كاتب الموضوع :
بدوية عنيدة
المنتدى :
الارشيف
بدويه تسلمى على البارت الرائع كل بارت عن اللى قبله بيثبت انك كاتبه مميزه فعلا
نوران
ذكرتى موتها ازاى اثر فى امها واختها واخوها وصحباتها حتى اسوم حسيت بهزه هى اتهزتها ماباللك باللى عمله فينا موتها لاننا عرفناها فى كل مراحلها كنا اقرب اليها من نفسها فى ضحكها والمها وحوارها مع نفسها بشجاعتها بطيبتها بندمها بقوتها مش قادرين ننساها بسهوله دانتى لما ذكرتى اسمها دموعى نزلت وفى الاخر بعد مااقنعت نفسى انهاا مش راجعه للاحداث تعملى مفاجئه فى اخر البارت ياترى مين اللى دخل بيت ابو مشعل وزودتى كمان ان فيه سياره مستنيه الشاب ده بميعاد منتظر كمان حاسس انه غريب عن الناس والناس بتنظر له وقبل كده قلتى ابوها ما دفنهاش فى بلدهم ودفنها فى اسبانيا وكمان ما حسيتش بحزن شديد منه عليها كل ده بيعطينى امل ان اللى بيكون الوافد الجديد فى الروايه هو نوران بعد العمليه بشخصيتته الجديده بس بصراحه مش هاخلى عندى امل كتير وهاقول انك يمكن مزجتى حدثين مع بعض يعنى قولتى ان فيه شخصيه دخلت بيت ابو مشعل ده يعتمد على معنى كلمه قتل تعزيز ؟؟بصراحه ما فهمتهاش يعنى اذا كان معناها انه مروان خرج يمكن ساعتها يكون اللى دخل عليهم مروان وان اللى خرج من المطار هو شخصيه جديده هتكشفى عن ملامحها فى وسط الاحداث بس ارجح الاحتمال الاول.
لطيفه صعبت عليا قوى قوى احساس الذنب بيبقى غالبا غير محتمل بس يالطيفه يكون عزاءك انها كلمتك قبل ما تسافر واعتذرتللك اه انك غلطتى لما انفعلتى كان ممكن تحتوى الموضوع بس اخترتى الحل الاسهل الانفعال بس على الاقل كونى مستريحه لانها ما زعلتش منك وكلام والدتها كتير حلو مش ليها لالا ده لى انا كمان لانى لحظه مابتعصب ما بعرفش بقول ايه ويمكن فى لحظه نفقد اللى حوالينا بسبب التسرع والعصبيه والانفعال .
اه لحظات تعرفها بنوران لحظات حلوه وبياكد حاجه ان شكل الانسان الخارجى فى اغلب الاحيان ما بيعكس الشخصيه الحقيقيه وده طبعا سواء كان الانسان كويس او سىء.
مشعل اه فقدانه لنوران كان شديد عليه والاصعب لما عرف ان ابوه دفنها هناك حاسين بيك يامشعل بس كملتها فى الاخر وانت بتسال على نجود يعنى اختك الللى مرشحه هاللك استحاله هتكون واحده وحشه زعلتنى على سوء ظنك .
منال اه وطلع ابو مشعل كان عايز يخلصك من الجوازه دبه وانتى عروسه ليكى اربع شهور بس ومع ذللك ما رضيتش بمبدا الزوجه اللى هتتحمل ان شاالله يموتها جوزها ماشى هاقول فى اول الجواز عايزه تحافظى على بيتك وفاتت سنه ورا سنه وانتى متحمله ما تلوميش اباك ابدا الغلط عليكى يامنال اعترفى بكده وبلاش نحمل اخطاءنا على غيرنا.
نسيم اعتقد انها اكتر واحده بعد والدتها مفتقده نوران عارفه ليه التؤام اللى زى نوران ونسيم الحب كان رابطهم بصوره كبيره احساس نسيم انها فقدت جزء منها جزء عمره ما هيرجع ,نوران اتشاركت مع نسيم من وهى بيبى فى بطن والدتهم وكانوا مرتبطين ببعض لما بيكبروا مهما اختلفت ارائهم هما حاجه واحده .
فيصل كويس انك بتحاول انك تخرج نجود من حالتها وبرضه حاسه انك هتتزوج من نسيم لان نسيم حنونه وطيبه وانت محتاج انسانه حنونه تفهمك وتعطيك ثقه اكبر فى نفسك .
اما بخصوص مشعل اعتقد انه واخد الموضوع بشكل جدى ومتاكده انه هيرتبط بيها فى النهايه .
تسلم ايديكى على البارت وقبل ماانسى انتى خليتينى ارجع اقرا ردى اللى قبل ده عليكى واذا كنتى حسيتى باى احباط منه ولو بسيط ما تتضايقيش واوعى تحبطى لان ادواتك ككاتبه حاضره وفرضه نفسها بقوه وبتخلينا دايما نشيد بكتابتك .
وتسلم ايديكى مره تانيه على بارتك الرائع.. ومستنيين البارت الجديد
|
26-02-08, 04:12 PM
جديد مواضيع قسم الارشيف
العرض العادي
