الف الف شكر لأعماق أعماق قلبك
ع هالرواية

تمنيت اني ماقريتها وهي مااكتملت حتى ماازعجك بالحنّ

الله يسعدك ويرحم والدك ويعطيكِ حتى ترضي

يارب ارحمه واغفرله وابدله داراً خيراً من داره واجعله في منزلة الانبياء والصالحين والشهداء.

تجنن الرواية يسلموووووووو بالتوفيق ياعسل

مساكم خير جميعاً.. اسعدكم الله اوقاتكم بكل خير ..ادري تاخر عليكم بس والله انشغلت بتدقيق على الاحداث والان تفضلو البارتات …
~
~
~
~

-/الثامن والتسعون /-

رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..

…بعد مرور شهرين …
و على بداية دخول موسم الشتاء …..

ملاك حملها صار له اربع شهور خف وحامها وبدت تحب الاكل وكل يوم طالبه شي تاكله زاد وزنها شوي
مع بروز بطنها خفيف وزيادة الوزن معطتها شكل جميل صحه وتروي واشراق ….

نهيل تنشف وجها بمناديل ورقيه من بعد ما توضت لصلاة العصر وقفت وعيونه طارت على ملاك اللي جالسه عند الدفايه وتاكل بملعقه من كاس النوتلا
صرخت فيها / انهبلتي انتي تبين تجيبين لنفسك السكر ؟؟!
ملاك تاكل بتلهف /يوم عجزت اقاومها
نهيل تاشر لها تجيبه /اقول هاتيه تبين تنتحرين انتي الظاهر
ملاك بوزت بطفولة / يومه تكفين
نهيل انحنت لها واخذته وهي تسمع صوت الباب يطق /امل يا امل افتحي الباب
جت امل تركض / طيب طيب

ملاك تطالع امها بتسال / كم بقى و تطلعين من الحداد ؟
نهيل تنهدت براحه / مابقى شي اقل من سبوع يالله لك الحمد
ملاك تبتسم/ الحمدلله
نهيل تذوق من النوتلا / يوه مالومك فيها لذيذه
ملاك تضحك / رجعي نوتلتي لا تقضين عليها
دخلت امل وهي ترحب / حياك الله ادخلي

ملاك و نهيل لفو باستغراب من جاي هالجزه بس مسرع ماوقفت ملاك بفرحه / هلا والله شذى
شذى تقترب لها وتضمها / اشتقت لك للي سبوعين ماشفتك
ملاك تضحك / قسم تقل سنتين
نهيل تسلم على شذى /متى جيتو من عمانك ؟
شذى ترد وهي تبتسم / والله مالنا ساعه وهذا انا جيت يمكم على طول
نهيل تبتسم / الله لا يفرقكن
امل تطالع امها باستغراب /يومه علامك اخذه نوتلا ؟
نهيل تطالع فيها وتاشر على ملاك / اختك بتذبح عمرها باكل النوتلا وبرنز هذا
ملاك بدهشه / وشو برنز ؟
نهيل بعفويه / الايسكريم هذا مدري وش تسمونه
امل وشذ يضحكون وملاك ترد وهي تضحك /باسكن روبنز قصدك

نهيل تاشر براسها / اي ذبحك بس تاكلينه
امل ترد عنها/ يومه وحام غصبن عليها
نهيل تنهدت بحنيه / يامك كله سكريات تضرها ماتنفعها
شذى تطالع ملاك بذات الحنيه / وحامك للحين متعبك ؟
ملاك تهز راسها بنفي / لا الحمدلله اخف من اول

نهيل وامل استاذنو وراحن مخلياتها مع صديقتها تسولف براحتها شذى تطالع فيها بتفحص /سمنانه بس والله طالعه قمر
ملاك تجلس وتاشر لها/ اقول تعالي اجلسي بس
شذى تجلس وهي تهتف بضيقه / شايله هم الاختبارات السبوع الجاي
ملاك تنهدت بارهاق /والله حتى انا اول مره اشيل هم الدراسه كذا
شذى تدخل بالموضوع على طول/ ملاك متى بترجعين لخالي ترا دايم يسالني عنك اخذتي له عقله ؟

ملاك ترد برجا /طالبتك تفكيني من طاريه خالك بنسبه للي ماضي وانتهى خلاص ماله رجعه
شذى شهقت / يعني كيف ماتبين ترجعين له ؟
ملاك تهز راسها بثقه / مستحيل ارجع له لو مابقى بعمر الا يوم
شذى تنهدت بضيقه / مدري وش اقول لك يا ملاك بس والله ماراح تلقين رجل يحب كثر حب خالي لك
ملاك تبتسم باسا /امحق حب

شذى تغير الموضوع /الا ماقلتي للي شلون البنت اللي تعرفتي عليها بالمستشفى؟
ملاك ابتسمت بعفويه /قصدك مهره عسل بس صارت ماتكلمني كثير الا بين فتره وفتره عشان امها راحت بيتها و تكلمني الا اذا جت لها
شذى بغيره /وش فيك ابتسمتي من طاريها هاه
ملاك تضحك /انتي غيورة
شذى تضرب كتفها /لا تلوميني صديقتك من 18 سنه
ملاك تضحك وتهتف بحب /واحلى واغلا صديقه بعد
__________________________

بالمستشفى …

تحديداً بمكتب صقر كان لابس له جاكيت رسميه دافئه وجالس يشتغل على الاب توب بتركيز يحاول ينهى عمله قبل موعد خروجه .. سكر الاب توب و رجع ظهره لظهر الكرسي وهو يمسج مؤخرة راسه من تحت بتعب من الشغل ومن السهر صار له كم يوم ماينام..
و طول اليل افكار توديه وافكار تجيبه ومن يصبح يشغل نفسه بالدوام بالشركه يحاول قدر المستطاع يتناساها بس صعبن عليه نسيانها هي وجنينها ..

صقر تنهد بزفرة و بضيقه من اقتحام الافكار والهموم لعقله وهو اصلاً ما ارتاح ولا يوم كل مازادت ملاك بشهور يزيد همه اكثر واكثر وحاسب لها اليوم والاسبوع والشهر و يعلم جيد انها كملت اربعة شهور
و ثبت حملها المفروض تكون رجعت له من شهر بس هو ما طلب رجعتها كان خايف عليها من (تهوراته) مايضمن نفسه لا شافها ومتاكد ان بعدها عنه امن لها ولطفلها ..؟
و سال شذى عنها كم مره وقالت له ( ملاك تتعب من الحمل والوحام) حزت بخاطرة تعبها وهو بعيد عنها والمفروض يكون دكتورها الخاص ابعدتها الدنيا عنه وبعدتها الاقدار،؟؟…

قطع افكاره دخول منيف وجمال و هتفو بالسلام
قام صقر بترحيب / حي الله جمال حي هالعين والله
جمال يسلم عليه وهو يبسم /الله يبقيك شلونك يابو مطلق عساك طيب
صقر يرد عليه باخوه /طيب طاب حالك سلامة الاسفار متى جيت ؟؟
جمال يرد بتقدير / الله يسلمك والله ماجيت الا امس
صقر ياشر لهم يجلسون /تفضلو

جلس منيف وجمال متقابلين وصقر جلس على كرسي مكتبه مقابل لهم /شلون البعثه ؟
جمال تنهد بشده/ ياولد هي زينه بس انا ماني بزين لا ليلي ليل ولا نهاري نهار بس ودي اخلص وجي السعوديه
منيف بغرابه /علامك كنت متحمس وش جاك ؟

جمال تذكر ذيك الملامح اللي سلبت له عقله وسلبت من عينه النوم وهو يهتف بالم / يا رجال من قبل لا روح بيومين وانا ماني خويكم مدري وش جاني
صقر بغرابه اعمق / ليش سلامات ؟؟
جمال يغير الموضوع / مدري بس ماصدقت ارجع في اشيا اهم من البعثه
منيف ضحك /لايكون عرس بس
جمال ابتسم / قريب باذن الله
صقر ومنيف بصوت واحد /الله يوفقك
جمال يرد عليهم بموده /امين ويوفقكم ان شاءالله

منيف لف لصقر بتسال / الا انت متى اجازتك ؟
صقر شعر بضيقة / كنسلتها
منيف طارت عيونه /علامك الناس تدور الراحه وانت تدور الشقى ؟
صقر زفر بعمق / يارجال خلها على ربك بس
منيف بهتمام وعفويه /تكلم ياخوك شفيك لايكون عشان موضوع المشكله اللي بينك انت واهلك؟

صقر عطاه نظره قارصه وجمال فهم نظرته لمنيف وهو يقوم /يلا انا استاذن
صقر ياشر له يجلس /يارجال اجلس وين رايح؟
جمال رد بتقصد / عندي شغل المهم صقر ترا بكرا بعد صلاة العصر بجيكم للبيت انا وخوي الكبير
صقر حس باستغرب من جيته ولاكنه رد بثبات /حياكم الله البيت بيتكم
جمال عدل جاكيته الدافيه و اتجه الباب /ابقاك الله

منيف لف لصقر /ليش ماسالته وش عنده بيجي؟
صقر طالعه بنص عين /شقالو لك سفيه تبي اسال الرجال ليش بتجينا للبيت؟
منيف يرفع كتوفه /عادي جيته غريبه و بيجيب اخوه بعد ؟؟
صقر تنهد بارهاق /بكرا نعرف وش يبي ليش مستعجل وبعدين انت وش دخلك ؟
منيف ضحك/علامك قلبت علي يادافع
صقر بصرامه / انا كم مره قايل لك لا تكلم بشي خاص فيني قدام احد ليش ماتفهم
منيف ابتسم بحرج / نسيت ياخوك
صقر هز راسه باسا/ والا متى بتنسى ؟؟

منيف هتف بجدية /جد علمني وش صار بينك انت واهلك
صقر يرد بوجع شديد / ماصار شي ولا كلمتها وهي للحين بيت اهلها
منيف يلم جاكيته عليه من البرد ويهتف بتسال / طيب ماتبي تقول للي سالفة مشكلتك معها يمكن الاقي لك حل ؟
صقر هز راسه بيأس من الحياة / مشكلتي مالها حل
يا منيف مالها حل
__________________________

مهره جت تمشي وهي لامه جاكيتها على جسمها اللي مايتحمل اي لفحه من البرد ..
دخلت الصاله شافت جدتها وام ابراهيم ومريم لابسات عباياتهم سالت بهدو /وين يا جدة ؟
الجدة صيته ترد وهي تعدل عباتها على راسها / بنروح يامك لبيت نوف بنقهويها
مريم هتفت بحرج / لها سبوع والد و ماجيتها يا فشله من حسنا
ام ابراهيم ترد بحده / كلن وظروفه الا حسنا بتجلس عندها بيتها لين طلع الاربعين ياعمه ؟
الجدة صيته ترد عليها / اي وكاد لين طلع بنتها ماهي مخليتها

مريم بندا /شوق يلا اخلصي علينا
جت شوق تمشي وهي لابسه عباتها/ هلا يومه جيت
الجدة صيته تطالع مهره بتوصيه / قفلي البيبان
و انتبهي لنفسك ماراح اطول اجيك المغرب
ام ابراهيم من غير نفس / ماحد هاجم عليها يا عمه تعشي معنا عند نوف
الجدة صيته عطتها نظره و طنشتها /…
و شوق تبتسم بتقصد / نوف الحين اسمها ام جهاد
مهره فهمت نغزتها وصمتت/…
الجدة صيته با امومه /الله يعجله جهاد اسم على مسمى
ام ابراهيم /يلا مشينا

من طلعو ومهره تجلس قريبه لدفايه بطفش (اف وانا وش اسوي الحين حتى جوال ماعندي اكلم ملاك وسال عن اخبارها و حملها )…
شغلت التلفزيون وجلست تتابع بصمت شوي وجت ميري /مدام يبغى قهوه شاي ؟
مهره تهز راسها بنفي /لا شكرا
راحت ميري ومهره تفرفر بالقنوات بريموت اللي بيدها
وهي تافف بضيقه شوي وسمعت ندا رجولي / احم احم

مهره فزت واقفه بفرحه ماصدقت على الله /ادخل فهد مافي احد
دخل فهد عليه ثوب شتوي بالون الرصاصي وشماغه ناسفها وهو عاقد حواجبه / وين الناس؟
مهره تضم الجاكيت عليها من شدت البرد/ مافي احد الا انا والخدم مقابلات اربع طوف
فهد باستغراب / وين جدتي ؟
مهره ترد بضيقه /راحو كلهم لبيت نوف
فهد سال بعصبيه / وانتي بالبيت بروحك؟
مهره تهز راسها بحزن / تعودت مافي شي جديد

فهد شطفها وهو يسال بحزم / في اوراق على الطاوله وينها ؟
مهره ترد بعفويه / حطيتهم بدرج اللي عند سريرك
فهد بحزم اعمق /متى بتفهمين وتخلين اوراق شغلي بحالهم
مهره ترفع كتوفها / كنت ارتب بس والله ما فتحتها

فهد طلع متجه جناحه وهي راحت وراه دخل واخذ اوراقه وهو يوصيها بحرص /خلك بجناحك وقفلي الباب عليك بخلص للي كم شغله و اجيك
مهره ابتسمت براحه / والله بتجي عندي بدل ما اجلس بروحي ؟
فهد يهز راسه برضا وهو متجه الباب بيطلع / ايه بس قفلي الباب علمتك ولا تطلعين من جناحك ابد
مهره راحت وراه ومسكت ذراعه برجا /فهد تكفى لا تاخر والله اخاف بروحي

فهد لف لها وسحبها مع طرف جاكيتها ضامه بشده وهمس بتسال / وش تخافين منه ؟
مهره تدفن راسها بوسط صدره /مدري من كل شي
فهد بذات الهمس وهو يمسح على شعرها /تجهزي بنطلع
مهره طارت عيونها وهي تبتعد من صدره وتساله بدهشه /نطلع انا وانت نطلع وين ؟؟
فهد باس خدها بهدو / لاجيت علمتك المهم خلك جاهزه
مهره تحب راسه /الله يوفقك
فهد كسرت خاطره ردت فعلها و طلع بصمت/..

و هي راحت تجهز لبست لها بنطلون و تشيرت انيق بالون الرمادي وماحطت على وجها اي نوع من انوع الزينه خوفن من فهد وتقلباته ماتبيه يعصب وتخرب فرحتها لبست عباتها ونقابها بترتيب واخيراً خذت شنطتها بالون الاسود عليها علامة شانيل وجزمه سبورت اسود عليها نفس العلامه وجلست تنتظره …

مرت ساعه وهي مازالت جالسه مرت ساعتين ثلاث ساعات و طق الباب فزت واقفه بحماس اهم شي انه جاها لو بعد وقت لاكنها صدمت وهي تفتح الباب
و تشوف جدتها منزله عباتها و جايه تبي تطمن عليها و استغرب هي من مهره لابسه وجاهزه سالتها / هو انتي علامك لابسه عباتك ؟

مهره ترجع للجناح وهي ترمي النقاب والطرحه بيد وحده وتجلس / من بركات ولدك قال اجهزي بطلعك وهذا هو صلو العشاء وانتهت الصلاه وهو ماجاء
الجدة تدخل وهي تسكر الباب وراها / متى قاله ؟
مهره بضيقه /من بعد مارحتي بنص ساعه

الجدة صيته تجلس قبالها /يامك يمكن جاه ظرف حتى انا قلت لك بجي بعد المغرب ولا قدرت حلفت نوف علي اتعشا معهم
مهره لمعت عينها / يلعب علي ياجدة اخذ مشاعري لعبه عنده
الجدة صيته ردت بثقه /فهد ماهو طبعه العب بس وكاد صار عنده شي رده لا يجي
مهره صمتت وهي متألمه ومنكسره /…

دخل فهد بهيبه و ثبات /سلام عليكم
الجدة صيته ترد عليه/عليكم السلام
فهد يتقدم وهو يسالها /متى رجعتي من بيت مشعل ؟
الجدة صيته ترد وعيونها على مهره اللي تطالع فهد بنظرات حارقه / تو جيت يامك حلفت علي نوف اتعشى معهم
فهد طالع بمهره وهو رافع حاجبه / وش فيك مطيرة عيونك كذا ؟
مهره وقفت والجدة صيته وقفت معها / انت اخذني مقصه قلت للي تجهزي وانتظرك من العصر لليل وتقص علي؟

فهد يرد بصرامه / اقصري حسك وماهو طبعي المقصه تفهمين ؟
مهره تنتفض بالقهر / اجل فهمني اللي صار وشو بضبط؟
فهد بقسوه حازمه/ ماني مفهمك وعساك مافهمتي بعد
الجدة صيته بزعل/ ليش تواعدها وماتجي توديها والحين تقول عساك مافهمتي قل لها عذرك اللي خلاك ماجيت
فهد رد بغضب / عذر ماعندي عذر وبنت اخوك هاذي بس طايرة لين اقطع جناحها و اوقعها بالارض

مهره انفجرت باكيه/ اي انت مشتهيني من زمان تبي تبرد قلبك فيني
فهد طالع فيها بحده ورد بصوت احد / لو ابي ابرد قلبي فيك ماحدن رادني بس سدي فمك احسن لك لا تخليني اسده لك بيدي

مهره جلست صامته وهي فعلاً مرعوبه من يده ماصدقت يكفها عنها من فتره طويله
وخافت الحين يتهور ويرجع لعادة القديمه الاليمه..
(لاكن )اللي ماتعرفه مهره ان فهد اخذ عهد على نفسه ان يحاول ما يمد يده عليها بي حال من الاحوال
بس من غير علمها عشان ما يقو راسها ….

الجدة صيته شافت مهره وهي جالسه و دافنه وجها بكفوفها وتبكي بكسره وهي تلف لفهد بعتاب /ليش تقول لها تجهزي مدامك مانت بموديها من البدايه
فهد رد وعيونه هو بعد على مهره / كنت ناوي اوديها بس جاني ضيف مهم ماقدرت اجي و اخلي ضيفي عشان اطلعها
الجدة صيته تهتف لمهره بحزم /شفتي قايله لك مايرده الا شين كايد

مهره قامت من غير لاترد عليهم ولا حتى تنظر فيهم راحت غرفة الملابس تبدل وتلملم كسر قلبها ….
________________________________

يوم جديد…

بعد صلاة العصر بدوانية أبو صالح ….
كان الجو غيم وعلى وجه امطار وخير ….

مجتمعين أبو صالح وعياله شوي ودخل عليهم ماجد و معه مازن سلمو وجلسو من بعد ماسلو عن الأخبار والأحوال هتف ماجد بصوت ثقيل/ أنا ادق عليه جمال قال بجيكم عند دوانية عمك ابيك انت ومازن بموضوع
رد أبو صالح باستغراب/ ليش وش صاير وش يبي ؟ماجد رد بقلة معرفه /والله علمي علمك يا عم؟؟
‏صقر باستغراب اعمق /غريبه ليش داق عليك وهو معلمني امس انه بيجي ؟؟
‏ماجد رد بهدوء /والله ياخوك حتى انا استغربت اتصاله وجيته
‏فالح يتكلم بتدخل /يمكن الرجال يبي منكم شغله ولا مساعده منا منا
ابو صالح ينهى النقاش /يجي ونفهم منه كل شي

‏مرت ساعة وهم يسولفون بينهم ..
طق الباب وقام صقر باستقبالهم وترحيب فيهم
ودخل جمال و أخوه الكبير والوحيد جهمان
قام أبو صالح وعياله وعيال أخوه طالب رحبوا فيهم
و سلمو عليهم و تبادلو السوال عن الاخبار و لأحوال ومن بعد الضيافه وصب القهوه اللي قام فيها مازن

جهمان هتف بصوت رجولي عميق/ يابو صالح احنا جايين طالبين منك النسب نبي نخطب لأخوي جمال وحده من بنات أخوك طالب رحمة الله عليه وجمال زميل لصقر بداومة وصديق لماجد من مده طويله ويعرفونه العيال عدل مايحتاج اعرفكم عليه

ابو صالح رد بموده /والنعم فيك وبخوك لا بالله ماهو محتاج تعريف جمال ولدنا وعارفينه عدل لاكن الشور والراي لخوانها الموجودين (اشر على ماجد ومازن )
جهمان لف لهم / اذا عندكم بنات للعرس ترانا شارين نسبكم وشارين بنتكم
ماجد حس بفرحه مثل جمال ماينرد / اي والله عندي ثنتين من خواتي مقبلات على العرس و نسب جمال يشرفنا
جهمان رد بموده / الله يكبر قدرك اجل انشد الاهل وخواتك ورد علينا

جمال من قال ثنتين عندي وهو ضايع كيف بيقول لهم البنت اللي شافها وجننت عقله وهو مايعرف الا اسمها خاف يسكت ويندم ولذالك هتف بتوتر/ حنا اللي نبيه وحدتن معينه من خواتك
ماجد رد بحسن نيه / يعني الاهل عندكم محددين وحده ابد اللي انتو تبونها نشاورها ونرد عليكم
جهمان ببتسامه وهو ماهو فاهم اخوه وش يبي بضبط / اي والله محددين لنا وحده من خواتك
ماجد بتسال / وتعرفون من هي هند ولا هنادي ؟؟

جمال طارت عيونه وهو يهتف باستعجال /لا اسماها ..
جهمان يطالع اخوه اللي صمت بتوتر/ قل لهم اسم البنت اللي انت تبيها هذا بالحلال مافيها شي
ابو صالح ابتسم / اي يا بوك انت جاي تخطب وتحدد اللي تبيها وحنا علينا نشاورها

طول حديثهم صقر وخوانه كانو ساكتين هذا الموضوع يخص ابوهم و عيال عمهم وبنات عمهم مالهم حكم عليهن لذالك يستمعون بصمت…

وجمال هتف بصوت صافي وكانه يستشعر الاسم من بين شفته ومن داخل حناياه / اختك اللي اسمها ملاك طالب

الكل تصلبت عظامه بصدمه والعيون تتجه على صقر اللي كان رافع كاسة الشاي لشفايفه يبي يرشف منها ولاكن من قال اسم ملاك طارت عيونه بصدمه و رمى الكاسه الحاره بتهور على جمال و انتشرت بحرارتها على صدره وقفز جمال واقف مرتاع وهو يشوف صقر يقوم هاجم عليه مثل الاسد المفترس وعيونه حمرت من الغضب الملتهب وشده مع صدره و نفضه بقوه حتى طاحت شماغ جمال وعقاله من قو النفضه مابقى عليه الا الطاقيه وصقر يصرخ بوجهه/ وش عرفك فيها وش عرفك فيها

جمال انتفض برعب حقيقي و لاول مره يشوف صقر بالمنظر هذا وهو يحاول يفك كفوفه اللي خنقته
وفالح وصالح يحاولون ينقذونه من يدين صقر
ابو صالح خاف من انفعال ولده و جهمان وقف مدهوش ماهو فاهم شي ومازن وماجد نفسه مدهوشين وماهو مستوعبين شي …

صقر يهزه بقسوه وعيونه تقدح بالحمار والشرار ولا هو مستجيب لاخوانه اللي يسحبونه / تكلم قبل اذبحك تكلم كيف عرفت اسمها كيف عرفتها؟؟؟
جمال يرد بارتباك وخوف / مدري مدري انت علامك؟
صالح وفالح سحبوه بقوه وهو يحاول يفك نفسه من يديهم بغضب منفعل /بعدو عني خلوني اذبحه بعدوو
صالح يهديه برجا /تكفى اهدا خل نفهم السالفه
صقر يصرخ فيه بحراره مشتعله / ابعد لاذبحك انت وخوك ابعدو

صالح وفالح ماقدرو يمسكونه صقر جسمه رياضي وانفلت من بين يدينهم ورجع هاجم على جمال
لكمه كم لكمه قويه مع وجهه وكم بكس مع بطنه جمال من الصدمه عاجز يدافع عن نفسه يحاول يبعد منه بس ماهو بقادر عليه جهمان سحب اخوه وابو صالح صرخ بمازن وماجد بحده/ تعالو امسكوه مع خوانه لا يذبح الرجال

الاربعه ابعدو صقر عن جمال بالقوه وهو يصرخ
فيهم بغبن حقيقي/ ابكو فكوني خلوني اذبحه الرجال جاي يخطب مرتي قدام عيني فكوني

سحبوه الاربعه مطلعينه برا الدوانيه يحاولون يسيطرون على اعصابه المنفلته
وجمال وقف متصلب من قو الصدمه و الدم ينزف من خشمه وفمه وجرح قلبه ينزف باشد واعمق..
…(طلعت متزوجة ومن صقر بعد كل هالجمال ملك لك بروحك وتهاجمني عشانه مالومك ولو هجمت علي والله مالومك ولو قطع رقبتي و شوهت وجهي عشان فريستك يا الاسد)..

جهمان تكلم بتسال غاضب / وش صاير يابو صالح حنا قلنا شي غلط جينا مع الباب ونطلب بالحلال؟
ابو صالح رد وهو منحرج / البنت اللي انتم جايين تخطبونها مرت صقر
جهمان لف لجمال بصدمه / انت تعرف انها مرته ؟
جمال اخذ شماغه من الارض بكف وحده والثانيه على انفه اللي ينزف / لو اعرف ماجيت اخطبها يا خوي
جهمان سكر عيونه بحرج / و فشيلتنا من الرجال
ابو صالح برعب /خذ اخوك وتوكلو على الله تراه
ما يهدا لا يرجع يذبحه بس

جهمان امسك بيد اخوه وطلعو بحرج من اللي صار..

عند صقر كان يرجف من الغضب وهو يمسح شعره الكثيف على ورا ويهدد بغضب/ والله يالي بس يحاول يمسكني ليموت على يدي
فالح كان يتنفس بتعب/ يا صقر حكم عقلك وخذ الامور بالعقل لو ذبحت الرجال رحت قصاص
صقر يصرخ بشده/ وانا خايف من الموت خل اروح قصاص اللي مثله حلال ذبحه

صالح شوش بصقر اللي اتجه لمازن واشر له بيده بتهور /جيب مفتاح بيتكم
مازن طارت عيونه /ليش؟
صقر دفه مع كتفه بقسوه /قلت لك جيبه
صالح بغضب/انت انهبلت وش بتسوي بعد؟
صقر مارد عليه وعيونه على مازن /بتجيبه ولا اطى على رقبتك
مازن بتوتر /خواتي بالبيت انا اخذ لك طريق
صقر يصرخ فيه /قدامي افتح الباب
مازن مشى معه باستسلام /…
وماجد راح معهم وهو مخترع

صالح هتف لفالح بخوف / رح قل لامي وام مهند يلحقونه لا يذبح البنت ولا يدري ابوي عنه يطق ويموت من القهر

فالح راح لام صالح اللي كانت واقفه بالحوش هي وبناتها ويسمعون صوت صراخ صقر وهواش بس مايدرون وش السالفه و من قال لها فالح راحت
هي ومها لبسن عبياتهن وراحن وراه لبيت نهيل ….


ملاك كانت لابسه قميص طويل صوف احمر وعليه ريش احمر محوط رقبتها معطيها منظر فاتن تنوكل جالسه بصاله تاكل نوتلا مثل كل عادة و نهيل تكلم حصه وهي شايله اياد/ ولدك ينعس يامك روحي رقديه
حصه تقوم تاخذه منها /بروح اسوي له رضاعه و ارقده
امل تهتف بحنيه وهي جالسه /تبين اقوم ارقده عنك ؟
حصه كانت بترد بس صمتت وهي تشوف مازن ياشر لها /حصه امل ادخلو بسرعه
نهيل توقف /وش صاير ؟
مازن صرخ /بسرعه
ملاك طالعت فيه بتشكيك وقلبها بدا يدق/ من معك؟
حصه وامل دخلو بسرعه و خوف من بعد ماسمع صوت صقر الغاضب / اخلص علي افتح للي طريق
مازن يرد /مافي احد ادخل

ملاك وقفت كانت بتنحاش للغرفه ولاكن ممداها
وهي تشوف صقر داخل بثوب كحلي من غير شماغ وشعره مرفوع على ورا عيونه حمرا ومنظره مرعب هجم عليها وهي رجعت على ورا بخوف سحبها مع شعرها الاسود وصفعها بقوه خلاها تفقد توازنها وشدها مع جيبها وهو يصرخ بشده / وش بينك وبين جمال تكلمي ؟
نهيل جت بوجهه وتصرخ فيه /بعد عن بنتي يا صقر
صقر دف نهيل بيده الثانيه وهو فاقد عقله من الانفجار / انتي انقلعي عن وجهي

مازن مسك امه بمسانده اللي غارت عيونها بدموع وماجد اقترب لصقر يحاول يفك ملاك لا يأذيها وهي صرخت بوجه صقر بحده ونست حتى اللي بطنها من حركته مع امها / انت اللي تنقلع كيف تمد يدك على امي يا الحقير
صقر صفعها وهو يهزها بلا رحمه / تكلمي وش عرف جمال فيك تكلمي لا حرام حرم يركبني من راسي لا ساسي لعلن خبر وفاتك اليوم
ملاك وجها حمر من قو الصفعات و ارتاعت من عيونه الحمرا وبروز عروق رقبته/ والله ماني فاهمه شي وش تقول انت من جمال؟

من قالت اسم جمال من بين شفايفها المزمومه جنت جنون صقر من الغيرة وهو يتخيل رجال غيره شايفها ولا يعرفها دفها على الحيط اللي ورها و اقترب لها حتى جسمه لزق بجسمها ولا همه الموجودين وحط كف يده على رقبتها خانقها وصرخ بغضب عميق شديد
العمق / انا اللي اسالك من جمال وكيف شافك تكلمي يا الملعونه ؟؟

ملاك سكرت عيونها من صراخه وهي ترتعش بين يديه ماجد يحاول يسحب صقر من ظهره المتصلب / صقر البنت حامل افهم منها بالهدو
نهيل تبكي / والله ان صار لبنتي شي ولا للي بطنها مايردني عن المحكمه ياولد مطلق احد

صقر صحى مستوعب من كلمة ماجد(حامل )
وعيونه بعيون ملاك اللي تناظر فيه برعب و مانزلت
منها ولا دمعه حتى من بعد صفعاته لها كانت متماسكه.. وهو مانتبه لكلام نهيل وكل همه مع اللي قدامه كان واقف و مغطي على ملاك بعرض جسمه الرجولي نزل كف يده ولمس بطنها انتفضو مع بعض هي خوف على جنينها وهو انتفض من انتفاخ بطنها
و تجبسه من الحمل حطت كفها فوق كفه وشدت عليه وهو سكر عيونه وفتحها وناظر فيها شاف بعيونها نظرات الرجا والخوف ابعد عنها وهو يسمع بكاء نهيل وصوت امه ومها اللي دخلن وهن يتكلمن معه بخوف كان يسمع ولا يدري وش يقولون اصلاً

من بعد مابعد وهي تحضن بطنها بيديها
صقر هتف لها بصوت حاد / جمال تعرفينه ولا لا قولي للي الصدق احسن لك ؟
ملاك تطالع فيه بدهشه / اصلاً جمال منهو انا ماني فاهمه انت من تكلم عنه!!
مازن بتدخل / جمال ولد ملفي جاي يخطبك
صقر لف لمازن بحده وهدده بصرامه احد/ قسم بالله لو ماتسكر فمك لا دفنه لك برجلي

مازن هز راسه بخوف وصمت /…
و نهيل هتفت بصدمه / جمال يخطبها وليش امه
و خواته ماقالن له انها متزوجه ؟؟
ملاك طالعت صقر بارتباك/ انا وش دخلني روح اساله
صقر سال نهيل بدات الصدمه/ امه واخواته يعرفون انها متزوجه ؟؟
نهيل تهز راسها بتاكيد / اي يعرفن يمكن هو غلطان
ام صالح تحاول تهدي ولدها/ يامك يمكن الولد بيخطب من خواتها وخطبها هي

صقر طلع من البيت وهو ناوي على الذبح ولا راح يطفي ناره الشابه الا رقبة جمال اللي جابه وخلاه يخطب من غير لا يسال اهله شين كبير وعارف اسمها بعد …؟


ام صالح وام منهد طلعو وراه بصمت /…
ملاك جلست على الاريكه ويدها مازالت على بطنها
و ترجف وماجد تنهد بارتياح /الحمدلله انها جت على كذا
نهيل تجلس عند بنتها /هذا مجنون الله يكفينا شره ابوه وينه ليش ما يمسكه ؟!
مازن برعب /ابوه وخوانه ذلو منه بغى يذبحهم عمي جالس بدوانية يرتعد وخوانه مهددهم ومتروعين
ماجد يهز راسه باسا /الله يعين اهله عليه
نهيل تطالع بنتها المرتاعه /الله يعين بنتي عليه
_______________________________

مهره كانت جالسه عند جتها بالجناح وهي مازالت زعلانه من تصرف فهد معها امس واللي قاهرها ماكلمها ابد من صحى لبس وطلع حتى ماناظر فيها وكانها هي اللي مزعلته ماهو وهو كابرن راسه عليها،…

الجدة صيته تسالها بحنيه/ يامك بعدك مغتاضه من رجلك؟
مهره تنهدت بوجع / يا جدة حتى ماكلف على نفسه يطيب خاطري بكلمه و لا يناظر فيني ابد كانه انا المخطيه ماهو بهو؟؟
الجدة صيته تهز راسها بتفهم / يامك هذا الرجال دايم يكابرون لونهم مخطين والسالفه ماتسوى كل هالزعل امس قاله وانتي تسمعين جاه ضيف غصب عنه

مهره شاحت بوجها / الضيف اهم مني عنده وهو كان عارف اني بالبيت بروحي
الجدة صيته ترد بحده / هو كان ناوي يطلعك وانتي يالخبله ما استغليتي الفرصه من صالحك من جاء طرتي وزعلتي
مهره تقطب حواجبها باستغراب / كيف من صالحي ؟
الجدة صيته بحزم /لو قلتي خلاص ماحصل الا الخير بس عوضني عن وعدك والله مايردك اعرفه ولد عقاب لاجت للوعود وافي

مهره صمتت وهي تو تستوعب انها فعلاً غبيه
كيف ما مشت الامور معه واخذتها من صالحها
بس لا تذكرت قهرها وغبنها البارح تشتت افكارها كلها.

الجدة صيته تقوم / وكاد الجو ممطر اليوم خلي اقول لميري تشيل الفرش بالحوش
مهره تقوم معها بتسال / فاطمه وبناتها للحين بيت ابراهيم؟
الجدة صيته تهز راسها /اي راحو بعد الغدا وكاد يباتون اليله عنده
مهره بنفخه /احسن بعد
الجدة صيته لفت لها بحده /اعقلي يا بنت
مهره هتفت بحماس وهي تسمع صوت الباب
يطق /هاذي اكيد امي
الجدة صيته ترد عليها وهي تجلس بصاله /روحي افتحي لها

فتحت مهره لامها وسلمت عليها ورحبت فيها
و سلمت على الجدة صيته اللي قامت بترحيب صادق و تسالو عن الاحوال ام ماهر تسمع صوت البرق / يالله تجعله امطار خير و رحمه
الجدة صيته تبتسم / زين انك جيتي بس انا ومهيرة بالبيت
ام ماهر / والله مابغيت اجي يوم شفت الغيم اسود بس مواعده مهره

جت مهره معها القوه والشاي/ حيا الله امي
ام ماهر تبتسم /الله يبقيك
الجدة صيته تبتسم هي بعد /قهوينا ياعسى الله مايخلينا منك
مهره ترد بدلع /امين يارب
قهوتهم وهي تقوم وتاشر لامها /ابي جوالك
ام ماهر بتردد/خلي شوي اخاف رجلك يجي
مهره باصرار /لا توه مايجي الا باليل بكلم ملاك بسال عنها
الجدة صيته تهتف لام ماهر /عطيها تكلم خويتها وتشوف اخبارها البنت اجودية
ام ماهر طلعت جوالها /هاه خذي كلمي بس لا تاخرين
مهره ترد وهي تجه جناح جدتها / حاظر

اتصلت مهره على ملاك وردت عليها كانت بحاجة هالمكالمه كل وحده باحت لثانيه بهمها وكل وحده تخفف على الثانيه بطريقتها …

وام ماهر والجدة صيته تبادلو السوالف بينهم
بس فجعهم دخول فهد المفاجئ /السلام عليكم
الجدة صيته ردت بارتباك /يالله انك تحييه
ام ماهر قامت و سلمت عليه /شلونك يابو عقاب
فهد حب راسها ويرد بموده / بخير الحمدلله انتي شلونك شلون ماهر ؟؟
ام ماهر متوتره /طيبين الحمدلله اجلس تقهوا معنا

فهد يتلفت / مهره وينها ؟؟
الجدة صيته بارتباك /تجي الحين ليش هو انت تبي شي
فهد رد بغموض / اي جاي بطلعها بالمطر شوي ورجعها
ام ماهر تبتسم /الله يجزاك خير
الجدة صيته تقوم / بروح انادي عليها
فهد يوقفها بحلف / والله ماتحركين وينها انا اروح لها

الجدة صيته تبادلت النظرات المتوتره هي وام ماهر وفهد حس ان وراهن شي وسال بحزم / وينها يا
ام عقاب ؟؟
الجدة صيته تنهدت بقلة حيله وهي تطالع
ام ماهر /روحي نادي بنتك خلي تجي لرجالها
فهد ياشر لام ماهر تجلس / خلك انا بروح لها وينها هي؟
الجدة صيته باستسلام / بجناحي
ابتعد راح للجناح وام ماهر حطت يدها على
راسها /يالله انك تستر

فهد دخل الجناح ومهره كانت جالسه على الاريكه معطيه الباب ظهرها وما انتبهت لدخوله وهي
تكلم / وربي ماتحصل للي فرصه اكلمك الا لاجت امي وخذت جوالها

فهد صعق صعق وكل جسمه بدا ينتفض بشده وغضب وهو يتقدم ويسحب الجوال من يدها ويحطه عند اذنه بيسمع من كانت تكلم رفع حاجبه وملامحه ارتخت وهو يسمع صوت بنت / طيب يا مهره انا ودي اجيك عند بيت جدتك يصير ؟؟

مهره وقفت بصدمه وهي تحط يديها على فمها بشهقه ورعب فهد سكره الجوال و رماه على الاريكه بقوه وعيونه تناظر فيها بنظره ملتهبه حارقه حاول يتماسك لا ينحرها ولا يشنقها ..واللي سيطر على اعصابه
انه صوت بنت بس كيف تعرفها ومن متى تكلمها
و بجوال امها بعد؟؟

مهره شافت نظارته المرعبه لها وعرفت انها خاربه خاربه وهي تنتظره بي وقت يهجم عليها ويكسرها
مثل كل مره لذالك تكلمت بصوت مهزوز/ فهد تكفى بس اسمعني انا ماعندي احد اسولف عليه الا امي وجدتي حتى دراسه مادرس والبيت ماطلع منه ابي بس صديقه بعمري تفهمني
فهد كان يستمع لها بصمت غامض /….
مهره تكمل كلامها بصوت انهز باكي / والله ماعاد اعيدها بس تكفى لا تسوي فيني شي
فهد ناظر فيها بحده وهو مازال صامت /…
مهره بمحاوله / والله ماقد كلمت احد الا هي وبنت قبيله وجدتي تعرف قبيلتهم

الجدة صيته وام ماهر دخلو وهم مستغربين من الهدو ماصار صراخ وضرب مثل كل مره شافو فهد واقف ومهره ترجف وتكلم تقدمت الجدة صيته / وش صاير؟
مهره تطالع بجدتها/ جدة البنت اللي اكلمها من اي قبيله تكفين علميه
الجدة صيته تطالع بفهد اللي واقف بثبات /البنت محترمه و من قبيلة المطاليق
فهد لف لجدته بصدمه /المطاليق ؟؟
الجدة صيته انصدمت من صدمته/اي منهم ليش؟

فهد زفر بغضب/ وش عرفها فيها وهي من قبيلتن ثانيه ؟؟؟
ام ماهر من تدخلت /يامك البنت تعرفت عليها بالمستشفى يوم كانت مهره تسوي تنضيف وصارت تجي تزورها وقبل شهرين لقيناها بالمستشفى بعد وشغلت مهره تقول ابي رقمك ولا رقم جدتك وعطها مهره رقمي

فهد طالع بمهره من فوق لا تحت / وانتي تسولفين مع الصاحية والمجنونه ؟
مهره طالعته بنظرت مجروحه / وش تبي اسوي ماعندي خوات ماعندي صديقات بس امي وجدتي ابي وحده اسولف معها حتى جوال ماعندي

فهد يرد بحزم صارم / اسمعي الكلام اللي قلتيه كله مايهمني اللي يهمني شي واحد الجوال لو شفته معك لا تلومين الا نفسك !!
مهره هزت راسها برضا وهي ماصدقت تنجي من يده هالمره /حاظر
فهد يعيد ويزيد بتهديد / جوال امك جوال جدتك ماتقربين له البنت تقطعينها احسن لك لاقطع راسك
مهره انفجرت باكية وهي تجاوزة طالعه لجناحها /….

الجدة صيته تطالع بفهد بعتاب/ يامك ليش تمنعها عن خويتها البنت تكلمها من شهور ماتقدر تقطعها
فهد طارت عيونه /من متى؟؟
الجدة صيته ترد بتاكيد /اي يامك من شهرين البنت ترا ضعيفه مالها احدن يسولف معها كفايه حتى ماتطلع وتحتك بالناس ولا تدرس تبي تحرمها بعد من مكالمه جوال ولا هو بجوالها بعد جوال امها

فهد سحب له نفس وزفرة بتافف / اوف انا مادري متى برتاح من المشاكل اللي تلاحقني
الجدة صيته باستغراب /شفيك يامك ؟
فهد طالع بام ماهر وهي فهمت عليه وطلعت بصمت/…
والجدة صيته استغربت اكثر/ ليش ماتكلمت عندها وش صاير ؟
فهد تنهد بضيقه / بنت سعيد دخلت علي بديوان قدام رجال القبيلة تنتخي فيني تبي افكها من اخوانها
و طليقها
الجدة صيته بتسال / جهير ؟
ثم ردفت بحزم / حط طليقها بالسجن وريحها
فهد زفر بحزم اعمق / ماهي هاذي المشكله طليقها مقدور عليه المشكلة بخوانها اولياء امرها
الجدة صيته تنهد بحيره / والله مدري يامك والحل
فهد يرفع كتوفه / مادري بحاول اتفاهم معهم بالهدو كان افهمو زين على زين وكان مافهمو استخدمت معهم طريقه ثانيه
________________________________

الساعه 11 ليلاً كانت السما تبرق و المطر بدا ينزل …

صقر رجع جناحه من بعد ماتعب ونهد حيله وهو يدور على جمال بكل مكان كان ناوي عليه نيه شينه ويبي يحقق معه بس جمال اختفى منه ومن شره ….

جلس على السرير وثوبه الكحلي مازال عليه ومتلطم بشماغه عن البرد سمع صوت الرعد القوي تنهد بصوت مسموع وهو يرفع راسه لسما / يارب انت اللي تعلم مابداخلي اعطني الصبر يارب بطفل سليم يارب عشانها عشان ملاك اللي تشيله بين احشاها الصغيره

صقر ناظر باطن كفه اللي لامست بطنها رفعها وباسها بقوه وكانه يستنشق ريحتها وهو يتذكر شكلها بالاحمر مع الريش و منظر خدودها وهي سمنانه و شفايفها الصغيره وانفها المحمر تذكر ملمس بطنها حس بشعور غريب له كم شهر ماشافها ويوم شافها تتطلع متغيرة وطالعه احلى بكثير مع الحمل هالبنت فيها سحر غير طبيعي في جمال زايد عن الزوم

بس ماسرع ماضاق وهو يكور كفه ويعصرها بقوه حتى ابيضت من القهر والغيرة وهو يتذكر جمال كيف ينطق اسمها (ملاك طالب)كيف عرفها وكيف عرف اسمها وهو جاي يطلبها اسم وشكل واضح ؟؟

امه واخواته عندهم علم انها متزوجه يعني ماهم اللي قايلين له عنها ولو درو انه بيخطب ملاك ماكان جا معه اخوه يخطب له واضح ان جمال هو اللي يبيها من نفسه ولا شاور احد بس كيف عرفها كيف هذا اللي جننه و شتت عقله ؟…

صقر موجوع واللي موجعه وموجع رجولته وشهامته مدت يده عليها قدام الجميع وهي حامل بعد مارحمها اه بس اه من جبروته وسلطته اللي تذبح القلوب واول شي قلبه هو

اخذ جواله دق على رقم هدى شوي وجاه صوتها /هلا صقر
صقر هتف بصوت ميت / هدى تكفين افزعي للي يا خوك
هدى انتفضت من نبرته /انت تامر على رقبتي يا صقر
صقر هتف بوجع / ابي ملاك جيبيها للي الحين الحين
هدى تنهدت بذات الوجع / بس ياخوك كيف بتجي وانت هاجم عليها اليوم
صقر رد برجاء عميق / يا هدى تكفين جيبيها للي
هدى بنخوه / تبشر ياروح اختك بس بسالك وش تبي فيها ؟؟
صقر سحب له نفس وهتف بصوت رايح من القهر والغبن/ من شفت بطنها وانا موجوع ياخوك والي اوجعني اكثر ضربتها و مانزلت منها دمعه وحده

هدى بتوتر/ صقر اخاف تسوي بالبنت شين يضرها
صقر انتفض بجزع / مستحيل ابك انا اضر الناس كلها الا ملاك ماضرها حتى لو ضريت نفسي
هدى بحنيه / بروح لها الحين واحاول اجيبها
صقر باصرار/ماهو محاوله الا لازم تجيبينها
هدى تنهى النقاش /حاظر


راحت هدى لبيت نهيل من بعد عطت مها خبر وصتها ماتقول لامها المهمومه شي ولا لوفا اللي من اليوم فرحانه باللي صار جمال هذا نزل عليها من السما..

هدى طقت باب بيت نهيل شوي وفتحت امل وهي مستغربه وش جاب هدى هالحزه وبالمطر بعد رحبت /حيالله ام عمر تفضلي
هدى بحرج/ الله يحيك جايه لملاك لاتكون راقده؟؟
امل تاشر لها تدخل / لا صاحية تفضلي
دخلت هدى وسلمت عليهم الا حصه ماكانت
موجودة قد راحت بيتها ملاك وامها استغربو جيتها
و نهيل تهتف بتسال/ عسى مافيكم شي يا ام عمر؟
هدى ترد بحرج / ماتنلامين جيتي هالحزه ماهي جيت ضيوف

نهيل بحرج اعمق /لا بالله البيت بيتك وحياك بي وقت
هدى تطالع ملاك اللي صامته وحست وش ورا جيتها / ملاك انا جاية لك انتي طلابه واتمنى ماتردين اختك الكبيرة
ملاك ردت عليها بتقصد / تامرين على كل شي ياهدى حتى على رقبتي الا على شين واحد
هدى تنهد بضيقه / اللي هو ؟
ملاك فجرتها/ رجعه لاخوك ياهدى لا تطلبيني فيها لانها مستحيله

هدى برجا ودموعه بدت تنزل /تكفين عطيه فرصه والله يا انه داقن علي موجوع من اللي صار اليوم يبي يشوفك تكفين لا تصعبينها عليه
ملاك بعناد و صرار / والله ياهدى ولو جمع القبيله كامله من كبيرها وصغيرها وقفهم على باب بيتنا مارجعت له وانتي اللي تكفين لا توجعيني بالكلام

هدى طالعت نهيل اللي تسمع وصامته/ يا عمه قولي شي والله يانه يتقطع على شوفتها بس يبي يكلمها وانا معها
ملاك ردت بنهى النقاش / هدى تعرفين الله اللي مايحلف بعز منه لو خلطو دمي بدم صقر مارجعت له
نهيل تنهدت وهي تدخل عشان دموع هدى / يامك روحي بس اسمعيه يمكن يبي يحل الموضوع بينكم
ملاك توقف برفض/ ماني رايحه ولو تنطبق السما على الارض تصبحون ع خير

نهيل تلف لهدى بالم / والله وانا عمتك ماتنلام اللي سواه صقر معها ماهو شوي ولو علي ماقلت لها ارجعي بس تدخلت عشانك
هدى وقفت باسا / الشكوى لله سبحانه
نهيل توقف معها/ العذر منك والله لون ولد عمها في صبر و جبر ان ماخليك تطلعين من باب بيتي الا وهي معك
هدى تتجه لباب وهي بالقوه تشيل بطنها واصله شهرها/ الله يصلح حالهم بس


عند صقر كان يدور بالغرفة وعاجز حتى عن الجلوس
يمشي رايح جاي بتوتر واشتياق مافي صبر وهو ينتظر هدى و متامل بتجيب ملاكه معها
طق الباب و فتحه بسرعه وقف بخيبه وهو يشوف هدى تحت المطر لحالها وفاتحه نقابها وعيونها الدامعه تنظر له بقلة حيله صقر ابتعد عن الباب عشان تدخل هتف بتسال/ وش صار؟

هدى تدخل الصاله وهي ترد عليه بالم / ياخوي حاولت معها فوق قدرتي بس هي عيت وتقول والله لو يخلطون دمي بدمه مارجعت
صقر زفر بقهر / عنيده عنيده هالبنت
هدى تهتف برجاء /تراها مجروحه كثير عطها وقت لين يبرى جرحها
صقر صد بحزن / لا متى لامتى ؟
هدى تشعر بحزنه / شهر يمديها هدت ونست
صقر ينهى النقاش /تصبحين ع خيرر
هدى تبتعد طالعه /وانت من اهله

دخلت هدى البيت وعباتها مبلوله من رش المطر الا ام مهند قدامها تهتف بتسال /هاه بشري ؟
هدى جلست على الاريكه بتعب وهي تنفس
بقوه/ عيت يا مها وحلفت ماترجع وكاد انها تبي الطلاق الله يستر لو عرف صقر
ام مهند بهم كبير / لاحول ولاقوة الا بالله ولد ملفي مالقى يخطب الا ملاك ؟
هدى بغرابه / يا ختي شي غريب امه وخواته يدرون انها مرت صقر كيف ماعلموه وهو جاي يخطبها
ام مهند باستغراب / يمكن يبي هند وهنادي وهم فهمو غلط؟
هدى تاشر راسها بنفي/لالا فالح يقول قال اسمها ملاك طالب
ام مهند بصدمه/ قال اسمها لا يكون يحسبها مطلقه؟
هدى ترفع كتوفها/والله ماندري
___________________________

زاد نزول المطر بقوه دخل فهد جناحه وهو متلطم وعليه فروته سكر الباب ولف شاف مهره على السرير متغطيه بالحاف الثقيل ونايمه راح غرفة الملابس بدل لابس له ثوب نوم ثقيل ولبس فوقه الفروه لانه يشعر برد شديد وصوت الرعد قوي وطق المطر على السقف دخل السرير تمدد وراها وهي لاويته ظهرها و متكوره على نفسها واضح بردانه معنها تلبس بجامه مخمل ثقيله وهو ضام الفروه عليه وعيونه على كتوفها وشعرها البني المنثور حوليها

اقترب فهد لها و دخل يده من تحتها وسحبها لحضه لام جسدها داخل فروته وجها دفنه بصدره
مهره فتحت عيونها ورفعت راسها تطالع فيه
فهد رفع كفه وحطها على جبينها لانه حس بنفاسها حاره قطب حواجبه / عليك حراره ؟؟
مهره ترفع كتوفها بعفويه / عادي مافي شي جديد كل مره اتضايق تجيني حراره
فهد سالها وهو يمسح على خدها الدافى / وش اللي مضايقك؟

مهره تطالع بعيونه / كل شي بالحياة اتحمله الا الشي الموجع ترتفع عندي الحراره
فهد رد بتسال وعيونه بعيونها/ طيب وشهو الشي الموجعك؟
مهره تنهدت بالم / كل شي منعتني عنه ماتكلمت حتى دراستي وهي كانت احب شي على قلبي ومن الجوال وطلعه برا البيت وحتى البنت اللي ارتحت لها و بعمري تبي تحرمني منها

فهد شد احتضانها بقوه حانيه / طيب انا موجود سولفي معي
مهره لمعت عينها / انت رجال في اشيا ماقدر اسولف معك فيهن وبعدين انت ما تجلس بالبيت كثير
فهد يرفع كتوفه / طيب امك وجدتك عندك
مهره نزلت دموعها / امي وجدتي ماهن بعمري وانا ماعندي خوات ولا صديقات حتى نوف طلعت من البيت
فهد سحب له نفس /والمطلوب ؟؟
مهره تلمس صدره بعبث / ما هو مطلوب شي
فهد مسح على ظهرها الدافى / اذا عشان بنت المطاليق ترا ماعندي مانع تواصلين معها من جوال امك بس
مهره ابتسمت بفرحه وهي غير مصدقه / والله فهد تخليني اكلمها ؟!
فهد يناظر فيها بحب / اي بس لو دريت انك تكلمين غيرها ولا تعرفت على فلانه وعلانه احرمتك حتى من امك وجوالها

مهره تهز راسها برضا وحلف /والله بس هي وربي ماكلم حد غيرها
فهد باس خدها / وماهو كل مره بتقولين ماعندي خوات بحن عليك
مهره تبتسم بعذوبه / طيب اذا بتجي عندي للبيت عادي ؟
فهد يهز راسه برضا / عادي مدامها من هذيك القبيله ونعم فيهم

ضرب صوت رعد مع صاعقه قويه ومهره انتفضت برعب وهي تشد فهد مع صدره وتدخل راسها
بفروته /يومه وش صوته
فهد عض على شفايفه بذوبان وهو يضمها / هاذا صوت الرعد
مهره بخوف / يخوف لا تبعد عني
فهد حضنها بفروته و باس خدها وبعده شفايفها / لا ماني مبعد عنك الا بقرب لك اكثر واكثر

جسمه الدافي يحضن جسمها المرتعش وهو يغرقها بوساته المتفرقه..
_______________________________

-/البارت التاسع والتسعون/-

رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..



مرور سبوعين …

بيت ام صالح كل بناتها و حريم عيالها مجتمعين
يباركون لهدى اللي ولدت من ثلاث ايام وجابت ولد

ام صالح تطالع هدى اللي جالسه على السرير وبحضنها ولدها ترضعه و تبتسم / اجل سميتوه عدنان ؟
هدى تهز راسها / اي ابوه يبي اسم عدنان
مشاعل /حلو عدنان ليش انتي وش تبين ؟
هدى ترد عليها / انا ابي عماد احسن
وفا برود /كله نفس الشي عماد عدنان مافي فرق
عايشه تايدها / اي والله نفسه
ام مهند تضحك / لا فرق وش جاب عماد لعدنان
مشاعل تضحك معها / يشبكون الاسما بعض بس عندي عدنان احسن

هدى تهز راسها برضا/ والله جد مافي فرق كلهم زينات
عزيزة بتسال /عمه ملاك الحين كم لها شهر ؟
ام صالح تقطب حواجبها /يا ضنتي داخله الخامس
شذى بتدخل /السبوع الجاي تدخل الخامس
وفا طالعت فيها بنص عين / وحاسبه لها حتى الاسبوع
شذى تطالعها بنفس النظره / اي حاسبه لها حتى اليوم عندك مانع ؟
ام مهند تنحرها / شذى تكلمي عدل
شذى تنهدت صامته /….

مشاعل بتدخل / ملاك ماهي راجعه ماكلمتوها ؟
ام صالح ترد باسا / لاوالله ماضنتي بترجع
هدى تنحنح /احم الا ان شاءالله بس لين تولد
عزيزة باستغراب / لين تولد يالله العافيه علامها؟
هدى بحمية / يمكن تتعب من الوحام
مشاعل تطال فيها بدهشه / والوحام مايمدي خلص من ثلاث شهر
هدى بثبات /عادي بعضهن واحامهن لاربعين بعد

جاهم صوت رجولي /احم احم
صوت ثاني /ياولد
ام صالح بتسال /هذا صوت صقر وفالح ؟!
هدى ترد عليها وهي تنزل ولدها بجوارها /ايه بيدخلون
قامت عايشه ومشاعل وعزيزة ودخلن بالمجلس
وام مهند ترد بندا /ادخلو حياكم الله
دخل فالح وصقر سلمو على الموجودين و جلسو قامت صبا تقهويهم وشذى توزع الحلا والتمر

ام صالح بتسال /راحو ضيوفكم ولا بدوانية ؟
فالح يرد وهو يتقهوا من فنجاله/ اي راحو قال ابوي تعشو وحاول فيهم بس اعتذرو و حلفو
ام مهند بتسال /من هالضيوف ؟
فالح يرد على سوالها /ساير وعياله ولدهم مديون
و جايين يبون منا المقسوم
ام صالح تسال صقر بحنيه /عسا ماقصرتو معهم
صقر يرد بثقل / لا والله ماحنا مقصرين معهم عطيناهم اكثر من طلبهم

ام صالح تهتف براحه / الله يجزاك الخير يامك
هدى بمرح / وانت يا الفالح دفعت معه شي؟
فالح بتمسكن / وانا القى اللي يوكلني انا وبناتي عشان ادفع لخلق الله انا ابي من يدفع للي
صقر ضحك /ماتنلام بناتك كل وحده كرشها قدامها مترين يروح راتبك على كروشهن
فالح يزفر عليه /اذكر ربك يا رجال لا تحسد بنياتي
صقر وهدى ضحكو /هههه
ام مهند بتقصد / نشوف عيالك يا صقر وش يصيرون

صقر شعر بسكين غرزتها مها بوسط قلبه من قو الكلمه وهي ماتدري عن تاثيرها فيه هتف بداخله (عيالي عسا يجي واحد سليم بس)

هدى شافت وجه صقر كيف تغير وهي تطالع مها بعتاب وتسال بتغير الموضوع / الا متى رحلتك الطبيه لدبي ؟
صقر رد عليها من بعد ما تكدر مزاجه / بعد شهر ان شاءالله
وفا بتسال / بتجلس كم يوم هناك ؟
صقر لف لها بحده / اي الحقيني انتي ورجلك بعد عشان ارجعكم مكفنين
فالح انفجر بضحك وهو يشوف وفا طارت عيونها برعب / يا رجال يحبون خوتك انت علامك؟
صقر رد بضيقه / بس انا مابي خوة احد رايح شغل ماهو لعب اروح ابتلش بخلق الله بعد؟
وفا سالت وهي من داخل تغلي /بتاخذ ملاك معك ؟
صقر طالع فيها بنظرة حارقه / وملاك راجعه الحين عشان اخذها ؟؟
وفا صمتت تبي السلامه /…
وهدى ردت بهدو / بترجع ان شاءالله

صقر لف لشذى اللي جالسه بصمت وهو يهتف بتسال / متى اخر مره شفتيها؟
شذى كانت بترد بس امها ردت عنها / كل يوم وهي عندها ليل ونهار
فالح ضحك / وعلامك كذا منشحنة يا دافع؟
ام مهند بضيقه / لا تلومني بس انتظرها تاخذ فراشها وتروح تنام عندهم
صقر طالع بشذى اللي صامته بزعل وهو يتكلم
بحزم / واذا يعني راحت له صار بدنيا شي ؟

هدى تكمل معه /مها ترا عادي بيت عمي ماهو غريب
ام مهند /ماقلت شي بس هي وقتها كله عندهم حتى الناس تنقد علينا
شذى وخيراً تكلمت / يومه هذا انا اليوم مارحت عشانك وبعدين ملاك هي اللي تصر علي اجلس معها
صقر طاريها بس يهز بركانه / روحي لها متى مابغيتي ولو امك ردتك علميني
ام مهند بعتاب/ بتقويها علي يا صقر ؟
صقر يهز راسه بنفي / ماهو قصد قوه وضعف بس خليها تروح لصديقتها ماهو زين تناشبينها
فالح يبتسم وهو يهتف لشذى/ ترا كل هذا ماهو عشانك لا تستانسين عشان مرته ما يبيها تضيق
صقر ابتسم/ كيف عرفت ؟؟
فالح برفع كتوفه وهو مبتسم بعد / اخوك رابي معك اعرف افكارك
صقر قام وهو يضحك / زين ونعم الاخو المهم انا بروح لحصاني تبين شي يا امي

ام صالح طول حديثهم كانت عيونها ماتفارق ملامح صقر ام و تشعر بحزن ولدها المجهول ردت عليه بحنان /سلامتك بس انتبه من هالحصان
صقر يتجه الباب /باذن الله
لف وكانه تذكر شي / شذى تعالي ابيك شوي
فالح ضحك / روحي له ياشذى يبي يبدا تحقيق معك

شذى رحت وراه وطلعت معه للحوش وهي تحس
برد /هلا خالي
صقر يتلطم بشماغه عن البرد / شلون وحام ملاك ؟
شذى تبتسم / ارتاح وحامها كله زين بس تاكل ولا سمنانه بعد
صقر قلبه قام ينبض وهو يتذكر ارتوائها اخر مره شافها فيه / طيب تراجع دكتورة ؟
شذى تهز راسها / اي مستشفى خاص دكتورة شاطره
صقر قطب حواجبه /هي اللي تدفع ؟
شذى ترفع كتوفها /والله مدري
صقر بهتمام / وش تاكل اكثر شي ؟
شذى اندفعت بسوالف وهي تبتسم/ نوتلا تجيب اكبر حجم و تخلص بيوم ولا عمتي تهاوشها عشان السكريات تقوم تحطها تحت سريرها واذا نامت امها سرت عليها و اكلتها تجي امها الصباح تلقى الاثر تغسل شراعها

صقر كان يستمع لشذى وهو مبتسم بعد من حركات ملاك الطفولية ويجي طيفها باله / طيب ماقد جابت طاري خالك ؟
شذى تنحنحت بحرج / تجيبه بس ماهو بالخير
صقر ضاق صدره وهو يهز راسه /خلاص روحي يا شذى مشكورة
شذى كانت بتروح لاكن وقفت وهي تسمعه
يكلمها/اقول شذى بسالك ؟
شذى ترد /امر !!
صقر بتردد وتوتر / هي شافة جنس الجنين ؟
شذى تقطب حواجبها / والله ماقالت للي مدري بس تبي اسالها
صقر يهز راسه /اي بس لاتجيبين طاري اني قلت لك
شذى بتاكيد /اي اكيد
_________________________

ملاك كانت تكلم مهره وهي تهتف بحيره / يمكن ماقدر انا اجيك تعرفين الحمل امم انتي حاولي برجلك يجيبك
مهره شهقت برعب/ فهد يجيبني هو ما يخليني اروح بيت امي تبينه يجيبني لك
ملاك تضحك / طيب ولا يهمك بكلم اخوي يجيني لك هاليومين
مهره بحماس / تكفين تعالي بكرا العصر تكفين
ملاك ترد بمحبه / من عيوني خلاص بكرا العصر اجيك بس ترا ماطول المغرب ارجع بيتنا
مهره ترد بذات الحماس / طيب اكيد انتظرك ؟
ملاك بتفكير / عطيني بس ساعه واكد لك بشوف مازن وضعه وشوف امي ورد لك
مهره تنهدت / بس لا تاخرين علي برد وحاولي
ملاك تنهى الاتصال / ولا يهمك يلا بروح اقيس الاوضاع
مهره تضحك /طيب مع السلامه

راحت ملاك لامها بالمطبخ وهي تهتف بتسال /وش تسوين ؟
نهيل تلف وتطالع فيها وتبتسم / اسوي لك جريش خابرتك تحبينه
ملاك مسحت على بطنها/ اي والله خاطري فيه
نهيل تكمل شغلها وهي ترد بحماس / ماخلي بخاطرك وانا بنت مسفر
ملاك تضحك / فديت بنت مسفر يا ناس
نهيل تسال /شلون صديقتك اللي كلمتيها ؟

ملاك تضرب راسها /اي تذكرت يومه بكرا ابي مازن يوديني لبيتها
نهيل برفض حاد /لا وين تروحين لناس مانعرفهم ؟؟
ملاك ردت بغيظ /يومه كيف مانعرفها ترا قبيلة العقاب الكل يعرفها
نهيل تطالع فيها/ والقبيلة كلها صاحيه في الصاحي وفي المجنون
ملاك باصرار / انا وعادتها بس بشوف مازن اذا فاضي يوديني
نهيل تطالع فيها / قلت ماتروحين

دخل مازن وهو يهتف بسلام /سلام عليكم
نهيل ترد وهي تشتغل /عليكم السلام
ملاك بفرحه /الطيب عند ذكره
مازن ابتسم / عسا ذكر بالخير
ملاك تهز راسها / اي والله بالخير
نهيل تطالع فيها / انتي ماتفهمين ؟
مازن باستغراب /علامكم؟
ملاك برجا /ابيك توديني ديرة العقاب بروح لصديقتي هناك
مازن بتسال /متى اليوم ؟
ملاك تهز راسها بنفي /لا بكرا
نهيل برفض / لا اليوم ولا بكرا مافي روحه
مازن يطالع امه /ليش ما تبينها تروح ؟
نهيل بحرص /اخاف عليها ناس ماتعرفهم كيف تروح لبيتهم

ملاك بتسال /تعرف شيخ قبيلتهم
مازن يهز راسه / اي فهد ونعم فيه
ملاك تاشر بصبعها /اي اي فهد هي مرته
مازن طارت عيونه / والله مرت الشيخ بكبره صديقتك
نهيل تطالع فيه بنص عين / لايكون رئيس دوله وحنا ماندري بس
مازن هز راسه باسا / انتي مايعجبك شي ابك هذا فهد والله انه شيخ اسم على مسمى ولا راحت بنتك لبيتهم عزالله انها بامان
ملاك ابتسمت /يعني توديني بكرا العصر
مازن برضا / اي اوديك
نهيل تناظر بملاك بحده /وصقر ؟
ملاك لفت لامها بدهشه /شفيه؟
نهيل بجديه / ماتبين تستاذنين منه ؟
ملاك تهز راسها بنفي وترد بعصبيه /لا طبعاً حلوه هاذي انا استاذن منه
مازن يطالعها وهي طالعه ويسال امه /هاذي علامها بنتك بس شابه نار
نهيل تنهدت بوجع / من غيرة اللي تسبب فيها

_____________________________

يوم جديد الساعه التاسعه صباحاً …

مهره كانت متحمسه كثير وهي تجلس بجناح جدتها ومعها ورقه وقلم وتكتب اغراض الضيافه / جدة ذكريني وش اجيب بعد ؟
الجدة صيته تبتسم لحماسها /والله مدري يامك كل شي تبينه سجليه نعطي راجو يجيبه
مهره تسال بتوتر/ شوق وجدتها اخاف يجون
و يناشبون البنت
الجدة صيته تهز راسها بنفي / لا ان شاءالله مايجن بيباتن بيت ابراهيم اليله بس انتي لا تفكرين كثير
مهره ترجع تكتب / اي تذكرت ابي مكسرات بعد

دخل فهد وهو يتنحنح / احم احم
الجدة صيته تنادي عليه /تعال يامك
اقترب فهد وحب على راس جدته /صباحك خير
الجدة صيته ترد عليه /صباحك نور شلونك
فهد يجلس بجوارها وعيونه على مهره اللي مدنقه رقبتها و خصل من قذلتها الطويله نازله وهي
تكتب/ بخير الحمدلله
الجدة صيته تساله / تبي فطور ؟
فهد يهز راسه بنفي وهو مستغرب من الكتابه اللي مندمجه فيها / وش تكتب هاذي ؟؟

مهرة رفعت راسها وهي ترجع الخصل ورا اذنها وتبتسم له وبانت غمازتها والجدة صيته ترد
عليه / خويتها بتجيها العصر وتكتب اغراضها
فهد بتسال وعيونه على المبسم العذب / وش الاغراض ؟

مهره ترفع الورقه وتقرا عليهم بحماس / بوكس حلا مشكل وبوكس موالح وعصائر طازجه ومكسرات وتشكيلة فواكه و شبسات وشكولاتات بس
فهد تبادل النظرات هو وجدته اللي تبتسم من حماس مهره وهو يهتف بتقصد /بس هذا اللي تبين بس؟
مهره تهز راسها وهي تسال بعفويه /اي بس ليش قليله
فهد رفع حاجبه / وهي بتجي لحالها ولا بتجيب قبيلتها معها
مهره ترد برائه / لا لحالها
فهد مازال يتقصد /وبتجي صايمه ولا مفطره؟؟
مهره تقطب جبينها رائه / اي لا مدري

الجدة صيته تضحك /خلها براحتها خذ الورقه وعطها راجو يجيب اغراضها قبل العصر
فهد طالع مهره بحنان من حماسها / لا انا اللي اجيبهن لها كم مهره عندي؟
مهره حمرت خدودها / وحده
الجدة صيته ضحكت / واحسن وحده بعد

فهد قام واقف وهو يمد يده / عطيني الورقه عشان اجيب اغراضك معي وانا جاي
مهره تهز راسها بنفي /باقي ماخلصت بتذكر يمكن نسيت شي
فهد طارت عيونه وهو يطالع جدته / وناسيه شي بعد؟
الجدة صيته تضحك /عطيه الورقه لو نسيتي شي ادق واعلمه
مهره تصفط الورقه وتوقف تمدها له /انتبه لها لا تضيع
فهد هز راسه برضا / تامرين يا مهيره
مهره ابتسمت / مايامر عليك عدو

فهد عطاها نظره خاصه بينه وبينها وهي رجعت على ورا بخجل وعيونها طايرة و فهد استاذن وطلع وهو مروق على خجلها …
____________________________

بعد صلاة العصر …

ملاك طلعت من الغرفه وهي تستعرض نفسها بمشاورة /شرايكم كذا زين ؟

حصه طارت عيونها بعجاب وهي تشوف ملاك لابسه فستان ميد صوف بالون الرمادي وعلى خصرها حزام ابيض وبوت ابيض ولا هو باين حملها كثير
ولامه شعرها كله فوق الا خصل طويله نازله على تحديد فكها وحاطه ملمع شفايف وماسكرا ومرطب على البشره وطالعه هي والقمر واحد ردت
بعجاب /ماشاءالله تبارك الله تجننين خايفه عليك من عيون الناس

امل تصفر باعجاب هي بعد /طالعه صاروخ ارض جو
نهيل بعدم راحه /ليش تروحين كذا و تحطين مكياج وتلبسين هالبس ؟؟
ملاك شوشت / اجل كيف تبيني اروح ؟؟
نهيل بحرص ام / لبس عادي ولا بعباتك الناس ماتعطي خير و مانعرفهم يطيرون عيونهم فيك

ملاك تنهدت بطولة بال من هالموال اللي دايم تسمعه من امها /يومه ترا لبسي عادي ومكياج بس روج وماسكرا
حصه تدخل / انا اشوفها ناعمه بس ملاك مشاءالله مزيونه لو ماتحط شي
نهيل تنهدت وخوفها على بنتها يزيد / قريتي اذكارك ؟
ملاك تهز راسها/والله قريتها

امل ترد على جوال امها اللي يرن باسم مازن /هلا …يلا طيب…الحين تطلع …
ملاك بتسال /شيقول؟
امل تستعجلها/برا يقول يلا اطلعي
نهيل بهتمام /استودعتك الله انتي واللي بطنك

لبست ملاك عباتها وطلعت لمازن الا تشوف صقر جالس بسيارته اللي واقفه عند بيت عمها المجاور لبيتهم وهو لابس لبس الدوام و نظاره شمسيه على عيونه ويطالع فيها وهو عاقد حواجبه من تحت النظاره وعيونه على الزول اللي فاتنه فتنه و يعرفه عدل ؟؟..

ملاك ركبت السياره وهي تهتف لمازن بخوف /حرك بسرعه لا ينزل علينا هالمجنون
مازن حرك سيارته /شفيك خايفه لونه ناوي ينزل كان وقفنا ماخلانا نمشي
ملاك تنهدت براحه وهي تبعد عن حارتهم / اوف ماجا الا بالوقت هذا ؟؟
مازن يرد عليها وعيونه على الطريق/توه بيروح لدوامه
ملاك صمتت وطاري دوامه يجيب لها النكد والغيرة /..

اقتربو لديرة العقاب دق جوال مازن وهو يرفعه ويلف لملاك /هذا صقر
ملاك بارتباك /وش يبي داق ؟
مازن يرفع كتوفه /مدري اص برد عليه
ملاك تمسك يده اللي فيها الجوال /لا ترد طنشه
مازن برفض /لا صعبه تبينه يغسل شراعي لا شافني
ملاك بتوتر /قل ناسي جوالي بالبيت

مازن ياشر لها تسكت وهو يرد /هلا ابو مطلق
صقر بتسال / وين موديها ؟؟
مازن تنحنح /احم لخويتها
صقر سحب نفس وزفر بقوه / ومنهي خويتها ؟
مازن بحيرة / من قبيلة العقاب
صقر تصلب بصدمه /وشوووو؟؟
مازن طالع ملاك برتباك واضح /مرت الشيخ فهد العقاب
صقر صرخ فيه بغضب متفجر / بعد مرته رجعها للبيت بسرعه
مازن هدا السيارة /ليش ارجعها ؟

ملاك شوشت /وشو ترجعني علمه ماني براجعه
صقر يسمع صوتها من ورا السماعه وهو يصرخ بتهديد /مازن نذرن على رقبتي كان وقفت فيها عند بيت فهد ما يردني عن روحك احد
مازن بحيرة /طيب بس هي من يقنعها
صقر بامر حاد /حط الجوال سبيكر

مازن حط الجوال سبيكر وصقر وجه كلامه لملاك بصرامه غاضبه / انا واقف عند البيت والله والله ان ما رجعتي خلال ربع ساعه لا الحقك وعلق رقبك على باب بيتهم
ملاك ردت بعناد وتحدى / رجعه ماني براجعه وتبي تجي تعلق رقبتي تعال علقها
صقر صرخ بصوت عالي / مازن رجعها احسن لك ولاختك ماكسر كلامي سالم تجون انتم تكسرونه

ملاك مافهمت وش يقول لاكن مازن طارت عيونه وتو يتذكر اللي بين فهد وصقر وهو يرد برعب /راجع راجع
ملاك طالعت فيه بصدمه /وش تقول انت؟؟
مازن يسكر الجوال و يديور بسيارته راجع لطريق البيت
ملاك تصرخ فيه / ماهو بكيفك ترجعني يا مازن وتمشي كلمته علينا
مازن لف لها / انا نسيت المفروض ما وديك ياملاك لبيت الشيخ فهد الله يستر الحين بنذبح بسبتك انتي
و خويتك

ملاك ماهي فاهمه شي /انت وش تقول ؟؟
مازن يرد عليها برعشه /صقر متهاوش مع فهد بينهم عداوه قديمه وتذكرين يوم تهاوش صقر مع سالم عشانه بيروح لفهد بغى يذبحه ابك لو رحتي لهم مت انا وانتي بيوم واحد على يد رجلك المجنون

ملاك صمتت بصدمه وهي تتذكر احداث مشكلته مع سالم وابوه وخوانه وصراخ صقر اللي رج البيوت وتهديد انتفضت برعب وهي تذكر صوت خواته يقولون سالم انفه ينزف !!

وقف مازن عند البيت وملاك شافت سيارة صقر مازالت موجوده وهو نازل واقف بجوارها وعيونه عليهم من تحت النظارة ملاك لفت لمازن / انزل افتح للي باب البيت مابيه يكلمني
مازن هز راسه بتفهم وهو ينزل / طيب
اتجه البيت فتح الباب وراح لصقر وهتف بتوتر / ما تبيك تكلمها تراها زعلانه
صقر مسك جيب مازن بحده وعيونه تقدح
بشر /ماهمتني تزعل ولا ترضى وانت ياحيوان كيف تودي مرتي لبيت فهد هاه ؟
مازن مسك كفوف صقر بكفوفه / والله مادريت الا يوم مشيت هي من امس تشحذني تقول بروح خويتي

صقر لف وهو يشوف ملاك تنزل بسرعه وتدخل البيت
دف مازن وهتف بتهديد /والله لو توديها اي مكان من غير شوري ماراح يصير لك خير
مازن يهز راسه برضا /حاظر
___________________________

الجدة صيته و ام ماهر جالسات بصاله قدام الضيافه اللي مجهزتها مهره بترتيب انيق وهي تمشي بصاله بتوتر وكل شوي تطالع الساعه/تاخرت من زمان تقول طالعه من البيت ؟
الجدة صيته تطالع الساعه اللي وصلت خمسه وهي تحاول تهدي توتر مهره / الغايب عذره معه يامك

ام ماهر بعفويه /ماتوقع بتجي بياذن المغرب نهار الشتا قصير
مهره طالعت امها بكسره / يعني مارح تجي المغرب ؟؟
ام ماهر تطالع جوالها اللي يدق وهي تبتسم /هذا هي دقت وكاد انها عند الباب
الجدة صيته ابتسمت بفرحه ماتبي شي يكسر بخاطرها /ردي عليها

مهره خذت الجوال وردت عليها بحماس جاها صوت ملاك المحرج وهي تشرح لها الموضوع بصدق / مهره والله العظيم وصلت قريب بيتكم بس رجلي دق على اخوي وحلف عليه يرجعني يقول بينه وبين رجلك عداوه قديمه حاولت اعاند وجهاد عشانك بس ماقدرت والله ماقدرت

مهره تغيرت ملامحها وغارت عيونها بدموع / بين رجلي ورجلك ؟!!
ملاك ترد بوجع / والله مجروحه يا مهره وهذا اللي صار وسالي رجلك بعد قولي صقر مطلق يعرفه عدل
مهره هزت راسها بحزن ودموعها بدت تنزل على
خدها /طيب مع السلامه
ملاك بالم وحرج /لا تزعلين مني انا عبداً مامور
مهره بتفهم / ادري انتي مالك دخل بس انا قليلة بخت

ملاك صمتت ومهره من سكرت الجوال انفجرت باكيه امها وجدتها تجمعو عليها بخوف سالوها وهي ماترد عليهم بكت لين انتهت طاقتها هدت و قالت لهم كل شي قالته ملاك وباسم صقر اللي رد مرته عنها قامت متجهه جناحها وهي تهتف بامر جارح /مابي اشوف احد خلوني بروحي

الجدة صيته وام ماهر تقطعت قلوبهم على منظرها المكسور وعلى بكائها المحزن و فرحتها اللي تبخرت وعلى الضيافه المجهزة من الظهر وحماسها من الصباح …..


جت الساعة 11 ليلاً
و مهره مازالت بجناحها و مقفله على نفسها ورافضه تفتح لامها اللي حاولت تطمن عليها قبل تروح بيتها
تعبت من طق الباب ومافي استجابه من بنتها
رجعت وجلست عند الجدة صيته بصاله من بعد ماشالو الخدم الضيافه كامله الجدة صيته تسالها بحزن / مافتحت؟

ام ماهر تجلس وهي تحترق على بنتها/ لا مافتحت وانا ماني قادره اروح وانا ما تطمنت عليها
الجدة صيته تهديها /ماعليها الا العافيه بس خليها تبكي وترتاح
ام ماهر بحيرة / ماهر للحين عند ام طلال تو كلمته قلت تعال وعيا يجي يقول بحتريك لين ترجعين
الجدة صيته تامرها بحنو / روحي يامره لولدك مهره يجي فهد الحين ويلين راسها

ماكملت كلمتها الا صوت فهد يتنحنح /احم احم
الجدة صيته تنادي /تعال يافهد
فهد دخل وهو يسلم /سلام عليكم
الكل رد /عليكم السلام
ام ماهر باستعجال /الله جابك يايومه مهره من اليوم مقفله على نفسها الجناح وتبكي
فهد قطب جبينه /ليش وش صاير ؟!!
الجدة صيته تقوم واقفه / صديقتها يوم وصلت عند البيت دق رجلها على اخوها قال رجعها وقام يهددهم ورجعو
فهد بغرابه / وليش طيب يرجعها ؟
الجدة صيته بتسال /انت تعرف واحد اسمه ياربي نسيت اسمه من عيال الشيخ مطلق
فهد شوش بصدمه /قصدك صقر. ؟
الجدة صيته تهز راسها/اي اي صقر هي مرته وتقول مرته ان بينكم مشاكل هو صحيح

فهد زفر بغضب / واذا يعني بيني وبينه مشاكل الحريم وش دخلهن ؟
الجدة صيته ترفع كتوفها/مدري يامك بس شكله رجال متسلط
ام ماهر برجا /يامك تكفى رح كلمها بطمن عليها ولدي ينتظرني عند ام طلال
فهد تنهد بضيقه / وهي خبله تقفل على نفسها عشان خويتها ماجت؟
الجدة صيته بالم /لا تلومها فرحانه ومن الصباح تجهز واخر شي انكسر خاطرها
فهد اتجه الباب /بروح اشوفها
ام ماهر تروح وراه /بجي معك

فهد فتح الجناح ودخل ودخلت وراه ام ماهر
مهره كانت متكوره على نفسها بالاريكه ومازالت تبكي
رفعت راسها من شافت فهد راحت تركض و رمت نفسها على صدره وهو حضنها بين ذراعه وهو يهتف بتنبيه /احم امك معي تبي تطمن عليك
ام ماهر بكت بحرقه/ يامك ماحدن يستاهل اللي تسوينه بنفسك اشغلتي قلبي عليك

فهد مسح على شعرها بتهدئه وهو يسمع صوت شهقاتها على صدره ولف لام ماهر / روحي يا ام ماهر لولدك هي ماعليها الا العافيه
ام ماهر تهز راسها ودموعها تسيل /تراها امانه معك يا ابو عقاب
فهد رد بثقه /تطمني
ام ماهر طلعت وسكرت الباب وراها
وفهد همس لها بحنو/ مهره بسك دموع عسى بالامر خير ماتدرين
مهره رفعت عيونها الغارقه بدموع / بينك وبين رجلها مشاكل انا وش دراني وهي ماتدري بعد

فهد مسح دمعه نزلت على خدها بطراف اصابعه /لا تضايقين متى مابغيتي تكلمينها خليتك تكلمينها
مهره بصدمه / عادي عندك اكلمها تطلع مرت صقر مطلق؟
فهد رفع حواجبه /واذا يعني انتي وهي مالكم دخل باللي بينا
مهره ارتمت بحضنه / احبك ياحنون
فهد ضمها بقوه وانحنى باس خدها / ياروحي يا مهره انا بعوضك و بكرا بطلعك

مهره من حزنها مانتبهت لكلمته (ياروحي ) اللي لاول مره فهد يقولها رفعت عينها له /اخاف تسحب نفس ذيك المره
فهد هز راسه بنفي / لا ماراح اسحب لاني بطلعك الصباح قبل اروح
مهره تمسح دموعها / فهد اكيد ماراح تحرمني من المكالمه معها ؟
فهد رد بثبات / من ناحيتي ماراح اردك بس من ناحيت رجلها ترا كل شي متوقع منه
مهره تهز راسها بنفي / لا رجلها ماراح يردها لانها ماهي عنده اصلاً

فهد بغرابه /ليش ماهي عنده وينها ؟
مهره برائه / منحاشه عنه عند اهلها من كم شهر
فهد هز راسه باسا/ ماتنلام انسان ماينعاشر
مهره تكمل بذات البرائه /تقول انه مغرور وشايف نفسه
فهد يبعد منها وهو ينزل العقال وشماغ من على راسه ويحطه فوق الاريكه /وهي صادقه
مهره تنزل راسها بانكسار / جهزت كل شي عشانها وهو رجعها مع طريقها
فهد لف لها وعيونه تتبع ملامحها/ والله الدنيا صغيرة مالقيتي تعرفين الا على مرت صقر ؟!
مهره ترفع كتوفها برائه / عاد هذا حظي مايل صعب تعديله
فهد رد بجزع / مهره لاسمع هالكلام مره ثانيه مفهوم؟
____________________________

صقر من بعد مارجع من دوامه دخل البيت وهو ينادي / سونا
جت سونا /نعم
صقر بتسال / وين شذى ؟
سونا ترفع كتوفها /مايعرف
صقر اشر لها بزفرة /اذلفي دوري عليها وخلي تجي لجناحي سرعه
سونا تهز راسها/حاظر

دخل جناحه وعيونه على الاكياس اللي بيده حطهم على الطاوله وجلس مقابلهم على الاريكه وهو يتذكر زول ملاك وهي طالعه بعباتها مع البوت الابيض مع الساعه البيضا على معصمها الشفاف اللي وضحت له من تدقيقه فيها ..رجع ظهره لظهر الاريكه وهو يمد ذراعيه لا فوق يتمغط مانام متواصل من كم شهر ذبحه التفكير فيها و الشوق و الهجران


طق الباب اللي كان مردود ودخلت شذى بحترام /سلام ناديتني؟
صقر اعتدل جالس /هلا شذى تعالي
اقتربت شذى وجلست جواره / امرني
صقر اشر على الاكياس/ ابيك تودين الاغراض هاذي لملاك وتجيبين للي رقم حسابها و تبلغينها ان هاليومين بروح دبي عندي شغل لمدة شهرين
شذى باستغراب/حاظر بس ليش ماخذت رقم حسابها من مازن ؟
صقر طالع فيها وهو رافع حاجبه /عشان يروح مصروفها كله سلف لمازن وفاء

شذى ضحكت من ذكا خالها / والله انك صادق
صقر طلع ظرف من مخباته / هذ الظرف تعطينها غصبن عليها و يويلك يا شذى ترجعين وهو معك
شذى تهز راسها /حاظر والاغراض هاذي وشن؟
صقر يقوم واقف / عيشه لها وللي بطنها

شذى ابتسمت وهي تفتح الكياس شافت نوتلا كبيره ثنتين وباسكن روبنز كبيرر ثنين وعصائر طازجه وفواكه وشبسات وحلويات ضحكت / اللي يشوفك جايب الاغراض هاذي كلها يقول ملاك ناحفه ترها منتفخه بزياده

صقر ابتسم بعشق/ خليها تنتفخ لايق عليها
شذى توقف و تشيل الاغراض وتكلم بعفويه/ اي حتى المعلمات يقولن لها طالعه قمر بزيادة مع الحمل والسمنه
صقر اختفت ابتسامته فجئه وهو يشعر بختناق /وهي وش ترد عليهم ؟
شذى تبتسم بعفويه / تستحي منهم

صقر اشر لها تطلع وهي استجابت وطلعت بصمت وهو حاس وده يصرخ بعلى صوته من الغيرة والقهر حلاله مايحق له شوفتها وحق لغيره يشوفونها كل يوم؟
____________________________________

نهيل كانت تعلق الملابس على الحبل اللي بالحوش طق الباب وفتحته وهي ترحب/ حي الله شذى يا مرحبا
شذى تدخل وهي تشايل بالاكياس / الله يبقيك يا عمه
نهيل سالت باستغراب /وش انتي جايبه يامك؟
شذى تنزل الاغراض على الارض وتسحب لها نفس سريع / اوف خلعن كتفي هاذي فواكه وعصائر مع شوية اغراض من خالي صقر لملاك

نهيل ردت بزعل / ليش وبنتي ذابحها الجوع عشان يرسل عيشتها ؟
شذى ردت بحرج / ماهو قصده كذا بس هو جاب شين تحبه
نهيل ترد بقهر/ اذا هو ذالن على ولده يموت من الجوع علميه ماحنا مقصرين معه بشي
شذى تنهدت بضيقه/ ياعمه بشوف ملاك
نهيل تاشر لها بقلة حيله /ادخلي يامك ادخلي

شذى شالت الاغراض ودخلت و نهيل وراها شافت ملاك متمدده على الاريكه وتتابع لها فلم بجوالها
شذى تهتف / سلام
ملاك لفت لها وهي تعتدل جالسه وتبتسم/ هلاوغلا

شذى تنزل الاغراض بالارض وملاك عقدة حواجبها بغرابه /وشو هذي الاكياس؟
نهيل ترد بزعل /من صقر مرسل لك عيشه ذال انك تموتين من الجوع انتي ولا ولده
ملاك طارت عيونها /شذى صدق من صقر؟
شذى تجلس جوارها /خالي ارسل لك الاغراض هاذي وارسل لك الظرف هذا بعد
ملاك زفرت بغيظ/ رجعي اغراضه وظرفه وقولي بدري كان خليتها لين تولد

نهيل بصدمه / وشو بدري انتي محتاجه شي ؟
ملاك تطالع امها / لا طبعاً عندي كل شي بس هو تو يتذكر المصروف ؟
شذى بتوتر/ يبي رقم حسابك يقول مايبي يكلم مازن لانه عارف راح يتسلف منك مصروفك
ملاك ضحكت بتطنز / والله عجيب
شذى تحط الظرف بحضن ملاك وتوقف / انا بروح وانتي ارسلي رقم حسابك علي واتس
ملاك ترفع الظرف لها /رجعيه له ماني بحاجة فلوسه

شذى رفضت برعب /لا مهددني لو رجعت فيه يذبحني
ملاك بقهر / وهو بس يمشي ويهدد مايحرم احد
شذى بوجع / ملاك والله لو تعرفين شكثر يحبك كان ماقلتي كذا
ملاك صمتت وهي تشعر بشي غريب يقتحمها/….
و نهيل ترد بحنيه/ يامك انتي ماقصرتي
شذى هتفت بتذكر / اي وترا يقول عنده هاليومين شغل بدبي وماراح يرجع الا بعد شهرين

شذى طلعت وملاك ناظرت بامها وهتفت برجا/ مابي اسمع شي تكفين
نهيل تهز راسها بتفهم / حاظر يامك
____________________________

تحياتي (شغف )

كلمة روعة قليلة

تسعدني تعليقاتكم وتحمسني للافضل …واتمنى كل من قرات البارتات تعلق تحته لو بكلمه عشان ترتفع نسبة المشاهدات لرواية ريح المطر ….وبعد الانتهى من الاولى راح ابدا بروايتي الثانيه ماتتخيلون كيف تعبت على الاحداث وعلى تكوين القصه ومتاكده راح تعجبكم كثير ويمكن اكثر من الكثير..تحياتي (شغف)…