترى قتلي علي اهون من اشواق تعذبني..انا اللي ضعت في ليلي وردتني عناوينك..وخذيت من
السما نجمه على دربي تضويني ..انا واحد نعم واحد واساوي كل محبينك..وهذا الحب لوينطق يفجرها براكينك))
......فهد راح دنيا ثانيه عمره ماعاش هالحظات مع عاليه .اللي كان محرمها على نفسه.ليه؟؟؟؟
اليوم سمح لنفسه تتحرر من وعدها .........فهد اتصل على عاليه واهو بعالم غييييييير حتى ماحس بنفسه واهو يطلب
رقمها..
عاليه ماصدقت اللي تشوفه بسرعه شالت التلفون وبصوتها المبحوح من كثر البجي
الو,,,, فهد.هلا والله شلونج عاليه....هه تسال عني ؟؟؟ليش منو انا بحياتك عشان تهتم فيني؟؟؟
فهد تم ساكت مو عارف شيقول وده يقولها انتي حياتي كلها بس تم ساكت
عاليه.فهد ليش تحب تعذبني؟؟فهد تم ساكت ليش انه ماكان يقدر يتكلم لان العبره خانقته
عاليه.انت تدري ان..انك...انك.انك حبيبي ايه انا هالمره بقولها بدون تردد او خوف انت حبيبي
ودنياي كلها انا من وعيت على هالدنيا وانت بقلبي وروحي وانت تدري بس دااااايم كنت تتجاهلني
عاليه تتكلم واهي تبجي فهد بليييييييييييييييز قول شي لاتم ساكت ....فهد.شتبيني اقول علوي اللي قاعد
تقولينه غلط .قاطعته عاليه بصوت عالي واهي تبجي.قتلك لا تقول علوي .فهد.طيب حبيبيتي علوي عادي تقبلينها
عاليه ابتسمت واهي تبجي وبدون وعي منها كملت"احبك احبك يافهد ااااااااااه ياكثر احبك..
فهد ماقدر يقاوم كلامها الا بكلام اكبر وانا ماحبج ولا عمري حبيتج الا متيم بهواااج واموت في حبج
عاليه انسدحت على سريرها اللللللللللللللللللللللله ياكثر ماكنت انطر منك هالكلام طولت علي لييييييييييه؟؟؟؟
فهد:عاليه انا ادري بشعورج صوبي بس ماكانت بصارحج باحساسي لج لاني كنت اقول هذا يمكن مراهقه بالنسبه لج
ولاني عارف ان اللي بينا قاطعته عاليه:حبيبي ليه انت جذي مكبر الامور انا مو صغيره الحين بعدين انا حبيتك
والحب مو جريمه ليما يكون طاهر وانا ابي حبك عشت عمري كله وانا ابيه انا اصلا عايشه له
فهد:كلامج حلوواااااااايد.عاليه :هذا ليش انه صادق..فهد:بس كنتي حدددددج لسانج طويل وياي
ضحكت عاليه:لانك كنت تطفشني وتزهقني..فهد:عاد مازهقتي مني....عاليه:منك.استحاااااله فهد انا مو مصدقه انك
قاعد تكلمني معقوله؟؟؟؟؟؟فهد:ولا انا سويت المستحيل عشان ما يكون بينا اي ترابط او علاقه بس
عاليه:بس شنو بس انت قاااااسي وااااايد وقلبك اللي اهو حبيبي مارضى يقسى علي اكثر وخانك
فهد:اها يعني جذي انا مو حبيبج قلبي بس اللي تبينه..عاليه ضحكت ..فهد:انا ابيج كلج انتي وقلبج وروحج
وحياتج كلها شرايج.....عاليه:رايي اني بموت من الفرحه وانت مابتاخذ مني ولا شي
ضحك فهد:اسم الله عليج....عاليه:ايه صج تعال اليوم عمي غانم كان عندنا وقالي انك خطبت غدير
فهد:لا حشى انا وابوي مارحنا لهم صج ان ابوي فاتحني بالموضوع بس..عاليه بس شنو؟؟
فهد:علوي انا بشوفج باجر ونتكلم عدل شرايج امرج وتروحين وياي
عاليه:من صجك تتكلم؟؟ماتخاف اني ازعل والا انام مثلا واحنا ما وصلنا بعد
ضحك فهد:اف تذكرينها يعني للحينج شايلتها بقلبج عادي اخذي راحتج الللللله وياريتج تنامين انا ابيج تنامين
عاليه استحت:اوكي فهد انا بسكر الحين الوالده شكلها تناديني ...فهد:لا زين روحي لها بسرعه لا تنسين باجر عالساعه 6كوني زاهبه....عاليه:انشا الله تامر..فهد:لا قولي تامر يا حبيبي ....عاليه واهي مستحيه
تامر حبيبي....فهد:اوكي حبيبي تصبحين على خير.....
عاليه حست انها بدنيا الاحلام مستحيل يكون هالشي حقيقه معقوله
فهد نفس الشعور بس حس انه غلط اهو صج ما راح لبيت عمه وخطب غدير بس ابوه عطى كلمه لعمه
واكيد البيت كله واولهم غدير يدري يعني زواجه من غدير شي واقع وعشان يتقبل الواقع لازم ينسى شي
اسمه عاليه وينسى المكالمه هذي مره وحده هذا اللي قاله لنفسه(بس للاسف مادرى ان هالشي بيحطم عاليه
ليتها ماكلمته احسن بواااااايد لان عاليه ماتبي تشوفه جذاب بعينها)

وكاني قتلج الف مبروك
يايمه غدير:واااااااااااااي يمه مو مصدقه اخيراا ...ام احمد:الله يوفقج يمه طلع فهد يبيج
وانتي ماتدرين..غدير:وااااا اااي يمه امتى بيي اهو وعمي ويخطبوني
ام احمد انشا الله باجر يله انا قتلج عشان تزهبين نفسج يله قولي لختج ابيها تكون موجوده باجر
غدير:من صجج يمه؟؟امتى قالج ابوي....ام احمد:من امس بس بالليل وكني
.................................

(غرام السنين)

فهد:صباح الخير يبه
ابوفهد:هلا بولدي صباح النور حياك اتريق وي ابوك منالوه اختك زعلانه
فهد:خير شعندها؟بوفهد:لا وانا ابوك دلع بنات يله سم بالله واتريق
فهد:عليك بالعافيه بمر الشركه وبعده بشوف وياي عمارات بومناحي عارضهم للبيع
بوفهد:وانت شتبي فيهم يبه عندنا خير من الله.فهد:وزيادة الخير خيرين اهما4 عماير
موقعهم ممتاز اذا تصافينا عالسعر وياه ليه لا انا بوسع استثماراتنا اكثر واكثر ولا منو هذا
بو مساعد اللي الديره الحين مالها غير عقاراته واستثماراته بالاراضي.بوفهد:وانا ابوك
الله يوفق جميع الناس واحنا مابنحسد حد على رزقه ماني خابرك جذي يابوك......فهد:ابدا يبه
اناموحاسده بس احنا الاحسن وبنتم دوم الاحسن والله يقول اسعى ياعبدي وانا اسعى وياك وانا
اسعى بالخير لنا وعموما هذي تجاره يبه والتجاره شطاره مثل ماعلمتني .بوفهد:ريح نفسك
وانا ابوك ولاتنسى اليوم بنروح لبيت عمك بواحمد عشان نخطب بنت عمك غدير
فهد تم ساكت فتره بعدين:الله يتمم اللي فيه الخير طلع فهد من البيت

منال:علوي مستحيل انامومصدقه الظاهر كنتي تحلمين ...عاليه:ضحكت:وانا بنفسي للحين مومصدقه يااااي
ياااي منال قلبي بيطير من الفرح... منال:والله مدري بس اليوم بنتاكد من كل شي...
عاليه:شلون؟.....منال :انتي مو قلتي انج سالتيه وقالج ان اليوم بعد المغرب بيعزمج بمكان ويبين لج كل شي
عاليه:اي واااي مو مصدقه منول...منال:اقول لا تحسدين نفسج يله الحين بخليج ليش ان حضرتج قعدتيني من النوم

عبير لا صج يمه الله يتمم لكم بالخير ويوفق غدوره خلاص لا تحاتين انا اليوم بيي انشا الله
سدت عبير التلفون من امها..فيصل:شعندكم؟.. عبير:فهد ولد عمي اليوم بيي يخطب غدير
فيصل:لا الف مبروك تستاهل غديروالله ان فهد خوش رجال ينشد الظهر فيه الله يوفقهم
عبير:الله يبارك ..فيصل:اقول عبير..عبير:امرني حبيبي..فيصل:بصراحه امي مفكره تخطب منال بنت عمج
لاخوي مشاري شرايج انا قول مانبي نتعجل يمكن خالد ولد عمتج يبها ولا شي..
عبير:هذي الساعه المباركه خالد ولد عمتي مايفكر بمنال ويعدها اخت له وهالشي انا متاكده منه ومنال موبالها احد انتو تقدموا لها والله يتمم اللي فيه الخير..
.................... ..................
فهد:على خيرة الله يابومناحي يله انا استان الحين ...طلع فهدمن عند بومناحي وركب سيارته واتصل بخالد
هلا والله بووليد...خالد:هلا والله ...بارك لي انا اتفقت وي بومناحي واشتريت منه العماير...
خالد:الف مبروك الله يوفقك ياخوي ...تسلم يابووليد ...اقول فهد بشوفك الحين وين انت ...
فهد:بروح النادي ..اوكي عيل انا بييك وعلى فكره كافي بوق في ملابسي..فهد:ضحك اي ملابس
خالد:ملابس تي شيرتي وبلوزتي عندك..فهد:وشيابهم عندي...خالد:امبلى شوف جنطة النادي حقتك
فهد ضحك اها ايه صح انا شفتهم امس ماعبالي ملوتك عطيتهم سايقنا .خالد:من صجك انت والله يدد حرام عليك
فهد:اتغشمر معاك يابخيل يله انا انطرك بالنادي...
بعد وصول فهد وخالد النادي .......خالد:واااي تعبان حدددي قعد يشرب ماي....فهد:شتسوي انت انا كم مره اقولك
اصبر بعد التمارين عالاقل ساعه وبعدين اطفح اللي تبي مايصير جذي...خالد:خلك مني انا متعود ماقدر الا
مبروك ياعريس جذي تخلينا اخر من يعلم..فهد تم ساكت...خالد:وييييه للحين ماخذتها قمت تسرح لو تاخذها شبتسوي
فهد:والله مدري شقولك؟..خالد تفاجا:شنو ليش انت مو موافق...فهد:مدري.خالد:ليه؟انا ماحسبتك بترفض
لا يكون...سكت خالد.فهد:لا يكون شنو ؟...خالد:طايح لك حب من بوحده من هالبنات اللي دايرين حولك
فهد:وييييه حددددك فاضي ليش شايفني مخدي احب وحده من هالنوعيه ؟
خالد:عيل شفيك ياخوي غدير بنت عمك ما يعيبها شي..واهي على ماظن تحبك.فهد:ادري على بالك اني ماستوعب
ادري انها تحبني....خالد:ياعيني ياواثق عيل ليه متردد؟....فهد:مادري يمكن المساله كلها ماني مفكر فيها الحين
خالد:عادي انت اخطبها الحين وامتى ماقررت تتزوج تتزوجها..فهد:الله يقدم اللي فيه الخير ياخوي
دق تلفون خالد ..خالد هلا وااله بوصلوح شلونك...انا تمام الحمد لله ....فهد ماعليه شي احسن مني ومنك
انشا الله ..هلا مع السلامه..فهد:شعنده.. خالد:عازمنا اليوم بالشاليه وذيج السهره اللي يحبها قلبك ولا خلاص
بتعتزل هالشغلات ....فهد:ياملغك ياولد العمه لولا عمتي جان انا من زمان ذابحك.

.................... ......
نوره:امبييييييييه كل هذا صار وياج شفتي هذا بس ليش انج كلمتيني امس
عاليه:واي نوره مومصدقه....نوره:يعني اليوم بما انه الحبيب عازمج ماقدر ايي
عاليه:واالله كان ودي بس .....نوره:بعد فيها بس اقول اقلب ويهي باحترامي احسن يله اخليج واول ماتوصلين
ضروري تكلميني....عاليه:انش ا الله صار بس ادعيلي اوكي.......
عاليه ياربي ادق عليه والا لا ..لقت نفسها تدق عليه..فهد كان بالسياره راد البيت شاف فهد الرقم
فهد ايه هذا اللي كنت خايف منه عشمت البنيه يااااااااااالله ساعدني ارد عليها ..ااااااه سامحيني حبيبتي عاللي سويته
امس اوعدج ماكرر هالشي وياج لازم تنسن اني كلمتج تم فهد يردد هالكلمات بينه وبين نفسه ومارد عالتلفون
عاليه.ليه مارد علي طيب سيارته موموجوده جدام البيت يعني مو نايم بس اكيد مشغول وانا ازعجته اقوم اخذ
شاور اجهز شنو البس احسن..............
وصل فهد البيت ولقى منال قاعده بالصاله مع صديقتها طلع فوق.......ابتسام صديقة منال.ويه منال هذا اخوج
منال:شرايج؟.ابتسام:ماشاء الله يهبل بس ليه نفسيه جذي حتى ماسلم ؟؟........منال:والله هذا طبعه وعلى فكره ترى
فهد خاطب بنت عمي يعني لا تفكرين فيه وااايد ها.....كانت منال مالها خلق ومتضايقه ليش ان ابوها قالها ان اليوم
خطبة اخوها فهد وانها بتروح وياهم وكانت متضايقه لان فهد جذب على عاليه ومو عارفه شلون بتكون حالة عاليه
بعد مايكشت فيها فهد ويروح يخطب اليوم..ابتسام.منال من صجج اي وحده....منال:غدير اللي ويانا بالجامعه
ابتسام:وييييييه غدير بصراحه بدون زعل مولخوج نهائيا اهي حلوه بس اخوج احلى منها بوااااااااااايد
ماشا الله عليه انا اول مره اعرف انا الصبيان احلى من البنات.منال:شسوي بعد..ابتسام:طيب اهو يحبها
منال:لا فهد ماعنده سوالف الحب هذي فهد دايم يقول ان الحب ييي بعد الزواج.بس ابوي قاله اشرايك اخطب
لك بنت عمك اهو وافق ليش انها بنت عمه وعارفها عدل..ابتسام:فشله انا الحين استاذن بروح.
منال:من صجج انتي خلج استانس وياج فهد هذا طبعه لي دش البيت مايسلم تعالي نروح داري فوق
ابتسام :لا حبيبيتي والله مو قصدي بس انا صيفت عالاهل خليها مره ثانيه ...منال:على راحتج ياقلبي
منال بعد ماراحت صديقتها صعدت فوق وراحت لفهد طقت الباب .
فهد كان منسدح على سريره للحين حتى مابدل.منو؟......انا منال..تفضلي.....منال :قوه.....فهد قام من سريره هلا منال
منال:تدري ان اليوم ابوي بيخطب لك غدير من عمي وانك بتروح وياه .....فهد:ادري.بس ليه تسالين؟
منال:لا بس جذي يله عن اذنك....فهد:منال لحظه لاتطلعين احسج مو موافقه على غدير ليش انتي حتى مبروك ماقلتيها لي.منال طالعت فهد وعيونها كلها الم.انا ماتدخل ومبروك ياخوي طلعت منال من عند فهد واهي حابسه دموعها على عاليه دخلت دارها وسكرتها عليها.اه ياعاليه الله يسامحك يا فهد اذا ماتبي البنيه ليش تلعب فيها جذي
ياربي شسوي اخاف اقولها ويصير فيها شي بس لا انا مابقولها خليها تسمع فيه من غيري والله يعينج ياعاليه

....................
عاليه:ياربي شسوي الحين الساعه 5ونص للحين مادق علي ادق عليه.لا اكيد شاف رقمي بس ليه مادق علي يووووه بدق عليه خليني اعرف راسي من ريولي......فهد تو طلع من الحمام كان يتسبح ودق تلفونه
فهد تنهد من قلبه ياربي شسوي بس قرر يرد عليها ................فهد. الو......عاليه:الو هلا والله....
فهد:هلا فيج .تم ساكت واهي بعد تمت ساكته لمدة دقيقتين.بعدها تكلم فهد.امري عاليه بغيتي شي
عاليه ماكانت تقدر ترد كانت حابسه دموعها بعيونها والعبره خانقتها ليش انها حست ان فهد هذا مو فهد اللي كلمها امس..فهد كان يتكلم واهو يدري انه يذبحها بالكلام ويجرح كرامتها وهو بعد كان العبره خانقته
عاليه.ا.اا.انا.....عاليه كانت تبجي من دون صوت كانها عارفه فهد شبيقول......فهد:عاليه انسي كل اللي صار امس
انا ماكنت بوعيي انا اعتذر انتي اختي والتصرف اللي تصرفته امس وياج مو شي انا اسف.....هالمره عاليه ما قدرت تكتم عبرتهاوقامت تبجي بصوت ..فهد حس ان قلبه بينشال من مكانه ونسى نفسه والكلام اللي قاله تو ورد يقول
علوي حبيبي بلييييييز دموعج غاليه والله مو قصدي اجرحج وابجي عيون قلبي حبيبي بلييز اهدي
كانت عاليه تبجي اكثر واكثر كانها طفله ..فهد طلع من طوره عاليه انا اسف اعذريني ارجوج اسمعيني عدل حبيبي
انتي جاهزه انا الحين يايج 5دقايق وطلعي لي برا يله حبيبي حطي بالج على روحج.
سكر فهد التلفون من عاليه واهو موشايف الدنيا ماكان وده يضايق عاليه جذي نسى كل شي كان ناوي عليه طنش حتى بموعده في بيت عمه اليوم والكلمه اللي عطاها لبوه بس اهو معذور دموع عاليه كانت عنده اكبر من كل شي

معقوله فهد يحرج ابوه مع عمه؟؟ومن صجه بيروح وي عاليه؟

...................................
0غرام السنين*

افا وينكم مافي اي رد ليه؟؟؟؟؟؟؟؟؟وين التشجيع