كاتب الموضوع :
طُعُوْن
المنتدى :
القصص المكتمله من وحي قلم الاعضاء
رد: يراقصها الغيم / بقلمي (الرقصة الخامسة)
السلام عليكم ورحمة الله وبركاته
شُكرًا لكِ طعون وسَلِمَت يداكِ، أتخمتِ مشاعرنا.
جُزء جَميل ومُشْبع، بغض النظر عن القفلة المُستفزة >_<
ياختي أحب رصاص ودارين، إذا جيت أقرا مواقفهم أحس تشتغل موسيقى هادئة والجو يصير دافي وأشعة شمس رقيقة تطل عَلي. أحب التفاهم اللي بينهم واللي يا ليت يكون بين كل زوجين. في زعل في سوء تفاهم وكل المشاعر السلبية موجودة، بس يعرفون شلون يبثونها لبعض بأسلوب ذكي عشان يحتويها الطرف الآخر لين ما ينتشلها من شريكه؛ بكل هدوء وسلاسة وحُب. الله لا يغير عليهم. ويا رب جهدهم وتعبهم هذا تتوجه نهاية يكونون فيها مرتاحين وهانئين بعيدًا عن صخب ذكرى رصاص المُفجعة.
يوسف وابتهال للأسف المشاعر ذيك تحولت لوحش يبي أي فرصة عشان ينقض على الطرف الثاني ويمتص منه ما يُشْبع ويُرضي كبرياءه. سبب يوسف مو منطقي، يعني كأن طِفل اللي يتكلم، يعني نستوعب غيرة الطفل الأول من المولود الجديد وممكن تصدر منه تصرفات غير موزونة تضره وتضر حتى الصغير.. لكن الأب يغار! ذي جديدة. ما أقول ما في آباء جذي يفكرون.. بس يعني للأسف إن في مثل هالنوعية.. فعلًا للأسف. يعني الأم مجبولة على الاهتمام بأطفالها، وإذا كان الاهتمام يخليها تقصّر ناحية زوجها فهي مُشكلة المفروض يتفاهمون عليها بشكل ودي وصريح. أما إذا كانت موازنة بين الاثنين بس يلومها لأنها مهتمة بطفلتها حتى لو بشكل مبالغ فيه، فما أقول إلا مالت عليك يا يوسف. ويا إخت ابتهال، هذا ما يغير من مشاعري ناحيتش =).
نجد، مُستفزة والله.. سذاجتها تقهر.. وبرودها يقهر. لا تعليق.
شمعة يا شمعة، على إنّي أكره ناصر ومو متقبلته للحين.. بس متأكدة إن معاه راح تظلين منورة على طــوول. سالفة "المؤقتة" هذي انسيها لأن ما لها معنى.. وأساسًا متأكدة إن الأخ ناصر بيخليش تنسينها مدام في قلبه كل هالحب لحضرة جنابش.
ننتظر المكالمة اللي بينهم.
يعطيش العافية يا حلوة، كوني بخير.
|
03-10-20, 05:46 PM
جديد مواضيع قسم القصص المكتمله من وحي قلم الاعضاء
العرض العادي
