تذكرتك على صوت حزين ومرقـب ٍ عالـي
وعين الشمس محمرة وزول الطيـر واسمهـا
وضاق الكون في وجهي من احزاني وغربالي
وبانت عبرة ٍ مبطـي عـن العـذال كاتمهـا
ترزملـي مجاميـع الهمـوم وينهـزم حالـي
بغيت مرار اقاومهـا ولكـن كيـف اقاومهـا
مدامك دوم في بالي ولا قد غبـت عـن بالـي
ونار الشوق لا هبت هبـوب النـود تشعمهـا
ومدامه لا انكسر صوتي عقب ما اجر موالـي
تكون آخر حروف اسمك على التنهيد راسمهـا

يا قو قلبي صامد بوجه الاقـدار
ينزف ولكنه رفع هامتـي فـوق
ببقى انا (لمو) ولو الزمـن جـار
ان عاش راسي ما انحني لاي مخلوق
من باعنا بعناه برخيـص الاسعـار
ومن يشترينا منزله داخـل المـوق
وش عاد يا غدار لوصـار ما صـار
ما عاد ابي قربك ولو هزني الشـوق
لا تعتذر ما عادها تفيـد الاعـذار
عذرك يزيد القلب لوعات وحروق
شرع الهوى عندك قوانيـن كفـار
يا كيف قلبك له ثلاثيـن معشـوق