بسم الله على نوير بسم الله اسم يحيط بنوير من فوقها وتحتها ويمينها وشمالها
بسم الله عليتس الذي لا يضر مع اسمه شي
فاجعه ياناس فاجعه عجوز قريح روعتها بخبر زواجها ثم جتها ذا القراده الشيفه يقالها بتستفزها تستاهل خذت اقل من جزاها
وطبقها ذا البتار بحركته خييييير مالك حق لا انت ولا خواتك ولا بنت عمك تكلمون عليها وتضربها
امها تعطيها كف حقها امها وهي ابخص لكن انت تمد يدك ليه تلعن ليه تقول حيوانه ليه
وخواتك وبنت عمك المقروده يعايرونها بناقة ويتكلمون عليه ليه
هذي الحشيمه اللي انت تبيها لنوير
اصلن انت غلطان يوم تسوي ذا العزيمه وتجمع النسوان اللي يكرهونها في بيتها عشان تحرهم وتشيل قلوبهم زود عليها
ماعليه هي ماغلط عليها الا خواتك اجمع خواتك وخذ حق البنت وعلمهم ان كرامتها من كرامك وفي نفس الوقت قل لنوير تضبط نفسها وماتستفزهم عشان مايحسون خواتك انك في صفها
لكن للاسف انت دخلت وانت ماتدري وش صار وبغيت تدبح البنت حتى لو لقيتها ضاربتها
هي بتضربها من الباب للطاقه اكيد فيه شي عظيم
ليش ياحكيم زمانك يوم شفت البنت ثايره بذا الشكل ماخميتها وريحت نفسيتها ثم سئلتها عن اللي صار
لكن تجيها تخنق وتسحب وتعطي كفوف وياحيوانه والله يلعنتس بنت عمي وبنت عمي لا ياشاطر نوير التعامل معها يبيله راس صاحي
الحين يالله يبنات آل جهيمان طقو اصبع خربتو مابين اخوكم وزوجته ارتاحت قلوبكم هذا اللي تبون وش سوت ذا اليتيمه خل اخوكم ياكله قلبه على فراقه
ترا مهيب نوير نوق وبترضى ترجع بعد الاهانه حتى لو عرفت حقيقة حب بتار لها وتعلقه فيها وان الناقه مالها دخل هي الناقه سالفه بينهم وصارت وكانت سبب فقط
ومتاكده ان تمسك بتار بالزواج من نوير مهوب يبي ينقذ امه من الضره لا بتار يحب نوير قبل سالفة الناقه


نوير انا ماقول انها ماغلطت لا البنت اغلطت وغلطها مهوب سهل بس ردت فعلها السبب
البنت عصبيه خلقه والسبب اللي اثارها من عمتها مهوب سهل ودخلت ذا القرده بنت عمه وطبقتها
غير نظرات خواته واستفزازهم
نوير غلطت ولها عقاب بس ردت فعل بتار خربت كل شي واكيد الحين نوير تاكد لها كلام عمتها مبيوعه براس ناقه
تبي نوير يبتار لم تشوف حلمة ودنك ياشاطر البنت ظنانه وشكاكه خلقه وهي ماجاها شي وشلون وهي عرفت الحقيقه وقابلتو فعلها بفعل اقوى حلها ذا الحين يبو العريف تحلم تشوف زولها
(عندي توقع بس اصبري اخلص حتسي )


وبعدين ينوير شغل الافلام المصريه ومنيب قايله له وش صار عناد ومنيب صايحه ببين اني قويه لا ياماما قابلي بتار وامتس وقولي لهم السالفه من طئطئ السلام عليكم


وقولتكم بتار محذرها لا ترد على عمتها خييير ياعالم الناس كلها تعرف بسالفتها الا هي الصغير والكبير القريب والبعيد وحطين انها مبيوعه ومهيب من ثوبه والبنت تضرب اخماس فاسداس ماتدري وش وضعها وليش اختارها
انا اغلطهم كلهم امها وجدانها وبتار وخواتها
ليش ان شاءالله يبتار حط البنت في غرشه مسكره محد موصل لها الكلام يعني مافيه الا عمتها اللي بتوصل لها السالفه هذي بنت عمك الرديه قالته يعني حتى لو هي ماردت على عجوز قريح بتدري نوير من مقرودتكم يآل جهيمان قراده

توقعي الله يسلمتس ياكرستو ان عم بتار مهوب راضي الا اذا بتار خذ بنته وهذي حرقت الجوف اللي بتذبح بتار قبل نوير
عواقبها نبر ون بتار يحب نوير ويعشقها بكل مافيها وبنت عمه ماله ذره في قلبه وجودها بحياته اسم
نبر تو نوير بتحرم رجعتها البتار لو على موتها وشف يافهيم وش السوات
نبر ثري بيبين الحزن في بتار على فراق نوير وبياضح لامه وخواته مقدار حبها في قلبه وغلاها وبيندمون على تعاملهم معها لان بتار بيصير بتار ثاني غصب عليه فاقد نوير وتضهر عليه العصبيه
نبر فور نوير بتصير حامل وهذا اللي بيتعب الاثنين اكثر ومعهم العجوز ام بتار كلش ولا ولد بتار

خلاص تكفين خلي رجل الدبى المعصقل يعرف بحملها مشاتقه اعرف وش بيسوي
الحياة بتصفى النوق من جهه وتسود لنوير ضمن جهه ثانيه وعانتس الله يام نوق هم البنات الى الممات

كرستو دلع تايم دلعينا ياغاليه دلعينا
نبي البارت خص نص لنوير ونوق ترا نوق فحمت تسبودنا بعد مثلها مثل نوير ولا نبي اي دخيل في البارت لا بادي ولا عواد ولا غيره نوق وجلوي نوير وبتار
البارت هديه ياقلبو يعني عطيه عطيتينا مامن وراها جزيه
وش دخل بارت الاحد فيه بارت الاحد لا تلمسينه هذا حق الاحد ماينجاس لا تقصين من صفحاته
ارحمينا ياعمري بكتاتتس لا تجلطينا ولا بنطالب في بارت في المنتصف بين البارتات الطوال

يامساء الورد كل شيء حلو منك يا الكرستال عندي احساس ان بتار بيقهر نوير وبيحط بنت عمه ضرة لها مير لاتقهرون نوير 💔بليزززز

امال .. الله يسعد قلبتس ع ذا اللقب


انتم الألماس .. لأن الكاتب كنزه الثمين القراء ثم القراء ثم الاقراء



ام احلام سلامتتس ياقلبي .. شوفي ودي اقولتس اقريه وودي اقولتس

لا تقرينه ابصراحة .. هو فيه الي يوسع الصدر وفيه إلي يضيقه

والبقيه .. لايحرمني منكم ابد ابد

يالله يالله

سهرتنا باتسر إلي هو يوم الخميس الساعه 11 مساءاً

وموعدنا بعده الاحد الساعه 11 بنفس الموعد



.
.
.
كـــــت


اهيأكم لها

استودعتكم ربي اجمعين