لولوة كلما تكشفين لنا ورقة زود من قضية سهيل الشائكة تصدمينا ونقول هل من مزيد
كلش ما طرى ببالي ان يحب حرابة بهالشكل هالنقطة عفست مخي وخلتني اوقف قراءة ، وهذا يعني انه مو ولد نورة بالفعل
عجل شلون .... ومنو الشخص اللي انرمى بداله ومنو اللي كان يحذرهم
الاسئلة بدل مالمفروض تقل قاعدة تزيد
وموقف اللقاء
و الاساليب الاستخباراتية اللي خذلت حرابة فهالموقف، ارنود اللي دهائه وفطنته تضاهيها حتما ماعتقد بيوقع في فخاخها هذه بسهولة، ماراح ينكشف لها الا بوضع وموقف كبير يناسب فخامتهم

شاهين، لو شنو كان الأمر مافي مبرر لهالكمية من الشر والحقد ....
ازدراء تام لشخصه المريض لدرجة احاول امرر جزئيته فالقراءة بشكل سريع وبدون تأمل لكني لازلت مصرة ان حتى حقيقة أحمد المزعومة فيها تلفيق منه خصوصا وكل يوم نكتشف اشي زود من اعماله القذرة

غابش وحرابة
الحلاااة كلها اللي اشتقنا لها مابغينا ترجع لهم سطوة الحضور شوي والمشكلة ان ماكانت مشبعة إلا مثييرة ومشعللة أكثر

ديدريك وجواهر
اذا بعد هالانفعال كله ما انكشف لج حبه مادري متى بيكون عجل
وصدمتها بلهجته العربية، اعتقد كلنا كان عندنا شكوك حوله وحول أسماء عياله بعد
ومتوقع الامر
لكن شلون وشنو الجزء المخفي من حياته المتقاطع مع حياة سهيل وقتها

محمد وفزاع
ياحليلهم ويا رقي حديثهم يصلحون يتمون أصدقاء بيطلعون خوش شي مع بعض
بس ماعرف شلوون فزاع بيصبر عشان خبايا موضوع الخنجر عن نفسنا احنا مو صاابريين


تسلميين لولوة وعساج عالقوة وان شاء الله يكون المانع خير
ومشكورة فيتامين سي ع توصيل الامانة في وقتها