السلاام عليكم..
حي الله ام حمده ومبروك البنيه الجديده هذي مع اني ماقريت البنيه الأولى لكن قررت اقرأ هذي لان اعجبني مرره انتس وضحتي وضعها وانها بتكون 11 جزء وان الأجزاء يوميه حبيت هالشي صراحه.. والله يوفقتس ياااارب. لكن الشي اللي ماحبيته فيها ان اعمار الابطال صغار قصدي صقر والجحلط اللي معه.. احب البطل بالثلاثين ومافوق ..فياليت تجيبين واحد مخصوووص عشاني يكون عمره مو بالثلاثين الا بالاربعين ..هههههه.
بالنسبه للاحداث اغلبها متوقعته لكن اللي ماتوقعت انها هي اللي تسافر توقعت الدعله ولد عمها صقر هو اللي يسافر.. لكن احسن شي سفرها هي وانها تترك البيئه التعبانه والمتعبه نفسيا لها ..وهم اللي حدوها على هذا يعني خالها كان فرصه ماتنتعوض لو راح بدونها كان فرصتها راحت معه ..
وبعدين الصراحه جدها هذا وعمانها يقهرون صراحه ليش مقاطعينها كذا..هي ماهربت مع واحد غريب والا هربت لانها قليلة ادب هي هربت خوف على حياتها وجدها هالمهذري مكبر السالفه لانها رااحت مع خالها وهم عارفين هالشي ولوو جدها وقف مع نفسه وقفة حق ووقفه جديه وفكر بوضع البنت بين أهلها وبنات عمها وربعها بيلقى لها الف عذر لهروبها او بالاصح سفرها البنت ساافرت لجهه معلومه مو غير معلومه ومع خالها يعني شخص ثقه .ولو يبون كان راحوا لها عند خالها او على الأقل اتصلوا عليها او اقل شي انه يرد على اتصالاتها اليوميه اللي تثبت انها مانسته وللحين تعزه وتحبه
والحين هي لو شافوها بيعرفون ان حصه القديمه باااح انتهت ومستحييييييييل يقدرون يرجعون الزمان اللي راح..البنت الحين شخصيه ثانيه وكيان له قيمته واهميته.. يعني اتووقع انها حتى شهادتها اكبر من شهادات عيال عمانها كلهم ..
وخصووصا هالدعله صقر ..مدري ليش متوقعته عسكري..المهم جعل يديه بالكسر أي والله اتوقع لو توقف جنبه الحين بيكون هو اللي ماينتشاهد مو هي.. بس مرره مره متحمسه للقائها مع اهلها وعيال عمها وبناتهم.. اتوقع ان صقر تزوج بنت عمه اللي انجنيت لما عرفت انه تزوج حصه.. وحصه الحين احلى منها الف مليوون مره ولو تجلس معهن بتكون احلى عنهن كلهم .. بس ان شاااء الله يكونن تغيرن للاحسن وكبرن يعني يوم هن صغيرات غير وضعهن يوم كبرن.. واتوقع من ترجع حصووووصي بتلى لها اعداء واصدقاء يعني مو الكل بعاديها مثل اول.. واتووقع اكثر واحد بينبهر فيها راشد.. مدري ليه ؟؟بس هذا توقعي وبيصير يحسد صقر عليها..
صقر الحين متزوج وعنده بنت؟؟ من هي زوجته؟؟ اتوقع بنت عمه ؟ لكن هي هو مرتاح معها والا معذبها يعني شخصية صقر شخصيه متسلطه ويمكن حتى زوجته بنت عمه بيعاملها بعنف لان هو كذا شخصيته وماراح احد يربيه ويعيد تربيته الا حصوووصي.. زوجته سوا بنت عمه او لأ اتوقع يا انها ميته والا اكثر شي انها مطلقه.
الحين انا خايفه لما تشوفه حصوووص ترجع لها حالة الخوف منه والارتباك اللي كانت تصير لها.. ..فلو حصا هالشي فاحب اقولها كنك يا ابو زيد ماغزيت.. لكن بقول انها بتحس بالخوف لكن راح توقف بوجهه ولاراح تسمح له يلمس شعره من راسها وياليتها يعني تكون تعلمت فنون الدفاع عن النفس عشان اذا فكر بس يقرب صوبها تعطيه هذااك الكوووع اللي يطيره لكندا..هخهخهخهخه
عموما انا متفائله بلقاء حصووصي باهلها .. ومتاكده انها بتكون صدمه لهم جعلهم مايفوقون منها يااارب..
نجي للجد الجد المهذري هذا بيكون للحين يفكر انها هربت وانها خانتهم وانها.. وانهاااا ... وانهااا............
ويمكن يستخدم هذا بالضغط عليها عشان يرضى عنها.. يعني يمكن يقول ارجعي لولد عمج الدعله وجربي الحياة معه؟؟؟
والا انها هي من يوم تجي بتطلب الطلاق والا بتقول بخلعه واخلص منه... وهالشي طبعا ماراح يرضاه سي صقر على روحه..
لكن بالنهايه بالنهايه اتوقع يطلقها وتتزوج عادل.. لكن تبين الصدق ياا ام حمده اتمنى عليتس واترجاتس انتس تفشلين توقعي هذااااا وتكبينه بالقاااربح وتخلين الامووور تصفى بينهم ويصير يمووووووووووووووووت يمووووت يمووووت حتى بحروف اسمها..
على طاري اسمها صقر 3 حروف وحصه 3 حروف وبينهم حرف الصاد يعني باذن الله التواافق بينهم كبييير ..وعليه اقوول انهم بيعيشون مع بعض وبتصير الحياة حلوه بينهم..
لكن بنشووف وش بتسووين بينهم يااا ام حمده..
بانتظار البارت الجاي فلا تخلين انتظارنا يطووول..