كاتب الموضوع :
سلافه الشرقاوي
المنتدى :
سلاسل روائع عبق الرومانسية
رد: "فرصة اخيرة " الجزء الثاني من سلسلة (حكايا القلوب) جديد وحصرى .. الفصل السابع
سوسو انا جيييييييييييييييت
الف مبروك ياصديقتى الاثيرة ع انطلاق سفينة حكايا القلوب ف رحلتها التانية وهى رحلة ليست هادئه كما تبدو فلا نعرف متى ستهب العواصف ؟ ولكننا موقنين بهبوبها فهل سينجو افراد طاقمها ويصلوا جميعا الى مرساهم ؟؟؟؟!!! >>>باقولك ايه فيه شوية ناس كده ابقى خليهم يوقعوا ونخلص: p
عنوان الرواية هو اكثر من مناسب من وجهه نظرى فانتهاء الجزء الاول منها وضع غالبية ابطال الجزء الثانى ف مفترق طريق عليهم و فاختاروا ليكتشفوا نتيجه ذلك الاختيار فهل كان اختيارهم موفق ام لا وان كان غير موفق فهل ستسُنح لهم فرصه اخيرة لتصحيح مساراتهم
الكلمات الخاصه بالابطال رائعه وتكشف بعض اوراق ابطالنا وعلاماات استفهام اما اختيار مقاطع المقدمة فهو اختيار مناسب جدا لاجواء الرواية وتشابك حكاياتها ...
ابطالنا ... ابطال من نوع تانى .. فسمة ابطال هذه الرواية قدرتهم ع كتمان ما بداخلهم اى كان والمضى للامام مهما كان الثمن فهناك من داس ع قلبه وقرر خوض اراضى طبيعة تربتها زجاج مكسور فبات يضعف يوما بعد يوم دون ان يدرى فهل سيسقط ؟؟
وهناك من استجاب لنداء قلبه ومضى ف رحلته متحملا وخزات تُسدد لقلبه فهل سيظل صامدا؟!
وهناك من مشى طريقه لا يستمع الى قلبه بتاتا فقط فقد قيده منذ زمن ولكنه بات يزعجه برفض ذلك القيد ولكي يخرسه سيطيح باشياء اخري ف طريقه واخروون
عجبتنى جدا بداية الاحداث وربط نهايه الجزء الاول بالجزء الثانى بطريقه انيقة ... فجاءت حفلة سبوع عاصم الصغير ليجتمع اغلبية الابطال سواء ابطال الجزء الاول او التانى وكانها كاميرا كانت ترصد كلا منهم بمدى تغير شخصياتهم نتيجة للاحداث التى مرت بهم خلال الفترة السابقه فوجدنا وليد وفرحته باابنه وبحياته الجديدة مش بس مع ياسمين لا مع عيلته كلهم .. احمد وتفهمه العميق لاخواته من خلال كلماته لوليد او مكره مع وائل .... وائل وغضبه الشديد من عاصم الكبير وغيرته من مكانة عاصم الصغير ف العيلة وتقربه من فاطمه ... علاقة اسما ببلال ودخول ايمن ف حياة اسما ... سوزان بطلتها الجديدة وذلك الوسيم الذى اصتحبها للحفل... اينااس وتألقها وعلاقة قوية بمالك عابد .. مديحة ومحمود حب محمود الكبير الذى يقابله جمود مديحة وبخل مشاعرها ... ايمان وظهور مميز ولقاء خاطف مع مالك لينتهى الفصل بالثنائي العجيب واللى ان شاء الله هيحقق اعلى الشتايم وبجدراة مستحقة ماهر ومنه
اما الابطال بقى
بلال وصدمات فوق دماغه واحده ورا التانية -- ف اول بارت ليه كان مهزلة ... بداية يروح حفلة الوزير مع اسما قوم اسما تحرجه بتصرفها وطريقه كلامه مع الوزير اللى انا شايفاه عفوى جدا ومافهوش احراج ياعم بلال- وهنا السؤال ان كانت سوزان اتصرفت بعفويه كده هيكون تصرفك معاه ايه - >> ماعلينا مش هازنقك دلوقتى ف الكلام كفايه عليك نفسك .. يقوم يتفاجا بايناس داخله الحفله بشو كبير وكمان مع ماليييك عابد ناهيكى طبعا عن ان ايناس بطبيعتها بتمرده مشكله ضغط عليه كبير ... فيغضب ويصب غضبه ع ايناس ولما حاول انه يخرج عشان يتنفس شوية هوا عله يخفف ما يشعر به .. فغضبه يوصل للذروة وهو شايف سوزان -اللى ماقدرش يتصارح ويتصالح مع نفسه ويسامحاها- جاية حفلة وليد وكمان مع الوافد الجديد بالاحداث يحيي بكل مميزاته وبمدى قربه من سوزان كمان فتحسى ان بلال شويه وهيقولك ياسوسو هاتى صبارة وادفنينى احسن ..
بلال فعليا لم يستطع تخطى سوزان لم يستطع ان يمحى حبه لها بكل تلك السهوله حتى بارتباطه من اخرى فتبقى هى الاقرب والاحب الى قلبه .. بعيدة المنال ..
بلال ف الاجزاء كان يمثل يقنبلة غضب موقوته بتهدد بانفجارها ف كل وقت خصوصا لما بيشوف سوزان وتقربها من يحيى ده لوحده كفيل لانه يطلع اسؤا ما فيه ... فجاء مشهده مع اينى نارى .... بطبيعه الاحوال ايناس مش بتتفهم بلال ولا هو قادر يحتويها فالحوار بينهم بيبقى حوار ند لند كمان ايناس كمان بتضغط ع جرحه ووجعه لدرجة خلته يخرج عن شعوره ويضربها ليشتد الصراه داخله وهو يرى نفسه تدريجيا يتحول لنسخه عاش عمره كله يحاول ان لايتشبه بها
ايناس ... ماشية ف خطواتها لتحقيق حلم الغناء باحب ف ايناس انها عارفه هى عايزة ايه وبتعمله ... ماحبش فيها شوية التحرر اللى هى فيه و تطاولها ع بلال .. هى بتحبه جدا لكنها مش قادرة تتقبل اختياراته اصلا هى ماعندهاش القدرة انها تجد لبلال اعذار فيما يخص اختياراته (ترك سوزان وارتباطه باسما)خصوصا كمان انه بيشكل لها عائق ف تحقيق احلامها .... فدايما لما بتلاقيه بيحاول التحكم بحياتها باسلوبه العصبى وغضبه وتقييدها باسم سمعه العيله فبترد عليه من وجهه نظرها رافعه شعار اللى بيته من ازاز
عجبنى جدا ردود افعال امير وتدخله ف المشكله اللى حصلت بين بلال وايناس .. غضبه من بلال رفضه لاسلوبه الهمجى ف التعامل .... حسن استقباله لوالدهةليلى وايناس .... استيائه من ايناس لما عرف بالحوار اللى دار بينها ومن بلال قدرته ع تقويمها لان ايناس بتشوف ف امير بدون مبالغه اب واخ تحترمه جدا وتثق فيه جدا جدا لانه قادر ان يثق فيها وف حلمها يشجعها لكن ف نفس الوقت يوجهها اذا كان شايف حاجه غلط
سوزان ... تغير كبير ف شخصيتها .. فاين صاحبة الخصلات البنية الرقيقه الهشه التى عرفناها ف الجزء الاول ... سوزان من الشخصيات المتحمسه ليها جدا ف الجزء التانى ... سوزان انكسرت من بلال مرة ورا التانية ويكفى اخر انكساراتها ان بلال عقد قرانه ع اسما فعلا وهناك اخرى احتلت مكانها وهى تعلم انها فقط احتلت مكان وليس مكانة فيكفى مكالمة بلال لها ف اشد لحظاته وجعا وضعفا لتعرف انها لازالت ف قلبه ولكنه اتخذ قراره بالفرار
يحيى من الشخصيات الرائعه .. احدى فرسان الرواية ... انا ما عرفش كان عارف ولاد الوزير ازااى مصاحبهم زاى اصلا وخصوصا مستر وائل …. يحيى من الشخصيات اللى بتدعم سوزان وبتديها ثقة اكبر ف نفسها ومنجذب ليها بصورة ما .. بس الغريب ان يحيى بقاله كتير يعرف سوزان معقوله ما يعرفش موضوعها مع بلال .. بلاش يعرف هل ذكائه ما قدرش يكتشف اى شىء من اللقاءات اللى بينهم من تغير طريقه بلال لما بيشوفه مع سوزان
دعاء .... شخصيه رقيقه هادية ولكنها ليست ضعيفه ابدا .... احببت طلتها واحببت صداقتها مع ياسمين ... عجبنى اول مشهد ولقاءها مع يحيى وصفك ليهم الاتنين كان تحفه راااااااااائع ياسوسو .... وكمان مشهد الانترفيو بينهم كان جميل رغم انك انك تخطيتى جزء انهم شافوا بعض قبل كده ف المصعد ....
ايمن واسما ........... دنيا تانية ... تحسى انهم عايشين ف عالم موازى للعالم من حواليهم .... ايمن وشعوره تجاه اسما .. معرفته بها حق المعرفه .. صداقه رائعه تجمعهم وتفهم كبير لشخصية اسما من جانبه .....
اسما ... زواجها من بلال مرساة امان لها ولعائلتها ولكنها ليست فتاه انتهازية هى فقط تبحث عن الامان ف كنف شخصية مثل بلال مستوى اجتماعى ومادى جيد جدا سيحميها من الايام القادمه وما تحمله لها هى واسرتها .. وهى لم تسعى نحو بلال فهو من سعى لها من البداية ..... و هذه كلمات عقلها فهل لقلبها راى اخر؟ اتمنى ان تدرك ان عليها الانسحاب فورا من علاقة بلال نجاه لنفسها من جرح سيسببه لها بلال اجلا او عاجلا
اما علاقتها بايمن فايمن يعطيها مالا يستطيع بلال ان يعطيها اياه الامان النفسى .. الصداقة .... التفاهم ... الاهمية ... لا افهم سبب غضبها من دعاء ومعاملتها بذلك الجفاء الان دعاء تعارض تعارفهما وصداقتهما وترى فيها انها يمكن ان تحرمها تلك المزايا المذكورة سابقا..
ايمن ما تقدريش تقولى حاجه ليه غير كلمات اخته.. ان تعلقه باسما لا يصح فهى ليست له وانها متزوجه من اخر .. ولكنه عنيد ويدرك جيدا انه الاقرب لاسما ويعلم انها لا تحب بلال .... ولكنه يعلم ايضا ان فى وقت على اسما - اسما فقط - ان تحدد اختياراتها واولوياتها ف الحياة
ننتقل لعيله المنصورى .. محمود منه مديحة ماهر
طيب انا ممكن امحى اخر اتنين من التعليق لولا محموز كنت كرهت حرف الميم واللى بيجولنا من حرف الميم ... العيله ديه ما فيهاش غير محمووووز اصلا ... محموزززززززززززى يابشر
نبدا بالثنائي المتعب للاعصاب ... ماهر ومنه
شخصيه حانقة باستمرار وتعبر عن غضبها دوما برمى الكلمات الجارحه لتتلقاها شخصية حساسه جدا موجوعه جدا لا حيلة لها فتصمت ليزداد جنونه ويبدا برمى كلماته الغاضبه مرة اخرى
ماهر ما زال يحمل قلبا اسودا يذكره دوما بانه من غصب ع هذه الزيجة وان ابنه عمه تلك الدمية هى شاركت ف ذلك لم يفكر دوما انها ضحية وانها اضعف منه بكثير فلا يحملها ماليست تستطيع تحمله حتى التعامل بالمعروف مش موجود >> ازاى ما يعملش كده ده اقل واجب ده اخو متيشحه ما يطلعوش علي البنت ليه
اما منه بقى .. امممممممم محتارة اصلا معاها سكوتها و خنوعها مجننى مش ممكن هى بتحبه منذ سنوات وعارفه انه وانه اجبر ع جوازهم وعارفه انه بيحب واحده تانية وبتشوف الفارق ف التعامل معها مع التانية ف طريقه الكلام .. ضيفى ع كده حالة الصدمه اللى هى تلقتها ف حياتها فهى خرجت من بيت فيهاخوها كان مراعيها ع قد ما يقدر بيتعامل معاها كجوهره خايف لتقع تتكسر منه وتروح لبيت كل اللى بيعمله ماهر انه بيزيد من كسرها الفرق كبير ومهما كان غضب ماهر مااعتقدش انها تتوقع ان المعاملة هتبىقى بالطريقه اللى مافيهاش اى تراحم ديه .. ديه حتى لما انجرحت بيداويها ويسمعها كلام زى السم .. ولما دخلت المستشفى ما سلمتش من كلامه وتذمره
امممممممممم ممكن نقول ماهر حاجب نفسه انه يشوفها اصلا مش شايف غير غضبه منها وانها كانت سبب لان حياته تاخد مسار اخر >>>>> منتظرة بحماس انتفاضه منه ومرمطه ماهر
محمود بقى ... العاشق الابدى ... سيمفونية عشق لا تنتهى ابدا ..... مديحة بالنسبة له امنيه وحققها وع استعداد ليعطيها من روحه فقط لانه يحبها ... ولكنه كان يعرف انجذابها لهشام ويعلم انها كانت تعقد امال كبيره عليه ولكنه متفهم لذلك ايضا فغامر وخاطر وامل كبير ف قلبه بانها ستحبه هو بل ستعشقه فمرات يشعر بنجاحه ومرات اخرى يشعر بفشله ولكنه عاشق لم ييئس منها حتى هذه اللحظه
اما مديحة ... رغم عن نفسها تشعر بمقدار الحب الذى يكنها لها محمود .. تشعر بدلاله لها تشعر بكل شىء يفعله من اجلها وتشعر بالغيرة ايضا عندما ترى انه يهتم باخته جدا ... تعرف انه يجد الطريق لقلبها بسهوله ... ولكنها لن تسمح لقلبها ان يخونها ويقابل سخاء عاطفه محمود بالمثل فهل يمكن لانها خائفه من ان تعلق نفسها بوهم مرة اخرى ام لازالت تذكر انه اجبرها ع هذه الزيجه ؟
حبيت طريقه تعامل محمود لمنه جدااااااااااااااااااااااا ورعايته ليها ف مرضها ... تفهمه لشخصيتها ولضعفها كان حوار رائع وممتع فعلا
المشاهد اللى بتجمع رباعى عيله المنصورى جميله جدا .... ويمكن اكتر حاجه عجبانى فيها .. ان مديحة بتموت ع نفسها من الغيره و الحقد والغل لمنه وان ماهر هيتفرس من منه وانها مش بتتمنى حاجه غير ان محمود يبقى جنبها فتتخلص من الالم والجرح اللى بيسببهولها >>> فيسى الشورير
احمد من الشخصيات المتزنه جدا والغامضه لحد كبير فرغم انه اصغر اخواته فهو يستطيع ان يري الصورة بوضوح تام وعقل غير متحيز يعرف الحق ويتبعه و يستطيع فهم اخويه كما يستطيع ان يتلاعب بهم خصوصا الحانق دوما والتى ظهرت ف كلماته المبطنة التى يسددها لوائل وتزيد من غضبه رغم انى ارى انه لا يقصد اثارة غضبه ولكنه يريده ان دوما يفكر ان الامور لا تحتمل كل هذا الغضب النارى منه وانه يجب عليه ان يرى الصورة كاملة ولا ينظر الى نفسه فقط
اما وائل كتله محترقة من الغضب والحنق ... فيما يتعلق بابن اخيه فهو كان
يتمني ان لا ينال احدا من مكانته لدى ابيه فهو الشىء الذى استطاع ان يتفوق فيه بجدارة على وليد وتعود عليه فلما لا وهوالاقرب لوالده منذ زمن و ذراعه الايمن ف عالم الاعمال ويرغب بان اولاده هم من يمتلكون تلك المكانة فلياتى هذا العاصم الصغير فيطير به ابوه فرحا >>> وهنا لازم اطلعله لسانى احسن ياوائل
اما علاقته بفاطمه فيبدو انه منجذب اليها جدا ويحتاج وجودها حوله ويشعر بالمسئولية تجاهها ولكن وائل ماضيه اسود وقلبه اشد تعقيدا مما فد نتوقع
رغبه عاصم الجمال بتاجيل الزواج هو خوفا على فاطمه فهو يخشى من وائل وان كان استطاع اذيه اخيه ف موقف سابقا بدلا من تفهم الموقف فكيف سيتصرف تجاه فاطمه ان حدث اى ظروف طارئة بينهم
فاطمه ... ع العكس من وائل فهى مدركه انها تحب وائل وانها بدا ف اتخاذ مكانه كبيرة لديها .. خصوصا ان احداث الفترة الاخيرة قد نالت منها خصوصا بعدما توفى والدها وتقرب وائل منها واحساسه بالمسئولية تجاهه.....
تسلم ايديكى ياسوسو ولى عودة باذن الله مع احداث الفصل الجديد
|
09-04-16, 12:41 AM
جديد مواضيع قسم سلاسل روائع عبق الرومانسية
العرض الشجري
