المنتدى :
الشعر والشعراء
يامــــل قـــلب
يامل قلب كل الاوقات مشتاق
لا مل من شوق يجي شوق ثاني
دايم طوال الوقت موطن للاشواق
كل برا شوقه وشوقي براني
أحاول أنسى الشوق والشوق حراق
وما قدرت أنسى وشوقي كواني
حاولت أبعد واترك الحي وانساق
ويوم انتبهت الا وانا في مكاني
اذاغفت عيني وهمت بالاطراق
يمر طيفه لين نومي جفاني
واذا ضحكت أجر ونه من أعماق
واندم على ضحكه ضحكها ثماني
وتشرق اعيوني وتبتل الاحداق
وينهمر دمعا بحره شواني
مع غروب الشمس مع وقت الاشراق
أحن له حن الطفل للحناني
وان مرت الغيمه ولو ناض براق
أتخيل ان الريح جت به وجاني
واذا انتبه قلبي ومن غفوته فاق
ارجع كما ما كنت أعد الثواني
ماني الوحيد الكل مولع وعشاق
لكن انا شوقي غريب وأعاني
والله ماغيره من الناس لي لاق
ولا ملى عيني ولا مودماني
بعده برا حالي ولا عاد ينطاق
وشوقي تعدا مانطق به لساني
لولا اختلاف الناس والناس أذواق
لاحلف وأقول اني وحيد بزماني
مل الصبر مني ومازلت مشتاق
اذا انتهى شوق يجي شوق ثاني
|