كاتب الموضوع :
حسن الخلق
المنتدى :
سلاسل روائع عبق الرومانسية
رد: رواية..ومضات من رؤى حائرة ..بقلم حسن الخلق..سلسلة خبايا القلوب ج 3.. الومضة 16
هئ هئ هئ هئ هئ هئ
كتبت ردوش كبره وش طوله و عقب ما تكسرت اصابيعي شاتني ليلاس برا
احاول اجمع وش قلت اصلا ..هئ هئ هئ هئ هئ
بارتين قريتهم اليوم مهوب امس لان ليلاس ما كان راضي ..
تعليق سريع عقب ما طار الاول اللي بعد كان سريع ..
مجد و اتوقع ان المحامي يدبر له مصيبه ..حادث سياره او اي شي ..بس بعد اتوقع انه محتاط و مسوي توكيل او امر تصرف او حتي مسجل اللي يبا في رساله صوتيه لاعضاء مجلس الاداره
المحامي عقب بيلجا للاساليب اللي يفهمها و بيحاول يضرهم اكيد ..
في انتظار تدبيرات مجد
زيد
الحين انت لقمان زمانك و تقول لاختك ان مجد يحبها زين و انت يصيبك غباء موقت مع تالا و لا وش بالضبط
اهم شي انه ما بياذيها لاني بعلقه من شعره في الكوخ اللي يبنيه ذا لو سواها ..
حمزة ..رجال و النعم فيه .يعني جملته عن انه ما يبي يشوف زوجته علشانها رووووعه
بالمناسبه
ما قلت لش روعه و تسلم يدش هومي يا مبدعه يا ملكة الشر
الحين حمزه
ربي يبارك فيه و يسعده و يعينه علي خبال زوجته اللي تغار من حبيبته اللي اهي نفسها زوجته
اصحاب العقل في نعمه و الله
مسك و رفيق ..وراء الهدوء ذا بتصير باكين ..في انتظار ولد عمها اللي ما حبيته من قبل لا يظهر رفيق في الصورة
من باقي ؟؟
اييييييييييييييييييي ..جيراننا
هل اليونان ..
الثلاثي المرح ..ههههههههههههههه ..طلعوا قرنين لطوني ..يستاااااهل ..اللهم لا شماته
اما ستيف ففي انتظار الحفله ..
التيس و نهي
اول شي مشهدهم الاثنين بغض النظر عن ريا و سكينه اللي يستاهلون الذبح مهوب بس الطرد
مع اني الصراحه ممنونه للتيس انه فكر في الاشاعات اللي ممكن تطلع علي نهي و عالج الموضوع بحكمة مستغربه عليه
بس المشهد ذا كان مفصلي و محوري
قايق بس من وقت ما دخل عليها الغرفه لين وداها لغرفتها
لكن عقبها الياس ما رد الاولي
و مع غياب نهي عن العقل اللحظي بس قلبها كان حاضر و بقوة ..و اهي بعد ما ردت الاوليه
في انتظار ان الياس ربي يهديه و نفرح لهم اثنينهم
خلصت الحاله الغريبه اللي دخلتها مع المشهد ذا ..
الحين التيس ذا ورا ما دري من اول ان مهيب نهي ؟؟ مالت عليه بس ..
نرد للديره و البراكين المتفجره
جواد يا جواد يا جواد
يعني اول كنت اتوقع غضب و زعل و قهر و كل شي ..و اقول الله يلوم من لامك
بس جنه ؟؟ جنه ؟؟
يعني صابك جنون مؤقت يعني و لا وش ؟؟
بعطيه فرصه بارتين ..صايره حنونه و قلبي رهيف الايام ذي
سمعتي بتنخرب ..بس لاجل جواد بعطيه فرصه ..
عاد يا هومي ..بغير كذا مشهد عورون لي قلبي اليوم ..هههههههههههههههه
القفله اللتيفه ..
مهابي
لا لا لحظه
نص دقيقه قبل لا يطق الباب
انجي / ايلاف ..العرب لهم اسم و اهي لها اثنين
ما علينا
شوفين يا قلبي .. لاحفه علي البكا و الحزن و الدموع ..
جايتنش ايام سودا اسود من لون عباتي
الحين اباش تستجمعين قوتش ..
و تمتصين الوجع من قلب مهابي ..
نرد للباب ..
يا حيا الله من جا ..ارررررحب ترحيب القاع بالمطر
دحنا هنشوف ايام حللللللللللللللوه ..ههههههههههههههههه
توقع ..
مهابي بيطيح ..يه صداع يه موجوع يه شي و انلاف ( مقصود الاسم ) انلاف بتساعده الحين ..
نشوف وش بيصبرنا لين الثلاثاء الجاي
اي و ترا ذي ثاني مره احاول اكتب رد و ليلاس يشوتني
من اللي جالس عند السيرفرات ..
يكون بسام وجه المصايب ؟؟
|