16-06-07, 01:22 AM
|
المشاركة رقم: 1
|
| المعلومات |
| الكاتب: |
|
| اللقب: |
شمعة الديكور  |
|
| البيانات |
| التسجيل: |
Nov 2006 |
| العضوية: |
16763 |
| المشاركات: |
5,348 |
| الجنس |
أنثى |
| معدل التقييم: |
 |
| نقاط التقييم: |
263 |
| مدونتي |
|
 |
| الإتصالات |
| الحالة: |
|
| وسائل الإتصال: |
|
|
المنتدى :
نكت , طرائف , ضحك , فرفشة , منتدى الضحك والفرفشة
نكت نكت نكت ....... امسك نفسك قبل ما تدخل
مره 2مساطيل قاعدين مع بعض واحد بيقول للتانى الحشيش يخلى الواحد يشوف الى قدمه 2 قلوه لا 3 قلوه 2 لاء3 راحو لكبير الحششين قلولوه الحشيش يخلى الواحد يشوف الى قدامة 2 ولا 3 قا لهم اصحاب المشكلة يجولى على جنب والباقى يروح
واحد ندل جورج قرداحي اتصل بيه وقال له معنا صديقك وصل نصف مليون ريال ومحتاج مساعدتك قال: قل له نايم!
فيه مجموعه من المساجين محكوم عليهم بمؤبد,وكان معهم كتاب نكت الف صفحه بيتسلوا بيه وقعدوا يقروا فيه لحد ما حفظوه, لدرجه لما بأوه يحبوا ينكتوا يقولو برقم النكته 57 هاها 62 هاها, وهكذا... وبعدين جه مسجون جديد وبدا يقرا الكتاب لحد ما حفظه زيهم وبقى ينكت معاهم برقم النكت برضه. بس كل ما يقول مثلا 39 ماحدش يضحك، 98 محدش يضحك، وواحد يقوم يقول 52 يضحكوا! جه يوم وقالهم انتوا ليه اذ قلت رقم نكته ماتضحكوش واذا احد منكم قال رقم تضحكوا؟؟ رد عليه واحد وقال ياخي النكته مش بنوع النكته,, النكته تعتمد على اسلوب الالقاء..
حمار بيتفرج على سبق الخيل.... ويقول اه لو كنت خدت الثانوية
الأول:هل تعلم أن أبي استطاع ان يوقف طائرة في الهواء حتى أصلح عطبا بها؟! الثاني:لكن هذا غير ممكن بسبب قانون الجاذبية الأرضية! -لكن أبي فعل ذلك قبل صدور هذا القانون
واحد مغلب مدرس الجغرافيا معاه .... عشان عايز يعرف خط الإستواء ده فودافون ولاّ موبينيل ؟؟
مرة اتنين أغبيه عندهم حصانين.. فكانوا عايزين يعلموهم علشان ما يتلغبطوش بينهم .. الاول قطع اذن حصانه وراح قال للتاني ، فالتاني قاله ااه يخرب بيتك انا بردك عملت كده.... فالاول راح فقع عين حصانه ، و راح قال للتاني.... فالتاني قاله ااه يخرب بيتك انا بردك عملت كده.... فالاول قاله انت هتصدعنى في دماغي... خدت انت الحصان الاسود وانا الحصان البيض
واحد مره كان بيصطاد فخلص الطعم فكتب على ورقه طعم وحطها فى السناره ورماها فى البحر بعد شويه اصطاد ورقه مكتوب عليها سمكه
واحده راحت كشك تتكلم فى التليفون ، بقالها ساعه بتحاول تتكلم فسالت صاحب الكشك ... لما التليفون يدينى : توت توت ...يبقى ايه ده؟ رد عليها وقال يبقى فى قطر معدى من قدام التليفون
واحد دخل صيدلية وقال للصيدلي إديني حقنة من اللي بتاخدها مراتي.... الصيدلي قال له إسمها إيه؟ قال له مديحة
مرة واحدة قاعدة مع جوزها قاللها انا بحب فيتراك قالت له و انا بحب مجدى قالها فيتراك دي مربى قالت له ومجدى ده عسل
اتنين صحاب أغبية ... الاول بيسأل التانى : هو ابوك متنّك علينا كده ليه ؟ التانى : ليه بس حصل ايه ؟ الاول : من ساعة ما مات مبقاش يعدى يسلّم زى الاول
واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ، والمكنة راحت قايله مرحبا بالاستاذ شلبى سوف تركب قطار رقم 26 وسيصل الساعة الواحدة ، هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ، راحت المكنة قالت له الاستاذ شلبى فضل يستهبل لحد ما القطر فاتة
مرة واحد انجليزى و واحد فرنساوى و واحد صينى راحو يجربو صدى الصوت الانجليزى قال هاللو فرد عليه صدى الصوت و قال هالوووو الفرنساوى قال بنجور رد عليه صدى الصوت و قال بنجوووور الصينى قال شونجا كونجا هونجاهى فرد عليه صدى الصوت و قال بتقول ايييييييه
دكتور بيعمل عملية في مخ مريض وطلّع المخ وحطة في الصينية جنبه ، وشغال في الجمجمة شوية ودخلت قطة وكلت المخ.... الدكتور احتار ملقاش غير جوز الجزمة حطه في الجمجمة وقفل... وبعد كام سنة ساله واحد دكتور زميلة بيقول له اخبار مريضك بتاع الجزمة ايه ؟؟ رد علية وقال له عقبال املتك دا بقي مدير المستشفي بتاعنا
مرة 2 مساطيل واحد بيقول للتانى انا بابا هو اللى بنى الأهرامات .راح التانى قالة انت عارف البحر الميت بابا اللى قتلة
خروف سأل خروف ليه عدى عليك عيدين ومادبحتش رد عليه وقال له اصل مكتوب فى شهادة الميلاد ــــ حمار ــــ
واحد غبي ركب العربية بالليل و لقى الدركسيون و الفرامل مسروقين ... فراح القسم وعمل محضر سرقة ... تانى يوم الصبح راح لاغى المحضر ليه؟؟؟؟؟؟؟؟ إكتشف انه كان راكب ورا
واحد مسطول بيلعب كورة اخذها على صدره طلعها من مناخيره
مجموعة من الكلاب قاعدين مع بعض بيتكلموا فى موضوع
الأول قال: هوهو
التانى قال: هوو هو
التالت قال: هوووهوو
راح الرابع قال وووووووو
رد عليه واحد قاله لوسمحت ما تخرجش عن الموضوع
حكم كوره أعد على قهوه ...طلب واحد صفر
. حلاق راح فيلم سوالف النينجا
مره واحده كل ما حاجه تبوز تقل لزوجها "يا راجل التلاجه بازت " يقول وانا مالى هو انا ايديال "يا راجل التليفزيون باز " يقول هو انا جولد ستار . راحت فى
الاخر اشتكت لجارهم راح قالها ولا يهمك انا اصلحلك كل حاجه بس على شرط يااما اخد بوسه او تعمليلى تورته . المهم جوزها جه من الشغل لقى كل حاجه متصلحه قام سألها مين اللى صلح الحاجات دى راحت حكتله فرد جوزها وقالها " وطبعا عملتيله تورته "
فقالت " ليه انت شايفنى لابوار "
جذمجى مات بالجذمة القلبية
عملوا له نعل فى الجرنال
جم يعملوا له الاربعين لاقوه ضيق عملوا واحد و اربعين
مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .. في سجارتين
واحد زملكاوىلقى مصباح علاء الدين فدعكه.. طلعله الجنى
قال له : ايه طلباتك؟
قاله الزملكاوي: عايز ترجع لى ابويا للدنيا
قال له الجنى : بس دا مستحيل
قال الزملكاوى : طيب الزمالك ياخد الدورى
فرد الجنى : لا ابوك يرجع للدنيا اسهل
واحد اعمى ربنا شفاه اتشل من الصدمه
عفريت دخل في واحد صومالي مات من الجوع
--------------------------------------
مرة ميك****ى اشترى سرير نام تحته
---------------------------------------
صيدلانى تزوج صيدلانية، خلفو تركيبة
-----------------------------------
أقرع حب واحده معرفش يعبرلها عن شعوره
-----------------------------------
فرخة اتجوزت فيل ...جابوا تـشكـِن فيليه
-----------------------------------
كلب شوارع مر من جنب قسم شرطة شاف كلب بوليسي قال آخ لو كنت كملت تعليمي
- بيسألوا شيخ ايه رأيك في فستان نانسي عجرم قال ضيق
وعاري وفاضح
بس لايق عليها بنت الكلب
..
مرة واحد امريكي وواحد اسباني وواحد صعيدي اتفقوا مين
بجيب اكبر تمساح راح الامريكي جاب واحد كبير وراح
الاسباني جاب واحد اكبر وراح الصعيدي و ما رجع راحوا
يدوروا عليه لقوه شايل تمساح صغير و بغني له باب فين ؟؟
في بدوي قال لأبوه: عايز آخذ نوكيا قال له:على جثتى
حتاخد بنت عمك
بدوى اول مرة يشوف فلبيني قال يا بخته هذا شبعان نوم
محشش قالوا له في الصين كل دقيقه ينولد واحد
قال العن ابو التطور مهوب حنا كل 9 أشهر!!
محشش دخل المسجد بعد الصلاة شاف جنازه داخله قال
احلى جاء العشاء
محشش يقول لمحشش عيني حمره وش اسوي؟؟؟؟
قاله:اذا صارت خضرا امش
محشش دق على الخطوط بيحجز
قاله الموظف: ذهاب واياب
قال: لا خروج المغلوب!!!
واحد يسأل محشش يقول الشارع هذا وين يروح؟؟
قال المحشش: والله من عرفته ماتحرك
محشش دخل على امه قال وين الشغاله
قالت له في المطبخ تقطع قال غيرو لها بواجي
ثنين محششين قالهم الشرطي ليش عيونكم حمراء ؟
قالوا نقرب لبعض!!!
محشش وأهله قاعدين حول أبوه يبي يموت
يوم تقلبت عيونه صارت بيضاء
قال المحشش: بس وخروا وخروا يبي يرجع ريوس
محشش يسألونه في مقابله .. هل تحاسب نفسك ؟
قال: أحيانا أحاسب وأحيانا قطه
في محشش قاعد يكتب رساله فجأه غير الخط ليه؟؟؟
قال الخط الاول في تفتيش
محشش طلبت المحكمة منه شي يثبت ملكيته للبيت
جاب لهم صورته وهو يغسل الحوش!!
محشش جالس بالمقهى
قال للجرسون: هات لي واحد قهوه وسط وأثنين هجوم
أثنين محششين انقلبوا بالسياره
واحد قال أظن قلبنا
رد الثاني بدينا نوسوس
محشش ابوه مااات
يوم غسلوه قالوله عط الرجال 50 ريال
قال والله لو انه لكزس
محشش قاعد يناظر مباراة ريال مدريد ..
سمع المذيع يقول فاول لصالح رونالدو ..
قال : تصدقون توني أدري ان اسمه الاول صالح
محشش يركض بالبيت صدم امه
قالت له عما يعميك ما شفتني
قال شايفك بس مادري وين؟؟
فسالها الواد دة جه ازاى واحنا متجوزين من اربع شهور ونص؟؟؟؟!!
قالت له انت متجوزنى من امتى؟؟؟
قال لها من اربع شهور ونص
قالت له انا متجوزاك من امتى
قال لها من 4 شهور ونص
قالته له كدة يبقوا تسعة .
فرد عليها ايوة كدة كنتى هتخلينى اشك فيكى
طبيب عيون بيحب وشايل وردة فى ايديه
وقال لحبيبته شايفة الوردة دى ياحياتى
قالتله اه
قام ونقلها الى اليد الاخرى وقالها طب كده
الابن: بتعمل اية يابا؟؟
الاب: بكتب جواب لعمك
الابن: هو انت بتعرف تكتب؟؟
الاب: يعني هو عمك اللي بيعرف يقرا يا فالح
دى حصلت ) مش نكتة)
سالو ا الوزير اليمنى (ع ب ) : ما رايك فى البان كوسوفو
قال :و الله احنا بنشرب البان المراعى
اثنين مساطيل قاعدين بيشربوا فى الخلاء . جه البوليس . و احد هرب و التانى
حط نفسه فى الطين . الظابط لقى حاجة بتلعب فى الطين .
طلعه . قال له :بتعمل ايه ؟ المسطول رد: هو يا افندم الانسان مخلوق من ايه؟
رد الظابط : من طين . قال المسطول : شوفت ! و شرفك انا لسه مخلوق دلوقت حالا
واحد بيقول لصاحبه : شايف الست اللى واقفة هناك دى ؟بتضرب كل يوم جوزها
بالجزمة !! .قال له : و عرفت ازاى ؟؟رد : اصلها مراتى
واحد بيقول لصاحبه : انتهت على ايه الخناقة بينك و بين مراتك امبارح؟؟
رد : هه ...دى جت لغاية عندى و ركعت قدامى !!قال له يا سلام و قالت لك ايه ؟
قال له : قالت لى : "اطلع من تحت السرير يا جبان"
واحد بعربية شبح واقف فى إشارة مرور جنب واحد بعربية سيات، صاحب العربية
السيات بص من فوق لتحت لصاحب العربية الشبح وقاله تبدل عربيتى بعربيتك وتدفع لى
مليون جنيه؟ الراجل الثانى قاله إنت مجنون وللا شكلك كده؟ فرد عليه صاحب السيات
وقاله أنا عربيتى فيها عفريت يحقق لك أى حاجة، المهم دخل صاحب الشبح معاه فى
السيات وحرك الدركسيون فظهر العفريت فقاله صاحب العربية قوام هات شاى لى وقهوة
للبيه، فراح جابهاله، المهم بدلوا العربيات وأخد صاحب السيات مليون جنيه كمان،
واما دخل صاحب الشبح العربية السيات وحرك الدركسيون ظهر الجنى فقاله عيزك ترجع
لى عربيتى تانى والمليون جنيه، رد الجنى وقاله معلشى أنا بتاع شاى وقهوة بس
ذهب أحد الأطفال إلى أمه وقال لها : ماما .. أعطيني نقوداً حتى أعطيها لرجل
مسكين يزعق في الشارع .فرحت الأم لقلب طفلها الطيب وأعطته النقود ، ثم سألته :
ولماذا يزعق هذا الرجل يا ولدفقال الطفل : " إنه يصيح .. آيسكريم ... آيسكريم .
ذهب أحد الأشخاص لزيارة صديقه ، وعندما ضرب الجرس خرج له إبنه الصغير .
فقال له : السلام عليكم يا حبيبي .. أبوك موجود ؟قال الولد : نعم موجود .
فقال له : طيب ..انت تعرف أسمي ؟فذهب الولد إلى أبوه بسرعة وقال له : بابا .
فيه واحد عند الباب ما يعرفش اسمه
على سلم احدى العمارات .. طفل صغير يحاول أن يرن جرس باب احدى الشقق لكن
الجرس كان عالى عليه
بعد قليل كان فيه رجل كبير فى السن طالع السلم فرأى الطفل فرن الجرس نيابه
عنه
قال له الطفل : عمو عمو ياله نجرى بسرعة قبل أصحاب الشقة مايفتحوا الباب
مرة واحد دخل مطعم بيتزا فقالولو تحب نقطعلك البيتزا 8 حتت ولا 16 حتة
فقالهم كفاية 8 علشان انا مش جعان قوي
مرة كلب فقد الذاكرة ماشى فى الشارع بيقول صوصو...لا نونو.....لااحد
مرة واحد طيار اسمه هريدى كان فى رحلة و بعدين فجأة المحرك اليمين بتاع الطيارة عطل..
فنبه على الركاب و قاللهم كابتن هريدى يحيكم و يبلغكم ان المحرك الأيمن توقف و لا داعى للقلق.
بعد شويه الركاب سمعوا كابتن هريدى بيقول:
كابتن هريدى يحييكم و يبلغكم أن المحرك الأيسر للطائرة قد توقف و لا داعى للقلق.
بعد شويه الركاب سمعوا كابتن هريدى بيقول:
كابتن هريدى يحييكم من البراشوت و يتمنى لكم رحلة سعيده
مره مسئول كبير راح يفتتح حمام سباحه كبير في سوهاج
فكان مدير الحمام بيشرحله مميزات الحمام فقال:
ده يا فندم المنط العشرين متر اطلع يا محمدين نط فنط
و ده يا فندم المنط الاربعين متر اطلع يا حسنين نط فنط
فقال المسئول هايل هايل
فقاله المدير ولسه كمان يا فندم لما نملاه ميه!!!!!
مره مدير شركه مارلبورو قابل مدير شركه كيلوباترا فقالو انا مره لقيت فى السجاره بتاعتكم خشبه ..
انتم بتستوردوا التبغ منين ...فرد عليه مدير شركه كيلوباترا متعجبا .....يعنى ايه تبغ!!!!!؟؟؟؟؟؟
واحد أشترى عربية بالكمبيوتر فلما عدى التسعين قال الكمبيوتر "بعد التسعين
تعمل حادثة..احذر. "ففرح الراجل وفضل يزود فى السرعة والكمبيوتر يحذره لغايه
ما وصل إلى 180 . كيلو فصاح الكمبيوتر"يخرب بيتك نزلني هنا"
|
|
|
جديد مواضيع قسم نكت , طرائف , ضحك , فرفشة , منتدى الضحك والفرفشة
العرض العادي
