ان شاء الله تستمتعون بالقراءه..
..البارت الواحد والسبعون..
مسكت الاب بيد والثانيه رفعت فيها بلوزتي وانا اطالع فيه بحده
اش فيه مجنون
قال وهو معقد حواجبه""اش هذا الي بظهرك""
قلت بعد ثواني لاني استغربت سؤاله""مافيه شي""
قال وهو يلف حول الكنبه""لا فيه شي هذا مني صح""
جاني فضول مو طبيعي حطيت الاب ع الكنبه وقلت""اش فيه بشوف بالمرايه""
وانا امشي بتجاه الغرفه سمعته
يقول وهو يمشي وراي""يعني ماتوجعك""
فهمت الحين ان الظربه الي جات في كتفي من ورا معلمه
ماقد شفتها ولا عاد توجعني
كيف انتبه عليها وانا ماشفتها
وبلوزتي فتحت الظهر فيها مو واسعه
قلت وانا ادخل غرفة الملابس""لا ماتوجعني""
لان بنبرة صوته كان واضح الندم
وبعدين مو قصده
بس بعد لحظه ندمت كان استغليت الوضع مو هو يقول ياليتها اوجعتك
كان ندم اكثر بس خلاص سالفه وانتهت ماله داعي نرد نتكلم فيها وهو الي انتبه قبلي
وقفت عند المرايه وانا مميله نفسي ومنزله البلوزه من ع كتفي علشان اشوف
بس ماشفت شي
رفعت عيوني اطالع بليث في المرايه وقلت وانا افكر اش لبست لما رحت عند اهلي اتٲكد هم شافوها ولا لا""واضحه يعني تنشاف""
قال بنبره منخفظه""اسف قلت لك ماكنت اقصد""
طالعت بعيونه شوي
هذا الرجال اخلاق وذوق يعتذر ع شي ماقصده
قلت بٲبتسامه وانا ارجع اميل نفسي اكثر علشان اشوفها""يعني لهذي الدرجه بشعه علشان تعتذر""
قال بروح ابتسامه وهو يتقدم خطوه ويصير قريب اكثر""لا مو بشعه مين يقول""
قلت بمبالغه وانا ارجع البلوزه ع كتفي واطالع فيه بالمرايه""ريحتني""
بس قبل مانزل يدي حتى
قرب خطوه وصار وراي بالتمام
صح مو لاصق فيني بس احس بوجوده
ورجع نزل البلوزه من ع كتفي بٲطراف اصابعه بنعومه وبطء
وانا اطالع فيه بالمرايه لاول مره بنظره تقيميه لملامحه كرجل واعجبني الناتج
اول مره انتبه انه كذا وسيم
بس هو ماكان يطالع بوجهي كان يطالع بكتفي من ورا
لمس بشرتي بخفه وبعد ثواني نزل راسه وباس مكان العلامه اتوقع
لما بعد راسه عني بعد اجزاء من الثانيه قال بصوت ناعم منخفظ وهو يرجع البلوزه بمكانها ولسى عيونه ع كتفي""وهذا اثبات""
رفع راسه وطالع فيني بالمرايه وابتسامة اعتذار ع شفايفه
وانا كنت جامده في مكاني بس اطالع فيه
بعدها مشى للحمام بخطوات معتدله وسكر الباب وراه وانا لسى واقفه بمكاني
مصدومه من دفعت هذي المشاعر القويه صح كانت اجزاء من الثانيه بس للحين احس بشعيرات ذقنه انغرزت ببشترتي خلت عمودي الفقري يرتجف
مع ملمس شفايفه الناعمه والنفس العميق الي اخذه خلال البوسه خلت كل عظامي تخف صلابتها
وكل هذا خلى شعور الصدمه هو المسيطر
كأن عالم كامل فجاءه انخلق جواتي بٲزعاجه وسرعته وضخامته
كان يعتذر بحنان شي جديد علي
في المكتب يمكن الموقف اعمق من كذا
بس ماانوشم بروحي مثل
هذا كان احساسي ذاك الوقت الفضول فقط اجرب شي متوقع بضروف ثانيه
بس الحين غير حتى ماكان انتظار اشوف اش بحس فيه
حركته لمسة روحي وشخصيتي تفاجاءة انه لمس روحي بتصرف بسيط مثل كذا
ولا هي تراكمات لمواقف اعجبني فيها تصرفه
المهم انه علم علي
طالعت في باب الحمام لثواني وبعدها طالعت في المرايه اشوف بجامتي وشعري ووجهي بنظره تقيميه
بس بعد ثانيه طلعت لصاله ماابغاه يطلع من الحمام ويلقاني نفس مكاني مثل البلهاء
جلست ع الكنبه وانا اخذ نفس عميق كل شي طبيعي طبعا ماابغى اسمع منه(بدينا عرفت ان بيصير كذا)
اخذت الاب وفتحته وكنت انتقل من صفحه لصفحه بدون مااركز مثل اول
بذات لما سمعت باب الحمام ينفتح واتوقع انه بيطلع بسرعه حاولت اعدل شعري ورجعت مسكت الاب
هو اش قال اخر كلمه هذا اثبات
يثبت ايش رجعت استرجع الكلام بس كنت انط ع طول لبوسته
هذا كيف لو صار شي اكبر
بس طبعا ماراح يصير شي احنا بيننا اتفاق وحتى السبعه شهور كثيره
يعني لا افكر
رجعت مره ثانيه احاول استرجع وفهمت انه قصده يثبت انها مو بشعه
مسرع يتشتت عقلي
طلعت لصفحه الرئيسيه وكتبت ليث ابراهيم اشوف اش يطلع
وانا انتظره يطلع من الغرفه
وحاولت اشوف اذا موجود ببرامج
بس بعد دقيقه حسيت فكره بايخه وغبيه هو مشغول غصب يلقى وقت ينام
فكتبت اسم الشركه الافلاك وبعد وقت ماحسيت نفسي ابحث في الشي الوحيد الي اعرف انه يحبه وهو المجال العسكري
مااعرف اش يحب ثاني وانا كل شوي اطالع بباب الغرفه متى بيطلع
بعد كم دقيقه شفته طالع من الغرفه بس سويت نفسي ماشفته مركزه
بس لما لفت نظري شنطه بيده صغيره طالعت فيه وقلت بتردد لاني وعدت نفسي بدون اسئله وماقدرت امسك نفسي""مسافر""
حسيت بخيبة امل كبيره ماادري ليش لو جلس اش بيسوي بينام
اش كنت متوقعه يعني بنطلع مثلا
قال بهدوء وهو يمشي بتجاه الدرج""لا""
وليش معاه الشنطه طيب
لما نزل كم درجه قلت وانا اوقف وحاضنه الاب بعد ماقدرت اسيطر ع نفسي اكثر""بتنام برا""
قال بنفس الهدوء الاول""مدري""
لا سؤال ولا اهتمام عارفه اساسا انا الخبله الي اسٲلك مااتعلم
رجعت جلست ولما شفت انا اش فاتحه
طلعت بعصبيه اش قلت انا ماابغى اخسر شي من هذا الزواج
يكفيني لقب مطلقه بنسبه لاهلي
وماابغى اكون مجروحه ولا ابغى اكون مثل امي
الزواج هذا لمصلحه وبس
وبديت ابحث عن المجلات وبداية المشاريع الناجحه يعني مجرد اخذ نظره
وبعد صلاة العشى نزلت المطبخ وشفت سوناتا وحدها جالسه وتشرب شي حار واضح من الكوب قلت بستغراب""وين فاطمه""
لان بالعاده دايما القاها هنا بالمطبخ قالت""تعبان""
قلت بٲبتسامه""الحمدلله مو بس انا الي تكلمينا بطريقة ولد طيب ماانتهى الزكام""
قالت""لا يزيد تعب""
قلت وانا افتح الثلاجه""خذيها المستشفى الحين اكلم محمد ولا بتكلمينه""
قالت وهي توقف""انا يكلم""
يعني كانت تنتظرني اكلمها
وطلعت من المطبخ وانا اسكر الثلاجه مافي بيض
كنت بسوي اكلتي المفضله وقت مااكون مستعجله
تذكرت مطبخنا فوق يمكن فيه
طلعت فوق وفتحت الثلاجه مافيها شي اساسا كل الي كان زمان فيها مو موجود بس عصيرات ومويه يمكن كل شي نزلته سوناتا
بعد ماعرفت اني مااطبخ شي
سكرت الثلاجه وعدلت وقفتي وانا اسمع صوت ليث يقول وهو عند الباب""تدورين ع ايش""
طالعت فيه ببرود وقلت""مدري""
اتخذ قراره يعني انه ينام هنا بدون مساعده ولا احد ساعده
تجاهل جوابي بطريقه واضحه ولا انه جاوب ع ان(مدري)شي معين ورد علي وقال""في المطبخ الي تحت""
يسوي فيها ذكي قلت وانا اتكتف""مو موجود تحت""
قال""خلاص نجيبه""
طالعت فيه ثواني وقلت بعدها""لا والله من بين اصابعك ولا من تحت القبوع""
وانا امثلها علشان يفهم يعني من العدم مثل حركة الساحر
قال بضحكه""لا من السوبرماركت""
انا مقهوره من نفسي اكثر منه ليش حسيت بخيبة امل
ولا ابغى احس بفرحه ولو بمقدار ذره انه رجع البيت ولا ابغى افهم كلامه انه يلله نطلع نجيبه سوا ونتشارك بشي
انا شخصيتي مو كذا مااربط سعادتي باحد انا اونس نفسي بنفسي مااحتاج احد
وهو كل ماقربنا من بعض يحط خط ونرجع لنفس مكاننا
انا ماابغى لا حبه ولا صداقته ولا اخوته بعد يبعد مثل بداية زواجنا لا اعرفه ولا يعرفني مجرد الهدف مشترك فقط
قلت وانا اطلع من المطبخ وامر من جنبه""يلله روح جيبها طيب""
جلست ع الكنبه ورفعت رجلي ع الطاوله قدامي وانا اطالع فيه انتظر اجابته
احس دايما الحوار معه ماينتهي الا هو يبغى اخر كلمه لي ولا العكس
جلس ع الكنبه الي مقابله لي قبل مايتكلم من ملامح وجهه عرفت انه بيتكلم بجديه قبل مايفتح فمه
قال""انا ابغى اعوضك عن الايام الي عشتيها هنا احس بتٲنيب الضمير""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
""ادخلوها بسلام آمنين"" كُل الرجاء والانتظار لذلك الشعور يا الله ..

ان شاء الله تستمتعون بالقراءه..
..البارت الثاني والسبعون..
مافهمت اش قصده بكلمة تعويض بالتحديد فلوس يعني
فرحت ان الفلوس هي اول فكره خطرت في بالي
لان قبل كم ساعه بديت اشك في نفسي
بعدين يعوضني عن ايش مااحس ان شي ناقص علي مرتاحه بذي الحياه
كنت افكر وانا اطالع فيه بشكل عام وانتبهت انه شال الجبس
هو من كثر ماكان شكله طبيعي لان بس الكف ماانتبهت عليه
ماادري شاله بعد الدوام ولا بعد ماطلع من هنا
بس كان في موضوع اهم
قلت بجديه وانا اشوفه يرجع ظهره""انا مااطلب منك شي غير تشتري البيت""
دام تكلم بجديه هذا الموضوع الرئيسي الي توقعته سهل قبل زواجنا
قال بعد ثواني صمت وهو يطالع فيني""قلت لك قبل طلاقنا بشهر والاجار علي""
قلت وانا انزل رجولي واطالع فيها""بس انت تقول سبعه شهور كثير""
لما تٲخر بالرد رفعت عيوني له عدل جلسته وقال""كل الي افكر فيه سفره نغير فيها جو""
تجاهل كلامي ماادري ليش اذا وصلنا لموضوع البيت يصير كذا
بلحظه ودي اقول له معد ابغاه يشتريه كٲني جالسه اترجاه مو شرط من شروط الزواج وغصب عليه ينفذه
بس المشكله مافي اوراق
قلت بقهر بٲخر فكره جات في راسي""لان مامعاي اوراق تثبت مٲخذ راحتك""
سكت ثواني وهو يحك ذقنه بهذي الطريقه لفت نظري لذقنه
وركب بخيالي الصوره مع الاحساس
قال بهدوء""بالنهايه ماراح تكونين وحيده دامك تبغين تجمعين اهلك بهذا البيت""
مصر يلف ويدور
قلت وانا اضغط ع اسناني""هذا علشاني مو علشان احد""
لايجلس يسوي فيها دكتور نفسي ويفهم اش الدوافع الي مخفيتها البيت صح للعايله بس علشان نفسي انا ابغى احس انه بيتنا منجد
رجع قال بهدوء""من رفضتي اثباتات بشروطك قبل الزواج عرفت انك مو مثل ماتظهرين لنا""
وقفت وقلت بضحكة نرفزه""لا توهم نفسك وتحاول تحلل شخصيتي انا ما تزوجت الا علشان الفلوس وعلشان اثبت لك ايوه ابغى اسافر علشان استمتع بالفلوس لان بعد مااتطلق بكون مشغوله بتكوين نفسي والي كنت ادور عليه بيض بروح البس عبايتي وبتوديني قلت لك مابخلي شي في بالي هذي الفتره""
واندفعت للغرفه وهو اخر شخص بالدنيا يحاول يفهمني
بعدين انا مو صعبه واضحه كل شي بينته له
ليش يحاول يدور اسباب ثانيه الا غصب ويفسر ع كيفه
كان غباء مني وخوف من الاجراءات الصعبه هذي مو علشان واثقه فيه
ولا غيرت رائي اهم شي اتزوج منه
لبست عبايتي بغرفة الملابس بطريقه سريعه وانا لسى عند كلمتي بسافر ان شاء الله وبشوف مناطق جديده
وبستمتع مع نفسي وماراح اخلي شي بنفسي دام نقصت المده
طلعت وانا اعدل طرحتي اول ماطلعت وقف ومشى قدامي حلوه هذي الانقياديه
نزلت وراه من ع الدرج فتح الباب وطلعت قبله ومسكت عبايتي لان هواء قوي وبارد
اش هذا الجو الحلو وانا جالسه في البيت ماادري
رفعت عيوني اطالع فيه سطح في البيت لان مافي حوش
وانا ابغى اجلس برا هذي الايام بس ماعرفت
طلعت السياره ونزلت القزاز وهو ربط الحزام ومشى بعد كم دقيقه قلت وانا ااشر""خلاص مر هذا المطعم احسن من البيض والله""
وطالعت فيه بطلب بس هو ماطالع فيني
قال وهو ياخذ لفه""لا بنروح سوبرماركت مثل ماطلبتي""
شكل هو الي يبغى وانا عاجبني انه قام بدون كلام
قلت وانا اطالع فيه بنص عيون""اش تبغى منه""
وقف السياره بالمواقف وفتح الباب ونزل
مو مشكله انا اشوف بعيوني اش يبغى
نزلت من السياره ودخلنا وانا ماسكه طرف طرحتي علشان اثبتها
لما دخلنا شوي قلت بحماس""الجو برا مره حلو ماابغى ارجع البيت""
قال وهو ياخذ عربه""خلينا نخلص اول""
اعتبرتها موافقه مبدئيه
مشيت قدامه وحطيت فيها كذا نوع من الاكلات المعلبه السريعه الي جنب بعض
ولما اخذت نوع ثاني ولفيت علشان احطه بالعربه بس لقيتها فاضيه
رفعت عيوني لليث الي قال""مو مفيده وانتي حتى ماانتبهتي لتاريخها""
قلت بصدمه""ليث""
وانا امدد بالحروف مو منجده
قال بسرعه""تعالي انا اعطي.....""
قاطعته وانا اقول برفعت حواجب""ماابغى خضار""
قال وهو يدف العربه""معلبات بس مو مثل هذي الي اخترتيهم""
مشيت وراه اشوف اخرها
بس قبل شلت كذا نوع من الي رجعها بيدي
بٲخذها هذي مافي شك
حطيتها بالعربه وهو يقراء بالمكونات وبالتاريخ
اخذت وحده وسحبت العربه ومشيت وانا اقول لليث""الحياه قصيره استمتع""
واخذت كل الي يعجبني واخر شي تذكرته البيض حطيته
واللتفت ادور لليث ماادري عنه الحين لما جاء وقت الحساب ادور عليه
رجعت كذا خطوه وشفته واقف يقراء بمنتج بتركيز
قربت منه وقلت وانا احط يدي ع كتفه وبطريقه شبابيه بضحكه""توكل ع الله يارجال""
اللتفت علي ولما رجعها برفها نزلت يدي قال بٲبتسامه""خلصتي""
حركت راسي بطريقة ايوه وانا امشي لعربتي
مشيت قبله وطلعت برا انتظره بهذا الجو ع بال مايحاسب
كم دقيقه وطلع وبيده الثنتين اكياس مسرع ماشاء الله استخدمها يده اليمين
المهم ان الاكياس كثيره يعني مارجع شي
فتح الباب الي وراي وحطها
قلت""مابطلع السياره حتى توعدني مانرجع البيت الحين""
سكر الباب وفتح لي الباب وقال""اطلعي ومافي غير البيت""
لو محمد فاضي كان ماحاولت فيه
قلت وانا ثابته مكاني""ماابغى ارجع البيت طيب""
قال بستغراب وهو لسى ماسك الباب""مامعاك النوم""
قلت بٲحباط""يعني معاك النوم انت اساسا ماتنام هذا الوقت جات ع اليوم""
قال بلطف""اوعدك بسفره والحين خلينا نرجع البيت""
حسيت انه تغير مره اسلوبه عن بداية زواجنا الحين احسه طبيعي اكثر من زمان واحس بدت تخلق بيننا موده وعفويه
اكيد بعد هذي الايام لازم يكون بيننا موده ع الاقل
قلت وانا اتكتف""متى""
اخذ ثواني وهو يطالع بكل الاتجاهات شكله يراجع مواعيده
وانا اطالع فيه بٲنتباه بعدها قال""بعد اسبوع ان شاء الله""
قلت بخبث""اذا سافرنا بكره بيكون كل شي ع كيفك واذا بعد اسبوع ع كيفي اتفقنا""
انا اساسا ابغى ع كيفي هذي السفره ع الاقل
نفسي نسافر بسياره بين القرئ والحياه البسيطه والهاديه
دايما اتخيل كذا بٲستمتع ان شاء الله
ولو قال بكره يعني قربت السفره من قلب ابغى اسافر يعني من الجهتين مستفيده
قال وهو يحط يده ع ظهري علشان اتقدم""خلاص ع كيفك والسفره بعد اسبوع""
شكله قال كذا علشان يتخلص مني
طلعت السياره ولفيت للاغراض ورا وفتحت الاكياس اتٲكد وليث يحرك السياره
لما لقيت كل شي عدلت جلستي وبعدها سمعت ليث يقول بٲتهام""ارتحتي""
قلت بجديه مصطنعه""ايوه ولو غيرتها بترجع تجيبها مافي مزح""
قال وهو يوقف عند اشاره""لو العكس كان غيرتيها""
ماكان سؤال كان اقرار
قلت بٲبتسامه""احب اعطيك الافضل""
لان منجد يمكن اسويها
وقال بعد مااخذ نظره علي""وطبعا بمقياس الافضل عندك""
قلت""الله الله""
لما وصلنا البيت نزلت وانا اشوف سوناتا وفاطمه داخلين البيت
مشيت لهم بخطوات سريعه وسٲلت عن صحتها وكان الموضوع بسيط بس ادويه وبتنام
دخلت البيت بعدهم وقلت""تصبحون ع خير""
وانا ماسكه الباب وانتظر ليث يدخل ومعاه الاكياس
لما مر من عندي قلت بضحكه لمنظره""يعطيك العافيه""
وسكرت الباب بعده
لانه ماسك كيس واحد باليمين والباقي كلها باليسار
اساسا نسيت المفروض اساعده
دخلت المطبخ وراه شفته لما حط الاكياس ع الطاوله ونفض يده اليمين
ورفعها يطالع فيها شكلها توجعه
قربت منه وانا اطالع بيده وقلت""توجعك""
قال""الدكتور يقول انها بتوجعني لاني كنت استخدمها وهي مجبسه بس فتره ويروح ان شاء الله""
قلت بٲنتباه""وليش شلته طيب كان خليته حتى يصير تمام""
قال برفض""لا انا طلبت ثقل حركتي كذا اريح""
مسكت يده اليمين بخفيف وقربتها مني وقلت""غير انحف صح(ورفعت يده الثانيه وخليتها جنب بعض كان الاختلاف واضح وكملت بقلق وانا معقده حواجبي)طبيعي كذا""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
كل من اتبع القرآن الكريم موعود بأجرين الهداية من كل ضلالة والسلامة من كل شقاء قال الله تعالى: ﴿فمَنِ اتَّبَعَ هُدَايَ فلا يَضِل ولا يَشقَى﴾...

ان شاء الله تستمتعون بالقراءه..
..البارت الثالث والسبعون..
انا ماجربت الجبس ولا احد من حولي علشان كذا مااعرف
وكنت اسٲل من قلب لاني مستغربه صراحه من الفرق قال""طبيعي""
رفعت عيوني اطالع فيه لان صوته كان يدل ع انه متوتر
اش فيه سؤالي عادي متوتر من ايش يعني فيها شي مو طبيعي يده
قلت بترقب بعد ماطالعت فيه ثواني""اش فيها""
ضغط ع يدي الثنتين وقال بٲبتسامه مصطنعه واضحه بنسبه لي""مافيها شي والله""
وسحب يده ماارتحت من طريقته فيها شي مع انه حركها ولما كانت مجبسه بعد يحركها
اش فيه طيب كذا متوتر
قلت""وليش طيب انت الي طلبت يشيلونه مو الدكتور""
بعد عني خطوه وقال""مافي شي والله""
قلت""طيب جاوب ليش انت الي طلبت""
فتح واحد من الاكياس بعد ماقال""هذا وقتها بس الدكتور شاف اني احتاج وقت اكثر لاني كنت احركها بس""
حسيت اني ازعجته من طريقته بالرد
يعني انزعج من الاهتمام
طالعت فيه وهو يطلع الي بالاكياس ويحطه ع الطاوله معقوله انا مثل امي
يعني انا قلقت وسٲلت بس وهو طفش من السؤال
وامي اذا قلقت تطفش من كثر مبالغتها بالقلق يعني بالنهايه انا اشبه لها
لا مااشبه لها بعدين هي تسٲل وتقلق ع الي تحبهم ويهمها امرهم وانا مااقلق ع الي احبهم الا اذا احتاج الامر
يعني اكيد مو مثل امي
لما رفع راسه يطالع فيني
طالعت بالاغراض الي موجوده ع الطاوله هو قد قالها مايحب الاسئله ولا الاهتمام يعني طبيعي يطفش من سؤال عادي
قلت""احسب لك معاي""
احترت بين اسوي واحد من هذي الماكولات الجاهزه ولا بيض مثل مانويت
بس بعد ماقال ليث""بيض ايوه احسبي لي""
خلاص قررت
قلت وانا طالعه من المطبخ""انت عليك ترتيب الاغراض وانا باحسب لك معاي""
فسخت عبايتي ورميتها في الصاله مع طرحتي وطلعت فوق اجيب جوالي
ماادري ليش ابغى اكلم امي بهذا الوقت مع اني قلت اسبوع ماني رايحه لها
والحين ابغى ادق بس قلت بعد مااكل اذا لسى ابغى اكلمها كلمتها
دخلت وحطيت جوالي ع الطاوله وانا اشوف ليث فاتح الثلاجه ويحط اخر الاغراض
والبيض لسى مادخله الثلاجه ع الطاوله
لما طالعت في البيض غيرت رائي معد احس ان نفسي فيه
وابغى شي ثقيل
شلت البيض وانا اسمع صوت الثلاجه يعني قفلها رجعت فتحتها ورتبت البيض فيها
لما بس بقي ثنتين سمعت ليث يقول وهو ورا باب الثلاجه""قليل ثنتين""
رتبتها كلها وسكرت الثلاجه وقلت""معد نفسي فيها يلله اختار اقلي وحده من الي جبناها شكلها حلو ولا تسوي انت الي تبغاه""قلت الخيار الاول وانا متٲكده انه ماياكل مقليات لان بالسوبرماركت رجعها ويقول مو مفيده
بس يعني انه حطيتها ضمن الخيار علشان مايحس اني اللعب عليه
لاني ابغاه يطبخ
وهو تو الي رتب الاغراض
قال وهو يطالعني بنص عين وعرفت انه فهم علي""نفسي اخيب املك واقول اقلي بس انا ماابغى اخيبه خلاص اغير ثيابي وارجع اسويه انا""
ضحكت بقوه وضربت بخفيف ع كتفه وقلت""فديت الي مايخيب املي يلله بسرعه جيعانه""
ابتسم لي وطلع من المطبخ
دامت ابتسامتي حتى رجع
وهو ماطول كثير رجع وهو لابس بجامه قال وهو يفتح الثلاجه""بتساعديني طبعا""
قلت بٲبتسامه""طبعا""
طلع خضار منوع وقال""غسليهم زين وقطعيهم شرايح""
غريبه اني ماحسيته شغله يعني من قلب ابغى اساعده اخذتها
وقلت بٲبتسامه وانا اغسل فيهم""ترا بحكم عليه ولازم يعجبني(وكملت بغرور مازح)وانا صعبة الارضاء""
قال بستنكار""انتي صعبة الارضاء مافي اسهل من ارضائك""
اللتفت اطالع فيه بستغراب من كلامه
يعني هو يقول كذا مزح وعناد ولا يتكلم بجديه
انا سهلة الارضاء بالعكس
احس اني مااعدي شي الا بمزاجي والدليل انه قال ان سبعه شهور كثيره الحين ليش يقول كذا
قلت""عندك دلائل""
اذا يمزح تجي مزح واذا بجديه تجي سؤال لازم يقول دليل
متاكده انه غلطان
قال بعفويه وهو يقرب الاغراض له علشان يسهل الطبخ""ياكثر الدلائل واقرب شي لما قلتي انك مابتخلين بنفسك شي هذي الفتره ولما طلبتي المطعم قلت لك لا ماعلقتي يعني الناتج انك رضيتي بالبيض بدل اكل المطعم""
فتحت فمي
وعقلي فاضي
ورجعت سكرت فمي
وطالعت بالخضار وانا ماعندي ولا كلمه اقولها
وهذي من المرات النادره اني ماالقى رد
فهمها كذا يعني كل شي يركز فيه وانا مااشوف شي اطبطب بس
طيب هو سهل الارضاء حاولت اتذكر موقف له بس مالقيت
انا اعيش بدون مااخزن شي كل شي انساه اذا اغراضي المهمه انساها تجي ع مواقف وكلام
قلت بمحاوله اني اخلي الموضوع مزح""والناتج لا اكلنا بيض ولا من المطعم بناكل من طبخك""
شلت الخضار وسمعته يقول وانا اجلس ع الكرسي""واخترنا الافضل""
ابتسمت بدون مااعلق
قطعت الخضار مثل ماطلب
وانا كل شوي ارفع راسي اطالع فيه وهو مركز
لما خلصت قمت وقربت منه وبيدي صحن الخضار الي قطعتها
وطالعت بالقدر وقلت بستغراب""انت متٲكد انك ماقد سكنت وحدك""
قال بعد ضحكه قصيره""مدحك غريب""
واخذ الي بيدي وحطها كلها بالقدر
وقفت جنبه وانا اطالع لسى بالقدر مسوي شوربة دجاج بالخضار
اعرفها لاني قد شفتها بالتلفزيون الا انا ماقد ذقتها
لاني مااحب الشوربات
بس اليوم طبعا بذوقها دامها من يده من زمان ابغى اذوق طبخه
قلت وانا لسى مستغربه""ماادري عنك شكل امك تعرف تطبخ""
قال وهو يحط الملح عليها""ماادري هي ماعاشت معانا مااعرف عنها اشياء كثير""
ايوه امي قالت انها تطلقت من ابو ليث من زمان وبناتها من زوجها المرحوم كبار ماشاء الله
قلت""ماتفكر تكلم ابوك يرجعها وتعيش بين اخواتك""
قالت وهو يذوق""ابوي رافض""
قلت باهتمام بالموضوع""وش راي امك""
قال""مااتوقع عندها مانع بس ماكلمتها""
قلت بأبتسامه وانا اتخيل وضع ليث مع اخواته""وليش ابوك رافض بتهتم فيه وبذات بصحته هذي وانت بتستفيد بيجيك الدلال من كل جهه لا تيأس(وكملت بعد ماذقت مثله بنبره تقيميه)للحين الوضع تمام""
ابتسم لي وقال""انتظري يجهز ولا بطلب مساعده منك""
رجعت جلست مكاني بطريقة اني اهرب
تابعت حركته ماادري ليش دايما يخالف توقعاتي ويصدمني
اول شي بٲسلوب عيشته والدور الثاني الي مايدل ع مستواه المادي
يعني متواضع واعتماده ع نفسه بكل شي حتى بالطبخ مثلا
وقراراته الي ياخذها بالي يناسب حوله ومحد اساسا حوله
ولا هو اجتماعي ومع كذا يشتغل من قلب في الشركه الي يشوفه مايعرف انه مايحب هذا المجال بس هو فرض ع نفسه
وبتصرفاته بعد وتفكيره بامه وابوه وهم بعيدين عنه محد في البيت غيره
واكبر شي اهتمامه بعايلتي امي وابوي وراح حتى للمستشفى
ولما قال ابغى اعوض لك
مع كل شي سويته بعد يحس اني مظلومه بهذا الزواج
معقوله هو بهذي المثاليه لازم في شي غلط بشخصيته
يعني مثلا فكرت بعمق بس مالقيت مثال
رجعت احاول افكر هو كذا بعيوني بس ولا كلهم يشوفونه كذا
غطى القدر وقال""الحين ننتظره نص ساعه""
وغسل يده وانا لسى اطالع فيه بتركيز
قلت وانا اشوفه ينشفها""ليش طلقت الجازي""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(*سبحان الذي أسرى بعبده "" ليلا "" } .. • الليل .. وقت المنح الربانية ..♡
حافضو ع الوتر )

السلام عليكم ورحمه الله وبركاته


بارتات ولا اروع


وفعلا طلع توقعنا صحيح وانه كان بيتأكد من اثر الضربة

يا سلام طلع جنتل وحسااااس ههههههه

لا عن جد كان رح تروح البنت في شربة مي لووووول

بس عن جد بعد القحط العاطفي فجأة جاتها سيوووووول خخخخخخخ


بصراحة وغوغشني الزلمة شكله بيودع ولا شو ؟!



شو الحنان اللي حل عليه فجأة ؟!!


بس الحمدلله انها اﻷمور اتحسنت بينهم

وحبيتها وهي تدور ع بيض فوق وتحت ... وهو لما سألها ردت بنفس رده السابق إلها .

بس عن جد سفرة وتعويض شو بدها بعد ؟!!


في السوبرماركت هي تدور الأكل المضر وهو يدور الصحي بس طاوعها ﻷنه راسها ناشف وما رح ترد عليه.

بس أنها تجبره يطبخ ههههه ...لكن هو بطيب خاطر وافق انه يطبخ لها . بس شغلها معه


اكيد تاج بتحس بمشاعر لول مرة وهم بتشاركو في تحضير اﻷكل وهي بتدلل.

وكمان اتبادلو الحديث عن عيلته وحسيت بألمه وجرحه.

عندي احساس انه متردد ولكن حابب يكملو زواجهم ويغيرو اتفاقهم . بس تجربة ابوه وامه عقدته


بس شو اللي خلاها تسأل عن الجازي ؟!!

اظنه بقلب مزاجه هادا السؤال.


وعندي توقع انه ممكن يشوف رسائلها او يجيها رسالة وهي مو بالمطبخ وبعدها يتهاوشو


يسلمو إيديك يا عسل ربي يكرمك اكرمتينا

تقبلي خالص ودي

°•○اللهم أغفر لي هزلي وجدي، وخطئي وعمدي، وكل ذلك عندي○•°