مساء الخير ساحرتى سوسى بعتذر منك كتير عن التأخير فى الرد أنتى أدرى و اجباتك و الأهم عقاباتك يا ميث أنا بخاف منها  استمتعت كتيرررررررر بالفصلين واو فوق الوصف حبيبتى يسلم أيديكى

ههههههههههههههههههه أنس ده عايش فى عالم تانى خالص البنت خلصت الثانوية من سنتين و هو لسه شايفها طالبة ثانوى صباح الخير يا أنوس  لا و كمان بيتأكد من عمو عادل و طنط هاله أععععععععععععععع سوسى بس ليه التوتر لما جات سيرة بابا تمارا و طنط هاله ذكرت أن تسابيح شكل باباها و أهله قوليلى بليزززززززززززز سوسى فى ودنى و وحياتك مش هقول لحد
عجبنى كتير سوسى أنك وضحتى أن حجاب طنط هاله فى وجود أنس بإيجابية مش بسلبية مش أخدتها فى نفسيته علشان هى ماماته لا أخدها من باب أنه رسالة منها على رجولته

أموت و أعرف غموض تسابيح من ناحية أهل باباها بالرغم من حبها لباباها الكبير بس واثقة أن باباها هو السبب مش عمها و الدليل معاملته الكويسة لتمارا و بيتمنى أن كمان تكون علاقته طبيعية مع تسابيح و الأم مش معترضة لا على العكس مرحبة جداً بتقارب العم؟!!!

عجابنى كتير رد فعل ريتال ناحية ايسل و أنها مش أخدت البنات بذنب مامتها بالعكس علاقتها كويسة جداً مع ايسل على وجه الخصوص عجبانى علاقتهم جداً .

و الله أنا مش عارفة أفرح فى السيد أدهم ولا أتعاطف معها بجد مش قادرة أحدد موقفى منه الصراحة تعاطفى معاه أكتر من فرحتى فى عذابه هو فاهم أكيد فاهم غلط بس أنا زعلانه منه لسبب واحد أنه عذب ريتال و هى مش ليها ذنب فى أى حاجة و هو عارف كده حتى لما هينتقم هو هينتقم من باباها فى صفقة ساعتها هيعاقب عزيز لكن هو دلوقتى بيعاقب ريتال و بس حتى بدون علم عزيز وده بيخلينى فرحانه فى عذابة حبه صغننين.
أععععععععععععع لا أنا أتعاطفت معها بعد رحلة ذكرياته مع ريتال بجد أتعاطفت معها 

وااااااااااااااااااااو حبيبتى نورى شمس الرواية المشرقة
لسه مش لحقت أفرح بنور و جت السحابة اللى ضلمت الرواية اععععععععععععع وصل دمار أيه يا عم زعلان ليه بس دول حتى بحسدوك على نور زعلان ليه بقا دمار و أنت مش من حقك تزعل اصلاً و تزعل بتاع أيه بقا بس أنا بفرح جداً و بنشكح لأقصى درجة لما أنت بتتنرفز أمانة سوسى زيدى عليه جرعت النرفزة حبيبتى أنتى

واو زوما هو اللى بيتصل ب كارمن لا و كامن بيعزمها على العشاء لا يا جماعة فى حاجة غلط فى الدنيا لا بجد أنا مش مصدقة نفسى

خمس سنين و أربع شهور و 16 يوم يا مصيبتى طيب ليه مش قال الساعة و الثانية أيه الدقة دى يا عم حمزة أكيد أخد فى أعتباره أن كوكى ممكن تزعل و الله أنت بتهزر بجد


شوفى سوسى علشان أنا ديمقراطية و مش بحب أظلم حد يعنى الصراحة و من تحت الضرس بتعجبنى علاقة فريدة بـ عمار برغم كل مساواة إلا أن علاقته بأخته علاقة وثيقة و قريبين من بعض و بيهتم بيها و ده واضح من معاملته ليها .


اعععععععععععععععع لا حمزة عكها بجد يعنى عارف من أمتى رهق اتوفت باليوم و الساعة و الثانية و البنت اللى مفروض مراته مش عارف عندها كام سنة ياريتك ما عزمتها على العشاء

الزفتة منه دى مش بتظهر إلا و وراها مصيبة بس أحساسى بيقولى ان المرة دى المصيبة متعلقة بصبحتها اللى سرقة مذكرات نورى و مفروض أنها تنجحها دلوقتى بس هى هتوقعها فى شر أعمالها ولو صح توقعى تبقى تساتاهل اللى ما تتسمى دى

فصل رائع جداً سوسى و أكتر من رائع أستمتعت جداً جداً بيه و بالفصل الـ 17 بس أعذرينى ليا عوده لتعليق عليه سامحينى سوسى أنتى عارفة أنا بنام بدرى 
ربنا يوفقك سوسى و يرزقك من فضله و نعمة حبيبتى و يسعدك زى ما بتسعدينا دايمن يا حبى
موووووووووووووووووووووووووواهـ مووووووووووووووووووووووووواهـ موووووووووووووووووووووووووووووواهـ