كاتب الموضوع :
راح ماقال الوداع
المنتدى :
روايات منوعة
رد: رواية ريح المطر اول رواية للي اذا في تفاعل ودعم كملت
رواية ريح المطر
-/البارت المئه /-
رواية ريح المطر (للكاتبة شغف
ادعو لوالدي برحمة والمغفرة..
لبيه ياريح المطر والسما غيم..
ولبيه ياصوت المطر بعد غيبه ..
الجدة صيته جالسه بوسط الصاله وترحب / حي الله ام طلال نورتي دارنا
ام طلال ترد بموده ومحبه /الله يبقيك وينور حياتك
جت مهره معها القهوه وهي تبتسم / زارتنا البركه
ام طلال ترد بذات الابتسامه / الله يبارك فيك
الجدة صيته بهتمام / وشلون عيالك عساهم بخير ؟
ام طلال تاخذ الفنجال من يد مهره اللي مادته / بخير وبعافيه يالله لك الحمد
ام ابراهيم جت تمشي وترحب من غير نفس/يا مرحبا حي الله من جانا
ام طلال تقوم تسلم عليها/ الله يبقيك شلونك وشلون من يعز عليك؟
ام ابراهيم تجلس/ طيبه طاب حالك
ام طلال تجلس هي بعد وتدخل بالموضوع اللي جت عشانه / والله قبل اجي سالت عنك وعن مريم كانكم هنيه بجي واذا انتم بيت ابراهيم انتظر لين ترجعون
ام ابراهيم باستغراب / ماجيت الا اليوم امريني بس؟
ام طلال تهتف بثبات/ انا جايه يا ام عقاب لك ولام ابراهيم ولام عبدالله بطلب نسبكم ونخطب شوق لولدي طلال على سنة الله ورسوله
الجدة صيته ابتسمت بفرحه / ونعم فيكم و بنسبكم والله لونها بشوري ماترده لاكن الشور شورها وشور اهلها
ام ابراهيم ترد بخباثتها المعتاده/ ونعم بطلال بس والله مادري عنها يا وخيتك هي لها نصيبن معلق وتنتظره عاد الله يكتب الخيرة
مهره وجدتها طالعو فاطمه بصدمه من وقاحتها
وام طلال سالت بحسن نيه / يعني هي مخطوبه ؟
الجدة صيته ترد بحزم مختلط بغضب / لا ماهي مخطوبه ابد يا ام طلال خلي الرجال يكلمون الرجال واذا لكم نصيب تاخذونه
ام ابراهيم بنيه كايده / والله مادري كلمو الشيخ فهد كان عطاكم ترا الله عطاكم
ام طلال ترد بموده / الله يكبر قدركم خلاص اعلمه هو وخواله يروحون لابو عقاب وابو ابراهيم
الجدة صيته تهتف برضا وهي من داخل تغلي من فاطمه وحركاتها / اي ابد ارسليهم والله يحيهم
ام طلال توقف / يالله اجل تمسو على خير
الجدة صيته وقفت معها/ تو الناس تعشي معنا
ام طلال تبتسم / تعشا معكم العافيه مع السلامه
من طلعت والجدة صيته لفت لفاطمه اللي تبادل نظرات التحدي هي ومهره / انتي وش انتي قاطعت ارزاق الله يقطع راسك
فاطمه وقفت / افا ياعمه تدعين علي ؟
الجدة صيته سالت بحده / تبين توقفين نصيب شوق هو بيجيها احسن من طلال؟
فاطمه ردت بذات الحده/ نصيبها كلنا عارفينه وانتي من حطيتيه براسها لين كبرت عليه
الجدة صيته تسكتها بزفرة / اص وقص نصيبها ماهو باللي انتي تبين وكلن اخذ نصيبه
شوق دخلت بعد ماسمعت حديثهم وفجرتها بوجيهم /وانا اقول لك من الحين يا جدة غير فهد ماراح اخذ لو جلست عمري كله من غير عرس
مهره وقفت وراسها بدا ينبض بشده من الغبن / فهد ما خذاك وهو عزابي تبينه ياخذك الحين وانا عنده؟
شوق تطالع فيها بنظره حاده / ليش وانتي منو عشان توفقين بوجيهنا؟
مهره ردت بثقه مدروسه / مرته وعمود بيته واوقف بوجهك وجهه بعد
شوق طارت عيونها / انتي تحدين الشيخ والله لياخذني وراح تشوفين ؟
مهره بحلف واثق / والله ماراح ياخذك لو حفرتي الارض بيديك ورجليك
فاطمه بغضب و انفعال / ياخذها غصبن عليك هي عطيته قبل لا يعرفك وبتجي على راسك رضيتي ولا انرضيتي
الجدة صيته رفعت عصاها بشده / ان جت على راسها حرام حرم لتجي حتى انتي على راسك المره
فاطمه انتفضت بشده / تبين تزوجين محمد بعد هالعمر ياعمه ؟
الجدة صيته تلوي ذراعها بالكلام / اي ازوجه و لا تنسين انك ماجبتي له الا ولد وبنت وقفتي عن الضنا وانا اللي وقفته عن الحريم عشانك ولا تخليني ارجعه لطير يلي
شوق بعتاب / تبين تحرميني من حلم عمري يا جدة توقفين مع بنت اخوك ضدي يا حفيدتك ؟
الجدة صيته تزفر عليها/ لونك مكان بنت اخوي مارضيت عليك برديه كيف تبيني ارضا على وصيتي ؟
فاطمه راحت لجناحها بغيظ وشوق عطت مهره نظره ولحقت ورا جدتها ..
الجدة صيته لفت لمهره اللي امتلت عيونها بدموع / لا يهمونك والله لاغير تاخذ طلال غصبن عليها وعلى جدتها هالضايعه
مهره ترد وهي نادمه ومتوتره/ يا جدة انا خايفه من فهد لو يعرف بالكلام اللي قلته والله ياخذها عناد
الجدة صيته تنهدت بضيقه / وانتي ليش تحدين
و تهددين وانتي عارفه طبع رجلك ويباست راسه
مهره بزفرة / غصبن علي ولعن النار بصدري
الحدة صيته تهديها / تطمني ماراح يصدقهن فهد خابرن علومهن
__________________________
ملاك متمدده على السرير وعيونها بالسقف وهي تمسح بكف يدها على بطنها وتمتم بذكارها
رفعت كفها و باستها مع نزول دمعه حاره على خدها وهي تشعر بحزن غير مفهوم من عرفت ان صقر بغيب بدبي شهرين صح ان حتى وهو هنيه بعيد عن عينها بس كانت تشعر بقربه لقلبها من قرب البيت لبيتهم
تعترف لنفسها انها اشتاقت لحضنه و لنفاسه ولهمسه الدافى بس مازالت مجروحه منه كثير من سالفة الحمل وجرحها زاد من هجومه عليها قدام الجميع
قطبت جبينها من ذكرى هجومه و سالفة الخطبه جمال كيف خطبها وهو مايعرفها بس ماهو غريب عليها سمعت فيه بس وين ومتى اسم (جمال )
مر عليها وهي ذكيه ولا يخفاها شي بس ماعطت الموضوع اهميه كثير ؟..اعتدلت جالسه وهي تشهق بعنف. (هو هو الدكتور اللي دخل علي اذكر الممرضه قالت دكتور جمال يومه لو عرف صقر والله ينهى حياتي يارب استر يارب )
قامت تدور بالجناح بتوتر ورعب (وش اسوي لو درا وين اروح لازم اتخبى عنه هذا مجرم ولا يرحم معقوله يذبحني لا مستحيل هو يتنفس حبي اصلاً ياخبله يحبك بس لا عصب انعما يذبحك بعدين يستوعب فعلته )
خذت جوالها بتردد فتحت حظر المكالمات عن اسم صقر ودقت عليه رن رنه رنتين وسكرت قبل يرد وهي ترمي الجوال على السرير بقهر من تهورها (مجنونه مجنونه كيف ادق عليه في عاقل يفضح نفسه؟)
شوي وسمعت جوالها يرن رفعته شافته صقر رجع الاتصال عليها مره ومرتين وهي طنشته وقلبها يدق بقوه ورعب شوي وصلتها رساله منه /ملاك يرحم طالب ردي علي فيك شي انا طالع من الدوام وجايك بس طمنيني لادخل بقرب شاحنه بسببك …
ملاك عضت شفايفها (هاه ارتحتي جاك طاير ماعنده وقت )؟
طبعت رسال ورسلتها /صقر كنت بقولك ابعد عن حياتي خلني اعيش بسلام ..
رد عليها / وانا وش سويت غير اني حبيتك ملاك انا لا ارتحت وانا عزابي ولا ارتحت وانا متزوج ذوقتيني انواع الحرمان عذبتيني وانتي صغيرة وانتي كبيرة..
ملاك تنهدت بوجه من كلامه وهي تطبع رساله
ثانيه / انا مالي دخل بعذابك انت اللي معذب حالك بحب وحده ما كانت تبيك صقر اللي يربطني فيك الان روح بينا فقط واتمنى لا عاد تضايقني باقي حياتي ..
جاها رده /تراك مانتي بحل باللي تسوينه فيني بس تدرين وشو اتمنى باقي عمري تبين تعرفين؟؟
طبعت رساله باستغراب/وش؟؟
صقر رد عليها مفجرً/ اتمنى ان اعيش باقي عمري بنزاع حبك من قلبي عشان ارتاح ومنيتي الثانيه اني
ما حرمت اميره على نفسي عشان اعيش مع انسانه تومن بالحب ..
ملاك من قرت كلامه انفجرت باكيه وهي تحط له بلوك وترمي الجوال بقهر (حقيرررر)
عند صقر كان صافط بجنب الطريق من يمين وينتظر منها رد على اخر رساله بس تاخرت وعجز لا يصبر رفع الجوال وعاد الاتصال زفر بغضب وهو يضرب السكان بكف يده(بنت الذينا رجعت البلوك ليش تدق من البدايه تبي تلعب بمشاعري على كيفها )
صقر عاد قرات الرسايل بينهم ندم شديد الندم على اخر رساله طبعها يعرف ان ملاك نار كبرى يروح يزيد اشتعالها هز راسه باسا وهو يحرك سيارته متجه البيت يبي ينام عشان رحلة الصباح لدبي …
_____________________________________
بديوان….
فهد وعمانه وقفو بتوديع طلال وخواله ثنين اللي جايين يخطبون له ومحمد طلب منهم يعطونه مهله يشاور البنت ويرد لهم خبر من طلعو لف لفهد
بتسال/ شرايك يا ابو عقاب بطلال ؟
فهد رد بثبات / والله والنعم فيه رجال حافظ بيته
و امه وخوانه وهو اللي يكد عليهم واللي يحفظ اهله اعرف انه بيحفظ بنتنا
ابو نواف بتايد لكلامه / انشهد بالله انه رجال ونعم فيه
محمد تنهد براحه / الله يهديها وترضى فيه
فهد رفع حاجبه / وليش ماترضى فيه هو بيجيها احسن من ولد منصور ؟
محمد هز راسه بنفي / لا بالله الزمن هذا قليل اللي فيهم الخير
ابو نواف بتسال/ الا عبدالله متى بتخطب له؟
محمد مسح لحيته البيضا / لاخلصنا من موضوع ولد منصور بروح انا وانت وابو عقاب لبيت ابو خليل ونخطب بنتهم
فهد قطب جبينه/ بنت ابو خليل؟
محمد بتسال / ليه شفيهم يا بوك ناس مايعيبهم شي الا فقرهم
فهد هز راسه بنفي / لالا الفقر مايعيب احد والنعم فيه بس استغربت
___________________________
الساعه 11 ليلاً ..
فهد من دخل البيت الا فاطمه بالحوش واضح تنتظر من مده عرف ان عندها شي لذالك وقف بنتظارها وهو يشوفها تقترب له / يمسيك بالخير يا بو عقاب
فهد رد بهدو/ مساء النور امري يا ام ابراهيم تبين شي؟
فاطمه بحزن متصنع / يا ابو عقاب جت اليوم ام طلال تخطب شوق لولدها وانا قلت والنعم فيه بس هي عيت وقامت تبكي تقول انا يتمه و بتغصبوني على العرس
فهد قطب جبينه /ماحد غاصبها الراي الاول والاخير لها بس تعطينا سبب مقنع ليش ماتبيه ولد منصور مافيه شين يعيبه ؟
فاطمه بمكر نسائي/ مادري عنها تقول ماهو نصيبي انا بنتظر نصيبي المعلق لاخر العمر
فهد نفخ عليها بحده / فاطمه اكسري الهرج
فاطمه بكت بتمثيل / والله ماهو بيدي هذا كلامها واللي زادها تحدي مهره تقول اللي تبينه ما تطولينه وانا اللي اوقف بوجهك وجهه
فهد عطاها نظره / انتي وش تقولين ؟
فاطمه بحلف /والله هذا سمع اذني واذا مانتي مصدقني حلف ام عقاب ونشدها
فهد شطفها وهو يتجهه لداخل وهي تمشي وراه من دخل الصاله الا شوق بوجهه و تنتخي فيه / تكفى يا ولد عمي لا يغصبوني على العرس انا بوجهك
فهد انتفض من الحميه / ماحدن يغصبك وراسي يشهم الهوا كان ماتبينه من بكرا ارده
شوق تمسح دموعها /الله لايخليني منك
جاهم صوت الجدة صيته الصارم / والله لتاخذه غصبن عليها
فهد لف لجدته بصدمه الا مهره واقفه بجوارها بنص الصاله ورد بصرامه اعمق / كلمتي ماثنيها يا ام عقاب كان ماتبيه والله ما تاخذه
مهره عطته نظره قارصه وهو عطاها نظرت توعد
والجدة صيته ردت بجزع / تبي توقف نصيبها اللي كبرها اعرسو وعيلو وهي جالسه عندنا
شوق بكت بتمثيل / ليش ماتبوني عندكم متكاثرين من وجودي ؟
فهد رد عليها بحزم من غير لا يناظرها / شوق البيت بيتكم ماحد متاكثر منكم وطلال ماحدن غاصبك عليه لاهو ولا غيرة
مهره ماقدرت تحمل كلامه اكثر لانها راح تنفجر عليه قدامهم وتعرفه ماراح يسكت يغسل شراعها لذالك تجاوزته وطلعت جناحها
فهد لمحها بنص عين وهي طالعه تنهد بضيقه وهو ينهى النقاش / معك يومين استخيري وردي علينا ولا تفكرين ان احد راح يغصبك على حياة ماتبينها
الجدة صيته تهتف له بزفرة / الحقني للجناح
فهد طالع بجدته اللي راحت جناحها وهو يسمع صوت فاطمه / الله ينصرك مثل نصرك ليتيمه
فهد مارد عليها وراح ورا جدته دخل الجناح وهي تامره بحزم / سكر الباب وراك
فهد سكر الباب وتقدم لها / امري ؟
الجدة صيته تطالعه بحده / تبي تكسر حلفي ياولد عقاب بعد هالعمر ؟
فهد رد بذات الحده / حلفك على راسي بس العرس ماهو غصيبه ماتبيه بكيفها
الجدة صيته بزفرة / واذا هي ماتعرف مصلحت نفسها نمشي ورا شورها ماجايها بعد هالعمر احسن من طلال لو تطير وتوقع
فهد ينهى النقاش/ هذي حياتها وهي حره فيها ولا حدن له حق يغصبها
الجدة صيته تحط عينه بعينه مباشر/ وليش ماتبيها تاخذه لا تكون حاطها براسك؟؟
فهد صر على اسنانه / لو ابيها اخذتها ولا شاورت احد ولا تحسبيني جاهل حركات بنت اخوك وحنها على راسك
الجدة صيته بتحكم مدروس / بنت اخوي شاريتك وماهي مرخصتك لغيرها انت اللي لا ترخص فيها واترك شوق وجدتها عنك
فهد يحاول يتماسك / شوق لو للي خاطر فيها اخذتها من مبطي وانتي اكثر وحده عارفه و كنتي تحنين على راسي ليل ونهار
الجدة صيته ترفع كتوفها/ يمكن حلت بعينك الحين ؟
فهد بحزم / لو حلت بعيني اخذتها وغير هالكلام ماعندي
الجدة صيته فجرتها/ ماراح اسمح لك تحط على راس مهره مره يا فهد
فهد بتهديد صارم / لا تحطين راسك انتي ومهره براسي لا تخلوني اخذها عنادن فيكم
الجدة صيته انتفضت / انت صاحي تبي تكسر الضعيفه عشان يباست راسك ؟
فهد بذات الصرامه / الضعيفه على قولتك بتوقف بوجه فهد يالي حتى الانشناب ماتجرو يقفون بوجهه
الجدة صيته بتوجس / فاطمه قايله لك شي؟
فهد رفع حاجبه بذات التوجس / يعني كلامها صدق مهره قالت كذا ؟
الجدة صيته بتوتر / يامك من حر مابجوفها تقوله بس كلام عندهن تبي تذللهن
فهد يتجه الباب / تصبحين ع خير
الجدة صيته جلست على الاريكه بهم/ لاحول ولاقوة الا بالله
فهد دخل جناحه وكانت القنبلة تنتظره مهره غاضبه لابعد درجه / معك خيارين يا فهد يا انا يا هي ؟
فهد تقدم لها بثبات / اجل فهد اللي بتوقفين بوجهه
يا بنت ناصر ؟
مهره من شدت الغصب مامسكت لسانها / اي والله ماتخاذها لو طرت وقعت انت وهي
فهد طارت عيونه بصدمه ودمه فار بالغضب وهو يتقدم ويسحبها مع شعرها / وانا ولد عقاب تحداني مره ؟!!
مهره انفجرت بالبكا / اهى اهى
فهد عطاها كف باطن كفه ورجع كف ثاني بظهر
كفه وهو يردف / عنادن فيك باخذها واذا فيك خير وانتي بنت ناصر على سن ورمح اوقفي بوجهي ؟
مهره شدت جيبه بقوه وهي منهاره بالبكا/ والله ماتاخذها تفهم ؟؟
فهد دفها بقسوه وهو يصرخ بشده / والله لاكسر لك ظهرك فيها والعيال اللي ماجبتيهم هي اللي بتجيبهم
مهره شافته كان ناوي يطلع جنت جنونها تقدمت و وقفت بوجهه /فهد قسم بمن احل القسم كان سويتها لاهج من الديرة
فهد ابعدها عن وجهه بتحدى / سويها وهجي كان فيك خير
مهره ركضت وقفت قدامه وظهرها بظهر الباب وهي تنفس بشده ورعب / ماتروح لها لو تنثر دمي
فهد اقترب وعيونه تقدح شرار / ابعدي عن الباب لا دفك واكسر عظامك
مهره متاكده انه لو راح وطلب شوق مستحيل يتراجع فهد كلمته وحده وهي مستحيل ترضى يصير هالشي لو دفنها تحت التراب / ماراح ابعد ماراح ابعد
فهد صرخ فيها بصوت عالي / اقول لك ابعدي
مهره بكت بحرقه / فهد لا تقهرني واليتيم فلا تقهر
فهد هزته الكلمه لكنه رد بتحكم حازم / ابعدي يا مهره
مهره زاد بكاها / طالبتك ياولد عقاب تراني بشاربك لا تروح لا تروح
فهد سكر عيونه ورفع راسه لسمها سحب له نفس عميق وزفر بشدة وهو يفتح عيونه ويناظر بعيونها
صد عنها و راجع لغرفة التبديل وهي طاحت بالارض عند الباب ولمت ركبها وبكت بشدة ..
عند فهد من دخل غرفة التبديل ضرب كفه بالحيط بقوه وهو يتنفس بسرعه استعاذ بالله من الشيطان وبدل ملابسه ورجع للغرفة النوم شافها على وضعها جالسه عند الباب وضامه نفسها وتبكي بشهقات متواصله كان بوده يضمها له و يهدئها بس ثبت مكانه بمكابره و بتعد لسرير وهو مشتعل بالغبن منها ومن نفسه
هي بعد ماتاكدت انه دخل فراشه تطمنت وراحت تغسل وجها وتبدل ببجامة نوم حرير رجعت و دخلت الفراش متمدده وراه و عيونها تجول على ظهره الصلب وكتوفه العريضه وهي تتخيل شوق تشاركها فيه وتنام بحضنه ويغرقها بوساته ..جنت جنون مهره من مجرد خيال كيف بالواقع لو حصل راح تفقد عقلها اقتربت له لين لزقت فيه من ورا دخلت يدها من بين ذراعه وصدره وضمته لها بقوه وهي دافنه راسها
بظهره
فهد سمعها تمددت وراه وهو ماسك نفسه بقوه عنها كلامها لاحد الان يغلي براسه هو اللي كلن يهابه ويمشي على شوره تجي هي تحداه و تهدده ماكنت ولا راح تكون …قطع حبل افكارها ذبذبات جسدها الناعم يلتصق فيه وحضنها الدافي يشده بقوه وكانها تقول لا تخليني انتفض من داخل بشدة ولاكنه ماوضح لها
و لا تحرك بقى ثابت متصلب مكانه
مهره اقتربت زيادة وكفوف يدها على صدره و حطت شفايفها عند اذنه بهمس موجع / فهد تكفى لا تذبح القلب اللي حبك
فهد صمت ولا رد عليها /…
مهره بذات الهمس الموجوع / اذا تبي فرقاي سوها والله راح اطق واموت من القهر
فهد سحب له نفس عميق وهو صامت/…
مهره رجف صوتها / فهد ضمني بحضنك
فهد رد من بين اسنانه / مهره خليني انام احسن لك وللي
مهره باصرار / بس ضمني محتاجه حضنك
فهد طنشها ولا رد ولا فعل/…
مهره تعيد وتزيد برجا / فهد تكفى بس ضمني بس
فهد ماهانت عليه رجائا المتواصل لف لها وناظر بعيونها الغارقه بدموع لثواني تنهد وهو يسحبها بسرعه ويحضنها وهي انفجرت بالبكا القوي على صدره وهو زاد حضنها بقوا مسح على ظهرها ونزل باس خدها بوسات متواصله رفعت عينها له تناظر بعيونه الناعسه وهو بادلها النظرات هتفت له بصوت ذايب / انت للي و ماتنازل عنك الا اذا دفنتني تحت التراب ذاك الوقت تراك بحل خذ بدال الوحده اربعه
فهد عطها نظره قويه وهو صامت /…
مهره رفعت نفسه شوي عشان توصله و دمجت شفايفها بشفايفه بجرائه مثيرة غيبت فهد عن وعييه واستجاب لها ابعدت منه وهو رجع وسحبها بقوه وهالمره هو من غيبها عن وعيها بطريقته الخبيثه ..
____________________________
يوم جديد ..
نهيل تهز ملاك النايمه مع كتفها /يامك قومي صار الضحى وانتي بعدك راقده ؟
ملاك تفتح عينها بكسل/ يوم خليني تعبانه
نهيل انتفضت برعب/ شفيك ياروح امك وش متعبك
ملاك اعتدلت جالسه / ارهاق بس
نهيل تجلس جوارها / وجهك كله منفوخ انتي باكيه ؟
ملاك ماقدرت تماسك نزلت دموعها وهي ترتمي بحضن امها / اهى اهى
نهيل شدت عليها بحنو وهي مصدومه/ تكلمي شفيك يعورك شي ؟
ملاك فجرتها من اعماق قلبها / يومه سافر وخلاني بيغيب شهرين بعيد عني
نهيل طارت عيونها بدهشه / من تقصدين صقر ؟
ملاك بالم خافت / اي صقر مافي غيرة
نهيل بوجع / يامك انتي صاحيه ولا فيك شي فراقاه خير
ملاك تنهدت بذات الالم / يومه تعبت تعبت
نهيل بغرابه / مدامك تبينه ليش انحشتي عنه؟
ملاك بتعب / كنت ابي السلامه
نهيل تنهدت / تبين اكلمه لك ؟
ملاك انتفضت برعب / لالا وشو تكلمينه ؟'
نهيل بحيرة / اجل وش تبين بضبط ترا مايهون علي اشوف دموعك واسكت
ملاك صمتت /…
نهيل تمسح ع شعرها/ قولي للي اذا انتي خاطرك برجعه له انا اسعادك
ملاك ردت بثقه / مستحيل ارجع له
نهيل بحيره اعمق/ ليش مستحيل وانتي توك تبكين عليه ؟
ملاك وقفت بحرج / يومه كل اللي صار هذا هرمونات حمل
نهيل بامومه/ ارجعي له وتعوذي من الشيطان
ملاك بصرار وعناد / والله مارجع له لو بذل كل جهده
نهيل تطالع فيها وهي طالعه هتفت لنفسها
بخفوت (والله وعرف كيف يجيب راسك والد مطلق )
____________________________
ابو صالح يتقهوا ويسال ام صالح بتوجس/ هو صقر سلم عليك قبل يسافر ؟
ام صالح ترد بقلب ذايب / اي ودعني ومشى بيبطي هالمره الله يحفظه
ابو صالح تنهد بضيقه/ قلت له بروح اكلم بنت عمك يمكن الله يهديها وتروح معك وعيا
ام صالح بعتاب / ليش تشاوره كان رحت لها يمكن تصلح الامور بينهم
ابو صالح بياس / هو ماكلمنا ولا قال رجعوها وحالف اني ماروح لبنت عمه للبيت يقول لو جلست العمر كله
ام صالح بحزن عميق / انا حاسه ان ورا هالولد شي ليش مايبي عيال ؟
ابو صالح بذات الاحساس/ والله حتى انا ونشدته بس هو يقول عشانها مادري هو صادق ولالا؟؟
ام صالح بوجع / الدنيا اوجعته كثير والله لونه عايش عزابي اهون من حاله كذا
ابو صالح رد بحزم / من طبوعه وعناده الله يصرفهن عنه
دخل فالح سلم وهو يسال/هدى وينها ؟
ام صالح ترد / بالحمام تجي الحين
فالح يطالع ولدها ويبتسم / يا ماشاءالله عن ولديهم احسن من شيفة عمر
ابو صالح رد بتقصد /عقبالك بعد هالبنات يلفاهن ولد
فالح هز راسه /الله كريم
جت هدى وهي تجلس / فالح وين عزيزة مامرتنا اليوم ؟
فالح تنهد / راحت لاهلها تقول بتغير جو هي وبناتها
هدى تغمز له / وش سالفة الطقوم والورد ؟
فالح طارت عيونه / وانتي وش دراك ؟
هدى انفجرت بضحك / اشوف حالاتها واتس مزعلها يومك جايب لها هالدنيا؟
فالح ضحكً/ انتي مايفوتك شي
ام صالح بتدخل /ليش هو بينكم شي ؟
فالح رد بهدو / مشكله بين كل للازواج والحين حليناها
هدى تضحك بنغزى / اكيد بتنحل على كل هالهدايا
فالح يزفر عليها /هب يا وجهك قولي ماشاءالله
هدى زادت ضحك /تف ماشاءالله
ابو صالح يقوم / اتركو السوالف اللي مالها داعي و قومو توضو لصلاة
فالح ابتسم / بنتك حسوده كفانا الله شرها
ابو صالح ابتسم / خذ فضلتها
هدى طارت عيونها / افا يابو صالح وانت بعد تتهمني ؟
ابو صالح يتجه الباب / شوفة عيني يا بوك
فالح قام وهو يضحك / تستاهلين
ام صالح بندا /فالح لاكلمك صقر انصحه يامك يهدي من افكاره وسواسه
فالح بحنيه /صقر ماعليه انتي اللي لا تشيلين همه الرجال تمر عليهم مشاكل اكبر من كذا ويتجاوزونها
ام صالح لمعت عيونها / اخوك في شين موجعه ولاحدن حاس فيه لاكن الله العام مافيه
_____________________________
الجدة صيته تسال مهره السرحانه بغموض /يامك ماتبين تقولين وش صار البارح بينك وبين رجلك ؟
مهره طالعتها بارهاق نفسي / بالقوه قدرت امسكه كان ناوي عليها
الجدة صيته تنهدت بهم / ماعليه لا تشيلين هم وانتي الحين ما ينخاف عليك تعرفين له
مهره بياس/ يا جدة والله فهد عنيد وشديد ماقدر عليه خايفه من تصرفاته
الجدة صيته تهز راسها بذات الاياس /لاحول ولاقوة الا بالله
مهره بروح مهمومه /شوق هالمره هي وجدتها ناويت عليه وياضنتي يصير اللي يبنه
الجدة صيته بصرامه /يهبن وانا ام عقاب والله ياشوق لتاخذ طلال غصبن عليها
مهره شوشت /كيف وش بتسوين؟
الجدة صيته ردت بثقه/ عندي الشي اللي يكسرهن و يلوي ذراعهن اهدد فاطمه بعرس محمد وهي بتذل وتاكل تبن هي وبنتها ويزوجنها غصبن عليهن
مهره بتسال / وانتي صدق بتزوجين عمي محمد ؟
الجدة صيته تهز راسها بنفي / لا يامك انا اذا ماجمعت مافرق بس بذللهن عشانك
مهره ابتسمت /يا عل عيني ماتبكيك
جاهم صوت فهد وهو ينادي بثقل / احم احم ياولد
الجدة صيته /اقلط يا فهد
فهد دخل وعيونه تنتقل بين الثنتين انحنى وحب راس جدته / صباحك خير
الجدة صيته ترد بمومه / صباحك نور اجلس تقهوا
جلس فهد بجوارها ومهره قامت تصب له فنجال وتحط قدامه التمر / اجدع
فهد اخذ له فذة تمره وكل منها بهدو وهو يحاول مايناظر بمهره يشعر من داخله بضيقة من نفسه كيف بادلها ليلة البارح الاحضان و كيف هي قدرت تجذبه لها ودخلته بجو ثاني بعز غصبه مستغله نشوته فيها هاذي صار ينخاف منها عندها جرائه زايده…
الجدة صيته / شلون الشغل ؟
فهد رد بركاده وهو يرشف من فنجاله / زين يالله لك الحمد
الجدة صيته تطالع بشاشة التلفزيون / الحمدلله
فهد بنبرة متحكمه / ترا بنت سعيد بتجي عندكم هنيه بالبيت لين اتفاهم انا مع خوانها
الجدة صيته بغرابه / جهير تجي عندنا وتبي تبطي ولا كيف؟
فهد رد بذات التحكم/ مادري على حسب المهم جهزو لها جناح خاص فيها
مهره كانت تسمع وهي مصدومه بتجي عندهم بالبيت ولها جناح خاص وش هالوقاحه اللي عندها تنتخي برجال غريب ضد خوانها يمكن تكون جايه وراسمه على شي معين جهير ماتهرول عبث ومهره تعرف بعجابها لفهد وتمنيها له لاكن مارح تسمح لا اي مخلوق كان ياخد نصيبها منها تخلص من شوق
تطلع لها جهير ؟…
مهره وقفت بغيظ / وهي ماعندها اهل يضفونها عشان انت تدخل و تضفها؟؟
فهد واصل حده منها رفع راسه و طالعها بنظره حارقه / انتي ماهو شغلك تفهمين؟
مهره ناظرت بجدتها / عاجبك بيجيب مره غريبه عندنا بالبيت ويبي اسكت ماتدخل ؟
الجدة صيته كانت على وشك الرد لولا ان فهد وقف بغضب / بنت لا توصليني اقصاي تراي متحملك فوق طاقتي
مهره بذات الغضب / وانا بعد متحمله اكثر منك بس لا هنيه وبس
فهد كان بيتقدم لها بشراره بس جدته وقفت
و مسكت ضراعه/ استعذ بالله من الشيطان ياولد
فهد يحاول يبعد جدته اللي شادته بقوه وهو ياشر على مهره بتهديد صارم / قسم بالله ان تدخلتي بشين مايخصك مره ثانيه مايصير لك خير
مهره لمعت عيونها بدموع / جهير ماتجي بيتي وغير هالكلام ماعندي
فهد يصرخ فيها وجدته مازالت تشده / اص ولا كلمه هذا ماهو بيتك وانتي ضيفه عليه حالك من حالها وحال غيرها
مهره صعقت من كلمته وهي تاشر على نفسها / انا ضيفه ؟
فهد يرد بصرامه عميقه / اسمعيني عدل بنت سعيد بوجهي وان سمعت انك ضايقتيها قطعت راسك
الجدة صيته بتدخل / اهدا خلاص بنت سعيد حياها الله اللي بوجهك بوجهنا
مهره اتجهت لباب / كيفك يا فهد لو تبي تجيب القبيله كامله بكيفك
فهد يطالعها مقفاها وهي طالعه ويهتف لجدته بعصبيه/ هاذي انجنت رسمي على بالها بتمشي كلامها عندي
الجدة صيته شدت كفه / يا فهد مهره متعلقه فيك وكل خوفها تجي وحده وتاخذك منها
فهد بحده / وانا بزر عشان تاخذني منها ؟
الجدة صيته تهديه بجديه / هي اللي عقلها عقل بزر وفاقده الحنان والقته عندك
فهد رفع حاجبه بعدم اقتناع / حنان عندي انا ياجدة انتي تمزحين ؟
الجدة صيته بجديه/ لاوالله اني صادقه لونك تضربها بس من داخل تحن عليها لين تعودت عليك.
فهد ينهى النقاش اللي عجز يدخل راسه / المهم انا بطلع عندي شغل جهزو لضيفتنا جناح
الجدة صيته بتسال/ متى بتجي؟
فهد يتجه الباب/ اليله يروح يجيبها راجو
____________________________
بعد العصر ….
نهيل تسال ملاك بتردد/ انتي متاكده بتروحين لهدى ؟!
ملاك تربط شعرها / اي يومه ماجيتها من ولدت وهاذي فرصتي مدام صقر سافر
نهيل بتردد اعمق/ وش دراك انه سافر يمكن اجل سفرته؟
ملاك بتاكيد / لا شذى تقول طيارته الفجر يمدي قد طار
نهيل باستسلام / الله يحفظك بس انتظري حصه تروحون سوى
ملاك تطالع الساعه المعلقه بالحيط/ تاخرت ودي نروح و نرجع قبل المغرب
نهيل بحرص / اي انتبهو تعشون حتى لو حلفو عليكم
ملاك تهز راسها برضا وهي تاخذ نقابها بيدها /حاظر
دخلت حصه وهي شايله اياد وراها امل اللي فتحت لها الباب وشايله سلات حلا هتفت باستعجال / سلام هاه ملاك جاهزة نروح؟؟
ملاك طارت عيونها/ هدي خذي نفس شهيق زفير شفيك طايرة ؟
نهيل تبتسم من لسان ملاك وهي تمد يدها
لحصه / عطيني ايودي يسلم على جدته
حصه تعطيها اياد وهي ترد / وش اسوي تاخرنا قبل يجيهم احد
ملاك تلبس نقابها /وش جايبه معك ؟!
حصه تاشر على الاغراض اللي تفتش فيهم امل / كم بكس حلا وهديه لولدها
ملاك تبتسم / زين انا سويت لها قهوه وطلبت لولدها هديه عساها تعجبها ماعرف وش اختار
نهيل تبوس بياد وهي ترد عليها/ لا تبيض الوجهه هديتك ماقصرتي
امل برجا /يومه تكفين تحمست بروح معهم
نهيل برفض / لا انتي عرسك بعد كم شهر عيب
امل تنهدت بضيقه /يالله العافيه
ملاك بتقصد / اخوك ولده ما يبون يصبرون لين تعدي سنويت ابوي
نهيل ترد بزفرة/ صبرو لين طلعت من الحداد و اخرو شهرين زياده خلاص عاد ماهي طواله
حصه تايدها/ اي والله صحيح ماقصرو
ملاك بزفرة احد / غصبن عليهم اجل يعرسون بحداد امي ؟
نهيل تنهى النقاش/ روحو بس لناس وخلو السوالف بعدين
حصه تاشر لملاك / يلا
بيت ام صالح…
شذى ترتب الطاوله بحماس وفا تراقبها بغيظ /اللي يشوف شذى يقول بيجونا ناس فخمه ولا امرا ماهو اهل عمي طالب
شذى طالعت فيها / واهل عمي طالب اللي تنطقين اسمه تقل ماهو عاجبك ماهو بناس ؟
وفا بتطنز / ناس بس اقل من اي ناس
هدى بحده / وفا عيب تكلمي معهم بحترام لاجو بلا قلة ادب؟
وفا تحط رجل على رجل / اصلاً زين مني ان قمت وسلمت عليهم تبين اتكلم معهم بعد!؟
ام صالح تكلم وهي كانت بعالم ثاني ولا سمعت كل اللي دار بينهم / بنعلم ابوك ان ملاك هنيه وكاد يكلمها ويهديها الله وترجع لولدي المتقطع عليها
وفا بزفرة / تبين مطلق على سن ورمح يكلم ملاكووه ؟
ام صالح بغضب/ وليش مايكلمها ماهي بنت اخوه ومرت ولده ونبي نصلح بينهم
هدى طنشت وفا / انا معك يومه بنعلمه يمكن ربك يهدي بينهم
ام صالح تاشر لصبا اللي جالسه تتابع فلم/ صبا جيبي جوالي
صبا تقوم / حاظر
شذى مبتسمه / اكيد ملاك مارح ترد جدي تستحي منه
وفا من بين اسنانها/ والله ماتستحي من احد وتذكرو كلامي
ام مهند تنهى النقاش/ كل شي بوقته حلو تجي ونشوف
جابت صبا الجوال وام صالح كلمت ابو صالح وعطته خبر ومن انهت الاتصال وهدى تسالها /وش قال ؟
قطع عليهم طق الباب قامت شذى تركض وفتحته وهي ترحب بعمق/حي الله ملاك يا مرحبا تفضلي
حصه طارت عيونها/ العن هالوجهه وانا ماني ماليه عينك يوم ترحبين فيها بروحها؟
ملاك انفحرت ضحك وشذى انحرجت / لا والله ماهو قصد كذا بس من الفرحه
حصه بزعل متصنع / ابعدي عن الباب بس الله يخلي للي بنات عمي يرحبون فيني ماهو با انتي
شذى تطالعها وهي تدخل وهمست لملاك / اختك علامها زعلت؟
ملاك مازالت تضحك/من خبالك المهم ماعلينا منها بعدي عني بادخل انا وكرشتي
شذى تبتسم بحب /تفضلي انتي وكرشك سعيدين بجيتكم
دخلت ملاك والكل رحب فيه بحب الا وفا حتى ماقامت تسلم عليهم حصه لاحظت بس شطفتها وهي تسال/شلون ولدك يا هدى عساه مبروك
هدى ابتسمت /الحمدلله بخير عقبال عندك تجيبين ليود اخو
حصه تهز راسها برعب / لالا من غير شر ولاده ماعاد ابي
ام مهند تبتسم / لا تخفون ملاك بالولاده تراها سهله مثل اكل الحلاو لا تحاتين
ملاك صمتت والحديث كله ماهو عاجبها بذات بوجود عمتها اللي تفحصها من جلست /…
وحصه كشرت / مثل الحلاو اي صدقتي
هدى بكلمه مدروسه / الله يسهل عليها ان شاءالله وتجيب لنا شيخ العائله
ملاك تناظر بعمتها ام صالح اللي معلقه عيونها الدامعه فيها من دخلت ولا نطقت بحرف واحد
هدى شافت نظرات امها الحزينه ونظرات ملاك المتوتره وغيرت الموضوع / شلون عمتي متى طلع حدادها
حصه ترد بهدو / مابقى لها شي 3 ايام
ام مهند بموده / الحمدلله هانت الله يكتب اجرها
شذى تقوم تقهويهم وهي تسال/ حصه ليش ماجبتي ايود
حصه تنهدت براحه / خليني اتحرر منه شوي
صبا بزعل / وتجلسون امل عنده ؟
حصه تضحك /لاوالله هي اللي جالسه تقول مستحيه
هدى بتسال/ حددو عرسها
حصه ترد / باقي بس قريب
الكل /الله يوفقها
طق الباب وجاهم صوت ندا رجولي بالغ شديد البلوغ / احم احم يا بنات
فزو البنات / تعال يوبه حياك ماعندنا الا بنات عمي طالب
دخل ابو صالح بترحيب/ حي الله بنات اخوي يا هلا ومسهلا
قامت ملاك وحصه حبن على راسه وعلى يده وهن يشمن ريحة ابوهن فيه لاكن يدعن القوه قدامه
سالن عن صحته و اخباره وهو يجاوبهم بمحبه صادقه ولا هو غافل عن الحزن اللي يحتويهن ويحتويه جلس وبعد كل وحده جلست مكانها بحترام
شذى تصب له فنجال /تقهو ياجد من قهوة ملاك
ابو صالح ياخذ الفنجال ويبتسم وعيونه على حسنها وحسن ملامحها وهو مايلوم ولده لو طار عقله فيها رد بثبات / ياجعل تسلم يمناك يا عمك
ملاك ابتسمت / الله يسلمك
ابو صالح بهتمام /شلون امكم عساها خلصت الحداد؟
حصه ردت بهدو /باقي لها 3 ايام وتخلص ان شاءالله
ابو صالح هز راسه بكتمه وهو عاجز عن الرد موت اخوه كمل اربعة شهور وسبع ايام /…
هدى حست فيه وهي تغير الموضوع مثل كل
عاده بس هالمره بطريقه متعمده / يوبه لاجا ولد صقر وملاك ماهو تغليه اكثر من ولدي ؟
ابو صالح انتفض بلهفه/ الا والله اني اقوله من الحين قدامك انتي وخواتك ولد صقر اغلا من عيالكم كلكم
ام منهد بتجاوب معهم / ليش ولد صقر بذات ؟
ابو صالح ناظر بملاك اللي رافع راسها بثقه رغم
الالم الداخلي /يابوك صقر رحوم و كريم وراعي فزعه ولاحدن يقدر يسوي سواته
حصه طالعت بملاك اللي فهمت نغزات عمها وبناته براسهم موال وحصه دخلتهم بسالفه ثانيه / الا ياعم شلون السكر معك عساه ما يرتفع؟؟
ابو صالح فهمها بس تجاوب معها بذكا/ مرات يابوك بس لا ضقت وانا للي كم يوم اهوجس ولا انام اليل و يرتفع معي
حصه بحنيه /لا تفكر صحتك اهم من كل شي
ابو صالح فجرها / كيف مافكر وولدي وبنتي كل واحد منهم بديرة ماهو مستوي حالهم حتى على وجه ضنا مشرتك بينهم
ملاك تنهدت بعمق وهي صامته /…
ام صالح بمحاوله / بيرجعون ان شاءالله ويستوي كل شي بينهم على خير
ابو صالح لف لملاك بحزم/ يابوك انتي وش مزعلك منه اخطا وخذا جزاه وش تبين بعد وهو حاظر باللي تطلبينه
ملاك ردت بهدو ثابت / ابي سلامة راسك وراسه انا مرتاحه كذا
ابو صالح بحده /لا مانتي مرتاحه لا تحسبيني اجهل الامر ولا هو بمرتاح غير ذابحكم العناد والتكابر
ملاك حطت عينها بعينه / ياعم كانك تعزني سكر على الموضوع
ابو صالح بصرار/ مافتحته وانا بسكره ترا فراقكم كذا ياثر على ولدكم اصلحو مابينكم قبل يلفاكم
ملاك بصرار اعمق / ولدنا ماهو ضايع ولا حنا اول ناس ولا اخر ناس تفرقو وبينهم عيال في الاكثر منا ثلاث وربعه
ابو صالح تنهد بضيقه/ تعوذي من الشيطان ولا تظلمين نفسك وللي بطنك ولا صقر والله ماهو هامني كثركم
ملاك زفرة بوجع / ياعم طالبتك لا تضغط علي بالكلام
ابو صالح استلمها /يابوك كان للي قدر عندك ارجعي له ودحرو ابليس اللي بينكم
وفا وقفت بزعل من رجا ابوها المستمر ومن عناد ملاك المنرفز لها وراحت للغرفه بصمت/…
و ملاك ترد وهي سافهه حركت وفا ولا همتها / ياعم قدرك على راسي من فوق والله لونك طالبني ادفن نفسي بالجمر ماردك لا كن الرجعه لصقر مستحيله
ابو صالح انتفض / لا يابوك لا تقولين كذا انا طالبك
ملاك وقفت وحبت على راسه / انا بوجهك لا تزيدني هم فوق همي
ابو صالح ضم راسها / ابد يابوك الراي رايك وشور شورك
ام صالح نزلت دمعتها بكسرت خاطر وهي كانت متامله ان ابو صالح بيقدر عليها وترجع لولدها اللي تعرف ان لا ليلة ليل ولا نهاره نهار يسكنه هم غويص بينه وبين نفسه ولا هو قادر يصرح فيه لاحد ؟ …
________________________________
طق الباب فتحت الخدامه ودخلت جهير والكل قام يرحب فيها بمجاملة الا مهره سلمت على الجميع وسالت عن اخبارهم وسالو عن اخبارها وهتفت بحرج / العذر من الله ثم منكم بس انا جيت دخيلة عند ابو عقاب
الجدة صيته بعقل وثقل / وصلتي يامك البيت بيتك وانتي بنتنا وحياك الله
جهير بمودة / الله يبقيك ويطول عمرك
فاطمه بتسال خبيث / هو انتي رجلك ماهو بسجن ؟
جهير ترد عليها/ قصدك طليقي الا بسجن الله لايرده
فاطمه بتعمد / اجل جايه دخيله من منهو ؟
جهير ودها تقوم تقطع لسانها بس ردت بهدو
متصنع / من خواني الله يصلحهم يبون يزوجوني واحدن ثاني غصبن علي
الجدة صيته بتوجس/ وليه ماتبين تعرسين يامك ؟
جهير ردت بتنهد ضايق / مثل الاول واحد صوير واحد قليل خير وانا ابي للي واحدن يشيلني ما يرميني
مهره عطتها نظرة وشاحت بوجها بصمت /…
وشوق ردت بخبث / ومنوين نجيب لك اللي يشيلك وانتي يالله تشيلين عمرك
جهير طارت عيونها/ وش قصدك ؟
شوق ترفع كتوفها / قصدي البكر مالقت المواصفات اللي تبينها وانتي يا مطلقه تشرطين
جهير فار دمها و فاطمه تبتسم وهي تكمل مع
بنتها/ وهي صادقه بزمن هذا الوحده تبي الستر بس
الجدة صيته تنحرهن/ اسكتن ولا كلمه المره ماهي جايه تدور رزقها عندكن عسا مالكن رزق
مهره شعرت بسعادة الله حطها بينهن خلي يشتغلن بانفسهن عنها بس اللي ذابحها وكاسر سعادتها
انهن يدقن بالكلام بينهم عشان زوجها كل وحده تبيه لنفسها وهي وينها من كل هذا يتناقرن على رجال قدام زوجته شي غريب ماحد حاس بالنار اللي مشتعله فيها وخايفه من طريق الخطر ان راحت يمين شوق وجدتها وان راحت يسار جهير ونيتها ….
الساعه 10 ونص ليلاً …
حطو العشاء عددت اصناف دسمه ضيافه لجهير
بامر من الجدة صيته الكل تعشا و اتجه جناحه الا مهره راحت مع جدتها لجناحها جلست بجوراها وهي ترتعش من الوسواس هتفت بخفوت / جدة انا خايفه
الجدة صيته انتفضت بحميه/ افا وانا ام عقاب وش تخافين منه؟
مهره ارتمت بحضنها من غير مقدمات وانفجرت بالبكا / يخططن عليه وقدامي يبن ياخذن حق ماهو حقهن
الجدة صيته مسحت على ظهرها بحنو / مهره يامك تسمعين نصيحتي لا نصحتك؟
مهره رفعت راسها من حضن جدتها / اكيد انا مالي غيرك
الجدة صيته رجعت راس مهره لحضنها / فهد لو يبي العرس اعرس بشور راسه و ماهو مشاور احد لاكن هو من نفسه مايبي الحريم انا امه و انا ادرا فيه يالله اقنعته بالعرس الاول تبينه يجيب الثانيه اسمعي كلامي وامسكي علمي لا تجلسين تحنين على راسه و تخلينه ياخذها عناد فيك ويجيها على راسك تراه تربيتي وعرفه باسه قوي
مهره صمتت وهي عاجزه عن الرد ولا عندها رد اصلاً/..
الجدة صيته تخفت لها / خلي نفسك زينه معه
و تقاضي عن بعض الامور اتركي الغيرة الزايدة عنك
مهره هزت راسها برضا/ بحاول
الجدة صيته بصرار /ماهو محاوله الا لازم احتويه دلعيه ماهو بس طايره فيه
مهره تهز راسها بخجل وهي تهتف لنفسها (بلاك
ما تدرين عن شي ياجدة مطيره مخ ولدك بجرائتي )
الجدة صيته عقدت حواجبها / كنه صوت فهد ولا يتهى للي ؟؟
مهره وقفت باستعجال /الا صوته من يكلم اكيد جهير ولا شوق
الجدة صيته تقوم معها / هه توي ناصحتك ماسرع تنسين العلم ؟؟
مهره ماردت عليها وهي تطلع لصاله وجدتها وراها شافو فهد واقف بصاله منزل عيونه على المسباح اللي بيده وجهير عليها عباتها ونقابها وتكلمه / انا منحرجه منكم والله العظيم بس مالي احد بهالدنيا لاب ولا ام ولا اخت بس خوان والله يسامحهم مايرحموني
فهد رد عليها بثقل / حنا اهلك يا بنت سعيد واعتبري نفسك بين اهلك وبيتك
جهير بمتنان / الله يطول بعمرك ويعزك يابو عقاب
فهد رد بذات الثقل /جزاك الله خير
الجدة صيته تقدمت / الناس لناس يا جهير ولا تحسبينا متضايقين من وجودك لا بالله انك مثل بناتنا
جهير لفت لها وعيونها راحت لمهره اللي واقفه وراها وتناظر فيها بتوعد ردت على الجدة بهدو / الله يكبر قدركم ويجزاكم خير
فهد ينهى النقاش / روحي نامي ورتاحي وخوانك لا تشيلين همهم انا اتفاهم معهم
جهير ردت بجهل متعمد / وسعد عين من ينتخي فيك الله يصلح لك عقاب ويجي لطيبك
مهره فار دم راسها من و قاحة هالادميه تمثل انها ماتعرف ان ماعندهم عيال وهي اكثر وحده تنبش ورا اخبارهم وتعرف بتاخير حملها و الجدة صيته طالعت بفهد اللي تغيرت ملامح وجهه وهو يستاذن / تصبحون على خير
مهره قبل لا تلحقه زفرت بكلمتين خافته من بين اسنانها لجهير / ماهي بزينه حركات التمثيل بوحده بعمرك
جهير صقعت من كلامها وهي تشوفها طالعه
والجدة صيته كتمت ضحكتها / روحي نامي يامك
جهير انسحبت بصمت وحرج من الجدة /…
_________________________________
نهيل بزعل شديد /عيب تردين عمك وهو شايب وش كبره عشان سالفه ماتسوى
ملاك بزفرة /كيف ماتسوى و ولده ناوي ينزل حملي وتبون ارجع له بكل بساطه
حصه بتدخل / بس اعتذر الرجال وخذا جزاه من الهجر اربع شهور ما اكفتك
ملاك تنهدت بوجع / لا ماكفتني ورجاً لاحد يتدخل بشي ماهو حاس فيه
نهيل بجزع / وشلون ماحنا حاسين فيه الا نحس فيك ونعرف بس يامك خلاص الله اكرم منا يغفر الذنب وحنا يا البشر الضعفا مانغفر؟!
ملاك وقفت /تصبحون على خير
نهيل تنهدت وهي تشوفها تدخل غرفتها/اختك هاذي بتجنني
حصه ردت بهدو / طبيعي من وهي بزر مجننتنا مادري وش كنتي ترضعينها من ورانا
نهيل تاففت / مثل مارضعكم بس هي تفرق عنكن بشيا كثيره ماهو بس بالعناد
حصه بزعل مرح / اي قوليها يا نهيل حطمينا قولي حتى بزينكن تفرق
نهيل ابتسمت غصب / الله يرجك الا امل وينها اشوفها هالايام ماتجلس معنا كثير
حصه بخفوت /تفكر بالعرس وبالحياة المقبله خلوها براحتها
نهيل تنهدت / الله يتمم لها يارب
دخل مازن وجهه مسود /وين بنتك اللي ماتستحى؟
نهيل وقفت /من تقصد .؟
مازن بحده / ماغيرها العنيدة اجل عمي بكبره يترجاها وهي تكسر شايب اكبر من ابوها هاذي ماتربت
نهيل بحده اعمق/ اقول اوقف مكانك مسرع ام الخلاقين وصلت لك العلم ؟
مازن بقهر / يومه عاجبتك سواتها ؟
نهيل تنهدت بقلة حيله/ماعجبتني بس ماقدر اجبرها اللي فيها يكفيها
مازن يتقدم لغرفة ملاك وهو يهتف بحزم / اذا ماتقدرين فيها انا اللي اقدر فيها
نهيل لحقته /مازن حدك ترا ماهو وقتك
دخل مازن شاف ملاك وامل يسولفون على سراريهم المجاوره هتف بغضب /انتي كيف تردين عمي وطلبه؟
ملاك رفعت حاجبها وهي مازالت جالسه/وانت وش دخلك؟
مازن انتفض/ وشووو وش دخلني اسمعي يا ملاك لاهنيه وبس اذا طالب راح انا مكانه وامري يمشي عليك وعلى غيرك تروحين الحين لاعمي وتعتذرين منه وترضين باللي يبي
ملاك وقفت بزفرة/ طالب ماحد يجي مكانه هذا اول شي ثاني شي اوامرك على سفيهتك ماهي علي تفهم؟
مازن بغضب حاد / غصبن عليك مدامك عندي هنيه بالبيت كلمتي هي اللي تمشي لا ذلفتي رجلك سوي اللي تبين
نهيل سالت بحزم / ليش البيت منهو بيته يا مازن ؟
مازن لف لها بذات الحزم / انا رجال البيت يا يومه ولا نسيتي ؟
نهيل بقهر / اسمع يا رجال تعتدل بالكلام معي ومع خواتك ولا اذلف برا البيت انت ومرتك
مازن بصرامه عميقه / هذا بيتي وانا راعيه وانتن تحت ضلي وتمشون بشوري
حصه بتدخل/ مازن ماله داعي تدخل بحياتها هي حره فيها
مازن بذات الصرامه / والله لو درا صقر ان ابوه طالبك ورديتيه لغير يرجع ويمصع رقبتك
ملاك بغبن منه / اذا انت خايف منه انا ماني خايفه خله يدري وفي خير يسوي شي
مازن/ ملاك انتي خابرته وعارفته صقر قليل رحمه ارجعي من طيبت خاطر لارجعك له غصبن عليك
ملاك تصرخ فيه/ تخسي انت وهو ماحدن يغصبني
مازن تقدم وشد شعرها / منهو اللي يخسي هاه؟
نهيل شدته مع ظهره / يدك ماتمدها على بناتي تفهم
مازن سحب ملاك معه /الحين تروحين لعمي وتعتذرين له ولا ترا والله باسم الله لا طردك من البيت
ملاك طارت عيونها ومافيها حيل تدافع عن
نفسها /مازن ابعد عني لا تخليني استخدم معك انت وفا سلوب العانه
مازن مارد عليها ولا امه وخواته اللي يصارخون فيه
وهو يسحبها / بيتي يتعذرك اطلعي برا
ملاك وقفت عند الباب /انت صاحي بطلعني برا البيت بهاليل ؟
مازن بتعمد / اي روحي لعمك اللي كسرتي طلبه خلي يضفك
امل تبكي برعب و نهيل تصرخ بقهر ام حقيقي/ ماااازن ابعد عنها ماهو بكيفك تطردها انت اللي اذلف لشارع
مازن بحده / يومه انا ماني مثل طالب كل ماجت وحده منحاشه ضفها لا المره الاصيله تصبر على رجلها وعلى قشارته
حصه بالم / بهاذي صدقت مانت مثل طالب و لا تنسى ان هذا بيتنا مثل ماهو بيتك تفهم
مازن رد بحزم / اقول اص ولا كلمه انتي بيتك بيت عادل مالك بيت عندي وهاذي بيتها بيت صقر وهذيك بيتها بيت بندر وغير هالكلام ماعندي
نهيل بوجع / وانا بعد اطردني خل اروح عند ماجد وامه
مازن انتتفض/ لا يومه حشى انتي راعيت البيت بس بناتك ماهن عارفات مصلحتن نفسهن خلي اعلمهن انا
ملاك باحتقار/ ليتك تعلم نفسك ولا حنا مانبي منك علم
مازن يطالعها بقهر/ وطولين لسانك بعد ؟
وفا كانت واقفه تسمع وماحد انتبه لها هي من داخل ماتبي ملاك ترجع لصقر بس الحين خذتها عناد وتبيها ترجع عشان يذبح الولد اللي بطنها واللي يربطها باخوها ويورث حلاله هتفت بتدخل / مازن اذا اختك مارجعت لصقر ونفذت طلب ابوي ترا انا طالعه من البيت
نهيل لفت بصدمه / تبين تلوين ذراعنا روحي عساك مارجعتي؟
مازن بحده / لا ماتروح انا رجال شاري مرتي ماني بايع
ملاك عرفت تخطيطهم / الحين انت تبي ترجعني بالغصب عشان وفا ماتنحاش منك؟
مازن عطاها نظره / وانتي وش دخلك عليك ترجعين وبس
نهيل برفض/ ماترجع واذا مرتك بتذلف خل تذلف بدال المره مره
ملاك ابتسمت من كلام امها وفا طارت
عيونها / تهدديني يا عمه ؟؟
نهيل ترفع كتوفها/ افهميها مثل ماتبين
وفا صرخت بقهر / انا طالعه بيت ابوي و قسم بالله يا مازن كان مارجعت اني مارجع
مازن نادها وهو بشوفها تروح لجناحها/ وفا اوقفي تبي ترجع الحين
ملاك تدفه بقهر / تبي تمشيني انت وهي بكيفكم تخسون وتعقبون
مازن لف لها و كان بيصفعها بس مسكته نهيل وهي تصرخ فيه/ يدك اكسرها لك يا حمار لا تحسبنك رجال وعجز لامدها عليك
مازن شوش فيها / تضربيني انا ؟!
نهيل بحده / واكسر خشمك بعد بناتي خط احمر والحين اذلف الحق بمرتك يمال المراره
مازن ابتعد وهو يتوعد / والله لترجع بكرا غصبن عليها ولا هذا الشنب ماهو على رجال
___________________________
مهره من طلعت من عند جهير وجدتها جلست على اقرب كرسي بالحوش تحاول تضبط نفسها وتسيطر على عصبيتها قبل تروح لفهد بعد عدة دقايق دخلت الجناح وهي تدور عليه بعيونها سمعت صوت الدش بالحمام عرفت انه يستحم رحت غرفة الملابس ولبس لها بجامه كحليه وبنطلونها مجشر حطت من عطرها الفواح ورجعت لغرفة النوم
شافت فهد واقف عند مرايه التواليت ويجفف شعره بالمجفف وبعده تقدم لها وعيونه بعيونها وهي وقفت بثبات تنتظره يتكلم لاكن ماسرع ما تجاوزها رايح لغرفة الملابس تنهدت بضيقه وراحت تمددت على السرير هو لبس لها شورت ورجع تمدد جوارها معطيها ظهره ماله خلق اليوم عليها ابد حاس
لو انها تكلمت انه راح يفجر كل طاقته فيها
مهره ماقدرت تحمل صده وهي تحاول تدور لها موضوع تكلم معه فيه بس غيرتها ترجعها لموضوع تافه/ فهد
فهد رد وهو مازال صاد عنها /نعم
مهره بتوتر/ جهير بطول عندنا؟
فهد رد بحزم بالغ/ هي على راسك ولا على ارض الله الواسعه ؟
مهره تغلي / سالت بس ؟
فهد من غير نفس / مادري شهر شهرين سنه سنتين مادري
مهره طارت عيونها برعب /سنه سنتين ليش مالها والي عشان نتكفل فيها
فهد لف لها بغضب / اعيد وزيد عليك لا تدخلين بشين مايخصك بيتي وادخل فيه اللي ابي ماتفتحين فمك بكلمه
مهره تعضعض بشفايفها بغيظ/ انت اخذني خادمه ولا زوجه ؟
فهد اقترب لها ومسك حنكها بقوه / تراك دبلتن كبدي يا مره اعقلي ولا اذلفي لبيت امك
مهره تصلبت من الصدمه وعيونها لمعت بدموع /…
فهد صر على اسنانه / المره بوجهي ماسمح لا لك ولا لغيرك يذل دخيلتي
مهره ابتعدت وهي تعطيه ظهره وتغطي نفسها بالكامل بالغطى وماهي قادره تستوعب كلمته
فهد اللي يجن جنونه لا قالت بروح بيت امي الحين يقول بكل برود اذلفي له .. حتى الدمعه من عينها تحيرت عاجزه لا تنزل وتريحها شدت الغطا بقوه عليها
فهد ندم على كلمته يعرفها على طريف الحين يهئ لها ان قال كذا عشان شوق ولا جهير يعرف صغر عقلها وغيرتها الزايده تمدد على ظهره وهو يمسح شعره على ورا يبي يرتاح ماهو قادر يستقر بحياته من المشاكل مايدري الخطاء منها ولا منه ؟.. لف يطالع بالغطا اللي مخفيها بالكامل تنهد وهو يحاول يتماسك مايبي يقترب لها عشان مايكبر راسها عليه مثل كل مره
وهو مازال مقهور على البارح انه تقبلها واستجاب لها وهي غلطانه من راسها لين ساسها مايبي يكرر الخطا
تغطا هو بعد عن البرد ونام ….
______________________________
-/البارت المئه واحد /-
رواية ريح المطر (للكاتبة شغف
ادعو لوالدي برحمة والمغفرة..
لبيه ياريح المطر والسما غيم..
ولبيه ياصوت المطر بعد غيبه ..
يوم جديد …الساعه العاشرة صباحاً
مازن دخل غرفة خواته و هو يصارخ بغضب / امشي معي لبيت عمي يا ملاك مدام النفس عليك طيبه
ملاك توقف وترد بغبنه / انت وش محلوق منه ماعندك حساس ولا حميه تبي تذلني لصقر عشان اخته زعلانه ست الحسن و الدلال؟؟
مازن بحزم / انا مابي مشاكل من وراك انتي وزوجك ارجعي له وريحيني
ملاك متنرفزة منه / الحين كل هالصياح عشان وفا سرت البارح بيت اهلها ماتقدر تصبر عنها طقت عروق قلبك ؟
مازن منشحن / البسي عباتك لا اسحبك بجامتك
نهيل دخلت عليهم بزفرة / انت وش يناهق فيك على هالصبح هاه ؟
مازن لف لها بقهر / بنتك تعاند ولا هي راجعه تراي تعبت من المشاكل من تحت راسها
نهيل تكتف يديها / والله مرتك اللي مدخلتك بالمشاكل خل تجلس عند اهلها اريح لنا ولها
مازن طارت عيونه / اريح لك بس ماهو للي انا رجال بستقر تعبت
ملاك تنهدت بتعب / مازن فكوني من شركم كفايه علي صقر خلاص
مازن باصرار / ارجعي وتفاهمي معه وفكينا حتى انتي من شرك
نهيل تطرده بغضب / شر بعينك وبعين قليلة المروه بنتي ماهي رجعه والحين انقلع ورا مرتك
مازن بحلف صارم / نذرن على رقبتي كان مارجعت وفا اليله لبيتها لترجعين يا ملاك ورجلك فوق راسك
ملاك انتفضت بقهر / تبي تمشي حياتي على رضا وفا يا مازن اسمع رجعه ماني راجعه وعلى مابخيلك اركبه
مازن بذات الحزم وهو يتجه الباب / اليله اجي وانتي جاهزة ولا ترا رميتك بشارع ودقي على صقر يجي ياخذك
نهيل طارت عيونها/ هذا شفيه انهبل؟
ملاك مسكت طرف بطنها من تحت /اه اه
نهيل انتفضت برعب وهي تسندها /شفيك وش بوجعك؟
ملاك بتعب / وديني لسرير برتاح طلع روحي ولدك بحنته
نهيل تقربها لسرير وتساعدها تمدد/ لا يهمك مازن وفا دواهم عندي انا اكلم ام صالح تعلم مطلق يفكنا من شرهم
ملاك تشر لها بنفي / لا عمتي مارح تعلم عمي على بنتها وراح يقوى راس وفا
نهيل تنهدت بقلة حيله / اجل يامك نخليه هو وياها يتمادون ؟
ملاك تسحب لها نفس وهي تمدد نص تمدد / خليهم علي هذول الثنين
نهيل تجلس جوارها /وش بتسوين ؟
ملاك تسكر عيونها/ برتاح واعلمك
نهيل بتشكيك / لايكون بتكلمين صقر ؟
ملاك ترد وهي مازالت مسكره عيونها/ اي هو اللي يعرف لهم
نهيل بجزع /جنيتي يمكن تعجبه السالفه ويوقف معها
ملاك بنبرة غريبه/ يومه صقر لو بيرجعني بالغصب رجعني من نفسه ما انتظر تدخل من وفا ومازن
نهيل باستغراب / طيب وش بتقولين له؟
ملاك ترد بذات النبرة / بقول له كل شي صار وهو يتفاهم معهم بطريقته
نهيل ترفع كتوفها بغرابه / اخاف يدري ان ابوه مكلمك وتزيدين النار حطب
ملاك تنهدت بتعب / انا اقول له بطريقتي يسمع مني احسن من يسمع منهم ويبهرون له السالفه
نهيل بغرابه/ بتقولين ابوك كلمني ورديته ؟
ملاك فتحت عيونها / يومه بقول له كنت عند هدى وكلمني اشرح له السالفه بهدو اما مازن وكلبته لو كلموه راح يقولون كلمها وهو بيفهم انه جاني للبيت ورديته فهمتي علي؟
نهيل تهز راسها وهي تبتسم من فطانت بنتها / فهمت الله لا يضرك ويكبر عقلك ما انتي سهله ياروح امك
ملاك تبتسم / افا عليك يا نهيل تربيتك اوريك فيهم والله لا تغداهم قبل يتعشوني
نهيل توقف وهي تضحك / هههه زين تسوين فيهم الله يقويك
ملاك بتسال/ وين ؟
نهيل تتجه الباب /بروح اشوف امل وش مجهزه للغدا
من طلعت امها وهي تاخذ جوالها اللي كان على الطاوله المجاورة لها فتحت الحظر عن صقر وعدت للعشره تدق ولا ماتدق بس فكرت بالاخير هذا الحل الوحيد ولا راح يرميها مازن صدق بشارع هاذي ماهي بعيده عليه من حر وفا …دقت رقمه وقلبها يدق مع كل رنه
…عند صقر كان بجتماع وجواله قدامه على الطاوله
و صامت وهو يتكلم مع الفريق الطبي لمح شي ياشر رفع الجوال كان بيقفله بس قطب جبينه وهو يشوف رقمها يضي الشاشه قام بسرعه وهتف
با استذان / عن اذنكم دقيقه مكالمه مهمه
الكل رد / خذ راحتك
من طلع انقطع الاتصال فتح الجوال وعادة رن رنتين وجاه صوتها الخجول / صباح الخير
صقر دق قلبه بعنف وكاد يوقف وهو يرد بهدو /صباح النور حي الله ملاك
ملاك بتردد/ صقر فاضي ؟
صقر بلهفه / افضي نفسي لك امريني؟
ملاك صمتت وهو انتظر منها رد ماسمع الا صوت انفاسها المنتظمه هتف لها بنبرة حانيه / قولي ياروحي وش تبين ؟
ملاك سكرت عيونها وكلمة (ياروحي ) هزتها بشدة
مشتاقه لتغزله الخبيث ولصوته المذيب …
تمددت بالكامل ونفاسها تسارعت حتى وصلت لسمع صقر الي انهار من طوله صوتها بحد ذاته كارثه بنسبه له ..تلفت يمين يسار يدور له مكان يجلس عليه شاف كرسي قريب سحبه وجلس وهو ينتظرها تكلم من خاطرها مايبي يضغط عليها يكفيه منها صوت انفاسها
ملاك قررت تنهى السالفه وتدخل فيها على طول قد دقت وانتهى الامر التراجع مايغير شي تنهدت استعداد للكلام / صقر اوجعوني
صقر انتفض واقف و نبرتها الموجعه عملت فيه العمايل / ماعاش من يوجعك وراسي حي بس علميني منو والله لانزل على اقرب طياره وانثر لك دمه
ملاك بتوتر / بقول لك بس انت اهدا وسمعني
صقر فاهمها عدل و رد بحزم بالغ / ملاك قولي للي من مضايقك وش صاير انتي مادقيتي الا انك واصله حدك؟؟
ملاك عجزت ترد كلامه يدهشها عارفها وباخصها /..
صقر بندا منفعل/ بنت قولي للي لا تخليني افقد عقلي
ملاك بهمس / طيب اهدا اول عشان اقدر اتكلم
صقر سحب له نفس و هو يرجع يجلس و همسها المتوتر ينحره من اقصاه لين ادناه /اسمعك قولي ؟
ملاك بذات الهمس/ لا تقاطعني خل اخلص كلامي
صقر صمت باستغراب وقلبه ينغزه /…
ملاك سحبت لها نفس وبدت تكلم بتحكم
مدروس /صقر انا رحت هدى امس عشان ابارك لها المهم حصلت عمي هناك وكلمني يبي ارجع وانا قلت له ماقدر اجبر نفسي المهم انه فهم ان الحياة بيني وبينك مستحيله وو
صقر بمقاطعه غاضبه/ داقه علي عشان تعلميني ان الحياة بينا مستحيل هاذي حياتك بروحك عشان تقررين بكيفك ملاك اصحي انا واللي بطنك لنا راي
و ماحنا متنازلين عنك ابد
ملاك ترد بغضب اهدا من غضبه / اللي بطني انت ماتبيه يا صقر وانا وهو مانبيك بعد
صقر وقف بانفجار / ماني مشاورك وتراي خليتك الايام اللي راحت بكيفي ومزاجي و ماراح اخليك الايام الجايه باخذك بالغصب
ملاك انفجرت هي بعد / ماهو بكيفكم تجبروني حتى لو رماني مازن بشارع على قولته ماراح ارجع بالغصب
صقر عقد حواجبه باستغراب / وشو منو اللي يرميك بشارع ؟!
ملاك تنهدت بضيقه/ داقه بقول لك بس انت نار وشرار ماتعطي الواحد فرصه للكلام
صقر يهديها بمسايره / طيب يلا بسكت تكلمي وش صاير ؟
ملاك بزفرة / قبل اتكلم اعرف يا صقر اني مستحيل اعيش معك بالغصب لا تحسب الايام اللي عشتها معك كنت مغصوبه لاوالله كانت من طيبت خاطر بس انت اللي هدمتها بيدك وابعدتني انا وولدك
صقر شعر بصداع قوي وهو يقفل على موضوعه/ لا ولدتي لاكل حادث حديث الحين قولي للي من مضايقك ؟
ملاك تنهدت بوجع / اختك انحاشت البارح لبيتكم تقول ترجع ملاك ولا مارح ارجع وتحلف بعد ومازن ضغط علي كثير يهددني ارجع بالغصب ولا يرميني بشارع
صقر شعر بعروقه جفت تمام من القهر / يرميك بشارع؟!
ملاك بصوت اهتز غصبن عنها / صقر يبون يطردوني من بيت طالب اللي ربيت عمري كله فيه
صقر تسارعت انفاسه بالغبن الحقيقي من صوتها
و هتزازة / ماهو بكيفه يطردك و اذا على البيت انا مستعد اشري حصته هو و امه وخواته لك ولا تضايقين
ملاك انتفضت بحرج / لالا ماهو هذا المقصد بس ابي تبعده وهو وفا عن طريقي اللي فيني يكفيني
صقر بصوت هامس مولع / وش اللي فيك يا ملاك الا انك بتعذبين معشوقك
ملاك صمتت /…
صقر بوعد واثق / لا تخافين اوعدك ماحد يجبرك على شين ماتبينه حتى لو كان من صالحي
ملاك بتسرع / حتى انت توعدني ما تغصبني على الرجعه لك؟
صقر بذات التسرع / وعد ماراح اغصبك لو انتظرتك العمر كله ابيك برضاك تطمني
ملاك ارتاحت وهي ترد بمتنان / شكرا
صقر صمت عاجز عن الرد قوته كلها اندمرت /…
ملاك بصوت هادي /ممكن اسكر
صقر بستعجال /لا خليك شوي
ملاك تنهدت بصمت /…
صقر بتردد /ممكن اعرف جنس الجنين
ملاك تلبسها الخوف من جديد / لا انا ماعرف
صقر ماخفها ارتباكها / للحين متوقعه اني بذبحه
ملاك تنهى النقاش / صقر انا لازم اسكر
صقر با ستسلام / بحفظ الله يا حبيبة صقر انتي والله
_______________________________
فاطمه وبناتها طلعن لبيت ابراهيم وحسنا عند بنتها وفضى البيت الا من مهره وجدتها اللي بالجناح ومسيرة عندهن ام ماهر …
جهير قامت تدور بالبيت بجرائه وهي تخفت لنفسها (بيت وش كبره يتسابق فيه الخيل وحاسديني على جلستي عندهن امحق حريم حسودات)..
دخلت المطبخ وفتحت الثلاجه رجعت خطوه ورا بصدمه وهي تشوفها مليانه من جميع المواد الغذائيه البان اجبان عصائر فواكه خضروات فتحت فمها (طايحين بالخير والنعيم وانا ذبحني الوجع بيت مرزوق
و رزيق ينشبون القمه بحلقي من غير صياح ورعانهم
و مانحت حريمهم وع قطع طاريهم)…
مدت يدها وخذت موزه قشرتها وكلتها وتتبعها تفاحه تاكلها وفتحت لها عصير وشربته دفعه وحده وهي تهتف ببتسامه ( زين الحراس فاطمه وبناتها فارقن ) لفت لورا وشهقت بشرقه وهي تكح بقوه /كح كح
مهره كانت واقفه وراها تتفرج على شفاحتها بصمت ومن لفت و شرقت ردت عليها بستهزا محتقر /هدي هدي الاكل ماهو طاير
جهير تمنت الارض تنشق وتبلعها من الفشله بس ادعت الثقه / وانتي وش موقفك وراي لاتكونين حاسدتني هالقمه اللي اكلتها ؟؟
مهره كتفت يديها ورفعت حاجبها المرسوم / والله لو على الاكل ماهمني ودي اشيله معك لبيت خوانك تفرثون فيه لين تشبعون صدقه عن اعمارنا
جهير بغبن / ماعلينا صدقه يا بنت ناصر شكلك نسيتي المكان اللي جيتي منه ماهو احسن من بيت خواني نفس المستوى
مهره تقدمت وحطت عينها بعين جهير مباشر وردت
بخفوت قاصد / طلعت من بيت ناصر على عز وشرف و جيت بيته بالحلال ماهو مثلك دخلتن بشارب رجال غريب ضد خوانك ؟
جهير تصلبت بدهشه/ تعايريني ؟
مهره بذات الخفوت والنظره / افهميها مثل ماتبين بس حطي براسك شي واحد يا جهير ترا فهد رجال نقود و ينقد على الحريم اللي قاطات وجهن عليه
جهير تنتفض/وش قصدك؟
مهره ترفع كتوفها / مرته و ابخصه عدل لو تسوين اللي تسوين وانتي طايحه من عينه ماشافك قدامه شي بس نصيحه لوجه الله لقطي باقيا وجهك وطلعي بكرامتك
جهير بكت بحرقه / تطرديني وانا دخيلة الشيخ؟
مهره استوعبت كلامها وصمتت برعب وكل خوفها فهد يدري/…
جهير طلعت لصاله وهي تبكي /يا ام عقاب
الجدة صيته من سمعت صوت جهير تبكي طلعت لها برعب و تسال / علامك يا جهير ؟؟
ام ماهر طلعت وراها بصمت وخوف /…
جهير دموعها تنزل / انا بوجه ابو عقاب و دخيلة بيته ترضين علي المذله ؟
الجدة صيته عقدت حواجبها وعيونها تروح لمهره اللي واقفه ورا واضح عليها الارتباك / لا بالله يامك مارضى بس وش صاير ؟
جهير تاشر على مهره / تذلني بالكلام وتقول اطلعي من البيت بكرامتك
الجدة صيته تبرر لها بتوتر / خبله ماتعرف تهرج تطاوعين لك بزر
مهره طارت عيونها / انا خبله انا بزر ؟؟
الجدة تاشر لها تسكت / اي وانتي يا جهير كبري عقلك وانا اخذ لك حقك و ابو عقاب لا يدري باللي صار
جهير فهمتها وهي طايره وتصنعت الهدو / حاظر
ام ماهر تطالع بجهير اللي دخلت جناحها وتهتف بخفوت / اعرفها عدل ماتمشيها
الجدة صيته تاشر لمهره / تعالي انتي
مهره اقتربت والجدة صيته تشدها مع كتفها / لعنو حيك انا لامتى ارقع من وراك هاه
مهره صمتت بحرج/…
الجدة صيته بحزم / والله لو درا فهد ليذبحك انتي ماتعرفين اصول القبايل الدخيل ماينهان
مهره لارد/…
ام ماهر بتوتر/عساها بس صادقه وتسد فمها
الجدة صيته تهديهم/ اي انا اروح لها شوي لهدت وسكتها بطريقتي
ماكملت كلمتها الا صوت ندا فهد /احم احم
الجدة صيته انتفضت برعب وعيونها على مهره /روحي جناحي بسرعه
مهره بارتباك /ليش ؟
الجدة صيته بامر صارم /روحي وانتي ساكته سرعه
مهره ركضت ودخلت جناح جدتها اللي تنادي /اقلط يامك
دخل فهد و مامداه يسلم الا جهير طالعه من جناحها بعباتها ونقابها وبيدها شنطتها الصغيرة وهو عقد حواجبه بتسال/ على وين يا بنت سعيد ؟
ام ماهر تبادلت نظرات التوتر هي والجدة صيته واللي توقعنه صار جهير ترد بكا متواصل / على بيت خواني ماقصرت يا بو عقاب ويجي منكم اكثر
فهد بتسال حازم / بتروحين من خاطرك ولا احد مضايقك؟
الجدة صيته بتدخل / لا وين ماهي براحيه ولاحد مضايقها
جهير انفجرت باكيه بشدة / ليش ماتبونه يدري خلي يعرف ان دخيلته انهانت بيته و انطردت بعد
فهد طارت عيونه و عروق رقبته برزت من الغضب وسالها من بين انفاسه / من اللي طردك ؟
جهير تمسح دموعها بالمنديل / مهره شافتني عند الثلاجه اشرب للي شي بارد وقالت خذي اللي فيها لك انتي وخوانك صدقه عن اعمارنا وطلعي من بيتنا بكرامتك لا تقطين وجهك علينا ماتدرين ان اللي قاطتني الظروف والحاجه
فهد تلفت يمين ويسار يدور عليها بعيونه ودمه بدا بالفوران / وينها ؟؟
الجدة صيته برد حيلها/ اهدا اهدا
فهد بصرخه غاضبه ملتهبه حارقه / قلت وينهاااااا يعني وينهااااااا
ام ماهر حطت يدها على راسها من قو الصرخه
وجهير رجعت ورا برعب اول مره تشوفه بالمنظر هذا
الجدة صيته برجا / طالبتك تهدا وابشر بالحق كان تبي تجي تعتذر لها والله لتجي
فهد ينتفض بالقهر وكل همه رقبة مهره / خليها تطلع لا ادفن البيت فوق روسكم
الجدة صيته تهز راسها بمسايره/ تطلع الحين ابشر ابشر
عند مهره كانت حاطه يديها على اذونها وترجف من صوت صراخه وهي تمتم بتحسب (حسبي الله عليك يا جهير حسبي الله عليك) انفتح الباب ودخلت الجدة صيته بارتباك /مهره احكمي عقلك وسوي اللي يبي
مهره تجمعت الدموع بيعينها / تبون تذلوني لجهير ؟
الجدة صيته بخفوت / نبي سلامة رقبتك
دخل فهد وام ماهر دخلت وراه ومهره من شافت ملامحه المشتعله رجعت خطوه ورا و جهير وقفت بصاله قريب لباب بتسمع وش يصير ..
فهد تقدم لها مد يده و سحبها مع عضدها بقساوه عديمة الرحمه / من انتي عشان تطردين ضيوف بيتي ؟
مهره حست عضدها انخلعت من شد كفه الجبره وهي صامته /…
فهد شدها باقوا واقوا حتى انسمع صوت طق يدها وهو يصر على اسنانه/ تحسبين ان فهد وصيته ماتو عشان تامرين وتنهين بكيفك؟؟
الجدة صيته بتدخل وهي فعلاً خايفه / الحين تروح وتعتذر لها حتى لو تبيها تحب على راسها
فهد عيونه اللي تقدح شرار بعيونها الذبلانه و من سمعت كلام جدتها انتفضت برفض/ انا احب راس جهير والله ماصار ولا راح يصير
فهد ماقدر يمسك نفسه اكثر عطاها طراق خلاها تطيح بلارض وهي تصرخ بالم قوي / اااه
الجدة صيته تقدمت له وقفت بينه وبينها بغبن / اتق الله البنت ترا باقي ماطابت تبي ترجعها للغيبوبه ؟؟
ام ماهر راحت لبنتها وجلس جوارها وضمتها باكيه معها بحرقه ومهره دفت وجها بصدر امها و انفجرت باكيه الالم والقهر …
فهد ابعد جدته عن وجهه بطرف يده من غير لا ياذيها وهو منفعل بالغضب والغبن وعيونه على مهره تكلم بصرامه / المره اللي ماتقدر رجلها وماتقدر ضيوفه مالها قدر عنده ولا له لزوم فيها
مهره رفعت عيونها المليانه بدموع وناظرته نظرات رعب ورجا وعيون الجدة وام ماهر كلها اتجهت عليه وهو يكمل كلامه بذات الصرامه/ وانتي ماعاد تلزميني يا بنت ناصر انتي طالق
الجدة صيته صرخت باكيه /انت انهبلت طلقتها هاذي مهره يا فهد مهره اصيله
ام ماهر شهقت بقوه وعيونها على مهره اللي مشوشه بصدمه/…
فهد شعر برؤيه ضبابيه و كان جدته عطته طراق مصحيته ياستوعب اللي قاله وعيونه بعيون بمهره اللي متجمده مكانه بعدم تصديق وتبادله النظرات وهو تنفسه ضاق من تخيل انها طلعت من ذمته ماهي حلال عليه ماله حق فيها بي سبب من الاسباب بلع ريقه وهو يفتح اول ازرارين من عند الرقبه يحاول يسحب نفس لايطق ويموت من القهر ..
مهره سكرت عيونها وكلمته (انتي طالق ) تردد براسها فتحت عينها و بحركه مفاجئه وقفت عطته نظرة بارده خاليه من الدموع وتجاوزته طالعه من الجناح شافت جهير واقفه عند الباب وحاط كفوفها على فمها بندم مهره ناظرتها باحتقار وستفزاز وطلعت لجناحها ….
فهد يطالع با ماهر اللي قامت ولحقت بنتها بصمت هتف بصوت رايح مختنق وهو يكح / كح احم ابي مويا
الجدة صيته هزت راسها بتفهم وهي راحمته وتشوف جبينه كيف امتلى بالعرق لفت لثلاجه الصغيرة اللي بزاوية جناحها فتحتها وخذت علبة مويا وتقدمت مدتها لفهد اخذها منها فتحها وشربها دفعه وحده يحاول يطفى شي من اللي داخله رمى العلبه بالارض بقوه تحت انظار جدته اللي تبكي بخفوت وهي تعلم شدة قهره وندمه على مهره لذالك هتفت له
بتهدئه مم بين ادموعها / استعذ بالله من الشيطان
فهد استعاذ بالله من الشيطان ولف لها بنبرة ميته خاليه من الحياة/ لا تطلع من البيت عقليها
الجدة صيته تهز راسها برضا/ بحاول فيها
فهد ذات النبرة بس فيها اصرار /ماهو محاوله لا تطلع وبس
الجدة صيته تنهدت بتعب وعتاب / ليش تسوي كذا ليتك ضربتها بس ماطلقتها ؟
فهد اتجهه الباب من غير رد شاف جهير بوجهه
صد عنها وطلع وهي رجعت غرفتها وهي ترجف (يويلي انا وش سويت الحين يحطون الحره فيني )
دخلت عليها الجدة صيته وهي وقفت /انا اسفه يا ام عقاب والله مادريت بيصير كذا
الجدة صيته بحزم / اسمعي يا جهير انا ماني بجايه ادور عذرك ولا بعاتبك لا انا جايه احذرك والله لو طلع الكلام اللي صار من فمك لاي مخلوق كان اني لاطلعك من الديرة كلها ودوري لك ديرة تضفك
جهيرك انتفضت بخوف / افا يا ام عقاب والله مايطلع وان طلع شقي حلقي
الجدة صيته بذات الحزم / وفاطمه وبناتها يويليك يدرن قد اعذر من انذر
جهير تجهز راسها/ ابشري
الجدة صيته تتجه الباب / وانتي امسكي ارضك وجلسي ترا ماحد فاضي لك انتي وخوانك
_______________________________
مازن كان يسوق سيارته و دق جواله شافه يضوي باسم صقر رد عليه بترحيب / حي الله ابو مطلق ارحب
صقر بحزم مخلوط بغضب/ اسمع يا مازن لا تحسب اني لا صرت بعيد عن ملاك مادري عنها عشان تاكل بلحمها انت ولا غيرك ولا تحسب ان مالها سند بعد طالب انا سندها وانا ضلعها لو كل واحد منا بديره
مازن رد بتوتر / منو قالك انت فاهم الموضوع غلط؟؟؟
صقو بمقاطعه غاضبه / مابيك تفهمني انا اللي بفهمك ان البيت بيت ابوها مثل مالك نصيب لها هي واخوتها فيه خل عنك التهديد ترميها بشارع لرمي لحمك انت للكلاب
مازن سكت بخوف وصقر كمل كلامه / احد طلب منك فزعه انت ولا وفا تدخلون بينا بي حق انا لابغيت ارجعها ارجعها بطريقتي ماني محتاج فزعتكم
مازن تنهد بضيقه /عمي كلمها وهي رفضت لا ترجع وفا زعلت وراحت بيتكم انا وش بيدي يا خوك ؟
صقر رد بحده / وفا بترجع غصبن عليها وانت والله وبمان الله لو ما تعقل وتصير رجال لا عقلك بطريقتي
مازن رد بهدو وهو يصفط سيارته عند البيت / تامر بس فهم وفا مالي قدره فيها
صقر بذات الحده / تروح لختك الحين وتعذر منها وحفظ لسانك عنها ترا ماهي ناقصه تعب
مازن تنهد بغصه / ابشر والله انها حزت شيطان جت بينا وهي تحدى ماتاخذ الامور بساطه ياخوك بس تعاندنا
صقر ارتخت اعصابه ورسمت على شفايفه نص ابتسامه من ذكرى الصغيرة العنيده مازن بندا /انت معي؟
صقر انتبه على نفسه و تنحنح / احم اي معك طيب عارف طبعها الله خلقها كذا ماتعيش بدون عناد تطق وتموت
مازن ضحك / انشهد وبتجيب الحين بزرن مثلها عنيد
صقر تغيرت ملامحه فجئه وكن شي كتم على صدره من طاري الطفل / يلا مع السلامه
مازن انهى الاتصال و دخل البيت شاف امه وخواته جالسات على سفرة الغدا هتف لهم بحرج / اتغدا معكم ؟؟
ملاك و نهيل تبادلو النظرات وهم فاهماته صح
وحصه استغربت منه بس ردت بحنيه / اي حياك الله
مازن جلس وعيونه بملاك مد يده اكل له لقمتين وهو يهتف بخرج اعمق/ انا اعتذر منكم على اللي صار
حصه بموده / ماحصل الا الخير اهم شي جيت وعترفت بخطاك
مازن تنهد بذات الحرج / اي والله اني اخطيت كثير وبذات معك يا ملاك
نهيل بتوجس / مرتك رجعت عشانك جاي تعتذر؟؟
مازن بعفويه/ بترجع شوي بس ماهو عشانها والله
ملاك تاكل برود /عشان صقر كلمك
مازن سال بصدمه/ انتي اللي مكلمته ؟!
ملاك ترد بذات البرود / اي انا لايكون حرام اكلمه وانا مدري؟
مازن وقف بقهر/ انا قلت اكيد امه ولا خواته طلعتي انتي و متواصله معه وتقولين ماني راجعه تلعبين علينا؟
ملاك توقف هي بعد / والله زوجي وبالحلال اتوصل معه اقطعه كيفنا انت خلك بمرتك اللي كنت بتطرد اختك بشارع عشانها
مازن يطالعها وهي رايحه المغسله لف لامه/ بنتك وش وضعها؟
نهيل عطته نظره وصدت /….
حصه باستغراب/ يومه صحيح هي مكلمه صقر ؟
امل مشوشه/ توها تقوله ملاك ماتكذب
مازن تنهد بضيقه / كذا عاجبك سواتها فيني؟
نهيل توقف/ مثل سواتك فينا تبدي مرتك علينا
و تمسك خواتك فم الباب
مازن بغبنه / صقر كرهني من كثر شكاوي ملاك علي
نهيل بحزم / من عمايلك انت وسلوقتك
امل انفجرت بضحك من كلمة امها مازن طارت عيونه /سلوقتي منهي ؟
نهيل ترفع كتوفها بجمود/وفا ليش عندك سلق غيرها؟
حصه وامل /ههههه
مازن زعل وطلع مع الباب /…
نهيل بزفرة / قلعتك تستاهل
حصه بتسال / يومه ملاك متى كلمة صقر وش قالت له بضبط ؟
نهيل تجلس بتافف/ ماكنت عندها كلمته لحالها وتقول انه واعدها ان مايجربها على الرجعه لا هو ولاغيرة
حصه تبتسم / والله انه يحبها بس هي مادري متى تفهم
نهيل تهمس لها / حتى هي وكاد تحبه بس تكابر
حصه باستغراب / ليش ؟
نهيل بحرقه / يوم سافر شين الحلايا جيت وهي تبكي تقول ابعد عني وخلاني
امل بصدمه / امانه يومه انك صادقه؟'
حصه بذات الصدمه/ معقوله؟
نهيل بخفوت / يويلكم تدري اني قلت لكم اقطع ذنيكن
___________________________________
كانت مهره جالسه على اريكة جناحها بجمود غير طبيعي ماهي قادر تستوعب اللي صار فهد طلقها خلاص صار مايحل لها ماعاد تنام بحضنه ماعاد تنفس انفاسه انتهت قصت حياتهم وهاذي هي النهايه ؟..
حاسه بشعور الفقد و الغربه بشعور الرخص والضعف
بس ماتدري ليش تلبسها شعور اخر اللي هو التحرر تحسها كانت بقفص والحين اطلق سراحها معقوله ماعاد له امر عليها تطلع ترجع ماحد يردها تكلم جوال تفعل تدرس كل شي ماله احد حكم عليها هي حره معقوله ؟…
ام ماهر جلست جوارها ومسحت على ظهرها / يامك كل شي يتصلح لا تضايقين
مهره لفت لامها بذهول / الحين صرت حره يومه صح ؟
ام ماهر دمعت عينها / يامك والله انه ندم ماشفتي وجهه كيف انقلب اسود
مهره وقفت بحده وستفزاز / انتظريني بلم اغراضي وروح معك
ام ماهر وقفت بصدمه / يامك كبري عقلك ان رحتي انتي اللي بتخسرين ماهو هو
مهره بعناد دخلت غرفة الملابس و طلعت الشنطه من فوق الكبت بعد ماصعدت على كرسي التواليت وتلم ملابسها كامله ام ماهر لحقتها وعيونها
طايره / يامك تعوذي من الشيطان
مهره ماترد وهي تحط ملابسها بشنطه /….
دخلت الجدة صيته و انتفضت بصدمه وهي تقترب لها بتسال حازم / وش تسوين يا بنت؟!
مهره لارد مستمره بتضبيب اغراضها/…
الجدة صيته تسال ام ماهر برتباك / بنتك انهبلت ماتعقلينها ؟
ام ماهر بقلة حيله / ازريت عنها
الجدة صيته تمسك يد مهره / اعقلي تعوذي من الشيطان هو قال للي لا تطلع ناوي يرجعك
ام ماهر ببتسامه / الله كريم الله كريم
مهره بحزم / ومن قال برجع له بيت ضمني وانا صغيرة ماهو عاجز عني وانا كبيرة
الجدة صيته بقهر / ماهو بكيفك تطلعين اخطيتي وهو اخطا صلحو خطاكم ورجعو لبعضكم
مهره باصرار / والله ماجلس عنده لو تخيطون يدي بيده
الجدة صيته برجا/ يامك تكفين ارحميه لا تذبحينه من الحسره
مهره افجرت كل الكتمان اللي بصدرها وهي تبكي بشده/ وهو ليش مارحمني و البارح يقوله للي روحي بيت امك سكت وتحملت واليوم رماني بطلاقه عشان وحده ماتسوى والله ماجلس عنده لو شفته بفراش الموت مارحمته
الجدة صيته بمحاوله حزينه / والله لاخليه يرضيك باللي تبين طالبتك ياجدتك لا تردين طلبتي
مهره مسكت كفوف جدتها / وانا داخله الله ثم عليك كانكم تحفظون الداخله صحيح يا اهل العقاب تحرروني ابي اتنفس خلاص
الجدة صيته ضمتها وبكت معها/ كيفك يامك كيفك سوي اللي تبينه
ام ماهر تنهدت بوجع / من بيودينا للبيت؟
مهره تمسح دموعها / راجو
الجدة صيته بتوتر/ لا ادق على محمد يوديكم اهون من راجو
مهره بوجع / ماله شور علي الحين شوره على نفسه
الجدة صيته بخفوت/ راجو يعلمه والله ماتطلعين مع الباب ليجينا هاجم ولدي وعرفه
ام ماهر تايدها/صادقه
الجدة صيته تطلع جوالها من مخباتها /بكلم محمد
و ماني مطريه له الطلاق ولا احد يدري بذات فاطمه وبناتها
ام ماهر بهم /تعلمهن جهير
الجدة صيته بثقه / لا جهير عندي ماتفتح فمها بحرف
مهره تلبس عباتها وهي تنهى النقاش / لو مادرو اليوم بيدرون بكرا خليه ياخذ اللي يبي
الجدة صيته وام ماهر تبادلو النظرات بصمت/..
مهره سحبت شنطتها وطلعت لغرفة النوم وعيونها
تودع مكان جمعها بفهد من اول ليلة زواجهم لاخر ليلة فراقهم ياما انضربت بهالمكان و تكسرت فيه وياما انهانت و نذلت فيه وتعلمت منه القوه والصبر .. وبنفس الوقت انحبت وحبت و تعلمت فيه اشياء تجهلها مثل الحضن والدفئ و الجرائه …
سحبت لها نفس عميق وهي تشعر ملوحة دموعها اللي نزلت من غير شعور لفت لامها وجدتها اللي يتفرجن بصمت وما عندهن امكانيه لقناعها بتغير رايها هي مصره بصرار قوي ..
دقت الجدة على محمد جا وسالها وش صار قالت له مشكله بسيطه مثل كل مره وهو اقتنع لانه عارف فهد وعارف دمه الحار خذ مهره وامها وصلهن للبيت ومشى
الساعه 11 ليلاً..
عند فهد اللي اقبل عليه اليل وهو مازال على حالته من طلع من البيت وقف بسيارته بصحرا رمى شماغه وعقاله جواره ونزل المرتبه وتمدد يتذكر الاحداث ماهو مصدق لاحد الان انه طلقها في انسان متعافي ينزع عافيته ويرميها هذ هو حاس انه عايش بدون روح كيف بينام قبل مايطمن انها نايمه بجواره يشم ريحتها يسمع انفاسها يحس بتحركاتها وتقلبات بنوم صارت محرمه عليه طلعت من سجنه وهو مازال مسجون بحبها اللي مايقدر يبوح فيه لا لها ولا لغيرها من شدت المكابره خذها الله ،،
فهد عدل المرتبه و عتدل جالس مسح شعره بكف يده لبس شماغه وعقاله نسفها عدل وهو مقرر يروح يصلح خطاه قبل يندم العمر كله حرك سيارته متجه للبيت وكل همه وتفكيرة بمهره يدري انها زعلانه ومن حقها تزعل يرخصها ويرخص عشرتها عشان دخيلة؟؟
لو اخطت يعاقبها بطريقته حتى لو ضربها لو كسرها اهون عليه من يحطمها كذا واللي مضايقه اكثر انه امس باليل قالها تروح بيت امها بعفويه كان يبي يعطيها قرصه لاكثر بس الحين وش يفهمها ان الامور تداخلت مع بعض غصبن عليه …
خذته الافكار ولا انتبه الا وهو واقف عند باب البيت طفى سيارته ونزل دخل الحوش ولاول مره يتردد من دخول بيته مايدري وين يروح جناحه ولا تكون مهره فيه ولا يدخل داخل وتكون فيه وقف بحيره اخر شي قرر يروح لداخل على الاقل جدته موجودة وقف على الباب ونادا بتنحنح رجولي / احم احم ياولد
جاه صوت جدته الضعيف من بعيد عرف انها بجناحها/ تعال ماقدامك احد
عقد حواجبه (معقوله تكون مهره بجناحي ؟) دخل شاف جدته جالسه بجناحها بروحها وتسبح بسبحتها انحنى وحب على راسها / مساك خير
الجدة صيته ردت بتعب / مساك رضا
فهد جلس جوارها وسالها بهتمام/ شفي صوتك تعبانه ؟!
الجدة صيته دمعت عيونها/ لا والله بس متضايقه
فهد سحب له نفس وهو يرفع كف جدته ويحبها / لا تضايقن بكرا الصباح ادفع كفاره ورجعها لذمتي
الجدة صيته حطت عينها بعينه / مهره راحت مع امها
فهد انتفض واقف/ انتي وش تقولين كيف تطلع وانا معلمك ؟؟
الجدة صيته وقفت هي بعد / يامك ازرينا عنها انا وامها عنيده ركبت راسها
فهد كان ناوي يطلع مايشوف الدرب وقفته يد جدته اللي شدت على ذراعه / انت انجنيت وين بتروح بهاليل
فهد بحزم/ بروح اجيبها
الجدة صيته اندهشت / البنت ماتحل لك لا تروح تفضح نفسك وتفضحها خل لين تهدا وترجع وتفاهمون بينكم
فهد حمر وجهه بقهر / ليش مامسكتيها حلفتي عليها
الجدة صيته بقلة حيله / والله انها دخلت علي دخيله تقول كانو تحفظون دخلاكم صحيح حرروني
فهد تصلب من قو الكلمه تبي تحرر منه وبتفكيرها ان الدخيلة اهم من راعيت البيت عندهم تنهد بتعب / لا حول ولاقوة الا بالله
الجدة صيته تشد ذراعه/ يامك خلها لين تهدا وانا ارجعها لك بنفسي البنت مغبونه بالحيل
فهد سال بحزم / من وداهم بيتهم؟
الجدة صيته ردت بهدو / محمد بس ماعلم عن شي ولا ابي احد يدري عشان ماينكسر خاطرها
فهد هز راسه بتفهم/ زين تسوين المهم وبنت سعيد لايكون راحت بعد ؟
الجدة صيته تهز راسها بنفي/ لا بجناحها وعلمتها ماتفتح حلقها اشقه لها
فهد طارت عيونه/ يومه المره عندنا ضيفه وش هالكلام؟؟
الجدة صيته بزعل /هي السبب باللي صار رايحه تشكى لك وانا معلمتها تسكر فمها
فهد زفر بضيقه / الخطا خطا بنت اخوك اللي تذل الفقيرة على القمه وكانه من حلالها
الجدة صيته بحميه / من حر مابجوفها ماتنلام ومقديتن فيها خل مهره توقفهن عند حدهن
فهد هز راسا باسا/ انتي بدال ماتعقلينها تزيدينها خبال
الجدة صيته تجلس / الضعف ماينفع خلها تقوا وتاخذ حقها
فهد تنهد و نار شابه بجوفه /تصبحين على خير
دخل جناحه وهو كارهن يدخله بس مضطر نزل شماغه على الاريكه وعيونه تجول الاماكن وهو يشعر بالفقد الحقيقي طاح نظره على التواليت اللي خلالي من اغراضها النسائيه كامله شعر برعشه مخيفه ويقترب بسرعه ويفتح الادرج شافها مفضيه اغراضها ماباقي الا اغراضه هو الرجاليه راح غرفة الملابس فتح كبتها خالي من اي لبس يخصها ضرب باب الكبت بكف يده ( هاذي لايكون مفكره انها خلاص ماعاد ترجع ؟.)
رجع لغرفة النوم طاح على السرير حتى مانزل ثوبه
وهو موجوع بالحيل وحاس بالام بوسط صدره وكل همه ( كيف بشوفها وتفاهم معها يخوفي لو عاندت وصرت على رايها مالي كلمه عليها لا ماهو بكيفها ترجع غصبن عليها هي ملكي مستحيل تصير لغيري؟)
من جا باله ان تكون لغيرة او ممكن يملكها رجال ثاني قفز جالس ونفاسه بدت تضيق وهو يتخيل رجل غريب يمسك يدها يبوس خدها يحضنها وهي تسوي له حركاتها الجريئه المثيره تدلع عليه تبكي على صدره ..
جنت جنون فهد وقام يمشي بالجناح مثل الملدوغ من هالرجل المجهول (مستحيل تصير له هي للي وملكي والله لترجع للي حيه ولا ميته )
طاري الموت ذكره بخبر وفاة عقاب وهو كان عمره صغير مات بالجهاد بحدود الوطن وبنفس السنه ماتت نوره بمرض الخبيث وتيتم من الثنين ..فقدان الوالدين كان اقسى شعور بالحياة هذاك الشعور بنواعه وشكاله ماكان يبكي يكتم حتى تضخم الهم بصدره واصبح قاسي ولا يرحم ،،
ياوجودي وجد ضيفن على الدنيا يتيم …
مات ابوه وماتت امه بسن انشايته…
لاتذكر كلمت امه سرا اليل العتيم …
يوم قالت يا هو القلب وانت امنايته ..
وان سمع كلمت يوبه ون بضلوعه الحطيم..
_____________________________
مهره متمدده على سريرها تفكر ودموعها تنزل بغرازه مازالت مصدومه وعاجزه عن التفهم واللي يتكرر براسها كلمه وحده فقط( انتي طالق).. (رخصني عشان بنت غريبه وين العشق يا فهد والوفا كنت تحضني بين ضلوعك و تغرقني بوساتك الدافيه وهمسك الشجن كل هذا تبخر عشان غلطه بسيطه هانت عليك مهره اللي حبتك من اعماق اعماق قلبها قدمتك حتى على روحها اه يا فهد ليت القلب ينباع وبيعه مادري تصرفك هذا زله ولا وراك نيه تبي تزوجها ولا تزوج شوق ورميتني بارخص من الرخص ؟؟)
مهره دفنت راسها وصوت بكاها زاد دخلت عليها
ام ماهر جلست بجوارها مسحت على شعرها
با امومه / لا تضايقين يمكن هاذي خيرة لك يامك انتي صبرتي عليه كثير وهو رجالن ماله طب الله يرزقك بارحم منه
مهره رفعت راسها وعيونها الدامعه طايرة / يومه انتي وش تقولين انا اتزوج غير فهد؟
ام ماهر بثقه/ اي وش فيها اجل تجلسين على طيفه لين تموتين خلاص اذا هو باعك تلقين اللي يشريك
جمال وكمال
مهره تاشر لها تسكت وهي تشعر بغصه /يومه تكفين اسكتي
ام ماهر تنهدت باستسلام / طيب يامك بس لا تضايقين نفسك
مهره بكت بحرقه وهي شاده على عضدها اللي طق بين يديه تحس بالم غير طبيعي / يومه والله ماني مستوعبه فهد طلقتي انا لا لا يمكن سمعت غلط انتي سمعتيه قال انتي طالق صح؟
ام ماهر انتفضت برعب / يامك انتي وش تقولين وش تخبصين ؟
مهره تهز راسها بنفي / ماقدر اعيش بدون مابي شي مابي جوال مابي سوق مابي عيال ابي بس فهد يومه بس فهد
ام ماهر ضمتها بقوه / استهدي بالله
مهره تبكي بنحيب عالي / رخصني عشانها عشان وحده غريبه مايحبني ماحيبني اللي يحب مايبيع طلقني صح طلقني
ام ماهر شدت احتضانها وهي تبكي بصمت/…
مهره تكمل بذات النحيب / هو قاله للي باليل روحي بيت امك كان ناوي يطلق من اول اكرهه اكرهه اكرهه
ام ماهر تحضنها / يامك اذكري الله قولي لاله الا الله
مهره صرخت / اكرهك يا فهد ياولد عقاب اكرهك
ماهر دخل مرتاع/مهره شفيها ؟؟
ام ماهر تضمها /مهره هدي هدي
مهره اكتمت كثير وهذا وقت انفجارها/ قهرني كسرني طلقني فهد يا ماهر طلق اختك باعها
ماهر طارت عيونه/ يومه صحيح طلقها ؟؟
ام ماهر تهز راسها من بين دموعها/ اي يامك
ماهر بقهر / وليش وش سوت بعد ماكسف فيها رماها
مهره تبكي / كسر يدي وراسي والحين قلبي قلبي الله يكسر قلبه ويكسر راسه
ام ماهر انتفضت/استغفري ربك عشان جدتك ماهو عشانه
مهره ارتخت بتعب / استغفرالله
ماهر اقترب لها /مهره ياخوك خيره لك تحررتي منه ماله كلمه عليك ارجعي ادرسي وخلي يذلف
مهره تهز راسها بصمت وهي تمدد بذات التعب / …
ام ماهر تهمس لماهر/ اص خلها تنام
ماهر هز راسه بصمت/…
_______________________________
بدبي ….
صقر جالس بالفندق اللي يسكن فيه وكل تفكيرة فيها
و بصوتها الخجول و بنبرتها الموجعه.. مهمها هربت منه مالها امان غير امانه هو متاكد من الشي هذا واكبر دليل اللي صار اليوم دقت تشكي له وتستفزعه بصوت ضعيف حتى ولو تصنعت فيه القوه ليش يكسرها
و يفهمها انه مجرم وقاتل حتى نحشها منه وبتبقى طول العمر خايفه و لا راح تفهمه الا اذا شافت جنينها مريض او مشوه بتعرف ان صقر كان خايف عليها قبل يكون خايف على نفسه بس هو السبب بكل شي ظلمها وظلم نفسه بسكوته وكتمانه عن شي مهم؟؟…
ارخى راسه على مخدته وكل عرق من عروقه ينبض بحبها يبي يحضنها حضن ساعه بس لاكثر يبي يبوسها ويشبع الفراغ اللي هو فيه يعترف لنفسه ولها ولناس جميعاً انه يحبها حب مامر على كل البشر و يعرف
ان الحب بلوه و بعض النساء حبهن قاتل خايف على نفسه يموت بسبتها وتناقل المقايل عنه ..صقر ولد مطلق مات من حر ملاك بنت عمه وعيباه ؟..
ابتسم صقر من افكاره وهو يهتف بولع (حتى الموت اللي يجي من وراها عسل على قلبي) مد يده اخذ جواله بلهفه لعل وعسى تكون مابلكته راضي
لو بصوتها بس يرد له الروح …ضغط على رقمها ورن اعتدل جالس بصدمه (ما في بلوك) رنتين ثالث ينتظرها ترد على نار والصبر عنده نفذ نفذ وقام يدور بالجناح مثل الضايع وجواله عند اذنه ينتظر ردها ….
عند ملاك كانت غاطه بنوم العميق اهتز جوالها على الطاوله المجاورها لها وهو يضي بنور الابيض بظلام
اهتز للمره الثانيه امل صحت وهي تهتف بحه / ملاك ملاككوووه
ملاك تفتح عينها / هممم شفيك ؟
امل بحده /جوالك ترا ازعجنا ردي عليه ولا قفليه وريحينا
ملاك لفت للجوالها باستغراب شافته ياشر رفعته وعتدلت جالسه بدهشه ( وش يبي داق هالحزه لايكون في شي لالا ان شاءالله بطنشه ونام ) كانت بتقفل الجوال بس عاد الاتصال هنيه هي وسوست وعينها تروح لامل اللي نايمه بسبات تنهدت ترد ولالا اذا ردت مارح تسلم منه وان ماردت وصار في شي راح تموت بحسرتها بالاخير قررت تطبع له رساله وتفهم وش يبي هالحزه داق ؟….
رسالة ملاك /صقر صاير معك شي داق هالحزه ؟
جاها رد صقر / ملاك يعني مادق الا وصاير شي بعدين ردي وسالي ماهو برسايل بدق ردي
ملاك كانت تكتب ودق عطته مشغول ورجعت تكتب له /اول شي ماقدر ارد امل عندي نايمه وانا بعد كنت نايمه ثاني شي لو كنا بنهار وصاحيه ولا عندي احد ماراح ارد اقتنع
جاها رد صقر / والله اني عاجز عن النوم ابي بس تصبيره منك صوتك ارحمني ترا الحب بالوه اذا ماتعرفينه؟
ملاك ابتسمت وهي تطلع رساله./لا للاسف ماجربته انا مرتاحه كذا بلا حب بلا خرابيط
صقر ارسل لها /احسدك على قلبك ليت الله يغير بين قلوبنا عشان ارتاح وانتي تشقين
ملاك تنهدت وهي تطبع رساله/ خل قلبك لك انا ابي قلبي ومستحيل اعطيه احد الا واحد فقط
صقر رد بسرعه / مين قولي؟؟؟
ملاك ضحكت وهي تطبع رساله / ولدي اللي بين احشائي
صقر ارسل /احبك واحب ولدك وحب كل شي فيك اه ليتك بحضني بضمك بقوووه وجنون
ملاك طبعت رساله / تبي تضمني وتذبح ولدي؟
عند صقر انفجر ضحك من رسالتها وهو مروق على الاخر انها اعطه وجه وتجاوبت معه / لا طبعاً بذبحك انتي بنتفك بسناني بحلل المهر اللي دفعته فيك
ملاك طارت عيونها / مهرك حللته وانتهيت والحين مالك عندي شي
صقر رد / انا مستعد ارضيك بالي تبين بس ارجعي لحضني وربي متقطع من الشوق ارحميني
ملاك ترد/ صقر صحيتني من عز نومي ممكن لا ترسل بنام؟
صقر رد بسرعه /لا طبعاً ماتنامين وانا كيف بنام ؟
ملاك تنهدت /صقر ترا برجع البلوك
صقر /ملاك برسل لك شي انتظري
ملاك انتظرت وهي تافف بنعاس جتها رساله منه فتحتها وهي تقطب جبينها ..كانت صورته متمدد ولابس شورت رصاصي من غير تشيرت وشعره مرفوع على فوق وذقنه محدد بترتيب ويرمي لها بوسه بصوره
ماتدري ليش حست بشعور غريب يقتحمها ودها تبوسه قربت الجوال لشفايفها ومسرع ما تراجعت
(انا اكيد انجنيت هذا صقر يا ملاك اصحي شوفيه عدل ) رجعت تطالع فيه وقلبها يدق من الهفه تبي بس تبوسه (يابنت يمكن ولدك يبي يبوس ابوه خلي يرتاح )
قربت الجوال وباسته بقوه ونزلته على قلبها اللي يضرب طبول حتى اخر رساله منه ما فتحتها
كانت من صقر /ملاكي وين رحتي للحين تمقلين فيني ماودك تنامين على صدري ؟
ماردت ارسل لها رساله ثانيه /ابي صورتك عشان والله لادعي لك وجيب لك كرتون نوتلا
ملاك فتحت الرساله و انفجرت بضحك/ههههه
امل قامت مفزوعه/علامك انهبلتي ؟؟
ملاك تنحنح بحرج / احم لا بس كنت اتحلم
امل طارت عيونها/ تحلمين ؟
ملاك تغطي نفسها بالفراش / اي اتحلم انك دغدغيني وانا اضحك
امل ضحكت / والله انك خبله ونصابه بعد
ملاك تبتسم من تحت الغطا وهي تقرا رسالته الثانيه
من صقر / طالبك لا ترديني صوره بس والله مشتاق لشوفتك
ملاك ردت / تبطي عظم
جاها رده /اويل حالي انا وين اروح الحين ولعتي فيني
ملاك بغيظ / تصبح على خير
صقر بندا / ملاك طالبكً
ملاك حطت له بلوكً وهي تهتف لنفسها(يستاهل مزعج خلي يولي )
____________________________
يوم جديد ….
فهد طول اليله ماغمضت عينه ثانيه جالس مواصل من الهموم المتراكمه راح المسجد صلى الفجر ورجع ينتظر لين شروق الشمس لبس و طلع لحوش شاف فاطمه وجدته بالحوش تنهد بضيقه( هذا وقته )
اشر لهن بسلام من بعيد /صبح الخير
كان بيطلع بس وقفه صوت جدته / اصبر
وقف فهد وهو يشوفها تقوم بثقل وتركى على عصاتها
جته تمشي من اقتربت همست له/وين رايح؟
فهد سحب له نفس عميق/ لبيت ام ماهر
الجدة صيته بمحاوله / اتركها اليوم مايمديها هدت
فهد باصرار/ لا بروح وبحل المموضوع
الجدة صيته باستسلام / انتظرني بلبس عباتي وبجي معك
فهد يتجه الباب / انا بسيارة
فاطمه بتسال/ علامه ياعمه ومرته وينها من جيت ماشفتها هي عداها نايمه ؟
الجدة صيته بتافف/ لا ماهي نايمه بس عن امها تعيبانه
فاطمه وقفت بشعور فرحه/ ليش بيت امها متهاوشين
الجدة صيته تشطفها/ لا تاخريني بقرقرتك الرجال يحتريني
فاطمه تبتسم وهي تروح اشوق بالغرفه وتهتف لها بخفوت/ تدرين ان مهره بيت امها شكلها متهاوشه هي وفهد
شوق توقف بغرابه/ ليش وش صاير؟
فاطمه ترفع كتوفها / مادري بس وكاد شين كايد
شوق بهمس/ جهير تدري خلي نحقق معها هي اللي امس بالبيت ماطلعت
فاطمه تعقد حواجبها / حتى جهير ماطلعت من غرفتها غريبه
شوق تشد يد جدتها / تعالي نروح ننشدها
من طلعن الا جهير بوجهن طالعه من جناحها فاطمه تنادي عليها/ جهير صباح الخير عسى ماشر توك تصحين؟؟
جهير من غير نفس/الشر مايجيك تعبانه
فاطمه تقدم لها/ انتي امس بالبيت مارحتي مكان صح؟
جهير فهمت عليها وردت بهدو/ الا سيرت على خويتي الصباح ماجبت الا العصر
فاطمه تشكيك/ متاكده؟
جهير بزفرة / ليش قالو لك انقل عقلي بيدي عشان انسى وين كنت؟
شوق بتدخل / يوم رحتي مهره كانت هنيه؟
جهير ابتسمت عرفت نيتهن / مادري
فاطمه بحده /كيف ماتدرين هنيه ولالا ويوم جيتي كانت هنيه
جهير تتجه المطبخ / اخر مره شفتها هذيك اليله معكن
شوق بقهر/كذابه بس ماتبي تعلم
فاطمه / اذا الاخبار اليوم بفلوس بكرا بلاش
________________________
ام ماهر جالسه عند راس مهره و تكمدها بفوطه مبلوله عشان تنزل حرارتها كانت جايه بتصحيها لصلاة الفجر لقتها مولعه و تهذري ارتعبت عليها وهي تكمدها من الفجر لين الحين الساعه 8 الصباح ولا عندها احد يوديها المستشفى وماهر بالمدرسه وهي متردده تكلم الجدة صيته ولا لا وبالاخير قررت تشوف اذا ماتحسنت كلمتها
ام ماهر تطبطب على خدها/ يامك يا مهره اصحي انتي بخير
مهره بهذره/ انا بموت خلاص ذبحني مصع للي قلبي
ام ماهر بكت / انسيه الحين عليك بصحتك
مهره بهذره مستمره / طلقني صرت ماشوفه لازم اتغطى عنه
ام ماهر تبل الفوطه بزيادة من الماعون اللي عندها وهي تسمع بنتها بصمت/…
مهره تكمل / مايحبني ولا عمره قال لي احبك بس انا متاكده كان يدوخ معي مدري كيف تجي؟
ام ماهر تسمع صوت الباب يطق قامت/يالله بالفرج
فتحت الباب الا الجدة صيته واقفه /صباح الخير
ام ماهر شدت كفها وهي تبكي / انتي دايم فرج بوجهنا الحقي علينا
الجدة صيته بتسال وخوف / وش فيكم وش صاير مهره فيها شي؟؟
ام ماهر تبكي /بتموت من الحراره والقهر
الجدة صيته تلف تطالع بفهد اللي جالس بسياره يكلم بجواله وخلاها تنزل هي اول لين يخلص مكالمه عمل مهم ام ماهر برجا/ طالبتك يا ام عقاب بنتي يتروح من يدي
الجدة صيته ترد وهي ترجف / لا تشيلين هم الحين اخلي المتسبب فيها هذا يجيب لها دكتوره
ام ماهر تاشر براسها /بروح اشوفها وكمدها وانتي كلميه
الجدة صيته تقدمت الفهد وطقت القزازة بقوه
فهد كان منسجم مع المكالمه انتفض من طق القزاز وهو عاقد حواجبه فتها وهو شر بيده بتسال وش صاير
والجدة صيته هتفت بحده / رح جيب دكتور بسرعه البنت بتموت من تحت راسك
فهد انهى الاتصال برعب / ابو رماح اكلمك بعدين مشغول
من سكر الجوال سال جدته بخوف /شفيها ؟؟
الجدة صيته بالمً/ تقول امها بتطق من القهر والحرارها الحقها
فهد هز راسه وهو يتقطع من تانيب الضمير/طيب بروح اجيب الدكتوره انتي روحي عندها
راح فهد وجاب الدكتورة معه نزل ولقى الباب مفتوح نادا بصوت ثقيل / احم ام عقاب
جت الجدة صيته وهي تشوف الدكتورة واقفه وراه ومعها شنطتها الطبيه/ تعالي يامك اسرعي بنتي تعبانه
الدكتوره راحت وراها متوجهه لغرفة مهره وفهد بقى واقف بنص الحوش وهو مشتحن من نفسه
(كذا عاجبتك سواتك الحين حرمتها على نفسك ماقدر حتى ادخل اتطمن عليها يارب الصبر )
عند مهره الدكتوره قاست حرارتها وهي تنتفض برعب / الحراره فوق الاربعين ربنا ستر عليها ولا كان توئف الدماغ عندها
الجدة صيته صامته برعب /…
ام ماهر تبكي/ دكتورة تكفين نزلي حرارتها
الدكتوره تشتغل بالابره / اي اكيد راح احقنها خافظ حراره ابرتين
مهره فتحت عيونها من الالم غز الابره على عضدها وهي ترجع للهذيان / عشان الغريبه تخلا عني اكرهه الخاين
الجدة صيته بدموع / ماعليك فيه وفيها اهم شي صحتك يامك
الدكتوره قطبت / شو قاعده تحكي هي ماتسمعك هذي من تاثير الحراره بتهذري
مهره تكح /كح كح هين راح اقهره وتزوج غيرة
الجدة صيته انتفضت وهي تلفت لباب يهيئ لها ان فهد وراها ويسمع / اص اص ماهو وقت الكلام ارتاحي
مهره مستمره/ كح البس فستان ابيض لعرسي وهو يكفنونه بالابيض بوفاته
الجدة صيته هالمره انتفضت بشد/ لا لا اتفلي من ثمك
مهره مازالت على الحال/ يصير ليلة زفافي بليلة عزاه
ام ماهر شدت كف الجدة صبته/البنت تهذي خليك منها
الحدة صيته بكت بحرقه وطاري الموت اثر فيها وعيونها على مهره اللي ارجعت ونامت /..
الدكتوره تشيل اغراضها استعداد للخروج / ان شاءالله حرارتها راح تنزل وترجع طيبه استاذنكم
ام ماهر مشت وراها / الله يطمنك
فهد كان طول الدقايق رايح جاي ممتر الحوش بطوله وعرضه ونضج من الشمس فوق راسه و التفكير والانتضار شاف ام ماهر والدكتوره طالعات من الغرفه تقدم بهتمام حقيقي/ هاه دكتورة شلونها؟
الدكتوره بتجواب / كانت حرارتها فوق الاربعين عطيها ابرتين حافظه وان شاءالله بتتحسن
فهد لاف لام ماهر بحزم/ كيف صار معها كذا؟
ام ماهر بالم/ من امس وهي بس تبكي وتشتم ونامت على هالاحال جيت بصحيها لصلاة تاخرت عليها لقيتها مولعه وتهذي كمدتها انتظر اخوها يجي من المدرسه
فهد بعتاب حازم/ وحنا وين رحنا و اخوها اصلاً وش بيده يسوي ؟
ام ماهر بتردد/ يروح بكلم عيال عمه يجيبون الدكتورة
فهد انتفض بشده غاضبه/ تبين عيال عمها يتدخلون فيها والله لو صار كان ذبحتهم وذبحتها هي وراهم
ام ماهر تبي تبرد قلب بنتها/ يامك ماعادت هي على ذمتك وعيال عمها اقرب لها منك
فهد طارت عيونه وجسمه انتفض وهو يحاول يسيطر على اعصابه/ اذا انتي وبنتك بنات رجال كلمي بزر واحد من بزران عمها وشوفي اللي ماهو اقرب لها وش راح يسوي فيكم
لف لدكتورة اللي تسمع بصمت وهو يردف/ يلا اوصلك
الدكتورة هزت راسها / يلا
ام ماهر يوم شافته طلع خفتت لنفسها (تستاهل ذق ماذاقت بنتي )
صحت مهره من بعد مانزلت حرارتها وهي تهتف برهاق/ابي مويا
ام ماهر وقفت بسرعه/ ابشري يامك بروح اجيب لك
الجدة صيته اقتربت منها وهي تلمس جبينها/شلونك يامك ؟
مهره تهز راسها وفمها جاف /طيبه
الجدة صيته نزلت عينها ماتقوى تشوف ضعف امانتها/..
مهره شدت كف جدتها/ لا تضايقين انا بخير
الجدة صيته نزلت دمعتها/ يامك والله ان ماقد شفت فهد كارهن نفسه وندمان كثر هالمره
مهره باسا / الندم مايفيد هو اللي قرر يتحمل قراره
الجدة صيته شدت كفها / انتي ارتاحي الحين وبعدين نتكلم براحتنا
مهره بحزم / يا جدة مافي شي نتكلم فيه النصيب بينا انقطع خلاص
الجدة صيته بضيقه وهم / يجيب الله خير
__________________________
-/البارت المئه وثنين/-
رواية ريح المطر (للكاتبة شغف
ادعو لوالدي برحمة والمغفرة..
لبيه ياريح المطر والسما غيم..
ولبيه ياصوت المطر بعد غيبه ..
صقر توه يصحى من عقب نومة طويلة من كثر تقلب البارح مسك الجوال شاف الساعة صارت ثلاث العصر تنهدت بزفرة (اوف تو أصحى كله منها لاهي اللي مريحتني بعدها ولا بقربها)
قام اغتسل و توضى وصلا بعده لبس واتجه لمكان عمله وهو بطريق رن جواله وكان المتصل مازن رد عليه بتحكم/ هلا مازن
مازن بصوت مهموم/ شلونك يابو مطلق
صقر رد بذات التحكم/ طيب طاب حالك
مازن يدخل بالموضوع / صقر انت ماكلمت وفا صح جيت برجعها ومعنده مصره على رايها ترجع ملاك ولا مارجع
صقر تنهد بزفرة/ نسيتها من كثر الاشغال اللي عندي خلاص يا مازن الحين اكلمها وبعد ساعه تروح وتاخذها
مازن ابتسم / الله يطول لنا بعمرك
صقر بحزم / بس اعيد وزيد عليك ابعد انت وهي عن ملاك وخلكم بنفسكم
مازن بموده / تامر امر لا تشيل هم
صقر ينهى الاتصال/ يلا تبي شي؟؟
مازن بتردد/ احم والله مدري شقول لك بس
صقر فهمه لذالك رد بثقه/ كم تبي ؟
مازن بحرج / ذبحتني ياخوك اقصاد الجولات عجزت الحق وتقاعد ابوي الشهري بالقوه يغطي على البيت
صقر تنهد بوجع / لا تشيل هم وانا موجود بكرا الصبح خذ اوراقك وروح شركتي بكلم مدير التوظيف يدور لك عمل مناسب لشهادتك
مازن بفرحه /صدق يا صقر الله يرزقك يارب ويفرحك
صقر ابتسم / امين وراتبك تروح قسم الماليه و اطلب انت المبلغ المناسب لك
مازن بحرج / ماتقصر خيرك سابق
صقر بتسال/ الحين احول لك ثلاثة الاف تكفي؟
مازن طارت عيونه/ كثيره ياخوك انا كنت بس ابي 500
صقر ينهى الاتصال/ تستاهل ياولد عمي و يلا فمان الله
من سكر من مازن دق الاتصال بوفا رنتين وجاه صوتها المغرور / هلا وغلا صقر
صقر سال بحزم / انتي بيت عمي ولا بيتنا؟
وفا ردت بتوتر / عند امي وخواتي ليش؟
صقر بحزم/ وفا انا طلبت فزعتك عشان تدخلين حياتك بحياتي؟!
وفا صمتت /…
صقر بذات الحزم / ساعه معك تجهزين اغراضك وتذلفين مع رجلك
وفا بحه / هذا جزاي وانا فزعه لك
صقر بحده / قلت لك ماني بحاجة فزعه من احد وفا كبري عقلك وتركي حياة الناس عنك عليك بنفسك وبرجلك
وفا تنهدت / حاظر
صقر ينهى النقاش / ساعه ويجيك مازن مفهوم
وفا بتوجس/ هو اللي داق عليك
صقر بذكا/ اي عشان الوظيفه وسالته عنك
وفا بفرحه/وظيفه لمازن وين؟
صقر بهدو / عندي بالشركه ويباشر داومه منك بكرا
وفا تنحنح/كم راتبه ؟
صقر ابتسم / طمني ماهو اقل من خمسة الاف
وفا فرحه /الله لايحرمنا من وجودك وخيرك
صقر ينهى الاتصال وهو يهز راسه ببتسامه / امين يلا سلام
____________________________
كانت متمدده بصاله عند امها وخواتها بس عقلها ماهو معهم كل تفكيرها بصورته ماتدري هذا هرمون الحمل ضارب معها ولا هرمون المراهقه …
ملاك لفت لحصه وهي قطبه جبينها /تكلميني ؟
حصه تناظرها بنص عين / لا كنت اكلم الجدار اللي وراك
ملاك تبتسم / الله يقويك اجل استمري بسوالف معه
حصه تاخذ الخداديه الصغيره وترميها بخفيف / ام لسان ردك على طول جاهز
نهيل تنحرها / قولي ماشاءالله و لا عاد ترمين على اختك شي خطا
حصه طارت عيونها/ ماشاءالله على وشو هالسان اللي لو توزعه علينا كلنا كفانا وزاد؟
ملاك تعتدل جالسه وهي تضحك/ لو ماهلسان كان ماعشتو بطمائنان
حصه تميل بوزها / اتركينا من لسانك اللي يلوط اذانك المهم وش كنتي تفكرين فيه؟
ملاك تغيرت ملامحها من ذكر تفكيرها / مادري وبعدين انتي وش دخلك حتى مخي بتدخلين فيه؟
امل جت تمشي ومعها صينية القهوه والحلا/ المخ اللي مايمسي حتى باخر اليل لا وفوقه كركره ماحد ينام عندها
ملاك حمر وجها من نظرت نهيل المتساله/ تكركر باليل ؟
امل تحط الصينيه وتجلس/ اي ولا قلت وش يضحكك قالت تحلمت انك دغدغيني
ملاك انفجرت بضحك/ ههه جد صحيح هذا اللي صار
حصه بحسن نيه /حتى حلومك خبله مثلك
ملاك ترقص حواجبها بطفولة / على الاقل تسعدني وتضحكني ماهو مثل غيري حلومه تنكد عليه
و تبكيه؟
حصه تصب لها فنجال قهوه/ انتي من حملتي والله يا امرك غريب
نهيل بنغزى / كلها غريبه ماهو بس امرها ؟
ملاك طالعت امها وهي تبتسم/ بلا تنبش العلوم يا نهوله
نهيل بتسال/ وش يضحكك اجل تالي اليل
ملاك بمثيل /ذكرت علي سالفه بس بنتك هاذي لو تثاوبين صحت
امل تهز راسها بنفي/غلطانه انا نومي ثقيل بس عاد صوت ضحك قوي ومروق يصحيني
نهيل ترفع حاجبها / ضحك مروق بعد؟
ملاك صمتت وهي تصب لها فنجال تخفى توترها/..
انقذها دخول مازن المبتسم /سلام عليكم
الكل رد بهدو /عليكم السلام
نهيل بتقصد/من يوم سنك طلع اكيد ست الجمال راجعه
مازن مازال مبتسم بفرحه وماحد ينكد عليه لو قالو اللي يقولون / لا وفا مابعد رجعت بروح شوي وجيبها بس عندي لكم بشارة
حصه تمد له فنجال قهوه/ تقهو وشو البشاره ؟
مازن ياخذ الفنجال / توظفت
نهيل ابتسمت بحب صادق/ مبروك مشاءالله متى وين؟
خواته /مبروك مبروك
مازن اتسعت ابتسامته / عند صقر بشركه ولا فوق هذا قال حدد الراتب اللي انت تبي
نهيل ترفع حواحبها بتعجب/ غريبه وظفك ماعندك خبرة بمجال شغله ؟
مازن يرفع كتوفه / الله سخره
حصه بمحبه/ الله يجعلها فاتحت رزق لك يارب
امل بتسال / كم للي من اول راتب؟
مازن ابتسم / لكم عزيمه خاصه بشاليه
امل صفرت بفرحه / الله يفرحك يارب
مازن طالع ملاك اللي صامته بجمود / كانك مو فرحانه لاخوك؟
ملاك اشرت بنفي /لا ماهو كذا بالعكس الله يوفقك بس مستغربه ؟
مازن بتوجس/من وشو؟
ملاك تنهدت / مدام قادر يوظفك ليش ماوظفك من زمان وهو تو يتحرك ؟
نهيل تايدها/اي والله صادقه؟
مازن يرفع كتوفه / والله مادري؟
________________________________
الساعه 10 مساً
فهد وصل عند بيت ام ماهر وهو يدق على جدته رنتين وجاه ردها /هلا ابو عقاب
فهد بهتمام /شلونك شلون مهره ؟
الجدة صيته تنهدت/ كلما بخير يامك
فهد بحزم / انا برا افتحو الباب بنزل
الجدة صيته بخفوت / ماهو وقته خل نسري اليله ونجيهم بوقت ثاني
فهد برفض حازم /ماني رايح لين احل هالموضوع والحين افتحو الباب
الجدة صيته تنهدت من ر السماعه وعيونها على مهره اللي منزله راسها وتسمع بصمت لفت لام ماهر / فهد برا بيدخل
ام ماهر قامت / بروح افتح له وقلطه بدوانيه
الجدة صيته هتفت لمهره برجا خافت / يامك طالبتك عطيه فرصه لا تكسرين فيه
مهره ردت برود / يا جدة ماعندي فرص الله يرزقه بالاحسن مني
الجدة صيته انتفضت/ انتي صاحيه ؟
مهره تشعر بصداع/ تكفين ياجدة فكوني من هالطاري خلوني ارتاح
الجدة صيته تقوم / الحين وش يسكته
مهره صمتت وهي تشوف جدتها تطلع للحوش /..
دخل فهد الدوانيه وام ماهر وراه /حي الله ابو عقاب اقلط
فهد جلس /الله يبقيك وين جدتي؟
دخلت الجدة صيته/ هذا انا يامك جيت
فهد صمت ثواني لين جلست جدته / بدخل بالموضوع و ابيكم تسمعوني
ام ماهر بمقاطعه/اول اجيب القهوه والشاي يامك بعده نسمعك
فهد اشر لها تجلس/اجلسي يا ام ماهر مالي بالقهوه تسهرني
جلست ام ماهر بصمت/…
فهد سحب له نفس/ مهره اخطت بحقي وبحق نفسها
وانا تسرعت باللي صار واللي ابيه الحين ترجع ونتفاهم بينا
ام ماهر تنهدت بتعب / والله يابو عقاب لو علي كان قلت خذها زلت لسان و معفيه لا كن هي وش يقنعها
فهد رفع حاجبه / وش افهم من كلامك ؟
ام ماهر تاشر على الجدة الصامته/ ام عقاب من الظهر وهي تحن على راسها تبيها ترجع بس هي رافضه
فهد قفز واقف وهو مدهوش/ كيف يعني رافضه هو بكيفها؟
الجدة صيته وقفت هي بعد بثقل/ امس على ذكر ربك البنت ماطاب جرحها عشان نغصبها
فهد صر على اسنانه / اللي عندي كلمه وحده بكرا بروح ادفع كفاره واجي اخذها
الجدة صيته بحده / تبي ترجعها بالغصب يمكن تدفع كفاره ولا تقبل لان المره رافضه
فهد يحاول التماسك/ ترجع غصبن عليها
الجدة صيته بنفاذ صبر/ يافهد كبر عقلك البنت ماتحل لك عنيده ماتبي ترجع
فهد سحب له نفس وزفرة بشده / روحي انشديها يا ام ماهر وش تبي وانا حاظر فيه اهم شي ترجع بكرا
ام ماهر تقوم /حاظر يامك بروح اشور عليها وكاد الله يهديها
الجدة صيته تطالع فيها لين طلعت وتلف لفهد بخفوت/ انت علامك عجول يا دافع البنت كذا تزيد بعنادها
فهد فجرها مافي صبر نفذ كل صبره / ابيها يا ام عقاب افهمي ابيها
الجدة صيته تنهدت بضيقه وهي تشوف وجه المرهق وبيتم له 24 ساعه ما نام / يامك عجزت عنها ورب وربك اني كلمتها بس هي عيت عيت
فهد شاد على اعصابه / روحي اهرجي عليها يمكن تلين
الجدة صيته تاشر على انفها/على هالخشم بروح وبحاول فيها
فهد حب راسها/على هالشحم يا بنت مفلح
الجدة صيته تطلع وتتجه المهره دخلت وانصدمت من انفعالها/ قلت لكم وعيد وكررر رجعه ماني براجعه لو تطيح السما على الارض
ام ماهر بخفوت /قصري صوتك وتعوذي من الشيطان
مهره بصوت اعلى / خلي يسمع ماني راجعه ماهو اللي طلق خلاص ليش جاي؟
الجدة صيته تقدمت بحزم/ كلامك مايفيدك بس كبري عقلك ورجعي لرجلك تراه شاريك
مهره تخصرت /تو عرف قدري بعد ما رماني علميه نجوم السما اقرب له مني ؟
الجدة صيته تسكتها/ اص وقص تسمعينه انتي ؟
مهره بصوت اعلى / اي اسمعه خلي يعرف رجعه ماني براجعه وغير هالكلام ماعندي
ام ماهر بتعب / يامك عطيه فرصه اشرطي عليه باللي تبين
الجدة صيته راحمته بقوه / والله ان النوم ماطب عينه اذا مانتي مقدره حسافته قدري مكانته وشيخته جايك بكبره يطلب رضاك ويعترف بخطاه ؟
مهره بعناد / اعترف ولا ماعترف مابي ارجع
الحدة صيته بخفوت / انتي تؤمنين بالله انه من وهو ورع مايتراجع عن كلمه طلعت من فمه ولا يندم عليها الا هالكلمه ياعسى الله يمحيها موجعته بالحيل
مهره بصوت عالي متعمد / مثل ماباعني انا بايعته الله يرزقك باحسن مني وانا يرزقني بالافضل منه
فهد كان يسمع وساكت مقدر زعلها بس اخر كلمه اغضبته بشده و رد عليها بتهديد حاد / تخسين وتعقبين والله لو تجلسين العمر كله بيت امك مايلمسك غيري احد حتى لو اضطريت اقتلك وروح من وراك قصاص
مهره صمتت برعب /…
الجدة صيته تهاوشها وهي تسمع صوت باب الحوش تسكر بقوه / راح عاجبتك سواتك يا سويدة الوجهه
مهره دمعت عينها/ خليه يذوق ماذقت لوني بذمته كان سكتني بيده خلي ابرد قلبي
الجدة صيته تلبس برقعها وهي تهتف لام ماهر
بحزم /عقلي بنت و سنعيها علميها ام المره ماتكاسر الرجال
ام ماهر هزت راسها باسا وهي تشوف الجدة
طلعت / ليش يامك تسوين كذا ليش اذا ماهو عشان عشان هالعجوز اللي بذلت كل جهادها عشان سعادتك
مهره ابتعدت وهي تمدد / بنام تصبحين ع خيرر
بسيارت فهد كان يمشي بسرعه جنونيه ودمه الحامي يتدافع بشده بعروق جسمه كل كلمها قالت جرحته فيها لاكن اخر كلمه انحرته اذبحته من الوريد للوريد ماتوقع تفكر كذا مجرد تفكير كيف تقولها بكل وقاحه
وجرائه تمنا انها حلاله والله ليفصل اعضاها من بعض عضو عضو
الجدة صيته تطالع الطريق برعب وترجع تطالعه/ يامك هد السرعه كانك تخاف علي لا تضحي فيني وبنفسك
فهد هدا السرعه من كلامها الموثر وهو صامت وجسمه ينفض بوضوح /…
الجدة صيته بهدو / هي الحين منفعله لين تهدا وتندم على كلامها
فهد يضرب السكان ضربات متواصله/ تحسبني بمشي كلامها والله لاحسبها عليه لو بعد دهر
الجدة صيته تهديه / انت تعوذ من الشيطان وذكر الرحمان
فهد يستعيذ بالله من الشيطان وهو يتنحنح حاس صوته انتهى /كح احم هي وش تبي توصله بضبط؟
الجدة صيته بسراحه / مهره ماهي من النوع اللي تخطط والدبر لا يامك البنت بس مكسوره الطلاق ترا يكسر المره وتحس ان رجلها مرخصها ولا هو يبيها
فهد صمت بوجع/…
الجدة صيته تكمل / والله يا انها هرجت بالحراره حرج يروع من حر مافيها
فهد لف لها بهتمام /شقالت ؟
الجدة صيته بحزن / الله يكفيك شر دعاها هذا اللي انا اقول
فهد انتفض بشده / تدعي علي؟
الجدة صيته دمعت عينها / من الحراره ومن الغبنه
فهد تنهد وهو يهتف بنبرة غريبه/ طيب وش يرضيها وترجع ؟!
الجدة صيته طالعت فيه/ انت قايل لها من اول تروح لامها ؟
فهد وقف عند البيت وهو يلف لجدته بصدمه/ هي قالت لك صح مفكره اني ناويها هذا اللي انا مابي يصير؟
الجدة صيته بتسال حازم /هو انت تبيها صحيح ؟
فهد رد بثقه وتاكيد /ام عقاب انتي تعرفيني عدل لو مالي خاطر فيها ماكان نزلت من نفسي وجيت اطلب رجوعها
الجدة صيته تنهدت / طيب لو تطلب منك اي شي بتنفذه لها ؟!
فهد بتوجس /هي طالبه شي معين وانتي ماتبين تقولين ؟
الجدة صيته اشرت بنفي وبثقه/لا والله بس يامك بتاكد عشان يوم اسعى معك وانا مرتاحه ماهو اتعب نفسي وبالاخير انت تقول هونت خليها
فهد زفر بحده / يومه وشو هونت تبين احلف لك والله اني ابيها و خاطري فيها
الجدة صيته تفتح باب السياره / اجل خلها علي بس عاد تنفذ طلباتها
فهد بتاكيد / خلي تطلب وتبشر بس ماراح امشي كلامها اليوم راح اعاقبها عليه
الجدة صيته تنهدت وهي تنزل / لارجعت تذابح كيفكم
فهد صمت وهو مازال جالس بسيارته يتذكر كلامها اللي زلزل احكامه( تبين غيري وتقولينها بكل قوة عين هين يا مهره والله والا مايصير هالشارب على رجال كان خليتك تنولين اللي تبينه مردك لحضني وانا اللي احاسبك على كلمتك بطريقتي؟)
__________________________
يوم جديد …الساعه 11 صباحاً
صقر عنده مؤتمر طبي بحظور مجموعة من اشهر دكاترة الوسط العربي كان جالس وهو احد الدكاتره الخليجين وبينهم حديث عملي ودود رن جواله بمخباته رنات متواصله طلع وهو قاطب من اسم مازن رد عليه بهدو من بعد ماقام مستاذن من الاطباء الموجودين / هلا مازن ؟
مازن بكسرة خاطر /صقر مدير قسم التوظيف عيا يقبل اوراقي ؟
صقر رفع حاجبه / ليش ؟
مازن تنهد /يقول شاهدتك ثانويه ماتفيدنا حنا مانقبل الا من ماجستير وفوق ولا عندك خبرات حاسب
صقر بصوت ثقيل / هو عندك الان ؟
مازن بصوت خافت / بمكتبه وانا برا
صقر بامر هادي / خل اكلمه
مازن دخل و مد الجوال ليعقوب / صقر بيكلمك
يعقوب ياخذ الجوال ويرد بترحيب/هلا ومرحبا حي الله دكتور صقر
صقر بموده/الله يبقيك اخبار واخبار الشغل
يعقوب يبتسم /كل شي زين ومثل ماتبي واحسن
صقر بتسال/ مازن مقدم على وظيفه يقول رفضتوه سبب الرفض؟
يعقوب تنهد / يا دكتور مازن مامعه الا شهادة ثانوي حتى دورة حاسب ماعنده ما راح نستفيد منه شي وفي ناس قبل مقدمين وهم احق منه مهم ماجستير وبكلوريس
صقر بحزم / دور له اي شغله تناسبه بعيدن عن الحسابات والاجتمعات
يعقوب برجا / والله مافي امكان
صقر بذات الحزم /يعقوب نفذ وانتهينا وخله يروح مدير الماليه ويحدد له راتب كويس من ستة الاف وفوق تمام؟
يعقوب طارت عيونه /ست الا وهو مامعه شهاده كذا مانستفيد
صقر بنفاذ صبر /حلالي ولا حلالك ؟
يعقوب بحرج / لا طبعاً الحلال حلالك وانت حر فيه تامر امر
صقر ينهى النقاش / سو اللي قلت لك عليه وعطني مازن
مازن رد وهو مبتسم/ امرني ؟
صقر بهدو / بتتوظف براتب زين بس خلك نظامي وهم شي داوم بوقتك مافي تاخير غياب اعذار
مازن بمتنان /تامر ولا يهمك بيض الله وجهك وزادك الله من فضله
صقر ينهى الاتصال/وياك يلا استاذن عندي شغل
________________________________
بعد مرور سبوعين وعدت ايام ..…
فهد طول الاسبوعين يرسل جدته لمهره ويحاولون فيها ترجع بس هي مصره على قرارها ورافضه الرجعه نهائي ..وهو نفسيته مدمره من التفكير والهم حتى انه صار انطوائي مايجلس بديوان كثير يعتذر بشغل ويطلع والدوام يوقع حظوره ويستاذن صار اغلب وقته يجلسه بالبر بروحه مايبي لاحد يتذكر ملامحها رقتها انوثتها همسها العذب ضعفها دموعها رجاها يذكر من اول يوم شافها فيه لين اخر لقا بينهم …
فهد نزل من سيارته جيب الكزس بالبر الخالي وهو لام فروته عليه نزل الحطب وشغل ناره بعد محاولات قليله لين ولعت حط فرشته و مركاه و جلس قبالها يدفي يديه والافكار تاخذه لابعيد كيف بيرجعها كيف بتقتنع وهو اصلاً مايقدر يشوفها ولا يكلمها وهي قفلت كل البواب بوجهه تنهد بندم وحسره ..كلمه وحده دمرت له حياته ابعدت اطهر واغلا انسانه على قلبه …
اخذ الملقاط وحرك النار يمين ويسار رفع راسه لسما وهو يشعر بهوا بارد دعا من اعماق قلبه
..( يارب اجمعني فيها من جديد صبرت على فراق نوره وعقاب ونا صغير بس عاجز اصبر عن فراق مهره وانا كبير القوه يالله )
مرت ساعات وهو على حاله ومقفل جواله رفع معصمه شاف الساعه واصله على 12 ليلاً تافف وهو متاكد ان جدته مابعد نامت تجلس مثل كل ليله تحاتيه لين يرجع وهو يكرر عليها ان تنام ولا تنتظره بس تقول( قلبي ماهو بيدي احركه على كيفي )
قام فهد شال الفرش والمركى وركبهن بالكزس من ورا
دفن النار المجمره بتراب وركب سيارته وراح البيت
دخل وهو يتجه جناح جدته ومثل ماتوقع جالسه تنتظره و تسبح وتهلل اقترب لها انحنى وحب
راسها/مساك خير
الجدة صيته ردت بنبرة حانيه/مساك نور تاخرت ؟
فهد جلس جاورها / ليش تبين شي ؟
الجدة صيته تسحب نفس/معك ريحت نار انت تجلس بروحك وتهوجس؟
فهد بثبات/ ماعليك فيني انتي ليش مانمتي ؟
الجدة صيته تنهدت /انام وانت مابعد جيت عزالله ماغمضت عيني
فهد صمت وهو موجوع من كل شي/…
الجدة صيته تغير الموضوع بتسال/ خوان جهير هم علامهم مايبون لاختهم؟
فهد رد بذات الثبات / مادري عنهم يبون يلون ذراعها يقولن تاخذ اللي جا يخطبها ولا مانبي نشوفها
الجدة صيته بزفرة /عوذه منهم ومن شرهم
فهد بحزم / ماني بفاضي لهم و لختهم خليها عندنا لين تزين الامور
الجدة صيته بتوجس/ وكاد اخوانها بيحدونك تعرس عليها
فهد بحزم بالغ/ ماهو انا اللي يحدوني الرجال لو تجلس بيتي سنه مافكرت فيها
الجدة صيته تنهدت / كذا يامك ماهو زين على سمعتها جالسه عندنا بجناح حتى فاطمه قامت تدقها بالكلام
فهد زفر بغبن /وفاطمه وش دخلها ضيفه عندها ولا عندنا
الجدة صيته بصرار/ دبرها يامك ترا الكلام ماهو زين على بنت الناس
فهد هز راسه بقتناع/ وصيت واحد يدور للي بيت بشريه لها وحطه باسمها وتسكن فيه
الجدة صيته تبتسم / من يومك راعي واجب وخيرك سابق
فهد صمت وعيونه فيها لمعت ارهاق /…
الجدة صيته تناظر بملامحه اللي وضح عليها الهم
و هتفت برجا عميق/ تكفى يامك ارحم نفسك من السهر والتفكير خبري فيك صابر على اكبر من كذا
فهد تنهد بصوت مسموع / يا ام عقاب مشكلتك من الصابر الساكت ولا اللي يفتح صدره ويبوح باللي فيه تراه مرتاح من بر ومن داخل
الجدة صيته بحزن / انت تكتم كثير وحتى حبك لها ماتبي تعترف فيه
فهد وقف وهو ينهى النقاش / انتي لا تخلينها بنفس ولدك لحي عليها حتى ولو جبرتيها على الرجعه
الجدة صيته تهز راسها باسا/ ماكانت كذا يابست راس بس مدري وش جاها وكاد انها مجروحه
فهد يتجه الباب / يطيب جرحها بس جيبيها
_______________________________
ملاك بغضب مشتعل /كيف حددوه بعد شهر على كيفهم ؟؟
نهيل بحزم / انتي العروس ولا اختك ؟
ملاك بذات الاشتعال / ترا ابونا اللي مات ماهو ابو الجيران
نهيل تنهدت بقلة حيله/ شفيك انتي تاجيل العرس ماهو راد ابوك ولا كان اجلناه
ملاك بتافف / وخوك ليش ماشاور قبل يجهز ماهو يتصرف من راسه؟
نهيل تطالع بامل اللي تسمع ومتوتره / امل يامك لاتسمعين لاختك تراها ماسنعت حياتها بس شارده
ملاك طارت عيونها/ لا والله الحين انا صرت الشرود ؟
نهيل ترد بحده / اي انتي مافي غيرك
ملاك تجلس بغيظ/ كيفكم سوو اللي تبون انا ماني حاظره
امل بحزن /ملاك يكفي الملكه ماحظرتيها العرس بعد؟؟
ملاك بغبنه / يا امل انا من حر مافيني ابوي ماصار له 6شهور متوفي وحنا نبي نرقص
نهيل تنحرها / بنت اعقلي وخلي اختك بحالها لا تخربين فرحتها
ملاك صمتت باستسلام/…
امل بتوتر /يومه طيب نكلمهم ياجلونه شهرين بعد
نهيل تجلس جوارها /يامك الناس ماقصرت والتجيل ماهو مغير شي
انل تطالع ملاك / تحظرين ؟
ملاك ابتسمت / بحظر لون كرشتي ماتساعد
نهيل تبتسم بموده / ماهو من كبر كرشتك احظري عشان اختك
ملاك تاشر على عيونها/ من عيوني
امل تبوس خدها /تسلم عيونك
دخل مازن وهو كاشخ ومبتسم /السلام عليكم
الكل رد /عليكم السلامً
نهيل بتسال/توك تجي من الدوام ؟
مازن يجلس / اي واليوم استلمت راتبي
امل وقفت /صدق انت وعدتنا شاليه ؟
نهيل تعقد حواجبها /ماصار لك شهر ويعطونك راتب
مازن زادت ابتسامته /هذا اوامر راعي الحلال دق قال اصرفو له راتبه
نهيل بحرج /لايكون انت قايل له؟
مازن بصدق /لا والله مادريت الا مدير الماليه يقول تعال وقع على استلام راتبك قلت ياولد توه احسبهم ناسين قال نادري بس هذا امر من صقر
نهيل تبتسم / الله يزيده من فضله وانت يبارك لك براتبك
ملاك تسمعهم وهي صامته وفعول صقر وشهامته
كل مالها تكبره فوق ماهو كبير يعطي ويكرم و يفزع وكلمته مسموعه عند الجميع ..وهي تعترف انها
لا جارت الدنيا عليها دقت عليه وفزع لها حتى
ضد نفسه و ماعنده تراجع ؟ …
مازن بتسال /وانتي يا ملاك؟
ملاك نفضت راسها /هاه وشو ؟
نهيل بنغزى /ليش مانتي معنا وحنا نتشاور ونقرر؟؟
ملاك فهمت مقصد امها وهي تتهرب/ وش تشاورون فيه؟
امل بحماس/ مازن يقول تبون نروح مكه عمره ولا تبون شاليه شرايك؟
ملاك ابتسمت /لا والله مكه احسن لك اجر بعد
نهيل بتردد/بس انتي يامك يمكن ماتقدرين تطوفين وتسعين
ملاك تاشر بنفي/ لا اقدر ان شاءالله
مازن وقف بتاكيد/ خلاص اجل ترا روحتكم كامله علي مكه يومين ونرجع
نهيل باستغراب/ هو كم راتبك ؟
مازن رد عليها / ثمان الاف
نهيل بفرحه/ماشاءالله والله انه ماقصر
ملاك بهدو /مازن ماراح تكفل بكل شي بروحك انا بدفع معك النص
مازن باستغراب/وانتي من وين لك ؟
امل بحسن نيه/صقر يحول لها مصروف شهري
نهيل عطتها نظره وامل صمتت/…
مازن بتسال/من متى وكم يحول لك؟
ملاك ردت بذات الهدو / من مده كل شهر ثلاثة الاف
مازن ابتسم / والله ماقصر بيض الله وجهه هذا وهو انتي بروحك مامعك اطفال يحول هالمبلغ
نهيل بتدخل /يامك هي ترجع مستشفى وحيانا تروح فلوسها كله عليه
مازن يتجه الباب / بكرا سفرتنا تجهزو
نهيل لفت لامل بحده / انتي ليش تعلمينه بمصروف اختك هاه؟
امل مرتاعه /نسيت يومه وش صار
نهيل تلف لملاك /وانتي ليش تقولين ثلاثة الاف كان قلتي الف وبس
ملاك تنهدت بتعب /يومه هذاك اول الحين معه راتب يكفي ويزيد
امل بتوجس/توقعون وفا تروح معنا عمره ولا تزعل تبي بروحها
ملاك ترفع كتوفها/ تسويها وخونا بعد متوقع منه يهون عشانها
_________________________________
ام ماهر تطالع بمهره اللي جالسه وعيونها بالتلفزيون
لها كم يوم صامته وقليلة الكلام والاكل.. وكثيرة السهر والتفكير الا اذا جابو طاري رجعتها لفهد تنفعل فجئه وتعاند وصارت ام ماهر والجدة صيته ما يضغطون عليها يبون راحتها يكفيها اللي فيها حتى يدها مخلوعه من فهد اخر مره تجي ام شامان تدلكها لها يومياً
مهره مجروحه من اقصاها لين ادناها حتى الجوال اللي كانت تمنى تملكه الان تقدر تستخدمه ماحد يردها بس مالها خاطر فيه تعودت من غيرة وحتى الجامعه اللي بكت وانحرقت عشانها الان بمكانها تسجل هذا الترم لاكن النفس عايفه تبي تستوعب اللي صار لاكن ماهي قادره كل تفكيرها يقول انها بحلم وتبي تصحى وتلقى نفسها بحضن فهد ونفاسها مخلوطه بنفاسه
ام ماهر بتسال/ ملاك من زمان ماكلمتيها ؟
مهره لفت لامها/ مالي خلق اتكلم مع احد
ام ماهر بحنان / يامك كذا ماهو زين لك كلمي صديقتك اشكي لها خلي تشكي لك
مهره رجعت نظرها لتلفزيون / انا كذا مرتاحه
ام ماهر صمتت وبنتها ماهي عاجبتها/…
طق الباب وقامت مهره راحت وفتحت دخلت ام طلال/ مساكم الله بالخير
مهره ابتسمت بصعوبه /مساك نور يا مرحبا
ام طلال بتسال/شلونك شلون امك
مهره تاشر لها تدخل /كلنا بخير اقلطي بالمجلس عند امي وانا بجيب القهوه
ام طلال تتجهه للمجلس /لا تسوين شي يامك متقهويه
مهره تدخل المطبخ وهي ترد بصوت عالي /جاهزه قهوتنا
قامت ام ماهر /ياهلا يالله تحيها
ام طلال تسلم /الله يبقيك شلونكم
ام ماهر تاشر لها تجلس /بخير يالله لك الحمد
جلست ام طلال/ بسم الله
ام ماهر تجلس /وينك من زمان مامريتينا وش مشغلك
ام طلال تبتسم بفرح / والله اني انشغل بس جيت ببشرك طلال وافقو عليه عربنا وملكته بعد سبوع
ام ماهر تقطب/قصدك شوق ؟
ام طلال تهز راسها/اي وافقو وحددنا معهم الملكه الجمعه الجايه
دخلت مهره وهي تسمع وتسال باستغراب/ومتى صار كل هذا ؟؟
ام طلال ترد عليها/ اليوم الصباح ماجتكم ام عقاب،؟
ام ماهر تهز راسها بنفي /لابالله ماجتنا اليوم وكاد مشغوله
مهره تمد لها الفنجال وهي من داخل فرحانه على فراق شوق /مبروك ياعمه عسى الله يتمم فرحكم
ام ماهر تكمل معها/اي والله عساه بالمبارك
ام طلال ترد بموده/يبارك فيكم عاد الله الله بزين يوم الجمعه
ام ماهر بتسال/وين بتسوونها ملكتهم؟
ام طلال ترشف من فنجالها/ بيت الشيخ فهد عندكم
مهره صمتت /…
ام ماهر ردت بتوتر/ اي زين تسون
ام طلال بتسال/الا مهره مطوله هنيه للحين تعبانه يامك ؟
مهره ردت بهدو / اي برتاح يدي توجعني
________________________________
بدبي …
صقر كان يمشي باممر المستشفى وهو مشغول بقرات الاوراق اللي بيده فجئه صقع فيه شي ناعم وسمع صوت الام /اه
صقر انتفض بحرج وهو يشوف البنت بعباتها
طايحه /عسى ماتعورتي ؟
البنت وقفت بحرج اعمق/اسفه كنت اشتغل بالجوال
صقر بتسال حازم /اهم شي انك بخير
البنت ترد بهدو / اي الحمدلله
جاهم شايب يمشي /سلوى يابوك شفيك؟
سلوى لفت لابوها / طحت وهو ساعدني
الشايب يشكر صقر / بيض الله وجهك ماقصرت
صقر رد بثبات / وجهك ابيض
الشايب يشوف صقر لابس لبس طبي وساله/هو انتي دختور هنيه ؟
صقر ابتسم من كلمة دختور/اي دكتور هنيه تفضل مكتبي تقهوا
الشايب /يابوك حنا جايين من السعوديه ام العيال تعبانه وتاخرو علينا بالفحوصات نبي نرجع ديرتنا
صقر بحميه /حياكم الله انت من اهلي و ربعي ابد عطني اسم ام عيالك ومالك الا اللي يسرك
الشايب ابتسم /هو انتي بعد سعودي ؟
صقر يرد بذات الابتسامه / اي ياعم بس عندي عمل طبي هنيه
الشايب رد بمتنان / الله يجزاك خير بروح اجيب اوراقها وجيك وين مكتبك ؟
صقر اشر وراه / ثالث غرفه هناك قل ابي الدكتور صقر وهم يدلونك للي
الشايب براحه /الله يفرج لك يوليدي مثل مافرجت لنا وحنا منداشين
صقر يبتعد بستاذان / ابد انا بالخدمه والحين استاذكم
ابتعد ولا انتبه للعيون اللي رسمته بخيالها بعجاب حقيقي شهامه وسامه ومنصب وسعودي اويل قلبها كل المواصفات المطلوبه فيه
الشايب نادها /سلوى يابوك روحي لغرفة امك وعلمي سعود بروح اخذ اوراق امك وديهن لدكتور يمكن الله كتبه بطريقنا يساعدنا
سلوى تهز راسها برضا/تبشر
راح ابو سعود اخد اورق مرته واتجه للمكتب اللي قال له صقر وسال عنه وصلوه لين مكتبه وهذا هو يطق الباب /احم
صقر كان جالس على مكتبه و رفع عينه للباب
ابتسم /حياك الله ياعم تفضل
ابو سعود تقدم وجلس/ الله يبقيك ياعمك هاذي اوراق ام العيال وابيك تشوف لها اقرب موعد للفحوصات
صقر اخذ الاوراق وهو يقرا بتركيز بعد رفع عينه لابو سعود / ولا يهمك انا بكلم دكتورها يحولها للي
و بستلم حالتها وابدا فحوصاتها من بكرا الصباح
ابو سعود بمتنان حقيقي/ الله يفرج لك الله يسر امرك
صقر ابتسم براحه/ ياعم هذا واجبي ومابي منك الا هالدعا
ابو سعود وقف / انا بروح ابشر عيالها
صقر يوقف معه بحترام /حياك الله الصباح امر عليها باذن الله
ابو سعود بتسال/الاوراق اخذهن ولا تبيهن يابوك
صقر اشر له بنفي/ لا الي اقرا اوراقها وعرف من دكتورها عشان اقابله وفهم وش حالتها بضبط
ابو سعود يتجه الباب/الله يقويك
_____________________________
فهد يوقف عند باب ام ماهر وهو يشد كف جدته بكف يده/ اضغطي عليها بالكلام
الجدة صيته هزت راسها بتفهم /حاظر يامك لا تشيل هم
فهد تنهد باشتياق / اللي تبيه انا موافق عليه بس ترجع وتريحنا
الجدة صيته ابتسمت / ياعوبها عرفت غلاها وتغلت
فهد صمت عاجز عن الرد/…
الجدة صيته تنزل /بسم الله تجيني امتى
فهد رد بثبات / لا خلصت من الديوان عندنا اجتماع اليوم
الجدة صيته ردت قبل تسكر الباب / بحفظ الله
فهد سكر عيونه بقوه من الالم (اي والله يا ام عقاب انها غاليه وفوق ما تتخيلين ) حرك سيارته متجه لديوان
ام ماهر تصب لها فنجال /تقهوي يا ام عقاب
الجدة صيته تاخذه /عشتي
ام ماهر بموده /على البركه تمام خطبة شوق
الجدة صيته ابتسمت /مسرع يوصلكم العلم ؟
ام ماهر تبتسم هي بعد /ام طلال كانت عندنا من شوي وبشرتنا
الجدة صيته ترشف من فنجالها/اجوديه ام طلال بس الله طشها بنسب فاطمه
ام ماهر تضحك /عاد هي مشتهيه شوق
الجدة صيته بامومه /شوق حليله بس جدتها يادافع ماتصبر عن المشاكل
ام ماهر بتسال خافت /جهير ماذلفت عنكم
الجدة صيته بذات الخفوت / هالاسبوع بيحط لها ابو عقاب بيت ويقلعها بس تناقر هي وفاطمه
ام ماهر ضحكت /خلي الله يحطها بينهن
الجدة صيته تنزل فنجالها/شكرتي الا وين بنتك عداها على يباستها؟
ام ماهر تنهدت بقلك صبر / واكثر من اول بعد
الجدة صيته بامر هادي /قومي ناديها بكلمها
ام ماهر بتردد/لو تخلينها اليوم عن الهرج احسن كانها متضايقه
الحدة صيته بصرار /كل يوم وهي ضايقه ماتغير شي بس ناديها ناديها
قامت ام ماهر /تبشرين
الحدة صيته بموده /بشرتي بالجنه
شوي وجت ام ماهر ومعها مهره على راسها فوطه
و ترحب بحب /حي الله جدتي كنت اتحمم
الجدة صيته تبتسم لها/الله يحيك
مهره انحنت وحبت راسها/شلونك عساك طيبه
الجدة صيته تاشر لها تجلس جوارها/انا طيبه بس تعالي ابيك شوي
مهره تنهدت بضيقه وهي عارفه الموضوع /ياجدة تكفين انك …
الجدة صيته بمقاطعه / اجلسي يا بنت ماعرف اهجرج وانتي واقفه على راسي
مهره جلست /امري هذا انا جلست ؟
الجدة صيته خطت كف يدها على فخذ مهره / يامك انتي تعرفين اني باغيه لك الخير ؟
مهره ردت بموده /مافي شك ياجده والله انك امي الثانيه
الجدة صيته بحزم / اجل اسمعيني فهد طالبني اكلمك وضغط عليك بالكلام هالمره يقول اللي تبي انا حاظر فيه بس ترجع واذا انتي مجروحه يداوي جرحك بنفسه و..
مهره وقفت بمقاطعه / والله مارجع لو قلتو اللي تقولونه وبعد يبيك تضغطين علي بالكلام ؟
الجدة صيته ترفع راسها لمهره اللي واقفه /انتي شفيك قمتي تقل ملدوغه اجلسي وخليني اكمل هرجي
مهره بصرار وعناد /ماني بسامعه والعشرة ماهي بغصيبه ياناس افهمو ماقدر اكمل معه انسان مايحب احد حتى نفسه
الجدة صيته توقف/ ماينلام من شين شافه وهو صغير والحين تعدل وعرف قدرك هالاسبوعين الي غبتيهن لا هو حي ولا ميت بس جالسن لحاله ويهوجس
مهره ترفع كف يدها تاشر لجدتها تسكت /تكفين ياخت ناصر ترحميني وتقطعين هالموضوع
الجدة صيته تكلم ام ماهر الصامته /ماتهرجين عليها
ام ماهر بياس / نشف حلقي وانا كل يوم اكلمها مابراسها طب
مهره تتجه الباب /لا تعبون انفسكم ماراح يتغير شي
الجدة صيته بوجع/ الحين وش اقول له متامل اني اجيب موافقتها
ام ماهر ترفع كتوفها / الله يفرجها والله مادري وش جاها وقلبها كذا
الجدة صيته بحنان/ من ذوق المراره اللي عطها فهد الله يسامحه
ام ماهر بالم /حتى يدها مابعد طابت باليل تون منها
الجدة صيته انتفضت / هي للحين تشكيها ماجت ام شامان
ام ماهر بهدو /جت بس ماستفادت من دلكها شي وكاد خلعن قوي
الجدة صيته تجلس /تبي لها صبغه بجيب لها من العطار
ام ماهر تجلس /الله يطول بعمرك
الجدة صيته بحرص /المهم بملكة شوق لازم تجي معك لاحد يلاحظ شي
ام ماهر تهز راسها بتاكيد /اي علمتها
الجدة صيته بتسال /شقالت ؟
ام ماهر بهدو /اول عيت بعدين رضت تقول عشان جدتي بس
الحدة صيته بحنان / ياعوينتي هي حبيبه بس حظها اقشر
_____________________________
بجناح مازن النار شابه بينهم وفا تصرخ /يا سلام اول راتب وتبي تشيل خواتك فيه وانا وين رحت ؟
مازن يهديها /انتي اولهم انتي مكلة السفره اصلاً
وفا بحده / انا بزر تقص علي اسمع يا مازن يا انا ياهم
مازن بقلة حيله /يا بنت الحلال انا مواعدهم وعمره اجر وامل بتعرس خلي اختمها بخير
وفا بتستهتار/ليش وهي بتموت ولا انت عشان تختمها بخير ؟
مازن برجا/تكفين يا وفا اهدي وخلي نروح وعد الراتب الجاي كله لك
وفا بذات الحده / وراتب هذا بيروح عليهن ؟
مازن بطوله بال/لا ملاك بتدفع معي نص السفره
وفا ترفع حاجبها/وملاك منيلها متوليه حلال اخوي من الحين تسافر وتدفع على كيفها؟
مازن بضيقه/ لاحول ولاقوة الا بالله
وفا بخبث / تبي تاخذهم انا بروح بيت اهلي
مازن تنهد /المطلوب ؟
وفا بكيد / نروح انا وانت مكه وجدة
مازن بوجع /ونخليهم وانا مواعدهم
وفا بتحيل/قل لهم انتم الراتب الجاي
مازن جلس باستسلام /طيب طيب
__________________________
فهد يسوق سيارته وهو يسال بعصبيه /يعني شلون ؟
الجدة صيته ترد بتعب / ازريت عنها وعيت تعطيني فرصه للهرج
فهد يوقف عند البيت / هي متاكده من قرارها ولا بس تدلع ؟
الجدة صيته تبلع ريقها/والله يامك وكاد انها مقرره وخالصه
فهد لف لها بصدمه/ يعني مقتنعه ؟
الجدة صيته تاشر براسها/ والله مادري يامك بس هذا شوف عيني
فهد صر على اسنانه / بترجع بترجع غصبن عليها
الجدة صيته شدت عضده / طيب خلها شهر لين يطيب خاطرها وتنسى اللي صار
فهد بنفاذ صبر / وانا وش يصبرني شهر احتري حظرتها تنسى
الجدة صيته بوجع /يامك هي للحين تعبانه حتى يدها متعبتها ماترقد من سقمها
فهد قطب جبينه/ وشو شفيها يدها؟
الجدة صيته طالعت فيه/ انت خالعها فاصلن عظمها
فهد طارت عيونه/متى؟!
الجدة صيته تذكره / يوم مشكلتكم والله ياني اسمعها يوم طقت وهي انقزت معها
فهد صد بوجع حقيقي / خلعتها؟
الجدة صيته تهديه /خل لين تطيب تراها تعبانه
فهد كل همه الحين يدها وبس / طيب ماشافت يدها الدكتوره يوم جت ؟
الجدة صيته بهدو / نسينا يامك وام شامان تجي يومينا تدلكها
فهد بغبنه / لا لا ماتسكت عنها بكرا اجيب لها افضل دكتورة عظام تكشف عليها
الجدة صيته بمتنان /الله يكتب اجرك
فهد بقهر من نفسه / وانا كيف ماحسيت فيها ؟
الجدة صيته تريحه/ماعليها باذن الله لو جت على يدها مهي مشكله تطيب
فهد هز راسه بصمت /…
الحدة تنزل /ماتبي تنزل ؟
فهد رد بذهن غايب/ لا بطلع للبر شوي
الحدة صيته بالم/تبي تهوجس لحالك ارحم نفسك ونزل نام
فهد بارهاق / اجي اجي بس انتي نامي لا تحتريني
_________________________________
يوم جديد….
نهيل بعتاب /افا يا مازن خواتك من البارح يجهزن شنطهن واخر شي تقول هونت؟
مازن بحرج /علميهن مع الراتب الجاي وعد
نهيل بزعل/ الراتب الجاي وامل قد اعرست وملاك على وجه ولاده ولا حنا فاضين لسفرتك
مازن صمتت بحيره/…
نهيل بتوجس/وفا صح؟
مازن طالعها بقلة حيله/ عجزت عنها جننتيني
نهيل تنهدت / يامك انت مرخي لها الحبل بزياده لونك تشد عليها ماكان هذي علومها
مازن رفع كتوفه/ ماهي متفاهمه كلتني بقشوري
نهيل بتسال/والحل يعني تكسر بخاطر خواتك عشانها؟
مازن برجا /يومه انتي وخواتي اهون منها نزعل بينا ونرضى بس هي مايرضيها شي وانا مستحى من صقر بعد لو طنقرت وراحت لاهلها وهو له فضل علي
نهيل تنهدت باستسلام / خلاص رح خواتك علي
مازن حب راسها/تكفين لا تزعلين وهم علميهن وعد لا عوضهن
نهيل صمتت وهي بدوامه /…
راح مازن و نهيل دخلت غرفة بناتها شافت ملاك وامل كل عاده متقابلات على سرايرهن ويسولفن ابتسمت بحب / وش تقولون؟
امل تبتسمً/ملاك تعطيني دروس عن الحياة الزوجيه
نهيل طارت عيونها / لا تاخذين ولا درس منها
ملاك انفجرت بضحك/ افا يابنت مسفر كذا تفهمينا اني مدرسه فاشله
نهيل تجلس جوار امل مقبله ملاك / اي واكبر فاشله بعد
ملاك وامل /ههههه
نهيل تنحنح بتردد/احم انتم جهزتو اغراض السفر؟
امل بحماس/كل شي خلصناه
ملاك تكمل معها / يويلي على طاري مكه وشوفتها
نهيل بهدو / يمكن مانروح اليوم اجلناها لاشهر الجاي
امل باستعجال/الشهر الجاي عرسي؟
ملاك بتشكيك /منو اللي اجلها؟
نهيل عرفت فطانتها/ مازن اعتذر يقول الشهر الجاي اوديكم
ملاك بحده / وفا اللي فركشتها صح؟
نهيل تهز راسها باسا/اي وهو خجلان منكم بس مابيده شي يقول اكلتني
ملاك بزفرة /اكلته يقلعها بس اهلها وش حاده عليها
نهيل بضيقه/يامك مستحي من صقر خيره كله منه ولو راحت طلعت علوم فشلتنا على هالراتب
ملاك بزفرة / خلي تذلف تشكي لخوها المليق اللي مثل ملاقتها
نهيل بهدو /ملاك اكسري الشر خلاص خيره
امل بحزن /من جت بيتنا مافرحنا ولا يوم كله مشاكل ونكد
نهيل بهدو /يامك تروحين مع بندر يعوضك باحلى سفر
امل استحت /ان شاءالله
نهيل تطالع ملاك / وانتي هدي يجي صقر ويعوضك بعد
ملاك كشرت/عساي مارحت ولا اطلب عوض صقر قطيعه
امل تضحك/ الله يعينه على الشتم والسب لو ماله دخل لازم ادخلينه
ملاك بغبنه/ اخو وفا مثلها طالعين من رحم واحد
نهيل تقوم / اقول اتركن العلوم اللي مالها داعي وقومن نحط غدانا
قامت امل مع امها /يلا بحطه معك
ملاك تنهدت بضيقه وهي تطق اصابعها( لا متى وفا واقفه لنا بالبلعوم ؟!) رفعت جوالها فتحت صورة صقر اللي ارسلها اخر مره طالعت بملامحه بوله
تمددت وهي مازالت تطالع صورته ماتدري وش تحس فيه لا شافته رعشه غريبه دقات قلبها متواصله حرارتها ترتفع فجئه ..تجولت بملامحه ( ابي عيالي يشبهونك والبنات يشبهوني ؟) ابتسمت وعيونها تجوله
جاها صوت نهيل/ملاك تعالي تغدي
ملاك فزت وسكرت الجوال بارتباك /جيت جيت
________________________________
الجدة صيته طقت باب جناح جهير/ يا بنت
جهير فزت/حي الله ام عقاب امريني ؟
الجدة صيته تناديها/فهد يبيك بصاله البسي والحقيني
جهير دق قلبها/ابشري الحين
رجعت الجدة صيته وجلست بجوار فاطمه اللي مغتزه بفضول وفهد مقابل لهم وهو يسال بهتمام / شوق محتاجه شي يا ام ابراهيم ناقصه فلوس علميني ؟
ام ابراهيم ردت بهدو/خيرك سابق لاوالله كل شي عندها ماتبي الا التوفيق
فهد بذات الاهتمام /الله يوفقها هي بنتنا واللي تبيه يوصلها
ام ابراهيم تنهدت بكسره/ اللي تبيه ماحصل
فهد صد عنها بصمت ماله خلق لرد/…
الجدة صيته طارت عيونها/ خلي عنك الهروج ودعي لها
جت جهير /سلام
الكل رد عليها/عليكم السلام
فهد ردف /اجلسي يا بنت سعيد بتكلم معك
جهير جلست /امر يا ابو عقاب
فهد بتحكم / خوانك تكلمت معهم كذا مره بس هم معندين يقولون تاخذ الرجال اللي جايها ولا مانبي نشوفها
جهير بمقاطعه/سود الله وجيهم
فهد بذات التحكم /اهدي ما رزقك عليهم انا شريت لك بيت وحطيته باسمك وعتبريه هديتن من ام عقاب
جهير فزت بفرحه وتحب راس الجدة صيته/الله يطول بعمركم ويوسع رزقكم
الجدة صيته بحنيه /امين يامك اهم شي لك بيت يضفك عن منت خلق الله
ام ابراهيم طايره عيونها/ شريت لها بيت ملك ؟
فهد عطاها نظره ارعبتها وهي صمتت/…
جهير تجلس/ يابو عقاب انا والله منحرجه منكم مادري كيف ارد جمايلكم علي
فهد وقف وهو يتلمس مخابيه / مالنا جمايل على احد هذا حق واجب
الجدة صيته تبتسم / مانبي الا الدعا يامك
جهير ترفع يديها / عسى الله يرزقكم السعاده والعافيه
فهد طلع ورقه من مخباته ومده لها/ هذا صك بيتك حافظي عليه
جهير وقفت وخذته / اروح اثثه عادي ؟
فهد رد بثبات / ابد روحي مع راجو وختاري الاثاث اللي تبين و اعتبريه مدفوع
جهير ابتسمت بفرحه / والله كثير علي
فهد يتجه الباب / هذا فضل من ربك ماهو منا
فاطمه من طلع وقفت بغبن / والله صبرتي ونلتي يا جهير بيت ملك في ناس عوايل ببيوت ايجار للحين
جهير طالعتها /اذكري ربك الرازق بسما والحاسد بالارض
فاطمه تميل بوزها/ لا تخافين حتى العين من قو حظك ماتجيك
جهير طارت عيونها الجدة صيته وقفت / مره اعقلي وتركي الهرج الماصخ
فاطمه تتجه لجناحها /هيب حتى الاثاث من حلالنا ماخلت لنا شي
جهير طالعت الجدة بحرج / ادري اني كثرت عليكم
الجدة صيته بزفرة /انتي تعاينين ناقصت العقل هاذي خليك منها
______________________________
يوم الخميس العصر …
ام ماهر تسال بتردد /من يودينا لسوق نقضي للملكه بكرا ؟
مهره رفعت كتوفها /مادري بس ما يمدينا اصلاً
ام ماهر بهتمام /يامك عشان ام طلال ولدها وحيدها لازم نوقف معها ونكشخ
مهره بهدو / طيب من يودينا حتى انا ودي اسوي مكياج وشعري عند كوفيرة
ام ماهر برفض/ كوفيره تجيك هنيه مابيك تروحين مشاغل
مهره رفعت حاجبها/ليش تبين تستلمين مكان فهد ولا محاميه معه بعد؟
ام ماهر ردت بهدو /لا هاذي ولا هاذي بس اريح لنا بالبيت
مهره هزت راسها برضا/طيب مو مشكله كوفيرة تجي للبيت بس الفساتين من يودينا؟
ام ماهر تاخذ جوالها/بدق على ام عقاب تجي هي وراجو يودونا
مهره تهز راسها بتايد/اي احسن شي
ام ماهر كلمت الجدة صيته وهي رضت ساعه بالكثير ودقت عليهم تبلغهم انها برا تنتظر طلعت مهره وامها ركبن وهتفن بسلام ومشى راحو متجه لموال كبير بنا على طلب مهره عشان تخلص كل اغراضها
الجدة صيته تسالها بهتمام / انتي متاكده تبين الموال ماهو مكان ثاني ؟
مهره تهز راسها برضا/اي عشان اخلص مره وحده مامعنا وقت بكرا الحفل
الجدة صيته تبتسم بمنقود /يوه لو تشوفون البيت وش مسويه فيه فاطمه
مهره بغيره/ وش مسويه؟
الجدة صيته بحسن نيه/ جايبه رشرش لمبات بالحوش وحاجزه فرش تبي الحفل بالحوش
ام ماهر تضحك/ والله انها جنيه تبي الحوش اوسع لهم
الجدة صيته تهز راسها /اي ماخلو احد ماعزموه
ام ماهر بتسال/ واهل طلال كم جابو ذبيحه ؟
الجدة صيته بذكر الله/ ماشاءالله خمس ذبايح
ام ماهر ابتسمت /الله يبارك لهم
مهره كانت صامته وهي تغلي من الغيره تمنى تشوف ردت فعل فهد وقت تجهيز الحفل هل فرحان ولا متضايق على فراق شوق حبيبة الاوله
وصلو للمول وكل وحده منهم تختار لمهره فستان بس هي كانت ترفض تبي على ذوقها من زمان مادخلت السوق و عيونها تجول كل مكان بشفقه ودمعه حايره وسط عينها .. اخر شي اعجبها فستان ناعم و خذته
الجدة صيته دق جوالها وردت وهي تبعد شوي
عنهم/الو
جاها صوت فهد الغاضب الملتهب/ ام عقاب انا واقف بسيارتي برا عند باب الموال علي الحرام حرم الارواح كان ماجبتي بنت اخوك وطلعتو للي لانزل و اجرم فيها
الجدة صيته بردت عظامها /جايين جايين
من سكرت منه اتجهت لمهره وامها اللي كانو عند مكان الحذا ويختارون هتفت برعب / يلا بنطلع
مهره لفت لها بدهشه/ ماسرع باقي ماخلصت
الجدة صيته بذات الرعب / فهد برا مقوم الدنيا بنطلع له
مهره تصلبت / فهد وش يبي وش دخله ؟
الجدة صيته تنحرها /اقصري الهرج وامشي لا يجي ويفضحنا قدام الناس
مهره بعناد / خلي يجي ماني طالعه
ام ماهر ضرب كتفها بهدو / امشي مشى بطنك حنا فاضين لعاندك
مهره طارت عيونها/تبون اروح معه ؟
الجدة صيته انتفضت من جوالها اللي رن/هذا هو يدق والله انه شاب نار يا دافع
ام ماهر بتوتر/ ردي عليه قولي جايين
مهره بعناد اكثر / روحم انتم انا ماني رايحه
الجدة صيته بزعل/ لا تحمليني ذنب فزعتي لك اكسري الشر ومشي معنا
مهره تنهدت بقلة حيله/طيب نرجع مع راجو
الجدة صيته تطالع جوالها اللي رن لثالث مره وهي ترد/يامك هذا حنا جايين
فهد بصرامه / جت معك ولا انزل اجيبها
الجدة صيته بارتباك /جت هاذي هي معي
فهد ينهى الاتصال /يلا
مهره قطب جبينها / ياجدة تكفين
الجدة صيته تسحبها بمقاطعه/امشي وانتي ساكته
مهره مشت معهم باستسلام حست برجفه مخيفه وهي تلمحه جالس بجيب الكزس وعليه نظاره شمسيه مخفيه نظرات عيونه …
فهد كانت اعصابه مشدوده ومن لمح زولها الفاتن بالانوثه البالغه مع طولها المتوسط حتى من تحت العبايه واضح تناسق جسدها ارتخت اعصابه وهو يحاول يبعد النظر عنها ويتذكر انها غير حلاله بس عجز وكل شي فيه يقول انها مازالت له والنظر فيها حلال تفحصها لين اتجهت وركبت ورا الجدة صيته
اللي اركبت جوارره وام ماهر وراه سلمو وهو رد بجمود
حرك السيارة والصمت كان الملازم بينهم الا من صوت همسات الجدة صيته اللي تسبح بمسبحها
وام ماهر بالعه العافيه وساكته مهره عيونها خانتها
ورتكزت علي جنبه من الايمين كله واضح لها
جاها شعور غريب ود ودها ترتمي بحضنه وتبوس عارضه اشتاقت له كثير ريحت عطره الماليه السياره تستنشقها بعذوبه وانفاسها تسارع وجسمها يتنافض
فهد يرفع على المكيف و يوجهه عليه يشعر بحراره الجو عرقه بدا ينزل حتى تهيا له انه اغرق ملابسه قربها منه بمكان ضيق وهي ماتحل له يشعره بحسره موجعه خاطره يفاتحها بموضوع الرجعه بس راده شي واحد الا هو لاول مره يخاف يضعف عندها فهد القوي اللي مايهزه شي حتى الموت يتقدم له بالمداهمات بس الان هزته هالفاتنه وخلته يختار الصمت افضل له،؟؟
الجدة صيته ماخفاها حرارته وعرقه ورفعه على المكيف وصمته المفاجئ وهي كانت متوقعه من صراخ وهواش… صمتت وهي متوعده بالي وراها الموجعه لقلب ولدها ومشعل الحراره بجسده تبي تغسل شراعها غسال
وصل عند بيت ام ماهر وهو صامت /…
نزلت ام ماهر ونزلت مهره وهي تضبب الاكياس اللي على المرتبه تبي تاخذهم فهد ماقدر يمسك نفسه لف لها وهي لمحت حركته ورفعت عينه له التقت عيونهم بعض بس ماوضحت عيونه من تحت النظراه الشمسيه بس هو ومادارك ماهو نسى وجود جدته اللي بجواره وعيونها الناعسه العاتبه ارمته بسهمها
وعيناها كانها في الحسن إية ….
تتلى على قوم ٍ كفروا فاهتدوا ….
مهره خذت الاكياس وسكرت الباب بقوه وتقصد وراحت داخله للبيت فهد زفر من بين صدره بشدة وجدته هتفت بتهدئه / مردها بترجع
فهد لف لها بعتاب/ تحررت وقامت تحوم وانتي وامها ماشيات وراها
الجدة صيته / يامك عشان حفل بكرا نبي تحظر عشان الناس مايشكون بشي
فهد تنهد بتعب حقيقي/ ومن بيجيبها هي وامها البيت؟
الجدة صيته بتوتر/راجو
فهد لف لها بحده /لا يجيبهم عمي محمد ولا انا اجي واخذهم
الجدة صيته تنهى الموضوع بطريقتها /خلاص عمك محمد ولا عمك ناصر يجيبونهم
فهد حرك السياره وهو صامت صمت غريب كل تفكيره بزولها بعيونها بصوت انفاسها بقربه يشعر بنشوه غريبه فيها نزل جدة عند بيتها وراح للبر يبي يختلي بنفسه وبفكاره …
_______________________________
بدبي …بالمكتب
صقر صار بينه وبين هاعائله توالف يجلس مع شايب وولده يسلفون بساعات.. استلم حالة ام سعود كانت تعاني من جلطه برجل وتحسنت حالتها للافضل بس لازم تكون بالمستشفى كم يوم تحت عين الاطباء قبل رحلتهم لسعوديه ..
ابو سعود بموده/ يابوك انت تشتغل هنيه على طول ؟
صقر ابتسم/ لا جاي عندي مؤتمر عمل كم شهر ورجع لسعوديه
سعود بهدو / ماشاءالله وش تخصصك بطب؟
صقر رد بذات الهدو/ دكتور عام
ابو سعود ابتسم /يالله انك تزيدك علم ومنفعه ماشاءالله
صقر رد عليه ببتسامه ودوده/ اللهم امين ويطول بعمرك ويشفي ام عيالك
ابو سعود بذات الود / يشفيها الله بفضله ثم بفضلك
سعود يقوم واقف / بروح اشوف الاهل يحتاجون شي
ابو سعود يهز راسه برضا/ اي يابوك شفهم
صقر بتسال /عندك ولد غيرة ؟
ابو سعود / ايه سعود وسعد وسلوى وسما
صقر بحترام /الله يحفظهم لك
ابو سعود بتوجس/ هو انت معرس ولا بزوجك بنتي سلوى طمعان بنسبك
صقر ابتسم / لا بالله اني معرس الله يرزقكم بنسب احسن من نسبي
ابو سعود بطبع شيبان / الشرع محلل لك اربع
صقر زادت ابتسامته من هالشايب / والله ياعم ان فكرت اخذ الثانيه ماتعدا بنتك بس الحين لا بالله عندي بنت عمي
ابو سعود ابتسم/ ونعم مدامها بنت عم لا بالله ماحنا ضاغطين عليك
صقر قام مستاذن / تبي شي بروح اشرف على مريض
ابو سعود وقف/سلامتك وانا بروح لاهل
صقر تنهد بعمق(يبي يزوجني مايدري عن ملاك
و شراستها تذبح بنته و تذبحني وراها ) ابتسم لطاريها هذا الرجل العاشق الوافي للحب حتى لذكرها يدق قلبه رفع جواله ودق رقمها لعل وعسى تكون شايله الحظر لاكن للاسف خاب ضنه .. حظر موجود ..خذ جواله وملف المريض وطلع من مكتبه
_____________________________
ملاك تصرخ بشده / يومممه اه يومه
نهيل جت تركض وراها امل/ شفيك شفيك ؟؟؟
ملاك متمدده عاجزه تقوم / بطني يومه بموت
نهيل برعب / وش تحسين فيه؟
ملاك ترجف / مدري تحرك بقوه يومه بموت
نهيل دمعت برعب /لا يامك هذا شي طبيعي الحين اكلم مازن يجي يودينا للمستشفى
ملاك جمدت برعب / لاتكون ولاده؟؟
نهيل تبتسم / لا يامك توك بتدخلين السابع توها ماحولك ولاده بس يمكن الطفل تحرك نروح نطمن
ملاك بوجع / يومه ماقدر اتحمل
امل تمد يدها وهي مرتاعه/ قومي اساعدك تجلسين
نهيل تمد يدها بعد / يلا يومه عطينا يديك
ملاك بتوتر / يومه ماقدر اجلس احس صرت ثقيله
نهيل بامومه / حاولي ساعدينا وساعدي نفسك
ملاك تمد يدها وامها وامل ساعدوها توقف وهي تنفس بسرعه/ اوف اوف ماعاد انام خلاص انكتمت
نهيل تضحك/ وانتي ليش تنامين على ظهرك كذا الطفل يتحرك ويتعبك
ملاك بالم / يومه ابي المستشفى بسرعه
نهيل تهتف لامل / روحي نادي لمازن سرعه
امل بتردد/مازن ماجا من جده الا الفجر يمكن مايصحى
نهيل بزفرة /اقول روحي كسري الباب على راسه سرعه
رحت امل طقت طق متواصل عالي مازن فتح
برعب/شفيك؟
امل بتوتر/ملاك تعبانه تقول امي تعال بسرعه بنوديها المستشفىً
مازن باستغراب/شفيها ؟!
امل تتجه داخل /مدري بس سرعه مازن تكفى
مازن لبس بسرعه اخذ جواله ومفتاحه جاه صوت وفا الناعس / مازن وين؟
مازن يتجه الباب/ ملاك تعبانه بوديها المستشفى وكاد ولاده
وفا قامت و جلست على السرير /ولاده مسرع ؟؟؟
مازن طلع وسكر الباب /…
وفا بغبن وغيرة/ مستعجل ولدها على الدنيا بيجي ياكل الاخظر واليابس وجع بقلبها وقلبه
بسيارة متجهين المستشفى ملاك تون /اه يومه بموت
نهيل تهديها / يامك استهدي بالله هذا مغص طبيعي
ملاك ترد بذات الونه / لا هذي علمات الموت اعرفها
مازن انفجر بضحك ماعنه ماهو وقته / كيف عرفتيها يعني متي ورجعتي؟؟
نهيل تزفر عليه / وقت كركرتك انت ؟
مازن مازال يضحك/ ماتسمعين بنتك الخبله
ملاك بمغص / احترمني بولد بصير ام
مازن يضحك/ هههه ام لسان بتجيب لنا ورع ابو لسان
نهيل تبتسم/ ماحولك ولاده بس هدي
ملاك تزيد بالمغص/ يومه والله احسه بيطلع مع حلقي
مازن ونهيل /هههههه
ملاك دمعت/ يومه والله صادقه لا تضحكون
نهيل تلف لها/ يامك هو برحمك ولا بمعدتك ؟
ملاك شوي وتبكي من برودهم/ والله احسه عند حلقي والله
وقف مازن / انزلو وصلنا
نزلو بالمستشفى وملاك تمغص وكل شوي تون
دخلت مكتب الدكتوره هي ومها ومازن وقف برا
كشفت عليها الدكتوره بسونار ابتسمت/ مافي حاجه
ملاك طارت عيونها/ كل هالمغص ومافي حاجه؟؟
الدكتوره بذات الابتسامه /اعطيني فرصه اشرح هذا ياحبيبتي الطفل انقلب بطنك
نهيل بهتمام / كيف دكتوره والحين وين راسه ؟
الدكتوره تطالع ملاك بحنو / راسه صار فوق وهي صغيرة وماتحملت انقلابه المفاجى
ملاك طايره عيونها وماهي فاهمه شي /….
نهيل بهم / يعتدل ولا كيف؟
الدكتوره بصدق/ والله مدري هي داخل السابع نقول ان شاءالله يعتدل قبل التاسع عشان ماتحتاج عمليه
ملاك برعب /عمليه يشقون بطني ؟؟
نهيل تهديها / اهدي ان شاءالله ماتحتاجينها
الدكتوره بتصريح / لا يمكن تكون تحتاجها لازم يصير عندها علم
عند مازن دق على صقر شوي وجاه صوته/ارحب
مازن رد /البقى شلونك
صقر يرد وهو مستغرق بشغله /بخير الحمدلله امر يا مازن بغيت شي ترا عندي شغل
مازن بتردد/ اي ابيك بموضوعين
صقر بهدو /الاول ؟
مازن بذات الهدو/ انا رفعت اجازة لمدة ثلاث ايام قبل اسافر ومددت السفر غصبن علي وكلمتهم رفضو يقولون يعتبر غياب وينقص من راتبك
صقر بحزم /هذي اولها توك متوظف وتاخذ اجازات وتمديد ؟؟
مازن بتوتر/ ياخوك والله شين غصب رحت مكه انا وفا وشغلتني مدد مدد
صقر تنهد /خير ان شاءالله
مازن بتسال / راتبي وش وضعه ينقصونه
صقر بهدو / لا الشهر هذا بتوسط لك بس بعدين مالي دخل هذا عملك وهم مساولين عن عملهم
مازن بمتنان /ماقصرت بيض الله وجهك
صقر بتسال/ والموضوع الثاني وشو ؟؟
مازن بتذكر / اي ملاك تعبت ترا ودينها المستشفى
صقر فز واقف/ ليش شفيها ؟؟
مازن بتوتر/مادري ياخوك فجئه وهاذي هي عند الدكتوره
صقر برعب / مازن شفيها بضبط علمني
مازن بذات التوتر/ والله ماعرف بس قامت تمغص وتقول هذا الموت انا اعرفه
صقر وقف قلبه فجئه /موت اعوذبالله من الشيطان
مازن هتف بحماس/هذا هي طلعت بشوفها
صقر بحزم / خل الخط مفتوح
مازن خلا الجوال مفتوح وهو يسال امه / هاه بشرو شفيها ؟؟
نهيل بتنهد وهي تبتسم/ خضت بطونا واخر شي طلع والدها منقلب راسه فوق
مازن ابتسم / تشقلب يعني
ملاك بزفرة / ماهو وقتكم والله
نهيل بامومه / يامك هدي شفيك مرتاعه كذا؟
ملاك بتوتر / يومه تقول عمليه ماسمعتي يبون يشقون بطني
نهيل بذات الامومه / يمك ربك اللي يسرها ماتدرين يمكن يرجع لوضعه قبل الولاده
ملاك تنهدت بضيقه/ لا ماهو راجع هذا ولد صقر كل شي عنده بالمقلوب
مازن ضرب راسه /يوه نسيته على الخط
ملاك طارت عيونها/من ؟
مازن يرد على جواله/هلا صقر ابشرك انها بخير بس الولد انقلب
صقر كانت صامت وكلمه منها انسفته نسف /…
مازن بندا /الو صقر
صقر رد برود / الحمدلله انتبه لها ولو اتعبت كلمني
مازن باستغراب من بروده المفاجئ/ حاظر
من سكر وملاك تطير فيه / وانت ماترتاح لين تعلم حتى اللي اخر الدنيا،؟
مازن بتافف/اللي اخر الدنيا رجلك وابو ولدك
نهيل تنهى النقاش /مشينا تهاوشو بسياره
ملاك تمشي وهي توعده / هين يا مازن انا اوريك
مازن يمشي ورها /هذا اللي ناقص تعالي اضربيتي احسن
ملاك بقهر/ خل لين اولد وتشوف
مازن يضحك /خبله
عند صقر كان شاد شعره بين اصابعه ودافن راسه بين كفوفه وكل شي يوجعه صوتها رعبها من العمليه ونها
لاكن اكثر شي اوجعه كلمه (ولد صقر)تنهد بتعب عميق(ولدي ينمو بين احشائها الصغيرة الطف بامك
يا ايه الطفل اخشع عليها من قوة حركتك )
___________________________________
-/المئه وثلاثه /-
رواية ريح المطر (للكاتبة شغف
ادعو لوالدي برحمة والمغفرة..
لبيه ياريح المطر والسما غيم..
ولبيه ياصوت المطر بعد غيبه ..
يوم الجمعة …
امتلى الحوش بالضيوف و مريم وام طلال يرحبن
وشوق جالسه عند جداتها فاطمه وصيته وباقي البنات قيمات بضيافة حتى مهره معهن تضيف و تجامل عشان منظرها قدام الناس نوف تهمس لها / متى بترجعين للبيت بتكملين شهر وانا كل ماجي تقول جدتي بترجع هالاسبوع ؟
مهره ردت بهدو/ والله مادري بس انا مرتاحه كذا بيت امي
نوف بذات الهمس / زعلانه من ابو عقاب صح؟
مهره ابتسمت /هاذ انتي عارفه ولد عمك ماينعاشر
نوف تنهدت / الله يهديه هو كريم وشهم بس لو الله يفكه من عصبيته ويده كانه بخير
مهره صمتت وعيونها تنتقل على الضيوف /…
بزواية ثانيه ام يوسف تبارك لفاطمه بخفوت/على البركه عزالله ان بنتكم خذت خير الرجال
فاطمه بموده/الله يبارك فيكم والله ماودي فيه ودي بالحسن بس هذا النصيب
ام يوسف بتوجس / وليه ماقلتي لولد عمها تراها عطيتن لك ماراح يردها
فاطمه بياس / ماخليت شي بس الرجال شكل مسحور
ام يوسف انتفضت/ يوه علامه ؟؟
فاطمه عيونها على مهره / ماغيرها هذيك معميتن عيونه عن الحريم حتى وهي منحاشه مايشوف غيرها
ام يوسف بتسال وهي قاطبه/ منحاشه ليش علامها؟
فاطمه باستغراب/ بتكمل شهر يادافع ماتدرون عنها؟
ام يوسف هزت راسها بنفي /لا بالله ماعلمت عنها الا منك الحين
بزاوية اخر مريم تهمس لام خليل / يذكر الله عن خولا كبرت
ام خليل تطالع خولا اللي جالسه وتقهوا / اي صارت مره
مريم بذات الهمس/ هي مخطوبه ؟
ام خليل فاهمتها/لا بالله يرزقها الله
مريم ابتسمت/ هاذي الي تصلح لعبدالله
ام خليل بفرحه/ ونعم بعبدالله وفيك يامه
مريم عيونها على خولا/ خلاص هالاسبوع بنجيكم للبيت ونتكلم رسمي وانتم تشاورو يا ام خليل
ام خليل فر قلبها بفرحه / ابد مايبي لها مشاوره لونها ذبيحه ماعشتكم
الجدة صيته تاشر على الطاولات بتقدير / جيبن الحلويات عند ام رماح
ام رماح ببتسامه / الله يحلي ايامكم ويجعلها كلها افراح ومسرات
الجدة صيته بذات الابتسامه / امين يارب ويفرح كل مسلم
ام رماح بتسال خافت وهي تاشر على مهره/ ماشاءالله هاذي من بناتكم ؟
الجدة صيته عيونه على طلاله مهره المبهره / بنت اخوي ناصر الله يرحمه
ام رماح بعجاب واضح / هي معرسه ولا بخطبها لرماح عاد هو يدور الزين
الجدة صيته ارتعبت من هالطاري/ اي مرت الشيخ فهد ياحافظ
ام رماح بذكر الله / يا مشاءالله عزالله انه اخذ وافلح
…عند الرجال …
ابو رماح يسال محمد بخفوت/ انت تشوف كل القبايل حظرو شيوخهم الا مطلق وعياله ؟؟
محمد باستغراب / والله مادري وش رادهم ماهي عاده لابو صالح دايم اول الحظور يقدر وينقدر
ابو رماح برجوله / الغايب عذر معه والي مايعذر الرجال ماينعد منهم
محمد ابتسم / انشهد الا انت متى بتزوج ولدك ؟؟
ابو رماح تنهد /ياخوك ذبحنا بشروطه بس يتشرط قلنا اجلس لين تنزل لك وحده من السما وتاخذها
محمد يضحك/ ههه الله يرزقه باللي يتمنى
ابو نواف يهمس لفهد / هذا وش جايبه له عين يجي بعد اللي سواه ؟
فهد لف لجاسم عليان ورد على عمه بحزم / الرجال ضيفنا واللي صار مايذكر بين الضيوف
ابو نواف بغبن / لونه انا مكانه والله ماجي استحى على لحيتي اللي ماليها الشيب
فهد رد بقلة اهتمام/ ماعليه ياعم الناس اجناس كلن وطبعه
ابو نواف طارت عيونه / شف جاك
فهد يطالع بجاسم اللي تقترب له / للي مكان عندك يابو عقاب ؟
فهد لف يمينه عمه محمد ويساره عمه ابو نواف اللي وقف بتقدير / تعال مكاني انا بروح عند ابو سرور
جلس ابو جاسم مكانه وهو يخفت /شلونك يابو عقاب
فهد يرد بثبات / طيب طاب حالك انت شلونك ؟
جاسم بحرج عميق/ والله والله ان مالي وجه احط عيني بعينك لاكن عزيمتك للقبايل هي الفرصه الوحيده اللي تشجع و اجلس معك فيها
فهد بذات الثبات / جيتك عزيزة علينا يابو عليان
جاسم تنهد بحرج اعمق / طالبك لاتشيل بخاطرك علي من بعد اللي صار ترا شين ماهو بيدي
فهد بحزم / اللي صار خذيت حقي فيه وانت تدري وخاطري الحين مابه شي
جاسم بتوجس / انت تدري ان صقر هو السبب ؟
فهد بذات الحزم / بس كلامنا و تفاقنا معك انت ماهو مع صقر ؟
جاسم بحلف صادق/ والله الرجال ملعون هددني ولو ذارعي بشين بيني وبينه حتى بنتي طلقها ورماها علي الله يرمي عضامه
فهد قطب /وش تبي بنسيب رجال مثله مايحترم عشرة الرجاجيل
جاسم بقهر / بيني وبينه شراكه وهو رجالن شهم بس لا حقد على احد ما يعفي عنه لين يحطه على الحديده راعي تخطيط و تدبير كفنا الله شره
فهد بصرامه / اذا انت ذالن منه انا ماني بذال منه وناطح الرجال من اكبرها وسمنها
جاسم بمدح صادق / كفو والله انك قدها واكبر دليل فعل يمناك وخذت صفقه كانت تدخل علينا شين كثير
فهد عقد حواجبه بغرابه / غريب مانت مانقهر عليها،؟
جاسم بجديه / مانكر اني انقهرت عليها بس ريحني قهر صقر معنه حملني فوق النص بالخساره
فهد هتف بزفرة / الظاهر انك معطيه وجه بالحيل وقام يلعب بذيله معك؟
جاسم برعب حقيقي / لاوالله بس الرجال مثل ماقلت لك راعي تدبير وانا حلالي كله معه مشاركه اخاف منه يقدر يرفعني وينزلني عقله تجاري
فهد هز كتوفه / انت حر بنفسك
جاسم بتسال / اهم شي مابقلبك شي علي
فهد بتاكيد / ابد والله ان قلبي من ناحيتك صافي وجيتك تدل على معدنك الطيب
ابو محمد انحنى هامس لفهد / فاطمه تدق تقول نبي العيال يجون يقلبون المفاطيح معنا
فهد بزفرة / وهن ليش ماخلنا نوديها لطابخين اريح لنا ولهن
محمد تنهد بضيقه/ اشغلتني تقول حالفه يا ملكة شوق انا اسوي ذبايحها
فهد هز راسه باسا/ ام ابراهيم مادري شلون تفكر
محمد ابتسم/عقلها ناقص ياعمك المهم ناد للي عبدالله بروح انا وهو نقلبها ابراهيم مشتغل مع المقهوين
فهد مسك كفه بحترام /خلك انا اخذ عبدالله ونروح بس كلمها تفتح باب المطبخ من ورا وتفضيه لنا
ابو ابراهيم بامتنان / يعلك سالم طيب
فهد نادا لعبدالله متجهين لداخل وهم ماشين بممر الحوش اللي يتجه على المطبخ ويسولفون عبدالله شاف قزاز كبيره متناثر هتف بهدو وهو ينحنى
ويشلها/ برميها بشارع لاحد يتوطها وتشق رجله
فهد اشر له برضا/ اي زين تسوي
وبذا الوقت مهره دخلت المطبخ معها صينيه الكاسات تبي تغسلهن وتجددهن بس تصلبت مكانها مدهوشه من دخول فهد مع الباب الخلفي و انتفض بشدة انتفاض واضح بلا شعور وهو يشوف المعجزه المبهره اللي توقف قباله…
كانت مهره تلبس فستان بحري خالي من اي تطريز ماسك عليها وكل المفاتن واضحه كمه وحده كامله بتطريز ويد الثاني عاريه من غير اكمام شعرها البني مسويته ويفي عريض وحاطه مكياج دقيق مبرز جمالها مع العدسات الزرقا بختصار ..(صاروخ )…
تسببت لفهد ارتعاش بالاطراف و تصلب بالاقدام عجز لا يتماسك متشفق على شوفتها حتى لو كانت بقميص بيت …لاكن يكرمه الله بنظره لها بكامل زينتها وفتنتها بس الان كل همه واللي فكر فيه بهالحضنه عبدالله مايدخل و يشوف فتنته هو وبس لذالك هتف بحزم
غاضب/ داخل بسرعه
مهره انتفضت وهي تستوعب اللي صار وتطلع
وصينية الكاسات معها و نزلتها على طاولة الصاله
و اتجهت لجناح جدتها تبي تضبط دقات قلبها
و ارتعاش جسدها اللي صار شي موثر فيها جلست على الاريكه وضمت راسها بين كفوفها وهي تتذكر ملامحه الوسيمه القاتله مع الكشخه والثبات بس كانها لمحته انتفض ولا يهيا لها فهد طول عمره مايهزه شي. مستقيم وضعه بس هي متاكده انه انتفض وبشده بعد تنهدت بتسال خافت (يمكن يكون مصدوم من وجودي ولا شعر باللي شعرت فيه انا ؟!)
عند فهد باقي متصلب مكانه ماصحى الا من هز كتفه / فهد شفيك؟
فهد هز راسه ينفضه/ هلا عبدالله متى جيت؟
عبدالله باستغراب/ تو جيت يلا نقلب المفاطيح؟
فهد يفسر يدين ثوبه / ميري جيبي معلاق كبير
دخلت فاطمه والجدة صيته اللي تهتف بتسال / هاه يامك عساه نضج الحم بس ؟
فهد زفر بضيق / اللي طابخها الفروض يقلبها
عبدالله ضحك/هههه اي والله
فاطمه بزعل / عجزت عنهن اقلبهن انا والخدم والبنات كلن تقول ماني مخربه كشختي بريحة الحم
فهد جت صورتها بكشختها باله وصمت/…
الجدة صيته تضحك / يامك لا قلبتو الذبايح حطو فاطمه بوسطهن
فاطمه بعتاب / افا ياعمه بتعشوني ؟؟
عبدالله يضحك / ههههه
فهد ياخذ الملاعاق من يد ميري وبدا هو وعبدالله يقلبون الذبايح بالقدر بعد ماخلصو هتف بحزم غاضب/ لا عاد تحلفون ماحنا فاضين نترك الرجال ونجي نقلب عشاكم اللي تحلف تصوم وتكفر عن ذنبها
الجدة صيته عرفت انه متنرفز بالحيل بس ماتدري وش السبب/ خلاص لا تشيل هم ماعاد نطبخ هنيه
فهد بذات الغضب / انضجو الحم زين ماهو نقدمه لرجال ني
فاطمه مرتاعه/ تامر امر بخلي يطبخ لين يذوب
فهد يستعد للخروج / لا تجي الساعه 9 الا العشاء جاهز
الجدة صيته شافته طالع سالت عبدالله بخفوت/علامه شاب نار يا دافع ؟
عبدالله يرفع كتوفه / والله مادري رحت احذف للي قزاز بشارع رجعت له لقيته منفعل والخلاق مقفله
الجدة صيته بغرابه / الله يصلحه حاله
عبدالله يطلع /امين
الجدة صيته تتجه الباب وهي تهتف لفاطمه/ استعجلو على العشا لا يتاخر
_____________________________
عند مهره باقي جالسه بجناح جدتها وعصابها متوتره
انفتح الباب ودخلت الجدة صيته وهي قاطبه وتسال باستغراب/ علامك جالسه لحالك هنيه؟
مهره وقفت بتوتر/ صدع راسي من الزحمه برا قلت اجي ارتاح شوي
الجدة صيته بعدم تصديق / يامك انتي فيك شي علميني ؟
مهره بمراوغه / ليش جايه هنيه يا جدة محتاجه شي انا اجيبه لك
الجدة صيته فهمت مراوغتها لاكنها ردت على سوالها بهدو / باكل علاج السكر قبل العشا
مهره بهتمام وهي تقترب لها /انا اجيبه لك انتي ارتاحي
الجدة صيته تنظر لها نظرة مباشرة / انتي شافيه فهد؟
مهره ارتعشت بوضوح وهي تكح / احم وش هالسوال الغريب ؟
الجدة صيته بحزم /مالغريب الا الشيطان يا بنت ناصر هو انتي شايفته ولالا جاوبيني ؟
مهره نزلت راسها بحرج / بصدفه والله
الجدة صيته تنهدت بزفرة / وش قال لك ؟
مهره رفعت عينها/ ماقال شي الا اطلعي بسرعه وطلعت
الجدة صيته بتافف / انا اشوفه قاب نار اثر من تحت راسك
مهره بنبرة مهزوزه / جدة انا مالي دخل جيت المطبخ بجدد الكاسات ودخل هو من غير حتى لا يتنحنح
الجدة صيته قطبت /غريبه ماتنحنح ؟
مهره هزت راسها بنفي / لاوالله
الجدة صيته بتقصد مدروس / طيرتي عقل ولدي الله يطير عقل العدو صار ينسى حتى الاصول
مهره صمتت /…
الجدة صيته بتسال خافت/ ماحنيتي له يوم شفتيه؟؟
مهره تهربت من سوالها/ انا تاخرت على الضيوف بطلع بس قبل بجيب علاجك وينه؟
الجدة صيته هزت راسها باسا/ انا اعرف وينه روحي يامك عند البنات ولا تفكرين كثير
مهره حبت راسها وطلعت بهم عميق /….
_______________________________
ملاك تمددت وكل همها هي مهره ليش لها فتره مادقت خايفه تدق عليها وتبلش بزوجها وتسبب لها مشاكل ومستغربه منها… (معقوله عشان عرفت بمشكلة رجلي ورجلها ابتعدت تبي السلامه بس والله اني فقدتها اف ودي اعرف اخبارها) …
دخلت نهيل وهي تسال بهتمام / كيف صرتي ؟؟
ملاك تعتدل جالسه / زينه الحمدلله بس احس روحي بتطلع
نهيل تبتسم / يامك من ثقل راس الطفل عن المعده يضغط عليك تحملي ياروحي
ملاك بقلة حيله / اكيد بتحمل الله المستعان
نهيل بتسال/صقر ماعمره كلمك؟؟
ملاك ردت بهدو / لا حاطه له حظر
نهيل تحاول تقنعها / يامك اللي تسوينه ترا غلط بيجيكم ولد لازم يلتم بينكم تحت ذراع ابوه وعين امه
ملاك صمتت وكلمة امها ياثر فيها /…..
نهيل حست ان فيها استجابه /هو غلط وندم يمكن عنده سبب خاص اساليه تناقشي معه ماعطيتيه حتى فرصه لشرح
ملاك بعتب وتعب / يومه هذا كلامك وانتي اكثر وحده عارفه صقر وجبروته ؟؟
نهيل بقلة حيله / عارفته بس خلاص صار بينكم روح لازم واحد منكم يتنازل
ملاك بعناد / ماني ملزومه اتنازل انا ولدي ماراح نعيش بمان مع صقر
نهيل بثقه / مستحيل ابو يضر ضناه هذا كلام اللي بالبر ماهو مثل اللي بالبحر
ملاك تنهى النقاش / انتهينا ولاعاد تحاولين تغيرين رايي ونظرتي بصقر مجرم وانتهى
____________________________
الساعه 12 ليلاً
فهد متمدد على سريره ومازال بكشخة الحفل الا انه نزل الشماغ والعقال من على راسه…يشعر بمخه ظرب بشده من روئيتها المذيبه لخلايه كانها حوريه بالفستان البحري هو متشتت من اول ماطلعت من بيته والان تشتت اكثر من بعد مالمحها لالا ماهو لمحه الا فصلها تفصيل بعيونه مايدري يذكر الوجه البشوش ذات الملامح الهادئه ولا يذكر زولها المبهر الملفت للانظار
يتمنى اول شوفتها والحين يتمنى انه ماشفها
وش يصبره الحين اعتدل جالس وهو يتنفس بقوه ويفتح ازارير ثوبه محرر صدره يبي هوا حاس انه مخنوق قام واقف ومشى رايح جاي يبيها ماعاد هو قادر يتحمل وش يسوي كيف يقتنعها ترجع كذا هو راح يفقد سيطرته حط يده وحده على خصره ويده الثانيه شد شعره بقوه ( اول مره يجيني هالشعور والله اني كنت مرتاح من غير زواج ليتني ما وديت جدتي هذاك اليوم لبيتهم وشفتها دمرت كل قوتي بنت الذينا )
حتى بعد الفراق يوم شفتها صدفه…
مانكر انها اجمل ذكرياتي …
فهد اتخذ قرار صارم وهو ياخذ شماغه ويطلع من الجناح من طلع الا جدته بوجهه كانت جايه له عارفه انه ماراح ينام ولا يرتاح من بعد ماشاف مهره اليوم
وقفت بتسال/ وين يامك ساري ؟؟
فهد صد عنها عاجز حتى يحط عينه بعين اي مخلوق مايبي يشوفون الوله بعيونه / بروح لها
الجدة صيته بصدمه/ انت صاحي بهاليل بتروح لمره ماهي حليلتن لك ؟؟
فهد انفجر ماعاد قادر يكتم / ابي اشوف وش تبي فلوس بغرقها بالفلوس ذهب اكسيها من الذهب بس ترجع وتترك العناد
الجدة صيته حاسه باللي فيه/يامك مهره ماتهمها الماده ولا الذهب مهره مكسوره حتى هي عاجزة لا تجبر كسرها اصبر عليها
فهد بنفاذ صبر / ماعندي صبر انتهى صبري و الحين بروح اشوف اخرتها معها
الجدة صيته شافته ملزم سالته/انت صامل بتروح ؟؟
فهد بحده / اي صامل وماعندي تراجع
الجدة صيته تنهدت / اجل احترني بجيب عباتي بروح معك مشتهيه اغسل شراعها
فهد يتجه الباب و شماغه بيده /انتظرك بسياره
مهره من بعد ماغسلت مكياجها وبدلت لبسها تمددت هي بعد على السرير ودموعها ماجفت من رجعت من الحفل…وكل همها ليش كسرها ورخصها ليته طلقها على خطا معقول تحاول تبرر له لاكن طلاقه لها عشان جهير تسبب لها قصاص بحد السيف ماتقدر تغفر له لو حط لها القمر بيد والشمس بيد خطاه مثل خطا القاتل مايغتفر ابداً…
سمعت طق الباب استغربت من جايهم هالحجزه وقفت عند الدريشه اللي تطل على الحوش وهي قاطبه جبينها وتسمع امها تهتف بتسال من ورا
الباب /منو عند الباب؟؟
جاها صوت الجدة صيته /انا ام عقاب
ام ماهر فتحت لها برعب / عسا مافيك شي؟؟
الجدة صيته دخلت وهي تفتح برقعها/ لا مافي الا العافيه بس جايه ومعي فهد سوي له درب
ام ماهر رحبت وهي مستغربه جيتهم /حيكم الله اقلط يابو عقاب
مهره شافت امها دخلت عليها بالغرفه وهي تهتف بحزم / جدتك وفهد عندنا بدوانية
مهره بتوتر/ وش صاير ؟؟
ام ماهر ترفع كتوفها /علمي علمك المهم بروح اجلس معهم وانتي لا تحركين من مكانك
مهره ردت بتعمد وهي تجلس على سريرها / انا بنام لاحد يجي يفتح معي اي موضوع
ام ماهر تتجه الباب /نامي
الجدة صيته تهمس لفهد اللي جالس جاورها /خلك متماسك اترك عنك الانفعال عشان نقدر نتفاهم معها
فهد صر على اسنانه / هي تخلي احد يمسك اعصابه ؟
الجدة صيته تاشر له يسكت وهي تشوف ام ماهر داخله وترحب / حي الله من لافانا
الجدة صيته ترد بحرج/الله يبقيك يا ام ماهر جيتنا تالي اليل ماهي من عوايدنا لاكن والله ماجابنا الا غلا مهره
ام ماهر بارتباك /الله لا يغلكم على غالي بس والله اني مستحيه منكم مادري وش اقول يا ام عقاب
فهد رفع حاجبه بتوجس / الكلمه اللي تستحين منها بديها يا ام ماهر؟
ام ماهر تنهدت بحرج /هي من درات انكم هنيه قالت بنام ولاحد يجي يفتح معي اي موضوع
فهد صر على اسنانه وهو يحاول يتماسك/ انا بفهم هي تعاند ليش وش يدور براسها ؟؟
ام ماهر هزت راسها باسا/ والله اني ازريت عنها هاذي هي عندكم اهرجو عليها وكاد الله يلين راسها
الجدة صيته توقف بحزم/ انا اللي اعرف لها البنت طولتها عاد
فهد صمت وهو يغلي من داخل من اصرار مهره الغريب/…
الجدة صيته دخلت عليها الغرفه وهي تهتف بذات
الحزم/ بنت قومي هرجيني ادري مانتي نايمه ؟
مهره رفعت الغطا عن وجها وهي تمسح دموعها/هلا يا جدة ؟؟
الجدة صيته جلست جوارها وهتفت بحزم حاني/يامك انتي علامك معذبه نفسك و معذبه رجلك و معذبتنا كلنا ؟
مهره انهارت بالبكا /تكفين ياجدة ارحموني والله اني صابره ومتحمله منه الكثير يوم جيت برتاح ضغطو علي معه؟؟
الجدة صيته بتسال/ طيب قولي اهرجي وش اللي تبينه بضبط ؟؟
مهره تكلمت بصوت مبحوح /ابي يبعد عن حياتي خلاص النصيب اللي بيني وبينه انقطع افهمو
الجدة صيته ردت بجزع / انتي صاحيه يا بنت اعقلي لا تخلينه يعافك ويدور غيرك ترا فهد ولدي وعرفه لا عاف الشي والله مايرجع له
مهره تمسح دموعها بطرف اصابع يدها/ وانا مابيه يرجع للي ولا ارجع له
الجدة صيته بصرامه / اسمعي الكلام عاد رجعه بترجعين غصبن عليك ماحد ضافك بعد عيني انا وامك الا هو
مهره توقف بانفعال / ماضفني على حياتكم يضربني
و يهيني وعينكم تشوف تبينه يضفني بعد عينكم؟
الجدة صيته توقف بوجها/ اكسري الشر وشرطي باللي تبين ورجعي
مهره رفعت حاجبها وردت بصوت عالي تبيه
يسمع / مدامه شاري لجهير بيت ليش مايروح يتزوجها ويسكن معها بيتها
الجدة صيته تضربها مع كتفها/اقصري حسك تراه مشتعل من اول كله من تحت راسك
مهره بذات الصوت العالي / مابيه اللي يرخصني عشان مره مابيه
فهد كان جالس ويسبح بمسباحه وام ماهر جالسه مقابلته وصامته فجئه جاهم صوت مهره تصارخ
رفع عينه وام ماهر شهقت من الفشيله وهي
تقوم /بروح اسكتها فضحتنا تالي اليل
فهد وقف باستعجال وتجاوزها لباب وهو يصرخ بصوت غاضب /اقصري هرجك يابنت لا جي وقطع صوتك
مهره صمتت ماتقدر ترد عليه مهايطه من بعيد /…
الجدة صيته تنحرها /عاجبك تبينه يغضب ربه ويدخل يشق حلقك
مهره بكت بقوه و انهيار وصوتها وصل لسمع فهد اللي واقف بالحوش بشموخه / تكفون ياناس اذا بقلبكم رحمه ارحموني انا بشر للي قلب تبون تكسرونه على حساب راضاه؟؟؟
شهقت شهقات متواصله وهي تكمل / ماقدر ارجع له بعد اللي سواه فيني ماقدر والله لونه مطلقني على خطا اخطيته انا لاتجاوز كل شي بس طلقني عشان مره باعني رخصني عشانها
الجدة صيته انتفضت بخوف وهي تشوف مهره ترجف وتبكي بقوه وتكلم بكلام مجروح ضمتها وهي
تهديها/خلاص يامك اهدي صحتك اهم من كل شي ماعاد نبي نجبرك حتى لو ماتبين ترجعين هذا قرارك وانتي بكيفك
فهد كان يسمع صوت انهيارها يزلزل الارض اللي هو واقف عليها يحاول مايطيح من طوله مرهق وجسمه ماعاد قادر يتحمل سهر ودوام وشغل وتفكير وهم ومشاكل والحين يسمع ضعفها واعترافها بجرحه لها اوجعته كثير. …
اتجه الباب وطلع من البيت بكبره شغل سيارته ومشى حتى ما انتظر جدته مايبي يشوف احد ابدً رفع الجوال ودق على راجو وبلغه يروح يرجعها للبيت وهو راح للخلا الخالي يختلي بافكاره…
_______________________________
بعد مرور شهر ….
صقر حاط جواله عند اذنه و يكلم امه بود / شلونك وشلون من يعز عليك؟
ام صالح بامومه /انا طيبه يامك بس احتري جيتك ابطيت علينا
صقر ابتسم بموده / عمل طبي يا الغاليه يفيدني بمستقبلي
ام صالح ترد بتنهد/ومتى بيخلص هالعمل ؟
صقر بصوت حاني/مددته شهر زياده
ام صالح انتفضت /يامك ليش ماكافاك الشهرين اللي راحت ؟
صقر بود عميق /كفتني وزادت والله ياني مشتاق لحبة راسك بس هانت تروح الايام ماهي شي
ام صالح بتسال/ طيب مانت حاظر عرس بنت عمك ؟
صقر قطب /متى عرسها ؟
ام صالح ترد بحزم /بعد يومين تعال احظر عشان عيال عمك وعشان مرتك
صقر تنهد وهو يرجع ظهره لظهر كرسي مكتبه / عيال عمي يدرون اني بمؤتمر ومرتي مادرت عني جيت ولا ماجيت
ام صالح بوجع /يامك تعال يمكن الله يمسح على قلبك وقلبها عشان هاللي بيلفي بعد شهر
صقر يتاثر من صميم القلب من طاري هالطفل وهو عارف ان ملاك بثامن باقي شهر وتجي المصيبه اللي راح تزلزل الجميع /…
ام صالح بندا /الو وين رحت
صقر تنحنح /احم معك معك
ام صالح تعيد وتزيد /هاه تجي للعرس احجز وتعال
صقر ينهى النقاش /ماني بجاي الله يوفقهم ويتمم فرحهم والحين استاذنك يالغاليه عندي شغل
ام صالح استسلمت /الله يحفظك وانتبه لنفسك
صقر من سكر من امه مامداه يلمم افكاره الا
ابو سعود داخل مبتسم /السلام عليكم
صقر وقف بترحيب ومصافحه /عليكم السلا ارحب
ابو سعود يشد كف صقر المصافحه له /والله اني جاي بشكرك على عملك الانساني للي ولام عيالي
صقر حط كفه الثانيه على كف ابو سعود /ماسويت شي ياعم هذا شغلي وملزومن فيه
ابو سعود بمتنان صادق /لا يا عمك سويت الكثير اللي ماحدن يسويه قدمت اوراقها وتحاليها واشرفت علي صحتها ومانت ملزومن فيها والحين كتبو لها خروج يالله لك الحمد
ابتسم صقر / الله يديم عليها الصحه والعافيه ويخليها لك ولعيالك
ابو سعود بمحبه /طالبك لارجعت السعوديه تشرف بيتي
صقر اشر على انفه/ على هالخشم ان الله عطاني عمر جيتك وشرف للي
ابو سعود بصرار/توعدني
صقر ابتسمت /اوعدك باذن الله تعالى
ابو سعود بموده /الحين تبي شي مني قبل اخذ الاهل ونبي نمشي لديرتنا
صقر بذات الموده /سلامتك الله يحفظكم وتوصولن بسلامه
ابو سعود كنه تذكر شي /رقم جوالك ؟
صقر هز راسه برضا /عطيته سعود اخذه مني امس
ابو سعود يتجه الباب /فمان الله
صقر يجلس وهو يبتسم /فمان الكريم
..من طلع ابو سعود صقر تذكر ليلة البارح…
طق الباب على غرفة ام سعود جاه صوتها
الضعيف /ادخل
دخل وسلم بهدو وسالها /شلون صحتك عسى تحسين بتحسن؟؟
ام سعود تغطي يديها بطرف جلالها/ابشرك اني بخير وصحتي زانت يالله لك الحمد
صقر منزل راسه ينظر لملفها اللي بين يديه /الحمدلله بس بكتب لك ابر سيبرين تستخدمينهن بالبيت لمدة شهرين ضروريه
ام سعود تاشر من وراه /انا ماعرف بس علم سلوى هي تعرف
صقر لف بحركه عفويه و هو مستغرب ان فيه احد وراه وماله حس لاكن هزه احتشام البنت و احترامها هو دكتور ويداوم مكان عام ومختلط ويمر عليه اشكال و نواع من النساء بس مامر عليها مثلها ابد واقفه طول الوقت بزاويه بصمت وماطلع منها شي حتى يديها ساحبه طرف العبايه ومغطيتها هزت شي بداخله و ماسرع مارجع النظر لاوراقه وهو يرد بتحكم /خلاص اخلي الممرضه تعلمها طريقة حقن الابره
ام سعود تسال بنتها /سلوى يامك تعرفين ولا يعلمونك ؟
سلوى ردت بصوت خافت / لا ماعرف لازم تعلمني
صقر قطب و الصوت ماهو غريب عليه تذكره هي اللي صدمت فيه بالممر رد عليها بهدو / طيب مافي مشكله تتعلم بس اهم شي ماطوفين الابره ولا يوم
ام سعود تاشر براسها/حاظر يامك
صقر يستاذن / اجر وعافيه
ام سعود ترد وهي تشوفه يتجه الباب /الله يجزاك خير
سلوى فتحت نقابها بعد ماطلع وهي تجلس بجاور امها /تدرين انه سعودي ؟؟
ام سعود بحسن نيه /اي قالي ابوك الله يجزاه خير
سلوى بتسال وهي تشتغل بغطا السرير عشان امها ماتلاحظ عليها/ هو معرس يومه معه عيال ؟
ام سعود تمدد كامل / اي يقول ابوك معرس بس مادري معه عيال ولا ياضنتي لا
سلوى تحطمت تحطيم وهي كانت متامله و متاكده ان نظرته قبل شوي لها نظرت اعجاب بس ماتدري توقعته تذكرها بعد الطيحه بس اللي ماتدري عنه ان حشمتها هي اللي اعجبته ..
_______________________________
ملاك جالسه بروحها و الافكار تاخذها لا بعيد
من سبوع فاتحه البلوك عن صقر وتنتظر منه اتصال متوقعه انه ينتبه ويتصل لاكن انصدمت انه حتى مارسل لها رساله …رفعت الجوال تتاكد من ازالة البلوك وهي ماهي فاهمه نفسها اصلاً ليش تبيه يتصل واذا اتصل هل هي بترد ولا لا؟؟
بس اللي حارقها ليش مانتبه وش مشغله عنها
(لا يكون متزوج بسر اشوف روحته لدبي كثرانه والله
ان طلع صدق ياصقر لاذبحك وذبحها معك )
قامت تدور بغرفتها من الضن و الغيرة تخيليه متزوج اجنبيه شقر و ناسيها
تعوذت من الشيطان وهي تطلع لصاله تبي تنساه شافت امل وحصه تو جايات من السوق ومعهن عدت اكياس حصه تسال /ملاك وين ايودي ؟
ملاك ترد وهي تقترب لهن /رضعته و نومته صك راسي بصياحه
حصه تضحك /تعالي جبت لك هديه تستاهلين
ملاك تجلس وهي تفتش الاكياس بطفولة /وش هديتي ؟
حصه طلع شنطة فخمه وجزمه طقم/شرايك؟
ملاك ابتسمت بعجاب وامتنان /مشكوره تهبل والله.
امل تمد لها ساعه ماركه بسعر غالي /وانا جبت لك هاذي
ملاك ضحكت بشده /انا العروس ولا انتي؟
امل تبتسم /انا بس انتي تستاهلين
ملاك بنبرة اخيه صادقه/الله لايحرمني منكم يارب
حصه بذات النبره /امين ويخلينا لبعض
امل دمعت عينها /امين
ملاك تضرب كتفها بخفيف /ماهو وقته ماعندنا عرايس يتباكون
حصه تضحك / خليك زي ملاك يوم عرسها كلتنا بقشورنا ولا توعد العريس بعد
امل تضحك معها /ههههه مجنونه
ملاك بغيظ/لاتذكروني معدتي بدت توجعني
حصه مازالت تضحك /معدتك ماهو من الذكرى الا من راس ولدك
ملاك تلمس بطنها بكف يدها وتسوي حركات طفوليه بوجها الجميل /يوه فديت راس حبيب الماما
امل منسجمه بملامحها / ياحظه مشاءالله اول مره اشوف ام حلوه
حصه وملاك انفجرو بضحك/هههههه
امل تضحك معهم /والله صادقه احسها تسحر اكثر من ورعها
حصه تهز راسها بضحك / الا امي وينها ؟
ملاك تمدد على جنبها / راحت تسلم على عمي مطلق وتشاوره بامور العرس
حصه هزت راسها باقتناع / زين تسوي حق واجب
نهيل تدخل وهي تبتسم / متى جيتو؟
حصه ترد بتسال /تو جينا هاه وش سويتي انتي ؟
نهيل تنزل عباتها و تجلس/ رحت اسلم على عمك ونتشاور بامور العرس
ملاك بتسال وهي مازالت متمدده / وش قال لك ؟
نهيل بموده /والله ماقال شي يقول ابد اللي تبون تسونه سوه واللي ينقصكم علموني وعطاني ظرف فلوس حلف يقول هدية البنت
حصه بحرج /لو قلتي هي بتجيك تسلم عليك بس تستحي من العيال
نهيل تنزل نقابها و تمسح وجها بكفوف يديها/ قلته قال لا تجي مسامحها والعيال ماعندهم احد الا سالم بس شفته وسلمت عليه
ملاك ودها تسال عن صقر بس متردده /…
حصه باستغراب /ليش وينهم ماهم حاظرين العرس؟
نهيل ترد عليها /الا يقول عمك كلهم بكرا يجون ويحظرون الا صقر بدبي عنده شغل
ملاك ماقدرت تسكت اكثر /ماهو حاظر؟؟
نهيل تاشر براسها بنفي / لا امه تقول مدد شغله شهر ولا يقدر يجي وخوانه يكفون عنه
ملاك قامت بانفعال /اذا ماهو محترمنا حنا اقل شي يحترم نظرت الناس فينا
حصه تطالعها باستغراب/ انتي وش عليك حظر ولالا ؟
ملاك مازالت منفعله / لا علي خلي الناس تشوف انه مقدر عمه وبنت عمه ماهو يقولون ساحب وشايف نفسه عليهم
نهيل طايره عيونها / والناس كلها تدري انك طامح عندنا لك سبع شهور
ملاك تتجه غرفتها وهي مغتاظه/ مغرور وشايف نفسه مادري وش عليه
حصه وامها تبادلو النظرات وامل مشوشه / غريبه وش جاها ؟
حصه بخرعه / يومه بنتك الظاهر ضرب مخها
نهيل تسكتها بخفوت/اص تراها معصبه لاتقوم تغسل شراعنا قبل العرس
امل وحصه ضحكو بذات الخفوت / هههههه
عند ملاك بعد مادخلت وقفلت باب غرفتها بالمفتاح جلست على سريرها بزعل وهي تتخيل ان اللي فكرت فيه صحيح (اكيد متزوج عشان كذا مدد اجل يعيش عزابي طول هالمده عشاني مستحيل؟ ) وقفت ورجعت جلست خذت الجوال وفتحته ودقت عليه وقلبها كاد يوقف من شدت نبضها المرتفع مافي رد
رمت الجوال وعيونها امتلت بدموع (مايرد اكيد نايمه بحضنه اي اكيد مايبي يرد علي و يضايقها؟؟)
ماكملت جملتها الا رجع الاتصال فيها سحبت نفس وردت /الو
جاها صوته يتسال بهتمام وحنان /هلا ملاك فيك شي؟؟
ملاك انفجرت فيه / لا تطمن مافيني شي كان مادقيت احسن ارجع للمخده اللي كنت نايم عليها
صقر طارت عيونه بصدمه ماهو فاهم شي /ملاك شفيك؟
ملاك ترجف من الغيرة / سويتها يا صقر ؟؟
صقر سال بذهول / وش سويت فهميني ؟
ملاك بزفرة حارقه / تستهبل على بالك بصدق انك عايش سبع شهور عزابي اخذت لك كافره عشان تستانس فيها ؟؟؟
صقر يتسال بصدمه /وشوو انتي وش تقولين ؟
ملاك ترد عليه بحده /كلامي واضح مايحتاج تلف وتدور معي ؟؟
صقر بتسال غاضب/من قال لك هالكلام ؟؟
ملاك طار قلبها/ يعني الكلام صدق ؟
صقر بصرخه غاضبه /سالتك انا من قال لك الكلام جاوبيني ؟؟
ملاك ردت بغبن/ ماحد قالي انا عرفت من نفسي
صقر يعيد السوال/ملاك من قالك كذا جاوبيني لاتخليني اروح اقتل للي قتيل من ورا راسك
ملاك ردت بغبن اعمق/قلت لك ماحد قال انا اللي فكرت وعرفت انك مستحيل تعيش بدون مره ولا وش جلسك بدبي كل هالمده ؟؟
صقر ارتخت اعصابه وهو يشم ريحت غيرة / يعني انتي اللي فكرتي وعرفتي ؟
ملاك تنفس بسرعه وتحس روحها بتطلع / طلقني وخل الكافرة تنفعك رح ضمها وبوس لك كافره فضلة الكفار
صقر انفجر بضحك /هههههههه
ملاك طارت عيونها / تضحك بعد مالومك عاجبك اللي سويته
صقر رد بخبث /لاوالله عاجبي اللي اسمعه
ملاك بقهر /من متى معرس عليها ؟؟
صقر ارخى جسمه على مرتبة السياره براحه وهو صافط عند الاشارة الحمرا ويسالها بشجن /على من بضبط ؟
ملاك بقهر اعمق /على مرتك من غيرها ؟
صقر بذات الشجن الخافت /ماعندي مره الا انتي
ملاك بنفاذ صبر / ماني بزر تضحك عليها قول لامك وابوك عندي عمل بس انا كاشفتك
صقر ابتسم نص ابتسامه / كاشفتني بعد والله ان عقل الشيبان اطهر من عقلك يابنت والله ماعرست ولا حولي عرس
ملاك قطبت جبينها/ تحلف ؟
صقر بصوت خافت ذايب / وقسم بعد اقسم لك بالله
ما عرست ومازلت عزابي من طلعتي من عندي
ملاك صمتت بحرج وهي تعلن افكارها ونفعالها /…
صقر بتوجس خبيث /وش جاب هالافكار والانفعال الغيرة صح؟؟
ملاك ماردت عليه ونفاسها مازالت تسارع /…
صقر يسمع صوت انفاسها المنتضمه/ ملاك
ملاك ردت بهدو /نعم
صقر بتسال حاني /شفيك وش صاير معك ؟
ملاك ودها تساله ليش مانتبه انها فاتحه عنه الحظر بس صمتت ماتبي تقلل من قدرها وتعطيه اشارة خاطئه انها راضيه فيه لذالك ردت بتصريفه / سمعت انك مددت شهر ؟
صقر حرك سيارته مع الاشارة الخضرا و رد عليها
بتحكم /فعلاً عندي شغل ماخلص بس اذا تبين ارجع برجع عشانك
ملاك صمتت ثواني بعده ردت بدلع / اي ارجع بس ماهو عشاني عشان عرس اختي
صقر ذاب مع النبرة / اذا بشوفك بجي الحين على اقرب طيارة
ملاك ردت بعفويه / لا طبعاً ماراح تشوفني انا حالفه
صقر صر على اسنانه /اجل ليش اجي تبين تعذبيني ؟
ملاك زفرت عليه/ قلت لك عشان العرس حط للي قدر قدام الناس
صقر بحزم / وانتي ليش ماحطيتي للي قدر وهذا الناس كلها تدري عن شرودك مني ؟؟
ملاك صمتت /…
صقر بحزم ابلغ / اختك الله يوفقها ماني تارك شغلي عشان عرسها والناس ماهمتني ولا راح تهمني
ملاك بزعل / طيب بكيفك
صقر صمت وهو يتنهد بضيقه /…
ملاك صمتت بعد وهي زعلانه/…
صقر نادا عليها بهدو / ملاك معي؟
ملاك ردت بذات الهدو / معك
صقر همس لها بصوت مولع / ابي حظنك بس ساعه والله مابي بعدها شي
ملاك بلعانه / حظني بعيد عن شاربك
صقر انفجر بالغضب / وانا ولد ابوي
ملاك كتمت ضحتها حست انها بردت قلبها فيه /…
صقر هتف بغضب عميق / لا تخليني اعلمك شاربي وش يقدر عليه اذا انتي ناسيه اول يوم خذت حقي منك بالغصب وبدون رحمه
ملاك تغيرت ملامحها وهي ترد بنبرة حزن / ذكرني بعد ذكرني
صقر بتافف وقلة صبر / كله من لسانك لازم تجيبين العيد بنفسك وفيني ؟؟
ملاك بذات النبرة بس فيها شوية بحه / بسكر باي
صقر بندا /لا بقول لك شي
ملاك بذات البحه / قول بسرعه ؟؟
صقر ماهان عليه يكسرها يحبها غصبن عليه ماهو بكيفه هتف بشحن عميق/ بحجز طايره ذهاب وياب يوم العرس لعيونك
ملاك حست براحه وصمتت/…
صقر بصوت مبحوح من بين انفاسه / احبك يا بنت واسوي المستحيل عشانك
ملاك سكرت عيونها وقلبها بدا يدق/…
صقر بذوبان حقيقي / بس عندي سوال واحد ابيك تجاوبيني عليه حلفتك بالله ماشتقتي ؟؟
ملاك توترت وردت بمراوغه/ صقر امي تنادي للي
صقر زفر بحزم / اتركي امك وجاوبيني ملاك اشتقتي ولالا؟
ملاك بهمس دافى / صقر اعفني من الاجابه
صقر باصرار /لا ابي تجاوبيني ووعدك راح اسكر من غير نقاش بس ابي الصدق
ملاك صمتت ثواني بعده فجرت كيان صقر / اشتقت
سكرت ملاك الخط وهي ماتعرف وش اللي سوته بهذا الرجل العاشق المخلص لعشقها … صقر انافسه كلها طارت و جسده بدا يغلي بالحراره وزاد شوق و الوله عنده اضعاف اضعاف من كثر ماقام يرجف عجز لا يكمل سواقه صفط سيارته عند اقرب محل يبي يضبط اوضاعه رفع على المكيف وهو ينزل المرتبه و يرخي جسمه … وفجئه ابتسم من غير شعور من اتصالها اللي صار كله هجوم عليه انفعال وغيرة و عتاب واخر شي فجرتها فيه بلا رحمه..
رفع جواله واتصل على مدير اعماله وطلب منه يحجز له على رحلة الخميس ذهاب واياب بنفس اليوم يحظر الزواج ويرجع وهو يدري انه بيصير تعب عليه بس مايبي يردها مبديها حتى على نفسه ومعترف انه انسان ضايع ورا حبها من زمان و ماعليه شرهه اصلاً،،،
__________________________________
فهد كان بديوان عنده اجتماع لمشروع جديد من بعد الانتهى من الاجتماع قام مستاذن مثل كل عاده مايجلس بديوان كثير ينجز شغلة ويبتعد …
ومن بعد اخر موقف و انهيار مهره قبل شهر ماعاد طلبها ترجع ولا فتح الموضوع مع جدته نهائي ولا هي فتحته معه رحمته ورحمتها …
ركب سيارته وشغلها جاه صوت طق على الدريشه لف و فتحها وهو يرحب بموده / هلا ياعم محمد امر؟
محمد بتسال / وين رايح ،؟
فهد رد بهدو / كنت رايح البيت بريح بس امرني ؟
ابو محمد يتجه الجهه الثانيه من السياره وهو
يهتف /بروح معك
فهد استغرب لاكنه صمت/…
ركب محمد ولف له بتسال / انت بينك وبين مرتك شين كايد ابطت هالمره عند امها؟
فهد حرك السياره و رد برود / ياعم انا مطلقها
محمد انتفض بجزع / هب ياشر لا تقوله من متى وليش ماحد قالي ؟؟
فهد بذات البرود / ماسالتني والا كان علمتك انا ماعندي لف ودوران
محمد تنهد بعتاب/ امي ليش خبت علي ماخلتني اتدخل وحل الموضوع بينكم
فهد تنهد بضيقه / لو تدخلت ياعم مهره معنده
و ماهي راجعه جدتي كلمتها وامها وانا رحت لها كم مره البنت مصره على رايها
محمد بقلة حيله/لاحول ولاقوة الا بالله يابوك وانت ليش تسوي كذا كان ضربتها اهون من الطلاق
فهد هز راسه بحسره / الله اللي كتب
محمد يشد كتفه / لا تضايق بعد عرس شوق وطلال انا اروح لها و كلمها
فهد برفض حازم / لا ياعم انت ما تروح لو ردتك مصعت رقبتها
محمد بتامل وثقه / لا يابوك تقدر شيبي و ماتردني
فهد زفر بقهر /ماقدرت شيب ام عقاب ولا قدرت مكانتي عيت وخلها بكيفها تجلس بيت امها كثر ماتبي
________________________________
ام يوسف جالسه بحوشها و تهوجس مع نفسها
(غريبه للحين عند امها لها شهرين وش بينها وبين الشيخ؟؟)
دخل يوسف وجهه اسود /سلام
ام يوسف ردت بهدو/عليكم السلام وينك من البارح تو تجي ؟؟
يوسف يجلس على الفرشه وهو يكح وريحتها كلها دخان/سهران عند العيال
ام يوسف بغضب/ لامتى وانت مع هالشلات الفاشله ؟
يوسف بارهاق/لين بيرى جرحي
ام يوسف بغبنه /يامك شف طلال نساها وشاف نصيبه
يوسف رد بحده / طلال ماكان يعشقها كثري يومه مهره من وهي ورع وانا ميت عليها لين جا الشيخ واخذها
ام يوسف تبي تريح باله/ماهي متوفقه ابشرك معه هذا حوبتك
يوسف قطب/ ليش وش صاير ؟
ام يوسف باستغراب/مادري يامك بس لها شهرين عند امها منحاشه وهو مايجيهم
يوسف اقترب لامه بحماس/ كم شهرين وش دراك انه مايجيهم؟
ام يوسف ترفع كتوفها / ام فارس تعلمني بيوتهم عند بعض تقول ماعمره جاهم الا مره وسمع صوت هواش ومن بعدها انقطع كان ماهو مطلقهاً
يوسف وقف بفرحه /مطلقها الحمدلله
ام يوسف تسحبه يجلس/ماندري للحين خل نتاكد
يوسف برجا /تكفين يومه تاكدي بخطبها قبل تروح مني مره ثانيه
ام يوسف بحده / ماضمنتي بترضى فيك وانت تشرب هالسم
يوسف تمدد وعيونه بسما وطيفها يمره/ اتركه والله اتركه بس ترجع للي
_______________________________
يوم الخميس الساعه 7 ونص مساً …
بالفندق حق العرسان نهيل توصي خبيرة
التجميل / بالله الساعه 10 والعروس جاهزه
خبرة التجميل تسوي مكياج امل المتوتره وهي
وترد / تكرم عينك لا تشيلي هم
جت حصه تمشي عليها فستان اخضر غامق وشعرها تسريحه مرفوعه بفخامه/ هاه شرايكم بشكل النهائي ؟
نهيل تبتسم /ياذكر ربي تهبلين يا ام ايود
امل تبعد يد خبيرة التجميل عن وجها وترد / ماشاءالله حصه كشختك تهبل
حصه تقدم لها / اخت العروس اكيد بكشخ
نهيل بتسال /الا ملاك وينها ماخلصت؟
حصه تسوي نفسها تبكي / يومه المفروض ما تحظر معي الناس بتسال عن خوات العروس يقعدون يقارنون بيني وبينها حتى وهي حامل مغطيه علينا
نهيل تنحرها / بسم الله ع بنيتي قولي ماشاءالله
حصه تضحك/تف عليها ماشاءالله
جت ملاك تمشي بهدو عشان الكعب الناعم اللي تلبسه وهي تبتسم / تف عليك حتى انتي يا الحسوده
حصه تاشر علي ملاك وتكلم امها / شوفيها تلوموني ماني رايحه وهي معي
الكل يطالع ملاك بانبهار سبحان من صورها باحسن الصور فوق زينها متزينه عليها فستان رصاصي من قدام قصير تحت الركبه ومن ورا طويل بنعومه والحمل ماهو واضح مع رسمة جسمها و شعرها الاسود مسويته ويفي على طوله وحاطه مكياج مبرز ملامحها
قطبت جبينها وهي تشوف نظارات الجميع /شفيكم ؟
نهيل بامومه صادقه اقتربت وهي تنفث عليها / قل اعوذب رب الفلق من شر ماخلق ومن شر حاسدً اذا حسد
خبيرة التجميل بعجاب/لاله الا الله ماشاءالله فتنة الارض
امل تبتسم بحب / احلى صاروخ بعرسي
ملاك بذات الحب / كل هذا لعيونك
حصه تمد بوزها لليمين / ترا بالعرس مانعرف بعض
ملاك تقترب لها وتبتسم / اصلاً من قال بفكك بعلق كتفي بكتف
نهيل تستعجلهم / يلا روحو للقاعة تاخرتم
ملاك بمحاوله / يومه روحي انتي وحصه الحين وشوي ترجعين و انا اروح
نهيل برفض /لا انتي الحين مع حصه وشوي ترجعين عشان ترتاحين وانا اروح
حصه تايد كلام امها / فعلاً عشان ماتتعبين كثير
ملاك لبست عباتها / على راحتكم
حصه تلبس هي بعد / يومه اخذ ايود معي
نهيل تاشر بنفي/ لا خليه عندنا بس حلفتكم بالله تقرون اذكاركم وبذات انتي يا ملاك اقري على نفسك
و جنينك
______________________________
من وصل صقر راح على طول للبيت سلم على امه وابوه اللي مستغربين من جيته المفاجئه وهو كان رافض يجي اخذ له شاور لبس وكشخ بجناحه وبعده طلع لصاله شاف خواته جاهزات وفزن يرحبن فيه سلم عليهن وهتف بتسال/ ماشاءالله بتروحون كلكم ؟
هدى سالت باستغراب / اي كلنا الا انت كيف جيت؟
صقر يرد بستعباط / طلعت الي جنحان وطرت وجيت
هدى تضحك / عاد انت دختور ماهي بعيده عليك طب جديد زراعة الجنحان
صقر ضحك من كلمة دختور وجا باله ابو سعود مايدري ليش مر طيف بنته سلوى بذاكرته / هههه الله يرجك
ام مهند بجديه/ لا جد كيف جيت وانت اول معيي
صقر رفع كتوفه / طقت براس وجيت
ام صالح بامومه / زين تسوي يامك ترفع قدر بنت عمك الله يرفع قدرك
صقر ابتسم لها وهو يغير الموضوع / وش هزين يا ام صالح كانك ام العريس
ام صالح تبتسم بحنو / بعيونك ياعل الله مايسدهن
هدى انفجرت ضحك / ههه ياويلي من دعاوي امي مادري كيف جايه
وفا بتسال / متى بترجع صقر ؟
صقر لف يطالعها / اليله باذن الله
ام صالح انتفضت /ماسرع علامك طاير؟!
صقر مال و حب راسها/ وش اسوي عندي اجتماع بكرا لازم احظرة
ام صالح صمتت وهي ودها يجلس عشان تحاول ترجع له مرته /…
صقر سال وفاء باخوه / شلون مازن مع الوظيفه ؟
وفا ابتسمت / ماقصرت الله يرزقك والله ان امورنا تو اعتدلت
صقر ارتاح لفرحتها / الله يزيدكم وكل ماصار ملتزم ومحافظ زاد راتبه
وفا بفرحه /صدق ؟؟
صقر بحرص /اهم شي ابعديه عن الغياب والحنه
وفا صمتت بحرج /…
ام مهند بتدخل/ الله يرزقك اضعاف ماسويت
صقر يستاذن /امين انا رايح العرس تبين شي يا يومه ؟
ام صالح بتسال /تجي ولا بتطلع المطار مناك ؟
صقر انحنى وحب كف يدها/ لاوالله بطلع المطار حتى قبل العشا
ام صالح تشد كفه / الله يحفظك ويستر عليك
هدى هتفت برجا / طيب تكفى خذنا معك للعرس العيال رايحين من زمان تاخرو
صقر رفع حاجبه بحزم / زين وجهي رجال وش كبري واقف عند باب الحريم
ام مهند بنغزى / اي ماحنا ملاك ولا كان وديتها وبنفس طيبه بعد
هدى تكمل معها / وش فيها لاوقفت عند باب الحريم يمكن تحصل لك نظره خاطفه
صقر يضحك وهو يتجه الباب /ماغريتيني خلي النظره لك بس اذكري الله عنها
شذى تافف / اوف تاخروو ؟
وفا تطالعها/ على ايش مستعجله
شذى طنشها / يومه دقي عليهم
ام صالح بتسال /من بيجي يودينا ؟
هدى ترد على امها وهي تدق بالجوال/ مهند سياره وسلمان سياره نتوزع
ام مهند ترفع جوالها /وصل مهند من بيروح معنا
شذى قفزت / انا
صبا معها /وانا
هدى ترد /خلاص روحو انا وامي وفا مع سلمان يقول قريب
_________________________________
بقاعة النساء…
ملاك تمشي و تسلم على خالاتها و حريم خوالها
من شافت عمتها ام صالح وبنتها دخلن اقتربت لهم ورحبت فيهم بود صادق وبود متعمد عشان منظرها قدام الناس تبي ترسم لهم صورة العائله اللي مابينهم شي اهل عمها اهلها ومالهم دخل باللي بينها وبين ولدهم
شذى شدت ذراع ملاك العاري/انتي ماتخافين
على نفسك كاشخه كذا؟
ملاك تبتسم وتبين كرستالة اسنانها /يابنت الله الحافظ
وفا كانت تناظرها بغيرة واضحه اول مره ملاك تحظر زواج من بعد ماكبرت اخر مره زواجها هي ومازن
بس هالمره حظرت باطلاله مثيره للجدل
وماهو بس عيون وفا اللي تناظر فيها عيون الكثير كانت عليها فيهم اللي ينظر بعجاب ويذكر الله والبعض حاسدها على جمالها ولا على حظها واكثر الهمس (عليها حظ يكسر الصخر فوق زينها اخذها ارفع واحد من عيال مطلق بالمنصب وبالفلوس والحين حامل بعد بتجيب الولد اللي يا كل ثروته )
نهيل راحت القاعه من بعد ما رجعت ملاك الفندق وهي تشعر بمغص فضيع ولاكنها صامته ماتبي تخرب فرحت اختها بليلة عرسها وامل جالسه تقرا اذكارها من بعد ماجهزت كامله استغربت من صمت ملاك بس توقعت انها حزينه لذالك صمتت هي بعد لانها على طريف لو احد بكى بكت معه
اياد يصيح بصوت عالي امل لفت لملاك اللي متمدده على الاريكه بفستانها ومسكره عيونها / ملاك انتي نايمه اياد يصيح ؟
ملاك ترد بصوت خفيف /لا صاحيه اسمعه شوي وقوم له
امل باستغراب / انتي تعبانه فيك شي ؟
ملاك تعتدل جالسه وتنزل كعبها / لا امل بس ارهقت من المشي يلا بقوم ارضع ايود
امل صمتت وهي ترجع تقرا اذكارها بخفوت ا/…
ملاك من دخلت الغرفه وهي تعض شفايفها بقوه وتحط يدها اسفل بطنها وتمتم بلا اه اه بصوت خافت
تقدمت و سوت لاياد رضاعته ونام ..وهي جلست على الكرسي قباله وانفاسها طايرة من المغص الغريب اللي اقتحمها فجئه و بشده…
رن جوالها برسالة فتحتها وكانت من صقر / ملاك تبين شي قبل اطلع للمطار ؟
ملاك شدت على الجوال من الوجع كان ودها تقول الحقني بس كرامتها وعنادها غلبت عليها ردت
عليه /لا و مشكور على الحظور
صقر رد عليها/ اذا تبين تشكريني صدق خليني اشوفك
ملاك ماردت عليه والالم بدا يزيد معها رمت الجوال على الطاوله وتسمعه يهتز برساله رسالتين بس عاجزه حتى عن القراه
_________________________________
عند صقر فهم انها طنشته و فقد الامل منها حرك سيارته متجه المطار رن جواله باتصال رفعه وهو مبتسم بلهفه /واخيراً حنيتي علي ؟؟
جاه صوتها الخافت /صقر الحقني
صقر انتفض بشده /ملاك شفيك؟
ملاك بالم واصل حده / صقر بموت الحقني سرعه مابي احد يدري
صقر قلبه يدق من الرعب عليها / جايك جايك
ملاك تعصر الكلام من بين اسنانها / انا بالفندق تعال بسرعه
صقر اتجه للمكان اللي قالت عليه وهو مرعوب ولا يدري وش فيها بضبط اللي يعرفه انها بثامن ماحولها ولاده بس وش صار معها (شكلهم صكوها عين ؟)
ملاك لبست عباتها وطلعت لامل بصاله وهي تحاول تضبط انفاسها / امل بروح اسلم على صقر ازعجني
امل ابتسمت بفرحه / اخاف يروح مجلوط من ورا شوفتك
ملاك مالها حلق لضحك / امل دقي على حصه تجي عندك وعند ولدها لاتجلسين بروحك
امل باستغراب / ليش بتاخرين؟
ملاك تتجه الباب /يمكن دقي على حصه الحين ريحيني
امل استغربت منها اكثر لاكنها نفذت ودقت على حصه قالت لها ملاك راحت مع صقر تعالي عند ولدك وحصه رجعت للفندق مع عادل وهي فرحانه ان الله هدا اختها صار بنظرها العرس عرسين لامل وملاك
بسياره صقر كان يسوق بسرعه جنونيه و يسالها
بخوف /ملاك وش تحسين فيه؟
ملاك سانده راسها براس المرتبه / صقر تكفى بسرعه
صقر مسك كف يدها بين كفه يده وهو يرجف من رجفتها /طيب شهرك توه بفهم وش جاك ؟
ملاك شدت كفه بوجع / مادري مغص غريب
صقر يطمنها وهو من داخل متوتر / يمكن طلوق تمر على كل حامل وقت الثامن وتروح
ملاك صمتت مافيها حيل لنقاش /…
صقر رجع نظره لطريق و يدخل بين السيارات ويقطع الاشارت من صوت ونها المنتظم المولم لقلبه فجئه صرخت ملاك /صقر مويا مويا
صقر لف لها بهتمام وعدم فهم/وش تبين مويا ؟؟
ملاك تصرخ فيه وهي تاشر على رجولها / انكب معي مويا دم بموت
صقر ناظر بسيقانها الظاهرة مع فتحت العباياء كلها دم نازف هو هنيه جمد برعب حقيقي اكثر من رعبها وعينه تجول بين ملاك وبين الدم اللي اغرقها صفط سيارته عند المستشفى عاجز حتى ان يهديها او يطمنها حتى لو بكلمه وهي تصارخ وترجف / بموت والله بموت
صقر نزل شماغه وعقاله رماهن بالمرتبه ورا
وهو ينزل ينادي للمرضات بصوت حازم لا يخلو من الخوف… وصلن الممرضات بسرير من بعد ما شالو ملاك صقر اعطا السيكرتي مفتاح السياره يصفطها بالمواقف وهو راح وراها وقلبه يدق بعنف شديد من هالحضه اللي كان متخوف منها هذا هي (جات) بس ساعات و ولده بيشرف الدنيا و راح تنفتح مواضيع كانت مغلقه وراح ينكشف كل شي هو خباه …؟!!
الدكتوره تامر لممرضات بنزال ملابس ملاك جميعاً وتلبيسها لبس العمليات لفت الدكتوره لصقر اللي واقف مجمد / ممكن تطلع بكشف عليها ؟
صقر هز راسه برضا وهو مذهول العقل /….
وقف بالممر مسكر عيونه بوجع من صوت صراخها المتواصل وده يتدخل بي شكل من الاشكال بس حاس انه مربط وماهو عارف وش يسوي اصلاً ..حتى شهادة الطب ودراسة سبع سنين بهالحضه هاذي تبخرت بجهل حتى لو طلبو منه يركب ابرة مغذي ابرة بس
ما عرف كيف تكون ..!؟
جت الدكتوره / البنت عندها حالة ولاده بس الطفل راسه فوق ممكن توقع للعمليه ؟؟
صقر فتح عيونه ورد بتوتر/ كيف ولادة وهي بشهر الثامن؟!
الدكتورة بثقه / عادي في البعض تولد بسابع وبعض بثامن بس ما هاذي المشكله مشكلتها راس الطفل
زفر صقر بحزم /طيب عطيها فرصه شوي يمكن يتغير الطفل بالحركه مع استمرار الطلق
الدكتوره برفض/ لا كذا راح يختنق ويموت
صقر بقسوه عديمة الرحمه / طيب عادي يموت اهم شي هي تقوم بسلامه
الدكتوره طارت عيونها / ابنك تبي يموت بسهوله؟؟
صقر رد بقسوه اعمق / انا اصلاً مابيه خليه يختنق ويريحنا و عمليه مارح اوقع عليها
الدكتوره انصدمت و ارتعبت منه / انت واعي لحكيك راح تموت حتى هي ؟؟
صقر كل همه ملاك زفر بتهديد صارم وعيونه تلمع باشرار/ هي لو صار فيها شي يمين بالله مارحم احد فيكم
الدكتورة رجعت خطوه على ورا وهي متاكده ان اللي قدامها ماهو انسان هذا شيطان على هيئة انسان
كيف يحب زوجته وهو يبي يقتل طفل بينهم ؟…!
دخلت عند ملاك بقلة حيله / اهدي الان بتدخلي العمليات بس زوجك رفض يوقع ؟؟
ملاك خالصه من التعب مافيها حيل للكلام / …
الدكتوره باصرار /انتي لازم تكلمينه كذا طفلكم راح يموت
ملاك انتفضت بهم وهي تشد على يد الدكتورة/ الطفل تراه امانه معك لا يقرب له ابداً
الدكتورة توترت وفهمت ان فيه (ان )بالموضوع
انحنت و همست لها بخوف / هو مايبيه يقول خلي يختنق ويموت بس انتي يهددنا لو صار فيك شي ؟؟
ملاك دق قلبها من الروعه وهي نادمه على مكالمتها له /خلي يجي بكلمه
الدكتوره نادت على صقر ودخل وهو يقترب لملاك اللي مازالت بمكياجها الناعم ومازالت (فتنه)…؟
صقر شد على كف يدها بين كفوفه الثنتين وهتف بحنو بالغ / ملاك يا قلبي لا تخافين انا معك
ملاك تشد على كفوفه باقوا من شدته / صقر وقع على العمليه قبل لاموت
صقر انتفض بجزع / لا ما تموتين الله لا يفجع قلبي عليك
ملاك برجا موجع /صقر اذا تبي للي الحياة وقع خل اخلص تعبت
صقر اشر على انفه /على هالخشم انتي تامرين امر
ملاك بوصيه وعيونه بدت تدمع / امانه كانك تحفظ الامانه لا تقرب لبنتي
صقر صعق وكانها صبت على راسه ما حار اذاب جميع خلاياه الدماغيه /بنتك ؟؟
ملاك بكت بضعف و رعب/ اي بنتي صقر حلفتك بربي ماتلمسها ترا لو صار فيها شي ماراح اسامحك طول العمر
صقر ماكان قادر يستوعب اصلاً اللي قالته لاكنه حلف عشان بس يطمنها وهو ياشر لها تسكت / والله ماراح يصير فيها شي تطمني
الدكتوره جابت الاوراق /توقع ؟
من بعد ماوقع دخلت العمليات وصقر شعر بختناق شديد و انفاسه بدت تضارب ودقات قلبه تصاعد
وجهه اسود من شد صدمته ( بنت )لو كانت ولد يمكن اهون عليه كان متقبل الامر ولولد يقدر ياخذه يعالجه يكبره بس البنت تحتاج امها ومايعرف كيف بتعيش مريضه ولا راح يسامح تفسه ابدً كل ماراها يتذكر انه هو السبب الحب اعمى بصيرته واقسى قلبه ،،؟؟
راح الحمام غسل وجهه عدت مرات خوفن من الانهيار لا نزلت عليه الصاعقه بعد ساعات ..؟!
______________________________
الساعه 12 ليلاً
ماهر من بعد المذاكره اختار ينام بالدوانيه حط راسه ونام و ام ماهر كانت نايمه بعمق و سبات
ومهره متمدده بسرير اللي جوارها بس مثل كل ليله تفكر وتهوجس لين اذان الفجر بعده تتعب و تنام…
شوي الا تسمع صوت خطوات بالحوش غير منتضمه
مهره قطبت جبينها (بسم الله تكون قطوه؟)
طنشت وهي تكمل ذكرياتها مع فهد شوي الا زادت الخطوات وصوت ذبذبه نادت مهره لامها برعب/يومه
ام ماهر بصوت ناعس/ هلا يامك
مهره تقوم و تهز كتفها / يومه في صوت بالحوش
ام ماهر ردت بذات النعاس/قطاوه يامك
مهره رجفت وهي تسمع صوت شي طاح /يومه حرامي
ام ماهر قامت جالسه /الله هداك يا مهره لازم تنكدين علي وش هالوسواس اللي عندك ؟
مهره برعب وهي تشد كف امها/ يومه هاذي ماهي خطوات قطاوه؟!
ام ماهر عقد حواجبها من الصوت اللي بدا يقترب وقفت مع مهره متجهات لباب الغرف بيطلعون للحوش …فجئه انفتح الباب واقتحم الغرفه رجال سكران وهو يضحك وعيونه على مهره ويهتف بكلام
مكسر /جي ت ك ابي اضم ك
مهره وام ماهر اندهشو برعب وكلهن بصوت
واحد/يوسف!!
يوسف اقترب وهو يتخطى بمشيته / اي جاي اخذ حقتي لعبتي الصغيرة
ام ماهر ارتاعت وهي تشوفه ياشر على مهره وناوي على شي / اطلع يا يوسف ولا بدق على الشرطه
يوسف مارد عليها وكل همه الكيكه الهشه اللي قدامه
مهره شافته يتقدم هي رجعت وهو تقدم وهي رجعت
ام ماهر دفته على ورا / ابعد عن بنتي
يوسف جسمه كان جبر ودف ام ماهر عن وجهه / انتي اللي ابعدي والله ماتنام اليلة الا بحضني
مهره بكت بخوف شديد وهي تشوفه يشد معصمها ويسحبها معه /يومه بعد بعد
ام ماهر تصارخ و دفه بقوه عن بنتها بس عاجزه عنه ثقيل حيل / فكها يا حقير
مهره ترجف وهي تحاول تحرر منه / يومه الحقيني
ام ماهر تبكي وتسحب بنتها / ابعد عن بنتي ابعددد
يوسف بعالم اخر / ماراح احد يقدر يحرمني منها اليله لي انا وبس
مهره حست بدوران من قو كلمته وفكارها تخيل لها صوره بشعه صرخت باعلى صوت /الحقوني الحقوني
يوسف يسكر فمها بكفه/ اش يا حبيبتي
ام ماهر تضرب ظهره /فكها فك الله منك
يوسف يسحبها مع معصمها وهو يتطاطح بمشيته
دخل ماهر مرعوب من صوت الصراخ انصدم وهو يشوف ظهر رجال غريب يسحب اخته وهي تبكي بشده وامه تسحبها منه تحاول تنقذ بنتها
جنت جنون ماهر وهو يرجع راكض للمطبخ جاب قنينة قزاز وضرب يوسف مع راسه حتى طاح من طوله فاقد الوعي ودمانه تناثرت بكل مكان
مهره رجعت على ورا هي منهاره بالبكا وام ماهر حطت يدها على فمها من المنظر اللي قدامها/ ذبحته ؟؟
ماهر رجف بشدة وهو يتعرف على ملامح الرجال اللي طايح قدامه / يومه هذا يوسف؟
ام ماهر تبكي بخوف/ اي اي هو ذبحته
مهره لمت نفسها بزاوية الغرفه وبكت بخرعه وجسمها ينتفض بشدة …ام ماهر خذت جوالها ودقت
على الجدة صيته و استفزعاتها
_________________________________
عند الجدة صيته من جاها اتصال ام ماهر وبلغتها
ان يوسف هاجم عليهم خذت عباتها وركضت ناويه تصحي محمد لانه اركد من فهد وراح ياخذ الامور بعقل وكل خوفها فهد يدري لاكن صدمها دخوله للبيت توه جاي من البر عقد حواجبه بتسال/شفيك ؟؟
الجدة صيته مامعها وقت تصرفه لذالك استسلمت لامر الواقع /امش نلحق ام ماهر هاجم عليهم يوسف سكران
فهد تغير وجهه 180 درجه احتقن بسواد الداكن
وهو يركض لسياره وجدته وراه يالله لحقت تركب معه وكل مايدور بتفكير فهد هي مهره مهره عرضه وشرفه..
حرك السياره بسرعه اجن من الجنونيه وقف ونزل باستعجال من غير لايسكر باب سيارته وجدته وراه
دفع باب شارع برجله بقوه حتى انفتح ودخل راكض وصل الغرفة و شاف يوسف طايح وغارق بالدم وماهر طايح على ركبه وجامد غير مستوعب اللي صار
مهره بزاوية ولامه نفسها و دافنه وجها بين ركبها وتبكي بنحيب وام ماهر من تقدمت وهي تهتف بارتباك / الحقه يا فهد قبل يموت وينسجن ولدي
فهد كانت عيونه على مهره و كل همه هي وبس سال باندفاع / سو لها شي لمسها؟؟؟
ام ماهر بثقه /يخسي مالمسها وانا موجودة
فهد مسك كتوف ام ماهر وهزها وهو غايب عن الوعي /قولي الصدق وش سو فيها ؟؟؟
ام ماهر بحلف صادق / وربي وربك ماسوى فيها شي هذا هو طايح قدامك جثتن ميته
فهد يعيد عليها بتاكيد و انفاسه تطاير بانفعال/ حلفتك بالله تقولين الصدق ؟؟
ام ماهر بكت بوجع/ والله واللي مايحلف باسمه باطل ماسوى فيها شي
فهد وجه نظره على مهره اللي مازالت لامه نفسها
و تبكي وهو يصرخ / طيب علامها علامها ؟؟؟
ام ماهر تمسح دموعها /مرتاعه الله ستر عليها وعلينا منه ومن شره
الجدة صيته تقدمت بتنهى النقاش/ خلاص يا فهد المره حلفت لك باسم الله ماكفاك ؟؟
فهد صرخ على مهره بصوت عالي و بانفجار يدخن من الاشتعال / هذا يوسف ولد عمك اللي بغيتي تموتين عشان يطلع من السجن هاذا هو جا هاجم عليك مثل ما هجم على غيرك هذا اللي تبينه ؟؟؟
مهره زاد صوت بكاها وهي مازالت دافنه وجها بركبها
الجدة صيته تزفر عليه بشدة / ماهو وقت هالكلام اللي فيها مكفيها
فهد بذات الانفجار / كله من تحت راسها لو ولد عمها السربوتي ماكان عارف بجلستها بيت مافيه رجال
ما تجرئ وهجم عليها
الجدة صيته بصرامه /اسكت يافهد خلاص
فهد يصرخ بغضب حاد/ ماني بساكت والله لونها حلال علي ماتسلم مني ومن يدي
ام ماهر تاشر على يوسف بتوتر/ تكفى شف هذا لايموت ونبتلي بدمه
فهد لف ليوسف ورفسه برجلة بقوه / انا ابيه حي عشان اموته على يدي
الجدة صيته بتوتر اعمق / دق على الاسعاف تشيله
فهد بصوت صارم بالغ الصرامه / البسو عبياكم
يا ام ماهر انتي وابنتك وامشو معنا للبيت
ام ماهر بارتباك / يامك ..
فهد بمقاطعه حالفه صارمه / والله واللي اسمه الله ماتباتون ولا ليله هنيه والحين قدامي لا سحبكن جثث
الجدة صيته تاشر لام ماهر تسكت وهي ترد على فهد بخوف منه / يلا الحين يجون بس شف صرفه لهذا
فهد اتجه الباب / هذا انا ارجع له و انتم الحقوني لسياره بسرعه
ام ماهر قومت ماهر الصامت بروعه وعيونه على
الدمان/ يامك قم ان شاءالله انه حي
والجدة صيته هتفت بتسال/وين عباة مهره ؟
ام ماهر لبست عباتها /هذا هي عندي
الجدة صيته خذت عباتها ولبستها / قومي يامك الحمدلله اللي انجاك منه ومن نيته الفاشله
مهره قامت معها وهي مازالت تبكي و تشاهق ركبو كلهم السياره مع فهد اللي يحترق من القهر والغبن من صوت شهقاتها المتواصله وبكاها على صدر امها اللي حاضنتها ورا ..
يشعر بسكين انغرزت بوسط صدره حتى طلعت مع منتصف ظهره وهو يتخيل يوسف وش كان ناوي يسوى وش لمس فيها اكيد ماهي باكيه كل هالبكا الا انه ماسكها ولا شادها ..هي حلاله بروحه ماحد له حق يلمسها الا هو وبس ؟…
وصلهم البيت ومن بعد ماتطمن على دخولهم
رجع ليوسف و كلم الاسعاف جو وشالوه وهو يوصي بحرص وتنبيه / ابيه حي ابذلو كل جهدكم لحياته
___________________________
الساعه 12 ليلاً
انتهت مراسم العرس و زفو العرسان والكل راح بيته نهيل تسال حصه بتوتر / ملاك ماردت عليك؟؟
حصه تبتسم / يومه تراهم عرسان بعد خليهم مانبي نزعجهم
نهيل بحساس الام / لا والله ان قلبي ناغزني بس دقي عليها
حصه دقت مره مرتين مافي مجيب/ يومه خلي شوي هي تدق
نهيل تقوم واقفه بخوف / اقولك قلبي حاس ان فيها شي
حصه وقفت بتوتر / يومه لا تخوفيني
نهيل دق قلبها ونفاسها ضاقت /دقي على مازن خلي يجي بسرعه
نفذت حصه وهذا مازن جاي وهو يسال/ شفيكم؟
نهيل بين انفاسها الضايقه / دق على صقر انشده وين ودا بنتي ؟؟
مازن باستغراب / بس صقر مسافر لدبي سلم علينا قبل العشا؟
نهيل جلست على الكنبه بحيل بارد / مازن دق انشده بنتي لايكون انخطفت من بعد ماشافوها بالعرس
حصه تهديها وهي من داخل خايفه/ يومه الله هداك وين عايشن الديره فيها امن وامان
نهيل تصرخ بمازن / انت ماتوحي دق على صقر بسرعه
مازن رفع الجوال ودق عليه ومن جاه صوته ساله باستعجال/صقر ملاك معك؟؟
صقر رد باحتقار مستفز / تو تفقدونها ؟؟
مازن ارتبك / صقر ملاك فيها شي؟
نهيل وقفت وهي تسحب الجوال منه / الو صقر بنتي وينها وش فيها ؟؟
صقر بذات الاحتقار عديم الاحساس /ونعم الام اللي
تو تفقد بنتها
نهيل عادت السوال بوجع /صقر وين بنتي ؟؟
صقر ينهى النقاش/ بنتك بالعمليات تولد
نهيل شهقت بقوه / يولي انت شتقول مادخلت الثامن تبي تذبحها ؟؟
صقر صرخ فيها بقهر / ليش شايفتني يهودي من ظهر يهودي عشان اذبحها؟
نهيل بدت تبكي /حلفتك بالله تقول للي بنتي شفيها ؟؟
صقر تنهد وهو يرد من غير نفس / جتها طلوق ودقت علي وديتها وهذا هي بالعمليات
نهيل تحذف الجوال على مازن و تصرخ /ودني لاختك بسرعه
حصه تسال برعب /وش صاير ؟؟
نهيل ترجف ودموعها تسيل /يقول صقر بالعمليات تولد
حصه بكت بحزن / ليش ماعلمتنا انها تعبانه يارب سهل عليها
نهيل تبكي بشدة مازن يحب راس امه /ادعي لها يلا اوديك للمستشفى
______________________________
عند صقر بالمستشفى يمشي رايح جاي بالممر حتى متره كذا مره شوي يفتح ازارير ثوبه يحرر صدره يشعر بكتمه وشوي يجلس و يوقف ماعاد قادر يتحمل الانتظار والصبر عنده وصل حده ..
جت الدكتورة وهي تبتسم بصعوبه و من داخل خايفه منه /مبروك ماشاءالله جتكم بنت مثل القمر
صقر سال بصوت يأس وهو ناسي ملاك كل همه بهالطفلة / مريضه مشوهه صح؟
الدكتوره قطبت /لا شو البنت مثل القمر !!
صقر صرخ فيها حتى ارعبها/قولي للي الصدق وش فيها بضبط وش مرضها؟؟!
الدكتورة ماهي فاهمته ابدا/ يا بني ادم اقلك البنت مافيها شي بصحه كامله
صقر بعدم تصديق/ وينها بشوفها؟؟
الدكتوره توترت وخايفه على البنت امانه عندها/ مع الممرضات بيكشفون عليها
صقر ينظر فيها بعيون حمرا / قلت لك وينها؟!!
الدكتوره تحاول تهديه / بس تخلص كشف بتشوفها؟
صقر بغضب غير قابل للاقتناع / كيف متعافيه وهي مولودة على الثامن ؟؟'
الدكتوره تنهدت بطولة بال/ البنت بالحضانه محتاجه رعايه وهي مكتمله ماشاءالله
صقر طنشها واتجه الحضانه والدكتوره راحت وراه وكل همها تحافظ على الطفله بقدر المستطاع حتى
لو استعانت بشرطه عشان امها اللي امنتها وهي للحين ماصحت من البنج ….
صقر من وصل الباب حاس ان قوته خانته وضعفت
و رجوله تصلبت عاجز عن الدخول ولاكن بالاخير سما بالله و توكل عليه ودخل اقترب من سرير الطفلة المغلق بالقزاز كامل.. وهو كان مسكر عيونه شوي
و فتحها ببطى وتردد ونظر بالطفلة اللي داخل القزاز …
شعر بالم دخل قلبه حتى اسفل بطنه وكانه حزام ناري يحيط خصرتيه …عمر 35 سنه مانزلت له دمعه باي يوم من الايام ولاول مره تنزل من غير شعور والمنظر اللي يشوفه بنسبة له معجزة من معجزات الارض
يرا طفله مكتمله وكانها مولوده على التاسع سليمه الشكل و المعجزة الاكبر ملامحها ملاك صغيرة
واقف باندهاش و لو توقع واحد بالميه ان يجي له طفل سليم وهو اصلاً فاقد الامل من سالمته بس لنفرض ما توقعه بجمال هالطفلة اللي تو تطلع من رحم امها تكون مبهره لنظر كذا ؟…
الدكتوره صحته من سرحانه/ تحتاج تكون بالحضانه اقل شي سبوعين
صقر انتبه لنفسه ولدمعه الي نزلت صد و مسحها بطرف اصبعه وهو يسال نبره ضعفت / دكتوره هي اكيد سليمه ؟؟
الدكتوره ردت بتاكيد / اي طبعاً حتى التنفس زين والريئه مكتمله ماشاءالله وصحتها مثل مانت شايف بوزن 3 كيلو اطفال ينولدون بتاسع وزنهم 2 كيلو وحياناً اقل بس هي لاله الا الله وربي مامر علي مثلها قطعت حلا من رب السما
صقر كان يسمع ويسمع حتى نفذت قوته و انهارت طاقته طاح على ركبه و كل همه يشكر ربه حتى ولو من داخل باقي ماهو مقتنع انها سليمه بالمره ..بس يكفيه ملامحها تفتح النفس تشرح الصدر سجد لله شاكر سجد لله تايب سجد لله مستغفر
الدكتوره رتاعت وهي تصرخ بالممرضات بندا / عربيه بسرعه
بعده فقد الوعي و مايدري وش صار جا ممرضين يسعفونه لغرفة التنويم …
نهيل تمشي بسرعه بين الممرات وتسال الممرضات ومازن يحاول يهديها بس ماهي مستجيبه له سالت ممرضه وطمنتها ان ملاك بخير ومازلت تحت تاثير البنج والطفله سليمه وبالحضانه نهيل دخلت على ملاك من بعد مانقلوها غرفة خاصه بس مازالت نايمه انحت وباست جبينها وهي تبكي بحرقه /سامحيني يامك غفلت عنك الحمدلله انك بخير يارب تصحين وتفرحين بضناك
مازن بعد ما تطمن على اخته اتجه الحضانه وكل توقعه يلقى صقر هناك لاكنه استغرب ماكان موجود سال عنه وبلغته الدكتوره انه طاح فاقد الوعي من بعد ما شاف بنته مازن انصدم بشده ( صقر دايم قوي وش معنى الحين يضعف؟!) تقدم وشاف بنته شهق باعجاب حقيقي وهو يذكر الله عدت مرات
متواصله /ماشاءالله ماشاءالله ماشاءالله ملاك بين عيوني لاله الا الله
بعده اتجه لغرفة صقر دخل و شافه متمدد على السرير الابيض و فاتح عيونه وسلك المغذي بيده
و يناظر بصمت غريب /…
مازن اقترب وهو يبتسم /الحمدلله على السلامه والف مبروك ماجاك بنتك ماشاءالله مثل الملاك
صقر مارد وعيونه تلمع بحزن اغرب /…
مازن حس ان فيه شي غير طبيعي / صقر ملاك فيها شي علامك ياخوك ؟؟
صقر ناظر فيه بارهاق/ انا اللي بسالك ملاك شلونها صحت؟
مازن يرفع كتوفه / لا باقي نايمه من البنج
صقر يعتدل جالس بثقل/ مازن اعطني مويا
مازن جاب له اقرب مويا كان على الطاوله /سم
صقر اخذه و شرب منه وعيونه ذابله عاجز يفتحها من الصداع اللي اقتحم راسه شال الابره من يده وهو يصر بصبعه على الجرح عشان ماتنزف بدم / هالكلاب ليش يحطون المغذي ؟؟
مازن صمت وهو متروع منه ومن حركاته /…
صقر قام ولبس انعاله اللي بجاور السرير وهو يشعر بدوران وقف شوي جاه صوت مازن /اساعدك؟
صقر اشر بيده بنفي مشى وطلع من الغرفه متجه غرفت ملاك ومازن معه يدله لمكانها دخلو الا يسمعون صوت شهقاتها المبحوحه من اثر البنج / بنتي جيبو للي بنتي
نهيل تهديها/ يامك اهدي بنتك بالحضانه لانك جبتيها قبل شهرها
ملام بذات البحه / يومه ابيها ابيها ابيها جيبوها بسرعه
صقر اقترب وهو يطمنها وعارف من وشو خايفه/ملاك بنتك طيبه وهاذ هي بالحضانه
ملاك تناظر فيه نظرات الضحيه للمجرم / ابي بنتي ؟
صقر اشر لها تهدا / اهدي يابنت الحلال بنتك بخير
نهيل تكمل معه/ يامك الحين اكلمهم يجيبونها لك
مازن ابتسم /ماشاءالله عليها قسم بالله مامر علي جمال مثلها بهالعمر
نهيل ابتسمت بحماس /والله شفتها ؟؟
مازن رد بعجاب / ملاك الصغيرة الله لايظرها
ملاك تسمع وعيونها بعيون صقر وكانها تعطيه تحذير بنظراتها وهو يعطيها نظرات اطمئنان لفت وهتفت لامها / خلي يحيبونها ولا ترا قطعت الاسلاك هاذي ورحت لها بنفسي
نهيل بجزع /انهبلتي بنتك مافيها الا العافيه اهم شي صحتك انتي عمليه
ملاك بصرخه وهي تحرك تحاول تقوم / ابي بنتي تفهمووون
نهيل مسكتها ترجعها تجلس / اهدي اهدي
ملاك ونت بالم حقيق وهي ترجع تمدد بقلة حيله / اه ياربي اه
صقر تنهد بتعب وماهو قادر حتى يهديها هو كان
با اشد الحاجه لمن يهدي البراكين اللي داخل صدره
_______________________________
بعد صلاة الفجر …
فهد تو يرجع البيت من بعد معناه مع تحقيق باصابة يوسف و محاوله اقناعهم انه هو المتسبب فيه
وطلع بواسطه طبعاً من تغطيت زملائه عليه وبذات
ان يوسف مازال حي بغيبوبه ارتاح فهد انه مامت اول شي عشان ماهر اللي غطا السالفه عنه مايبي يتحمل ذنب رقبه وهو واثق ماراح يعيش باقي عمره مرتاح وثاني شي عشانه هو يبي يوسف حي لو بعد حين
راح ياخذ حقه ويموته بطريقته بتعذيب ممهل
فهد وقف بالحوش بحيره يروح جناحه ويريح طاقته اللي انتهت من القهر والغضب ومن التحقيق والتعب ولا يدخل البيت ويتطمن على مهره صوت شهقاتها ورجفت جسدها وهي لامته بزاويه لاحد الان مركزه بخياله مايقدر يتخطاها
تنهد بقوه واتجه لجناح جدته تنحنح مثل كل عادة وجاه صوت جدته تنادي عليه دخل حب راسها وجلس بجوارها وهي سالته على طول /عساه حي ؟
فهد هز راسه وهو مغبون غبن حقيقي / بغيبوبه
الجدة صيته انتفضت/غيبوبه عزالله راحت فيها ام ماهر ولدها
فهد بحزم مخلوط بغضب / مابي اي مخلوق يدري ان ماهر المتسبب فيه بتحقيق قلت انا ادافع عن بيت خالي وهو جاي لسرقه فهمي مهره وامها يوسف جاي يسرق فقط مايبي شي ثاني وانا كنت موجود والمتسبب با اصابتة مايبي كلام غير هالكلام ؟؟
الجدة صيته بخوف/ ضربته خطيره اخاف لو مات تلبسك التهمه ؟
فهد بذات الحزم / الضربه جت بمؤخرة راسه اثرت عليه دماغيه و انا رجال وعرف اطلع منها بس ماهر بزر وماعند امه غيره
الجدة صيته تنهدت باستسلام / الله يكتب اجرك يامك ويفرج لك مثل مافرجت عن هالضعيفه ولدها
فهد زفر بتسال/ مهره شلونها ؟
الجدة صيته ردت بحزن/ والله يامك للحين وهي تبكي عيت لا تمسي وامها تقرا عليها
فهد تنهد بغضب / مابردت حرتي فيها وحلاله ياقطع راسها
الجدة صيته مسكت كفه برجا / تكفى يامك اللي فيها مكفيها البنت مرتاعه خلها بحالها
فهد قام واقف بتهديد حازم/ المهم فهميها هي وامها يمين بالله ماتطلع من هالبيت الا على جثتي
الجدة صيته تاشر له يسكت /اص قصر حسك ترا فاطمه وبناتها وحسنا نايمات
فهد اتجه الباب /علميهن وبس
_______________________________
-/مئه وربعه/-
رواية ريح المطر (للكاتبة شغف
ادعو لوالدي برحمة والمغفرة..
لبيه ياريح المطر والسما غيم..
ولبيه ياصوت المطر بعد غيبه ..
الساعه 9 صباحاً
ابراهيم ونوار مرو على مريم و شوق وطلعو لسوق لتجهيز باقي اغراض الزواج … وفاطمه عيت تروح تبي ترتاح تعبت من الحومه من كم يوم و حسنا كانت تجهز الفطور مع الخدم و ماحد درا بوجود ام ماهر
و مهره جيتهم باخر اليل والناس نيام…
فهد كان بجناحه و مازال مواصل و عينه ماغفاها النوم
كيف ان ينام و رجولته تشتعل بالنار حتى تحطمت
و اصبحت رمادا … وهو يتخيل رجل غريب شاف مرته وحاول اغتصابها يشعر بضغط دمه ارتفع وكاد انفجر عرق براسه بوده وده يقتل تفكيره ويرتاح لايفقد عقله من شدت تخيلاته الئيمه…
عافت عيوني لذيذ النوم من مده …
اجر صوتي والصبر واصلن حده…
ياهيه ياللي تقول الصبر بشده…
اللي خذا القلب قفابه ولا رده …
الوصل مقطوع والبيبان منسده..
مد الوصل ياحبيب الروح ومده …
انردع باب الشارع بقوه عاليه و الكل فز بخوف طالع للحوش حسنا اتجهت للباب وفتحته انصدمت من اقتحام ام يوسف للبيت وهي تدفها وتصارخ وتبكي بنص الحوش /وينها وينها هي وامها الكافرات العاهرات
الجدة صيته سالت بغضب/ وش فيك يام يوسف هاجمه علينا من صباح الله خير ؟؟
ام يوسف بذات الهجوم / بنت ناصر ومرته وينهن ذبحن ولدي بظلمهن يوم انكشفن لبسنه التهمه
ام ماهر ترد بدفاع / ولدك هو اللي جنا على نفسه جاي لبيوت خلق الله اخر اليل سكران ؟؟
ام يوسف بكا مرير / ياعل الله يحرق قلبك مثل ماحرقتو قلبي على ولدي و حطيتوه بين الحياة والموت
جاها صوته الغاضب الصارم / مره امسكي لسانك ورجعي مع دربك
ام يوسف لفت لفهد بحره / انت ذبحت ولدي من غير لاتاكد ان هاذي وبنتها هن اللي فتحن له الباب ولا كيف دخل عليهن طمر الجدار ؟؟
فهد تلفت يمين ويسار بنفعال شاف فازت قزاز فيها شجرة نعناع مسكها ورماها بالارض بقوه وانتشر قزازها وترابها بكل مكان والجميع رجع على ورا برعب وهو يصرخ بغبنه غاضبة / والله وامان الله لو مانتي مره غريبه علي لا خليك ترقدين مكان ولدك
ام يوسف اختارت سلمتها وطلعت بصمت وهي تبكي/..
فاطمه خفتت لحسنا بخوف/ شصاير من اللي مات وهذول من متى عندنا وش هن مسويات يادافع؟
حسنا بذات الخفوت /اص يامره لا يسمعك يلحقك فيها
فهد لف لاجدته والحريم اللي وراها ومهره رجعت
و دخلت بسرعه لصاله وهو لمحها و تكلم بتهديد
غاضب / لو سمعت وحده منكم نبشت بالموضوع
لا تلوم الا نفسها فاهمات ؟؟
كلهن ردن بصوت واحد /ان شاءالله
فهد عطاهن نظره تهديد ورجع جناحه /….
وفاطمه من شافته دخل سالت بفضول /وش صاير ؟؟
الجدة صيته لفت لها بحده /روحي انشدي فهد لا تنشدينا
فاطمه انتفضت/ لا ان شاءالله تبينه يموتني ناقصة عمر
الجدة صيته دخلت الصاله هي وام ماهر وراهن حسنا وفاطمه ومهره راحت جناح امها وهي ترتعش من الخوف واروعه …؟!
_____________________________
بمستشفى النساء والولاده …
الغرفه كانت مليانه من باقات الورد وسلات الهداياء خوات صقر كل وحده جت معها هديتها سلمت باركت ومشت حتى وفا اللي جات مع مازن بفضول
ام صالح ماكنت الدنيا توسعها من الفرحه ببنت صقر وخيراً شافت ضناه وهي كانت فاقده الامل فيه
بس احزنها عيون ملاك بس على طفلتها وماتبي احد يقرب لها واضح فيها رعب حتى رفضت ان تجلس بالحضانه اصرت انها تجي عندها بالغرفة والدكتورة تعاطفت معها وجابت سرير مغلق خاص فيها …
صقر من بعد ماطلع من المستشفى الفجر رجع جناحه خذا له ثلاثة حبات من حبوب المنومه و طاح ونام حتى جولاته مقفله مارد على الاجتماع اللي بدبي ينتظره ولا على المهنئين ولا حتى مر على امه وابوه ولا بشرهم بمولودته …كان كل همه يريح جسده بعد العاصفه اللي صارت من ملاك وصراخها لين نفذو طلبها وجابو لها بنتها ومن بعد فرحته بالحمامه البيضا اللي هداه الله من سابع سموات بنته المتعافيه السليمه الساحره بطفولتها..
الساعه 12 ليلاً
صحى وهو يشعر ثقل براسه رفع جسمه واعتدل جالس ولا يذكر شي ابد وفجئه نفض الفراش وقف بتذكر و تسال ( هو حلم ولا علم جتني ملاك ثانيه لالا انا مريض كيف اجيب اطفال متعافين اي هذا حلم من كثر التكفير الله يرحم حالي )
رجع جالس على السرير مغط يديه اخذ جواله فتحه انصدم من عدد المكالمات والرسايل فتح وحده ورا الثانيه هو وفاتح عيونه على الاخر وقلبه بدا يدق بعنف من الرسايل المهنئين بمولودته رمى الجوال وسحب نفس عميق ( انا جتني بنت سليمه معقوله ؟؟ بس انا مريض والتحاليل موجودة كيف شلون استغفرالله ياربي هذا كل شي بامر الله بس لازم اتاكد )
صقر افكاره راحت لماضي قبل 4 سنوات يوم شاف ملاك تمشي بشارع وحلف تكون اليله بذمته وفعلاً اقنع عمه وهاذ الحديث اللي دار بينه وبين عمه
بالمسجد بعد ماخلصو صلاه المغرب صقر يكلم عمه لحاله يحاول يقنعه/ياعمي انا صبرت كثير وماني عجزان عن صبر سنتين انا بس بملك عليها
ابو ماجد /يوليدي ي صقر البنت لك من هي ورع وانت ماسكها وانا ماني رادك عنها وانا عمك بس البنت صغيره خل لين تكبر شوي وابد تعال خذها
صقر بطولة بال /ي عم انا بس ابي املك عليها وهي عندكم لين تكبر وتزوجها
ابو ماجد /خلاص وانا عمك البنت لك ونصيبك سو اللي تبيه
صقر يحب راس عمه/ الله يطول بعمرك ي عمي
ابو ماجد بمحاوله/ طيب وش معجلك يابوك حللو اول
صقر باصرار/ انملك بعده نحلل
ابو ماحد قطب /الشيخ ماراح يرضى
صقر بثقه /خله علي
وتمت الملكه بعد اقناع الشيخ …و بعد مرور سبوع
من الملكه حلل صقر لزواج عشان يرتاح من حنت ابوه وعمه اللي قامو يلحون عليه وطلب من عمه ومازن يودون ملاك لجرا التحليل وهي راحت ماتدري وش السالفه فهموها ان تحليل اجباري عشان المدارس وهي استجابت لهم وحللت … و بعد سبوع اخر راح صقر يستلم نتيجة الزاوج ولا كنه صدم صدمة عمره وحزن على نفسه وعلى صبر سنينه ؟..
الدكتور يناظر بالاوراق اللي قدامه /للاسف التحليل غير مطابق انت مصاب بمرض الوراثي الثلاسيميا وهذ راح ياثر على زواج لو تم و الاجنه مستقبلاً
صقر قفل مخه / كيف يعني المرض خطير ؟
الدكتور رد بثقه/ اكيد خطير و في بعض الدول تمنع الزواج من المصاب هذا تعتبر جريمه بحق الابنا مستقبلاً
صقر وقف وحاس روحه بتطلع من الصدمه ولا هو قادر يستوعب الكارثه اللي جت على راسه / طيب شكراً
الدكتور رد بهدو/ عفواً الله يشفي لك
صقر رجع لسياره وهو يتحسر على نفسه و قلة حظه لاكنه قرر ماراح يستسلم مهمها كان …جلس يفكر وش يقدر يسوي متاكد لو ابوه وعمه درو راح تصير مشكله كبيرة وهو ماراح يتنازل عن ملاك ابد لذالك قرر يزور اوراق تحاليل من عنده بمانه دكتور ولا فكر بخطورة اللي بيصير بعدين اهم شي عنده هي له حتى لو ماجاب اطفال يكفيه وجودها بالحياة …
تم التدبير وسوا كل شي تحاليله سليمه و ماطبقه معها ونفس التحاليل اللي زورها هي اللي ملكتله على اميرة بس كان حريص من ثاني يوم زواجهم اخذ لها ابرة منع حمل لسببين الاول مايبي منها اطفال تربطهم ببعض والسبب الثاني المرض الوراثي اللي فيه
…للمعلومه عن مرض الثلاسيميا ….
قال مدير إدارة الإفتاء في دبي الدكتور أحمد الحداد، إن زواج حاملي مرض الثلاسيميا يعد «جناية في حق الأبناء».
وأضاف في مقابلة مع «الإمارات اليوم»: «إن الذين يقبلون على الزواج وهم يعلمون أنهم سينجبون أطفالاً مصابين بالمرض يخالفون الشرع، ويتعين عليهم التراجع عن هذا الزواج، لأنه يعد مجازفة كبيرة وجناية ضمنية على الناشئة، والواجب أن يتقوا الله في ذلك».
وأضاف: «قال رسول الله صلى الله عليه وسلم: (لا يوردن ممرض على مصح)، وورد عنه صلى الله عليه وسلم قوله: (فر من المجذوم فرارك من الأسد)، وهذه الأدلة أصل في وجوب التحوط من الأمراض الوراثية كما هو معمول به عالمياً».
وتابع الحداد: «عقد الزواج لا يتم نظاماً إلا بعد اجتياز الفحوص الطبية التي تفيد خلو الراغبين في الزواج من الأمراض الوراثية، وعلى الأطباء المعنيين التحري التام في ذلك، فإن المأذونين والقضاة يعتمدون على التقارير الطبية».
(وبالاخير صقر مافكر بكل هذا تمم الزواج من راسه)
(وأوضح شي مهم ؟؟ )..لا صار المرض من طرف واحد في امل يجون الاطفال سليمين نسبة التشوهات 20٪ : «إن كان أحدهما يحمل المرض الوراثي دون الآخر فإن ذلك لا يمنع الزواج، أو كان الحامل للمرض لا ينقله إلى غيره فكذلك لا يمنعه بناء على التقارير الطبية»
…بالوقت الحاظر …
صقر قام اخذ له شاور ولبس وهو يتجه المستشفى وبراسه موال لازم يتاكد من صحت بنته كيف يثق بكلام الدكاتره وهو دكتور وعنده امكانيه يتاكد بطريقته
من دخل المستشفى و اتجه لغرفة ملاك ..بالوقت هذا كانت ممنوعه الزيارة بس هو دخل بتصريح طبي
فتح الباب ودخل شاف ملاك نايمه على سريرها
و نهيل نايمه على الاريكه المجاوره لها تقدم بثبات مدروس انحنى فاتح سرير بنته شالها بين ذارعيه وهو يرجف من صغرها وملامحها القريبه له واتجه غرفة الكشف وطلب من الممرضه تجيب ابر لتحاليل الشامله وطلب تجهيز الاشاعه
صقر وضعها على سرير صغير و فتح مهادها والطفلة انفلتت يديها ورجليها وهو ابتسم بحب من منظرها انحنى و دفن انفه باطن كفها شم فيها ريحت ملاك وقلبه بدا يرفرف و اقترب لوجها وباسه حرك انفه على خدها وهي انفجرت بصياح ارتاع وهو يهتف للممرضه بتسال / شفيها؟؟
الفلبينيه تضحك/ مافي سي بس هزا بيبي لازم يصيح
صقر عقد حواجبه ويهمس لبنته/ تكفين لا توجعين قلب بابا خلك مثل امك ماتبكي لو كسرناها
عند ملاك صحت مع انتهى مفعول المسكن وهي تنادي بالام /يومه يومه
نهيل فزت جالسه/ هلا يامك هذ انا
ملاك تعتدل جالسه / ابي مسكن بطني يوجعني
نهيل تلبس انعالها و تقوم تقترب لها / الحين اروح انادي للمرضه بس بشوف بنتك ماطلبت رضعاتها من اليوم
ملاك تنهدت بتوتر/ لايكون تعبانه ؟؟
نهيل وقفت عند سرير الطفله بتصلب /…
ملاك شافت امها تغيرت ملامحها دق قلبها
بعنف /يومه بنتي فيها شي؟؟؟
نهيل تلفتت يمين يسار/ ماهي موجودة
ملاك قامت من السرير ونست الوجع وهي تصرخ برجفه/ بنتي وينها وينها ؟؟؟
نهيل تجلسها برعب / لا تحركين تنفتح عمليتك
ملاك بنهيار وهي مازالت ترجف / هو هو ذبحها الدكتورة قالت للي انتبهي منه ترا ناوي عليها احرق قلبي يومه احرقه
نهيل انصدمت/صقر يذبح بنته ؟؟
ملاك تصارخ /يومه بنتي بنتي
دخل صقر من بعد ما تطمن من تحاليل بنته
و اشاعتها وهو حاملها بين يديه و تصيح بشده مذهول منها مايعرف يتصرف معها تقدم بخوف من صراخ ملاك بعد وسالها /شفيك؟؟
ملاك تصرخ عليه من بين دموعها/ جيب بنتي يا مجرم انت ماعندك قلب انت يهودي ؟؟؟
نهيل خذت البنت منه وهي تهزها وتسمي عليها تبي تهدي صياح الطفلة المتواصل/ بسم الله بسم الله
وصقر ما اعترض ولا تكلم وقف مدهوش من كلام ملاك و تهامها له/…؟!!
ملاك بتهديد منفعل من بين دموعها / قسم بالله يا صقر لو تحاول تاذي بنتي مارح اعفي عن رقبتك ولا راح ارتاح لين يقصونك قدام عيني و قصاصك مايبرد قلبي راح اوجهك بالاخرة قدام رب العالمين ولا اسامحك ولا اسامحك
صقر شد على اعصابه وهو يرد من بين اسنانه / لو بذبحها ذبحتها من زمان وماني خايف من قصاصك
ملاك تصرخ بوجهه/ بنتي ماتقرب منها تفهم ؟؟؟
صقر رد بذات الصرخه / اص ولا كلمه مثل ماهي بنتك بنتي وماترديني عنها لو تموتين
ملاك زاد بكاها وهي تمد يدها وتاخذ بنتها وتضمها على صدرها / والله لا اذبحك غدر عشانها
صقر رفع اصبعها بتهديد غاضب /اتقي شري يا ملاك لا تخليني اخذها معي لدبي وعلمك كيف تهددين
ملاك ضمتها وهي تبكي بقوه وطفلتها انفجرت بصياح من صوت صراخها هتفت بوجع وصوتها بدا
يضعف/ والله ماراح ياخذك والله ماحد ياخذك مني حميتك وانتي بطني مارح اعجز عن حمايتك وانتي بحضني
صقر توجع منها ومن منظرها الصغير وهي حاضنه طفلة بين يديها وتهدد وتحدى عشانها اوجعته من اقصى اقصاه هتف لها بحنو رغم التعقيد بداخله / انا رايح دبي وانتي انتبهي لنفسك ولبنتك
ملاك ماردت عليه وهي تبكي مع بكا طفلتها /..
نهيل من ردت بحرج وكلام بنتها مايدخل العقل ولو صقر بيذبحها ماكان رجعها / تروح وترجع بسلامه واستر على ماوجهت
صقر طلع من بعد ماطبع اخر صوره لها ولبنته بذاكرته
_____________________________________
مرت سبوعين ….
فهد طول هالاسبوعين يطلع ويدخل من بيته كانه ضيف… شديد الحذر مايبي يلمحها حتى بصدفه
و مايبي يعترف لنفسه بضعف قدامها يكفي انه تعبان من قربها بنفس البيت عاد كيف لو شافها ؟ …طمن ماهر و حذره مايتكلم ان له دخل باصابة يوسف اللي مازال بغيبوبه
بعد الظهر فهد وقف عند الباب يتنحنح /احم احم
شوق لبست جلالها وتلثمت وهي تنادي / حياك ياولد عمي
مهره وقفت بسرعه ودخلت جناح امها بصمت/…
فاطمه وشوق تبادلو نظرات الاستغراب /…؟؟!!
الجدة صيته الحين هي من نادت /اقلط يا فهد
فهد كان حذر مايدخل الا بندا من جدته دخل و هتف بسلام / السلام عليكم
الكل رد بحترام /عليكم السلام
جلس بجوار جدته سالها عن اخبارها /شلون صحتك؟
ردت عليه بموده /طيبه طاب حالك
قامت شوق تصب قهوة للجميع وهي تهتف بحزن مدروس / مابقى شي وطلع من هالبيت والله راح اشتاق كل زاويه من زوايه
فهد رد عليها بثبات / الله يوفقك وهذا بيتك متى مابغيتي تجين حياك الله
ام ماهر بتسال ونغزى / هو باقي سبوع على عرسك صح ؟؟
شوق خجلت من الرد سبوع وجالسه مقابلة الرجال/…
فاطمه فهمت نغزت ام ماهر وردت هي عليها بذات النغزى / ليش ام طلال ماعزمتك؟؟
ام ماهر تقوم متجه غرفتها/عزمتني بس نسيت
الجدة صيته تغير الموضوع وهي تسال فهد / يامك شلون جهير ماجيتها من بعد ماطلعت من عندنا؟؟
فهد نزل فنجاله ورد عليها بثقل / والله مادري عنها اثثت لها بيتها ومن بعده ما جاني علمها
الجدة صيته بحرج/ بكرا بروح لها حرام هي مسكينه
فاطمه بزلة لسان / الا مسكينه تحتها سكينه
فهد لف لها بحده / وشو؟؟
فاطمه وقفت بتوتر/ بروح اصلي
الجدة صيته تشوفها دخلت الجناح و هتفت لشوق بضحكه / الحقيها علميها مافي صلاة وش تصلي هالحزه ؟
شوق وقفت وهي تضحك / تصلي العصر قبل موعدها
الجدة صيته هتفت لفهد بخفوت من بعد ماراحت شوق/ ترا الوضع كذا مايصير
فهد قطب جبينه بتسال / اي وضع ؟؟
الجدة صيته بزفرة / انت ومهره الكل لاحظ بالبيت لادخلت انت هي انحاشت ولا طلعت من البيت هي طلعت من الجناح
فهد تنهد بضيقه / وش تبيني اسوي هاذ هي عندك كلميها
الجدة صيته بتعب /كلمتها عنيده براسها حب مانطحن
فهد يوقف مستعد للمغادرة وهتف بحزم / انا اطحنه لها بس خلي ترجع
الجدة صيته وقفت هي بعد/ انا بضغط عليها كذا مايصير لو الناس تدري عن طلاقكم وجلستها معنا ماراح ترحمها بالكلام والقيل والقال
فهد صر على اسنانه بغضب /عشان اقص كل لسان يطول عليها وعلى عرضها
الجدة صيته بزفرة /ماحد متكلم عندك اذا بيتكلمون من وراك المهم بحاول فيها وكاد ربي يهديها
فهد اتجه الباب / بروح اغفي قبل العصر وانتي استلميها
الجدة صيته دخلت جناح ام ماهر من بعد ماطقت الباب طقتين ورا بعض / مهره وينها؟؟
مهره ترد بحة حزن / هذا انا هنيه ياجدة تعالي
الجدة صيته تقترب لها/ اسمعي عاد الكلام ترا اللي يصير ماهو زين بحقك وبحق فهد
مهره تنهدت بضيقه/ وشو اللي ماهو زين ياجدة غير ان تطلقنا حالنا من حال اي ثنين يصير بينهم طلاق؟
الجدة صيته جلست بجاور ام ماهر الصامته / الناس لو تدري عن طلاقكم ما سكتو اكلو لحمك ولحمه بالكلام
مهره ترفع كتوفها / عادي خلي يقولون اللي يبون
الجدة صيته زفرت عليها / اذا عادي عندك عندي ماهو عادي يتكلمون عن شيخ القبيله
مهره بطولة بال / وشيخ القبيلة هو اللي مجلسنا عنده بالغصب ليش مايخلينا نتوكل لبيتنا ويرتاح و يريحنا؟؟
الجدة صيته ترفع اصبعها بصرامه / بكرا يرجعك لذمته وغير مابي اسمع منك شي
مهره وقفت بغيظ / تبين ترجعيني له غصب؟؟
الجدة صيته وقفت بوجها / اذا كلمتي له قدر عندك ماتردينها يا بنت ناصر
مهره بدت تبكي / تكفين يا جدة لا تلوين ذراعي عشانه؟
ام ماهر بتدخل / يا بنت خلاص لك شهرين وانتي معنده وش يدور براسك؟
مهره زاد بكاها / والله مايدور براسي شي الا ابي راحت بالي بس
الجدة صيته بتسال حاد/ يعني لو تزوج ماهمك؟؟
مهره صدمت وهي تعيد السوال بسوال/ ليش هو قال شي؟
الجدة صيته اعجبتها الفكره وتعمقت فيها/ رجال ماهو صابر من غير مره يا ترجعين ولا ابي ادور له بنت الحلال
مهره طارت عيونها/ تبين تزوجين فهد ياجدة ؟؟
الجدة صيته تنهدت بنفاذ صبر / هو انتي تبينه ولالا ؟
مهره جامده مكانها / …
الجدة صيته ترفع كتوفها/ بكيفك بس لا تنسين اني جيت و شاورتك ماهو بكر لا تزوج لطمتي حظك
مهره مازالت جامده وغير مستوعبه /…؟؟!
ام ماهر فهمت على الجدة وتدخلت معها / لا يا ام عقاب ماحنا رادين نصيبه مدامها ماتبي ترجع دوري له الله يوفقه
الجدة صيته عيونها على مهره وهي ترد بنبرة
مدروسه/ خلاص اجل لا تحطون علي لوم بعدين انا للي شهرين وانا اشحذها حتى ماقدرت شيبي يا جدتها واللي ماهو مقدرني ماني بمقدرته
مهره جلست وهي تشيح بوجها/ ومن تبين تزوجينه؟
الجدة صيته امسكت ضحكتها / بنات الديرة كثار وكلن تمناه ياشر وياخذ منهن
مهره بلعة غصتها / الله يوفقه
الجدة صيته تتجه الباب / امين
ام ماهر تهتف لمهره بخفوت /جنيتي تبينه يتزوج؟
مهره ماردت وعيونها تلمع بشي غريب/…
ام ماهر جلست تحاول تغير رايها/ يا مهره فكري ترا ان راح لغيرك ماهو راجع بنات الحمايل مايفرطن بمكانته يتجودن فيه بيديهن ورجليهن
مهره برجا مهزوز / طالبتك يومه تخليني بروحي
___________________________
ملاك تبوس بنتها اللي بين احضانها / كيكه انتي
حصه تضحك / زوجيها اياد بنحجزها من الحين
ملاك زفرت بضيقه / تكفين فكيني من سالفة الحجز تراها مسببه للي عقده
حصه بمرح / ولد اختك حبيب مثل امه
ملاك طالعتها بنص عين / دامه مثل امه مانبيه
حصه بزعل تمثيلي / اجل خليها عندك ياخذونها عيال عمها غصبن عليك وعليها
ملاك فار دمها/ يخسون والله ي بنتي ما يطولونها الا برضاها واذا كبرت وتخرجت بعد
حصه طارت عيونها/ ملاك لاتطلعين عقدتك بنتك ترا كله مزح
ملاك بحزن شفاف / حصه لا تلوميني مابي تجرب اللي جربته انا
حصه بحنيه / لا تفكرين هي ترا توها بزر خلي كل شي بوقته
ملاك صمتت وعيونها على ملامح بنتها الباهره /…
نهيل جت تبتسم /تسلم عليكم امول تو كلمتني
ملاك بحنين /اشتقت لها وربي متى ترجع ؟
نهيل تجلس وعيونها على الطفلة /ميته على شوفة بنتك ودها تجي اليوم قبل بكرا بس بندر يقول تونا
حصه تبتسم بحنيه / يا عمري يا امل خلي تستانس من زمان ماسافرت
نهيل بامومه /الله يجيبها لديرتها بس
ملاك تطمنها / يومه تراها بدولة عربيه مصر مافيها خوف
نهيل تضرب راسها بتذكر / اي ترا عمتك تقول بتجي هي وعمك بعد العصر يسلمون عليك
حصه باستغراب / غريبه عمي بيجي وهو اصلاً قد سلم عليها
ملاك نغزها قلبها/ وش يبي ؟
نهيل زفرت عليها /جاي بيسلم ولونه جاي بشي ثاني مانرده
ملاك صمتت مالها خلق المناقشه /…
بعد صلاة العصر …
جهزت حصه القهوه وشاي ورتبت المجلس لاستقبال عمها جت نهيل معها صواني حلا وهي تسال/ملاك وينها؟
حصه ترد وهي ترتب الطاوله / تلبس وتلبس بنتها
نهيل تهتف بخفوت مرتبك / خايفه منها ومن تصرفاتها
حصه تناظر امها باستغراب/ ليش وش صاير؟
نهيل بذات الخفوت / مادري حاسه عمك ماهو جاي الا ان براسه شي يبي يردها لصقر
حصه تطمن امها/ يومه ترا ملاك ذكيه وتفهم مستحيل تفشل عمي وهو جايها متعني
نهيل بهم كبير / الله يسمع منك و ماتفشلني مع الرجال وعياله
جت ملاك وهي تبتسم وترفع بنتها/ شرايكم بمسوكه
نهيل تبتسم بمحبه / ياحلو مسك وام مسك بعد
حصه بتذكر و بتسال / الا صقر يدري عن اسمها ولا سميتيها من راسك ؟؟
ملاك تحط بنتها على السرير / بنتي وانا بكيفي هو وش دخله؟؟
حصه طارت عيونها / ملاك جنيتي ترا هو ابوها بعد المفروض تشاورون بالاسم
ملاك لفت لحصه بعصبيه/ حصه بالله فكيني من طاريه تراك عاله قلبي من ولدت بس صقر و صقر
نهيل تنهى النقاش ماتبيها تنفعل ماهو وقته / خلاص اص مانبي ازعاج الناس على وصول
حصه تنهدت باستسلام / بسكت بكيفها عقلها براسها وتعرف خلاصها
ملاك طنشتها /….
طق الباب فتحت حصه ودخل ابو صالح وام صالح ومعهم ام مهند رحبت نهيل وبناتها فيهم قهوتهم وسالو عن اخبارهم و حوالهم …
بعده هتف ابو صالح بصوت رخيم / ملاك يابوك الحين مالك عذر عندنا اول نسكت عشانك تعبانه وتحملين حملن ثقيل لاكن الحين الله فرج لك وجبتي شيخة المزاين مثلك يا امها
ملاك ابتسمت بصعوبه / تسلم ياعم
ابو صالح يكمل بذات الصوت الرخيم / وش تطلبين على ولد عمك رضا لك عشان سواته الخايبه؟؟
ملاك ردت بتحكم / اطلب شي واحد يا عم وانت اللي تقدر عليه بعد الله
ابو صالح رد بثقه / ابد اعتبري طلبك وصل
ملاك سحبت لها نفس عميق / ابي ورقة طلاقي
الكل شهق بصدمه وبو صالح رد بغضب /جايك ابي الم شملك انتي ورجلك وتقولين طلاق ؟
ملاك بنفس عايفه / ياعم والله اني مارضيت فيه وانا صغيرة اخذته غصبن علي ولا اني راضيه فيه وانا كبيرة اعتقوني منه الله يعتقكم من نار جهنم
ابو صالح اشتعل بالغصب / اسمعي يا بنت طلاق ماعندنا بنات يطلقون واذا مانتي مقدرته قدريني انا
يا عمك جاي ابي اراضيك
ام مهند هتفت بزعل / اسمعي يا ملاك ترا صقر ان درا انك راده ابوي وهو جايك مارح يسكت لك ويرجعك بالقوه
ملاك طالعتها بحده/ صقر معطيني يمين ما يرجعني بالغصب ورجعه ماني براجعه وغير هالكلام ماعندي
نهيل تصرخ فيها بحرج عميق/ اص ولا كلمه بترجعين غصبن عليك عمك جاي مانتي مشيمته ؟؟
ملاك وقفت ومالت حابه على راس عمها وتهتف بغصه مخنوقه / ياعم والله يا رجعه لصقر انها مستحيله حتى لو ثمنها رجعت طالب للحياة
ابو صالح هنيه وقف بزعل شيبان / مانت مجبورة على الرجعه له لاكن طلاق انسيه نهائي
ملاك تنهدت بصبر طويل / ابد لا يطلق خلني معلقه برقبته لين اموت اهم شي مارجع له
ام صالح وقفت بزعل / مشينا
ابو صالح اتجه الباب و حصه تمسك كفه بحرج /تكفى ياعم امسحها بوجيهنا
ابو صالح شد كفها بحنو /حصل خير يابوك
ام مهند قبل تطلع هتفت لملاك بكلمتين / ترا انتي الخسرانه ماهو بصقر هو يتزوج ويشوف حياته لاكن انتي بتبقين معلقه طول عمرك
ملاك رفعت حاجبها بقلة اهتمام / الله يوفقه خلي يتزوج
من طلعو رجعت نهيل بوجه حمر من القهر وتصرخ فيها / انتي قليلة اصل ما تربيتي تردين شايب وشيخ قبيلة كامله جاي يطلب رضاك ؟؟
ملاك جلست وهي صامته /…
نهيل تكمل بذات القهر / عنادك بيفيدك ماهو فايدك لاجا صقر و طى على رقبتك
حصه تمسك امها تهديها / يومه هدي ماهو وقته
نهيل تضرب خضنها بكفوف يدها / و فشيلتاه من مطلق وفشيلتاه
_____________________________________
الساعه 11 ليلاً ..
الجدة صيته بجناحها تاكل علاجها وتقوم استعداد لنوم طق الباب بهدو ودخلت مهره بتسال / احم جدة بتنامين ؟
الجدة صيته نادت عليها وهي ترجع تجلس /تعالي يامك
مهره اقتربت وجلست بجوارها بصمت ماتدري كيف تدخل بالموضوع /…
الجدة صيته طبطبت على فخذها / قولي وش اللي تبينه ؟؟
مهره نزلت دمعه على خدها / مادري وش اقول
الجدة صيته بحنو صادق / قولي اللي بقلبك و اعرفي اني معك باللي تبين
مهره حبت راسها / الله يخليك للي
الجدة صيته تمسح على شعرها بحنان/ تبين ترجعين له صح؟
مهره حطت عينها بعين جدتها / اي بس عندي شرطين اذا وافق عليهن رجعت له
الجدة صيته ابتسمت بفرحه / ابد اللي تبينه اعتبريه موافق
مهره بتردد/ اتاكد اول من موافقته
الجدة صيته تهز راسها برضا / امري وانا اعلمه ورد لك
مهره حمر وجها وهي تنحنح / احم انا اقول له شروطي
الجدة صيته حست وراها شي بس تجاوزت
عنها/ خلاص بكرا الظهر اجيبه بجناحي وتقولين اللي تبين طيب
مهره وقفت تبي تهرب منها / طيب
الجدة صيته تشوفها متجهه الباب هتفت لنفسها بخفوت ( الله يستر منك ومن شروطك )
فهد كان داخل الصاله لانه متاكد هالحزه الكل نايم يبي يسلم علي جدته قبل ينام وهو عند باب جناحها رفع يده يبي يطقه الا ينفتح وتطلع مهره بوجهه ..
يده تعلقت بالهواء بتجمد وعيونه بعيونها شعر بدوران حقيقي من لهفته لها كانت تلبس قميص حرير بالون الاسود وشعرها مفتوح كله وجها خالي من اي زينه (لذيذه لنظر )،،
هي توترت و كانت بترجع على ورا لجدتها بس وقفها صوته الجوهري وهو يصد عنها معطيها ظهره / مهره اوقفي بكلمك
مهره نزلت راسها بخجل / فهد ممكن تبعد عن طريقي
فهد يطمنها بنبرة حديديه / ماراح اناظر فيك تطمني بس بكلمك
مهره رفعت عينها لظهره الموجه لها وريحت عطره دخلت بوسط رائتها /..
فهد سال بهدو / ممكن اعرف ليش ماتبين ترجعين؟؟
مهره ماردت عليه /…
فهد تنهد بطولة بال وقلبه على وشك التوقف من قربها و ريحتها الانوثيه اللي تسلسلت بين فواده سالها بنبرة شجن / مهره اطلبي اللي تبين وانا حاظر بس ارجعي وخلي اصحصح الخطا بينا
مهره سحبت نفس وصل لسمعه/ جاوبي تحصله عند جدتي
فهد قطب جبينه / كيف يعني ؟!
مهره بطلب خافت/ ممكن تبعد بروح انام
فهد كان بوده يقول تعالي نامي بحضني بين ضلوعي لاكن اخلاقه ورجولته ماسمحت له المره ماتحل عليه ابعد عن طريقها بصمت /…
وهي تجاوزته وراحت جناح امها بذات الصمت/..
فهد اذا هو قدر يسيطر على لسانه من الرد عجز لا يسيطر على عيونه تتبع زولها المقفي بارتكاز انوثي
وهي تمشي بهدو …تمقل فيها لين دخلت و زفر
با اوف من بين شفايفه معبره عن النار اللي ولعت بصدره …
بعده دخل عند جدته و سلم عليها جلس جاورها ولمح بعيونها كلام مهره اعطته اشارة اصلاً ،؟؟
الجدة صيته تطالع فيه / مهره كانت عندي من شوي
وتقول ماعندها مانع ترجع بس عندها شرطين
فهد نبض قلبه بفرحه عميقه اخفها ورا صوته السال الحازم / وش هو شروطها ؟؟
الجدة صيته ترفع كتوفها بغرابه / والله مادري سالتها وعيت تقول شروطي بقولهن له هو
فهد بتهور مشتاق / طيب نادي لها الحين خلي تقول وش اللي تبيه
الجدة صيته عطته نظرة / اركد ترا ماهي بطايرة خله لين بكر من بعد ماترجع من الديوان ننشدها
فهد انحرج من استعجاله بس فعلاً الحين وش يصبره يبيها ترجع بسرع وقت بس كبريا وجبروته اثقلته لذالك وقف بصعوبة تحكم / تصبحين على خير
عند مهره كانت متمدده على السرير و قلبها يرفرف من شوفة عيونه ونبرة صوته بس ماتدري ليش جاها شعور الحقد عليه ودها تمسك رقبته وتخنقه من الغيرة مفكر يتزوج عليها (هين يا فهد والله لابرد قلبي فيك وراح تشوف مهره المسكينه وش راح تسوي؟) تقلبت يمين ويسار وهي تبتسم ( اوف انا خايفه اجيب العيد بنفسي اول مارجع حلاله اكسر ضلوعه من ضمي له )
فهد من بعد ما بدل تمدد و نفاسه تعالى بتدريج
من ذكرى زولها الفاتن اللي يقتله قتل الظهر الطويل الردف البارز نعومه مشيتها بياض بشرتها لون شعرها ملامح وجها العذب كله هذا ينحره نحر تنهد بنفاذ صبر ( يارب القوه من عندك يارب)
_____________________________
بيت ابو صالح الكل كان منفعل من حركه ملاك
مع ابوهم وردها لطلبه وفا تصرخ بقهر حار / قلت لكم ملاك ماتستحي ولا همها احد بس ماحد سمع كلامي
هدى بعتاب / ماتوقعتها منها ابوي يتعنى بكبره لعندها وترده ؟
ام مهند مقهوره / ما احترمت ابوي ولا احترمتنا تقول لو ابقى معلقه طول عمري اهم شي مارجع له وانا اصلاً من اخذته ماني راضيه مغصوبه عليه
هدى بغرابه / فيه وحده يحصلها مثل صقر ومستواه ويحبها بعد و تعافه ؟؟
وفا انفاسها تطاير / والله لاقول لصقر عن كلامها خلي يطلقها ويفتك منها
ام صالح كانت تسمع لهم وساكته وهي من داخل مغبونه لاكن لا هنيه وبس ماتبي صقر يعرف باللي صار نهائي/ وفا لو درا صقر ماتلومين الا نفسك فاهمه
ام مهند زفرت بتسال/ ليش مايدري يا يومه لازم يعرف عشان يعلمها الادب اذا هي ما تأدبت ؟
ام صالح بحلف حازم / والله ياللي تدق وتعلمه لازعل عليها زعلن كبير وابوكم لو درا انكم علمتوه مانسلم منه ومن شره بعد
هدى تايدها / امي معها حق صقر حار والله ليجي على اقرب رحله ويسبب لنا مشاكل
ام صالح لفت لوفا/ وفا انا حلفت يويلك لو تدقين خليه لين يرجع ويصير خير
وفا بغبنه / ماني داقه بس لا رجع ماحد يردني عنه
ام مهند بذات الغبنه / لارجع لازم يعرف بكل شي
شذى كانت تسمع وهي مقهوره على ملاك مهما سوت و اخطت تبقى صديقة روحها ما ترضى عليها شي
دخل ابو صالح ومعه صالح سلمو وجلسو
وفا بقهر ماقدرت تمسك نفسها/ يابوي ليش تروح لملاك انا عايشه معها بالبيت واعرفها عنيده ماتسمع حتى كلام اهلها
صالح يطالع ابوه الصامت وتكلم هو / اللي سواه صقر معها صح انه غلط بس عاد المفروض هي تحشم ابوي
ابو صالح سحب نفس و زفرة / البنت وكاد انها مجروحه مانبي نضغط عليها يكفي انها تزوجته وهي ورع عشاني وعشان ابوها خلاص النفس ماتجبر على شين ماتبيه
ام صالح بغيظ/ ماهو حاصل لها مثل صقر لو جلست عمرها كله عند اهلها
ابو صالح عطاها نظره / احكمي لسانك يا مره
ام مهند بتدخل / يابوي امي ماقالت الا الصدق وين بتلقى احسن من صقر ؟
ابو صالح زفر بضيقه / ماهي قليلة زين يجيها احسن
و بعيد
وفا قامت بغيظ وهي تتجه الغرفه / مطلقه ومعها بنت ماحد اخذها
ابو صالح هز راسه باسا/ انتم علامكم انا ياعمها مقدر وضعها وصغر سنها
هدى بحميه/ يمكن تحسف وتجي تعتذر ويهديهم الله
ام صالح بزعل / من بعد ماردت عمها مانبي لها عذر وصقر انا اللي بزوجه خير منها
ابو صالح بتهديد / اللي يطري لصقر شي لا يلوم الا نفسه
ام مهند تنهى النقاش / لاجا يصير خير اما ترجع له ولا يرجع اميرة ويرتاح ويريحنا
__________________________________
يوم جديد….
نهيل مازالت غاضبه حتى مانامت اليل عدل من الحرج
و الفشيلة من ابو صالح ولا تكلم مع ملاك ابدً
حصه كانت تقوم بواجبات ملاك بصمت ماتبي تكلمها خايفه من انفجارها وانفجار امها معها
وملاك كانت تشوف الزعل بعيونهم و تدري ان ماحد حاس باللي هي تحس فيه .. صقر ملكها بالقوه وهي صغيرة سن وفوق هذا تزوج وهي على ذمته
و مازالت صغيرة وبعده تزوجها وخذ كل شي منها من غير رضاها وكانت تستلم له وتحاول تقبل الحياة معه وتقبله …بس صفعها انه مايبي عيال منها وفوق هذا يبي يذبح بنتها وين الانسانيه ورحمه ..؟! والحين الكل عتبان عليها عشانه يبونها ترجع له باستسلام مثل ماتزوجته بذات الاستسلام … بس ماحد راح يهمها كل همها هي مسك بنتها مستعده تخسر العالم كله عشان حياتها والباقي مايهم حياته ،؟؟؟
مازن دخل وجهه محمر/ صدق الكلام اللي سمعته ؟؟
نهيل تنقل عيونها بينه وبين ملاك ولا ردت /…
حصه تحاول تهدي الاوضاع / مازن ماهو وقته
مازن تشددت اعصابه وهو ينظر بملاك / تردين مطلق الجاسر شيخ القبيلة و اخو ابوك و جد بنتك لعنبو وجهك انتي ماتستحين ماتنتخين مابوجهك حيا ؟؟
ملاك ردت برود غير طبيعي / لا ماستحي ولا بوجهي حيا عندك مانع ؟؟؟
مازن ينتفض بالقهر / والله واللي رفع السما بلا عمد لو مانتي عملية لضربك لين يخيب ثناك
ملاك وصلت حدها / مد يدك اذا فيك خير وشوف وش راح اسوي والله لا فضح فيك و لاجيب الشرطه عند البيت
نهيل وقفت بصرخه / ماهي بعيدة عليك مانتي مستحيه لامن الله ولا من خلقه
مازن يغلي / انتي الظاهر انك باقي بزر تبين تربيه وصقر لازم يدري عشان يبدا بتربيتك من جد و جديد
حصه وقفت بحميه / خلاص خلاص ماهو وقته البنت عمليه وتعبانه خلو الكلام والعتاب ليوم ثاني
نهيل تهز راسها بحسره / البنت اللي تكسر وجه امها عند الناس وترد عمها الشايب ماهي سنعه تبي من يسنعها
ملاك ابلعت غصتها وقامت لغرفتها تعرف لو جلست عندهم شوي راح تنفجر بنهيار ماله علاج
حصه دمعت عينها / ارحموها والله ياني خايفه عليها من ضغوط الحياة
نهيل جبست بزفرة / مارحمتنا ولا رحمت نفسها مفشلتني وكاسره كلمتي من وهي ورع ماتفهم
مازن بذات الزفرة / والله ماحد فاكها من يد صقر وهذا انا حذرتكم بس خلو تروح لعمي وتعتذر قبل لا يدري
________________________________
بعد صلاة الظهر ….
الجدة صيته مالت وهمست لام ماهر /بنتك ماقالت لك شروطها ؟
ام ماهر بذات الهمس المتوتر / والله عيت تقول الله يستر منها بس
مهره كانت تطالعهم وتهتف بتقصد/ وش فيكن تهامسن وكني ماني بموجودة؟
الجدة صيته تقول بالوجه ماعندها لف ودوران / ننشد عن شروطك اللي انتي داستهن عنا ؟؟
مهره ابتسمت بعذوبه/ ماني داسه شي بس بقولها عنده وانتم تسمعون
ام ماهر ترفع كتوفها/ كيفك بس انتبهي من بعض الكلام اللي ماله داعي
الجدة صيته تطالع مهره بنص عين / والله ماضنتي ان شروطها تشرف عشان كذا ماعلمتنا ذالتن نقوم عليها
مهره تضحك / ههههه
ام ماهر بتسال/ عسى بس فاطمه وبناتها مايرجعن قبل يجي ابو عقاب ؟
الجدة صيته تهز راسها بنفي/ لا بيتغدن عند انوار
جاهم صوته الرخيم /احم احم ام عقاب
الجدة صيته عينها على مهره اللي انتفضت وهي تلبس جلالها وبعده نادت عليه /اقلط يامك
فهد دخل و روحه تستكن بهداوه من لمحها جالسه انحنى حب على راس جدة وجلس جاورها / مساكم الله بالخير
الكل رد بهدو /مساك نور
مهره كانت منزل راسه وانفاسها بدت تضيق حست بخوف من ردت فعله تحسفت انها طلبت تقول شروطها بوجهه تمنت انها قالت لجدتها توصله العلم
فهد كانت عيونه على مسباحه اللي يتخلخل بصابعه وقلبه مع اللي من يساره يبيها بس تطلب تشرط اللي تبي اهم شي ترجع لحضنه المتيتم من فرقاها عنه…
الجدة صيته تنحنحت وهي تدخل بالموضوع/ احم هذا فهد جاء يلا قولي وش هي شروطك ؟؟
مهره انكتمت وهي تعلن ضعفها /…
الجدة صيته تعيد السوال / هاه يا مهره وش هو شروطك لا تستحين يامك قولي؟
مهره كانت لوحه لا تحرك ولا تكلم جماد /…
فهد عقد حواجبه وعيونه على مسباحه / شفيك تكلمي ؟؟
مهره تحاول تطلع لو كلمه / شرطي الاول اكمل جامعة
فهد لف لها بحركه سريعه / دراسه انسي !؟
الجدة صيته تنغز كتفه بيدها/ حنا ماتفقنا ان شروطها كلها توافق عليها ؟؟
فهد تنهد بطولة بال /ماقلت شي بس دارسه ماله داعي
مهره ردت بغيظ / اذا الشرط الاول رفضته فماله داعي اقول الثاني لاني واثقه مارح يعجبك
فهد صر على اسنانه / وش هو شرطك الثاني ؟
مهره ترفع كتوفها / خل نتفاهم على الاول ؟
الجدة صيته مافيها صبر / انت تبيها ولا لا ؟؟
فهد ناظر جدة بحده / وش هالسوال؟
الجدة صيته ترد عليه/ اذا تبيها هذا شرطها خلصونا من هالموضوع
فهد يحاول يتماسك/ طيب موافق وغيرة ؟؟
مهره هنيه ارتبكت جاك الموت يا تارك الصلاة /…
الجدة صيته بتنهى السالفه / هاه وش هو شرطك الثاني؟
مهره حست بحرج وخجل ولا هي قادره تكلم /…
فهد زفر بنفاذ صبر / اخلصي علينا ؟؟
مهره بخفوت خجول / الثاني بقوله له بروحه
فهد رفع حاجبه بتفهم ان وراها شي كايد / تبين تقولينه للي بروحي ؟؟
مهره هزت راسها بايه/…
الجدة صيته نغزتها بالكلمه / انا اقول استخيري من هالشرط احسن لك ولنا
مهره باصرار / شرطي ماتنازل عنه
ام ماهر تقوم واقفه منقذه بنتها من الموقف المحرج لانها حست انها بتشرط شي خاص / انا بروح اسوي لنا براد شاي
الجدة صيته فهمت عليها وهزت راسها برضا / ايه زين تسوين انا بجلس هنيه ماني برايحه بصير شاهده على شرطها الغبر
مهره غصبن عنها ضحكت من كلمة جدتها/ هههه
فهد ارتعش رعشه مذيبة من غنج ضحكتها وهو يحاول التماسك ولا يوضح وش خافيه /….
الجدة صيته تسال بخفوت من بعد ماطلعت
ام ماهر/ يامك قولي اللي بخاطرك هو راضي باللي تبينه ؟
مهره بنبرة تردد وخجل / انا برجع له عشان منظرنا قدام الناس واللي ابيه منه نكون ازواج بالاسم فقط
الجدة صيته قطبت جبينها/كيف بالاسم فهمينا يا بنت ناصر ؟؟
مهره عيونها بالارض عاجزة ترفعها معنها تمنى تشوف ردت فعل فهد بس خافت منه / مابي انام معه ولا ابيه يقرب للي
الجدة صيته غضبت منها /كيف يعني تبين تنامين بغرفه وهو بغرفه ولا كيف فهمينا ؟؟
فهد سحب له نفس عميق وهو يرد برود صعق الجميع فيه / انا فاهمها وموافق على شروطها
مهره رفعت عينها فيه بصدمه ماتوقعت هذا رده توقعت ينفعل يغضب يصارخ …هي تعرفه عدل حقوقه مايتنازل عنها لونها بين الحياة والموت والحين يصدمها بتنازل بكل برود ايعقل ان هذا فهد عقاب ؟!
الجدة صيته طالعت فيه بغرابه / يعني ماعندك مانع تكون مرتك بس بالاسم على قولتها ؟!
فهد هز راسه بتاكيد لايخلو من بروده/ ماعندي مانع اذا هي تبي كذا انا موافق
مهره ماتدري ليش شعرت بحزن يقتحمها تمنت انه
رفض وعاند وهي عاندت بس مايوافق بالسهوله
وقفت وطلعت من الجناح وعينها تذرف ماها …؟
بس اللي ماتعرفه مهره ان فهد وافق لانه مايبي يعاندها ويخسرها من جديد هو ماصدق ان الله هداها ورضت ترجع له جرب انواع الفقد بحياته بس ماتعبه فقد كثر فقدها اهم شي الان عنده انها ترجع حلاله ولكل حادث حديث مستعد يغيرها بيوم وليله يقلب كيانها كيف مايشا. .. يعرفها تدوخ معه واثق ثقه انها بتضعف عنده لذالك وافق بكل برود و هدو. ..
بس الشرط الاول هو اللي واقف مجبور عليه ماوده انها تكمل دارسه بس عاد مابليد حيله هذا شرطها ولازم يوافق عليه وان وافق لازم يكون عند كلمته …..
قطع افكاره سوال الجدة صيته / انت صادق راضي على شرطها ؟
فهد يطالع جدته برود مدروس/ كيفها اهم شي ترجع وتفكنا من الحنه
الجدة صيته هزت راسها بقلة فهم / مادري انت فاهم شرطها ولا ؟
فهد يناظر بمسباحه وعيونه تلمع بفرحه / فاهمها وراضي يا ام عقاب
الجدة صيته هزت كتوفها/ بكيفكم بس ماهو بكرا تجي تشتيلها من غرفة امها تراي شاهده
فهد يوقف بثقه / مايحتاج انا اشيلها لانها بتشيل نفسها هي لجناحها
الجدة صيته عقدت حواجبها/كيف يعني تضحك عليها ؟
فهد لف له بنظرت عتاب /افا انا ماضحك على احد بس اقول لك هي ترجع من نفسها ولا بلاها ماراح ارجعها بالغصب
الجدة صيته هزت راسها بتفهم /اي صدقت تراها بس مهايط ماعندها شي لاجا الصدق ضاعت علومها
فهد يتجه الباب وعلى شفايفه شبه ابتسامه من كلام جدته / بروح اريح للعصر لاجا عمي محمد لا يروح عشان يشهد على الرجعه
________________________________
ملاك كانت بغرفتها متمدده على السرير وجوارها مدده بنتها مسك وعيونها تجول ملامحها …تشعر بحزن داخلي حزن مجهول ماله تفسير …شي كاتم على صدرها خانق نفسها …اي هي راضيه بقرارها ومتاكده من الشي هذا وقبل لا يوصل عمها كانت متوقعه ان جيته عشان موضوعها مع صقر لذالك جلست مع نفسها وتخذت قرار صارم مافي تراجع …بس فجئه تلبسها الحزن و التوحد ؟….
دخلت حصه حامله صينيه / ملاك قومي اشربي شوربه
ملاك اعتدلت جالسه وهي ترد بهدو / مشكورة
حصه تجلس بجاورها وتطبطب على كتفها / انا عارفه انك ندمانه على اللي صار بس…
ملاك بمقاطعه حزينه / حصه عمري كله ماقتنعت بقرار كثر هذا القرار ومستحيل راح اندم عليه
حصه ترفع كتوفها بغرابه / مادري بس هذا اللي اشوفه انتي ادرا
ملاك بمكابره / من حقي اعيش باقي حياتي حره واختارها مثل مابي ومع من ابي
حصه باستغراب / ليش انتي ناويه تطلقين منه وتتزوجين غيرة؟
ملاك بمصارحه غريبه/ مستحيل ابي رجال بعد صقر هو كرهني بجنس الرجال كلهم وبنفس الوقت ماراح يملى عينه بعده احد
حصه رفعت حواجبها وهي تبتسم / اعتراف حصري هذا؟
ملاك تنهدت وهي تبدا بشرب الشوربه / هذا الصدق
حصه بتسال مستغرب / انتي الحين تحبينه ولا تكرهينه ؟؟
ملاك صدت والعبرة تخنقها/ لا هاذي ولا هاذي
حصه صمتت ماتبي تزيد همها هم/…..
ملاك تسال بهدو / متى ينزل خيوط العملية ؟
حصه ترفع كتوفها/ والله مادري انا ولدت طبيعي ماهو بعمليه
ملاك بتعب / احس بمغص خفيف
حصه بحنو/ شي طبيعي لحمك بدا يلتم والجرح يبرى
ملاك تنهدت بتعب / ياربي ودي اخلص من هالاربعين ورتاح
حصه تبتسم/ مابقى شي سبوعين وتخلصين
ملاك بضيقه/ يابعد هالاسبوعين بعداه ودي ارجع للمدرسه اغير نفسيتي
حصه بتوجس/ انتي متضايقه من زعل امي عليك صح ؟
ملاك بنبرة حزن / هي اكثر وحده كانت معارضه حياتي مع صقر و عارفتها صح ليش الحين تبي ترجعني له ؟؟
حصه بمحاولة افهامها / هذاك اول مامعكم طفل يربطكم بعض وبعدين هي مفتشله من عمي مطلق كثير
ملاك صمتت ماتبي تفتح الاجروح /…..
________________________
بدبي …
صقر من رجع لدبي على طول اخذ تحاليل على نفسه وتبين معه ان المرض الوراثي مازال فيه لاكن رحمت الله ان ملاك سليمه وجنت بنتها بذات السلامه …
وهو مايمر عليه يوم الا يفكر ببنته اسرته هذيك الطفله حاس وده يشلع روحه بين يديه لاتذكر ان كان ناوي على قتلها يحمد الله الف مره اللي حفظها له ارتاح كثير من بعد ماتطمن من صحتها بنفسه…
صقر قلبه صار متعلق بثنين ملاك ومسك بنته اللي اخبرته هدى باسمها قالت ملاك سمتها (مسك )
ما اعترض بالعكس اعجبه وهو اصلاً معطيها حرية الاسم هي من حملت وهي من ولدت وهي من تعبت وهي من حمتها بين احشائها من ايام تهوراته كيف (ان )يعترض على مجرد اسم؟…
حاول الاتصال فيها كذا مره ولاكن تفشل كل محاولاته كانت تحط له بلوك ولا قدر يتواصل معها من اخر مره شافها فيه بالمستشفى
فتح جواله وناظر بصورته مسك اللي التقطها بيوم تحاليلها ابتسم بحب و انحنى وباسها ( ياربي لا تعاقبني فيها وتحملني ذانبها ) …رجع يطالع بصورتها بتدقيق ( سبحان الله اخطيت بحق نفسي وبحق ملاك وسكوتي عن المرض ذنب كبير بس ربي غفور كريم اعطاني الذ واطهر شي بالحياةً)
______________________________
فهد من بعد صلاة العصر رجع مهره لذمته بشهاده
من عمه محمد من غير وجود مملك لانها مازالت بالعده ماكملت ثلاثة شهور يكفي موافقتها وشاهد على ارجعها …من تمم الرجوع طلع لديوان من غير لا يمرها ولا يشوفها حاول يثقل نفسه يكفي انه نزل من كرامته كثير وهو يتردد الايام اللي طافت على رضاها الحين ضمنها صارت حلاله لذالك اصر على نفسه بثقل والثبات وهو من داخل يتقطع يبي بس يضمها يشم ريحتها من قريب يبي يغرقها بوساته الولهانه بس المكابره ترفض ان يكبر راسها اكبر من مامضى ….
مهره كانت لابسه وجاهزه بفستان ناعم ومكياج هادئ تبيه شوف وحر جوف وبالاخير هي من احتر جوفها
و انجرحت منه جرح عميق كيف ان يطلع من البيت من غير لا يمر عليها ولا يراها وحتى مابرد قلبها بكلمه وحده ولا طيب خاطرها… مدامه كذا ماهي هامته ليش يتردد من اول يبي برجعها ومحسسها انه ميت من حرها طلع مادرا عن هوا دارها؟؟؟…
الجدة صيته اغتاظت من حركته مع بنت اخوها واللي ضايقها نظرت الانكسار بعين مهره من عرفت انه طلع وهي لابسه ومتكشخه صح انها شرطت مرته بالاسم بس كانت متأنقه لنظر له بس كسرها بجموده وصده
…الساعه 11 مساً ..
مهره وامها جالسات مع الجدة صيته بجناحها
من بعد ماغسلت مكياجها وبدلت لبسها بجامه حرير بالون العسلي ورتبت شعرها وحطت مرطب على شفايفها المزمومه بالون الخوخي …والحقد على فهد كل ماله ويزيد مع كل تفكير يدور براسها
الجدة صيته تطالع مهره بحنان / يامك علامك ما تعشيتي معي انا وامك ؟
مهره هزت راسها نافضته من سو الافكار / ماني مشتيه ياجدة
الجدة صيته بمحبه / ترا قلت لفهد يذبح خروفين واحد نطبخه واحد نوزعه فرحت رجعوك
مهره صمتت وهي تغلي من فهد /….
ام ماهر ردت بامتنان / الله يرفع قدرك يا ام عقاب ويعلي شانك
الجدة صيته بحميه عميقه / هذي مهيره بنتي والله لو اذبح حاشي ماهو حقها
مهره ابتسمت بعذوبه / الله لا يخليني منك
فهد نادا بصوت خشن / احم احم
الجدة صيته تنادي له / اقلط اقلط
فهد دخل وهو متوعد عيونه ماتنظر لمهره ابدً انحنى وحب راس جدته وعيونه بدت تخون وتلمح نظراتها اللي مرتكزه عليه / مساك الله بالخير
الجدة صيته ردت ببتسامة مرتاحه/ مسيك بنور وسرور
فهد مازال واقف توقع ان مهره تقوم بحترام و تسلم عليه بس هي لعينه ردت حركته فيها العصر وهي جالسه برود ولا عبرته /…
الجدة صيته لاحظت وهي تلف لمهره بحزم / قومي سلمي على رجلك
مهره ناظرت بفهد اللي يبادلها النظرات وعيونه خانت الوعد كامل وهي ردت بغبنه واضحه / ماني مسلمه
ام ماهر انتفضت بحرج / وجع بنت عيب
مهره شاحت بوجها عنهم /…
الجدة صيته تطالع بفهد اللي يناظر بمهره وهي تبرر عنها / ما طاب خاطرها خلوها على راحتها
فهد جلس و تنهد بطولة بال /…
الجدة صيته تغير الموضوع بتسال / عمك محمد متى بيروح بيت ابو خليل ؟؟
فهد شاد على اعصابه ما يبيها تنفلت من تحت راس هالكيكه العسليه اللي جالسه قدامه ورد على سوال جدته بثبات / بعد عرس طلال ان شاءالله
الجدة صيته هزت راسها باقتناع / الله يوفقهم زين يسوي
ام ماهر تطالع بمهره اللي رافعه حاجبها بمكابره وهي تسال بتردد / الا يامك متى تقدم مهره على الجامعه ؟
فهد اخذ نظره سريعه على مهره ورد بتحكم
مدروس / الترم هذا مايمديها الترم الجاي ان شاءالله
مهره انتفضت وهي تسال بحده / نعم ليش وانت شايفني مضحكه عندك ترجعني وبعده تقول مافيه الترم هذا ؟؟
فهد وقف بغضب ونفاذ صبر / بنت اعقلي وثمني كلامك
مهره وقفت هي بعد وعيونه على جدتها/ شفتي تلحين علي ارجعي ارجعي وهذي اولها
الجدة صيته وقفت تبي ترد بس قاطعها صوت فهد الحازم / كلامك معي انا ماهو مع جدتي لو ما رجعتي بطيب رجعتك بالغصب
الجدة صيته تدخلت بزفرة / خلاص مانبي مشاكل وبعدين انت موافق على شرطها وش تغير ؟
فهد صر على اسنانه / ماتغير شي ومازلت موافق بس انتهى التقديم على الترم هذا توي سال رجال يشتغل بادارة التعليم
الجدة صيته تطالع بمهره / يامك ماهو كاذب وكان مادرستي الاول تدرسين الثاني
مهره انفجرت عليه مطلعها حقدها وحرقتها فيه/ لونها جهير اللي طالبته كان توسط عشانها ودخلها بالقوه بس مهره لا لانها اخر همه
فهد طارت عيونه / انتي الظاهر طار عقلك و انجنيتي رسمي ؟؟
مهره مازالت بحقدها / اي تاركه العقل لك و لبنت سعيد
فهد سحب له نفس عميق وهو يستعيذ بالله منها ومن شرها الجدة صيته تاشر لمهره تسكت / اص يا بنت ماهو وقت هالكلام
مهره مغبون قلبها منه / اي سكتوني عشان
ما اجرحه وانا عادي لو يجرني ويدوس علي
فهد يطالع بملامح وجها اللي حمر من الغيظ وهي تكلم واضح انها مشحونه لذالك هو اختار الصمت عشان مايجرحها اكثر /…..
ام ماهر تنهدت بضيقه من حال بنتها / تعوذي من الشيطان يا مهره
مهره جلست وهي تزفر بشده/ ماني متعوذه منه اتركو شياطيني براسي
فهد هز رسه باسا / لاحول ولاقوة الا بالله اتركوها هي وشاياطينها
الجدة صيته ضحكت / هههه اسكت لا تزيد عليها
مهره تهز رجلها بغيظ / ليش تسكتينه خلي يستهزي بعد يكمل مابقى هذا اذا بقى شي؟؟
فهد تنحنح يحاول يسيطر على روحه اللي ذابت
معها ومع ملامحها / احم الحقيني لجناحي بتكلم معك شوي
مهره بعناد / ماني لحاقتك ومابيك تكلمني
فهد ناظر بجدة نظره وكانه يقول عقليها / انتظرها خليها تلحقني
الجدة صيته تهز راسها برضا/ ان شاءالله
مهره تصرخ بقهر وهي تشوفه يتجه الباب/ يبي يمشيني على كيفه بعد ماني لاحقته ولاحد يتكلم معي بشي
الجدة صيته تهديها / يامك اتركي تنبيش العلوم عنك الكلام بالماضي نقص بالعقالن
ام ماهر تكمل معها / روحي تفاهمي مع رجلك
و ادحرو الشيطان بينكم
مهره تنهدت بحزن وهي من داخل ماطلعت كل اللي بقلبها ودها تكلم وتكلم وتبيه يسكت ويسمع اللي سواه معها ماهو قليل ماهو قليل كل ماتذكرت سواتها فيها شعرت بطعنة ظهر
الجدة صيته تشد كفها وتقومها / يلا روحي له
مهره ناظرت بجدتها بوجع / بس ترا اجي انام عندك ولا عند امي عشان اتفاقنا
الجدة صيته تسايرها / اي اي تجين بس انتي روحي شوفي وش يبي
ام ماهر تناظر بنتها اللي طلعت وهي تسال الجدة صيته بخفوت / وش اتفاقه؟
الجدة صيته تطالعها/ ماعلمتك بشرطها الثاني ؟
ام ماهر تهز راسها بنفي/ لا بالله ماعلمتني بس متاكده انه سواد وجه من وهي داسته عني
الجدة صيته تجلس وهي تبتسم / تقول زواج بس بالاسم مادري هي متابعه لها فلم وتسوي زيهم ولا عقلها ظرب يا دافع؟؟
ام ماهر بحرج / يويلي هاذي ماتستحي فهد وش قال؟
الحدة صيته بذات الابتسامه / يعطيها على قد عقلها يقول خلاص
ام ماهر بفشيلة / والله اني من شفتها طايحه على هالمسلسلات التركيه وانا غاسله يدي منها
الجدة صيته تضحك بشدة / هاذ هي طبقتهن على الشيخ فهد
عند فهد بالجناح كان جالس على الاريكه ينتظرها وهو
متاكد انها بتجي اول شي جدته راح تلح عليها
وثاني شي واللي هو الاهم شوقها له بيجيبها وقلبها المشحون تبي تفضيه فيه ماانتهت من الكلام والعتاب
قطع سرحانه دخولها وهي تقدم بثبات وعيونها فيها حقد وزعل وقفت وهي تسال بذات الثبات / نعم وش تبي ؟
فهد وقف وقطع المسافه القليله اللي بينهم من غير مقدمات حط كفوفه فوق كتوفها وسحبها لحضنه بقوه دافن كل ضلع فيها بين ضلوعه وهو يستنشق ريحت عبيرها
مهره تصلب من الصدمه ماتوقعت هاذي ردت فعله
وقلبها بدا يدق من صوت انفاسه وحضنه الدافى
فهد نزل شفايفه على عنقها باسها بتروى رفع شفايفه بتدريج لين وصل اذنها وهمس فيها بشحن عميق شديد العمق/ مهره تبين تعاتبيني انا تحت امرك تعالي عاتبيني بالجناح مثل ماتبين بس ماهو قدام احد عشان مانفعل
مهره انصدمت للمره ثانيه من كلامه فهد يرضى انها تعاتبه ولا يقول تحت امرك شي غريب /…؟!
فهد رفع عينه وثبتها بعيونها انحنى من طوله وحرك انفها بانفه يمين ويسار وهو يسحب انفاسها بوله / لا تشيلين بقلبك على فهد ترا جاه اللي كفاه منك
مهره انفضت راسها من الدوخان معه وهي ترد
بغيظ / بعد ماجاك شي مني السكين اللي طعنتها بظرهي طلعها وغرزها بظهرك
فهد نزل يده وحده ماحوط خصرها وقربها له / من حقك تزعلين ومن حقي اراضيك
مهره انفاسها تسارعت وهي تهمس له / فهد ممكن تبعد
فهد حاول يتامسك بس فشل فشل ماهو قادر ولهان وميت من الوله / تنامين بحضني مهره وابشري باللي تبين
مهره عطته نظره قارصه/ انت وافقت على شرطي يا فهد واشوف ولا واحد منهن تنفذ
فهد باس خدها ورفع شفايفه ورجع باسه مره وكل بوسه احر من الاول / شروطك موافق عليهن الاول قلت لك السبب تاخير ماهو مني من الجامعه وابشري راح اراجع لك لين تدخلينها اما الثاني وعذابي منه بس بحاول اقنعك بتنازل عنه
مهره شاحت بوجها بسرعه /مستحيل يا فهد انا ماني مرخصه نفسه لهدرجه ؟
فهد رفع حاجبه / كيف يعني ؟
مهره رجعت تناظره فيه / انا شرطت وانت وافقت وانتهينا
فهد هز راسه برضا وهو غير مقتنع /حاظر يا بنت ناصر مثل ماتبين بس اقل شي تعالي نامي عندي ماهو بزين منظرنا كل واحد بغرفه
مهره ترجع جزها العلوي على ورا وفهد مازال ماحوط خصرها وردت بعاند / مابي بنام عند جدتي
فهد سحبها له ملصق صدها بصدره / طالبك بس نوم تعالي عندي وربي ميت على حضنك
مهره فتحت عيونها ماهي مصدقه كلامه / وشو؟؟
فهد باس انفها / ابيك تنامين عندي بس ووعدك مايصير شي غصبن عليك
مهره نزلت راسها بخجل وهي مصره على عنادها او تغلا عليه بس ماهي فاهمه نفسها/ مابي انام عندك
فهد صد بوجه عنها وهو يزفر بشده / اوف يالله الصبر
مهره طالعته وهي تشعر بخوف تدري انه كاتم غضبه /…
فهد افلتها بهدو وابتعد عنها/ تصبحين على خير
مهره علقت عينها بعينه لثواني وبعدها صدت بدلع خبيث وطلعت /…..
فهد عض على شفايفه بقوه / عرفت كيف تلعبها صح؟
______________________________
تحياتي (شغف)
|
07-10-22, 12:57 PM
جديد مواضيع قسم روايات منوعة
العرض العادي
