فلاكمل التعليق 😂😂 >> انا مبسوطة بالنقاش وانسى اني لسة ما ادليت بدلوي في امور الجزء وتفصيلاته وشخصياته غالبا
مش تذكروني يا قوم ولا اييييه 😂😂😂
سارة بما ان الدور جا عليها وكذا وبما اني ما ذكرت هذا اللي بذكره قبلا
صراحة ما اشوف ان فيه اي عذر لموقف امها لا اول ولا تالي ..
لما تطلقت ما حاولت باي شكل من الاشكال تاخذها مع انها ما كانت تزوجت وقتها يعني وما اظن كانت تعدم طريقة تاخذها بها حتى لو وصلت للقضاء ووقتها ابن زوجها مهوب كبير ووراه بلاوي تخاف منه نفس الحين مثلا ..
حاليا بكل بساطة جابتها
زوجتها غصب واقتدار وبزن منها ومن اختها لولد اختها اللي الاثنين يدرون ومتاكدين انه اصلا يعشق حرمته ولا يبا ياخذ عليها وكانت الحجة بس هاتها وخلصها من ظلم ابوها واخوها .. طيب ولما جابها ؟
امها جت لما تركها زوجها بالاول ثم ما عادت تجيها الا لو زوجها مش موجود
زين اخذيها عندك مثلا ؟ لا انا زوجتها وخلصنا ..
معلش يعني ما اشوفها تحاول تهتم اصلا !
نجي للبنت نفسها
اشوف معها حق بخيبة بالامل سواء من امها او من احمد بس اظن انها عرفت الظروف اللي تزوجها عشانها اصلا ومفروض ما تستغرب لذيك الدرجة بس انا لي انتقاد سواء لاحمد او لامه او لجدته
عذرا يعني .. انتو تدرون انه ما يجلس عندها ولو حتى جلس ليلة وليلة عند مرام فاصلا كيف تسمحون له يتركها ببيت طول بعرض بروحها ما معها الا شغالة ما يندرى خيرها من شرها ؟!
كل كلامهم معه عن تتمة زواجه منها وولا احد تكلم بمسألة البيت اللي هي بروحها فيه هذا ..
معلش يعني ان كان على مرام فهي خلاص الفاس طاح بالراس وجت على راسها حرمة وانتهينا وتقدر سارة تجلس بنفس البيت بشقة منفصلة ومدخل منفصل وهم اصلا يلتقون بكل المناسبات والجمعات العائلية فما يضير اذا اللقاء تحول لشبه يومي وما اظن مرام تمانع اصلا .. صح شعور مؤلم لاي مرة يجي فوق راسها الثانية لكن اصلا شخصيات الاثنين مهي ذيك الشخصيات الكيادة اللي ممكن تتصيد لبعضها الاخطاء والمشاكل .. الاثنين طيبين وتعذبو ويستاهلو واحمد مش مجبر يحب سارة عشان يعاملها معاملة طيبة وانما المطلوب مودة ورحمة
.
.
نرجع لسارة من جديد
مدري ليش جا ببالي انها اول ما شافت ياسر فضلت داخليا الوحدة والقرف اللي هي فيه على الرعب اللي كانت شايفاه ببيتهم ..
ياسر نفسه اصلا تعامله معها ذا المرة غريب عن المعتاد فقط لانه جا يبا مصلحة معينة لكن وش الطلب اللي طلبه بالضبط ؟ من صيغة كلامه معها واضح انه طلب فوري التنفيذ وبنفس الوقت بانهيارها بين ايدين احمد اصلا ما جابت سيرة هذا الطلب ولا انه اجبرها على شي معين ..
صراحة ارجح ان طلبه له علاقة بنافذة اليوتيوب هذي اللي حصلتها مرام مفتوحة غير انه طبعا له علاقة بالشي اللي يدبره لناصر .. مدري اذا احساسي صح او لا بس يجي البارت ونشوف وصراحة بعد ما ابا اكتب اللي براسي تحديدا عن الموضوع لانه عبارة عن سلسلة من الخيوط المتشابكة والمعقدة بغباء فننتظر ونشوف
.
.
بالنسبة لمرام والاجهاض
ما اتفق مع ليلي بان مرام ممكن تحس بالذنب مع انها ممكن فعلا تحس بكذا .. مرام شخصية طيبة فعليا
اللي مفروض يحس بالذنب او على الاقل يحس ان هذا عقاب من الله على الاهمال بحق سارة هو احمد لكن مرام لا ولا ولا
معلش يعني البنت كثر الله خيرها طلبته يعدل قبلا وهو اللي مصر انه ما يبا غيرها وحتى لو الطلب من ورا قلبها يكفي انها طلبت
يكفي انها ما اتصلت مثلا وهو بمكة مع سارة وطلبته يرجع وهي دارية من غلاها كان رجع .. يكفي انها تتحمل كلام امه وجدته وطلبهم منها ان تسمحله يعدل مع انها اصلا ما منعته وحتى لما تبرر لهم تظل نظراتهم تفضح شكهم بكذا واصلا كلامهم دليل انهم قد كلموه مرة واثنين واربع بالسالفة
هي اصلا عايشة وتدري ان زوجها ما عاد لها بروحها وانه عاجلا او اجلا بيتمم زواجه بسارة وان مهما صار عمتها ما بتفضلها على بنت اختها وان لو صار وسارة انجبت قبلها بتصير هي شبه صفر ع اليسار عند الكل زود عن المها ان زوجها تشاركها به مرة وزود عن رغبتها الطبيعية جدا انها تكون ام ..
كثر الله خيرها صدق لاني لو مكانها وكشخص اناني جدا ولا يقبل بانصاف الحلول ما كنت تحملت يوم اظن !!
مدري كيف بتكون ردة فعلها بعد ما تفوق بس الله يعينها صراحة
اللي مستغربة منه كيف ما احد لاحظ اللي فيها بكل الايام اللي فاتت واذا احد لاحظ ليش ما اصرو عليها تروح للطبيب ؟!
.
.
متعب وناصر
تناقض تام بليلة عرسهم ..
متعب من اولها غزل وعشق وحب مفترض مفروض بادي يتكون
مدري
احساسي التشاؤمي المعتاد يفكر بمصيبة ما وما بكتبها صراحة خوفا من انها تتحق لكن يدعهما ان متعب يدري ريم من الاول تشتغل ومستقلة وشخصيتها قويةة وما اظن المتعنتين تعنت مدفون من رجالنا يفهمون الموضوع بشكل ايجابي وانما في موقف مثل اللي ببالي بيكون اكبر سبب للادانة >> عرفتي وش اقصد ست روعة ؟ او ما عرفتي بتطمن انه ما بيحصل 😹😹 تكفين لا تعرفي وش اقصد 😸😸
نروح لنصور نويصر
يباله طراق على راسه .. كسر بخاطرها الدزمة😾😾
ياا اخي طيب جاامل .. اخفي شرودك الزفت .. حاول لا تقارن
وش فيها يعني لا كانت اقل جمالا من غيرها ؟! احلى من خشتك الغبرا وهذا اكيد يعني 😾😾 الرجال ما شاء الله همهم الاول والاخير الجمال ولا يهتمون باي شي ثاني بشخصية المرأة الا من رحم ربي .. مع احترامي لليان يعني
وبعد يبقى اعتراضي على سلبية جنى على ما هو عليه .. ما حاولت تاخذ اي رد فعل ولا مع نفسها حتى
ويبقى مستقبل ذا الاثنين مرتبط بما يدبره زفت يويسر حتى اشعار اخر

شيمووووووو يا حبيبتشي انا معاك في تحليلك لحال مرام سبعمئة مليااااار في المية لكني قصدت إحساسها هيا كونها حتصير حساسة بعد الإجهاض واكيد في ظني أولوياتها حتختلف والدنيا بعيونها حتتغير ويمكن تصير باردة شوية من ناحية احمد ،، وبعدين 😂😂😂😂😂😂😂 عجبتني المشهد 😂😂😂😂 حلو التخيل وهو بعد إرادة الله ما يغير الواقع ،، مهي الطيارة كانت خيال برضو ،، والغسالة والمكنسة والثلاجة ،،، والقائمة تطوووووول 😂😂😂😂😂😂 محدثكم من قلب المطبخ الطبين مهو بقى طبينة نفسي وواخدني منها 😂😂😂😂