مرحبا مها
كيفك
الصراحة الفصل كان رائع كتير
مع اني لساتني مصدومة من حياة ميرال المأساوية
نبدا من الولد الكربوج والحباب حموده الي صار عمره سنتين وهو عايش ضمن عيلة سعيدة ومترابطة
فرحت كتير انهم عايشين بسعادة
والحمد لله انك ما جبتيلهم شي مصيبة
على الأقل خف عدد الي عم يعانوا شوي
وحبيت كتير وصفك للعيلة المحبة وكمان الحديث الي صار بين شهد وريما حول تربية أحمد
وصف رائع وفيه وجهة نظر
نرجع لسيرة ريما الحزينة الي لساتها متمسكة بذكرى حبها لراكان لدرجة انها حاسبة المدة بالأيام
سنتين و8أشهر وخلال هاي الفترة
اشغلت نفسها بالعمل ورفضت عروض زواج كتيرة
ونعرض من خلال محادثتها مع زميلة الها بالعمل انه في مدير جديد
ولأنك شريرة
متأكدة أن هاد المدير هو.......راااااااكان
اذا كان هاد التخمين صح فيا ترى
كيف رح تتصرف معه
وما بعرف ليش حاسة انه هو يا اما مطلق أو أرمل وللأكشن عنده ولد
ههههههههههههههه
وبالنسبة لسالي الي اختلفت كتير بكل شي طريقة لبسها ...كلامها ...وحتى اهتمت بالعمل وانها تنجح فيه
وكل هاد حتى تسترجع طارق الحلو وترجع تخليه يحبها
وهي ما بتعرف أن طارق لساته بيحبها وانه انتبه لكل التغيرات الي صارت معها
بس ما بده يظن انها بتحبه حتى ما ينجرح منها مرة تانية
وطبعا ....المنيل على عينه نبيل
رح يعمل كيوبيد ويحاول يقرب طارق من سالي
والطريقة هي عن طريق العمل
مع اني متضايقة منه لنبيل بس خطه حلوة
بس كانت مكشوفة بالنسبة لطارق الي الله يسلم ايديه ضرب نبيل
هييييييييييييييييييييييييييييييييييييييييييييييييييييييييييي ييييييييييييييه
وظهرت بنت جديدة وهي دانه الي أكيد رح تجمعها قصة حب مع عماد
بشوق لأعرف قصتهم
ونجي للمأساة
ميرال الي لحد هلق ما عم بعرف شو بدي احكي عليها حياتها مأساة بكل ما تعنيه الكلمة
الصدمة النفسية الي اتعرضت الها ميرال هي صدمة متأخرة وتراكمية لكل شي صار بحياتها
بدأ من عيلتها ومعاملتهم القاسية كتير ولما اتعرفت على نبيل الي ظنت انها وجدت فيه وسيلتها للخلاص
من جحيم عيلتها ووهو بسوء حكمه وتهوره زاد بحياتها مأساة جديدة وخاصة بقصة تهديدها بالصور
فقررت تلجأ لوالدها الي ما كانت بتتوقع ان ردة فعله تكون قاسية جدا عليها
وهو بالنهاية والدها ولازم يحميها
وكان تصرفه بتزويجها من رجل بعمره أو أكبر المهم يتخلص منها وكان الشخص هو عماد
أبو طارق الي ببعض كلمات مطمئنة منه بانه يريد شخص يساعده ويهتم فيه
وجدت عنده الحنان والأمان الي ما شعرت فيهم عند والدها وعيلته أو نبيل
وهاد كان سبب تأقلمها السريع مع ابو طارق انها كانت متمنية شخص يمد يد المساعدة الها
بس مع وفاته هي خسرت الأمان وبدت تعاني
وحاولت ترجع لعيلتها بس كان تصرفهم كان قاسي بطردها
وبدت تصاب بالاكتئاب وتزيد حالتها لانهيارها
هلق ما بعرف ان كانت هي حاولت تنتحر بشربها للدواء
أما قصة زواجها من نبيل ........فلا تعليق
بدي أعرف كيف اتزوجته والي بتوقع انه زواج على الورق
ومتمنية ان الفصل الجاي تخف معاناة المسكينة لأني انا الي رح انصاب بحالة كآبة
عموما كان فصل مدهش
حقيقة أبدعتي يا شريرة
منتظرينك الأسبوع القادم إن شاء الله
موفقة