مساء الفل على عيونك يا هومي
مبروك نزول اول قطرتين من دمعات القمر
عقبال ما نبارك على نهاية الرواية ان شاء الله
طيب نبدا ونقول بسم الله

حبيت اوي اجواء الاسرة ومرح سميتي الغالية
البنت دي عسلاية خالص يا هومي
دخلت قلبي من اوسع ابوبه
هي واختها وباباها ومامتها كمان
العيلة كلها عيلة جميلة الواحد يتمنى انها تبقى عيلته
هواية جيدا جميلة وغريبة جدا
بس مش بيقولوا الفنون جنون
واضح ان البنتين اصلا طاقين بس كل واحدة ليها جنونها الخاص
اكرر اعجابي الشديد بسوسو الحلوة وضحكت بجد وهي متضايقة من المعيد
اه يا عم الامور انت غلس اوي كده ليه يالا
متسيبها في حالها بتنادي عليها ليه اصلا
هومي لا متعمليش كده فيها بليز
الظاهر ان عمر ده مبيفهمش على فكرة
ولا واخد باله من حاجة
انت يا تيت بس قدامك كويس
اممم
اماني بجد اتضايقت من ابوها جدا
هو عنده عقدة ولا اية
بس حلوة البنت واخدة بالها من عمر ونبهت جيدا ليه
عارف يا عمر رغم ان الاسم عندي ليه مكانة مميزة وبحبه جدا الا انك شكلك هتاخد بالصرم على نافوخك لغاية ما تفوق
مش عارف اعتقد ان المجهول اللي جيدا بتتلكم عنه مع اماني هو ادهم
ياعني هو اللي سافر بعد ما ابوها رفضه وهي انطوت اكتر بعد ما باباها عمل كده
عمو رياض بليز ساعدها الراجل ده منرفزني
مامة جيدا وسلاف معلش مش فاكرة اسمها
عندها نظرة ثاقبة والوالد عاوز عمر لاي بنت من بناته فهو معتبره الولد اللي مخلفوش
حلو يا هومي حلو
بس يبقى عمر حمار حصاوي ومتضايق من سلاف
واد يا عمر اتلم واتعدل احسن لك


اممم
اه انتم جايين لي انا بقى " على راي عادل امام "
انتي وروفي ليه كده لييييييييييييه ها منك ليها
ياعني ايه سي خالد ده
وانا من هبلي حجزته
يخربيت برودك يا اخي
اه انت محترم ونزية وبصراحة عجبني موقفك مع الممثلة الشمطاء اللي عاوزة تواكب الموضة
اتلهي يا اختي على عينك
عجبني الحوار بينه وبين زيله يا هومي
عجبني جدا وفعلا جراحة التجميل هدفها الاساسي انها تساعد اصحاب الحوادث والمرضى مش النفخ والشد ومعرفش اية
ندى يا قلبي
سيبك منه وايوة روحي عند امك يومين بس متسيبلوش الساحة حسسيه بقيمتك
هو في الاول وفي الاخر بيحبك انتي مراته وام عياله
ياعني من الاخر قاعدة على قلبه ومربعة اوعي تسيبي واحدة تانية تلف عليه

اوووووووووووه
ياهلا يا هلا باسطنبول واهلها
شاهين ونرفين ومراد ونازلي
طيب بادئ ذي بدء
نازلي دي منزلتش من زوري خالص
والظاهر ان مراد ده عنده غباء زهني ولا ايه دي مش لايقة لك خالص يا معلم
شاهين ربنا يكون في عونك يا بني انا كنت فاهمه اني ام مستبدة طلعت قدام مامتك ولا حاجة
يا نهار ابيض ومين شيري دي اصلا
يا باي على تقل دمها
نرفين بقى يا هبله في حد زي شاهين كده يجيبلك ورد تقومي متضايقة وزعلانة
ايه العيال اللي دماغها طاقة دي
بس انا اي حد يجيبلي عودين فجل هزقطط واعمل لووووووووولي فرح اصلا
مش حد زي شاهيين ونبي انتي كمان اتلهي

صالح
مش عارفة ليه قلقانه منه يا هومي
رغم انه الى الان مش باين له حاجة
الا اني قلقانه منه خالص
ومش قادرة افهم له شيء

روعة يا هومي بجد استمتعت جدا على مدار الفصلين والصفحات والسطور
بداية مشوقة جدا قوية وغامضة
وموفقة جدا جدا جدا
ابدعتي وامتعتي يا هومي
وفي شوق طبعا للبقية
وعارف انك مش هتتاخري علينا
بجد تسلم دياتك
ومنتظرة البقية
موووووووووه يا قلبي