كاتب الموضوع :
galalgalal
المنتدى :
الارشيف
عيب قوى اقول اخى 00 تسمح لى اقول ابنى ؟
اقتباس :-
المشاركة الأصلية كتبت بواسطة GALAL  |
أولا أهلا بيكم جميعا رواد منتدى الكتاب وأخص بالسلام مشرف المنتدي الأستاذ محمد جلال اللي اسمه على اسمي واللي بعتلي رسالة من أسبوعين طلب فيها أني أشارك في منتداه وأعرف نفسي للأسف لم أقرأها إلا الأن وعلى العموم بسيطة اسمي محمد جلال وعندي 23 سنة حاصل على بكاليريوس الهندسة الكهربية من جامعة حلوان بالقاهرة وطبعا مصري أظن خمنتوها وبحب القراءة جدا من الصغر وبحب لعب كرة القدم يعني نلم الشلة والكرة المكسة اللي بننفخها من عند عم محروس بتاع الكاوتش وندب لعب و بلعب كمان شطرنج طبعا هتأولولي صدعت دماغنا وأحنا مالنا بده كله هأول ليكم لأني حاولت أبعت رسالة خاصة للأستاذ المشرف ولكن آل أيه لازم أكون شاركت 100 مرة قبل كده قلت خلاص مفيش مفر من أني أبعت رسالتي الأولي على العام واستحملوني شوية زي أخوكوم الصغير .....وسلام عليكم
|
ياسميى اهلا بيك
يابلدياتى اهلا بيك 00
وبلاش تقول بالعب شطرنج احسن والله اولعها حريقة فى ليلاس ونعمل مسابقة شطرنج وطبعا معروف انى ح اكسب 000 ان مكانش بالحرفة فبالذوق والادب ---
واستغل مشاركتك لارحب بابنتى السورية الجميلة
واقول لها اسعدتنى مشاركاتك ---
وياكل الناس
لو اتاخرت فى الرد ماحدش يزعل منى --- الجو فى مصر مش ولعه --- لا --- الفرن يعتبر ثلاجة بالنسبة له !!
كل حبى واحترامى وترحيبى وامتنانى لكم جميعا
ياشعب ليلاس الجميل
محمد جلال
مشرف المنتديات  
|
29-07-07, 05:42 PM
جديد مواضيع قسم الارشيف
العرض العادي
