آحم آحم ... بعد التقاطي لانفاسي وقرائتي للبارت أكثر من مرة ...جمعت أفكاري وصرت لازم أعبر عنها والا بنفجر ....

أولا وثانيا وثالثا والى آخره .. جابر وارجوان ... يبيلهم صفحه بحالها هالاثنين..ماتوقعت ابددد قصتهم بتوصل لهالدرجه من الالم والوجع والخذلان..ما اتوقعت ان فراقهم بيكون بسبب غلطه من الاثنين..بوقت قلت ارجوان غلطانه بموضوع الحمل وياويلها من جابر وتوقعت ان هالقشه اللي بتقصم ظهر البعير ... وبعدها رجعت وقلت كلام جابر قاسي ومايحق له يقول كذا ... وقلنا بعد هالعجوز ساكته وبتسوي في الآخر مصيبه...بس قلوبنا كانت رحيمه فيهم وماتوقعت هالكارثه بهالحجم...ميشووو قسيتي عليهم الاثنيين كثير...والله احس بهالبارت وجعهم الاثنين اكبر من وجع نواس ووسن طول الرواية...والمصيبه ما اعرف كم بتستمر هالاحداث ومتى بتنوين ترحمينهم...!
افترقوا وكل واحد فاهم الثاني غلط...وشايل بقلبه عليه...وعجوز النار قالت مابيلحقك وهي متأكده...وهذا طبيعي لانه مالحق حسناء لما هربت بعياله وانا متأكده انه كان يعرف مكانها من اول او لو يبي يعرفه كان بحث بنفسه وعرفه...بس هذا طبعه وعجوز النار ضبطت الموضوع مثل ماتبي .. اما انها تتهم ارجوان بشرفها فهذي الكارثه ...الكارثه اللي فعلا مابتغفرها ارجوان لجابر ابد...
جابر...عجزت افهمه...يمكن لانه اكتشف الخيانه في القضيه من اي جهه كان حاب يفضفض لارجوان...او انه يبي يفتح معها نفس الموضوع اللي مزعجها ويرضيها...وهي طبعا بغبائها ماعطته مجال وهذا اللي جرحه..وزاد عليه كلام امه وان ارجوان ماتبي تحمل منه...انا متأكده ان جابر ماراح يشك بشرف ارجوان بس بيزعل من سالفة الحمل ...
وتوقعي يقول ان ارجوان حاامل...حامل...حامل..وخروجها مع السايق ماكان الا لغرض حملها...
ويارب هالتوقع صحيح لانه هو الوحيد اللي بيبرد قلبي هالفتره..
على الاقل بيكون فيه شيء تقدر تدافع فيه عن نفسها قدام جابر لو واجهها...
خلاص عورني قلبي من جديد عليها المسكينه...جابر بيتحمل...ومو اول مره يمر بهالموقف...بس ارجوان ومشاعرها...والاتهام..والحقيقه اللي عرفتها...يالله قد ايش صدمتها...
تدرين ميشو كل ماحسيت بمشاعر ارجوان اكثر كل مافكرت في ابداعك...يعني من جد حبكه دراميه ولا احلى وولا * أقسى * ...
ماشاء الله على ابداعك لو امدح فيك لبكره مايكفي كمية الاحساس الحلو اللي توصلينه لنا ..

جابر ان شاء الله بيخالف توقعات العجوز...وبيصرون عليه عياله يبون امهم...
حتى فكرت ان زهور لو عرفت باللي صار ممكن تشرط على جابر يايرجع زوجته ياتتطلق هي ..
فكرت انها بتكلمه لو عرفت وبتقنعه..حتى سيلا قلت بتعاتبه..وحطيت كل الاحتمالات اللي ممكن تلين راس وقلب جابر على ارجوان...
ووآخر احتمال فكرت فيه انه بيسال السايق ورغم تهديد ارجوان له لكن بيضطر يجاوبه ولو عرف انها تروح للمستشفى بيروح لدكتورتها ويسالها وبتصير حامل واااو ياوناستي لو صار هالسيناريو...
المهم ، ميشو تعالي عطيني اذنك بقولك شيء...((معك بارت والا بارتين بالكثير وتحلين مشكلة ارجوان ...ماراح نرضى تطول اكثر من كذا والا بنسوي حزب ضدك ))
يالله يابنات كلكم صفو معاي ... والا مابترحمنا ميشو ...

وسن ونواس ، تغير نواس هو اللي بيساعد وسن تتقبل الوضع وتفهم حقيقة مشاعر نواس .. على الاقل نفسيا ماراح تتالم كثر قبل وهذا الشيء بيطمن نواس عليها...الوسن ابي عندي فرس مثلها ياحبي لها أكثر من صاحبها ..آممم يمكن نواس قال كلمته السحريه لوسن ... لانه واضح عليه فاقد السيطره على مشاعره .. او يمكن قال لها انه كاشفها وعارف انها صاحيه .. خخخخخ...

مي،ليش مستغربين ردت فعلها..حتى لو كانت متزوجه نواس ماهو شرط تتاثر من زواجه...يعني لو هي تكن له مشاعر كان قلنا يمكن...لو هي على الاقل ماتحبه ولا تكرهه بعد قبلناها...بس هي تحب شخص غيره .. طبيعي بتفهم مشاعره وبتحاول تساعده بعد .. لانها عارفه بالاول والاخير هي مو لنواس وهو وضح لها شرطه من البداية .. يعني ردت فعل طبيعية جدا جدا .. مو شرط كل زوجه تغار على زوجها حتى لو ماتحبه ! فيه زوجات وهي تحب زوجها الغيره عندها ميته ...يعني مي طبيعية جدا..

سما ونزار...بديت احس ان سما الكبيره ونزار الطفل..ياخي وش هالتفكير اللي عليه...فضيعع...رحمته وهو يقول لامه كلميها..حسيته فعلا يبيها ...ويبيها مو لانها تحبه وتعلقت فيه .. لا يبيها لانه هو يحبها ولان مشاعره قاعده تكبر يوم بعد يوم ناحيتها .. آممم ممكن اخذها بعيد بيقول لها لو تحبين شخص ابقي على حبه وانتظريه .. بس ما اتوقع يفضح مشاعره قدامها .. لانه بعدها صعبه بيعيشون مع بعض وهم كل واحد عارف شعور الثاني .. يمكن يقوله لها بطريقه غير مباشره وهي تفهمها بذكائها او ان امه تفهمها رأي نزار .. او بيتتظر لما تروح لاهلها وساعتها بيقول لها عن مشاعره ..

دعاء...ياربي من هالانسانه باقي عندها محاولات تبعد سما عن نزار حركاتها سخيفه وقهرتني بس زين رد عليها نزار...عاد يارب تفهم كلامه وماتحاول تتدخل لا فيه ولا في سما ..


رضا وزهور ... عجبتني طريقة رضا ... اذا كانت ماتبيه على الاقل تخليه يرتوي شوي من قربها قبل تفارقه .. وطريقة اهتمامه فيها وتعامله معها هي بالضبط الطريقه الصحيحه اللي يقدر فيها يسترد قلب زهور ..

بتول ومعتصم...ماعجبني كلامها لسما ابدا .. وانها بترضى فيه لان ماقدامها غيره وهو انفرض عليه .. يعني انتي بلسانك يالنصابه قلتي انك معجبه بهداياه....يعني اعجبتك الهدايا وما اعجبك صاحبها .. ! بس معتصم قاعد يضغط عليها بالمراقبه كثير واكيد بتول مو من النوع اللي يرضى بهالشيء...يمكن نشوف طريقه جديده في التعامل بين معتصم وبتول خاصه ومدرستها خلصت ... اتوقع بتكثر طلعاتهم وبتتعرف بتول على معتصم الثاني ..

وليد..فعلا ماخيب ظن نواس وهو يأتمنه على بيته..فعلا هذا الصديق الحقيقي...عاد خلها تخلص السنه وتتضبط امورك وتلقى نواس بيخطبك لمي .. هذا لو مازادت افكارك الغبيه وظنيت ان مي حبت نواس وبتعيش معاه ..

ملاك ومعاذ...الثنائي المضحك المبكي.احس على قد ما انا مبسوطه منهم على قد مابزعل عليهم بالاخير...


ميشو ارحمي قلوبنا واختاري جهه وحده تفجرين قنابلك فيها ياجابر يارضا يا نزار ... والباقين شبه تطمنت عليهم ..

آخخخ متى يجي الاربعاء بس 😧

نزار و سما ..
اولشي ميشو انتي متي ناوية ترحمينا من دعاء هاذي .. البنت ذي اول ما اشوف اسمها ضغطي بيرتفع و سكوني بتطلع .. يا من يمسكني رقبتها بس ..
نزار .. دواك و اقل من جزاك .ز جعلني اشوفك تهاذي بسما .. اجل ليش الغباء ذا كله ..
يعني و احبها و تحبني و يحب ناقتها بعيري .. بس صغيرة و امانه و غنيه و بطيخ
يلا روح راضيها و قول لها انتظريني و انا لك و خلينا نفرح شوي
سما .. حبيبتي انتي .. اصعب احساس احساس الحب بدون امل .. المشكله ان البنت حساسه يعني ممكن يجيها اكتئاب .. هذا اذا ما كان اسعد خائن و عرف مكانها و عرضهم كلهم للخطر ..
احس الجاي مظلم لذول الثنين ..

زهور و رضا ... احس عذاب رضا توه في البدايه ..
بس انا في شي مستغربة منه ..طالما كان يدري .. شلون تركها لغيرعه .. حتي و اذا امها اجبرتها . كان ممكن يروح لجابر .. يسوي اي شي .. حتي يخطفها .. ليش تركها ؟؟
ميشو .. متي بتحكيلنا السالفه ؟؟

يسعد مساكم


صحيح هموستي أبداااع كالعادة سامحيني قرأته على مراحل ونسيت أعلق على نصك الرائع ..



فارغة تعليقك حلو كالعادة ومبارك التألق يا قمر ومنها لأعلى ..




تحياتي ميشو ولمتابعاتك العزيزات


○° الله أغفر لي ذنبي كله ، دقه وجله ، وأوله وآخره ، وعلانتيته وسره .°○