انتهت الحلقة

السلام عليكم

رسالة من وحيد بعد فترة بُعد و تفكير من العنوان لا تتركينى عرفت مضمون الرسالة و مش ده اللى كنت متوقعاه ابدا اعترف.
مشاعر وحيد مشاعر صادقة وعميقة جداً و حقيقية جدا و القلوب مش في سلطان عليها و حنين في اشد الاحتياج للمشاعر دى
(حينها ولدت بينهم اصدق مشاعر قذرة) انا مش شايفة ان في الوقت ده اتولدت بينهم المشاعر القذرة لا المشاعر القذرة موجودة من اول ما قاعدت حنين مع وحيد و الكلام بينهم اخد منحنى شخصى بس بقا بصفة رسمية لما اعترفوا بحبهم لبعض.

مش كان في مشكلة لما العم سامى عرف ان وحيد بيحب استغرب بس ماشي مش مشكله ده حقه لكن لما عرف هى مين اتصدم و النهار بقا اسود هى بالفطرة من حق الراجل ان يرتيط و هو مرتبط لكن مش من حق الست.

فهد لسه مش لاقي اللى عايزة و بيتنقل من شغله لشغلة لكن الاسوأ انه يرجع و يواجه كل اللى يعرفوا رجوعه اعتراف بفشله .

واخيرا المدام حست ان في حاجة غلط اول مرة تطلب الكلام معاه رد وحيد على سوالها انه مش خانها و لما طلبت تأكيد اكدلها انه مش خانها يعنى وحيد مقتنع اللى بيعمله دى مش خيانها هو لازم يعنى الخيانة تبقى جسدية علشان تبقى خيانه ؟؟ انا في نظرى وحيد خاين و حنين خاينة مهم كانت الظروف اللى دفعاتهم للخيانه دى .

وحيد وصف حنين بانها امراة لم تحدث له إلا في خياله الجملة رجعتنى لجمله قالها عمو سامى لفهد لما فهد قاله وحيد سعيد عمو سامى وصف سعادة وحيد بالزائفة .
حنين منتظرة من وحيد انه يأخد خطوة جادة لزواجهم طيب هى ايه الخطوة اللى اخدتها ولا مستنية وحيد يحدد معاد مع المأذون علشان هى تطلب الطلاق ؟!!!! لانهم هما خلاص دلوقتى انا شايفهم في مرحلة الخطوبة شهور هايمين في الحب و الحياة حلوة و وردية صحيح ازاى تطلب الطلاق عصفور في اليد هى خسرانه ايه زى ما حضرتك قولت عى ترفض الخسارة و لو مش حصل نصيب مع وحيد اهو جوزها موجود ولا كان حاجة حصلت طيب افهم من كده انها ممكن تعيش و تستمر مع جوزها يعنى هى مشر متضررة من حياتها معاه ايه الفرق بينها و بين زوجة وحيد ؟؟؟
لا انا مش فاهمة يعنى ايه مبدأها ده هى في غينى عن انها تحرم اولاده من باباهم و هى لما تتجوز وحيد مش هتبقى حرمتهم ؟؟؟


امممممم حنين كانت فاكرة انها بطلة روايته الوحيدة لكن طلع في شريك ليها تقلبات نفسه و كمان هواجه الكلمتين دول يتحط تحتهم كذا خط و يرجعونى كمان لجملة عمو سامى سعادة زائفة . و وصف وحيد لحنين بانها امرأة لم تحدث الا في خياله

طيب هو اعتراف وحيد لعمو سامى بحبه لحنين معناه انه بقى واثق من ان ده اللى عايزة و اخد قراره خلاص و الحوار و اللى دار معناه انه مرتب لكل حاجة
عمو سامى سأل سؤال بيفرض نفسه و وارد انه يحصل طيب لو جوز حنين رفض يسيب الالولاد بعد ما عرف انها اتجوزت ؟؟؟
رد وحيد كان صادم بالنسبة ليا يعنى ايه مشكلتها هى ؟؟؟
وحيد انانى و في قمة الانانية هنا شكيت في حبه لحنين لا بجد مش متخيلة
وحيد سعيد و شال من على عيونه النضارة السودا و الكل شهد انه اتغير وحيد حط الخطوط الرئيسية لاول رواياته اللى بتدفعه حنين علشان يكتبها وحيد هنا هو الطرف الوحي المستفيد في العلاقة و يوم نا افترض باباه فرضية هضايق حنين رد و قاله دى مشكلتها هى ايه هو ده!!!
و ليه مش يكونده السيناريو اللى حصل بين وحيد و بين ام طاهر ليه مش يكون هو بانانيته اللى استنزفها و جردها من كل طاقتها لغاية ما كرهها حياتها و خلها شخصية اشبه بخيال مآته
لا وحيد مش مشتت اختلف مع عمو سامى وحيد عارف هو عايز ايه كويس لكن وحيد كل اللى يهمه اللى عايزة هو و بس مش مهم ايه اللى هيحصل مع حنين مش مهم ايه اللى هيحصل مع اولاده مش مهم ايه اللى هيحصل مع مراته. ده اخد قرار انه يطلقها طيب مش فكر انها ممكن تتجوز ايه هيبقى مصير اولاده وحيد انانى

لا معلش انا مش فاهمة حنين خالص هى عايزة ايه بالظبط هى بتحب وحيد ولا لا عايزة تصلح حياتها مع جوزها ولا عايزة ايه بالظبط

حتى وحيد شخص متناقض جدا صدق ياسر لما طلب منه انه يروح لدكتور نفسي يمكن يقدر يساعده

شكرا على اللحقة في انتظار القادم.