ان شاء الله تستمتعون بالقراءه..
..البارت الثامن والثمانون..
وارسلتها له كتبت كذا علشان يجي
ابغاه يحس بالفضول ويعرف ان جيته تهمني
و علشان اتٲكد انها وصلته دقيت ع رقمه
لما دق سكرت يعني مفتوح
ولو مااهتم برساله صوت الاتصال بيخليه ينتبه
الحين خلاص احس اني سويت الي ابغاه
بس بقي اتصل اتٲكد من الحجز
ولما تٲكدت طلعت من الغرفه بٱبتسامه وجوالي مو معاي
اكيد ماراح يرد ولاول مره من اخذت هذا الجوال معد اهتميت فيه
لان بالاول كان صلتي الوحيده بليث
بس انا الحين بقابله ان شاء الله
جلست بالصاله وانا اشوف عبدالرحمن تو راجع
سلم ورمى نفسه ع الكنبه وقال""ماادري متى بخلص""
قلت بضحكه""اذا قصدك من الجامعه مااتوقع تخلص هي كذا بنسبه لك لا نهايه""
طالع فيني بطرف عيونه وقال""اما انتي كل شي ينتهي بسرعه""
عرفت دقته و وقصده
قلت وانا ارجع ظهري""ينتهي شي ويجي شي جديد مو نفس الشي طول الوقت""
تجاهل ردي وقال""وين امك""
قلت""بغرفتها""
وطالعت بالتلفزيون وبعد ثواني تذكرت وقلت وانا ارجع اطالع فيه""اليوم خليك في البيت بيجي اثاث غرفة الاستقبال""
حرك راسه بطريقة طيب بدون مايتكلم
مدري متى بيجون يمكن العصر ولا المغرب
بهذا الوقت ببدا اتجهز وبقول لامي ان ليث هو عزمني
يمكن نقدر نتفاهم وبتصدق اكيد
هي تشوف الغلطان هو الي يبدا وانا ببدا
لما طلعت دخلت وراها المطبخ علشان بكلمها
احس ودي كل شي يصير بسرعه علشان يمشي الوقت
قلت لها بٲبتسامه عريضه""اتصل وعزمني ع مطعم للعشى ان شاء الله نتفاهم""
ابتسمت لي وقالت وهي تتقدم وتمسك يدي""فرحتي بٲتصاله""
قلت""ايوه""
قالت""اتصاله وعزيمته يعتبر اعتذار وانتي فرحتي لا تعقدين خلاص ارجعي معاه""
ان شاء الله يارب
حتى لو مارضي مره المهم يسمع ويفكر ويلين شوي
قلت""لا مابعقدها كل انسان يستاهل فرصه ثانيه""
هذا الكلام التشجيعي قصدت فيه نفسي
استاهل بدايه جديده لحياتنا
ضغطت ع يدي بتشجيع وقالت""بيجي يٲخذك بالسياره ولا كيف""
قلت""لا ماراح يجي بروح بتكسي""
قالت بٲستنكار""بليل ووحدك بتكسي لا عبدالرحمن يوديك""
مو مشكله المهم اروح وبس
قلت""طيب""
بعد هذا الكلام الي فرح امي شكلها كانت تحس بتٲنيب الضمير
بدات تسوي الغدا وانا قطعت السلطه وطبعا مو انا طلبت بس لما اعطتني مارفضت
واول ماتجمعنا ع السفره قالت امي لعبدالرحمن لا يطلع يستقبل الاثاث ويوديني الساعه تسعه
طالع فيني عبدالرحمن بعتاب ليش اني مااكلمته قبل امي
اساسا ماكنت ناويه اكلمه
رفعت كتفي بمعنى عادي وطالعت بالساعه
الحين ثلاثه بس الوقت غصب يمشي
بعد الغدا دخلت غرفتي علشان بصلي العصر وبجلس ع النت شوي يمر الوقت
ودخلت موقع الشركه وشفت ان الصفحه الرئيسيه تغيرت
مو هذا شغلي مين سواه وكل شي مرتب وكٲنهم حطو وحده بدالي
انا كنت ناويه اطلع من الشركه بس بعد مااختفت فكرة المشروع وحياتنا الي بنكملها سوا انا وليث
ودي ارجع الشركه
استغربت من نفسي الله حتى مافكرت بشي ثاني بس الشركه وكٲني ابغى اكون جنب ليث ع طول
الحين خلينا نصلح الامور وبعدها اشوف موضوع الشغل هذا
وتميت اشوف التعليقات والردود والصور الجديده مسرع البنت الجديده صورت وثبتت مكانها
سكرته بكئابه مو وقت كثير الي يبقى مكانك فاضي دايما احد يعبيه
ان شاء الله مكاني عند ليث كبير ويعطيني فرصه
طالعت بالساعه بقي شوي ع اذان المغرب وللحين ماجابو الاثاث
دخلت اخذت دش استعدادا لطلعه وصليت
واغراضي للحين بمكان واحد متجمعه
فتحت الشنطه وطلعت المكياج الحين انا البس نقاب الحمدلله اقدر احط مكياج
بديت اسوي وشوي ودخلت امي وساعدتني واعطتني رائيها
ولما خلصت احترت اش البس ابغى شي خفيف وحلو
اذا رحنا البيت
اختارت لي امي فستان طويل حلو وخفيف الحركه
لبسته وشعري لميته اذا وصلت البيت عدلته
ولما جهزت صليت العشى وطالعت بالساعه
بقي نص ساعه للمشوار اكيد
لبست عبايتي ونقابي واخذت شنطه حطيت فيها جوالي والهديه
وطلعت مستعده ومعاي امي كان الكل موجود بالصاله
جدتي وابوي وعبدالرحمن وقالت لهم اني جاهزه لعزيمة ليث
ابتسمت بفرحه ماتفرق مين عزم مين المهم نتقابل
طلعت ورا عبدالرحمن وطلعنا السياره بصمت بعد وقت
قال""اي مطعم""
لما قلت له اسمه حرك راسه بطريقة طيب
وانا بجواتي قاعده استعد لمقابلته
بعد صمت وقت قال""منجد عزمك ليث ولا انتي عزمتيه""
قلت وانا اخذ نفس""تفرق""
قال""تفكيرك غريب الحين بعد كلامه بالبيت وقدامي وتعزمينه وتتوقعين يجي""
قلت بتعقيدة حواجب""عبدالرحمن لا تقول كذا لا تخوفني بيجي اكيد مر وقت ع ذاك اليوم اكيد هدي او ع الاقل يعرف انه يستحق شرح""
قال""ماادري عنكم""
بهذا الكلام شل يده من الموضوع
وسكت حتى وصلنا المطعم
قلت له بتوتر""تٲكد من الحجز وبعدين انا ادخل""
طالع فيني بستغراب وقال""اش فيك اش هذا التردد تبغين ارجع اقولك لغوه ولا ايش""
فتحت باب السياره وانا اقول بشجاعه""طبعا لا المهم ارجع البيت""
ودخلت المطعم وكل شي مشى بسرعه وسهوله
بس قلت اسمي وراني الطاوله وكانت في مكان نوره خفيف ومعزوله
اقدر حتى افتح النقاب بدون محد يشوف
بس ابغيت افرح ليث
عدلت جلستي اكثر من الف مره لما جاء يسٲل اش اطلب
قلت له انتظر احد يجي وبعدين نطلب سوا
حرك راسه بطريقة طيب وراح
ومن بعدها ماجاء وندمت ياليتني طلبت مويه ع هذا الجفاف الي احس فيه
طلعت جوالي من الشنطه علشان اشوف الساعه
كانت تسعه وعشر دقايق هذا الوقت كله عشر دقايق بس
لسى بدري مره
تميت وقت والجوال كل ماظلم نورته اشوف كل دقيقه تمر
بعد عشر دقايق ثانيه بديت اتوتر بقوه
يعني ماراح يجي
لا كيف ماراح يجي الساعه لسى ماوصلت حتى تسعه ونص في وقت
اكيد في وقت
كنت اهدي نفسي وابعد فكرت انه مابيجي
مع انه مطعم الا اني مااسمع ولا صوت مافيه احد يعني
اكيد فيه مو امس كله كان محجوز
طيب ليش هذا الصمت انا متوتره وزدت توتر
وينه ليث ليش تٲخر كل هذا الوقت
طالعت بكل شي حولي بتركيز حتى بالتفاصيل
وبعدها طلعت هدية ليث علشان اتٲكد منها
وفتحتها وطالعت فيها شوي
ان شاء الله يحبها
وبعدها سكرتها بشويش ورجعتها الشنطه ع اقل مهلي
وعدلت جلستي وعبايتي ونقابي وطالعت بالجوال اشوف الساعه
طلعت تسعه ونص بس
ياربي
تنهدت بعدم صبر
واتصلت ع ليث استعجله واذا مابيجي يقول ويخلصنا
دقيت مرتين ورا بعض لنهاية الاتصال بدون مايرد ولا يقفل بوجهي
بديت اقلق عليه اش فيه مايرد
يمكن صامت بنتظر شوي وبرجع اتصل
اكيد بينتبه له
بعد مامرت خمس دقايق والجوال بيدي
رجعت اتصلت عليه ولا رد
اش فيه
سكرت واتصلت ع عبدالرحمن رد بسرعه قلت""عندك رقم تلفون البيت ولا مسحته""
قال بستغراب""تلفون مين""
قلت بعدم صبر""ليث""
سكت ثواني وقال""هو ماجاء للحين""
قلت""لا عندك التلفون ولا لا""
قال""ايوه""
قلت""ارسله يلله""
وقفلت انتظر الرقم بتصل بسٲل عنه
اكيد بترد علي سوناتا مثل العاده
واسٲلها يمكن تعرف او تسٲل محمد
معقوله من الظهر ارسلت له وللحين ماجاء
بعد دقيقه جات رساله فتحتها كان رقم التلفون
حفظته وهذا ثالث رقم مسجلته عندي
مسحت الرساله وقلت بسم الله بنفسي
ان شاء الله انه بخير
وتو نويت اتصل جاتني رساله
ولما عرفت انها من ليث فتحتها بترقب كبير كان كاتب(اعتذرمشغول)
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
‏( فَنِعْمَ أَجْرُ الْعَامِلِينَ )
صيام يوم يباعدك عن النار سبعين خريفا اعمل صالحا واجتهد في الصالحات ، فثمة نعيم لا يبلى ، وخيرٌ لا ينقطع ، وجنّة لا تفنى
وتذكر امنيه الموتى
‏﴿ ياليتني قدمت لحياتي ﴾

ان شاء الله تستمتعون بالقراءه..
..البارت التاسع والثمانون..
كل التوتر والترقب والخوف عليه تحول بلمح البصر الى فراغ
وكٲن بهذي اللحظه ماعندي شعور
كل شي صار بارد وصامت
انحنيت شوي ورجعت قريت الرساله مره ثانيه
حتى ماحط فراغ بين كلمة اعتذر ومشغول لهذي الدرجه ماعنده وقت
ولا مايبغى يرسل لي كلام كثير
وحتى لو كان فراغ
توه يرد علي بعد حوالي ساعه من الانتظار الطويل
وانا بكل لحظه ارتب كلامي واستعد لشرح
وافكر شلون ارضيه
مسحت الرساله وكٲني ابغى انساها او اتجاهلها
بس ماابغاها بجوالي وخلاص
ودخلت مسحت كل رسايلي الي ارسلتها له بدون مااقراها
اساسا انا متذكرتها مايحتاج اقراها
ورجعت جوالي الشنطه وعدلت جلستي وكٲن احد جالس قدامي
ومرت ثواني ثقيله وانا العب بٲصابعي في مفرش الطاوله
كنت متٲكده ان التنفس عمل لا ٳيرادي بس بهذي اللحظات شكيت
كنت اخذ انفاسي بصعوبه وبٲراده
ليث ماراح يجي
يعني كان هذا رده ع كل كلامي
يعني خلاص اخذ قراره
معد يبغاني بحياته وطول هذي الايام محاولاتي كلها مالها معنى بنسبه له
كيف كان يقراها رسايلي بضحكة مسخره ولا كان يمسحها قبل مايشوفها حتى
تٲكدت الحين انه لو كان يحبني شوي بس كان سامحني
لاني اثبت له اني احبه واني ابغاه هو
كنت حاسه اول ان انا السبب بٲنفصالنا بس بهذي اللحظه صار السبب ليث
وللحين عندي استعداد انه لو يجي بكره او بعده او بعد اسبوع راح ارجع معاه
وراح انتظره
يعني طلعت انا احبه اكثر منه
بس هو ماراح يسامحني ولا راح يجي لو بعد مليون سنه
كل مره خلال الايام الي كنت فيها عند اهلي واليوم الي ثار ليث فيه علي وقلت اني حسيت بيٲس او بالكئابه او الفراغ او الحزن مايوصل لاحساسي الحين
خسرته وخسرت روح المحاوله
ماراح يسامحني او يعطيني فرصه
وقفت بتعثر وثبتت الشنطه ع كتفي وانا احسها ثقيله
ماراح ارجع معاي هديته للبيت
وكل ثانيه اطالع فيها بحسره ودموع يكفيني هذا الصد
ومثل ماوصلتني هديتي بتوصله هديته وبنفس الاسلوب
وقفت بمكاني وقت علشان اجمع نفسي
وبعدها طلعت من المطعم بخطوات سريعه بمحاوله انهم مايعرفوني
ماطلبت شي علشان كذا مايحتاج
بس علشان حجزي حاسه بٲحراج
انا عارفه اني مو وجه مطاعم راقيه ولا انا راجعتلها ابدا
اكتفيت منها
طلعت وكان الجو بارد بهذا الوقت
الحين الساعه عشره تقريبا
بس احساس الانتعاش والحماس الي كنت احس فيه بهذا الجو ماله وجود
زاد كتمتي
ماابغى غير سريري
مشيت شوي وبعدها وقفت تكسي ولاول مره احس بتردد وعدم راحه وانا اطلع السياره وحدي
ماعرفت نفسي احس اني مو بحالتي الطبيعيه
اش هذا الضعف كله اخذت نفس عميق""كل شي بيكون تمام""قلت هذا الكلام بهمس
علشان اشجع نفسي
وصفته له بيت ليث بعطي سوناتا الهديه وهي تعطيه
وبوصيها ترميها رمي واذا صكت بجبهته يكون المطلوب
حسيت الدموع تجمعت بعيوني بس مسحتها بسرعه الله اش هذا الضعف والاستسلام
تقرفت من نفسي ومن مساختي
مابتوقف الدنيا عليه هو بعد بيخسر احد يجبه وبحجم حبي هذا ماراح يلقى
بيتم وحيد هذا هو الي يبغاه
لما وصلني البيت قلت له ينتظر
نزلت وقبل ماادق الباب طلعت الهديه من الشنطه ماابغى اطول هنا بعطيها وبرجع البيت
ماادري اش بتفكر امي لما تشوفني ادخل مع الباب
بيخيب املها وتتوقع اني عقدتها واني غلطانه
ولما تشوف حالتي ينكسر خاطرها علي وتهديني
طيب وعبدالرحمن وجدتي اش بيقولون
دقيت الباب بحده شوي ماابغى اتم هنا دقيقه
فتحت الباب سوناتا شوي وطالعت فيني تنتظرني اتكلم
شكلها ماعرفتني
فتحت النقاب علشان تعرفني ومديت لها الهديه
وهي اول ماعرفتني فتحت الباب كله علشان ادخل
اكيد تدري بٲغراضي الي انرسلت وهي اكيد الي جمعتها
ليش ادخل يعني
بعدت هذي الفكره وركزت ع الي جيت اسويه
قلت بسرعه""اعطي هذي ليث وقولي له انها مني خلاص""
طالعت بيدي وشكلها مو عارفه اش تسوي
قلت بحده لجمودها""خذيها سوناتا""
ماابغى اطالع بشي في البيت
مركزه بعيوني ع وجهها
ماابغى احس بٲي شي غير اني ابغى ارجع البيت وانسدح ع سريري بسرعه وانام
لي يوم تقريبا صاحيه ومتحمسه وفرحانه لهذا القاء الي ماصار
منجده عبدالرحمن ماادري كيف افكر انا
ولما اخذتها قلت بسرعه وعفويه لما شفت مسكتها كيف شايلتها بدون انتباه لانها تطالع فيني""انتبهي عليها""
رفعت عيوني لسوناتا وانا تو انتبه لنبرة الاهتمام الخالص بالهديه
وهو ماجاء للمطعم الي هو قريب من الشركه ومن البيت يعني واضحه بس اش اقول
نزلت نقابي استعداد لروحه
بس قلت بضحكة توتر وانا ارجع ارفعه""ماسلمت عليك ولا سٲلت عن اخبارك ماادري اش فيني""
دخلت خطوه وسلمت عليها وبدون مااسيطر ع نفسي طالعت بالدرج
مع اني وعدت نفسي بس ماقدرت
ونظره وحده مو مشكله
المشكله الكبيره والحقيقيه اني لما طالعت بالدرج عيوني التقت بعيون ليث
الي واقف بنص الدرج لابس رياضه ويطالع فيني
ماادري من متى واقف
بس الي مو بس ادري الا متٲكده منه ان ليث مو مشغول ولا شي
كان يكذب برسالته
ولما ارسلها كان في البيت وحضرتي صدقته
انا عارفه انه مايبغى يجي
بس قلت بيتعذر بصدق بيلقى شي يشغله
بس انه جالس في البيت ويقول مشغول
كانت هذي كبيره كيف قدر يسوي كذا فيني
كيف
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
""‏إِنِّي أَخَافُ اللهَ رَبَّ الْعَالَمِينَ "" لو كان هذا جوابنا على كثير من وساوس النفس والشيطان وصحبة السوء لنجونا من كثير المهالك والفتن...