لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القسم الترفيهي > نكت , طرائف , ضحك , فرفشة , منتدى الضحك والفرفشة
التسجيل

بحث بشبكة ليلاس الثقافية


حكاية بنت هابله .....!!!!!!! والله ررررررررروعة

ودى حكايه بنت هبله بتحكيها بنفسها تعالوا نشوف ايه قصتها ونلتقى بعد القصه ــــــــــــــــــــــــــــــــــــــــــــــــــ ـــــ احمم..مقدمة...عارفين ايه احساس واحده و هي ماشية في الشارع و تحس ان حد

موضوع مغلق
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 18-04-07, 08:27 PM   المشاركة رقم: 1
المعلومات
الكاتب:
اللقب:

البيانات
التسجيل: Mar 2007
العضوية: 24589
المشاركات: 1
الجنس أنثى
معدل التقييم: yaso عضو بحاجه الى تحسين وضعه
نقاط التقييم: 10

االدولة
 
مدونتي

 

الإتصالات
الحالة:
yaso غير متواجد حالياً
وسائل الإتصال:

المنتدى : نكت , طرائف , ضحك , فرفشة , منتدى الضحك والفرفشة
Impo حكاية بنت هابله .....!!!!!!! والله ررررررررروعة

 

ودى حكايه بنت هبله بتحكيها بنفسها
تعالوا نشوف ايه قصتها
ونلتقى بعد القصه
ــــــــــــــــــــــــــــــــــــــــــــــــــ ـــــ
احمم..مقدمة...عارفين ايه احساس واحده و هي ماشية في الشارع و تحس ان حد معجب بيها..مش معاكسه يعني و كده لأ بيبقى فيه كده كيميا زي مابيقولوا الأجانب :
و على فكرة فيه جوازات كتير بتبدأ كده واحد يشوف واحده في الشارع..يمشي وراها ..يعرف ساكنة فين و يسأل عليها و يخطبها ..ابن عمي عمل كده و البت لسعته حتت قلم على وشة ..علم على صداغه 3 أيام :
قام هو اتكيف قوي و قال البت دي واضح انها مؤدبة و متربية وراح خطبها ..آه و النعمة
هي صحيح بعد كده اتضح ان ايديها بتطول عليه في كل المواقف مش في الموقف ده بس .... بس و الله الراجل مبسوط و بيحلف باليوم اللي شافها فيه و بيلعن أبو ... والا بلاش دي في مقام عمتي برضه .....

المهم أنا يوم نازله من البيت رايحه الشغل.. حسيت بكيميا م اللي كنت بقولكم عليها دي . . حسيت ان فيه عين هتخرم قفايا :
اتديرت بسرعه كده في الخباثة لقيتلكم راجل انما ايه طول بعرض بارتفاع ماسك ف ايده شنطة سودا و لابس بدله و كرافته و نضارة شمس : عامل كده زي العيال اللي كانوا بيطلعوا في فيلم تيتو لما كانو طالعين الفندق يعملوا العمليه بتاعتهم فاكرينهم ؟..
المهم الواد كان حليوة و انا قلبي هفهفله أول مالمحته ..استنيت شوية ع المحطه و بعدين جه الميكروباص..ركبت راح راكب ورايا
قلت الشياكه دي كلها هتركب مكروباص ليه يعني أكيد في الأمر إنا ..و جه كمان قعد جنبي .:
يا حلولي يا حلولي..بس كنت خايفه ليعاكس و ساعتها أنا ماعرفش أبويا ..باللي ف رجلي و لايهمني لا تيتو ولا بيتو ..
بس لاقيته في نص المسافه كده ..بيميل عليا و بيقول باسلوب رزين كده: لو سمحتي ممكن أسأل حضرتك على حاجه ..
وانتوا ماتعرفونيش... باتسطل لما حد يقولي حضرتك ..
بس برضه مش سهله يعني.. :
صدرت الوش الخشب و قلتله .. خير بمناسبة ايه ؟...
يعني كنت عايز أسأل بس ..هو حضرتك مرتبطه .. واضح انك مش مخطوبة ولا متجوزة مافيش دبل في ايديكي ..بس الإرتباط بأه لازم أتأكد منه من حضرتك .....
(حضرتك تاني يا حلولي).. :
والله الكلام ده مايتقالش في مواصلات
و بعدين انا ماعرفكش و مش متعوده أكلم حد ماعرفوش ..
طب يعني أنا لو معجب بحضرتك و عندي نيه أتقدم رسمي .. : أعمل ايه ..أصلي بصراحه متابعك من مده بس دي أول مرة أتشجع و أحاول أكلمك
.. ياحلاوة ياحلاوة متابعني من زمان ..ده واقع بأه.:
بس برضه على مين .. لازم أثبت ..
و الله لو حضرتك متابعني زي مابتقول تبقى عارف بيتي و عارف بابايا .. هو الوحيد اللي ينفع يتكلم في المواضيع دي .. لو سمحت ماتحرجنيش اكتر من كده ..
جامده جامده يعني ... الحقيقة انت كده أثبتيلي اني أحسنت الإختيار....
ياسلام ياسلام..الله الله ..
هو ده الكلام ..لحد كده الأمور كلها صح و مية مية .. صديته آه بس كمان قلتله كلم بابا..سيبتله سكه مفتوحه يعني .
الواد بأه التباع راح شاخط فيا في اللحظه دي ....الأجرة يا أبله والا هتركبواببلاش...
يابن اللذينا ..دانا عماله أترسم من ساعتها تبعتر كرامتي كده ؟...
جيت أمد ايدي جوه الشنطه لقيتلكوا الأخ بأه راح بسرعه مطلع فلوس و محاسبلي .. لأ مايصحش ..لأ بأه اسمحيلي ..أنا لا يمكن أقبل واحده هاتقدملها تدفع و انا موجود ...
وجون وجون وجون ..هيتقدملي خلاص
أيوة كده هو انا صحيح ماعرفش هو بيشتغل ايه و الا عايش فين والا بيقلد فنانين والا ايه نظامه بس الجواب بيبان من عنوانه .
أول ما المكروباص وقف لقيته نزل معايا في نفس المحطه و بصلي و قاللي ..
أنا حبيت أنقذك يعني في المكروباص ..واضح قوي انك ماعاكيش فلوس...
الدم ضرب في نافوخي.. وله انت هتتمنظرعليا والا ايه ؟..
واضح ان شنطتك فاضية آخر الشهر بأه يالا وفرتلك أجرة المكروباص تنفعك ..
بصتله بذهول كده و قلت له .. مين اللي قالك الكلام الفارغ ده .. انا عمري مامشي بشنطتي فيها أقل من 300 جنيه..
قالي باستهزاء كده ..لاااااماصدقش..
الدم كان خلاص قرب يطلع من نافوخي زي النافورة.. رحت مطلعه كل اللي في المحفظه مورياهولي .. أهه حتى شوف 50-100-200-220
لقيته مد ايده اخد الفلوس..و بصلها كده و عدها
و قاللي آه صحيح انتي معاكي فلوس أهه :
و في لحظه راح مطبقهم و حاطتهم في جيبه ..
و قاللي انا هاخليهم معايا بأه سوفينير لحد لما آجيلكم البيت ..
ماستوعبتش و قبل ما آخد فرصة أقول كلمه واحده كان راكب ورا واحد على موتوسيكل شكله كده كان ماشي ورا المكروباص و هوا ..فص ملح و داب ....!!!!
أختكوا بأه واقفه في وسط الشارع هابلااااااااااه .. زي اللي اتدلق عليه جردل مايه مش نضيف..مش عارفه أصوت والا أطلع أجري وراه
والا ألطم على وشي ......
فضلت واقفه يجي خمس دقايق في الشارع مش عارفه اروح فين والعربيات تقعد تزمرلي و لما تلاقيني مسهمة تقريبا اللي سايقين يقولوا في نفسهم دي يا اما طرشه يا اما مجنونة يا اما م اللي بيبيعوا مناديل ..
و الناس تعدي تبصلي...
و العيال الصغيرة يشدوا في هدوم أهاليهم .. بابا بابا هي الست دي عامله كده ليه؟
بعد شوية كده لفيت و دخلت المستشفى اللي باشتغل فيها ..و على وشي تعبير كده زي تعبير العمده الآلي بتاع زمان ..
دخلت الصيدلية.. قعدت ع المكتب ..و فجأه .....انفجرت في العياط ..
و العيال زمايلي اتلموا حواليا..
مالك ..فيه ايه؟...حد زعلك ..حد كلمك؟
من بين العياط و الشحتفه ما قدرتش أقولهم غير كلمه واحده
اتسرقت

ودلوقتى اكتشفنا ان اى بنت للأسف ممكن يضحك عليها بسهوله والدليل صاحبتنا ..!!

 
 

 

عرض البوم صور yaso  

قديم 18-04-07, 09:34 PM   المشاركة رقم: 2
المعلومات
الكاتب:
اللقب:
عضو قمة


البيانات
التسجيل: Jun 2006
العضوية: 7553
المشاركات: 1,324
الجنس أنثى
معدل التقييم: ندا المصرية عضو بحاجه الى تحسين وضعه
نقاط التقييم: 15

االدولة
البلدEgypt
 
مدونتي

 

الإتصالات
الحالة:
ندا المصرية غير متواجد حالياً
وسائل الإتصال:

كاتب الموضوع : yaso المنتدى : نكت , طرائف , ضحك , فرفشة , منتدى الضحك والفرفشة
افتراضي

 

ههههههههههههههههههههههههههههههههههه
هههههههههههههههههههههههههههههههه
ههههههههههههههههههههههههههههههههه
ههههههههههههههههههههههههههههههههههه

والله هموت من الضحك خخخخخخخخخخخخخخخخخ

ايه ده البت دى فعلا هابلة بس بيحصل فعلا
بيحصل كتير المواقف دى للاسف

بس المهم البنت تاخد بالها ههههههههههه
هى شافته شبه فيلم تيتو نست نفسها
هههههههههههههههههههههههه

شكرا ياسو موضوع جميل

 
 

 

عرض البوم صور ندا المصرية  
قديم 18-04-07, 10:30 PM   المشاركة رقم: 3
المعلومات
الكاتب:
اللقب:

البيانات
التسجيل: Mar 2007
العضوية: 24589
المشاركات: 1
الجنس أنثى
معدل التقييم: yaso عضو بحاجه الى تحسين وضعه
نقاط التقييم: 10

االدولة
 
مدونتي

 

الإتصالات
الحالة:
yaso غير متواجد حالياً
وسائل الإتصال:

كاتب الموضوع : yaso المنتدى : نكت , طرائف , ضحك , فرفشة , منتدى الضحك والفرفشة
افتراضي

 

وكتاب الله انتى الأجمل


شرفتى يا حبيبتى

 
 

 

عرض البوم صور yaso  
قديم 18-04-07, 11:56 PM   المشاركة رقم: 4
المعلومات
الكاتب:

البيانات
التسجيل: Mar 2007
العضوية: 26366
المشاركات: 19
الجنس أنثى
معدل التقييم: سماالياقوت عضو بحاجه الى تحسين وضعه
نقاط التقييم: 10

االدولة
 
مدونتي

 

الإتصالات
الحالة:
سماالياقوت غير متواجد حالياً
وسائل الإتصال:

كاتب الموضوع : yaso المنتدى : نكت , طرائف , ضحك , فرفشة , منتدى الضحك والفرفشة
افتراضي

 

ههههههههههههههه ههههههههههههههه هههههههههههههههه هههههههههههههههه هههههههههههههههههههههههههههه أنا هموت من الضحك قوللى هى البت دى منين هى تبع بلديتنا اياهم اكيد
انت عارفهم مافيش غيرهم هما الى اشتروا العتبه الخضرا وربنا يصبرها على ما بلاها ويخرب بيت فقرك ايه خفة
الدم ديه ههههههههههههههههههههههههه..............سماالياقوت

 
 

 

عرض البوم صور سماالياقوت  
قديم 19-04-07, 04:59 PM   المشاركة رقم: 5
المعلومات
الكاتب:
اللقب:
عضو قمة


البيانات
التسجيل: Sep 2006
العضوية: 12388
المشاركات: 3,581
الجنس أنثى
معدل التقييم: لورانا عضو على طريق التحسين
نقاط التقييم: 81

االدولة
البلدEgypt
 
مدونتي

 

الإتصالات
الحالة:
لورانا غير متواجد حالياً
وسائل الإتصال:

كاتب الموضوع : yaso المنتدى : نكت , طرائف , ضحك , فرفشة , منتدى الضحك والفرفشة
افتراضي

 

هههههههههههههههههه

طلعتي الفلوس توريهالو لا صحيح انت هبله
كان اول مايقول كده طلعيلو الاجره ورميها في وشه

 
 

 

عرض البوم صور لورانا  
موضوع مغلق

مواقع النشر (المفضلة)
facebook




جديد مواضيع قسم نكت , طرائف , ضحك , فرفشة , منتدى الضحك والفرفشة
أدوات الموضوع
مشاهدة صفحة طباعة الموضوع مشاهدة صفحة طباعة الموضوع
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:44 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية