كاتب الموضوع :
#الكريستال#
المنتدى :
القصص المكتمله من وحي قلم الاعضاء
رد: كنا فمتى نعود ؟
السلام عليكم ورحمة الله وبركاته
عوده بعد إنقطاع
نوق أنا ماحبيتها من البدايه إنسانه ماينعرف لها أو هي ماتعرف اللي تريده وبصراحه تستاهل اللي سواه
فيها جلوي هي حدته على أقصاه
جلوي لو أخطأ في البدايه نلتمس له العذر لأنه أمام كلام أبوها اللي مافيه شخص يتوقع إن فيه أب بيكذب
ويدمر حياة بنته وصدمته فيها وهو رجال عصبي مع سكوتها دفعه للطلاق اللي ندم عليه كثير رغم زواجه
مانسى نوق ورغم زواجها عمل المستحيل حتى ترجع له وهذا من حبه لها وحتى بعد أصبحت زوجته
نفذ لها كل طلباتها مهر وبيت ومؤخر لو ماهي رفضته وهذا أكبردليل على إنه شاريها ويدور رضاها
في المقابل هي عاملته كأنه غريب عنها وصبر عليها هي إذا ماتبغاه كان أمامها فرصة تنهي الزواج
لكن هي وافقت على الزواج بشروطها وبعد هذا تحرم جلوي منها وهو صابر عليها وعصبيته معها لها مايبررها
خاصه وهي تعرف طبعه ماهو متعمد يهينها هو يحترمها ويقدرها رغم جهلها والفرق بينها وبين حريمه في أشياء
كثيره حتى إنه طلق الجازي لأجلها
وفوق كل هذا فضل سعادتها وراحتها على راحته رغم حبه لها ورغبته في بقاءها زوجه له عرض عليها إذا
حبت الطلاق يطلقها وبيتحمل هو المسؤليه رغم معرفته باللي راح يواجهه من أبوه وعمانه بيتحمل هو اللوم عنها
ويظهر نفسه هو المخطي
لكن هي بدل ماتقدر له موقفه النبيل أظهرته عندهم الشخص الخاين والغير جدير بالمسؤليه وهي الضعيفه والمظلومه
والمغلوب على أمرها
فارس لاشلت يمينه وبيض الله وجهه على اللي سواه في جاسر
نوره وأم جلوي وفيصل وجاسر والجازي في القائمه السوداء عندي لعلني أشوف فيهم يوم
نوره متى يعرف زوجها وعواد بعمايلها ويوكلونها تراب الحقود
فيصل وكالة الإنباء المتنقله حلال اللي سواه فيه بادي
أم جلوي ليت مشعل مافزع لك هين ماكل مره بيفزع لك مشعل
الجازي صبر جلوي بينتهي وبيرميك عند أهلك
جاسر اللي جاه من عواد وفارس قليل في حقه المفروض يسوون له عاهه
بتار أنا أشهد إنه رجال ينشد به الظهر ومواقفه تبيض الوجه أتوقع لما أصر يقابل نوير بيسألها عن الرقم
إذا تعرف صاحبه أو عن عمتها نوره وعلاتها بها أو بياخذ رأيها في موعد الزواج أو بيقنعها بالموعد
نوير ماتترك عنادها المفروض تقابل بتار وتعرف علومه
متعب الله يشفيه والله إنه رجال وعاقل لكن مرضه منكد عليه أظنه لما أصر على أمه تكلم أم شيماء كان في قرار نفسه يتمنى
توافق لكن رفضها آلمه ومنعه لأمه ماتبحث له عن غيرها لأنه مايبغى غيرشيماء عساها من نصيبه
ناديه وعواد عانوا كثير وإن شاء الله حبهم يصمد في وجه العواصف القادمه
القفله أليمه كرستو خفي علينا من قفلاتك اللي تجلط
الأحداث مشعلله والقفلات دمار الحمد لله إني قرأت البارتات الأخيره ورى بعض وتوني مخلصه آخر بارت
يالله الصبر للأحد
تسلم يمينك كرستو بارتات راااائعه جدا لاخلا ولا عدم منك يارب
|