هههههههههههههههههه لا و الله لن تسمح بالمزيد !!!!!!!! هههههه يعنى هتعمل اييه يعنى !!! يا بنى انت آخرك تروح عند الماما و تنام فى حضنها و تقولها غطينى و صوتى .... بالنسبة لك يا ايهم انت مفقود فيك الامل ..

هومى كالعاده دايما الفصلين تحفه تحفه تحفه .. تسلم ايديكى يا قلبى .. و خصوصا ان فيه جوازتين كانوا مستعجلين و اصحابهم كانوا فى غيبوبه لولا طبعا تدخلك فى الوقت المناسب وإلا كان زمانا لغاية دلوقتى بنغنى ظلموووووه ..

اولا انا بحيى الحاج محمود ابو كارما و بقوله انت رجل مفيش منك اتنين هههههههه .. بصراحه انا شاكه انه اخو ثريا فى الرضاعه .. المهم و الله يا عم انت ماقصرت .. و الله انا نفسى اقابل امثالك فى الحياه و خصوصا فى مصر .. بس نعمل اييه !! و يبقى التمنى و الواقع غالب ..
اما موقف عبدالرحمن من كارما و بعده عنها او بالاصح تجنبها فانا عذراه و خصوصا انك يا هومى شرحتى وجهة نظره باستفاضه .. قد اييه مس قلبى و حسيت بيه .. يمكن لو الموضوع كان ممهد و جاء بشكل طبيعى كان هيبقى الوضع غير و كان هيبقى مأقلم نفسه مع الوضع الجديد .. لكن مشكلته انه جه فاجأه .. و إلا لو استنينا الاستاذ عبدالرحمن يتحرك و كأننا نستنى ابو الهول ينطق .. عشان كده انا عايزه اعمل جايزه و اسلمها لأبو كارما و اسميها جايزة الاب اللى بيصطادها و هى طايره ..

اما تميم فمعروف انه كان هيتقدم فى كل الاحوال .. لكنه استغلاله للموقف و الطرق عالحديد و هو سخن يستاهل نرفعله القبعه .. و خصوصا بعد احتواءه الموقف و كسب ثقة العايله .. ممكن نديله هو كمان جايزه و نسميها يا ولد يا متمكن ..

حلو قوى الحوارات بين دانه و يزن .. و هو واضح انه ابتدى يحط رجله عالطريق الصحيح .. و واضح برضه انه ابتدى يشغل تفكيرها بصورة ما و خصوصا بعد الموقف الاغير و معاملتها معاه باريحيه حتى و لو مكنتش واخده بالها من تصرفاتها او اهتمامها الباطن بيه .. عالعموم الثنائى ده عاجبنى جدا و اتمنى اشوف الامور بينهم تشتعل اكتر و اكتر ..

ههههههههههههه اماسالم حبيب قلبى فمبيضيعش وقت و حط النقط عالحروف من بدرى .. امتلك زمام الامور من غير حتى مايستأذن .. احسن حاجه بدل المماطله فى الوقت الضايع .. قلبى حاسس انى هباركلهم الاسبوع الجاى .. هههههههههه شكل الهمستين الجايين هتبقى عامره بالافراح .. لازم احضر فستانى من دلوقتى هههههههه و لو ان العبايه و النقاب مش هيظهروا منه حاجه .. المهم تورتة الشيكولاته كانت تحفه فنيه .. يا خساره عجينة السكر عملتها مره واحده بس محبيناهاش عشان مسكره قوى .. ميزتها الوحيده تزيين التورته لكن مش اكلها .. ههههه و الله يا ريهام كنت عامله تورتة شيكولاته من يومين كنت عايزه اصورها و انزلهالك بس مرضيتش احتراما لسوسن عشان مامتها .. ان شاء الله فى ختام الروايه اعملك تورته المره دى من عمايل ايديا .. و انا عندى اغلى من الهمسات هههههههه ..

على قد ما صعبانه عليا رفيفتى .. بس مبسوطه من اياد و اللى عمله فى اللى ماتتسماش .. اقل واجب بصراحه .. انا لو منه كنت قمت رميتها فى اقرب مقلب نفايات ..
ولا صاحبتها اللى من نفس الطينه .. بس كويس ان لينار واخده بالها منها .. دى عايزه اللى يوقفها عند حدها .. و نصيحة كنزى فى الصميم .. اتمنى انها تاخد بيها هى كمان قبل مايحصل مالم تحمد عقباه .. يحى مايستهلش منها كده ..

هومى تسلم اناملك يا غاليه على كل حرف خطيتيه .. اخخخخخخ صحيح يعنى كان لازم تحرجينى و تفكرينى بروايتى المخلله .. هههههههههههه بس انتى عارفه المثل المعروف الروايه زى المخلل كل ماتغيب تحلو ههههه .. انا عارفه والله انى كسوله و القرايه و مشاغل حياتى وخدانى من الكتابه .. المهم انى مش معلقه حد بيه .. يعنى فى روايات نزلت للقراء من زمان و مكملتش لحد دلوقت .. بس هحاول ان شاء الله انى اكملها .. ادعيلى بس ربنا يفرج همى و يشرح صدرى .. اللهم آمين ..
ماشى يا قلبى انا منتظراكى بشوووووق فوووووق الوصففف .. ربنا يخليكى و متحرمش منك .. بالتوفيق و دمت بكل حب