ان كان طلبه لحقوقه سيهدم علاقته به فليكن..
لن يتنازل ولن يستمع لمماطله أخرى وهو يرى تمردها بدون رادع..

سبق وان اتصل بعزام ولكنه لم يرد عليه كعادته مما اضطره للحضور بنفسه،ولكنه لم يجده هنا..ولم يرى رواد!!

دعته نفسه هذه المره بإلحاح لأن يتجه لتلك النافذه ويفتحها بنفسه ويسترق النظر لعله يراها..فقط يريد ان يطمئن ان كانت هنا..سحقاً لهذا القلب مالذي يريده منها؟!!
ليتأكد من عدم تواجدها تلعب مع اختها هناك كعادتها..ليغلق النافذ ولكنه تفاجئ بسماع صوت الباب يُغلق..

إلتفت متفاجئاً بدخولها عليه، قد تعدت كل حدودها تلك الصغيره، ثم لماذا تُغلق الباب خلفها هكذا/!!

ابتسمت وهي ترى ملامح صدمته/شفيك خايف؟!!

لاحظها تقترب منه وتقف أمامه، وتمثل دور اخيها/انت وش تبي مني؟!

اراد صفعها بالرد/وش ابي بك وانتي مثل اخوك؟!

اطلقت ضحكتها فهذا مرادها/حلو..يعني تعرف اني ولد ..مع ذلك انت تلاحقني...يعني لا تقول ان هالزياره ماتخصني

تفاصيلها عن قرب انعم واجمل وأدق..بريق عينيها يخفي انثى لعوب لا تمل ولا تكل،تبدو اكثر فتنه حتى في محاولتها الفاشله لإخفاء انوثتها/لا ما تخصك..عزام رفيقي و اشتقتله..هذا كل شيء


تذكرت ماحدت في الأمس لتتحدث/او اسفه عن اللي قلته أمس..بس على فكره انت اللي اهملت ولدك ..السايق حقي ماله شغل.

شعر بالغليان من حديثها الاخير حتى انه بان ذلك على ارتفاع حاجبه الأيسر و زمة شفتيه و قبضة يده/انتي وش جابك هنا، ادخلي قبل يجي عزام هاللحين

اطلقت ضحكتها المجلجله/انت اكثر واحد تتمنى دخول عزام هاللحين، لا تمثل علي دور الشريف الخايف على اعراض الناس

يستغرب كيف تتحدث بهكذا احاديث اكبر منها، لم تكن هكذا، مازال يذكر براءتها في المستشفى وهي تسمع لما يقول وتنفذه/انتي من؟!

ابتعدت خطوتين وهي تتعداه وتتجه للكرسي القريب للنافذه وهي تُخرج من جيبها سيجاره قد اختها من والدتها..لتضعها بين شفتيها وهي تشعلها وترد/انا لعنه من ادخل حياة اي شخص "ادمره"

اتجه إليها لينتزع عقب السيجاره من شفتيها ولكنها استغلت اقترابه و نفثت دخان سمومها في وجهه، ..

تعلم انه يحاول مداراتها وانه قد تزوجها بموجب التوكيل الذي بيد عزام وذلك الشيء قد انهى كل شيء جميل بداخلها،..فهو يداريها و يحاول دائماً تعقبها وحمايتها وكأنها غبيه، هي تعرف هدفه من الزواج بها، فقط لفرض السلطه ولتأديبها كمحرم ذو ولايه ولكنها لن تنصاع له ستدمره وكأنها لا تعرف بذلك الزواج..فلا هو اخبرها بهذا الزواج ولا عزام ...اه من عزام انه ميت لا محاله..

اطفأ عقب السيجاره ثم عاد إليها وهو يمسك بياقتها بقوه ويجذبها إليه بعينين تنطق غضب/من متى تدخنين هاااه من متى

ضحكت بلا مبالاه مميته/من زمااااااان انا وخواتي كلنا ندخن ونشرب بعد <<انفجرت ضاحكه

هي حقاً ليست طبيعيه ، شعر بالضعف وقلة الحيله معاً، فقط لو انه ليس في بيت اهلها،لجعلها تمشي مستقيمه كالصراط تماماً...لكن..

استغلت إمساكه به لتتحدث وهي تراقب رحابة صدره المشدود و عرض كتفيه المشدوده بالثوب،لتتحدث وهي ترفع يدها وهي تلامس كتفه/ابي اسوي زيك كم يبي لي وقت؟!

ابعدها عنه وهو يستعيذ من وساوسه تجاهها، يريد الخروج، تبدو ليست طبيعيه ابداً..

سقطت من شدة دفعه لها لتمسك اسفل ظهرها/ااااه..يا ربي

اتجه إليها ليساعدها على النهوض/قومي وادخلي الله يصلحك، ولعاد تسوين هالحركات فاهمه

ضحكت مجدداً وهي ترى خوفه مجدداً

سمعوا صوت سياره قادمه لابد وانه عزام قادم...شهقت خوفاً وهي تحاول ان تتوازن في مشيتها/عزام!!

خاف هو اضعاف خوفها فهي تغلق الباب وبهذه الحاله المريبه..لكنه تفاجئ بصعودها للنافذها وخروجها منها وهي تبتسم بغرابه/قلتلك انا اقوى منك لكن بدون عضلات هههه

اتجه بدوره للباب..فتلك تُفقده عقله،تُشوشه تعيده للطفوله بشكل غريب،حتى باتت ردود افعاله كلها مُداراه لها فقط..بلا شعور بات يمثل دور الأب ولكن بشكل آخر تماماً..!!!

تفاجأ بوجود عزام قادماً إليه من السياره،ابتسم لتلك العينين التي لطالما اشتاق لهما،ماذا فعل بك الهجر يا صاحبي؟!، لطالما كنا معاً لماذا تسمح لموضوع عادي ان يفرقنا ؟؟

ليكن صادقاً كان متفاجئاً وسعيداً جدا بتواجد قاسي هنا امامه،!!، منذ متى لم يلتقيان؟!! ويتحدثان ليلقي التحيه وهو يشير للداخل/حياك يا قاسي تفضل

استغرب عدم مصافحته له ولكن يكفي استقباله الآن/الله يبقيك زاد فضلك يابو ساره.

دخلا وجلسا وكل منهما بداخله عبىء كبير...،

رفع هاتفه وهو يأمر بالقهوه سيضيفه كأي ضيف..لن يطرده ، كفاهم صراعاً..هي مجرد زياره و فنجان قهوه!
..ليكن الجو لطيفاً فقط..لن يكلفه ذلك شيئاً.. ثم إن قاسي رئته الثالثه..!


،
.



..
،
دخلت اميره وهي تتجه الى والدتها بخوف بعد الذي رأته من نيفادا التي خرجت من مجلس الرجال بعدما التقت برجل لم تعرفه/يمااه يمااه

خافت منها لتوقفها بجانب باب المصعد/اشفيك يا بنت؟

ترددت في اخبارها ولكنها رأتها تدخن سيجاره/نيفادا رلحت الملحق اللي برا وتكلمت مع رجال.. وبعدين نطت من الشباك وجلست تدخن براا !!

اغلقت فمها غاضبه فلو علمت الشموس بأمرها لن ترحمها/اصصص وتعالي وديني لها خليني اتصرف معها، كله من السوسه أمها لعبت بعقل البنيه.. يا ويلك لو درى احد

حضرت ليال وهي تسمع الجمله الأخيره/وش صاير يأم رواد

ليس هناك بد من إخبارها.. كان خبرا صادما يجب ستره/تعالي معي ..

.


ذهبت للاشراف علئ قهوة عزام وابن خاله.. فهو اتصل بها شخصياً، لأول مره يتصل بها ليطلب منها شيئا كهذا..
لم تعرف انه يمكن لنبضات القلب ان تصبح موسيقى فرح قبل يخفق له..
ليس هنالك ما يمنعها من مشاركته سوى غرورها الكاذب أمامه،
ولكنها تعيشه بداخلها الآن اجمل مواسم المشاعر.. !
��
قطع استرسال قلبها نغمة رساله في هاتفها.. لتفتحها بابتسامه سرعان ما اختفت [انتي مخدوعه فيه صدقيني.. انا اللي بقلبه وانا نبضه… وبيجي يوم ينتهي دورك بحياته.. م]

سُحقاً وتبا بات الامر مستفزاً..من تلك صاحبة الحرم م..
شعرت بنيرانها تتقد داخلها ..

لكن قطع ذلك اتصاله لترد/هلا عزام… خلاص كل شي جايك مع الخدامه ..سلام

اغلقت الهاتف وهي تشعر بالغصه.. ستعرفها لا محاله صاحبة الحرف م.. وستواجهها حتماً..
لم تصن نفسها طوال سنوات عمرها لترتبط برجل خائن..!
يجب ان تكون اكثر حكمه.. و لكن الحكمة حينما ترتبط بالقلب تكون صعبه وشبه مستحيله.. و نيران الغيره لا ترحم تحرق ذرات العقل.. وتُنهي الرزانه من اثقل النساء…







بقي ليلتين..
كانتا بالنسبة لها كليالي سرمديه لا نور في نهايتها..!
مالجرم الذي إقترفه جسدها مجدداً لترميه بيد رجل آخر..؟!
لماذا تجلد ذاتها بالارتباط مجدداً..فهي باتت غير صالحه ابداً بل كل ما فيها هباء ، و رماد بقايا انثى تنتظر مواراتها الثرى..!
ليس هنالك اوجع من تلك اللحظه التي يندم فيها المرء لأنه رسم أحلاماً ،..سحقاً لكل الامنيات التي رفعت سقف توقعاتنا ..لتهدمه علينا في ارض الواقع..!
لربما كان من المفترض ان لا تتوقع شيئاً حتى لا تنصدم..!!

وقفت أمام مرآتها وهي تنتظر خلع ذلك القناع الذهبي الذي وضعته لها تلك التي طلبتها الشموس لها..
بحق الله مالذي تفعله بنفسها..وماذا يريد منها صالحاً؟!!
صالح!، من ذلك الرجل؟!!
تذكرت احاديث ليال عنه ، هل حقاً كان ينتظرها؟!
هل ستعرف كيف تعيش مجدداً؟!

شعرت بيدين تحكم قبضتها على وسطها لتشهق وهي تلتفت بخوف/حسييين!!

صُدمت وبان ذلك على ملامحها وهي ترى الخوف على ملامحها/بسم الله عليك يا عمه..لهالدرجه لاعب بحسبتك

ابتلعت غصتها وهي تحاول الاتزان مجدداً وتجاوز اللحظه/ليال لا تدخلين ثاني مره بهالطريقه..طلبتك

يا لتلك الحزينه، ذلك الحقير لم يتركها مازالت ذكرياته البشعه تلاحقها، تريد انتشالها من ازمتها واضحاكها التفتت الى عاملات الصالون اللاتي يقفن هناك/حطوا لي نفس الماسك اللي حطيتوه لها وماسك لشعري بعد وش بعد..حساافه كنت ابي واكس بعد..بس مسويه ليزر .

ابتسمت هند وهي تراها تحاول تغيير اكتئابها/ليااال شرايك تتزوجين بعد

ضحكت وهي تجيبها بعدما هدأت بإبتسامة أمل/ الله يتم اللي ببالي على خير و بعدها يصير اللي يصير انا راضيه

شعرت بالفضول/وشو هاللي ببالك

بحماس/قريب بتعرفين. قريب ان شاء الله

لا تعرف لماذا شعرت بنوع من الراحه وهي تتحدث معها تلك شعلة سعاده في هذا المنزل/اجل الله يحقق اللي ببالك

عانقتها بسعاده/ياااارب..والله احلى دعوه..

حاولت ان لا تتوغل في مشاعره المتضاربه لتبادرها/بكرا بتجي عمتي لولو ومعها النقاشات.. كيف ناويه تنقشين؟

ابتسمت من طريقة سؤالها/والله انك راايقه خليني اخلص شغل اليوم.. وبوقت الحناء يصير خير.
.
،
.
،
.
،
.
،
..:
استيقظ صباحاً ليغتسل و ينتهي من لباسه وهي مازالت في مكانها..

استغرب وهو يراها لم تسبقه في النهوض كعادتها..اتجه للتسريحه وهو يلتقط قنينة العطر و يرش منه رشتين وهو يراقب انعكاسها بالمرآه ويبتسم/دامك صاحيه ليه ما قمتي؟! ماراح تداومين؟!

جلست باسترخاء لتشرب ماء و اشارت بالنفي وتحدثت بكسل/مافيني

لم يعهد برودها/لا يكون تعبانه ..ترى ان كنتي تعبانه حتى انا بكنسل الدوام اليوم

ابتسمت وهي تجمع شتات شعرها وتغطي به كتفها العاري/لا مايحتاج..حاسه بخمول ،كل اللي ابيه نوم فقط..البارح نمت متأخره..

اقترب منها وهو يجلس و يضع ظهر كفه على جبينها/نتي مسخنه...

ارمشت بكسل وهي تبعد يده عن جبينها وتحاول ان تدفن نفسها تحت لحافها/بموت من البرد ومافيني حيل امشي وانت تقول مسخنه..

ابتسم بخبث وهو يبعد الغطاء عن قدميها ويبدأ بتدليكها بلطف/وش فيها رجليك؟!ليه مافيك حيل تمشين

ابتسمت تحت غطاءها وهي تحاول سحب قدميها من انامله/عزااام ..قلتلك كسلانه

انتقل من قدميها الى ساقها،ليهمس/شرايك انشطك؟!

تعرف انه يتلكك فقط ليظل بجانبها كعادته وهي اليوم تبحث عن الراحه،قد تأخرت الدوره يومين وهي تشك بحملها،ذلك يجعله اقرب إليها اكثر من اي وقت مضى، لربما لم تربطهما مشاعر ولكن الحمل سيكون الحب الذي وهبها إياه عزام..بعد الله.
ان كان اهتمامه هذا تمثيلاً فكيف سيكون اهتمامه حينما يُحب؟!!


ابعد شماغه وهو يرفع الغطاء عنها و يدس نفسه بجانبها ليهمس لها وهو يبعد خصلاتها عن وجهها/محتاج استرخي بحضنك شوي قبل الدوام ،

استجابة له بابتساماتها وكيدها،فهي ما زالت تتذكر تلك الرسائل والورود، رفعت يدها لتلامس شعر ذقنه الذي يفتنها/ماهو بس شوي! ..حضني لك طول العمر لو وفيت..

اخذ يدها من خده ليقبل كفها بعمق ، ليعترف انها جعلت من هذه الغرفه جنه يعشق الموكث بها و يشتاق إليها حينما يكون مشغولاً في الخارج...لم تناقشه ابداً بأي أمر داخل جنتها..بل تكون هي الحلم الذي لطالما حلم به فتكون عشيقته و حبيبته وزوجته و صديقته التي تساعده في ادارة اعماله..
ليست كالبقيه فهي لا تتنازل بل تُجبره للإرتقاء إليها وذلك ما يجعلها فاتنه!!
كم يمتن لأقدار الله التي جعلتها من نصيبه..
.
،
.

،
.
،


منذ الصباح تجلس في غرفة المكتب تحتسي قهوتها وتدخن سيجارتها وهي تنتظر خروج عزام لتناقشه فيما تريد..
نظرت لساعة المكتب تشير للتاسعه!!! غريب تأخره اليوم!!

تمنت ان لا يجعلها تضطر للجوء لأن تلجأ لأشياء لا تحبذها...لن تفرط بحق إبنتها الذي سيجعلها تتحرر من ذل زوجها الذي ورطها في اعمال غير قانونيه وهددها إما ان تأتي بالأموال وإما انها. سيُقضى عليها..!!

حرج اخيراً ليتفاجئ بتلك السيده التي قد لوثت مكتبه بالسجائر تجلس هنالك و تضع ساقاً على الأخرى وكأنها تنتظره، قرأ البسمله في داخله وهو يذهب لطاولة مكتبه/نعم؟!!!

انتبهت لقدومه لتطفئ سيجارتها/فااينلي!! مرهبااا مستر عزام

عرف انها تلك الشمطاء المقصوده/اهلاً...وش جابك مكتبي؟!

حاولت تذكر ما ستقوله بالعربيه ولكنه مضى وقت كثير لم تتحدث بها وذلك جعل مهمتها هنا صعبه/سوري..من زمان اي دونت سبيك اربيك سو..

جلس وهو بكامل استيعابه وصفاءه يبدو كل شيء رائقا هذا الصباح/U canspeak English

ارتاحت وهي ترى ابتسامته فبدأت بقول مالديها براحه تريد السفر وتريد اخذ ابنتها معها بكامل حصتها..واخبرته برفض الشموس للسفر و و و ..

سمع كل ما قالته بدون مقاطعه، كانت واضحه في طلبها و جاده فيه، فكر قليلاً ثم رفع رأسه وهو يرد بجديه، فالامر يحتاج للقليل من التضحيه..لا يريد ان يعكر صفو هذا البيت بالشد والجذب/Ok I do not see a problem
‏if you take Nevada
Even money why n't???

[حسناً انا لا أرى مشكله في اخذك لنيفادا, حتى بأموالها]

ابتسمت بسعاده لم نصدق ان مهمتها سهله لهذه الدرجه..لو انها تحدثت معه منذ البدايه لكان ذلك افضل ولوفرت الكثير من الوقت..

أردف حديثه بجديه/but in one condition ...After My aunt marriage

[ولكن بشرط، بعد زواج عمتي]

ابتسمت وهي توافقه...

.
،
.
،
.
،
خرجت من غرفتها وهي مازالت متوتره منذ البارحه بسبب مافعلته نيفادا… دخلت غرفة اختها وهي تفتح ستائرها.. و تأخذ جهاز التحكم في التكييف لتوقفه…
ثم اتجهت إليها بكأس الماء.. لترفع الغطاء عنها ثم تسكبه عليها وهي تحاول اقاظها/نيفووو.. قوووومي ووجع ان شاء الله قوومي ..



اعتدلت جالسه وهي غاضبه من سكب الماء مازالت تشعر بالصداع و طريقة إقاظ ليال جداً مستفزه/خيييير يا بنت خييير.. احترق البيت؟

ليال بغضب/ياليته احترق البيت ولا عرفت اللي عرفته عنك.. يلا صحصحي معي وعلميني وش مهببه الله يااخذك قوومي

رفعت رأسها مستغربه/خييير وش سامعه عني بعد

ليال/من طالعه معه يالسلقه ومن عازمته للملحق البارحه ياللي ماتستحين هاااه انطقي!!


حاولت تذكر ما حدث البارح.. في الحقيقه هي ثرثرت كثيرا كانت في قمة سعادتها وضحكت كثيرا.. تذكرت أنها إلتقت بقاسي ولكن لا تتذكر ما دار بينهما.. ضلت صامته ..

ألحت بسؤالها الذي يستفزها/منهو اللي كان معك بالملحق يا بنت انطقي

تحدثت لتغيضها فقط/تصدقين ماعرف اسمه… تونا متعرفين!!..يالله!!

شعرت بإلتماس برأسها فاخرستها بصفعه.. ماقالته تجاوز كل حدود الادب والدين معاً..





يتبع..


تحياتي ()

مبدعه

فكره جديد احداث واقعية جميله جدا



بتوفيق

السلام عليكم
صبااح الخير للجميع
يازين الصبااح لصبحنا بجزء من يدين رشرش جعل يديك ماتمسها النار.. ويسعدك مثل ماتسعدينا
الحين ودي اعرف هالنيفادا وش براسهاا ؟؟يعني هالتمرد كله علشان انهم زوجوها بدون علمها!! او علشان شي ثاني ؟؟
بس مااقول الا الله يعينك على مابلاك ياقاسي
اتوقع عزام راح يعلن زواج نيفادا من قاسي بزواج عمته او بعده.. علشان هالشمطاء تطلع على حقيقتها قدام بنتها وانها ماجت الا علشان الفلوس ويمكن تعترف قدامها انها مثل ماباعتها المره الاولى تبيعها مره ثانيه.. نو بربلم
تكفيين رشوو لاتخربين على هنوده فرحتها مانبي نشوف زول تركي ابداااا
لياال.. في تقدم كثيير وعقبال مانفرح بعافيتها وزواجها
الشموووس اتوقع انها حامل وياليت هالخبر يوصل لصاحبة حرف م علشان تعقل وتبطل ملاحق في الرجال

رشاا تسلم الايادي ياارب بس فضلا وليس امراا تكبرين الخط حبتين.. وانا جدتك العتب على النظر 🤓

السلام عليكم
يامرحبا ملااايين بالحامل والمحمووول والمحمول اليه.. ام غند ابشرتس الشموووس اعجبتني اليووووم مرره مرره.اعجبني عقلها وثقلها وحكمتها ب
س اقهرتني يوم انها للحين تعتقد ان عزام يمثل عليها.. يااويلها من ربي يكفي بس انه يهمز رجليها وش تبي بعد..ههههههههه.. ياخوفي ان هالهدوء اللي بينهم هو اللي يسبق العاصفه ثم ننعصف معهم حنا بعد.. يهبلووون اليوم كلهم وحياتهم رااايقه ووضعهم مريح. لكن ياخوفي من م هالحيوانه بتحوس ابو الدعوى كلها..يمكن تكون مدى؟؟؟؟؟ ما اتوقع مها هذي.. يمكن تكون مدى وماشيه ورا خطط عجوز اقريح امها؟؟
انا اتوووقع بل متاكده ان الشمووس حامل .. حتى لاتروح للدكتور تتاكد انا اعلمها وخلاص.. وعزووومي يااقلبي عليه بيموت من الفرحه اذا عرف انها حامل واتوقع انها حامل بتوأم .. امانه رشوو خليهم توأم خلي عزومي يصير عنده عيال واجد وعزوه. وخلي الشموس مثل القطوه كل شوي وهي والده نبي لحبيب الشعب عزوه ابي له 15 ولد و7 بنات..ووكلهم من الشموس .. الحرمه قويه بنيتها وبتتحمل تجيب هالعيال كلهم بدون مايتزوج عليها>>> فيس محشش على هالصباح.. طلعت اردئ من نيفادا..هههههههههههه
واتوقع خبر حملها بتدري فيه مدى يوم ملكة هند.. مدى اتوقع بتكون من اول من بيعرفون عن حمل الشموس وهي طبعا بتمووت بحرتها وياخوفي تحاول تذبحها.. حمل الشموس هذا بيكون خطر عليها من حرف م..
يااااااااازين قاااسي زينااه وطلع متزوووج نيفادا.. بس هالجنيه شلون عرفت انه متزوجها وهي محد قالها؟؟؟ هل شافت الاوراق بمكتب عزام.؟؟ وبعدين هل تركي فعلا اللي يرسل الصور لقاسي والا هي تبيه ينقهر ويطلقها؟؟؟
انا اتوقع ان الصور هي اللي ترسلها له من رقم ثاني؟؟ تبيه يطلقها وتروح ولايته عنها وتقدر تطس مع امها..
بس خوفتني بكلامها عن جواز السفر اللي بتقدر تطلعه من السفاره الاسبانيه .. يعني نيفادا معها جنسيه اسبانيه؟؟
بس لا ماراح تقدر العجوز الشهباء تطلعها لاني متوقعه ان عزام او بالاصح قاسي بيحط اسمها عند الحكومه عشان يمنعونها من السفر.. لكن الخوف لو كان معها جنسيه اسبانيه وعقب اعلن زواجها وهنا بتقوم هالبغيضه وترفع قضيه بدعوى انها متزوجه وهي تحت السن القانوني؟؟؟
اما اللي صار لها .. اول شي قلت لايكون سكرانه وشاااربه بلا ..قلت يمكن امها جابت معها كم بطل عشان تقحنهن هنا.. لكن ذكرت انها بالعه لها حبه مسكنه وهالحبه هذي اكيد اللي جابتها ليال وعقب بطلت انها تاخذها اكيد هي فتحت الدرج وشافتها وبلعتها بدون ماتنتبه لها وعقب قامت وهلوست على قاسي..وقامت تدخن عنده بدون وعي منها..
وبالنسبه لامها هي بتدري ان امها باعتها وقبضت السعر وياليت فيه اوراق تثبت هالشي . اذا فيه اوراق بتكون امورهم بالسليم.. كلام الشموس عن الام وانها ماتبي تصدم اختها بامها.. هذي اذا جت الام سنعه وتخاف ربها اما ام مثل امن يفادا هذي مرض لازم يعالججون بنتهم منه ويجتثونه من اساسه .لانها مستحيل تريحهم وبتجلس كل شوي تنط لهم وتعكر حياتهم وحياة نيفادا..فلازم يعلمون نيفادا ان هالام طمعانه فيها وماتبي منها الا الفلوس وعقب بتقطها برا بدون رحمه ..
والا بتسمع هوشه بين امها وزوج امها يستعجلها يبي الفلوس وهي عاد بتجيب الاولي والتالي وتقول انه البنت للحين امورها معسره مو ميسره واول ماتقدر تاخذخها هي وفلوسها بتجي وتجيبها..
واتوقع عزام يبي يماطل هالعجوز عشان كذا قال لها تنتظر لين زواج عمته هند وهو يبي يرتب الامور تمام وعقب عاد يضرب ضربته فيها ويخليها تنقلع برا السعوديه ولاتفكر ترجع مره ثانيه.. او بكل بساطه بيقول ان مالها فلوووس ابد وانه الاموال كلها باسمه ويووريها العقود وان بنتها مالها شي وعقب بتطس اسبانيا وافاها يئمر عيش على قوله المصريين المملوحين..هخهخهخه
او قاسي هو اللي بيتولى الامر كله بس بدون مايكشف زواجه منها.. وبياخذ نيفادا على امراح ابو مسلط وبيخي امها تولول بوسط المطار.. خاطري اشووف الاحداث بمراح ابو مسلط يااهي بتكووون رووعه .. هخهخهخه

قااسي.. يااالهووووووووووووووي عليك ..الله يعينك ويعوضك بوليدك بالجنه ويعوضك فيه بنيفادا تصير تسوى عيونها وحياتها كلها..
ليال.. اعجبتني مرره وهي عند وليد.. ووليد بعد اعجبني مرره وهو معها.. اللهم اني زوجتهم..هههههههه
اتوقع بعد الملكه خلاص بتعلن عن وضعها الصحي وعن عمليتها..
ام غند تسلم يمسنتس يااقلبي وان كنتي تكتبين باليسار تسلم يسارتس بعد وتسملين كلتس..
والله مشتاقه للبارت الجاي قبل يخلص هالبارت فلا تتاخرين علينا ياقلبي..