السلام عليكم ورحمة الله وبركاته
رورو قطرتين ولا اروع بجد ما شاء الله عليكى ابداع ابداع ابداع ربنا يحميكى وبالتوفيق دائما ربنا ميحرمناش منك ابدا
نيجى للقطرتين بسم الله
جيدا ومراد واخيرا لقاء العمالقة
بصراحة لقاء روووووووووووووووووووووووووووووعة عاجبتنى جيدا بطريقة غير معقولة البنت دى ميتخفش عليها خالص هههههههههههههههههههههه مراد اللى مكنش متوقع انه يلاقيها كدة لا وكمان دخله تحطله هى القواعد فى البيت والقوانين معاها حق مهو بيتها حتى لو كان مؤقتا مشهد رائع وكلامهم وكل حاجة يا رورو بجد ما شاء الله عليكى ابدااااع حقيقى لا ولما قالت حصلت على مسلسل تركى والدبلجة مع بعض ضحكت اوى ههههههههه فعلا حد طايل ايوة يا عم من غير قر وكدة هنيالك
مراد كل مرة بيخلينى احبه مش معقول اخلاق ورجولة وكل حاجة فى بعض هو ليه مش فى الواقع ده مبيحصلش ليييييييييه
واهو اعترف مراد ان الصدمة دفعته للهذيان وان اللى قاله كله عن افتراضات خاطئة ظلمتوه وخلاص
اللى قهرنى وخلانى متنرفزة مجىء الزفتة نازلى كان وقتها هو يا ساتر ربنا يخلصنا منها بقى ونرتاح
لا مشهد رائع بين نازلى وجيدا ايوة يا جيدا برافو عليكى لازم تفهميها من هى سيدة البيت وانه مهما كان زوجها حتى لو كان مؤقت ههههههههههههههه لا رائع متخيلة مشهد نازلى وهى على آخرها لا وكله كوم وما جيدا تقوله احنا لسة فى اول يوم وجبت بنت وقحة امال فى الذكرى السنوية هتعمل ايه لا مش معقولة انا قعدت اضحك على المشهد ده خالص بصراحة مشاهد مراد وجيدا كان من احب المشاهد لا ومراد عرف يوازن بين الاثنين ولم الدور بجد مراد ده راجل مفيش زيه
مشهد الفجر وهى عايزة ترسم بجد المشهد كان رائع كله على بعضه ولما راحوا يدوروا على بائع الفطير رائع يا رورو مش عارفة اقول ايه بصراحة ومشهد لما النور قطع وقعدوا يطبخوا هى الحلو وهو الحادق بس دى قفلة دى ياترى ايه الصوت ده يكون كلب ولا قطة مش عارفة اه منك يا ريهام
نيجى لسولاف والتيييييييييييييييييييييييييييييييييييييت الحقير ماجد
ايه الحقارة اللى هو فيها دى اه متغاظة منه اووى وهى يا حبيبتى بتعمل خير فى الزفتة رانيا وجايبالها الملازم اه مش قادرة لا لازم وقفة معاهم الاثنين بس ماجد اكثر ده عايز الشنق كان نفسى يموت انا مش عارفة هو هيجراله ايه ومش مهتمة بس نفسى لو جراله حاجة متجيش سيرة سولاف لا وكمان عمر جاى يكمل عليها مكفاية اللى هى فيه
وبعدين ايه عدم الثقة دى المفروض عارف اخلاق بنت خالته ميقولش كدة خالص بس انا مش متحاملة عليه عشان الصدمة كانت قوية عليه جامد بس انا نفسى يفوق قبل ميندم ليه يا رورو كدة معذبة البنية اعمل فيكى ايه انا
ندى وخالد ربنا يسعدهم ويفضلوا كدة على طول متفاهمين
ادهم وامانى
انا سعيدة اوى ان عمها رضوان اتدخل بجد سعيدة بالنتيجة وانهم اخيرا هيتجوزوا ادهم ده مفيش منه هو كمان لا ولما يقول عشان تكون زوجته مستعد يعمل اى حاجة اه ليه مفيش كدة فى الواقع نجبهم منين دول قوليلى على مكانهم ههههههههههههههه
ربنا يستر عليهم ويكملوا على خير ويبعد عنهم طاهر
يعقوب اخيرا ظهر مش عارفة يا رورو عندى شعور داخلى مش عارفة هو صح ولا لا ولا خيالى جمح متوقعة ان الشاب الشبح او القاتل الشاب اللى ظهر مع الراجل الاصلع هو يعقوب مش عارفة ليه الاحساس ده عندى بلاش تريقة عليا هههههههههههههههههه
وزى مانا قولت قبل كدة هو اكيد لنازلى مهما ليقيين على بعض
مين تانى بيتهيالى خلاص بقى كفاية رغى اول مرة اعملها ارغى كثير كدة بس بصراحة مش قادرة اوصفلة مدى استمتاعى بكل كلمة كتبتيها يا رورو ربنا يوفقك حبيبتى وييسر لك امورك
دمتى فى رعاية الرحمن

يا خبر نسيت حاجة مهمة جداااااااااااااااااااااااا
الخواطر رائعة يا سولى انتى واوان بجد مبدعات الف شكر ليكم بجد ربنا ميحرمناش منكن
الخاطرتين جنان ربنا يوفقكم
امووووووووووووووووووووووووواه جميعا