ان شاء الله تستمتعون بالقراءه..
..البارت السابع والستون..
وخرت له مكان بجنبي وقلت بضحكه""شكل انا الي بغيرك""
حط المخده ع الارض وهو يقول بستنكار""واصير مثلك""
وانت يطول لك
قلت وانا ارجع انسدح""لا تقسى ع نفسك""
جلس ع الارض وهو مبتسم وقال بنبرة غرور""تكررين كلامي دايما""
قلت وانا اتغطى واتفرج ع التلفزيون""ايوه علشان تسمعه انت دايما تتكلم من غير ماتفكر خدمه هذي""
قال بعد ماانسدح""قريبين من التلفزيون""
بين رجلي والتلفزيون مسافه وانا متمدده يعني مسافه كفايه
طالعت بليث هو يرجع ورا اكثر حتى لصق بالكنبه الي ورانا
ورجع تمدد ع الارض وصرت معد اشوف وجه
عدلت سدحتي وعليت التلفزيون شوي كنت اتفرج ع فلم يتكلم عن حرب
بعد وقت قلت""هذا اجباري ولا الي يبغى يروح""
ابغاه يتكلم عن الموضوع هذا حتى اتكلم معاه عن دورته العسكريه معاي فضول اعرف ليش تركها
قال""اجباري""
قلت""كل الاقسام يعني الجيش والشرطه والبحريه وكلها يعني تدخل""
قال""ايوه بس كل قسم يكون مسؤل عن تخصصه و ع حسب حاجتهم""
قلت""وتتدربون ع مثل هذي الضروف""
سكت شوي وعرفت انه فهم قصدي وخلاص مايبغى يتكلم عن هذا الموضوع
بكيفه كان مجرد فضول
كملت اتفرج الفلم بتركيز ولما جاء الفاصل
جلست وقلت""تاكل فيه حلا""
اشتريته وانا راجعه من الدوام اليوم نفسي فيه قال""مو كويس حلا بليل""
قلت وبعد ماقلبت شفايفي بعدم استحسان مايشجع هذا""انت من نفسك تتبع هذا النظام القاسي ولا الدكتور قال لك""
قال وهو رافع حجب""انا كبير كفايه علشان اعرف الصح وامشي عليه""
قلت وانا اوقف""دايما اكل حلا باليل عادي شوف جسمي ماتأثر عودته ع كذا وبعدين بس اليوم جرب مابتندم مو تقول بتصير مجنون مثلي(ومشيت من فوق رجوله وكملت)وانا راجعه بدوس ع رجولك بدون قصد""
وجريت للمطبخ ماابغى يرجع الفلم الا انا موجوده
طلعته من الثلاجه وحطيته بصحن والباقي رجعته بعدين بٲكله
واخذت عليه ملعقتين وعصيرين من النوع المفضل لي احس مافي غيره يناسب هذ الحلا
طلعت من المطبخ ومريت من فوق رجوله وحطيته بيني وبينه
ورجعت عليت التلفزيون لان رجع الفلم
جلست وهو تقدم وجلس مقابل لي وانا كنت مقابله التلفزيون
طالعت فيه بستغراب لما شفته يطالع فيني قلت بٲبتسامه""اش فيك""
قال بنبره جديه""طلعت من الدوره من اختياري محد ضغط علي""
طالعت بعيونه الثنتين بتركيز وقلت بصوت منخفظ""وندمان""
قال بسرعه وهو يحرك راسه بطريقة لا""لا ماندمت هذا كان القرار الصحيح""
عدلت جلستي وصرت مقابله له وقلت بٲنتباه كامل""ماكان هذا طموحك""
قال وهو ياخذ الملعقه""لما كبرت عرفت اش الافضل""
يعني كان هذا طموحه
مافكرت ليش يتكلم معاي عن هذا الموضوع وحاسه انه حساس بالنسبه له
كل الي فكرت فيه ان اخيرا تكلم
تميت اسٲل واسٲل حتى عرفت انه بعد الثنويه دخل الدوره وانسحب منها قبل مايكملها
ودخل الجامعه وتخصص ادارة اعمال علشان يشتغل بوحده من شركات ابوه
اما شعوره ماتكلم عنه
وحكى لي النظام بالدوره وصعوبته بس كان واضح انه كان حاب كل شي بذاك الوقت وللحين بعد
قلت وانا اخذ اخر رشفه من عصيري""لو ترجع الايام بتاخذ هذا القرار""
قال""ماادري بس لو نفس الضروف ايوه باخذ نفس هذا القرار""
قلت وانا احط العصير ع الارض""اش هذي الضروف""
قال وهو يبعد صحن الحلا عنه ويقربه لي اكثر""وديه المطبخ لا تخلينه هنا""
عرفت انه مايبغى يتكلم وانا بصراحه مقدره انه تكلم معاي عن هذا الموضوع وللحين واضح انزعاجه منه وهو له عمر
بصراحه قلت وانا اوقف""بحطه بالمطبخ بس ماراح اغسله""
وديته المطبخ
ولما رجعت مالقيته موجود بالصاله ولا مخدته ولا بطانيته
دخلت الغرفه مالقيته فيها بس شفت مخدته ع سريره
سمعت صوت المويه بالحمام رحت له
لقيت الباب مفتوح وهو يفرش اسنانه باليسار مدري متى بيفك الجبس
دخلت زياده واخذت فرشتي وقلت بمبالغه وانا مبتسمه واطالع بوجهه في المرايه""وانا اقول اش سر الابتسامه الناصعه ماتنسى انت""
طالع فيني ورجع يكمل فرشت اسناني
وطلعت قبله لاني استعجلت مااعجبني الوضع ماارتحت
وانا طالعه اخذت مخدته وبطانيته بٲبتسامة شر
لازم يكمل اليوم
اكل حلا وشرب عصير مو طبيعي اخر الليل لازم يكمل يعرف اش ناقصه
حطيت مخدته جنب مخدتي وانسدحت والريموت بيدي
وانا اقلب شفت ساعه بقناه كانت الساعه وحده الا ماحسيت بالوقت صراحه
والغريب اني مامعاي النوم ولا كسلانه حتى
سمعت ليث يقول بصوت عالي منزعج""تاج ماابغى اللعب""
رديت عليه بصوت عالي وانا اجلس""خليك قد كلمتك ونام هنا""
طلع ووقف عند باب الغرفه وقال وهو يتكتف""ليش اش تبغين تعرفين اكثر اتقلب كثير وانا نايم معد بقي الا هي اتوقع ولا يمكن شي ثاني""
طالعت فيه لثواني هو متضايق لانه تكلم معاي
طيب كلامه كان عادي مافيه ولا شي بس حكى لي من نفسه الي صار
ليش يكبر الموضوع مااتوقع اني خليته يتكلم تحت تهديد السلاح
قلت بقهر منه ومن مبالغاته""اسمع ليث تعقيداتك هذي خليها فيك انا اذا ابغى شي اقوله بصراحه""
قال بعصبيه وهو يتقدم كذا خطوه""حتى انا ويمكن اكثر اذا ابغى شي مو بس اقوله اسويه""
قلت وانا ارجع راسي لورا شوي""لا ماتقدر تسوي الي تبغاه دايما تسوي الي يتوقعونه منك""
تقدم كم خطوه وصار واقف ورا الكنبه وهو يقول بنبره تهديديه محذره ان الافضل مااتكلم""مثل""
بس انا مايهمني تحذيره لازم يعرف ان كل الي يسويه مو لنفسه
دراسته شغله زواجنا كلها الاشياء الاساسيه بحياته ومو علشان هو يبغاها سواها
قلت بحزم""اش اعدد الي اعرفها بس ولا اتوقع بعد""
طالع فيني بنظارات حاده بقوه
رجعت قلت وانا افرق الحروف""اتخذ قرار""
لف بسرعه من حول الكنبه ومسك ذراعي ووقفني بقسوه قدامه
وشدني له بقوه حتى لدرجة احس بصدره وهو يطلع وينزل من سرعة تنفسه
عرفت اني نرفزته بقوه
حاولت ابعد عنه بس هو كان شادني بقوه
ويقول بنبره خشنه وانفاسه القويه تلفح وجهي""هذا لانك انانيه ماتفكرين غير بنفسك وبالنهايه بتكونين وحيده والي اسويه انا يعتبر بطوله وبالنهايه مابكون وحيد مثلك""
مع ان اوجعتني مسكته لذراعي ووقفتي الي مو مرتاحه فيها
وكلامه القاسي عارفه ان بالنهايه بكون وحيده علشان كذا ماابغى اسوي شي علشان احد ويخذلني
كل شي لنفسي يعني القرار مني وانا مااحب ذول الناس الي يسون كل شي علشان الناس الي حوله وينسى نفسه
وبذات ليث ليش مايسوي لنفسه وهو مافي احد حوله لا امه ولا ابوه ولا اخواته ولا اخوه ينتبه لنفسه ويصير اناني احسن
قلت بصوت منخفظ بس واضح""تعترف يعني""
..نهاية البارت..
..عافاكم..
..عجايب..
الحمدلله.


..بأذن الله لي حسنه ولك حسنه..
(خذ من فراق أحبتك طاقة للعمل الصالح لتلتقي بهم في الجنة من جديد... كن وفيا للوجوه التي أحبتك... صلاحك جسر للقائهم. "" ألحقنا بهم ذريتهم""..)

ان شاء الله تستمتعون بالقراءه..
..البارت الثامن والستون..
عارفه اني استفزه بس يستاهل بعد الكلام الي قاله عني وماني خايفه
بس الصدق شوي متوتره وانا طبعي مااسكت حتى لو كنت خايفه
زادت حدة نظراته وقال بصوت هامس خشن مره
وانا احسه نفخ الكلمه نفخ بوجهي""اعتذري""
رجعت راسي ورا بدون مااحاول ابعد عنه ولا اتحرك
في شي خلاني اطالع بعيونه بتركيز
وانا احس بحركة صدره السريعه وخلاني استمتع بهذا الموقف في شي متٲكده انه مو من نظراته الحاده الناريه ولا من كلمته اكيد
ليش طيب مااتحرك
رجع قال نفس كلمته بصوت اعلى وبنفس النبره
اعتذر ع كلامي مستحيل ماقلت شي غلط
هو سؤال تعترف وهو الي رد مافتحت فمي
وانا لسى اطالع فيه بتركيز
ضغط بيده اكثر ع ذراعي بطريقه اوجعتني بس طبعا ماراح ابين له
بس لما حسيت انه بعد عني مسافه بسيطه مره قلت بسرعه وبٲندفاع""اسفه ان الحقيقه مااعجبتك""
وكنت اتمنى رده ع كلامي تصرف مجنون مثل لما وقفني بقوه وقربني منه يعبر عن مشاعره
بس هو هزني بقوه لدرجة حسيت ان توازني اختل وهو ضاغط ع اسنانه بقوه
وبعدها بعدني عنه بقوه وترك ذراعي
مع هزه ورجعتي لورا خطوه تعثرت بالمخده وطحت ع طرف الكنبه
ودقيت فيها بكتفي من ورا بقوه لدرجة حسيت ان مسني كهرباء لانها جات بالعظم
بس رجعت وقفت بسرعه خياليه
وقلت بصراخ قوي اطلع كل المي""يا....(سبه)اش هذا الاسلوب معاك همجي""
وتبعتها بسبات ثلاثه قويه
قال وهو يتكتف""ماانوجعتي ف....""
قاطعته وانا اقول بٲندفاع""لا مااوجعتني""
قال بعد سكوت لثواني واحنا نتبادل نظرات ناريه""ياليتها اوجعتك مع اني ماكنت اقصد""
قلت بحده وانا احس القهر اعمى عيوني
يتمنى انها توجعني
اتوقع اكثر من هذا الالم الي احس فيه مافيه يمكن فيها كسر""قلت لك انت ماتسوي شي بقصد منك لازم احد يوجهك ولا هي تجي من وحدها""
ابغى اقهره كثر ماانقهرت من كلامه ان شاء الله هو الي ينوجع
بس هو قال بهدوء بعد تنهيده عكس البركان الي كنا فيه قبل شوي""سبعه شهور كثير ياتاج""
حسيت كل شي هدي من هدوئه ومن كلامه انتظرته يكمل كلامه بس هو دخل الغرفه بدون مايزيد ولا حرف
وانا عيوني عليه اش قصده خلاص بيطلق
بس انا لسى ماسويت الي ناويه عليه لا جددت البيت ولا هو اشتراه ولا فكرت حتى بمشروعي
وبعدين بقي اسبوع وعليها ونكمل شهرين بس
لمست كتفي اليسار بترقب اشوف يوجعني ولا لا
هو لسى يوجعني بس مو مثل اول
رجعت طالعت بباب الغرفه يبغى يطلق يطلق بس قبل يسوي الي اطلبه
جلست ع الكنبه بعد مارفعت المخده وانسدحت بشويش علشان مااتوجع
يقول ياليتها اوجعتك
انا الغلطانه كان مسكت شي ورميتها بوجهه بذاك الوقت
والمهم يكون قاسي ولا قزاز علشان ارتاح
هذا اسلوب يطيحني مايعرف يتكلم
احنا مستحيل نكون مع بعض وقت بدون مانتهاوش
منجده ليث سبعه شهور كثيره احنا ماوصلنا لنص حتى
ماقدرت انام
نزلت تحت ومالقيت البنات اكيد نايمين
رجعت طلعت مافي شباك غير الي بالغرفه يعني وبعدين ليش ماعندهم حوش
ابغى اطلع ولا اقول دقيقه
دخلت الغرفه لقيت شباك الغرفه مسكر والمكيف شغال انا ابغى هواء طبيعي كيفي
فتحت الشباك بكبره وهو عند سريري يعني يجيني
طالعت بليث لقيته معطيني ظهره ومتغطي ببطانيه غير الي برا
طلعت اخذت مخدتي وبطانيتي وانسدحت ع سريري
حسيت ببرد بس ماني مسكره الشباك لو ايش
بس يمكن شوي واطفي المكيف
بس ماجات شوي هذي الا وانا نايمه
صحيت لما حسيت اشعة الشمس مستقيمه بعيوني
لفيت بانزعاج وفتحت عيون وحده اشوف ليث موجود ولا لا
علشان اعرف الساعه وماكان موجود يعني الساعه الحين حول سبعه
غصب جلست وطالعت بساعة الجوال وكان صحيح توقعي
وضيت وصليت وفكره مغريه براسي هي اني اكمل نومي وبذات مع هذا الجو
المكيف طافي والجو دافي وعادي يجيني انذار ماراح يحسبها مثل الشهر الي فات
بس بالنهايه داومت
وكتفي مايوجعني مثل ماكنت متوقعه الحمدلله
بس بين حركه وحركه احس بالم بسيط فيها ماينحسب بالنسبه لالم البارح
مريت من مكتب الاستاذ سامي هو مكان خالد
بس ماصدفت وطلع سامي المستشفى
اول ماقالو سامي فكرت ع طول يكون هو
وبسرعه شفته ولقيته شخص ثاني مجرد تشابه اسماء
مدري ليش للحين في بالي ولو كان هو كان اش سويت
معقوله علشانه مااعطاني وجه مانسيته مثل مايقول عبدالرحمن
بس هو قال البنت تحب الشي الي مو عندها يمكن لانه متزوج ولا لانه ماانبني ع تصرفي ماادري
بس لسى اي واحد اسمه سامي اتذكره ع طول
دخلت مكتبنا وشفت وحده جديده جالسه بمكتب شوق
قلت بستغراب لها""انتي تشتغلين هنا""
لما سمعت صوتي وقفت وقالت بٲبتسامه وادب""ايوه انا منال واليوم اول دوام لي ان شاء الله ننسجم بالشغل مع بعض""
حركت راسي بطريقة طيب وطالعت بحنان هي الوحيده الي تتعامل معاي ع الاقل
الباقين محد يتكلم
قلت""وشوق""
قالت احلام بنرفزه واضحه""وتسٲل""
رجعت اطالع بحنان بدون ماارد ع احلام
قالت لما شافتني انتظر الاجابه وانا لسى واقفه""استقالت""
جلست ع الكرسي وطلعت جوالي واتصلت عليها تقريبا اربع مرات
وكان يدق لنهايه وخامس مره قفلته بوجهي
ووصلتني بعدها بثواني رساله كانت منها مكتوب فيها(لا تدقين علي ابدا)
رجعت اتصلت عليها وقفلت بوجهي
ورجعت اتصلت لقيته مقفل
كتبت برساله(غبيه انتي ليش تستقيلين خالد وانتقل قسم ثاني لا تصيرين ضعيفه كذا ارجعي هذا مستقبلك لا تخربينه علشان شخص مايستاهل)
وارسلتها وقت ماتفتح جوالها بتشوفها
الغبيه هذا مستقبلها تسيبه علشان واحد مايستاهلها بجد مستغربه منها لو انا مكانها والله لانتبه لاكثر شي مضمون بالحياه
بديت شغلي بعد مااخذت نظره ع منال هذي الجديده
واندمجت في شغلي
مع اني اسمع البنات يسولفون معاها و يستفسرون
الحين مسوين زعلانين مني لاني تهاوشت مع شوق
وهم يسولفون مع هذي ولا احد همه شوق اش بتسوي
المهم يكونون وضحو ردة فعلهم وانتهو
معد صارو البنات يعجبوني
واذا طلعت من الشركه ماراح اشتاق لهم
لما انتهى الدوام طلعت جوالي اتصلت بالسايق وانا طالعه طلعت معاي حنان
وقالت بصوت منخفظ""جمعت جزء من المبلغ اعطيك هنا ولا تبغين احوله لرصيدك""
قلت بٲبتسامه""انا مو مستعجله عليها خليها لين تستقر امورك""
ومشيت عنها
لما طلعت من الشركه ابتسامتي عرضت من الاجواء الحلوه الجو مغيم شكل بيجي مطر
الحمدلله اخيرا جاء الشتاء
طلعت السياره وانا افكر وين اطلع واخر شي جاء في بالي نروح انا وسوناتا حديقه فاضيه نتغدا
وحتى لو جاء مطر نجلس فيها
تحمست للفكره وتو بطلع جوالي اتصل عليها تتجهز
دق جوالي وكان عبدالرحمن رديت بٲبتسامه الجو يفتح النفس حتى لعبدالرحمن""هلا""
قال بلحن""سويتها سويتها سويتها""
وكٲنه يطق رقبه
قلت بعد ضحكه""وش الي سويته""
قال بحماس""وينك انتي بالبيت صح""
قلت""راجعه بالطريق وش رايك نطلع نتغدا برا وتحكي لي ع الي(وقلدته)سويتها سويتها""
وضحكت
قال وكٲني اشوفه يحرك راسه""خلاص وين""
قلت له اسم الحديقه كنا نروحها زمان
صح صغيره ومافيها احد دايما فاضيه بس حلاتها انها كذا
سكرت الجوال وقلت لمحمد اذا يعرفها وقال انه يعرفها
صراحه استغربت بس هذا شغله اكيد يعرف كل مكان هنا
قلت له يمر يشترى غدا لاني متٲكده مابتجي من عبدالرحمن
نزلت من السياره وبيدي الكيس بعد ماقلت""خلاص روح انا برجع مع عبدالرحمن"
..نهاية البارت..
..عافاكم..
..عجايب..
الحمدلله.



(احمي أمي يالله , من أن تُوجعها عُثرات الحياة،احمي عينّيها من أن ترى الحياة باهته..امين يارب العالمين).

السلام عليكم ورحمه الله وبركاته


الله يسعد صباحك يا عسل


ههههههه واخيرا رجع الكومبارس واجى ليث محله هههههههه

يعني مبسوطين ورايقين في البداية وبعدين الظاهر رجع عقل ليث وترك الجنون لصاحبته تاج

بس هي كمان زودتها تستفزه بحكيها وبعدين بدها ياه يطنشها اكيد بعصب عليها ومنيح ما انخلع كتفها .

ليث عنده حساسية شديدة من هذا الموضوع الظاهر تبع العسكرية .. والدليل كل ما تنفتح السيرة ينقلب حاله

تاج اتوقعت سامي يكون اللي شافته في المشفى ولكن ﻷ . ومتل ما فكرت انها تعلقت فيه ﻷنه ما انبها او لرزانته وثقله <<< وكأنها ما عندها ليث ههههه


شوق انهزامية واستقالت .. كرهت تصرف البنات معها . واظن حنان لو ما ماخذة فلوسها كانت بصفهم.

ليش نسو وقفتها ضد خالد ؟!!

منال الظاهر طيوبة بس الله يستر ما تكون مخادعة.

شو اللي سواه الدحمي ؟!! معقول اتقرب من الجازي ؟!


متشوقة للجاي كتيير


الله يسعدك يا قمر

لك ودي

°•○اللهم أغفر لي هزلي وجدي، وخطئي وعمدي، وكل ذلك عندي○•°

السلام عليكم ورحمة الله وبركاته
مرحبا عجايب
اااه على هالبارتين بداية عسل
مبسوطين كان بس قلبه ليث ببروده وعصبيته وي قلبي اللي تبي تعلمه بالجنون ويكمل يومه معاها
حرام هي نفسها تعرف ليه كذا قلب فجأة
مدري هالبارت حزنت ع تاج كثيررر من الضربه اللي جتها على يدها
ومن زميلاتها اللي في العمل خير خير يعاملنها كذا إلا تاج محدن يقرب منها ي حبي لهاا
انا ابي اسوي حزب لتاج هههههه
مشكورة حبيبتي على جهدك وكرمك معنا
لك ودي واحترامي

السلام عليكم .
الله الله ايش ع بارت ماشاءالله، اوف من ليث ليش كذا م صدقت تهدأ الاوضاع بينهم ودي اعرف كيف يفكر؟
يعطيك العافيه عجايب وترا اول مره ف حياتي اقرأ روايه والكاتب لسا تنزل البارتات ولا واشارك ابداعك اجبرني والله. قد قريت نبي رد الثنا وحازت ع اعجابي الحمدلله.