يسعد مساكم / صباحكم ياجميلات ..

ونقول حي اللّولو وحي ماجابه 🤍🤍🤍🤍🤍

مثل ماقالت حبيبتي شهد مايحتاج نقول وش كثر حن نحب ابداعش وسردش وقلمش
فعلاً مبهره مبهره مبهره وبكل باارت او بالاصح كل موقف اقراه انبهر فيه واقول وش باقي زود عنه !! ابداااعش م يتوقف وقلمش مستمر باابداعه وحبكته .. وطبعاً هذا شي طبيعي بالنسبه
لكاتبه مثلش كانت بدايتها قويييييه قويييه لابعد مدى ♥♥♥♥♥

الله لايحرمنا منش يالولو ولا من كتاباتش وابداعش ♥ وان شالله مع بعض كلنا بنختم رواية سهيل على خير وباذن الله ماراح تكون الاخيره والجاي امتع واعذب واحلى وياااااه كلنا شوووق 😢 .


ونقول بسم الله وتعليق بسيط لكل بارت من البارتين واكيد ماراح تكون بقد مقام الجمال اللي قريته ..

البارت 12
اكثر مااوجعني بهالبارت حقارة شاهين مع سهيل
والى وين وصل فيه كرهه وحقده على سهيل وابوه من قبله

ابو سهيل وش سوا لدرجه ان سهيل يرضى على نفسه يتلبس هالتهمه ويموت ولاينكشف سر ابوه ؟؟

ارجع افكر باللحظه اللي ذكرت ريسه اسم نوره قدام شاهين شلون توتر وانقلب حاله واقول احتمال كبيير ان شاهين مثل م اجبر سهيل يعترف بهالرذيله
وهو بريء ان ابيه من قبله بريء بعد والسالفه كلها
حقد وانتقام وكره من شاهين لاخيه ويمكن فعلا شاهين حب نوره لكن انكتبت من نصيب اخوه وهالشيء اوجعه وخلا منه شخص سيء

مثل م ولده الردي ربيّع يسوي الحين وحبه روزه حب اناني وتملك واكيد انه على علم بحب سهيل لروزه عشان كذا احتمال كبير له ايد بموضوع سهيل
عشان يشهوه صورته بعين روزه وفعلاً تحقق مناه
روزه وعرفت باللي صار واكيد عرفت منه سوا بطريقه مباشره او غير مباشره

غابش وحرابه

لوهله بديت اصدق فعلاً ان غابش معتوه 😂😂
لاعب اللعبه صحح ولا فكرت حرابه ولا واحد بالميه انها دخلت لعبه كبيييييييير راح تطلع منها بخسارة كبيره من روحها كل م قلت يارب م تكشفهم الحين احس حرام كل ماعاشت مع غابش موقف وهي ع سجيتها بيوجعها الموضوع اكثر واكثر ..

وغابش مب هين بعد واحسه متعمد يردد كلمات القصيده قدامها عشان يشوف ردة فعلها

فعلاً يلعب ع وتر حساس .




البارت 13

واللي اتضح فيه ان حرابه في خطططر كبيير وغابش
م تزوجها عشان ابيه طلبه لاااا تزوجها لهالسبب
وبطلب اكييد من شخصيه كبيره بالدوله ولا شلون
يوثقون فيه بهالموضوع ويكون على دراية باامور م تدري فيها حرابه نفسها ؟؟ والموضوع يخصها هي شخصياً الرائد الطيار حراااابه

احساسي يقول ان غابش مب مجرد رجل اعمال له شركاته واعماله وبس الا يمكن يكون شخص له مكانته باامن الدوله ^ طروا علي نهيان وحارب 😔♥


وديدريك مايعرف منصور ! بس علاقته قوية باارنود
وارنود صديق غابش وغابش منصور اصدقاء

ياترى من ديدريك ؟ بما ان جواهر معه بااعماله
وبما انه مسلم معناته هو شخص ضد المافيا
بس وشهو ماضيييه وليش احسه مب هولندي
انما عايش هناك بس ..وشلون تعرف على جواهر
وجواهر شلون وصلت لعنده وصارت يده اليمين بكل اعماله !!!


ام المسك ! متى تربط فرامل لهالطيبه الزايده
لذي الدرجه يعني صدمتني بروحتها لسعاد وعلى استقبال سعاد لها ووقاحتها باقي مصره تقنعها ترجع؟؟؟

نرفزتني والله😭 وانقهرت على هزاع مايستاهل
بس حلو انه اتخذ طريق الهبال وماسكت عن هبالها هالمره وواجهها غصب عنها بحقيقة انها زوجتتته على سنة الله ورسوله ..

عاد اخاف تطلع من الفندق ويرجع خبالها وتقول هزاع انت بحسبة اخوي ^ ياويلها مني 😭😂

روزه ومثل ماتوقعنا عندها علم بموضوع سهيل
ومجرووووحه منه كثير ويمكن هالشي سبب من الاسباب اللي دفعتها ترتبط بربيّع .. يمكن تنتقم لقلبها المجروح منه بهالارتباط اللي للاسف
مازادها الا وجع ..



اخيراً فيه شخص ضفته لقائمة التحقيق والبحث وراه ( خليفه ) احسسس نمطه ذا اللي يتبعه
يدل ان شاف امووور كثيييرره وسكت عنها

ويمكن يمكن يمكن هو الشخص الوحيد الي يدري بحقيقة شاهين واذيته لااخوه احمد .

اس اس السلام عليكم ورحمة الله وبركاته
مرحبااا باتمانه ترحب بكم ✋🏻♥.
.
.

سارة ..
في كلامها لنفسها قالت كلام واجد ، ومن بين سطوره استشف إنها ما عاشت حياة طبيعية ربما ( عبد الرزاق ) أبوها طلق أمها فما عاشت بين أسرة ..
عاشت متشتته بين أم و أب وللأسف مو أي أب بعد
أبو تاجر غير شرعي ، ربما مخدرات وربما مافيا سلاح !
الوكاد إنه له أعمال سيئة جدًا جدًا لدرجة إنه أعماله هذه
تكون الشرارة الي تشعل نار في بيته وعلى بنته خصوصا !
فيجي ( أخو خوليان ) تاجر مافيا طبعًا تسوء العلاقة بينه
و بين عبد الرزاق ويحقد عليه فيروح يخطف بنته ( ساره )
وطبعا عبد الرزاق عنده رجل يشتغل معاه هو ( منصور )
الي في هذيك الفترة زعلااااان على عائلته بما فعلوه في سهيل ، وحزين على صديقه قبل لا يكون ولد أخوه
فاي شخص يقول له تعال راح له .. واستغل عبد الرزاق حالة الضعف الي منصور كان عليها وصار رجل من رجاله
ولما ( أخو خوليان ) خطف ساره منصور بأمر من ابوها اذبحه .. وسلسلة الدم راح تبدي
والمتضرر الوحيد ( ضي ) الي راح تعيش حياة أمها
لكن نقول عسسسى أن يتغير الحال ...

في موقف واحد ظهرت الأسماء التالية :
( ديدرك ، خوليان ، أنجلينا ، جواهر )

ما يحتاج ذكاء هذولي كلهم تجار كبااااااااااار
في الي بالسر ( أعمال غير شرعية ) وفي الي شغلهم نظيف
مثل حبيبنا ديدريك ..
.
.
.
ربيع وروزه ....
ربيع كان من طفولته يحب روزه لكن من طفولته دفش وما يعرف يتعامل منه ، لذلك كان يغار من سهيل لأنه الشهم النبيل في القرية الي كل يحبه ويتفداه ..
لكن ربيع ما ساهم ابدًا في الي صار حق سهيل وماله يد .

ورزوه كانت تحب سهيل !!! بس الي يحب ما يصدق اي شيء ينقال عند حبيبه يا رويزه الوسخه والله انه ربيع كفو لتسسس ودواج وعلتج يا خايسه اجل سهيل ملعون !
اتفووووو عليتس انتي كنت اقول حرااااام الي تسويه فيها حرابه بسسسسس لا كفو كفو بنت ليث وحرمة غابش
كفووووووووووووووووو وستين كفووووووو بعد يا رويزه .
رويزه صار عندها معجبين ( سهيل و ربيع ومحمد )
يا حبييييييييبي
والله انها ماهي كفو لسهيل ولا هي كفو لمحمد وانها كفو لربيع الخايسه .
.
.
غابش وحرابه 🙆🏻‍♀
هههههههههههههههههههههههههههههههههههههههههههههههه
والله يا إني ضحكتت ضحكك لين طلعت سعابيلي 😊
خببببببببببل هالغابش جعل العدو يفداه♥😂
اجل متى يتسكر علينا باب ها ؟
نعباك البنت وافقت عليك يوم انك مخفه عليك قل صح
وانت مصدق حالك ههههههههههههههههههههههههه
احسه يوم يقول هالكلام قصده يشوفها هي بنت طبيعية ولا لا تستحي ولا لا 😂😂😂😂😂♥♥♥
بس لا اشوا طلعت فيها جينات انثويه وطلعت تستحي
الرائد الطيار الحربي 😂
وعلى طاري الرائد ، اييييييييييييييه عرفنا
غابش ♥ وافق يتزوج حرووووووب بأمر عسكري
طبعا سهيل ماله شغل >> هالكلام لديغو ..
اتوقع في امر عسكري ويمكن يكون غابش متعاون عسكريا بعد معهم .. وعشان كذا تزوج عشان يحمي حروب
من الي يبون راسها >الإرهابيين أكيد
وطبعا اختار انه يكون معتوه عشان تشتد الحاله عنده بعدين وتضطر حروب تستغيل من وظيفتها عشان تهتم فيه وترعاه ..
بس يا أنا ضحكت ضحكت والله عليهم ..
اييييي صح غابش ياكل ادويه واتوقع انه مصاب بمرض في القلب جعله في الضفدع اي والله 💔

يــا عـويـد الـبـان يــا خـلـي
يـا فـريـد الحـسـن باخـوانـه
روف بـي يــا كـامـل الـدلـي
لا تـعــذب نــفــس ولـهـانــه
غيركم يا زيـن انـا مـن لـي
منتقنـك "م " الـغـزر دانــه
معـك عفـت الـخـود بالكـلـي
مالـيـه فــي غيـركـم خـانــه
انت شمسي و انت لي ظلي
و انت لي تسحرنـي اعيانـه
عيـن خشـف الريـم لمفـلـي
و الـخـدود ورود باغصـانـه
والخشـم كالسيـف منسـلـي
والشـفـايـا حـمــر رويــانــه
أتــلـــع والـجــيــد مـتـعـلــي
والشعر طايح علـى امتانـه
يـا بـديـع الحـسـن لا تخـلـي
فـي هـواك الـروح شفقـانـه
شوفنـي "م" الحـب معتلـي
عاكف "ع" لشعر واوزانه

تراني حبيت القصيدة والله ، وبعدين غابش ♥ ليش قال هالبيت الي كان سهيل يقوله حق حروب
اتوقع عشان يبي يعرف ردة فعلها
وفعلا وصلت له ردة الفعل لدرجة إنه خاف عليها
اكيد يا غوبيش هي تحب اخوها وللحين متأثره لفراقه ..
حرابه من هي صغيره وهي صبيانيه معناته هي دخلت السلك العسكري لأنها هي فعلا تبي تسوي شيء ما قدرت تسويه وهي صغيره انها تدفع عن أخوها
وعلى طاري هالشيء " الحرمة الي جت يوم سهيل في الخيمة عند القبيلة كلهم وهو حاول يغطيها بظهره
هي حرابه " ♥

معناته الحين الي سمع السالفة الي صارت بالخيمة هم ريسه و حرابه .. وطبعا روزه بعد تدري بالسالفة من احد الله العالم من هو واتوقع ربيع هو الي قال لها
لأنه ربيع بعد يعرف بالسالفة الملفقه لسهيل

.
.
انزين في ( العلم في بطن عبد الكريم الوصخ )
وطبعا محراث الشر وكبير السحراء هو ( شاهين ) جعل والله الصقور تخلى منكم من اليوم ورايح بناديه
بالضفدع ، ويخب عليه بعد والله ..

الضفدع بكلمته لسهيل ( اعترف لا افضح ابوك ) خلت سهيل صدق يعترف ويقول أنا الي بالصور 🧐
اممممممممممم
شنو يفضح ابوه فيه ؟
شنو الشيء الي سواه أحمد ؟
أمممممممممممم
اتوقع انه سالفة أحمد فيها جواهر وأمها
وطبعا الضفدع حاقد على اخوه احمد
لذلك يمكن اقتله وبعدين حول على ولده سهيل
ولبسه تهم وصخه مثل وجهه وبمساعدة الساحر الأصغر عبد الكريم واقتله .


انزين لكن سهيل هرب .. منو الي هربه ؟
جــــــــابــــــــــــر
بعدقلبي هو الي هربه تلوموووووووووني يومني احب الشيبان جعلهم والله يبطون حييييييين 😍😍😍

اييييييييه صح صح في معلومة بعد
سهيل يوم كان في الخيمة وكان يتكلمون
((( يوم قال جوهر : " لاااا ما يحلف على المصحف
ناظره سهيل بنظره غامضة )))
اتوقع اتوقع سهييييييل يعرف عن جوهر وعبد الكريم انهم كلاااااا***** وعنده ادلة لأنه حتى قال (( اللهم سلط على كل واحد منهم معناتته عنده خبر عنهم))

.
.
سعاد ومديه وهزاع .
كلووووووووووليششش ألف الصلاة والسلام عليك يا حبييييييب الله محمد ديقو وشموس علي اليوم الحلا والقهوة وكيكة بن قاسم بمناسبة طلاق وجه بن فهرة بالثلاث وهزاع صار حق مق مسسسسسسك

طبعا : 👇🏻
(( سكتت واستكان صدرها وكان سماعها لاسمها الفريد من لسانه اصبحت بخير ))
علي الملازيييييم انها تحبه بس تكابر بنت الضفدع
ايه انا اكره ابوتس واخوتس يس انتي طييه وتستاهلين كل خير .

والصلاة والسلام مع السلامة
تهنئكم وتنتظر معكم

بعدين لولوة مو كأنها كبييييييرة لين العيد 🧐💔

صبحكم الله بالخير ياعرب.
تسلم يمينك وجعل ماتمسها النار يارب.

اصل انتي والله مبدعه اوي اوي ياستي
نتكلم عن اية والا اية!! الدنيا كلها فلة شمعة منورة😍

:
سارة: يامعاناتها المسيكينه في بداية حياتها كل من تمشكل مع ابوها خطفها والا نزلها للمزاد.. وطلعت من عند امحق ابوي وطاحت في المتعوس الثاني اللي طلع ماضيه مش ولابد..
خوليان ياجعل ماخوليان الحين تضحك عليها وتقول تنتظرين من ينقذك ؟
هاه الحين ينفع نتمسخر عليك كلنا والا لا؟
صابتك ام الركب اول ماسمعت صوت ديدريك حتى قبل لا يقول لك اختار بين سارة واعمالك..
معنى انه خوليان تبن بس مدح منصور لها وانه في يوم ابتعد كله عشانها..
ولزوم سارة تحتفظ في هذا الكلام يمكن في يوم تحتاجه..
صحيح منصوو له ماضي اغبر بس ماتوقع وصلت للقتل ابداً.
الاكيد انه يشتغل مع عبدالرزاق في المخدرات بس قدر ينسحب من ذا الشغله بدري..
لكن السؤال شنو الشي الباقي من ماضي منصور اللي يعرفه خوليان وماطلع لسى؟؟

:

حرابة وغابش: قال حررروب قال ياجعل الحرب تقوم على راس العدو قل امين.. قلت معتوه قلنا يالله نمشيها قلت عرس سكاتي قلنا دام هي راضيه واهلها راضين يالله عسى ربي يوفق لكن وصلت فيك تتخلى عن مسؤولياتك ويالله شيلي عفشنا.. عاد هذا اللي ماينسكت عنه ابداً ابداً..
وقالك تشيلين حديد؟؟
لا تشير طيارات مالت على العدو بس.
ترا شوف انا ماسكه نفسي وباقي مادعيت عليك يا المعتوه ياقليل الخاتمة..
ومن الحين حزينه عليها وجالسه ارسم مخططات لردت فعلها وصدمتها
وكسرت قلبها وانهيارها .. إذا عرفت بكل هالخطة اللي صارت من وراء ظهرها وهي اخذه الموضوع بحسن نية..
ايه تحبونها وتعزونها وتبغون لها الخير بس مو كذا ابداً.. كل شي استغفال في استغفال وزود عليها لو غابش اخذ حقه الشرعي منها وهو يمثل دور المعتوه..
ليش قلتي كذا لانه ماقال متى نكون بروحنا الا وهو يمهد لشي اكبر..
غابش مايقول الشي الا تمهيد لشي اكبر واكبر..
لكن او سواها حزتها راح يجيه العلم حفيد خلف ابو شريس..
لكن عساها تقلب الطاوله عليهم يارب واتمنى الطاوله ماتكون خشب والا بلاستك لا ودي حديدة عشان تغير له معالم وجهه..
( وحده خاطرها مليااان على كل اللي شاركوا في ذا الزواج)
وماضي حرابة اغلبه هذا إذا ماكان كله عند غابش. ومين معطية ذا الماضي ارنود طبعاً..
والدليل القصيدة الي جلس يدندن فيها..
عاد مايندرا هو قالها يبغى يشوف ردت فعلها على الماضي؟ والا هو رميه من غير رامي معنى انه استبعد ذا الاحتمال لانه الذيب مايهرول عبث..

:

سهيل وماضي سهيل. اول سؤال ليش ذا الحقد اللي في قلوب ثلاثي الشر عبدالكريم شاهين وجوهر؟؟
معقوله بينهم وبين احمد ماضي وعشان كذا دبروا ذا المؤمرة لولده وقالوا خلونا ناخذ حقنا!!
شنو فيها هالصور ؟؟
ومين اللي صورة اصلاً؟
وبعدين كيف يسالونه ويقولون مين اللي في الصور؟ ليش تتهمونه طيب إذا صورته مو واضحه؟
وكيف يقولون منو اللي في الصور؟
وكيف قدروا يقنعون ذا العوائل كلها عشان يتهمون سهيل بدا الاتهام البشع؟؟
وليش جدة صياح صدقه ولا قال ولدي واعرفة واستحاله يطلع منه ذا الشي؟؟
( وحده مخها افتر مع ذا الصور)

اعوذ بالله من الحقد اعوذ بالله من قساوة القلب شنو هذا الضرب؟ هذا حرام ينقال له عم جعله العمى اللي يعمي عيونه الثنتين..
تقول ماصدق يمسكة حسيته وهو يضربة ياخذ حقه منة ومن ابوه..
عاد شنو مسوي ذا الابو اللي جالس يهدد ولده فيه الله اعلم..
قالك اعترف والا افضح ابوك..
السؤال شنو اللي مسوية احمد وخلى ولده يلبس نفسة ذا التهمه؟ كله عشان لا ينفضح ابوه..
ليكون ملبسينة تهمه زي ولده ثلاثي الشر ماهي غريبه عليهم..
ومو معقول عشان تحب نورة وكان ودك فيها واخوك اخذها تحقد عليهم هالقد..
بعدين وراه يهدده شوي افضح ابوك وشوي حتى روزة ماتعرف مالت عليك انتي وروزة وكل اللي في المجلس ياخايبين الرجى الولد شوي ويموت وهما متفرجين قطيعه ثم قطيعه..


'
الحين عندي كماً توقع راح اسدحها لكن شوفوا من الحين ماحديش يطردني من هنا والا من هناك🤭
اول توقع انه صياح متفق مع جابر ينقذ سهيل
وعاد جابر ماقصر فزع له..
ثاني توقع صياح عنده زهايمر ياعوينتي ماراح مايدري عن حفيدة إذا رجع..
ثالث توقع سهيل ماسك منصب كبير في السلك العسكري عشان تسذا استفزع بغابش وقال السالفة تسذا وتسذا وابغاكِ تتزوج حرابة..
طيب ليش مو سهيل تصرف بنفسه من غير لا يدخل غابش..
لانه هو مسؤول كبير وجالس يطارد عصابة المافيا وماينفع يطلع الحين بنوب..
وطبعاً المعاون حقه ديريدك
شطحة اخيره ليكون ديريدك يعرف ارنود من قبل وهو اللي انقذه من الليلة القشرا..
( عاد كيف جاني ذا التوقع كله من تعليق عهود اول ماقريت كلامها عن دريدك وهو ينط في راسي ذا التوقع)
'
خلاص خلاص طالعه وين الباب بس؟؟
احد يدلني عليه ياعرب؟
الى اللقاء يارفاق🏃🏻‍♂🏃🏻‍♂

صبااااح الخير
وهذاني رجعت لكم في أقل من 24 ساعه ومعي توقعات ناااريه 💃🏻💃🏻💃🏻

حرابه وما أدراك ماحرابه ، طلعت مطلوبه من الارهابيين ويبون يقتلونها ، وغابش تولى مهمة إبعادها عنهم وحمايتها لحد مايحلون الموضوع ، بس السؤال هنا ! ليه غابش ؟؟ هو قبل كلام ابوه مايعرف عنها الا إنها طيار حربي ؟ كيف فجأه صار هو المسؤول عنها ؟ متى صارت الاتفاقات بينه وبين الرتب العليا ؟؟؟ أو هالشيء صار بالصدفه بعد ماخطبها ؟ المشكله بين خطبتهم وزواجهم أسبوع ماشاء الله والخطبه سريه يعني محد يدري !!
طيب سؤال ثاني ياحلوين ! ابو غابش طلب منه يشرح له اللي يدور براسه وليه اختار يكون معتوه حتى يتزوجها ! وش السبب اللي اقنع غابش فيه أبوه ! يكون السبب حماية حرابه واقناعها بالاستقاله ، طيب كيف صار الموضوع بين يدين غابش وهو اللي كان مايعرفها ؟
يكون أحد يعرف بخطبة غابش ويعرف باستهداف حرابه من أبو قتاده وطقته هو اللي وصل الرتبه العليا لغابش !
زيدوا على كذا إذا هالشخص يعرف الملازم أول محمد وهو اللي أرسله ورى روزه !!
عرفتوا اللي في بالي ... أكيد ماغيره الشيخ سهيل ، وفيه شخص ثاني بعد بس أستحي أقول هو تقولون لا البنت هذي انجنت بالتوقعات ،


على فكرة ! موووتي والروايه اللي فيها غموض وتوقعات وكونان مافيني صبر أبي أبوصل النهاية ،

وقبل لا ننتهي من هالاثنين، غابش مريض وأكيد محد يدري عنه ، أتوقع مرضه القلب الله يعافيه ويعافينا ، شكلها حرابه بعد ماتعرف حقيقته مب قادره تزعل منه وهو مريض القلب المسكين 😉

+ غابش وحرابه في جنوب إفريقيا ، وسهيل ( أرنود) على ما أذكر قال للبنت اللي قابلته بالمطار إنه بيروح هناك 🧐


هزاع ومسك
يااربي مو معقول كمية الطيبه اللي فيها ؟ هل هذا شيء طبيعي والا هي طيبه لدرجة المرض ؟؟ يعني وحده بتسحرك تقولين لها لا مايحتاج تسحريني بأخلي لك البيت وراعيه ! راعيه اللي طلقها تبين ترجعينه لها !
الله لا يلوم هزاع ينهبل من تصرفاتك ياشيخه !!
طيبة مسك هي اللي تسببت عليها بزواجها الأول أكيد ، بس زين سوى فيها هزاع اذا هي خايفه ومريضه وتبي تتعالج ، فأول شخص بيساعدها على العلاج هو زوجها ، أما فكرة انها تعالج نفسها بنفسها هذي مامنها فايده .


ساره ومنصوووي
فعلاً ساره مشاعرها متخبطه ومو عارفه هي تحب منصور والا لاء وهذا يمكن لانها قضت معه وقت قصير وبسبب تخليه عنها ، خوليان الوصخ كان متعمد يرسل منصور لمكان وجود ساره في حماية ديدريك حتى يضرب الاثنين في بعض ، وهالشيء اكيد بيضر سمعة ديدريك اللي خايف عليها ، لكن اتوقع هالغبي يبي الانتقام اللي حذره منه ، زياده على انه حاول يقتل ساره وهي في حمايته بيعرض جواهر للخطر وهذا اكيد خط احمر بالنسبة لديدريك،
منصور وديدريك بيتقابلون يمكن لاول مره ، لكن الاكيد جواهر بتكون اول مره تشوف فيها منصور، واذا هي بنت خالة سهيل فعلاً فبتقدر تتعرف عليه ، او يمكن سهيل يقول لها لانه اكيد مراقب خطوات منصور ، ويمكن هو اللي ارسل له الرساله مع الصور !



(ولا ارجو من الله إلا الَّأ يأخذ امانته
قبل ان اسمع بشارة تفرح قلبي المكلوم !)

دعاء نوره على صياح ، هل فيه بشاره تنتظرها نوره فعلا؟؟؟ والا هالعباره عابره !

واضح ان الكل ابتعد عن نوره بعد سالفة سهيل ، او يمكن هي اللي اعتزلت عنهم وبعد دعواتها على صياح وعياله الكل نبذها عدا ريسه طبعاً ،
معرفة روزه باللي صار كانت عن طريق ربيع ، أكيد قال لها حتى يحرق كل ذكرى لسهيل في قلبها ، ومع انه كشف سر ولد عمه وماستر عليه بعد موته الا انها رضت فيه كزوج ! والله مخ هالبنت متركب شمال ،
واضح ربيع موريها أدله ومو حكي بس والا اكيد مابتصدق ،
الخوف بس لا تكون نوره سمعتها وهي تقول هالكلام عن ولدها 🤦🏻‍♀

وأخيراً أقدر أقول مشكوره لولوه على هالابداع اللي مامثله ، وعلى هالحبكه الدراميه اللي ولا أروع ، وعلى كمية المشاعر اللي تقدرين تحسسينا فيها ، فعلاً أنتي كاتبه مبدعه ،
وأكثر مايعجبني فيك التسلسل السريع في الاحداث ،
لا انتي اللي تتركين موقف يستاهل الوصف ماتوصفينه ولا انتي اللي تسهبين في وصف موقف لدرجة الملل ،
نادر فعلاً أحصل كاتبة مثلك تمسك العصا مع النص لا إفراط ولا تفريط ،

فعلاً برااااافوووو ❤❤❤❤

ألقاكم بخير 💛💛