كاتب الموضوع :
حسن الخلق
المنتدى :
سلاسل روائع عبق الرومانسية
رد: رواية..ومضات من رؤى حائرة ..بقلم حسن الخلق..سلسلة خبايا القلوب ج 3.. الومضة 26
انا جيت وسعوا شويه علشان اعرف اقعد
ومضتين رووووووووووعهه ابدعتى هومى
جنات ظهرت ونديم شافها وكله بالصدفه عجبنى تفهمه تجاه جنات اووووى وخوفه عليها حتى لو كانت غلطانه وعرضه ليها حلو بجد
يكفى جنات ندمها ومعرفتها انها بطيشها وتهورها اذيت ناس ملهومش ذنب واهى نالها من الاذى اضعاف
نديم انسان كويس ولعل وعسى تتطور علاقتهم وتكون علاقه حب مش علاقه خوف عليها او مساعده ليها باعتبار انه يقدم لها مساعده مقدرش يقدمها لاخته
مهاب وانجى والجزيره وتطورات ولا احلى
انا بهرب منك ليك وكمان بتحاما فيك
حلوه صح
شاف كابوسها وكويس انه شافه بس ياحلو انت عملت ايه خفت عليها فا انتوا عارفين هو عمل ايه بس برده احلى من الضرب وبعدها جت تتحامى فيك لا وتنام امام غرفتك لانها حست ان الكوابيس بتخاف منك شوفت اد ايه انتى مخيف انا بهزر الوعى تزعل
لا بجد مهاب وانجى بجد حبيت لحظاتهم مع بعض حسيت انهم بدؤا يقربوا من بعض والقادم هيكون احلى ليهم وكفايه ان مهاب بص ليها بنظره مختلفه وعاملها بطريقه مختلفه حتى لو هو مش عارف ليه احنا عارفين انه حبها
اه منك ياام ايهم يختى كنتى اتاخرى شويه ليه كده المقاطعه دى
طبعا خلاص ياسى ايهم المعامله اتغيرت وطبعا معنتش هتشكى انها مش متاثره بيك ولا حساك راجل ولا حاجه خلاص المعامله من هنا ورايح هتكون متغيره خالص
على فكره نوف كانت متوقعه ان امه هتطب عليهم وانا قولت ليها توقعى اى حاجه من امه ومن ريهام ههههههههههههههههه
ياترى ردينه هتعمل ايه لما تشوفه تانى
حمزه ووصال ولا زالت فى فتره الخطوبه المجنونه دى هتفرج عنه امتى وتنقله لمترتبه اعلى من الخطوبه بانتظار القادم منهم
مسك وبدات تلين ورفيق معلم عرف يوصل ليها عن طريق تانى
ثنائى رووووووووعه
الياس المسلم لا حلو وده توقعناه لانه مش ليه صرفه تانيه غير كده اهلا بيه فى الاسلام
عجبنى موقف مامته وعجبنى اكثر تصرفه معاها ومعرفته بانه حتى لو والديه مش مسلمين مش معناه انه ينساهم بل يصاحبهم فى الدنيا معروفا
الاسلام دين جميل شمل كل جوانب الحياه فيه تصريف لكل صغيره وكبيره
نهى ومفاجاتها الحلوه منه لما طلب الجواز منها بس ملحقناش نعرف رد فعلها اللى بعد كده حادث صوفى
ايه يااستيف انتى يابنى عايز ايه اهى جتلك يعنى لازم تحكمها وانا كمان عايز فرصه اهى اديتهالك والنتيجه البنت طارت فى الهواء بس ايه اللى خلاك مفكر ان باباك هو اللى عاملها بس ده سبب علشان يجى المستشفى ويسمع كلامها واعتقد انه هيغير فكرته وهو اللى هيخطبها لابنه بنفسه
مامتها دى جامده وحلو واخزتها حائط الصد لا ستيف منعوه يدخل لاخوتهم بس اتصرف ودخل ليها مهو الجيش قال اتصرف ملقيتش الباب مفتوح ادخل من الشباك ولا يهمك
مجد ومشهد لقائه بمروه فى المكتب حسيت انى بشوفه قدام عينى بجد رووووعه ابدعتى فى وصفه
طلبه منها انه يروح يخطبها وانه يقول لامه وامه ترفضها مش ممكن امه تلعب من وراه وتعرف مروه انها رفضاها عروس لابنها ولا ايه اصلها اتاخرت فى الرد عليه فممكن سرين تكون حطت زومبه ولا حاجه
الفرح اللى لسه مجاش زيد وتالا ايه
ومضتين ولا احلى ابدعتى هومى وبانتظار البقيه
انا امبارح مغادرتش الصفحه الا لما اتطمنت لوجودك حبيبتى وعرفت انك ولله الحمد بخير
دومتى بخير
بااااااى
|