السلام عليكم ورحمة الله.أولا أحيي جميع أفراد أسرة لييلاس المميزين وأحيي حماسهم وصبرهم. ثانيا أحيي بقوة وأشد بحرارة على يد الكاتبة الرائعة والمبدعة والمميزة وطن نورة.ما شاء الله و تبارك الله على قوة الإبداع وشدة الإمتاع و روعة الأسلوب وزخم المشاعر في القلوب.
أشكرك وطن نورة من كل قلبي فقد عشت مع الأحداث و تأثرت بالشخصيات وتعلقت بكل واحد منهم أضحك معهم وأبكي لبكائهم ويرفرف قلبي لسعادتهم.
أدعو الله أن يحفظك ومن تحبين ويحفظ جميع المسلمين وان يوفقك ويعينك ويمنحك القوة لتستمري في إدهاشنا وتصلي بالرواية إلى بر الأمان. أحبك في الله

أسعد الله أوقاتكم بكل خير❤❤
كالعادة، لا جديد يذكر ولا قديم يعاد نورة مازالت في اخفاق مستمر وخذلان متجدد لا يكفيه مليون أسف.
قبل كل شيء أنا آسفة لكل من دخل وهو يتوقع إنه فصل جديد تأخرت فيه وكان المفروض ينزل قبل اسابيع طويلة:(

أنا وبكل صدق ماعدت أعرف اللي قاعد يصير، الامور خرجت عن السيطرة هناك مشكلة فيني واللي يعرفني زين بيعرف إن هذا التأخير مو من طبعي أبدًا ممكن اتأخر ساعة ساعتين عشر يوم يومين لكن استحالة تأخرّي يصل لأسابيع وشهور لدرجة إني بدأت أخسر كثير منكم وفقدت تواجد كثييير كثييير ممن يعزون علي و تواجدهم بين الصفحات يعني لي الكثير .. حتى عدد المتفاعلين قل بشكل محزن وهذا خطأ أنا اتحمله :(

أشكر اللي لازالوا واثقين فيني ومستمرين معي من أول ما بدأت وإلى هذه اللحظة ماتركوني ومافقدوا الأمل❤ والله انكم جزء لا يتجزأ من قلبي الله يسعدكم وتاكدوا أن كل حرف كتبتوه نقش أثره في قلبي قبل صفحات الموقع ويعلم الله أني متضايقه من نفسي لأني خذلتكم انتم بالذات دون غيركم لكن متاكدة بطيب قلوبكم لأن اللي بيني وبينكم مو مجرد حروف وشخصيات و ردود في متصفح ، لكن الأيام تعدي وانا محلك سر لا سبب ولا حتى جزء لكن اختكم في الله تعاني من إحباط شديد قلق يأس وأشياء مماثلة والتأخير اللي قاعد يصير مني وبشكل غير مقبول أو معقول زاده، احتاج وقت اشحن فيه مخي المصدي واجلس جلسة محترمة بيني وبين نفسي اتفاهم معها وارجع لكم وبإذن الله انه غياب مؤقت لن يطول وعد أقوله وأنا واثقة إني راح اوفي فيه بعون الله لكن خليكم معي. أتمنى بس إن رجعت القاكم لازلتم تثقون فيني وبقلمي والقاكم حولي فأنا والله اشتاق لكم واحبكم جداً.

أعرف الاحساس الخايب اللي يجي بعد قراءة هذه الكلمات وقبل كم سنة كنت قارئة يدي اغلب الوقت على قلبي من توقف أي رواية وعدم اكتمالها لدرجة ماتخلص إلا وأنا الهث كأني في ماراثون و وصلت خط النهاية أخيراً. لكن تأكدوا إن لي عودة وبإذن الله قريبة وهالمعلقة اللي فوق لايمكن تكون انسحاب أو وداع لأن بيني وبينكم عهد وأبناء ابن ساجر كافة وأنا مُلزمة إني اوفي بما عاهدت :)

الصفحات زادت وبدل من أن تكون فصول وتوقعات وكلنا مستمتعين وسعيدين صارت سؤال عن الجزء القادم وضيق من التأخير وهالسؤال يحزني بشكل غير طبيعي لأني أعرف انكم متضايقين وخلااص وصل السيل الزبى وصبركم بدا ينفذ :( وضيقتكم من ضيقتي والله لذلك اسمحوا لي اختفي أيام بإذن الله تكون معدودة لن تطول ولي عودة إن شاءالله تكون مكتملة بنهاية تليق بناس فخمة مثلكم عشان يصير فيه التزام ولا اتأخر دقيقة وحدة عن الموعد :)

أنا ممنونة للجميع بدون استثناء اسعدكم الله مثل ماكنتم مصدر سعادة ورضا لي، سامحووني سامحوني ولا تنسوني وطلوا علي هنا من وقت للثاني عشان ما استاحش لحالي :)
تأكدوا انكم في القلب والعقل دائمًا
استودعكم الله الذي لا تضيع ودائعه ونلتقي قريبا إن شاءالله ❤

أسعد الله مسائك اختي وطن
من منا ما مر بنفس الظروف كل إنسان معرض. ومن منا لا يعرف قلم وطن. لا تجعلي لليأس إن يأخذ منك الكثير .وكلنا ثقه بك صفي ذهنك وخذي استراحه محارب وكلنا معك. وندعو لك براحه البال.
ودمت بود