بنوتات اللي كتبت تعليق خلال هاليومين ترجع تكتبه مرة ثانية لأن للأسف وايد تعليقات طاروا وانا بعدني ما قريتهم زين ما زين ولا رديت عليهم :(

👏🏻👏🏻👏🏻الأحداث مشوقة تسلمي حبيبتي على هالابداع

يسعد صباحكم/ مساكم بنوتات ليلاس جميعاً

وحي اللولوة وحي ماجابته 🤍🤍🤍🤍

ياااه يالولو كل بارت يقول الزود عندي اكثر من اللي قبلي

بداية بهزاع ومسكه واه قلت خلاص اخيراً صارحها بحبه وهي استسلمت لحبها
وسعادوه وشلت قشارها وفارقتنا الحمدلله ولو اني اشك انها بتفكهم من شرها الا ان اخيراً بانت على حقيقتها والحمدلله ربي فرع لمديه من مكايدها الخبيثه هي والخدامه ويازين م سوا فيهم هزاع برد قلبي شوي ..
بخصوص اخر م صار بينه وبين ام المسك صحيح انها جرحها واوجعها بس كان صادق معها
واكيد طيبتها وحسن ظنها بالاشخاص السيئين تأذيه قبلها ونقول ع يده ان شالله ام المسك تفتح عيونها وتحب نفسها شوي لانها تستاهل تحب نفسها لكن واضح سوايا مروان فيها خلتها انسانه كذا تبدي الناس على حساب نفسها ^ اسين يالمسك والله


وقلت خلاص الترند بالبارت هم مديه وهزاع الا يجي ديدريك ويصك الباب ع جواهر بالمكتب ويحاول يستفز مشاعرها تجاهه ومستانس بعد طيب ليش ياخي تعال فضفض لي
وش اللي يخليك كذا متشفق لجواهر وحولها طول الوقت بس بعيد كل البعد عن روحها
اللي ماليها الاحتياج لك ؟!! لان جواهر مب خاليهه ووجودها وامها بهولندا بعيد عن ديارهم
وراه اكيد قصه .

وقلنا خلاص صار تنافس بين هالثنائيين لين قريت لحرابه وغابش
واول م شغل نور سيارته بوجهها هنا روعه راحتتت فيها 🤣😂

بس جد جد اول ماطمر يحبها ^ يبوسها ^ متتتتتت ضحك تخيلت ردة فعل حروبتي تو عيني
زين انها مسكت نفسها م كسرت له ضرس ولا ايد ليته ينتبه الجايات مب سهله مع حرابه

واه ليت حرابه شافت ارنود كان هي اللي كشفتش ياللولو وطلعت لنا سهيل🤣👌🏻

يااختي واضحه واضحه خلاص سهيل حي وهرب منهم وممكن حتى هي حرابه تدري ان سهيل مب هو نفسه سهيل اللي قطوه يومها بالتنور

لان من الفلاش باك واضح انها لحقته تدور عليه وهو شافها ولاقدر يكشف نفسه لها
ويمكن وقته محمد او غابش اللي ساعدوه يطلع من الوادي يومها وبما انه خرج برا البلاد
اكيد وراه شخص كبييييير قدر يهربه برا البلاد بااسم ارنود

وممكن هالشخص هو ديدريك !!! ليش لا نفوذه واجده واذكر انجلينا الفلس م حبته زود الا من ثروته اللي حاطه عينها عليها لكن مناك مناك جواهر لش بالمرصاد يالغبراء .


والاغبر الثاني ربيّعوووه اللطم وربي افتحرت توقعت تصحى روزه تلاقي محمد قدامها مو هالهرم .. ووش سوا الحقير ولا شقال ولا شوصل للجد صياح عشان يقولها ترد مع ربيّع وهو اللي حالف م ترد له الا من نفسها ؟؟؟؟؟

وطبعاً اللي يكلم محمد هو نفسه سهيل ولكن منهم اللي نهايتهم قريبه من !!!

وسهيل ليش بعده واثق بربيّع اللي واضح ان له يد باللي صار في سهيل
هل يمكن ان ربيّع ضحيه بعد !!! ولكن الضحيه اللي اذت نفسها والناس اللي حولها بعد

ربيّع اذى نفسه وممكن كان مجبور يأذي سهيل وقتها وهالشي اللي خلاه يصير انسان كذا معقول؟

لكن من اللي اجبره ؟؟؟ وليش ومن اللي ورا حادثه سهيل !!

دايرة الشك اللي حول الامام تتوسع وتتوسع وم ادري لوين بتوصل مع البارتات الجايه


منصور وساره وخوليان وماضي منصور كلها استفهامات بنلقى لها اجابات مشبعه بالبارتات الجايه باذن الله وكلنا شوووق وحماس وانتظار 🤍🤍🤍🤍🤍🤍

ممتازززززززززززززززززززززززززززززززز

دشيت المنتدى الجمعة وقريت الفصل 8 و9 ولما كنت بعلق علّق معاي المنتدى لاتفاجئ لما اليوم رجعت افتحه ببارتين ثانيين يفكون الحيرة ولا أحلى
شهالكرم يا لولو عسى ربي يزيده

نرجع للبارتيين الاخيرين بما انهم نسفوا توقعاتي القبلية

وايد عاجبني اندفاع هزاع ومستانسة بالتطورات اللي صارت واخلت الساحة له عشان ماترجع مسك تعيد نفس العذر واذا اهي لي الحين ماتعافت من عاهات مروان فمعافاتها ماراح تجي الا بطريقة هزاع
وايد ظليت اضحك على انها ماحركها إلا لما قال لها "غبية" بس ردتها ليه بطريقة غير موفقة ومش لصالحها لان تذكيرك يامسك له بان زواج عالورق هذا اللي راح يزيد اصراره ان يتحول لزواج فعلي باسرع وقت

سارة ومنصور
كنت حاملة تصور انها من الجزء النقي من ماضيه بس ماتوقعت ان لها علاقه بسواده وخصوصا واهي بنت منو ، والاختطاف جواهر بتساعده فالموضوع ع مايبدو عن طريق الحبيب سهيل (ارنود) بما ان طلع ولد الخالة يعني حتى تقربها من حرابة قبل ماكان عبث

جواهر وديدرك
الخبيث ديدرك باين انك ذايب فيها فتخليها تتخبط في حبك جذي ليش
شنو الشي اللي يمنعه او يخاف على جواهر منه اذا قربت له
ما اعتقد ان زوجته الاولى اللي مانعرفها كانت شي اكبر من ام اولاده او ممكن يكون متعقد من بعدها ولذلك معتصم العلاقات كلها ؟
أو لان يخاف عليها من الجزء المخفي من حياته

حرابة وغابش
واو غابش قاعد يبهرني بدراسته ودرايته الكلية بشخصية حرابة وردات فعلها اللي من خلالها قاعد يحركها مثل مايبي بدون ماتدري والله شلوون طلعت منها الموافقة بداك الموقف ماتخيلت والله ،واعتقد ان المعين له فالموضوع لابد سهيل
حدي متحمسة لمفاجئات غابش وتصرفاته مع حرابة


روزه ومحمد وربيع
وطلع الموضوع نفس ماتوقعنا الخطر كله من صوب سواد ربيع
ماتوقع ان جاف محمد معاها عالاغلب محمد عرف يتصرف بحيث يحافظ على روزه تظل بعيده عن اي شي ممكن يثبت شك ربيع المريض وامر الجد صباح اكيد من خوفه على اصابتها

بدعتي لولوة