حجزززز


لي عودة بتعليق لاحقا



عدنااااااا








سالم وكريمة

طبعا كنت مصدومة من تصرف سالم ولكنه طلع خبير وقدر يطلع انجي عن طورها وانزلقت بالحكي واقرت واعترفت على نفسها .

آلمه جدا تصرف كريمة وتخليها عنه بالوقت اللي كان محتاجها توقف وتثق فيه .

كريمة ما كانت محتاجة لوم اللي حوليها ﻷنها نفسها ما كانت عارفة ليش اتصرفت هيك !!

وسالم ما ساعدها وهو ببعد عنها ولما اجى كان رده بارد عليها واستفزها وما رضي يصفح عنها بسهولة .

حست بتباعده عنها بنحر روحها وكان شي فوق احتمالها . سالم لما شافها مغمى عليها نسى كل زعله وكل همه انه ما يفقدها ﻷنه صادق بحبها وجرب الخسارة قبلها.

بس الخبر كان حلو ومفاجئ . وسبحان المعطي الرزاق.

احببت ردة فعل الجميع عالخبر المفرح وخصوصي إيهاب وتهديدهم الو بأخوه الصغير هههههههه.










إيهاب ولي لي

أخيرا صفى لهم الجو واتخلصوا من كيد العذال والحاسدين.
حبيت اهتمام ايهاب بأبوه كانه ابنه وخوفه وحرصه عليه ومحاولته الوقوف بجانبه بأزمته.
وبنفس الوقت كان بحاول يكون مع كريمة ويوقف معها ليسعى بصلحهم مع بعض.

طبعا المشاكسات بينهم لا بد منها بس تخنها مع الأسبانية مدري الكولومبية منيح لي لي ما قتلته لوووول










دانة ويزن

فاتحت ابوها بموضوع خطبتها فكان رده مجحف وتفه رأيها وهدم احلامها .

بس هي حاولت توضح له لكن رافض يسمع لها ﻷنه ما بتتوافق مع معاييره .

وأمها ما اظنها بتحمل من اﻷمومة إلا اسمها فقط . كانت اقسى من ابوها معها .

ياسين كان كالعادة سندها والداعم إلها وعدها يساعدها بس تطيعه بقراره بعد ما يقابله لانه شك انه ممكن بخدعها ، وهي وافقت ﻷنه واثقة بيزن ما بخذلها.

يزن اثبت لياسين انه كفؤ إلها وانه شاريها ومتمسك فيها لذاتها مو لمنصب ابوها ونفوذه.وهادا الشي خلاه يكبر بعين ياسين ويكسب ثقته واحترامه ومطلق دعمه.

وكمان موقفه مشرف مع ابوها وفرض عليه احترامه رغم مكابرة اﻷخير وعدم اعترافه.

مسكينة دانة متل اليتيمة بس ربنا عوضها برفقة بتشيل الهم عن القلب والكل متجمع حواليها وبحاولو ينسوها حزنها.

باﻷخير بتمنى يثبتو خطأ اهل دانة انها مو قد هالعيشة القاسية وأنها جوهرة اصيلة بتتحمل الظروف القاسية وبتصمد في وجهها.











غيداء و وليد


جنى على نفسه لما حاول يتقرب منها بطريقة خاطئة . ردها عليه وقفه عند حده واثبت له انها ذهب خالص .

غيداء اشمأزت من تصرفه وخاب املها فيه . بس متأكدة رح يحاول يصلح خطأه ويعتذر منها .










علياء و تميم

فعلا هالعلياء مو قليلة لوووول

راحت بكل براءة تقول انها بدها تشوفه بصفتها زوجته . ومسكينة امه اغمن عليا اغمن عليا هههههههه

طبعا تميم ما رح يفلت من العقاب بسهولة ولكن اجاها من الطريق اللي مو ممكن ترفضه وهو بطنه هههههه

راحت تلبي رغبته بتجهيز وجبة إله وإلتقت بأخته ومعها بنتها المشاغبة اللي مغلبتهم برفضها اﻷكل.
حبيت تصرفها مع جودي ومحاولة اقناعها باﻷكل الصحي .

علياء بتفوت القلب بسرعة قدرت تجذب اهتمامهم وتخليهم يحبوها كلهم بس سميحة وقفت متل الشوكة بحلقها بس عليا تعاملت معها بلباقة وما اصطدمت فيها مباشرة.

سميحة حكمت عليها بمعيارهم المزيف وغارت منها ﻷنها رح تاخد صغيرها المدلل.

بس موقفها اﻷخير كان مهين قدام الكل لعليا. لكن زوجها ما تركها وسمعها اللي لازم تسمعه واثر فها كتير.

حبيت لقاءهم في المطبخ وثريا لها بالمرصاد وكله كوم وتنظيف اﻷخطبوط أووووووووولي كووم تاني

عن جد بتاكل هالشي ؟!! استغفر الله العظيم واتوب إليه .

اكيد بعد العدواة رح تصير صحبة قوية ان شاء الله وبلشت تروح الدار وتشوف الواقع بعين مختلفة .











روفان وياسين

واصل يثبتلها جديته ورغبته القوية بالتغيير للأفضل وقدر يوصل لقلبها بصدقه واصراره .

حتى هو اتغير بنظر الناس إله . ابتسامة رضى بتزين وجهه وتعامل طيب خلاف القسوة اللي كان متسربل فيها زمان وحاطة حوله حاجز من الرهبة.

محاولته تعويض اللي انفصلو بسبب احتجاج سابق اظهرت الجانب الجديد الطيب اللي رد الحق ﻷصحابه.

بس في شي بقلبي منه ، ليش طلب من ماجي انها بده ياه تجي معه و لوين ؟! ما عرفنا شو صار بينهم هل ما زال على علاقة معها ؟! يا رب ﻷ. ﻷنه أسوأ ما يكون الخيانة .

حتى هو طلب مساعدة الخبير تميم ههههههه وهو دله عالبناسب روفا

انبسطت لما قالت له يجي ﻷبوها واستحت منه .

ياي الفرح قريب ان شاء الله يووووووبي










كارما وعبود

طبعا الشرير يستاهل فرم وخبط حشك ولبك عالموقف المخيف اللي حط الجميع فيه بس اماته ما قصروا .ولا علياء ولا يزن .

بس مفاجأة حللللوة كتير

الحمدلله فرح قلوبهم برجعة نظره .

كارما اكيد ما وسعتها الدنيا من الفرح وهي بكتشف انه بقدر يشوفها . رغم عتبها عليه إلا انه احلى من اجمل أحلامها .













رفيف وإياد


طبعا المجوهرات جنااااان مو طبيعي قديش حلوين وكيوت خصوصي المحابس كتييير حبيتهم .

اياد واصل خطة تميم وقدر يوصل للمخطط الخبيث اللي بفضل الله فشل واكتشف دور ريلام الوضيعة فيه. والحمدلله انه طلقها وافتك من شرها البعيدة.

افتقد رفيف واشتاق لوجودها بقربه واخده الحنين لعندها.

رفيف بعد ترك امها إلها لتواجه مصيرها لحالها. و حضور اياد ما ساعدها ابدا.

هو متفهم وتاركلها مساحة لترجعله .

احلى شي بعد شاف اولاده فكرته راح يروح قام راح وقعد بالصالة لوووول

موقف مؤثر وهو بطلب منها شي يتاكل ﻷنه جوعان وهي ما كذبت خبر وراحت عملتله عشوة ظريفة ههههه

بس لقته نام المسكين .

في الصباح اهتمامه بالصغير مشان ما يصحي الناس كان مؤثر ورفيف حست بضغط اكبر مما بتتحمل بس خلاص هانت وكلها فترة وبتثبت لحالها انها بتليق فيه.











كنزي ويحيى

بسبب استعجاله ما قرأ رسالة كنزي وراح ولا بعرف شي عنها اساسا.

كنزي احست باﻹحباط ﻷنه ما رد ولا تحرك بس عندها عزيمة ما رح تستسلم .

اتصال حماتها كان بتوقيت حلو وشجعتها تروح تلحقه .

سافرت لتفاجأه وتثبتله اصرارها عليه وتمسكها فيه . بس كانت في مفاجأة مش حلوة بإنتظارها.

اولا اتوقع الميت حدا غير يحيى الديواني ﻷنه ممكن تشابه اسماء بس او اختلاط هوية ويحيى مفقود او هو موجود بس متواري في هديك اللحظة .

المهم يا ويلك يا شو سمك ويا بياض ليلك لو طلع هو المقتول ..... عن جد سأعلن إعتزالي الفن رسميا وخلي حدا يفكك من الجماهير الغاضبة لحرمانهم من موهبتي اللي إنت ادرى فيها . لووول

إلا صحيح يا جماعة وين آيسوووو ؟! تجي تشوف شغلها مع بعض جماعة لووول




تسلميلي يا قمراية على إبداعك ولو انه عندك نزعة شر تظهر بصمتها عيانا بيانا عند كل منعطف بقصد قفلة .


استمتعت بالهمستين ومتشوقة للنهاية البعيدة وااااااااااااااء

طبعا الخواطر حلوة كتييير يسلمو سولي ونسوم واستشهاداتك رووووعة ما بدها حكي الشغلة .


تقبلي مروري وطولة لساني بس منبط تشبدي شو ساوي ههههههه


لك خالص ودي

°•○اللهم أغفر لي هزلي وجدي، وخطئي وعمدي، وكل ذلك عندي○•°