نارا وهي تلعب بشعرها:كأن جدي بيسمع رأيي ولا رأيك-وقفت-يالله انا بروح لغرفتي
كنت ابي اشوفك اذا تعبانة ولالا
وطلعت بدون ماتسمع رد

سمارا عرفت انها ماتبي تتكلم بالسالفة
___________
كان جالس بمكتبه وفجأة رن جواله برقم غريب
رد:ألو
:ألو,,كيفك ياحسن
حسن سكت صوته مو غريب
معقولة هو,,معقولة بعد كل هالسنين يرجع يكلمه
لا أكيد يتوهم,,هذا مو جراح مو أخوه الصغير هذا اكيد واحد يشبه صوته
حسن:من معي
جراح:أنا جراح ,,معقولة نسيتني

مثل ماتوقع هذا هو جراح يميز صوته الواثق الرجولي من بين مليون صوت يشبهونه

نهاية الفصل الثالث

توقعاتكم+ارائكم

ابي حماااس ابي تشجيع
ملاحظة:من البارتات الجايه راح تبدأ الأحداث الحماسية جد
لان هذي كانت مجرد مقدمة عشان تفهمون شخصيات وتفكير
ابطالنا

لكم جزيل الشكر

[COLOR="Black"]‎الفصل الرابع
¤ لـقــاء ¤
عقد حواجبه وهو يحس بدقات قلبه مثل الطبل:لامانسيتك,,قلت يمكن أنت اللي نسيتني
جراح كان يشخبط بالورق اللي قدامه بتوتر:وش مسوي بحياتك
حسن تنهد:الحمدلله حياتي زينة
-بنوع من التحدي-وأنت وشلونك مع اليتيمات
جابها على الجرح قال يتصنع النجاح في تربيتهن:ممتاز
مرت لحظات صمت على الطرفين
يملئها التوتر,,الخوف,,الشوق
جراح شد شعره البني المحروق اللي يتخلل مقدمته شعرات شيب قليلة
منتشره برونق وجمال في شعره
وقال:عندك شئ بكرة الساعة8 الليل
حسن بأستغراب:لا
جراح فرك جبهته بأصابعه:طيب
تعال بكرة مسوي عزومة صغيرة
ومجمع عيالي وتسذا,,ياليت تجي
حسن كان بيقول لا مايبي يختلط فيه
بس الفضول لشوفة حياة اخوه شد للموافقة:أن شاءالله
جراح ابتسم ماتوقع انه بيلبي دعوته:ولاتنسى تجيب عزام معك
حسن ابتسم يعرف وش كثر جراح يحب عزام من لما كان صغير
:طيب بقوله وبشوف
جراح هز راسه:طيب مابي اطول عليك,,مع السلامة
حسن:مع السلامة
سكر وتنهد براحة
صح يكرهه من لماكانوا صغار
لان جراح كان متفوق بدراسته أكثر منه ودائمآ كان يجيب الأول
وسافر لبرا وقتها ودرس هناك
وعلى زمنهم كان اللي يسافر برا
زي الملك من حيث التوظيف
والمكانة الأجتماعيه بعد
ورجع واشتغل مع ابوه وحسن
بس كان اشطر من حسن
رغم ان حسن كان متفاني بعمله
بس كان مطلوب منه أكثر من طاقته
واي شئ يسويه جراح اللي اصغر منه
لازم يسوي أحسن منه أو على الأقل مثله
بس حسن كان مايقدر
>>فالنهاية لكل شخص قدراته
بس ابوه كان يفرق بينهم في كل شئ ودائم يقوله
:شوف جراح,,ليه ماتسوي مثله
متى بتتعلم اللي اصغر منك يعرف يشتغل أحسن منك يالخبل
ومن هالكلام الجارح,,وبعد سنتين
من توظيف جراح اللي اظهر فيها
ذكاءه ودهاءه صار ابوحسن يعتمد عليه بكل شئ,,وحسن طبعآ مهمش
مما زاد كرهه لاخوه جراح
وبالرغم ان جراح كان يمتلك من الغرور والشموخ مايعجز عنه إنسان
إلا انه ماكان يغتر ويشوف نفسه على أخوه
بالعكس كل يحبه ويحب يجلس معه
بس حسن كان يحس بالغيرة منه
ويتفادى انه يجلس معه
وبالتالي سبب هالشئ فجوة كبيرة بينهم
___________

واقفة قدام مكتبه دقت الباب
:ادخل
فتحت الباب وابتسمت بهدوء:جدي ممكن اكلمك شوي
جراح كان مبتسم فرحان للحين عشان اخوه بيجي:ايه حبيبتي تعالي
سمارا جلست وهي لابسه بيجامه باللون الأصفر وتاركة شعرها براحته,استغربت من ابتسامة جدها
العادة اذا كان بمكتبه يكون ماله خلق لأحد
لانه يكون يشتغل,قالت برسمية:
امس قدم واحد على شغل عند نارا-قالت تكمل كذبها-طبعآ نارا
ماناقصها موظفين فقالت لي وش رايك نوظفه بدال ناصر
جراح عقد حواجبه:بس حنا نبي نوظف واحد من نفس القسم
لأنه يكون عارف الشغل عندنا وعنده خبرة
سمارا رفعت اكتافها:الصراحة أنا قلت لها نفس هالكلام,,بس هي اقنعتني
بأنه لو وظفنا واحد منهم بيكون نفس ناصر وبيسوي مثله
تعرف ناصر كان يزود رواتب موظفينه وهم اكيد بيتبعون نهجه
جراح هز راسه بأقتناع:اوك,,وشنو مؤهلات الموظف
الجديد
سمارا ابتسمت بأستهزاء للي بتقوله قالت الكلام اللي
حفظته من نارا:هو معه شهادة جامعية ادب انجليزي
وماعنده لاخبرات ولادورات بس نارا
تقول أن مخه إداري وشخصية قوية ويحب الشغل
جراح ابتسم بأستخفاف:ونارا كيف عرفت كل هذا عنه
سمارا بدفاع:هي قابلته وحست منه هذا الشئ
جراح رمى القلم اللي بأيده:اوك حبيبتي
إذا مقتنعة فيه ارسلي خطاب بتعيينه عندنا
سمارا هزت راسها وطلعت وهي مشوشة ومستغربة
منه وش فيه مبسوط كذا
مشت متوجهه لغرفتها قابلتها نارا
وكأنها بتروح لجدها
سمارا استغربت:اش فيه
نارا رفعت اكتافها:ماادري جدي يقول يبيني
سمارا اشرت على باب مكتبه بأستغراب أكثر
:بس أنا كنت عنده وماجاب لي طاري
نارا تخصرت وبدلع:لايكون غيرانه مني آنسة سمارا
سمارا ناظرتها بأحتقار:الله يعينك على تفكيرك
-مشت بس رجعت لها على طول-
صحيح نارا قلت لجدي عن موضوع تركي ووافق
نارا استغربت توقعتها نست بس
سمارا مستحيل تنسى شئ يخص الشغل
فتحت عيونها بفرحة:جد
-ركضت لها وضمتها-الله لايحرمني منك ومن مساعداتك
سمارا بعدتها وهي مبتسمة:ايوه ذا اللي يهمك مساعداتي
نارا بضحكة دلع:ههههههه اش اسوي جدي مايثق فيني لازم واسطة
سمارا وهي متوجهه لغرفتها: وتلومينه ,,, من عمايلك
نارا تنهدت بفرح وبصوت خافت
:الحين لما اقول لتركان بيطيير من الفرح-شهقت-نسيت جدي
راحت تركض وفتحت الباب بدون أذن من الخوف
سكرته وقالت بأحراج وأدب عكس
لما دخلت بهمجيه:سوري جدي من الربكة نسيت ادق الباب
جراح تنهد من تصرفاتها الطائشة
حتى الإتيكيت ماتدله واشر لها
:ماعليه اجلسي ابيك بموضوع
نارا ميلت فمها))والله كثرت مواضيعك يالشيبه
قلبت هالمكتب غرفة إجتماع))
جلست وحطت رجل على رجل وهي ماهي مهتمة
باللي راح يقوله,,,مافيه شئ ممكن يكون
أسوء من وجود عياله المجرمين بينهم
جراح قال بثقة كعادته وهو يحرك الكرسي يمين ويسار بخفة
:بكرة الليل راح يجون عيالي هنا
نارا ناظرته بصدمة
صحيح كانت عارفة أن هالشئ بيصير
بس ماتوقعته بهالسرعة,,لهالدرجة مستعجل
اكتفت بالصمت وهي جواتها نار تحرق قلبها
جراح وهو يدقق على ملامحها بحدة:وابيك تنظمين العزومة,,يعني
من ادق التفاصيل لأنه اخوي حسن بيجي
نارا ناظرته وهي تردد وراه ببلاهه
:اخوك حسن,,ليه جدي أنت عندك اخوان
جراح رمقها بنظرة وقال بأستهزاء
:لا مقطوع من شجرة
نارا انحرجت وقالت بتبرير:لا جدي موقصدي بس ماعمري شفته
جراح كمل تأرجحه بالكرسي وقال ببرود
:كان يجي هنا ماتتذكرين؟
نارا بتفكير:اممم لا ,, بس اذكر كان يجي واحد هنا ومعاه ولده الصغير
جراح رفع ايده:بس هذا هو-عدل جلسته-اسمعي
يانار ابي كل شئ يكون منظم
ابي الكل يعرف أن هذولي بنات فهد تربيتي
ابي تنظيم يرفع راسي
نارا انقهرت ,,جالس يطلب منها
انها تشرف على تجمع المجرمين القتلة بنفسها
بس في نفس الوقت فرحت لأنه
طلب منها هي مو من سمارا
هزت رأسها تطمنه:تطمن كل شئ بيكون تمام
جراح ابتسم وسند ظهره للكرسي:ممتاز...........[‏‎/COLOR‏]

جراح:ممتاز....... تقدرين تروحين


هزت راسها ووقفت وطلعت وراحت لغرفتها وهي مبتسمة
هالأيام كل شئ يمشي حسب تخطيطها
ابتدأ من تعيين تركي,,ومرورآ بالفرصة
الذهبية لتحسين سمعتها وثقة جدها فيها
وانتهاء بسلطان
راح تثبت له أنها ماانكسرت بأبتعاده عنها
تدري أنه للحين يحبها رغم تخليه عنها
وراح توريه وجه نارا القبيح,,وجهها الآخر
راح تخليه يستغرب كيف يحب وحده مثلها
ارتمت على سريرها واطلقت ضحكة عالية:ههههههههههه
تحس بأنتعاش بمجرد التفكير في أن كل
شئ يصب في مصلحتها
تحس بشئ جالس يدغدها من جوا
تحس بالشفقة والرأفة بحالهم
بمجرد تمر في بالها خططها
للأنتقام منهم
من لما كان عمرها 10 سنوات وهي تستنى هاللحظة
والحين بس حانت
___________
صباح اليوم التالي
هذا يوم حافل جدآ لأبطالنا اليوم بتبدأ مرحلة جديدة بالنسبة لهم كلهم
نارا
سمارا
عزام
تركي
علا
كلهم اليووم بتتغير حياتهم
واقف وهو يناظر المرايه اليتيمة بغرفته
مرايه بطوله مسندة على الجدار
من لما قالت له نارا البارح على
الموافقة بالشغل وهو فرحان
البارح مانام وهو يفكر بحياتة اللي
بتتغير 180 درجة
واقف وهو كاشخ,,صح فقير بس
مثل مايقولون القالب غالب
وش مايلبس يطلع حلو
تعطر وطلع للصالة وكانوا العنود
ورسيل جالسات بالصالة
رسيل تصفر بأعجاب:وش هالزين وش هالحلا,,شكلك ناوي على البنات
تركي نفخ صدره وقال بغرور مصطنع:من يومي وأنا مزيون
مافيه شئ غريب
العنود دقت رسيل بكتفها:مسكين
صدق ههههههه
رسيل تتصنع الشفقة عليه:ماتوقعت أنه بيصدق بسرعة
تركي ناظرهم بأحتقار وقال بثقة
:ماني محتاج احد يرفع معنوياتي
-قال وهو يعدل شماغه-مثل مايقولون
واثق الخطوة يمشي ملكآ
وهو كان فعلآ ملك بهيبتة وثقتة بنفسه
تركي شاب طموح,,صاحب مبادئ
تربى في عائلة محافظة ومحترمة
وتعلم من ابوه معنى التضحية والصبر والمحافظة على دينه
بس الظروف أبدآ ماكانت بصالحة
تعرف على نارا بأحدى المقاهي
وهي من بادرته بطلب التعرف
ومن بعدها صاروا أصدقاء
قال وهو يناظر رسيل:ليش اليوم
مو رايحة الجامعة
رسيل ميلت فمها وقالت:ماعندي
محاظرات مهمة,,وحسيت نفسي
تعبانة شوي قلت اجلس أحسن لي
تركي سند ايده على الجدار وقال بأستخفاف وصوت حاد:
لا والله تعبانة,,ووش اللي متعبك
وش تحسين فيه
رسيل بلعت ريقها وقالت وهي توقف وتقرب منه وتجلس ترتب شماغه بتضيع الموضوع
:أنت الحين لاتزعج نفسك معي وتتضايق
اليوم أول يوم دوام لك ولازم تكون رايق
تركي رمقها بنظرة والتفت لعنود وقال:أنا تأخرت
ماراح افطر-ناظر رسيل-وأنتي شغلك عندي لارجعت
همم
رسيل بلعت ريقها تعرف تركي جدآ حازم
بهالأمور
العنود ناظرت تركي الين طلع والتفتت لرسيل
:أنتي ياام كشة ترى كثرت غياباتك
رسيل جلست بمكانها وميلت فمها
:الجامعة صايرة تطفش,,احضر محاظراتي
وبعدين اجلس اطالع الناس اليين يجي
اخوك ياخذني بسيارتنا المقربعة
-حطت ايدها ع خدها وقالت بزعل-
ياحسرتك يارسيل البنات عندهم سواقين
وأنتي حدك هالسيارة آكل الدهر عليها وشرب بعد
العنود تجاهلت كالعادة كلام رسيل
عن فقرهم وقالت ببرود أعصاب
:وليش تجلسين تناظرين الناس ع قولتك
اجلسي مع صاحباتك-بأستهزاء-
ولا لايكون ماعندك صاحبات عشانك فقيرة
رسيل ناظرتها تكره كلمة فقيرة
رغم أنها الكلمة الوحيدة اللي توصف حالها
بس تكرهها وماتحب تسمعها
قالت بأنفعال:لا ياعمري أنا اللي مااصادق أحد
عشان مايعرفون أني فقيرة-وشدت عليها-
على قولتك
العنود تنهدت وقالت ببرود يمكن عشانها ماتفكر
بتفاهه مثل رسيل أو حتى يمكن لأنها ماحست
بنظرات البنات المحتقرة لها وكأنها زباله
:بس هذي قسمة ربي لك المفروض ماتعترضي عليها
رسيل قالت بزعل:أنا مو قصدي
أني اعترض على قسمة ربي بس
أنا مايقهرني
غير هالبنات اللي ماهمهم الا المضاهر
والماركات وآخر صيحات الموضة
العنود صبت لها كاسة شاي وقالت
بتنسيها:ولايهمك الحين تروقك شواهة عنودة
)تقصد شايها(
رسيل ضحكت وهي تاخذ الكاسة
:هههههههه والله ماجابلي المرض
غير شاهيك
العنود تخصرت:لا والله ,, أنتي سوي مثله
بعدين تعالي تكلمي عليه
رسيل بعدت شعرها عن كتفها بدلع
:تاركة الطبخ لك,,أنا المدللة مااطبخ
العنود رفعت حاجب:أنا مايقهرني
غير اللي تقول-بتميع-أنا مااعرف اتبطخ
الحين وش دخل الدلع بالطبخ
رسيل وهي تاكل حب معها
:يوووه ياكثرهم هالنوعية ذي بجامعتنا
-وكأنها تذكرت شئ-صح ذاك اليوم
جات وحده وسألتني-تقلد مياعتها-
رسيل أنتي كيف تسوي شعرك كدا
شعرك مررره كيوت,,قلت لها ماسمعتي الحكمة
اللي تقول لاتسأل المرأة عن أسرار جمالها-بأنتصار-وقمت وتركتها والله يااني سويتها مصخرة
رسيل شعرها مموج بموجات خفيفة طبيعية
وحيوية ويوصل بموجاته لربع ظهرها
العنود تمد لها كفها:ههههههه مسكينة طارت جبهتها
___________
فـي مـؤسسـة الگاسر
رفعت جوالہا وبحركة سريعة ضغطت
على الكيبورد ودقت عليه
تركي:ألو,,نارا وينك
نارا وهي تناظر موظف الأستقبال
الخقة:أول ماتدخل المبنى راح تلاقيني على طول
سكرت والتفتت للموظف وابتسمت بتميلح له
الموظف رجع يكمل شغله وهو محتقرها
لأنها ]فالته[ هذي نظرة اي شاب لأي بنت
ترمي نفسها عليه لأنه حتى لو ابتسم لها
أو كون علاقة معها يبقى يناظرها بالنظرة الدونيه
مافيه اي شاب يحترم بنت ماقدرت تصون
نفسها ولا سمعتها ولاحتى أهلها
دخل تركي وجاء لها على طول لأنها
كانت ملفتة للنظر مو بس عشانها
حلوه
مكانها بعد كان غريب
تركي وقف وتنهد:صباح الخير
نارا ابتسمت وهي ترد:صباح الورد
يالله ترى تأخرنا
تركي تنهد بتوتر وهو يمشي معها
:أن شاءالله تمشي الأمور على خير
نارا وقفت قبل لاتدخل الأصنصير والتفت له
وقالت بنبرة حادة:ايش ذي تمشي الأمور
على خير ليه احنا جالسين نسرق
-ارمشت بسرعة-لالالا الكلام ذا مايمشي هنا
سمارا إذا شافتك كذا ماراح تقبل
أنك تشتغل عندنا لأنها تحب الأشخاص الواثقين
-بتشجيع-خلك مثل مااعرفك كذا قامد
تركي ضحك على تصلبها وهي تمثل الجمود:ههههههه
نارا ابتسمت بأعجاب بضحكتة المثيرة
بالنسبة لها اي شاب وسيم تحسه ملكها
خصوصآ تركي
دخل تركي الأصنصير وهو يناظر
المؤسسة من فوق لأن الأصنصير شفاف

جلس يطالع بفهاوة أول مره يدخل شركة بهالفخامة
شرد تفكيره بهالعز
ناظر نارا وهو مايسمع وش جالسة
تقوله عن الشغل وكيف يقابل سمارا
وهو يفكر في مدى قذارة هالأنسانة
ومع ذلك تتقلب في أنواع النعيم والترف
وقف الأصنصير وطلعت تتمخطر وهي تهز رأسها
وتدندن بأغنية أجنبية
مشى وراها وهو صامت غارق في بحر أفكاره
ناظر نارا وهي تكلم السكرتيره بتعالي
:سمارا مشغولة
نوره وهي تقف وعلى وجهها أبتسامة
اغتصبتها:لا أستاذة تفضلي
نارا رفعت حاجب :أنتي شكل الأستيعاب عندك ضعيف
-قربت وجهها منها -كم مرة قلتلك
تقولي لي طال عمرك طال عمرك
-بأبتسامة خبيثة-صعبة؟
نوره بلعت ريقها وناظرت تركي المصدوم منها
ونزلت رأسها تناظر طاولتها:لا
نارا أبتسمت وهي تشوفها تحاول
تتماسك وماتبكي ناظرت تركي
ورجعت تناظرها:اوك -وهي تناظر أظافرها-
ايش تقوليلي مره ثانية؟
نوره وبداخلها بركان على وشك الأنفجار
احرجتها قدام هالشخص الغريب
بلعت ريقها للمره الثالثة وقالت بصوت
مرتجف:طال عمرك
نارا ابتسمت وبعدت شعرها عن وجهها بدلع
تعشق التحطيم,,أجمل لحظاتها هي
الوقوف أمام شخص محطم
توجهت لمكتب سمارا ودقت الباب
طرقات خفيفة وفتحت الباب ناظرت
تركي اللي للحين واقف مصدوم عند مكتب نوره
قالت بدلع:تركان-ناظرت نوره بأحتقار-تعال
تركي مشى وراها ودخل وشاف بنت جالسة على مكتبها
وتطالع أوراق قدامها وتشتغل بجد عرف أنها سمارا
قالت برسمية وهي للحين تناظر أوراقها
:خير نارا اش فيه
بلع ريقه صوتها واثق,,ورغم نعومتة
يخلي أي موظف يرتجف من هيبته
نارا بأبتسامة طفولية:ولاشئ بس أنتي عندك موعد مع تركي ولا نسيتي
سمارا رفعت رأسها وطالعت تركي
كان أسمر وشعره أسود يوصل لنهاية رقبتة وحواجبه سوداء جميلة
وانفه طويل,,وعيونه سوداء واسعة
وطوييل حيل وجسمه متوسط يميل
للنحافة أكثر
ابتسمت بأستهزاء))أجل أنت تركان((
وقفت وقالت برسمية:أهلين أستاذ تركي تفضل
تركي طالعها بأعجاب تشبه نارا بكل شئ
الا شعرها الأسود ,, وبراءة أو ¤طهارة¤ تعتلي وجهها
عكس نارا اللي نظراتها وقحة
نارا وهي تناظر ساعتها:أجل أنا أستأذن عندي شغل
سمارا وهي تفتش بالأوراق قدامها:الله معك
رفعت رأسها لما سكرت نارا الباب
وقالت برسمية:عطني ملفك أستاذ تركي
تركي ناظر يدها البيضاء الممتدة له واعطاها الملف
وهو في داخله ضحكة أستهزاء
))أستاذ,,أستاذ مره وحده ياتركي
,,والله وبدت الدنيا تضحك لي((

_____________________________

رجع لروتينه المعتاد,,أمس كان يوم مستحيل يتكرر
جده جالس يفطر بمقدمة الطاولة
وعلا مقابله له,,نفس المشهد يتكرر
وكأنه محبوس فيه
تكلم حسن :اليوم كلمني جراح
عزام وهو يتابع اكله:جراح من
حسن وهو يترك الشوكة من ايده:
جراح أخوي
عزام التفت له بسرعة وهو معقد حواجبه
يكره هالأنسان بحجم السماء ,, طبعآ هذي
أفكار حسن اللي زرعها فيه من الصغر
قال:ووش عنده ؟
حسن وهو يتصنع الامبالاه والجمود ظاهر
على وجهه:ولا شئ مسوي عزومه
صغيرة وبيجمع عياله وعزمني عليها
-رفع اصبعه السبابة-وتراه لزم أنك تجي
عزام هز رأسه بأنصياع وكمل أكل
صاير اليوم يطفش من كل شئ
وماله خلق لاي شئ
___________
الساعة 12 الظهر
دخلت البيت وهي تدندن وقفت بنص الصالة
وناظرت البيت حولها ابتسمت بسخرية
:حلو شكل البيت وهو فاضي
التفتت لريمي اللي بالصالة الثانية وتشرف على
الخدم وهم يرتبوا
رفعت صوتها بدلع:ريمي تعالي
جات ريمي بسرعة لها:نأم ماما
نارا ناظرت الخدم اللي يناظروها بأستغراب
لأنها راجعة للبيت بهالوقت قالت بحزم
:شوفي شغلك أنتي وياها,,ولاترى
راح اريحكم منه للأبد
رجعت كل وحده تشتغل بسرعة
للحين مانسوا الخادمة اللي طردتها
عشان طلبتها مويه وتأخرت 5دقائق بس
التفتت لريمي وقالت بهمس:اسمعي
طلعي الكرتون اللي جبته أمس لغرفتي
ريمي هزت رأسها بطاعة تعودت على الشئ ذا
وهي مبسوطة لأنها تعامل أحسن من اي
خادمة هنا
نارا وهي تناظر الخدم:وخليك على روسهم
ابي كل شئ منظم اوك ريمي
ريمي بسرعة:اوك
نارا ابتسمت ومشت للأصنصير دخلته وطلعت فوق
وهي تحس بإحساس غريب,, تحس
بالقهر والفرح والحماس للحفلة
اللي راح تبدأ
بعد ساعات
دخلت غرفتها ورمت عبايتها على أقرب كنبة بصالة
جناحها الفاخر
كان تملئه الألوان الرايقة
الجدران باللون الأبيض الناصع والسرير
باللون الفوشي الصارخ والمخدات
باللون الأخضر الفاتح,,كنبات الصالة
باللون الرمادي وتتوسطها سجادة دائرية
باللون الرمادي والأبيض
والستائر مخططة باللون الفوشي والأخضر
والرمادي والأبيض
أختارتها بناء على قلقها الدائم
وعشان ترتاح لما تدخلها رمت نفسها على السرير ونامت على طول
___________
إذا أردت أن تنتقـم فـ أحفر قبرين
أحـداهمـا لگ ,,, ››
الساعة 8:00 مساء
واقفة قدام المراية وهي تناظر شكلها النهائي
لابسة فستان بيج كت بدون أكمام ماسك
على صدرها وخصرها وبعدين يبدأ يتوسع
بنعومة وعلى الخصر حزام مطاطي عريض
شوي وبوسطه بروشه ذهبية ولابسة

شوز كعبها عالي باللون الأسود وتربط بشريطة ذهبية
تاركه شعرها الأسود على راحته
ولابسة سلسة ناعمة ذهبية
وحاطه اي شدو بني فاتح مره على عينها
واي لاينر على خط رموشها العلوي وماسكارا
وروج بني فاتح وبلاشر خوخي فاتح
رشت من عطرها الهادئ ونزلت تحت
مرتها ريمي بالمخبرة نادتها واخذتها منها
وجلست تبخر الصالة وهي تناظر الدخان وعقلها
شارد
ناظرها جراح اللي واقف بأول الصالة
وهو بقمة شياكتة,,استغرب وجودها
توقع أنها ماراح تقابلهم خصوصآ أنه
سمح لها
ابتسم وقرب منها:سمارا,,
ماشاءالله وش هالزين
سمارا التفتت له بسرعة وحطت المبخرة على
الطاولة الزجاجية وقالت بهدوء كعادتها وهي مبتسمة
:تسلم جدي من ذوقك
جراح وهو يجلس على الكنب الخمري
الفاخر:أجل وين أختك
سمارا وهي تجلس بجنبه:فوق تتجهز-بتردد-عمتو
نجلاء راح تجي
جراح هز راسه بنفي:لا كلمتها وقالت أنها
ماتقدر
بعد ربع ساعة
رن الجرس
التفتت سمارا بجسمها كله للباب وهي
تشوف الشغالة رايحة تفتحه حست
بقلبها يدق بقوة وجسمها متخدر
عند الباب
دخل وهو يحس برجفة هذا هو بيت
ابوه اللي تركه بكيفة من قبل12 سنة
الحين يحس بسذاجته وقتها,,كيف
يترك كل
هالذكريات وراه,,فجأة تدفقت الذكريات لراسه
مثل جريان النهر,,هالبيت جمعهم كلهم
ابو سلطان وابو راكان وابو جود ونجلاء وفهد
هنا كانوا يسولفون ونجلاء وفهد يسوون
إزعاج عندهم
وبغرفته كان جالس يحل واجباته هو واخوانه
وفالحديقة كانوا يطلعون يلعبون في
آخر الليل بالدس
وفجأة يطلع لهم ابوهم ووراه فهد
اللي خبره عنهم
مسك دمعته وهو يلعن نفسه كيف
ضيع كل ذا
دخل فالصالة وهو يفحص المكان بعيونه
ويحاول يحفظ تفاصيله,,صح الأثاث متغير
بس نفس المكان
دقته زوجته وهي تعدل نقابها
:شف هالعز مو الخرابة اللي احنا عايشين فيها
سامي وهو يناظر بفهاوة:سليطين وقف وقف
خلني اصوره عشان اوريه الشباب
فجر أختهم الصغرى وهي تقرب منهم
:اسمع سام صوره وارسله لي عشان
احطه صورة عرض لي بالببي وباحط
البيرسونال أحلى سهرة ببيت جدو
سمر الأخت الكبيرة اللي بعد سلطان على طول
وهي تهمس لهم:ياكثر تفاهتكم جد بزارين
سامي وفجر التفتو لهم
سامي:مالبزر غيرك يالحولا
سمر عدلت طرف لثمتها وهي متضايقة
وقالت بترد كرامتها:وش فيها الحولا
على الأقل عندي عقل مو مثل
غيري اللييي-وسوت بأيدها حركة يعني مجانين-
فجر تستهبل عشان تستفزها:كأنها تقصدنا
سامو


سامي وهو يتكتف ويسوي نفسه واثق:لا مااظن
-عشان يقهر سمر زيادة-أنتي خليك واثقة
عشان العذال ينقهرون
سمر بتمتمه سمعوها:الحمدلله يارب على
نعمة العقل
سلطان ماكان بحالهم كان يناظر البيت
وهو يدور على نارا بعيونه,,سنين
وهو
يستنى هاللحظة,,مايبي منها شئ
ولاراح ينتظر منها كلمة أو حتى سلام
أقصى أمنياته هي شوفتها
عساف وقف وهو يناظر ابنه الأكبر وعائلته
شئ من الكره تسلل بقلبه ,, قابلة
تيار
من عاطفة الأب,,ومشاعر متداخلة متناقضة
أما سمارا فكانت نار الحقد بداخلها
تتأجج وتتعسر ,, أقصى أمنياتها الحين هي
¤مسدس¤
ودها تمسك مسدس وتقتل فيه الواحد بعد الثاني
ارتسمت أبتسامة باهتة بالموت قدرت تطلعها
ابو سلطان توجه لابوه وهو يمشي بسرعة
اشبه بالهروله ,,سلم على راسه وباس ايده
وهو يحاول يتماسك وبقلبه كلام ماوصل للسانه
))يبه أنا آسف ,,يبه سامحني كنت غبي طايش
وماافهم,,يبه تكفى سامحني((
ناظر بعين ابوه والجمود يملئها وكأنه يقول
لاتحاول
نزل رأسه وهو يقول بنفسه
))أكيد ماراح تسامحني,,أدري أنك ماراح تقدر
تسامحني,,أدري بعد أن اللي سويته صعب
صعب يايبه لدرجة أنه من سابع المستحيلات أنك
تسامحني
تركتك وأنت بأمس الحاجة لي
قهرتك وكسرت ظهرك اللي كنت سانده علي
ضعيت الثقة اللي عطيتني اياها
ومااكتفيت بهذا بس,,لا وجريت أخواني معي
وذبحت اخوي,,آآآه يايبه آآآه لو تدري بالندم
اللي يحرق قلبي,,مافيه شئ قهرني غير ذبحه
أنا مو بس ذبحته أنا ذبحت نفسي معه
في كل مكان اشوفه,,في كل مكان اسمع ضحكتة
صوته وهو يعاتب
وهو يسولف
وهو معصب
وهو يلح بالطلبات
للحين اتذكر مزاجيتة,,كان يبي كل شئ يبيه
ينفذ
ومع كذا ما كان أناني بالمره
يصر على رأيه بس بأدنى نقاش ممكن يغير رأيه((
التفت لسمارا وابتسم بألم حتى هالبنات مع
الغيرة نساهم,,نسى كل شئ أعماه الحقد
))آآآآه بس لو أن الزمن يرجع((
>>هذا مانتفوه به,,عن أي ذكرى تدق
باب فكرنا,,ربما لحلاوتها أو لتصحيح
مرارتها
عساف طالع نظراته لسمارا وجاء
في باله أنه يمكن مايعرفها, تحمحم عشان
يرجع صوته وقال:هذي سمارا ماعرفتها
ابو سلطان بسرعة ولهفة:ألا اعرفها وشلون
مااعرفها
-ضمها له بحركة مفاجأة وهو يقول بحنان-
:وشلونك يابنتي
سمارا وهي مخنوقة من ضمته وهالحركات
التمثيلية التي اعتقدتها كذلك
))هه مسوي نفسه حنون,,بعد ايش
بعد ماقتل ابوي لا ويقول بنتي وقطع أن شاءالله
أنا مالي غير ابو واحد اللي قتلوه هم((