يااااااااااااااااالهوووووووووووووووووووووووووووووووووي انااا دااايخه يااقدعااااان

واااااااااااااااااااه
فيديتو اللي يعترف انو يحبها يا عمري يا قربى راح تشوفي اياااام عسسسسسل
مشكورة مشاعل في انتظار القادم على ناااار

السلام عليكم..
ميشاااااااااااا اووووه ماااي قااد .. ابدعتي وكنت بقمه على قمه فوووووق فوووووووق فوووووووق قمـــه.. ماشاااء الله تبارك الله ربي يحميك ويبارك لك في موهبتك.. يعجز الكلام والمدح والاعجاب انه يوفيتس حقتس ..
البااارت هذا وخصووصاا مقاطع عمران وقربى كتبتبها بالذهب صح ؟.. ماتخبيش علينا الخلطه السريه ياابت... والله وبالله انه اجمل مقطع قريته بالروايه هو ومقطعهم عقب ما انجرح فخذها بعد حادثه الفندق.... يختي سووي لنا مقاطع حلوه كذا لجيل ومتعب.. خليه شوووي يتحرك يتعلم من المعلم عمران..
ياالهوووووووووي عمران وقربى الله لاايغير عليهم الا للاحسن يااخوووفي الحاقدين والحاسدين واوولهم هنده تحوس ربعنا.. هي مليوون بالميه من تشووفهم راجعين بتعرف ان وضعهم تغير 180 درجه وما ادري اذا دور ولد عمتها الداعشي ماجد انتهى والا بيرجع مره ثانيه لنا ونشووفه الله لايبارك فيه لاهو ولا امه..
والله مالي خلق توقعات لوضعهم اخاف اتوقع توقعات تجيب الهم وتخرب جوووي العليل معهم اليوم.. قريت مقاطع قربى وعمران وجيل ومتعب عشر طعش مره.. وكل مالي يعجبني المقطع اكثر من المره اللي قبل..

وش عنده ابو رافد وهالنظرات ؟؟وش ناوي عليه..؟؟ عنده شي مهوب خالي عمراني.. بس وشوووو ؟؟ وش بيصير بقطر؟؟؟
يمكن يمكن يمكن بيجيب امها هناك من العراق وبيخليها تتقابل مع قربى ؟؟ قطر بيصير فيها شي خاص جدا لقربى.. وحاليا مافكرت الا بان امها اللي ممكن تجي هناك وكله لعيون قربى ..

جيل متعب .. يااااااااااااابوي يااجيل ايوا كذااا خليتس جريئه مع متعب المتحفظ متعب الموتعب بجد.. بس يجنن يجنن وانتي بعد تهبلييييين.. ابد انتي بس استمري بموجه ياروحي وياعمري وياهلا والرجال خلاص بيجيتس وينط بحظنتس بدون مايدري عن رووحه.. اما فريال هذي والله ثم والله ماتساوي قلامة اظافرتس عند ابو نوف فارقدي وامني..
وقحه مره الله ياخذها وقليلة ادب.. عنود تموت فيها لانها ماتعرف وش تخطط له هالحيه الرقطا..لكن نوف كاشفتها وتجنن نوف وبما انتس يااجيل عندتس حليف بقوه نوف فلاتخافين وارقدي وامني وحطي ببطنك بطيخه صيفي>>فيس اشتهى البطيخ..هخهخهخه
لكن فريال هالحقيره اتوقع بتزيد جياتها ودخلاتها لبيت متعب بحجه تشوف بنات اختها وهي تبي تشوفه هو وكيف يتصرف مع جيل..بس فريال هذي بيجيها شي من متعب بخليها تحرم تطب بيته.. فيه احتمالين الأول يا انه بعد موقف الخاله الوقحه يقول للبنات خالتكم لاتطب بيتي ولا اشوفها فيه وواذا بتشوفونها روحوا عند خوالكم وشوفوهم كلهم هناك..وهذا اتوقع بعيد شوي انه يحصل..
والثاني ان جيل هي اللي تمنع دخولها بعد مابيكون فيه مواجهه كبيره وعنيفه بين الثنتين ويمكن يمكن ان متعب يحضرها او يسمعها وهو بغرفته.. واصلا فريال هذي يمكن كانت تبي متعب من يوم كان زوج لاختها وهي حاطه العين عليه وراسمه عليه لمصلحتها.. ؟؟نوووف عندها علوووم وعلوووووووم عن خالتها وقبل هذا هي فاهمه الوضع اللي بين ابوها وامها .. الا نوف كم عمرها يابنات؟؟؟
وبعدين خلاص ميشاا نبي متعب يتقاعد ويرتاح ويريح هالضعيفه جليله.. نبيه يتقاعد بدون مشاكل واسلحه .. ياخوفي بس ان متعب قبل تقاعده يلقى احد من اللي يكرهونه يتربصون فيه ويحاولون يغتالونه.. بالله ياا ميشا فكينا من هالسيناريو..

مهاب وجوزيده: يازينكم زيناااااااااااااه ياارب يتمم عليكم الفرح والسعاده.. والله مدري ليش اذا قريت مواقفكم استانس واجلس اتبوسم مدري وش يدخلني لكني استاانس اذا شفت الناس مستانسه لوو بالقصص..
الله يكفيكم شر العلل اعفنان وامها...احس بيكيدون لكم كييييييييييد بيخلي اوضاعكم شرق غرب..لكن عاد باذن الله مايقدرون عليكم يوم انكم متمسكين ببعض..
نصره ومعد : ياااربي والله للحين مو متقبله زواجكم وكله منتس ياانصره حسبي الله عليتس جايه تقولين له بزوجك على كيفي.. حماره انتي والا وش يااحماره؟ بس معد صراحه اعجبني ماينفع معتس الا اسلوب الصدمات خلي عنا هالفلسفه الخايسه اللي انتي عايشه فيها.. وبعدين تراه صادق هو زوجتس مو غريب وماتزوج الا يبيتس تكونين زوجه مو اخت بطلي هالفلسفه الخايسه.. وانتبهي لابو عبدالعزيز..
اتوقع مها ماهمها معد يعني ماتبيه زوج لكن اللي يبيه يتزوجها هو الجد ..باين انه شااايل على معد وزعلان منه ولايكلمه بعد ولا شي وراز خشمه عليه..لانه اكيد متزوج نصره غصب عنه..
معد اعجبني يوم يقول لامه اول مره نشوف بعض.. مدري ليه بس اعجبني؟؟

بخوت وصياف :ماراح اتكلم عن عمتس المجرمه الله يااخذ حقتس منها بالدنيا قبل الاخره حسبي الله عليها.. لكن الحمد الله اللي بدلتس بعمه تهبل مثل اميمه يقطع من جهه وياصل من جهه .. انتم يا الاثنين يبي لكم جووو خااااااص ومميز لكم بروحكم .. مافيه احد الا انتم ...
والحين ياابخوت بتروحين مع صياف للعمره.. يااااااااااااااااااازين العمره أي والله.. ياارب ماتجون من مكه الا ووانتم خلاص متزوجين... اممممممم العمره بتقرب بينكم او بالاصح بتكون اول مره تحتكون في بعض ويتقابلون حتى لو ماتكلمتوا ..لكن العمره مع صياف يمكن تكون بتخطيط من اميمه عشان هي تفكر بشي وتبي تنفذه وتبيكم يا هالاثنين تتقابلون وتعرفون بوجود بعضكم ..
انتم الاثنين مجروحين وتعبانين ومتحطمين نفسيا اكثر من صحيا فكل واحد بيكون علاج للثاني.. انتي يابخوت يا العجوزه احس انتس ممكن تتكلمين عند صياف بعلوم البدو اللي يحس انها تصلح للكبار وبتدخلين مزااجه على طووول بس كزوجه يعني يبيلتس تكه..اتوقع بالاول ماراح يصير بينكم أي تواصل بالكلام لان كل واحد بيكون مستحي من الثاني واللي بتسلم دفة الكلام والسوالف هي اميمه بس بعدين من خلال تساؤلات اميمه لكم وجواب كل واحد بتعرفون شي من شخصيات بعضكم لبعض>> مدري ليش اتوقع ان توقعي هذا فشنك مع انه معقول جدا ..>>>فيس يعزز لنفسه..ههههههه

ودي بكلااام وااجد اقووله بس عندنا عاد قهوة حريم العصر وماما بتنحرني بدون يمه ان درت اني جالسه على اللاب واتغزل بعمران ومتعب.وتاركه المطبخ.ههههههههه
تسلم الايااادي ميشا وبانتظار البارت الجاي على احر من الجمر فلا تخلين انتظارنا يطووول يا املكة الابداع..