السلام عليكم
اشكرك أولا أخي على الموضوع المميز

ولو إني ليا تعقيب صغير على حكاية " رخيصة "
كبيرة أوي الكلمة دي على بنت بتحب
حتى لو اعتبرنا ان الحب دا ذنب اقترفته البنت بأنها حبت - وأكيد مفيش حد بيحب بإرادته - دا أجمل ذنب ممكن الانسان يقترفه وما تستاهلش لقب " رخيصة " ابدا والا عشان تكون عادل اي شاب يكون علاقة ببنت " رخيص " كلمة وقعها مش بسيط ابدا ولا انت مش معايا !

بعدين الموضوع هنا متفاوت شوية
بيختلف باختلاف عادات البلد وعادات العائلة نفسها بشكل أكبر
في ناس فاهمة ان الموضوع دا ليه وقته بياخد فترة وبعد كده ينتهي اما نهاية عادية بانهم يسيبوا بعض .. او نهاية مأساوية بأن تحصل مصيبة ف الآخر .. او نهاية سعيدة بأن ربنا يوفقهم ويتجوزوا .. بس هنا بيجي دور الأسرة في المتابعة والنصح الواعي

في ناس تانية الموضوع من أساسه غلط , وعيب وعار ووووو .. ( من غير الدخول في حرام وحلال )
وهنا على ما أظن بتحصل أغلب المشاكل الي كنت بتتكلم فيها .. البنت متمسكة بحبيبها وشايفاه كل دنيتها , والولد لو بيلعب بيها بمنتهى السهولة يهرب
ولو جاد يعترف وظروفه وقدره هما الي هيتحكموا فيه وقتها , والله يكون في عون البنت المسكينة وقتها الي كل ذنبها انها حبت واصبحت " رخيصة " في نظر المجتمع .. ليه ؟

الحب مش عيب .. الحب مش ذنب
الحب مش حرام

دي أسمى علاقة انسانية على وجه الأرض
بس ظروف المجتمعات والعادات والتقاليد الي وضعها انسان زيي وزيك اصبحت بمثابة قوانين وغصب عننا لازم نحترمها و هي الي بتلعب الدور الأساسي في تسمية العلاقات..
آسف .. طولت عليك لكن عنوان موضوعك شد انتباهي شوية

تحياتي لك ولمواضيعك المميزة
Metvirus

والله ودي اسمع رأيك( أنت) أخوي المختبر..

إذا ماعندك مانع..

و الله انا من راى انه حسب شخصية الشخص نفسه
بيكون تصرفه
يعنى ممكن يعترف و ده احتمال ضعيف جدا
لان مفيش حرامى بيقولوا على نفسه حرامى

وممكن يكون من زهوله من الموقف يقول الحقيقة

و لو بيحبها بجد اكيد هيقول انه بيحبها

اما لو كان بيتسلى فاكيد هيكدب


مشكور على الموضوع

ان لم يكون جاد سيهرب ببساطه

اما ان كان جاد فاتوقع انه سيحاور من اتصل به من اهل الفتاة بل وقد يتفق معه على موعد ليخطبها فليس من المعقول ان يعرف من يحب بالظلام وعندما تضهر علاقتهم للنور يختفي فلا يختفي الا من لا شرف له ويريد ان يتسلا باعراض الغير
هناك مثل يقال دومن ( من دق باب غيره اندق بابه )
( ومن زنا يزنا به ولو بحيطان داره )
وغيرها من امثلة الاعتداء على اعراض المسلمين
عافانا الله واياكم