ياااااااا ألله ما أحلى الماضي الجميل !!! بالنسبة لي كنت في البداية أقراً قصص العملاق وتان تان وطرزان وغيرها

ثم أنتقلت لقصص المغامرون الخمسة والشياطين 13 ...أما بالنسبة لمعرفتي لسلاسل القصص الأخرى فكان

عن طريق أحد الأصدقاء إذ أهداني قصة ( الإيقاع المفترس ) ومن بعدها وأنا مدمن لهذه القصص ولكل الكتاب ..

من ذلك اليوم ولحتى هذا اليوم ...... أكثر من ربع قرن !!!!!!!!!

ياااااااااااااااااااااه موضوع جميييييييييييل فعلا فكرنا بايام زمان والذكريات الجميلة

وانا علاقتى لاقراءة بوجه عام علاقة عشق وحب واحترام
فنا مدمنة للقراءة واعتبرها هوايتى الاولى
فبدأت بالقراءة وعمرى حوالى 6 سنوات اى من 17 سنة وكانت مع روايات ميكى وسوبر ميكى وميكى جيب من دار الهلال وبعد كدة ظهرت مجلات جديدة تابعة لدار الاهرام اسمها علاء الدين
ثم انتقلت للالغاز والشياطين ال13 وبعد كدة والدى جابلى مجلة اماراتية اسمها ماجد وانا عمرى حوالى 9 سنين اكيد معظمنا عارفها واستمريت على قرائتها لحد دلقوتى والدى كل يوم اربعاء لازم يجبهالى واقراها
ثم كانت البداية مع معشوقتى الاولى وبطلى المفضل ادهم صبرى وبرضه عن طريق والدى ومهرجان القراءة للجميع وجبت اربعة اعداد اتنين رجل المستحيل (ارض الاهوال - الخدعة الاخيرة) وواحد ملف المستقبل وواحد كوكتيل 2000 واكتر حاجة عجبتنى رجل المستحيل وانتظمت على قرائتها لحد دلوقتى وبعد كدة توالت السلاسل الخاصة بدكتور نبيل فاروق حيث انى امتلك معظم مقالاته وكتبه وروايته على سيديهات وبعضها على هيئة كتب واتمنى انى اقدر اكمل كل السلسلة واى ورقة قديمة او كتاب قديم جدا لازم ابدا بقرائته فورا لان القراءة دى احسن هواية فى الدنيا ولحد دلوقتى بحب اقرأ كل الروايات والكتب وخصوصا كتب علم الجاسوسية والمخابرات والتاريخ السياسى والعسكرى وبرضه قصص ميكى وماجد وميكى جيب وفلاش وسماش
ونفسى اقدر اكبر المكتبة اكتر واكتر عشان ولادى فى المستقبل ان شاء الله

ازيكم يا شباب
الموضوع جميل جدا شكرا ليك
على فكره انا قريت سلسله ملف المستقبل بس هى الوحيده اللى متابعها ونفسى اقرى رجل المستحيل

انا بقى خالى بيقرى سلسله ملف المستقبل من زمان وعنده كل الاعداد من اول العدد رقم واحد كان بيحكيلى انه كان بيجيبه بمصروفه من زمان فى التمنينات تقريبا
وكنت عنده فى يوم وكنت زهقان (كنت تقريبا فى 3 اعدادى) فهو ادانى كتاب لملف المستقبل اسمه شيطان الفضاء قالى اقراها
من اول ما قريت الصفحه الاولى من العدد ده وانا اتشديت جامدوقريت الصفحه الاولى عجبتنى جدا من جمال الكلمات والتعبير الرائع وقريت الصفحه الاولى مره تانيه وكملت القصه ومن ساعتها وانا بقيت اخد من خالى من اول الاعداد عشان اعرف البدايه وقريت السلسله كلها وبقيت كل لما ينزل عدد جديد بروح اجيبه مع خالى

تحياتى

انا بدأت بفلاش فى عمر 10 سنين وقبلها كان ميكى وبلبل وفى سن12 سنة كان اخر يوم امتحان وكنت زهقانة وعايزة اقرا رحت المكتبة وجبت عدد"القراصنة"129 طبعا مفهمتش اوى بس عجبتنى فبداتها من الاول حوالى 5 اعداد وبعدين بقيت اجيب الاعداد اللى صورتها واسمها يعجبونى ثم بدأت "زهور" وكنت بخاف اقرا "ما وراء الطبيعة" بس قريت "اسطورة تختلف" ومن يومها اصبحت اكتر سلسله بحبها وبعدين قريت "سفارى" ثم "هارى بوتر" و"مغامرات س" وحتى الان لا اطيق "ملف المستقبل" لانى لا احب الخيال العلمى ولان ابى يتمنى ان اكبر شوية واقرا كتب لانى بدرس صحافة وانا صحفية تحت التمرين فى جريدة الاهرام لكن لا يمكن استغنى عنهم ابدا.

كانت اول رواية لي هي الجاسوس لأدهم صبري وبالنسبة لملف المستقبل كرة النار وبعدها الجزء الثاني وبعد قراءتهم اصبحت مدمنه بشراء ملف المستقبل ورجل المستحيل ولدي مكتبة تحتوي على جميع الاعداد شكرا