مسا الفل والياسمين عليكم يا قمرات
لقد حمي الوطيس
انسب عنوان لهمسات اليوم فالاحداث اشتعلت على كافة الجبهات المتحاربة-عفوا اقصد المتحابه باعتبار ماسيكون يعنى-
رفيف الاهداب واياد
حبيبة الشعب حمدا لله على السلامة يا جميل قلقنا عليكى الاسبوع اللى فات والحمد لله انها جت سليمه-شكرا هومى فلتى من حبس ايسو المرةدى كانت ناويه لك على الشر بس لحقتى نفسك-
بس صراحة مش عارفة ليه دايما حظك مع اياد منيل بستين نيلة كل موقف اسوأ من اللى قبله -تخطيطك شرير يا هومى على فكرة سايبة البنت على طول تضرب لخمة كده هل ده المقصود منه ان اياد يعيش معاها ردود فعل طبيعيه ويشوف تصرفات البشر العادين بعيدا عن حقن البوتوكس و السيليكون او لتحريك غريزة الحمايه عنده وانه يحس انها محتاجه حد تعتمد عليه فيتقمص دور الفارس المغوار؟-
عموما الشغل ابتدى والراجل بدأ فى تجهيز عش الزوجيه بس لحظةهنا
ليه اياد معرفش ابوه او حتى تميم-بير اسراره- عن رفيف لغايه دلوقتى هل ناوى يتجوزها فى السر مثلا؟ ساعتها تبقى وقعته طين وهستعدى عليه فريق حمايه حقوق البطلات (اه ما هى مش سايبه ام بوتوكس زوجة فى العلن ورفيف لا)
عموما نصبر ونشوف يمكن نكون استعجلنا وظلمنا الراجل وهو بس بيخطط بهدوء منتظر اللحظة المناسبه
على فكرة عجبنى سؤاله عن معنى اسمها -ده الشغل هيحلو يا معلم
عليا
الله ينور يا لولى منهمكة فى تحضير الاصناف اه حبييييييت الحساء الفرنسي بشكل لا تتخيليه خصوصا انه كان السبب فى اللقاء المنتظر -احيكى هومى لقاء مختلف يليق باختلاف ابطاله-
صراحة انا من اول الهمسات بفكر ازاى يكون اللقاء بين لولى وتميم لكن كالعادة هومى تخالف توقعاتى ويتقابلوا بالمطبخ لكن الحمد لله ربنا ستر ونجى الحساء الغالى والا كانت وقعة تميم هتكون سودا
تميم
بنظرة واحده بس الصداع راح يالا بالشفا وقعت ولا حدش سمى عليكى يا بطل تستاهل صراحة ايها العابث الصغير-طبعا مش قصدى ان اياد الكبير-
وبعدين اخرتها طعام اطفال مفقوووووووووووس يا حلو لا وبكل فخر بتعرف نفسك(تميم المرشدى) اكدت نظرة البنيه انك عابث بدرجة امتياز
منتظرة المزيد من اللقاءات بين الثنائى ده
طنط ثريا
وابتدى الشغل على كبييييييييييييييييييييييير طنط ثريا قفشت تميم فى المطبخ يا جدعان وحدث ما كانت تخشاه لولو
وشكل تخطيط طنط ثريا بدأ من النظرة الاولى وتلاعبت بتيمو صح -ههههههههههههه عجبنى قوى لما ودانه احمرت تخيلت شكله كنت هموت من ضحك-والله وقدرت توقعك طنط ثريا صحيح كيدهن عظيييم
كنزى
ايوه كده يا حلو يا جامد يا رافع راسنا لفوووووووووووووووووووق استمرى على كده يا كوكو وادى لسي ايهم افندى على حنطور عينه بلا رحمة ولا شفقة
خلاص يا هومى انا هسحب الشبشب وخرطوم الغساله وكفايه عليه كوكو اللى مشرفانا ورافعه راسنا
والسلاح الفتاك الجديد -الواد الحليوة - احمم احم قصدى الباشمهندس الامور الفاعل البتار
يحي
يا مرحبا يا مرحبا والله ونور المكان يا هندسة يالا ياعم يحي بقى وراك مهمة مش سهلة لازم تكسب قلب الجميلة كوكو
الامال كلها منعقدة على كده اوعى تسيبها للى ما يتسمى ايهم احسن تتحط فى البلاك ليست انت كمان
وعموما بدايتك رائعه -دا ان شخصيا قربت احبك يا راجل-
يالا بالتوفيق والجماهير الغفيرة كلها هتساندك وتشجعك
روفا
الحمامة البيضاء النقيه استاءت جدا من الاجواء المتكلفة -والفاسدة ايضا-فلم تتحمل البقاء وسط الاجواء الخانقه لها
اعتقد ان حضورها الحفل كان فى غير صالح ياسين لانه زاد من خوفها منه -اذا لم يكن نفورها ايضا- فهى بكل نقاءها لم تتخيل فساد- بعض -هذه الطبقة من خمور وعرى وعلاقات مفتوحة
اذا فالحفل نقطة سوداء جديده فى سجل ياسين
يا سين
يبدو انك ستعانى الكيييييييييييييييييييييير حتى تفهم نقاء روفا واختلافها الجذرى عن كل ما تعودت عليه
لينار وايهاب
بدايه صداقة ام بدية تعلم الحب النقى؟ الخالى من المصالح او اى هدف
عموما على البركة يا عم ايهاب لى لى هتكون تأديب وتهذيب واصلاح ان شاء الله
سالم
العابث الكبير-ايون هو العابث الكبير متندهشيش قوى كده يا هومى-
الراجل مش مضيع وقت ومباشرة كده ساب الاكتئاب والقراءة والمواساه وكل الحاجات وبيبص على الدبلة فى ايد كريمه
لا وبيسأل عن جوزها وبدأ يخطط
طب وربنا صعب عليا ايهاب قال جايبه عشان يشغله عن التفكير فى الجواز والستات
هههههههههههههه دى انا فصلت ضحك على منظره وهو نازل وشايف ابوه مع كريمة الواد يا حرام حس ان ابوه هيهدم مستقبله مع لى لى
معلش يا بنى قدرك وبعدين اخيرا ابوك قابل اللى هتعقله وتخليه اب هادى وكويس اصبر بس وادعى كتييييييييييييير لانك محتاج الدعاء اليومين دول
ملاحظه اخيرة يا هومى وصفك للعطور غايه فى الروعة بجد ابداع ماشاء الله عليكى بجد بحس كأنى فعلا بستنشق كل عطر وبتخيل تأثيره على البطلة بجد ابداع اهتمامك بالتفاصيل غايه فى الاتقان
تسلم ايديكى يا جميل
وفى انتظار الاحد القادم من الان
دمتى فى امان الله