الكاتبة : سحر آل صالح رواية : ليتني بين اهدابك اضيع

02-10-23, 09:20 PM

المشاركة رقم: 1

المعلومات
الكاتب:	سحر
اللقب:

البيانات
التسجيل:	Sep 2023
العضوية:	339716
المشاركات:	12
الجنس	أنثى
معدل التقييم:
نقاط التقييم:	10

االدولة

مدونتي

الإتصالات
الحالة:
وسائل الإتصال:

المنتدى : القصص القصيرة من وحي قلم الأعضاء , قصص من وحي قلم الأعضاء

الكاتبة : سحر آل صالح رواية : ليتني بين اهدابك اضيع

الكاتبة : سحر آل صالح رواية : ليتني بين اهدابك اضيع

ا

رواية : ليتني بين اهدابك اضيع

قراءة ممتعة ♡
لأحلل من تنسب الرواية لها او يتم نقلها دون الطلب

《لتعريف عن بعض الكلمات ،،
أذا شفتو كلمة موب مفهومة وتكون زي كذا
" دزول "
فمعناها " قول " حيث ان القاف في معضم الكلمات يستبدل بحرفي الدال والزاي ..
والكاف يستبدل بأحرف التاء والسين ..
مثال " احتسي "
معناها " احكي "
عسى فهمتوا ،، وبعض الكلمات بسوي عليها استفهام 》
.
.

《 البارت《 1 》

زفر بتعب يمسح العرق السأل من جبينه ..
من شدة ، الحرارة ركض بتعب بتجاه المواشي الماشية بتجاه معاكس للبيت ..
إبتسم وقت شاف البيت القديم والبالي ..
أدخل المواشي واقترب للبيت..
قعد على ألاريكة بتعب ...

نظر له أبوه وبغضب : توووه بدررري ..
صرخ : وش لهه تسل ذا التاخير ..

زفر : يبه تراا المواشى أنحرفوا عن طريق الجية وتسنت راد على البيت ..

أبوه بقهر : مير خاصك البلاء ، قممم لا سلمً بك عظم احلب/ن* المواشئ وخل أمتس تسوي لنا عصيدة ..

وقف بضجر وراح بعيد عنه ...
تعب يبي ، يتفرغ لدراسته وأبوه وأمه الي خلوا كل المسؤليه على عاتقيه وزي ما يقول أبوه ..

بلاك قاعد/ن أربعه وعشرين ساعة أنت وأخوك على هل الكتب أخرتها رايحين الجيش أو فلاحين ..

كم يحطمه عدم أهتمامهم فيه كم يتمنا لو يجي أحد يدعمه رغم أن له من الأخوة
" علي " سعيد " بس ماحد يهتم باثاني ، هو الأوسط* فاكبر منه" سعيد " واكبر من " سعيد"* " علي "
بس كل واحد منهم نلتهي بعمله وماهم متفرغين له أوبلأصح مابينهم تألف فما هو مهتم فيهم لأجل يهتموا فيه ..

بعد ما بلغوا وصار كل واحد منهم بعمر ٢٠ سنة راحوا خارج الديرة وما يشوفهم الا بشهور مرة ...
.
.
رما دلة القهوة عن النار بقهر : هذا يبه يبي يسود/ن بوجيهنا دزام الرياجيل ما يكفي متزوج/..ن واحدت/ن ..ماهي من بلادنا ولا من عربانا وفوق تسذا يبي يهج من هنا ..

ابو سهمان : اركدد ياوليد هذا أخوك الي تحسين عليه أحتسي حتسيي يزين النفس ماهو تسدها أخوك ويبي يخرج/ن.. عشان شغلة وراد/ن هنا واذا عيا يرد بتسيفه هذي حياته ..

كم يكرة أخوه سهمان ياهو دائما يشوف حب أبوه له فمهما أخطاء ومهما سوى يرا أبوه دائماً يدافع عنه

رد ابو علي بغضب : والله ان خرج من هنا ماهو براد ...

ابو سهمان الي غطاه الشيب وبقهر ضرب العصاء بلأرض : أحشم وجودي يادزليلً الخاتمة هذا جزايي يوم دزلت/ن* أستشيرك تأخذ/ن.. لك وليدك معاه تشغله ..

تركه أبو " علي " بغضب بدون لا يرد عليه ..
تنهد أبو "سهمان" بضيق كل ماكان يبيه أن يكون بين عياله حب ومودة .. بس للأسف ولده سليم كان حقود وقاسي القلب ..
وولده سهمان رجال ناضج يدري وش يبي ويحسب كل خطواته مع أنه أصغر عياله بس كان الأوعاء بينهم ..
.
.
~~

زفر لمنادات أمه له : خير يمة وش تبي ..؟

ردت ام علي بغضب : لا رد/ن
ولا سلمً فيك عظم دزول آميين قم لا باركن لك شوف اخوك وينه ...

رد سلطان بضيق : يمه هذا هو وليدتس دزاعد/ن..
خارج يكتب/ن .. القصيد ...

أمه بغضب : الله يأخذكم الثنين قم ..
دزل له يجيني وان ما جاني يمين الأنتفنة بسنوني ...

وقف بدون لا يرد اقترب وقعد بقرب أخوه وبهدوء : ليتس منت بداخل أمي دزاعده تسبن فينا الثنين ..

رد هاني بضيق متجاهل كلامه : سلطان متى يتغير وضعنا ...

ربت على كتف أخوه .. إلي أصغر منه بعام : ما تضيق الا وتفرج قوم أتسل لك لدزمةً وذاكر زين بكره ورانا امتحان ..

^^ طبعاً لسنهم المتقارب فهم يدرسوا بنفس الفصل وهم بالثنويه ألأن )

وقف هاني : آمر وأنت بعد قم ناتسلً لنا شئ ..

إبتسم سلطان لاخوه الوحيد من بين أخوته الي يحبه كثيراً
وقفوا متجهين نحو البيت..

هاني : سامع/ن.. من أهل الديرة أن عمي سهمان رايح/ن.. المدينة يسكن فيها وماهوب براد ..؟

سلطان بتنهيدة : ياحظه ، والله أنه أزين واحد من بين عماني حتى أبوي ما سواه ..

ضحك هاني : أسكت لا يسمعنك أبوي ويدفنك ..

ابتسم سلطان : وش يعني نتسذبً وأنا الصاددز شوفة عينك
مكملً دراسته وهذا هو الأن يشتغل بشركة ويدزولون أنه دزريب بيفتح له مشروع ...

هاني : مستغرب سكوت جدي عن سهمان وقت كان
يبي أبوي يفتح/ن ..له مشروع ما رضي أما عمي ماهو بمكلمنه ..

سلطان : هذا سهمان ماشفت تسل الديرة تتكلمن انه بمأخذ/ن.. حرمة ماهي من العربان وما أحد دزادر يفتحن فمه دزدامه او دزدام جدي ..

هاني : الله يعلم وش بينهم هل الثلاثة ..

سلطان : أكفنا شرهم مانبي منهم الا يهجدون ويفكونا منهم ..
~~
.

أبتسم لتصرفات طفلته .. المشاغبة البالغة من العمر ٨ سنين ،
حمد الله أنها ما بتعيش عيشه أهل الديرة القاسية والي يستعبدون فيها المرإه وكانها عبد لهم ..

أقتربت له وبطفولة : بابا أبي جوال ..

إبتسم لها : وقت تكبرين اشتري لتس ..

كشر وجهها : أووف يببه متى اكبر أنت وأمي دوم تقولوا لين أكبر وتعطوني الي ابغى ..

مسح على شعرها الاسود الواصل لتحت أكتافها ..
إبتسم لشبه الكبير بينها وبين أمها ..
عيون واسعهه جداً وكحلها الملفت ..
يمكن أجمل مافيها عيونها المزينتِ بلرمش الكثيف،* والي جعل منها فاتنه أكثر الشامة تحت طرف عينها اليمين ..
وضع يده على خدها المَّملوء : عيوني أخذ لتس الي تبين بعد ما تكملين هل السنة وتاخذي أعلى شهادة ..

وقفت بفرح وقبلت خده :
أكيد بكون ألأنجح من بين الصف ..

أعجبه حماسها و يعجبه كل ما فيها حتى تصرفاتها المشاغبة وطريقتها بالكلام وكانها بعمره بعد* اكثر مايعجبه فيها أنها مستحيل أن أحد يأذيها وما تاخذ حقها منه ..

أقتربت زوجته منه وعلى شفتيها إبتسامه واسعه بادلها الأبتسامة : عساه خير وش شاقً حلقتس تسذا ." كذا ..
ابتسمت اكثر : المشروع الي كلمتك عنه تم وحنا الحين ابتدينا فيه ، ومنتظرة بس المساهمة ..

سهمان ، أعجبه أصرارها على أنها تأمن مستقبلها ،بعيد عن كون الزواج هو مستقبل الحرمة ، فمعا ان أنه معارض كون الحرمة تشتغل لوجود رجال بلعمل* ، بس عملها لا يشمل الاختلاط فهو منتجات لتجميل فقط : خذين مني العون ..

أقتربت وقعدت بقربه : ما أبي منك شئ أول أنت أفتح مشروعك بدبر نفسي أخوي وأمي ما بيقصرون ..

سهمان بعتاب : وأنا منتي بشايفتيني رجال أقدر/ن أدبر نفسي وأدبر دفعةً عشان أساعد فيه حرمتي ..

توهقت خوف أنها ازعجته بكلامها : افاا منوا بقايل هل الكلام ، بس قلت أنت بالأول وأنا لين يفرجها عليك ربك ..

نظر لها ببتسامة هادءة تطمئنها : ماعليه ادبر نفسي

... ردت بهدوء : الي تشوفه ...

باليوم التالي :

أقترب ليسلم على راس جده وبهدوء : صبحك الله بالخير ...

إبتسم للي يراه يشبهه بشبابه بجميع التصرفات : صبحك الله بوجه الرضاء وين رايح/ن مع الغبشة ..

إبتسم سلطان : نبي الفكة قبل يجي الوالد علمك اذا شافني ماهو بمخليني أذاكر للأمتحان وخبرك بكرة السبت آخر أمتحان لنا ..

يفخر بهذا الصبي ولكن مايخيفه تسلط أبوه الزائد : الله يوفقك ياوليدي

سلطان : آمين يلا خاطرك ..

الجد : الله معاك ..

لف عنه لجل يشوف مكان هادىء يذاكر فيه ..
طول اليل ماجاه النوم خوف أنه مايكون جاهز للأمتحان ..
قعد تحت الشجرة تضلله من حرارة الشمس الاسعة ..

.
.
~~~~
.

مشى للبيت بعد ما حس انه ذاكر زين ،* اقترب للبيت شاف جده واقف ووجهه مسود ،* وفي شخص واقف بقربه يكلمه ، فجئة شاف جده يقبض بكفه مكان قلبه ويهبط على الأرض ودموعه غطت عيونه ،
رما كتبه على الارض وبحميه أمسك الشخص من ياقة قميصه يبي يهاجمه وبغضب : وشش مسوين بجدي ..

الشخص بدفاع عن نفسه : مانيب مسوي شىء ياوليد سليم ، جاه خبر موت عمك سهمان ، وهذا حاله من درى ..

افلته سلطان وبصدمة لف على جده الي مايدري وش علته ..
ملقىء على الأرض يلقط انفاسه بصعوبة .
اقترب منه وبخوف : جديي ، خذذ نفسس تكفى ..

نظر للي ينظر لهم بهدوء وبقهر وعيونه محمرة : دقق خل احد يجينا نسعفة ..

الشخص : هذا هو خويي جاي ..

اقتربوا وحملوه ، اخذوه لأقرب مستشفى ولأن الديرة بعيده أستغرق ١٥ دقيقة
.
.

~~
.

الإبتسامه شاقة حلقه مات من كان أبوه يفضله عنهم : يااامررة جيبين القهوة خلن نتقهوا ..

أقتربت ام علي منه وبيدها الدلة : شايفنك مستانس ونسنا معاك ..

نظر لها ابو علي وببتسامة : سهمان وحرمته توفوا ..

ردت ام علي بضجر : هقيت في سالفة جديدة هذي عندي خبر عنها وبعد بنيتهم بالمستشفى يقولون ماسلمً فيها عظم ويمكن تموت ..

ابو علي : أبركها لو تموت وتفكنا منها ومن شرها ..

أم علي بسخرية : منت بقايم ، تشوف عزا أخوك لا يفكروك الجماعة بعدين أنت بقاتله ترا أخوياك كلهم جايين ..

وقف ابو علي بقهر : حرمتن مامنتس غيرر النكد انقلعي لاباركً لتس ..

تمللت منه وتركته دون رد* ..

اما ابو علي ظلّت كلمات ام علي تتردد بمسامعه .. اسرع بالخروج مظهر للمارة انه حزين لجل لا يقولوا ، ولد الدرآهم ماهو بكفو ويشمتن بموت اخوه ..

يناظر لها من خلف الزجاجية منظرها مرعب وجهها تشوه وماعاد بان منه الا الجزء الأيمن ، في أمل بانها تعيش بس وش يقول لها وقت ترجع لوعيها . مالا يحبه في أخوة سهمان أن مأحد يهتم بثاني حتى أنه ماحد منهم فكر يجي يزورها . زفر بضيق متعجب بغمضه عين راح أغلى صديق له ..
.
.
~~~~

.

تنهد براحة بعد مأطمئن على حال جده وبكرا

بأذن الله بجاي ..
.
.

~~~

اليوم التالي : 5:00

كحال كل يوم يتبادل الرعي هو واخوه هاني
واحد منهم يساعد أمه والثاني يرعئ الحلال ويبيع الحليب .
ما لأبوه وأمه الا هم بعد ما سافروا أخوانه أو يقول هجوا .ومالهم خوات أبد . يكره الاغنام والأبل والابقار بشكل كبير يتمنا ما يكونوا موجودات ، كان ما تحمل حرارة الشمس الاسعة . أوا بل ألأصح يكره الديرة بكل ما فيها يتمنا بس لو يتركها ويعيش بل المدينة مثل عمه سهمان ..
تذكر عمه وترحم لروحه ما سلم من عيون الناس وكلامهم عنه وهو عايش فكيف بعد ما مات ؟..
فكر لو يسوي مثل عمه سهمان هل بيسلم او نهايته بتكون مثله ؟ .
اقشعر بدنه من ذكراه بغمضة عين سوى كل الي يبيه وبغمضة عين راح ، يمكن أعين الناس زي ما يقول له أبوه ؟..
اسرع بيروح للبيت عشان يذاكر هو وأخوه مع بعض بكره أختبارهم الأخير
.
.
~~

اليوم التالي :

شاف هاني ينتظره وراحوا للمدرسة البعيدة عنهم بأميال ..

تكلم هاني : استعجل تراك متأخر بنحصل لنا طراق من المدير ..

سلطان بقهر : ينعل شكله ان مد يده مرة ثانية إقسم بالله لولا فارعون " باعدوا " الأساتذة كان كسرت له يدينه الحيوان ..

هاني بضحك : أحمد ربك رديت للمدرسة ترا كانوا ناوين يفصلوك ولولا جدي له هيبتن بالديرة وتوسطً لك كانك الان مقابل وجه أبوي ترع له النياق ..

ضحك سلطان بسخرية : أبوك هذا لو على يده والله الا يلبسنا فساتين ويخلينا نطبخن بالبيت وخارجنه نرعا ..

هاني : ههههه زودتها ياخوك ..

سلطان : وانا التساذب يعني هذا هو يخلينا ننظف له الحاشيات ونطبخ/ن مع أمي ونرعى الحلال وبعد المدرسة نروح نبيع الحليب والسمن لديرة ، والعشي نرد يالله نلحق لنا ساعة نذاكر فيها والبقية طول اليل نهمز أبوك ..

هاني : هههه وش رايك نفتح/ن لنا مشغل على القليلة نسترزقن منه ..

سلطان : نبي نخلص من ابوك تبي تجيبن لنا ناس غيره ، أهجد وخلنا نلحق على المدرسة قبل أقابل وجه الزفت ..

هاني وفهم منوا المقصود : اي والله عاد خاطري ما اشوفه هل اليوم احتمال اقتله ..

سلطان : لولا خوفي من الله وعليك كان انا بعد قتلته
.
.
~~~~

إبتسم له : الحمدلله على سلامتك يبه ..

تكلم بضعف : وليدي ..س.هما..ن وينه ..

اقترب مربت على كتفه : يبه ترحمً له ما احنا برادين من راح قول انا لله وانا إليه لراجعون ..

وضع يده على عيونه بضعف وبكاء ومن بين بكاءه : انا..لل.ه وان.ا إلي..ه لرا..جعون ..

حزن لحال أبوه المتقطع من كثر البكاء . بقلبه قهر وغبن من أخوه علي الي ما كلف نفسه يجي يزوره . بس شيع الجنازة قبال* الناس وما شافه .* لولا انه من النوع الهادئ لهد البيت فوق راسه ." هذا ما يفكر فيه ..
(ومع كذا* الفعل عكس القول )
.
•••••
مُلاحظه :
أبو سهمان يملك من الاولاد
أبو علي : هو أبوا سلطان
أبو همدان : الي نروي عنه الان
وسهمان : المتوفي ."

انا لاحب آن إصف الشخصيات اترك الرواية* تسرد لنا تفاصيل حياتهم* ، سواء من جمال او شخصياتهم °•

.
.
~~~

يقعدوا بل الفسحة يأكلوا الخبز شبه اليابس* من عرفوا نفسهم ماخذوا ريال واحداً بيدهم الا أن كانت لابوه ويأخذها منهم . تعودوا على ذا الشئ ..
مع أن عمهم سهمان معاه المال وجدهم هو شيخ لقبيلة الدآر ومع كذا ماهم بمالكين شئ ، فأبوهم عنيد ورفض أنه يأخذ ريال واحد من عمهم سهمان . غص بالقمة من ضربة الكرة الي جات على راسه ، سمع ضحكاتهم وهمسهم ..

نظر هاني لهم بعيون محمرة من شدة الكحة . لف وشاف الكرة تتوسط وجه سامي حتى ارتما على الأرض .(عدوهم ب المدرسة)* ..

نظر هاني لاخوه سلطان الي يتكلم بغضب بعد ما أعطاء سامي درس : أُقسمممم باللله انننن تعيدهااا الا أجعلنك وطييي يا الساالفل ابن **** ..

أقتربت شلة سامي ناحيتهم بيتهجموا عليه ..

اما سامي بعده كان مرمي على الأرض وأنفه ينزف

وقَّف هاني وعلى شفته أبتسامة هادءه: والله ولي فترةً من هل الهواش ..

غمز له وقترب بندفاع نحوا أولهم وضربه بوحشية ..

أقتربوا شخصين وأمسكوه وأندفع عليهم هاني من خلفهم وقعوا ، وأنقض على واحد منهم وسلطان على الثاني . اكثر مايضحك ان كل منهم بالساحه ينظروا لهم ويشجعونهم ..

خرج ٥ من المدرسين عشان ينهوا الشجار ..

سامي بندفاع يصرخ من بعيد : يااعياللل الد*** أُقسم بالله أن تشوفون .. امسك أنفه بألم من رمية الكرة ..

سلطان ببتسامة ساخرة يحرك خاصرته : أقوول رووح رووح شوف أمك تلبسك فستان بعد والله لا يليقً بك ..

اطلق هاني صوت ضحكته الساخرة : أُقسم بالله جبتها ياخوك .

عقد سبل حواجبه يستفز فيها سامي : أعجبك ..

هاني بلهفان بعد ما أبتعد : كفووو ..

سلطان : كفوك الطيب ..

المدير بقهر : مااهقيتها منك يا هانييي وأنا أقولل أخوك بس الداشر طالع/ن مثله ..

هاني بلعانه : يااااشبااب اليوم وشوا ..

سلطان بخبث لمعرفته نوايا هاني : اخراً يوووم خلصنااا الأمتحانات ..

صفق هاني يدينه : جبتهااااااا ..

مرر له الكرة ليرمها هاني بحتراف بين ساقين عادل

سمع تصفير سلطان : ههههههههه كفووووو وربييي جاات بالمكان المتوقع ..

هاني : افاا أستاذك أنا ..

كان المدير عادل ضام ركبتيه ببعضها البعض . وممسك خصره بيدينه الثنتين من شدة ألمه ..

أصوات الطلبة يتعالا من ضحك الا شماته الا أعجاب بقوتهم ..
كل المدرسة تدري أن أجتمعوا هل ألثنين ما أحد يقدر لهم ..

صرخ المدرس : أشووف منوا بنافعنكم يا السرسري انت وياه ..

نظر له من تحت إلى فوق بسخرية : نشوف يا الحثالة ..
هاني بضحك : اووووووووووووف قوييه ..

سلطان يستعرض له وبضحك : قم ياخوك سرينا ترا مليت ..

نظر للمدرسين الي يناظروا لهم بقهر وغضب والبعض منهم بأشمئزاز ..

سلطان : مدير عادل ترا هاني ماقصد كان يقصد يجيبها براسك لعل مخك يرجع ههههههههه ..

هاني : اوووه وشش عرفك هههههه ..

سلطان بغرور وأستبعاد لأسم ابوه كعادته: أجل وهل في شئ يخفئ على سلطان عز الدين ال درآهم ..

هاني مسايره : يخسى اصلاً يكون ..

سلطان ببتسامه : أجل يلا سرينا ..

هاني يقترب منه وبعد ما خرجوا من البوابة : تهقئ يفصلونا ترا هل المرة زودناها خاف ما يعطونا شهادة الثنوية بنروح وطي ..

سلطان بثقة : أتحداهم أُقسم بالله لادزلب/ن المدرسه فوق تحت عليهم بعدين جدي الله يطول لنا بعمره بيغسل شراعينهم .
(ادزلب = اقلب )

هاني : عساه خير ..

سلطان : خلاص ياخوك وبعدين على ربك لين تخلص ألاجازة اكيد بينسون ..

هاني بضحك : اذا نسوا وش ينسي هل النشبة عادل ترا كنت قاطع/ن.. عليه رزقة .

ضحك سلطان بقوة لقوله آخر جملاته : أُقسمم بالله كان ودي تجيبها له ، اخ ياخويي الي يفهم علي من اول نظرة ..

هاني : ههههه أقسمت ان شفته اليوم مايعدين له يومه على خير وهذا أتميت حلفاني ..

سلطان لتذكره شى : ألا هاني ترا ما زرنا جدي خلنا نخلص شغلنا بسرعة ماهو زي كل يوم نتسحب
."
هاني : الي يشوفك يقول ماهو انت الي دوم تتسحب ..

سلطان : وش اسوي مانيب طايق الرعي يجيبن لي الغثاء ..

هاني بتنهيدة : عساها تزين ..

سلطان بهدوء غريب : آمين ..
.
.
~~~

اليوم التالي :

وبمجلس الرجال ...

أبو سهمان بعد ما قام بالعزء رغم أنه تعِب بس أصر على أنه يكون اول الحاضرين ..
تكلم بصوت جهوري متألم بعد أن راح الكل : بنية وليدي سهمان جاييتن هني تسكن ، وإذأ أحد معترض فأنا وهي برايحين ..

صمتوا وقال أبو علي بقهر : يبه تراا مانيب ناقص/ن.. ورعان* اذا ودك خلها تسكن ببيت أحمد ..

ابو سهمان بحدة : قوول ماتبيي اقعداً ببيتك وبلاك راميً بكلام مال داعً ..

صمت ابو علي أفضل له .

ابو همدان : يبه ودي تسكنً معي بس هذاك شايف وراي سفرة خارجً البلد ولو قلت اعاملً لها يبي لها وقت .

أبو سهمان بقهر من عياله الي مأحد منهم يبي الثاني وحتى مايبوه :
مانيب طالبنك لأني أدري بردك الردئ ازهل عني وتكل ..

انزل ابو همدان رأسه منحرج من كلام أبوه ..

أبو سهمان : هاه وش قايلً ياسليم ..

بلع ابو علي ريقه مايبيها هنا مايكفي أخوه أخذ غلاته تجيه بنته الحين لكن مايقدر يسوي شئ ولا يقول لا ، لأبوه : الي تشوفه يبه..

أبو سهمان : تصحئ بل أول وبعدين يصير خير بس قايلً لك الأن عشان إذا برافض ادبر نفسي ..

وقف أبو سهمان وراح عنهم ..

نظر أبو علي لأخوه بغضب :عااجبك ماهو قلت أنت بتتكفلًهم وش له الحين ترمينهم علي ..!؟

أبو همدان بقهر : قلتت لكك طرا لي شغل !!..

ضحك ابو علي بسخرية : وها الشغل مااا جاين ألا الان ؟!

أبو همدان : قايل لك وانت بكيفك صدقت أو ما صدقت ..

أقترب ابو علي منه بغضب وهواء الكف على وجهه ..

نظر له ابو همدان بصدمة وبغضب : تمدد يدك علييي ياااسلييم !!.

أبوا علي بغضب أكبر : تستاهلل من يتوطئ ببطنك يا**** !!!

صرخ أحمد بغضب متوعد : نشوووف منووا يتوطئ ببطن الثاني ياا **** !!

أبو علي الي كان يبي يخرج وكانت مزهرية بالقرب من الباب ، رماها وكان مافي مسافة بينها وبين رأس أحمد إلي تفاداها وهو منصدم : أنقلع يا الرخمه ..

تركه حول صدمة أحمد الي لو جات المزهرية على راسه اكيد بتكسره
.
.

همدان بسخرية من وراهم* : ما ادري ليتس انت دافن نفسك بهل الكتب ونهايتها بتصبح راعيً ..

سلطان نظر له من تحت إلى فوق وبسخرية اكبر من سخريته : عساس أنت بتصبح مدير لهل البس الي واصلً تلبسه يله يخلونك منظف لمزارع بكر ولا حمير ..

هاني بضحك : والله أنك جبتها ..

همدان بقهر : عبالكم أحنا مثلكم يا الرعوية ..
وبغرور : أحنا مسافرين المدينة ومخلينكم هنيي يا الرعويين ، شدد على أخر كلماته ،
.. وأكمل بشماته : عاد يقولون بنت عمي سهمان جاييتكم تسكن ببيتكم ياحرام أبتلشتوا..

سلطان بتعالي : أُقسم بالله أنت يلا جابتك أمك بنية ونست،* روح دارك وقول لها يقول سلطان اكشفي عنا الستار ..

هاني : ههههه ..

همدان بقهر راح عنهم .

هاني : مو كانك زودتها ..

سلطان بضجر : ألا يستحق وربي ، جايب لي الغثاء تراني وقت أشوفه أشوف سامي وجع..

هاني : ههههه أي وأنت الصادق هذول ألأثنين لولا متأكد انهم ما يعرفوا بعض كان قلت عمي ضيع وليده ..

سلطان ضحك بخفه : والله انك صادق ..
سلطان بتفكير : تهقئ صادق بحسيه ؟

هاني : وش تقصد ..

سلطان : بنية عمي سهمان بتسكن هنا ..؟

هاني : دام وهمدان قالها أكيد صادق هذا نقال حسي، بس أبوي كيف هو براضي ..

سلطان بلأ مبالاة : جدي بيحلفً عليه ولا هو ماهو بطايقً أخوه عشان يطيق بنته ..

هاني بهز لراسه : صادق ..
.
.
~~~~~~~~~~~

مرت خمسه أشهر . لا شئ بها جديد ..

ا رواية : ليتني بين اهدابك اضيع قراءة ممتعة ♡ لأحلل من تنسب الرواية لها او يتم نقلها دون الطلب 《لتعريف