كاتب الموضوع :
#الكريستال#
المنتدى :
القصص المكتمله من وحي قلم الاعضاء
رد: كنا فمتى نعود ؟
اااه
اخيرا روقت وقريت الفصل للمرة المدري كم
وبحاول اعلق .. بحاول
.
.
البداية عند عواد ونادية
الحين دريت ليش قلتيلي احضر من بدري
طلع فيه حائط سد بوجههم صدق بس مش الجوال
الفصل أثبتلي ان نادية تعرف عواد أكثر من نفسه .. انت وانت معصب لا تدري وش تقول ولا تعرف من اللي بوجهك
وعقب ما تخربها تخريب يجي الندم يظهر
طب ما كان من الاول!!
بالنسبة لام بتار صراحة دعوتها لنادية اثارت استغرابي
يعني تتصلين بها او تكلمينها مرة كل كم وكم على اساس وفاء لذكرى اختك الميتة
وبنفس الوقت وعلى الملا تقولين عن الثانية اختي الوحيدة
يعني ما فهمنالك الشيخة .. جايبتها بنية الوفا ولا الذلة ؟؟
بالنسبة لام نادية نفسها
وانا اعيد القراءة لفت نظري انها هربت من ظلم اهلها وطلبت القاضي يزوجها باللي يشوفه كفو وهي موافقة ..
طبعا اشرت انا لذا الظلم بتعليق قبل .. اللي هو، ما اظن انها هربت من فراغ ، بل كان عندها سبب قوي جدا حتى بنظر القاضي عشان يزوجها ضد رغبة اهلها
لكن يزوجها الكفو؟؟
اقدر افترض انها ما هربت اصلا بسبب عالي وانما كان هو اختيار القاضي ؟؟
بالمناسبة احترت باسمه
هو عالي ولا غالي 😹😹
نرجع لنادية
طبعا صعبة الحياة اللي عاشتها ما بين اخوال ما يطيقون لهم ذكر وما بين اخوة الله المستعان
يا ممدوح باشا اذا انت نفسك اللي عندك العلوم كلها شايف انك محمل بعار وظلم شلون تبي اهلك يتقبلون العكس؟؟
يمكن هو من جرحه هذا اسلوبه بس فاضت منه لين انقلبت لحقد دفين على امه بسبب اللي سوته .. مفروض انتظر انا لين اعرف اسبابها قبل ما احكم ع السالفة؟ ولا اتبع احساسي واستنتاجاتي السابقة؟؟
عقلي مقتنع بكلام احساسي ذا المرة ..
نجي لعواد
عند سالفة ام نادية وبصراحة اثار استغرابي بشدة
الحين ما يطلبون شهادات الميلاد عشان توثيق عقد الزواج المفروض؟ او عشان الفحص اللي بالاول حتى؟
طيب ماخذها وانت داري بان امها وراها سالفة
وانها متزوجة شخص مجنس
ما جا ببالك تشوف الاسم ؟ او تدور حتى ؟؟
شخصيا اظن ان فارس ما ذكر له الموضوع لمجرد ظنه انه يدري من هي امهم وسالفتها .. يعني منطقياا كيف ما يدري ؟؟
وان كان اخذ البنت جاهل، طيب وكلام زوج امك وظلم جدك و و و و
مش معقول ما دريت
بالتالي ما تكلم فارس ولا تكلمت نادية بموضوع يجرحهم هم على اساس يعرف الشيخ عواد ..
بنفس الوقت ماني قادرة الوم عواد لوم كامل
ما اظن الناس يدرون من سالفة ام نادية غير انها اهربت وتزوجت اما ليش فما لاحد علم ..
بالتالي شخص سمع كذا وبس طبيعي تفكيره بيروح لاتجاه مغاير ..
لكن مقدر اسامحه انه كسر فرحتها بلقاء اهله وجرحها ذا الجرح صراحة
ظنتي بيلقى مشاكل وعقبات لها اول ما لها اخر بمحاولة الرجوع لها
.
.
بما اننا عند نادية وامها وسالفتهم
جاسر خال بتار .. اظن انه صغير بالسن اصلا صح؟؟
يمكن هو بعد ما يدري وش اللي حد اخته على سواتها؟
ربطته بعهد .. ليش مدري
بسس اللي هو ربطته بها وخلصنا 😹😹
يمكن ياخذله واحدة هي تلين قلبه على اخته الله يرحمها وعلى بنتها وبالمرة تعلمه وش صار من سنين 😺😺 >> صدقت السيناريو الخاص بيي وخلصنا 😎😎
.
.
ننقل على شي ثاني ؟؟
حدثنا الرئيسي مثلا ؟؟
النوري وبتار
ما قصر بتار واثبت لنا انه شخصية وهيبة وله مكانة ما يوصلها احد بقلوب اهله قبل قلوبنا ❤❤❤
اهله اللي مفروض يدرون ليش صاوبته نوير ويعرفون ان عليه الجزء الاكبر من الخطا جايين وباقي بقلوبهم عدم رضا وحتى خالته يوم خبرتها الملقوفة جعل لسانها القص هي وخويتها قومت الدنيا ولا قعدتها كيف يجون للي صاوبت ولدهم لكن بكلمة بسس منه انهت السالفة وبدون ما يبرر لها حتى
فيه هيبة وحب اكثر من كذاا بسس
😻😻😻
المهم ان واضح علاقته بنادر باقي لها ابعاد خفية ما ظهرت للان
خصوصا مع البشت ثم مع الجوال اللي يلح عليها تشوفه وانا عقلي يلح علي ان فيه شي يخص نادر صدق
بس سؤال
هو بتار يعرف نوير من قبل ؟
قصدي قبل وفاة نادر ؟
اولا عرف صوتها مباشرة اما او عرفها من اسلوبها
ثانياا الربطة
ثالثا هو تقريبا كان جاي وعنده علم بشخصيتها مسبقا ورصاصة الحب اثبتت له صدق توقعاته
رابعا انه قعد يحب فيها وينتظرها على نااار خمس سنين .. ينتظرها هي شخصيا مش اي احد ثاني او اي زواج وبسس
المهم
سواء كانت اسبابي للاعتقاد بوجود معرفة سابقة بينهم مقنعة او لا فانا متمسكة باعتقادي حتى يظهر ما ينفيه 😹😹
بسس حركته يوم ينزل البشت على كتوفها ياا انها حولت عيوني قلوباا 😻😻 واظن ان نااس ثانييين لو كانو حاضرين كانت عيونهم نطت عشرة متر يا جعل عيونهم البط 😒😒
ولماا فقدت وعيها
هنا اجدد المطالب بان بتار يوصف هو ردة فعله 😻
انتفض نفضةة ماا تكفيناا 😹
والاخت اللي قضت ليلها متلحفة بالبشت ثم قامت والمزاج رااايق والقلب يرقص ماسا جرى لها خلال تلك النومة ؟
رائحة بتار ورائحة اخوها بالبشت بسس ؟
ولا امتزجت الرائحة بحلم ماا ؟
:فيسي الفضولي بقوة:
دخول عمانها وجدها اللي حسسها هي وحسس الجميع ان لها عزوة وظهر خلاني افكر .. وش كان بيصير اذا جا بتار يطالب بها وهم باقي على قطاعتهم ؟؟
اممم
وصحيح
اظن انه كان يدري بسالفة القطاعة كاملة وكان يتتبع اخبارهم كمان ولا ليش جا على بيت نوق بالرياض وما راح لبيتهم القديم ؟؟
.
.
تجهيزات حفل الخطبة والجدة اللي رايحة تعزم بالجيران على كيفها ضحكتني ضححك
الحمد لله جدتي الله يحفظها طالعة على حفيدتها تحب المناسبات تكون على الضيق وبين القريبين جدا جدا من العائلة وبسس 😺😺
والله ما الوم نوير المسكينة يوم انفجعت اهيء
ولا الضيافة
مهيب هي الضيافة اللي البنات كانو ياكلون بها الفصل اللي فات ؟
بسس اذا هي قليله ع الحريم وبقى منها اللي يجمعونه البنات شلون لو كانت كثيرة 😹😹
.
.
كواليس الحفل >> يس باقي ما خلصت كلام عن الحفل 🙊
طبعا حسنا وغيرتها المبررة جدا جدا وهذي تكلمنا عنها وماا بنعيد الكلام
بس سؤال
مش حسنا المفروض ام عبادي ؟؟ ليش قدمتها فوزية كام منصور وحتى نوق يوم فكرت بولدها فكرت بمنصور؟
ولا خطا مطبعي ؟
او يمكن انا مخربطة بين الجازي وحسنا من الاول ؟؟ >> ترى عادي تطلع مني 🙈🙊
ثانيا
ذوات العيون الصفرا بالمصري الحاارة بالسعودي نورة وام جلوي يا جعل عيونكم البطط .. يعني فوق الحقد والغل اللي بقلوبكم الا ما تخربون على البنية ليلتها بالسنتكم الطويلة يا جعل السنتكم القص انتي وهي ؟؟
بس ما اقول الا دواكم اللي بيصير يوم يكشف بتار اللي سويتوه من سنين
يا اخي حتى ولدك دلوعة الماما دعيتي عليه يوم انه قال كلمة تهدد بكشف خبثك ودناءتك فليش استغرب انا ان الحقد يخليكي تدمري عائلة كاملة بثلاث اجيال ؟؟
الكواليساية الثالثة
خطبة متعب وشيما
وهنا قبل ما انسى يا جماعة لما يجي ذكر شيموو بتعليقاتكم حددو ان المقصود شيومة متعب .. ما صارت .. كل ما قريت اسمها بتعليق واحدة منكم اخذ الكلام على انه لي 😹😹
المهم
اعجبني رد ام نوق على فضية .. هادي وذوق وبعيد عن التجريح اللي جاهم من بتول (او من ام لسان امها برايي) وحتى لو صار ورفضو بالنهاية ما بيكون فيه حساسيات او احساس بالنقص عند متعباني واهله
اما ردة فعل شيمو فما استغربتها لذيك الدرجة
يعني هو زودها لما رمى الكاس وكلمها بذيك الطريقة بس انه معذور صراحة مع احساسه بشفقة الكل عليه وبنفس الوقت هي ما تدري اصلا سبب انفعاله الزايد
عندي فضول اعرف وش اللي بيخليها تغير رايها
.
.
.
باخذ استراحة قصيرة قبل ما اجي اكمل الرد باذن الله 😊
احم .. سويت ماي نسكافيه وجيت 😊😊
نكمل مع بادي وخطبته
فيه شي لفت نظري بذا الخطبة
ما كان المفروض اهل سجى يستغربون غياب ابو عبد الله واعمام بادي عن الخطبة خاصة مع علم الكل ان ابو عبد الله هو اللي مربي بادي ؟؟
واخذا بعين الاعتبار ان يمكن عندهم علم ان اليوم حفل ملكة بنت عمه
فمش منطقي يخطب هو بنفس التوقيت ..
مش من قلة الايام يعني !!
احترمت جدا كلام ابو حمدي وتفكيره واحتفاظه لابو عبد الله بحق التبرير خصوصا مع حبه المعروف لبادي واللي يمكن فاق حبه لعياله كمان
اما ردة فعل ابو عبد الله فما اظن بتكون هينة .. بتجي مناسبة لقدر بادي عنده ويا خوفي من رده صدق
شطح عقلي بعيدا ففكر انه ممكن يتدخل ويخرب ام ابي الخطبة بكلمة لابو البنت الا وهي وما سألت اللي مربيه ليش ما جا معه ؟؟
ثم اني رفضت ذلك لان البنت احسها مناسبة له من قبل ما تظهر ولان هذا ممكن يسبب كلام على بادي وما اظن ابو عبد الله بيسمح بشي كهذا
بالاضافة لان ابو حمدي موجود واظن هو الي بيفتتح الكلام بالموضوع كله
.
.
اخيرا
ناقة وجلجول ..
طبعا غسلناهم ونشرناهم بالتعليقات قبل
لكن ما اقدر امرر الرد الكبير من غير ما احقدلي شوي على نويق يا جعلها الضربة اللي تنزل على راسها المصدي يمكن تفوق وتلاحظ البلاوي اللي قامت تسويها
خيرر ياا اخت؟
ما شاء الله رايحة تجيبين الحية الثانية من بيتها واللي هو خلاص ردت وورني وش بتسوي وما فكرتي ولا باي شكل وش وراها ولا ليش طلقها هو ولا بردة فعل اهلكم يوم يدرون بسواتك بغض النظر عن امه اللي ما اظن بتفوق غير يوم يردها منصور لاهلها مطلقة تالي ذا العمر
قال سعادتي
واوقفي جنبي يمة
وارتاح وما يهمني كلام الناس ومدري وش
يعني رايحة لامك ودارية ان هي امك واقرب الناس لك واللي بيتقطع قلبها عليك من ظلم حصل بتزعل وبتستنكر اللي صار
ما وقفتي ثانية تفكرين برد فعا الباقين ؟
انتي اصلا ما سمعتي شي من كلامهم عليك بالاول بعد الطلاق لانكم مشيتو وهذا انتي ما تحملتي .. بتتحملين وانتي قاعدة ؟
طيب
والله دواك اللي بيجيك
وصراحة الا ان يكون هناك سبب قوي .. سبب قوي ويقنعني مش قوي بس .. اذا مررها جلوي كذا بدون رد فعل بقلب عليه هو بعد
هذي اللي لا حسبت حساب لا لكبير ولا لصغير !!
ابفهم وش قالت لمنصور عشان يروح يجيب الجازي وولدها بسس !!
.
.
احم
صراحة تفاجئت من كمية الكلام اللي كتبته بعد كل التعليقات والنقاشات اللي فوق
بعتذر اولا عن الرد اللي احسه مش مرتب اطلاقا وما اعجبني بس ما اظن بقدر اكتب غيره
وثانيا عن خلطة لهجات العرب اللي فوق
المزاج مااش الله المستعان وما قدرت اضبط اموري ولو جزئيا على خط واحد وطبعا المصري ميئوس منه تماما
.
.
وبسس لهنا
منتظرينك الاحد باذن الله ❤
|
08-03-17, 06:42 PM
جديد مواضيع قسم القصص المكتمله من وحي قلم الاعضاء
العرض العادي
