السلام عليكم و رحمة الله و بركاته هومتى العزيزة
أولاً أنا باعترض على الحرب اللى أيسو و أعوانها - و اللى اكتشفت إذ صدفتنا أنى تبعهم – المشنونة على مراد بيك أنا مش عارفة هو فيه أيه الراجل هو كمان مصدوم واحد كان مستعد أنه يقدم خاتم الخطوبة لواحدة صحيح هو مش عارفها على حقيقتها دلوقتى و هى شخصية حقيرة بس هو معمى على قلبه بغض النظر عن كده حتى لو ناز مش كانت فى الصورة هو كمان هيكون رد فعله كده برضوا مافيش حد فى الدنيا بيحب أنه تتفرض عليه أى حاجة و دى مش حاجة سهلة ده جواز يا جدعان هو أتعامل مع الأمر كانه مأمورية مكلف بالقيام بيها يعني مافيش أى مجال للتعامل بذوق أو مجاملة أما بالنسبة لرأيه فى الشرقيات فداه زى ما هو وضح فشت خلق مش أكتر و فضفضة مع صديق كلنا بنقول كلام مش بنقصدوا وقت الغضب
وحاجة تانية أحنا لو ركزنا فى طريقة تعامل مراد مع ناز فهو شرقى حتى النخاع دايمن مش بيعجبه تحرر ناز و هو هيقارن بنفسه بين الشرقيات بثقافتهم و رجاحة عقلهم وفوق كل ده وده حيائهم و بين الغربيات .
ده رأى فى موضوع مراد و أظن أن كلها دمعتين أو أربع دمعات بالكتير و كل المهاجمات على مراد بيك هيدوبوا دوب فى رومانسيته.

وااااااااو هومى خالد و ندى بداية جديدة بعد ما تعلموا هما الاتنين الدرس و الدرس مش كان سهل عليهم هما الأتنين كمان عاصم أتأثر بخلافهم


هومى أنا قلقانة على نرفين من الناس اللى تعرفت عليهم على شبكة التواصل الأجتماعى و عندى أحساس أنها هتتعرض لخطر من معرفتها بيهم أيه رايك أفضل قلقانه و لا مافيش داعى للقلق؟
برغم من قسوة نرفين على شاهين لكن أنا عذراها معاها حق فى كل كلمة قالتها و رد فعلها ده نتيجة لغضبها مش من شاهين لا الأكتر من وضعها هى و عدم ثقتها فى نفسها و كمان ماننساش أنها حسه برفض الخالة ناريمان لأى علاقة بينها و بين شاهين غير الموكوسة شيرى اللى دبقاه
عندى أحساس أن جيدا هتكون خير معين لـ نرفين و هتساعدها ولو جزئياً على الخروج من قوقعتها
توعد شاهين لـ نرفين وعد منك أننا هنعيش معاهم مغامرات حلوة كتير يا هومى صح؟

حلوة الرحلة اللى قامت بيها ندى و سولاف التغير مطلوب يا ندوش فى كل حاجة ببجدد الحياة و اللى هينبسط بالرحلة أكتر و أكتر هو خالد هههههههههههههههههههههههههههههههه

رخم و رخمته فاقت الحد ماجد تصدقى يا هومى شخصية تبته بجد و مافيش وصف يوضح مدى غلاسته و أيقنت أنه شخص مريض بجد ربنا يستر على سولاف منه و من مخططاته

عمورة أبتدى ينسى جيدا لأنه مجرد انبهار مش حب لأنه لو حقيقى ماكنش تأثر بغيابها بس الحب الحقيقى أبتدى يظهر فى حياته مدللته الصغيرة و مصدر ازعاجه سولافى الحلوة و طبعاً الخالة زهرة مراقبة فى صمت

قامت جيدا بما يمليه عليها ضميرها و خطت أول خطوة فى طريق تعرفها بـ أمير أحلامها مراد
هومى معجبة جداً بالثنائى عمر و سولاف هما الأتنين الثنائى الأقرب لقلبى فى الرواية يليهم أكيد طبعاً صقرى شاهين و نرفين

خوفى زاد جداً على سولاف من معدوم الضمير ماجد و المشعوذة رانيا ياترى أيه مخبيه يا هومى لـ سولافى بس تعرفى خايفة و مش خايفة فى تناقض حاسة أن لو ماجد حاول يضر سولاف فى ملاك حارس هيحميها و ربما الضرر هيكون سبب فى التقريب بينها و بين عمر و عمر يعرف قيمتها الحقيقية عنده لما يحس أنها معرضة لخطر
عارفة يا هومى من الخميس للخميس و أنا بألف ميت ألف قصة لكل ثنائى فى الرواية و قول ممكن يحصل كذا أو كذا أو كذا
أنتى و روفى هتجننونى خلاص :)
برافو عليكى هومى اللى شرح الموقف لـ جيداء السيد ارسلان وهو شخصية مطمئنة ارتاحت له جيداء و ماسببتش مشاكل

قنبلة يا هومى زواج مرة واحدة يعنى مش حارس مرافق ليها و بس جواز الله يكون فى عونك يا مراد أستعد لسحر و روعة و نقاء و حياء الفتاة الشرقية متوقعة فرحت الخالة زينب و نرفين بيكفى أنها هتبعد عنه العلقة ناز و أظن أنهم هيستقبلوا جيدا بحفاوة بينهم

بركاتك يا جيدا مراد أبتدى ينتبه لنواقص ناز سعرات حرارية أيه يا حاجة ناز
لا الأمر زاد عن حده جداً السيد طاهر محتاج علاج أو قفة مش معقول كدة لازم حد يدخل و يفوقه لأنه لو استمر على عناده ممكن يخسر أمانى صحيح هى مش هتعمل حاجة ضد رغبة والدها لكن ممكن تتصدم صدمة كبيرة
و كان لازم تحصل المواجهة بينها و بين باباها علشان يفوق

صالح مختلف و جديد الفصل ده ده طلع رومانسى يا جماعة

ذلك المراد يا جوجو هيشوف الويل على أيديكى أنا متعاطفة معاه من دلوقتى ربنا يستر عليك يا أبنى عجبنى وصفها ليه بأنه زميل عمل اما نشوف الزمالة دى هتستمر لغاية أمتى و هتأخدكم أنتم الأتنين لغاية فين يا قمر

هومى كالعادة مش لاقية كلام يوصفلك قد أيه أنا ممتنة و سعيدة بمتابعة احداث الرواية بتعيشينى أجمل الأوقات مع كل حرف من حروفك الذهبية
الله يزيدك من فضله و يسرلك كل أمورك و يسعدك
موووووووووووووووووووووووووووووووووووووووووووووووووووواهـ