يسعد صباحكم / مساءكم جميعاً ياقوم سهيل 🤍

باسبحان الله من رجع سهيل وانا فرحانه فرحانه جداً كان عندي شك ان سهيل مات
واللّول م قصرت كانت دايم تغيضنا وتترحم عليه ف احس رجعته وربي ردت روحي
قبل روح ريسسه اللي مسسسست مشاعرها بهالبارت قلوبنا ^ شلون بنتحمل اذاالتقى بنوره 😔💔💔 والله ان كاني اليوم بمكان ريسه وقدرتي تبارك الرحمن عليش توصفين اللقاء بشكل موجع موجع موجع فالله يعين قلوبنا يوم يلتقي بنوره

بس تعالي تعالي والله انفرت روسنا بالحقائق اللي تطلع بكل بارت
يااختي شلون سهيل فقد الذاكره !!!

يعني فيه احد هربه اجباراً وضربه ع راسه هالضربه خلته يفقد الذاكرة ؟

ولا هذيك الليله صار فيها شي لسهيل وتعرض لحادث سيارة زي ماقالت ريكا ؟
واللي عطا ريكا صرة الذهب هل هو العم جابر ؟

واذا مب العم جابر ممكن يكون ابو غابش!!

احس شكوكي حول هالاثنين هم بهذاك الوقت ممكن يعطون صرة ذهب
لان لو قلت محمد فمستحيل يكون هو محمد بهذاك الوقت عمره بعمر سهيل .. لكن اكيد محمد كان يعرف بمؤامرة ابيه وشاهين وهو ممكن استعان بحد كبير يساعده بحماية سهيل

معليش معليش ع م قيل بالمثل الكويتي اللي بالجدر يطلعه الملاس
مصيرش يالولو تريحينا من هالغموض والمعمعه بحادثه سهيل وتنكشف ونرتاح ونرجع نروق على البارتات المليانه مشاااااعر مشاعر ^ عاد هذي لعبتش والله 😭😂🧡🧡🧡


وعلى طاري المشاعر اه من هزاع ومسكه واه

ياربي شكثر خايفه عليهم من سعادوه م ادري ليش تمنيت تشطبينها مثل م شطبتي عوشه من حياة سلطان وشما 😔💙

شكثر حابه حب هزاع لها لكن لازلت ام المسك تستفزني بطيبتها يارب يارب تعدل قبل يصير فيهم شي يخليها تعض اصابعها ندم

احس سعادوه باسها قوي مستحيل تخليهم بحالهم خصوصاً ان طيبة ام المسك فعلاً سلاح تقدر
تنتصر فيه على هزاع وياخوفي مخاوفنا حن وهزاع فعلا تصير حقيقه

عاد ع طاري الباس القوي خلينا نحط جنبه العناد الغبي اثنين في واحد عند روزه ام القرارت الطايشه المتسرعه

وفعلا زي م توقعنا ربيّع كان ماخذ نصيبه من المؤامره اللي صارت واخذ روزه بهالطريقه الوضيعه وكانت تستاهل روزه هالنتيجه اللي وصلت لها وياانها اكثر شخص بتلطم بنفسها بيوم تنكشف حقيقه هالمؤامره وماادري اذا بعد لها وجه وبتسترجع حب سهيل لها او انها بتبتعد

والاصعب من هالشي علينا هو انها تفكر ترتبط بمحمد صديق سهيل صديقه
والله صعبه عليها كثيير لان سهيل مستحيل يكون نسى حبها مستحيل
والدليل انه للحين بينه وبين جواهر حاجز كبير رغم انه يدري بحبها واحس ماله سبب الا حبه لروزه

روزه للحين بخير بس رجعت سهيل بتبعثرها بشكل كبييير خصوصاً بعد م تعرف انها ظلمته وكثيييييير واوجعته بزواجها من غيره 💔

اما سهيل مصيره يتجاوز هالحب ويمحيه مع انه حب نقي وكبر معهم من وهم اطفال الا انه بالنهايه جواهر تستحق يقدر الحب اللي تكنه له وهي اولى يكمل معاها حياته لانها مثل ماقال

الانسب والاطهرررر ....💗


نارة ومنصور :

ياخي منصور وش هاللؤم اللي فيك !!!

توقعته لطيييف لكن صدمني رده على ناره 💔 وحزنت عليها
^ اكثر وحده بتعصب وبيستفزها موقف ناره وطلبها بهالبارت هي شوش ادري ههههههههههههههههه م تحب خنوع النساء وضعفهم ^

ان شالله تسترجع كرامتها وترفض لما يعرض عليها هو الموضوع لانه لقى انه يصب في صالحه مع ذلك اللئيم يبقى لئيم اعتقد لو رفضت هي مع اني استبعد رفضها لكن لو فرضاً رفضت
ممكن يجبرها هو ويهددها بالي سوته وكيف لعبت عليه انها ساره

ولو سواها صدقيني بغسل يدي منه اصلا مابقى رجا في عمام سهيل الا هو
رغم ان له ماضي عفن لكن كلنا نعرف وش اللي خلاه يطلع من غلافه

وارجع واقول رجعه سهيل بتصلح قلووووب كثييره ومنصور على راس القائمه ...



اممم الى هنا استنفذت طاقتي بالتعليق وانا بعدني مااعطيت كل حرف انكتب بهالبارت حقه
انتي تستاهلين معلقات تنكتب لش والله وقليل بحقش ... دايم مبهره ودايم متألقه ودايم أعجز اثني عليشش بالشكل اللي يليق بروائية جبارة ومخضرمة شراتچ ياللولو ☺💛