البارت الثامن عشر

في المستشفى -
مرام نايمة وهي حاطة راسها على سرير هند
سكينة تهز كتف مرام بخفة : مرام مرااام
مرام : ها
سكينة : شفيج تعبانة ؟
مرام وهي تتمغط : لا بس غفيت
لفت يمين ويسار بسرعه : فووز !!! وين فوز
...............................
عند فوز -
فوز : خلود شفيج
خلود مرتبكة وهي تطالع فوز
فوز : شفيج شنو كنتي بتقولين تحجي ؟
خلود : فوز انا احبج
فوز : نعم ؟
خلود نزلت راسها : اي احبج
فوز : اها حبتج العافية - وراحت-
خلود تركض لها وتمسكها من ذراعها : وقفي
فوز اللي مالها خلق احد : نعم
خلود : ليش طنشتيتي ومشيتي جذيه ؟
فوز : مو قصدي بس تعبانة ومالي خلق تفاهات
خلود : تفاهات !!!!!
فوز : اي تفاهات عيل شيسمونه
خلود : اقولج احبج تقولين لي تفاهات !!
فوز هني كانت نفسيتها زفت وبالعربي مالها خلق احد وفيه حرة بقلبها ومن سوء حظ خلود طلعت بهالوقت
فوز : خلود انا مو شاذة ولا احب بنات وحب يكون بين البنت والبنت بنظري تفاهه
خلود كأن احد صكها كف : شاذة !!
مسكت ذراعين فوز وهزتها : اقولج احبج تقولين انا مو شاذة !!! وتسمينها تفاهات
فوز دزت ايدها : خلود واللي يرحم والديج انا مو معتبرتج الا اخت وصديقه وخري عني مو ناقصتج جد - وتوها بتمشي -
لكن عانقتها خلود من الوراء وهي تبكي : فووز احبج والله احبج انا اللي كل يوم من السنه اللي طافت ادق عليج عشان اسمع صوتج انا اللي من السنه اللي طافت انطر بس فرصه اكلمج فيها تكفين حسي تكفييين
فوز وخرت ايدها ولفت وحطت عيونها بعيون خلود : خلود لثاني مرة اقولج اياها انا مو شاذة والحب المحرم هذا ما يستهويني عشان جذي غير الصداقه لا تحلمين
ارتجفت شفه خلود وتقطعت انفاسها وهي تقول : عيل لا تلموميني على اللي بسويه
فوز : هدي ايدي وين موديتني خلوود هديني
خلود وهي تسحب فوز من ايدها وتبجي : انتي اللي حديتيني على جذي
فوز : شنو شفييج هديني
........................
سكينه : يا بنت الحلال هدي شفيج
مرام : فووز فووز نسيناها !!
سكينه : ماعليه ما صار الا الخير
مرام : بروح لها انتبهي على هنود
سكينه : بعيوني افا عليج
وتركب مرام سيارة السايق متوجهه لفوز اللي قلبها بينعصر من الخوف عليها وبنفس الوقت يحاتي هند
...............................
فوز تكورت على نفسها بارضيه الحمام وهي منهارة
خلود تبوس راسها : اسسسفه فوز سامحيني
فوز تدزها : وخرري وخررري
خلود تحضنها بالغصب : انتي اللي حديتيني على جذي انتيي
فوز تشهق ومدموعها على خدها : يا حقيرة ياا حقي. وراح صوتها
خلود : تمسح خدها : سامحيني
فوز ركضت برا الحمام وهي تبجي بألم وخلود تلحقها
خلود تلحقها : فووز فوووز
فوز طاحت على ركبتها تبجي
خلود نزلت لمستواها وحضنتها من ورا : سامحييييني ابوس ريولج تكفيييين
فوز دزتها بقووووة : وخري يا حقيرة اقسم بالله ان شفتج مرة ثانية حتى تحاجيني لاقطعج تفهمين تفهمييين اكرهج اكرههج
خلود تبجي وتقوم من الارض وظهرها يعورها من دزه فوز : احبج فوز والله احبج
فوز تتفل عليها : الله لا يحبج
ولفت على الصوت اللي يناديها
مرام : فوز فووز
فوز مسحت دموعها عشان لا تنتبه مرام وركضت لها وحضنتها
مرام تمسح على شعرها : آسفه يا قلبي والله ما نقصد لما نسيناج ورحنا
فوز ما رفعت راسها من حضن مرام
مرام : يالله مشينا خن نروح
وركبوا السيارة وفوز ما نطقت بولا كلمة
مرام : فوز شفيه ويهج تعبان
فوز بصوت مبحوح : ماكو شي
مرام : انزين شكلج يوعانه شرايج امر ماك تاخذين لج شي تاكلينه
فوز : لا وديني البيت
مرام : ما تبين تروحين لهنود المستشفى
فوز شهقت : مستشفي لييش هند شفيها هاا ليش
مرام ، هدي هدي مافيها شي بس لان فيها ربو اختنقت من الشيشة
فوز تبجي : حيواانه قلت لها لا تشرب حيوااااانه
مرام تهديها : خلاص الحين هدي مادري شفيج اليوم شكلج تعبانه
...................
بالمستشفى هند قامت
شافت سكينه والبويات اللي كانوا معاها وزين قاعدين
سكينه قامت : الحمد لله على السلامه خرعتينا عليج يا البقه
هند : شصار
زين : شصار ها !! حضرتج ليش ما تحجيتي ان فيج ربو
هند : ههههههههه نسيت
دخلت السييتر السيلانية : هاي
البنات : هاي
السييتر : بنات اطلع برا بليز
سكينه : وليش انشالله
السيستر : يبي يعطي ابرة
هند : ابرة !!! مابي
البنات : ههههههههههههههه
زين ؛ اي اي بنطلع الحيين
هند تحذف عليها عليه الكلينكس : ويهد انشالله صج انج نذذله
زين : هههههههههههههه
........
سكينه وهي طالعه برا بالممر وتكلم فرح ( اللي كانت من ضمن البويات اللي معاها )
فرح ؛ ها اشوفك ما حاجيتها
سكينه : احلف عزووز تكفى احلف
فرح : والله من صجي البنت وايد داشه مزاجي
سكينه : بس البنت مو هني لا يات يصير خير
فرح : اف منك احسن انك بتسحب علي
سكينه تطلع زقارتها : ههههههههههه
طلعت السستر وهي تضحك : يالله انتوا يقدر يدخل
دخلت سكينه : ها بشري
فرح : هههههه شكلها ما يبشر بخير
هند تمسك ظهرها : اااااي الله ياخذها ايدها ثقيله عورتني
سكينه وفرح : ههههههههه
هند : زيون الجلبه وين
فرح : راحت مع جسوم ( جوزة ) و حمود ( نورة ) الكافتيريا يبيون ياكلون
دخلت فوز بسرعه وحضنت هند وهي تبجي : يا حيوااااااانه خرعتيني عليج
مرام : ههههههههههه ها ارتحتي الحين تطمنتي
هند : يا بعد قلبي وين كنتوا
مرام : خو اخترعنا عليج لما اختنقتي ويبناج هني ونسينا المسكينه
هند : ههههههههههههههههههه
ومرت ساعتين وهم قاعدين ،.....
هند : افف متى بطلع
مرام : باجر الصبح
سكينه : مروم روحي بيتكم تعبتي وانتي واقفه على حيلج كل شوي رايحه ويايبه شي حق هالبقه عشان ما تتحرك
هند : ههههههههه عسى الله يخليها لي مو انتم
مرام : لا انتوا روحوا خلاص الوقت تأخر
فوز : فهود الحين بالطريج
فرح : يالله سكينه جوزة نورة السايق برا
البنات : باي
زين تتثاوب : يالله انا هم بدق على سلمانوه
....................
عند خلود
خاله خلود ( رناد ) الصغيرة بالجامعه : مادري يا ام سلمان شفيج اقولج من ركبت معاي واهيا تبجي اسألها شفيج تجعمني
ام سلمان : ااخ من هالبنت قلبي قارصني عليها طقيت عليها الباب تصارخ تقول خلوني بروحي بنام
دخل خالد ( اخو خلود ) : السلام عليكم
ام خالد : خالد وعليكم السلام
خالد : يمه خلي الخدامه تصعد العشا
ام خالد : انشالله
رناد عقب ما صعد خالد : خلاص خن نخليها تنام وباجر نحاجيها
ام خالد : خلاص باجر انشالله
..........
اما عند فوز رجعت من المستشفى عند هند
وطلعت كل البجي اللي كانت حابسته بالمستشفى على فراشها

بالبارت التاسع عشر
يوم جديد
وهم جديد
-
قعدت مرام على درجها متأففه على فوز اللي غابت اليوم بعد
وهي تفتح غطاء القلم وترد تصكه
مرام : افففففففف هذي شفيها صايرة تغيب وايد
.......................
زين : هههههههههههه لسانج عقب الابرة تعدل
هند : جب بس جب
زين : ههههههههههههههههه
هند : بس جد جد احمد ربي ان ابوي ما انتبه اني ما نمت بالبيت وكنت بالمستشفى
زين : عادي خو نمتي بمستشفى ما نمتي بكازينو
هند : لا والله اقوله شربت شيشه واختنقت ونمت بالمستشفى
زين : هههههههههه عاد اتخيل تعابير ويهه وانتي تقولين له
هند : هههههههههههههههههههه
..............
مر اسبوع دراسي كامل على غياب فوز و خلود ايضا
مرام و فوز قلبهم حيييل قارصهم عليها لانهم يدقون عليها ما ترد او يكون مغلق
يوم الخميس - الصبح بالمدرسة
مرام : المشكله اني اخاف اروح لها البيت وتكون مو موجودة فشله ما يصير نروح وما قلنا لها
هند : يا عمي بلا فشله بلا بطيخ انا بروح لها ما تبين تروحين كيفج خاااااااايفه عليها واايد وربي ما اقدر خلاص
مرام : خلاص اليوم بمرج نروح لها
هند : متى
مرام : ع الساعه خمس
.............................
خلود اااخ يا حال خلود !
حالها لا يحسد عليه
ما تطلع من غرفتها ابدد
الاكل مثل ما يجي لها يروح بدون ما تلمسه
كل ما فكرت تدق على فوز تخاف تخاف ما تسامحها
...........
اما فوز كانت بهاللحظة الدنيا متقفله بعينها
من ضاري والتحرشات اللي صارت لها من خلود
كانت فوز وحدة ثانية متغييرة مو الاوليه
انطق باب غرفتها وهي كانت بالفراش
قامت وهي تصارخ : زيين زيين افف
ولما بطلت الباب شافت هند ومرام
هند تطقها : يا جلبه خفنا علييج
مرام : ويينج يا الطنق كل البنات بالصف والابلات يسألون عنج
فوز لفت وعطتهم ظهرها وردت قعدت على الفراش : تعبانه شوي
هند ومرام طالعوا بعض
فوز : شفيكم دشوا
هند صكت باب الغرفه وركضت لفوز وقامت تنقز على سريرها : ولان شكلج تعبانة اليوم بنروح نتمشى عشان تغيرين جو
فوز تضحك على شكل هند اللي جنها ياهل تنقز على سريرها : ههههههه مابي اروح مالي خلق
هند شهقت : شنو شنوو خير هند ومرام يايينج برسم الخدمة عشان يطلعونج وتقولين مالي خلق
مرام راحت لفوز وشلتها من على السرير وقعدت تدور فيها : الحين انشطج عشان يصير لج خلق
فوز : هههه مرام نزليني دخت
مرام تسدحها وتندغها : والحين بتروحين
فوز دمعت عيونها من الضحك : ههههههه هديني ههههه ب ب بروح خلاص هديني هههههههههههه
هند ومرام : هههههههههههههههه
....................
فرح : سكيينه خلاااااااص يننتيني
سكينة وهي تمسك راسها بقوة وتصارخ : فرح خلصييني
فرح : ما عندي من وين اييب لج من وين
سكينه تصارخ : مادري تصرفي خلصيني
فرح تمسك ويه سكينه : سكينه هدي هدي خلاص بشوف جسوم صبري صبيبري
وتدق وهي متوترة : الو الوو هلا جسوم تكفى بقى عندك شي من المخدرات اي اي تكفى ييب يالله انا ببيت سكينه بسررعه
..................:
خلود بصراخ : يممه خلاااص فكووني
ام خلود : لا مو خلاص موو خلاص سمعيني صارلج اسبووع مو مداومة وما حطيتي لقمة بحلجج شوفي شكلج شووفي ويهج سمعيني خلوود من يوم الاحد بتداومين ساامعه بسج من هالغياب اللي بيضيعج
خلود باستسلام : خلاص قلتي اللي تبينه وخلصتي ممكن اقعد بروحي
.......................................
يوم الأحد .....
دامت خلود وهي متأمله تشوف فوز وتعتذر منها
دخلت فوز الصبح للصف بتحط جنطتها
فزت خلود من مكانها اللي قاعدة عليه وركضت لها : فووز
فوز خزتها من فوق لتحت وخنقتها العبرة : خيير
طاحت خلود على ركبتها جدام فوز ومسكت ايدها وهي تببجي : تكفيييين تكفيييين سامحيني فوز ابوس ايدج ابووس ريوولج
دشت مرام بتحط جنطتها وانصدمت من المنظر اللي قع تشوفه
شافت خلود طايحة على ركبتها وماسكه ايد فوز تتوسل لها
خلوود : فوز تحجي تكفين لا تذبحيني
مرام : شفيكم
فوز لفت على مرام وسحبت ايدها من خلود وراحت لها : ماكو شي المهم انا بالاذاعه ها
مرام باستغراب : اوكي
وقطت جنطتها وراحت لخلود اللي انهارت بالبجي على الارض وهي مستغربه من ردة فعل فوز الباردة
مرام : خلود شفيج
خلود ما نطقت لانها منهارة بجي
مرام : شفيج خلود تبين اوديج السستر
خلود ما نطقت
مرام رفعتها من الارض وسندتها على كتفها ووصلتها مكانها عشان تهديها
.
.
عقبها نزلت لفوز عشان تعرف شالسالفه
بطلت باب الاذاعة وشافت فوز حاطة ريل على ريل وتقرا اوراق
مرام : فووز
فوز وخرت نظارتها الطبية عن عيونها : هلا مروم
مرام : شالسالفه
فوز ترد نظرها للاوراق : ماكو سالفه
مرام : تخشين علي
فوز : لا مروم مو جذي بس السالفه مو عني عشان جذي ما اقدر
مرام : براحتج
فوز قطت الاوراق : مروم لا تزعلين
مرام ابتسمت : شكو ازعل لا يا يبه
........
بمختبر الاحياء عند زين - هند
هند تطالع الابله اللي واقفه قبال طاولتهم تشرح لهم عينه وبيدها حيوان ميت
هند لاعت جبدها من ريحه الحيوان وشكله
وخرت عيونها عن الابله
الابله : هنند لا تسرحين طالعيني وانتبهي للدرس
هند بنفسها : خراا عليج برجع الله ياخذج
زين : ابله عطيني خن امسكه
الابله : زين انتبهي بس انتبهي
هند تمسك بطنها : ابله برجع
الابله : عن الدلع هندوه

زين : ابله ما لقيتي الا هندوه تتدلع ويع ههههههه
هند : ابله من صجي
زين شافت هند ويهها يقلب وبترجع خلاص : ابله صج والله صج
الابله : روحي الحمام روحي
راحت الحمام بسرعه ورجعععت
ولما ردت
زين : ويييع لا تقعدين يمي
هند بصوت خفيف : ليش ببوسج انا
زين : صج رجعتي ؟
هند : لا رحت ارقص اي رجعت
الابله : هند زين بسكم قرقه
هند : ابله تكفين خشي هالجثة هاذي تكفين
الابله : خلاص هند بوديها المختبر الثاني انتي شلونج الحين
هند : زينه
....................
العصر
هند نزلت من غرفتها عقب ما قامت من نومتها الا ابوها بويها
ابو هند : صعدي ولبسي
هند : ليش
ابو هند : بنروح لبيت عمامج
هند : مابي اروح - وتوها بتصعد -
مسكها ابوها من ذراعها : بتروحين
هند : يبه تكفى مابي
ابو هند : استحي على ويهج عمامج اخر مرة شفتيهم من يومج ياهل
هند بعبرة : انزين ليش تحاجيني جذي
ابو هند : لانج قهرتيني ويالله روحي لبسي
...............

البارت العشرون
هند بزوارة بيت عمامها
قاعدة وهي تنطر متى تطلع لانها مالها خلق
بنات عماتها كلهم قاعدين بالزاوية ومبيييين انهم يحشون فيها
اما هند فكانت قاعدة بزاوية بروحها يم يدتها ام ابوها
تأففت وقامت للحديقه على الاقل تشم هواء
يدتها : وين رايحة يما اكلي فطاير شي شربي عصير
هند ابتسمت : لا مابي
وطلعت للحديقة بس دعمت واحد مغتر ولابس دشداشة
هند : ويهد انتبه
الريال يطالعها : منو انتي
هند : نعم خير منو انت
الريال نزل راسه بادب : اسف اختي عبالي وحدة من بنات عماتي
هند : حصل خير وتوها بتوخر عن طريقه
الا سارة اختها الصغيرة تناديها
سارة : هند هند
هند : خييير
سارة : وين ماما
هند : شدراني عنها
الريال بحلق عيونه : هنند
هند لفت عليه
الريال : انتي هند بنت عمي عبد العزيز
هند : اي
الريال : اووووه قديييمة اذكر يوم كنتي تلعبين معاي كورة ايام الروضة
هند : صج ؟؟ ما اتذكر
الريال ابتسم : انا فواز ولد عمج عبد العزيز شفيج ما تتذكريني
هند : لا ما اعرفك اصلا
فواز : زييين شفناج يا يبا
هند : ههههههههه طلعت تصيرلي وانا مادري
فواز : ههههههههههه انزين يا بنت العم شرايج تروحين تلبسين حجابج عشان اطلعج مع البنات الباقين نروح نتعشى برا
هند : انا مو متحجبة ومابي اطلع
فواز : ليش يالله عاد عازمج
هند : مابي اطلع مع بنات عماتك هذيلا
فواز : بس هذول بنات عماتج ليش
هند : بس ويالله مع السلامة
فواز : انشالله نشوفج مرة ثانية
هند : ههههههه يصير خير
.......................
زين اللي قاعدة بغرفه مها ويضحكون
فجأة
مسكت زين ايد مها بدون مقدمات وحطت عيونها بعيون مها ومثلت البراءة وهي تقول : مها ع عادي اقو اقولج شي
مها توترت : قولي
زين : انا احبج واااااايد احبج حسي فيني
مها ابتسمت : وانا بعد
زين ابتسمت بخبث : صج حتى انتي
مها : اي ايي
زين بدون مقدمات : يعني نرتبط ؟
مها بحياء : هههههههههههه
زين : يالله عاد مهوي
مها هزت راسها بأي
زين : ابوووووووووووي
>> بنت ترتبط ببنت - وبنت تحب بنت - وجهنم تقول هل من مزيد <<
.....................................
مرام قاعدة بالصاله وتقلب بهالقنوات حطت على قناة دينية وكان مستضيفين شيخ يتكلم عن " البويات " ارتجفت اصابعها وطولت على الصوت و اندمجت مع كلام الشيخ ولكن ما قطع اندماجها
عبود : مرام
مرام لفت عليه : نعم
عبود باسها على راسها : اسسف اسسف تكفين سامحيني ما صارت
مرام قعدتها وحضنته : خلاص سامحتك
عبود دمعت عيونه : الله يخليج لي
مرام مسحت دموعه : لااا تبجي لاا تبجي جم مرة اقول لك لا تبجي جدام احد
عبود مسح دموعه بسرعه : انشالله انشالله
.............................
فهد بديوانة بيتهم طاح عليهم واحد من ربعه غشيان وهو رفيج فهد حيييل مسكه بخوف وسنده : تركي تررركي
تركي : هلا
فهد : تكفى روح داخل المطبخ ييب ماي
تركي : ابشر
ودخل داخل المطبخ يدور قلاص
بنفس الوقت نزلت فوز بثوب ابيض قصير على صورة ميكي ماوس وكانت رافعه شعرها دخلت المطبخ تبي تشوف شي تاكله وشافت واحد لابس دشداشة بيضة ومو لابس غترة او طاقيه وشعره اسود كثيف عبالها فهد
تخصرت : فهوود لا والله هذا اللي بيطلعني اليوم العصر لييش كشت فيني هاا
تركي تسمر بمكانه من سمع هالصوت الناعم لف والا يشوف نفس اللي دعمه هذاك اليوم صاحبه الثوب العشبي بس اليوم شافها بالابيض وخذت عققله
فوز انصدمت لما لف وتسمرت بمكانها
تركي بتوتر : أ أ انا رفيق فهد طط ططاح واا واحد من ربعنا وق ققالي اجيب قلاص ماي
فوز هزت راسها باوكي وطلعت برا المطبخ ركض
اما تركي خذا قلاص الماي وراح الديوانية وعقله مع ام الابيض اللي سحرته
فهد : اححلف الريال صحى وخلص وانت توك تييب الماي
تركي : ها لا بس مالقيت مكان القلاصات
............................
بالسيارة - وهم رادين من الزوارة

ابو هند : والله مادري شقولج ؟
مرا الابو : يعني ماكو سفرة هالشهر !!
ابو هند وهو يوقف عند الاشارة : اي ماكو سفرة الديون علي وااايد
مرت الابو : افففف لي متي جذي ؟؟؟
الابو : لين الله يفرجها
مرت الابو بنغزة : اي مو حنا على قولتك مصاريفنا يالله يالله وهمن عيالنا وديونك بس استغفر الله شكله الحمل بيزيد علينا
ابو هند عطاها نظرة محترررمة
هند بلعت ريقها وجاتها العبرة من اللي سمعته واول ما جا في بالها : يعني انا مثقله على ابوي اااخ صرت ثقل عليهم كلهم
ابو هند : هالفترة زادت الديون وااايد وشكلي بقلل من المصاريف
مرت الابو : شوف يا ابو مشاري على فكرة احنا ما عندنا مصاريف وايد بس ما نقدر على خدامتين وسايق بعد
هند فهمت قصد مرت ابوها ( قصدها صول وراجا )
وتكمل مرت الابو : والله يعني هند مو مفروض يكون عندها سايق وخدامة
ابو هند : اي صح احنا لازم نرجعهم المكتب
هند بانفعال : لااا - ولمعت عيونها - لا ترجعون صول وراجا لااا
ابو هند وهو يشد ايده على السكان : بابا هنوود آنا ما اقدر على معاش خدامة وسايق زيادة بابا فهمي علي ابوي انتي
هند وهي تلف على الدريشة وهي شوي وتبجي : موو لازم تعطيني مصروفي مابيه بس لا توديهم
ابو هند : ههههه بابا ابوي انتي مصروفج الشهري ما راح يكفي خلاص يا بابا انتي صرتي كبيرة وتفهمين وقد المسوؤلية خلي عنج سوالف اليهال
هند ببحة : بس بس صول اهيا اللي مربيتني، من كنت صغيرة وهي عندي
مرت الابو بطنازة : وامج شنو مهنتها ما ربتج هههههه ما تضايقتي عليها كثر خدامتج
هند بصراخ : اكلي تببن امي ما قصرت معاي تسواج وتسوى طوايفج تفهميين
قاطعهم صوت ابوها بصراخ - بس بس خلاص عاد منتوا يهال تتهاوشون وهند احترمي خالتج عيبب
هند شوي وتبجي : خلخلت ضلوعها مهي خالتي تخسى
ابو هند بصراخ : جبب ولا كلمة حسابج بعدين
هند بجت من حجي ابوها وابتسامة مرت ابوها اللي تتشمت فيها
..................
شفيكم من قعدتوا ومالكم الا سيرتها
فواز : شفيكم والله اقولكم وايد متغيرة
ام فواز ( مرت عم هند ) : هههههههه لا الولد استخف رسمي
فواز باحراج بان على ويهه : شهالحجي يمة لا بس آنا مستغرب بس
عمه فواز الكبيرة بغمزة : انزين متغيرة للاحلى
ولا لا
فواز : ها ؟
ام فواز : هههههههه تددوده
.......................،
مرام ردت من المكتبة وصعدت الدرج تفاجأت بامتلأ الدرج الكبير والخالي بصوت ملك العود يوسف المطرف وهو يقول ( علموه كيف يجفو فجفا ظالم لاقيت منه ما كفى ) نقزت تتلفت وين الصوت وتذكرت انها حاطتها رنه الفون اليديدة ضربت جبهتها بخفة وضحكت على عمرها وهي تطلع الفون من جيب بنطلونها وتوها بترد الا تشوف اسم ( Hoor ) يتوسط شاشة هاتفها ارتبكت ترد وبا لا وبعد الحاح التلفون بالرن تنهدت وردت بصوت كله برود عكس مشاعرها : الو ؟
وسمعت صوتها الدلووووع : مرام
مرام : نعم
حور : شلونج
مرام : بغيتي شي
حور بمياااعه : يب بس ان...
قاطعتها مرام : لا يكثر شبغيتي ؟
حور : طبعا عرفتي بعلاقتي مع لجين
مرام عقدت حواجبها لان توها تدري لكن قررت تكذب : اي وبعدين
حور : لا بس حبيت ابلغج عشان ما تسووين فيها سين وجيم
مرام وهي تسند طهرها لطوفه الدرج : هههههههه ومن تكونين عشان اعور راسي بسين وجيم معاج
حور اللي انقهههههرت : any way انا داقه اقولج ان علاقتنا انتهت
مرام : ههههههه زين انها يت منج
وتوها حور بتبطل حلجها بتتحجى بس يتها تسكيرة فون محتررمة
مرام بعد ما صكته من حور قعدت على الدرج وحست برااااااحة وضيقة بنفس الوقت * راحو لانها بعدت عن طريق الحرام وضيقة لان حور تركتها
بس غمضت عيونها وهي تقول : اهيا من اول غلط بغلط
علاقتنا من الاول كانت غلط آاه الحمد لله يا رب
..................

4البارت الواحد و العشرون
يوم السبت
هند - مرام - وفوز يتمشون بمجمع من هالمجمعات الكبار
وهم يتمشون لحقوهم شباب ( من هالفاضين اللي ما عندهم لا شغل ولا مشغله الا ملاحق بنات خلق الله بالمجمعات - الله يهديهم )
المهم ظلوا يلحقوهم لين ما طقت جبودهم
هند لفت على الشباب وبصراخ : خيييير نعمم
واحد من الشباب : الاصفر اللي عليج دوخني
هند : اكل تبن وامش باحترامك لا اخلي السيكيورتي يسحبك من هني
الشباب : ههههههههههههه
مرام : هنود ما عليج منهم امشي
واحد من الشباب : اسمج هند فدييت الاسم
هند راحت مع البنات وطنشتهم
والشباب يلحقونهم وينادون هند : هنوود يلا عاد يا يبه عطينا ويه هنووو
- بنفس المجمع و بمسافه مو بعيدة على بطلاتنا
فواز يتمشى مع ربعه ولمح هند والشباب يلحقونها
فواز بعصبيه واضحة : شباب شوي وراجع
ربعه : وين على الله
فواز بتوتر : لأ لا بس بروح اسلم على واحد من الاهل شفته
وراح ولما قرب شوي من الشباب سمعهم ينادون بنت عمه - عرضه باسمها
الشباب : هنوووود ردي عاد اوووف يا مطنش انتا
فواز : انتوا هييي
الشباب : خير نعم
فواز : انقلعوا برا
الشباب : ومنو حضرتك
هند انقلب ويهها الوان لما شافت ولد عمها فواز ؛ ف فواز مالك شغل فيهم
فواز : انتي جب ولا كلمة
وانتوا ذلفوااا
الشباب لما دروا انها تصير له طلعوا بسرعه برا المجمع
فواز مسك هند من ذراعها بقوووة جدام رفيجاتها والمجمع كله وقرب لأذنها : سبقيني للسيارة لا كف يعدل ملامح ويهج
هند سحبت ايدها : وخرر عني مالك شغل فيني
فواز اللي الشر يتطاير من عيونه : ذلفي السيااارة احسن لج
هند خافت وسبقته للسيارة برا
مرام وفوز كانت على روسهم علامات استفهام كثيرة ما يدرون منو هذا اللي صرخ على هند
فوز : مروم امشي خن نلحقها نشوفها
مرام ركضت لهند وفوز راحت وراها لقوها داخل السيارة معاه ومبين انه يصارخ عليها داخل وبعدين حرك
.................
ولما وصلوا البيت هند وفواز نزل فواز معصب وبطل باب هند وسحبها من ايدها ودق الجرس
وبطلت لهم صول
صول : نودا سنو فيه
فواز يصرخ : ذلفي عن ويهي انتي بعد
هند عصبت : انت هيي لا تصارخ على صول
فواز خزها لين نزلت عيونها بالارض
دخل للصاله ولقى ابو هند بويهه
ابو هند مخترع : شالسالفه ؟؟؟
فواز : عمي عممي
ابو هند : ما تتحجى وشفيك ماسك البنت جذي
فواز ارتخت ايده من على ذراع هند وهدها
: عمي شفت بنتك بالمجمع و و
ابو هند عصب وصارخ بويه فواز : خلصني قووول
فواز : ك كان يلاحقونها شباب
ابو هند خز بنته ورجع نظره لفواز : ماني غبي ولا ياهل تقص علي خلصني قول غير هالحجي منو شايفها معاه
هند شهقت من حجي ابوها وحطت ايدها على حلجها
فواز : لا يا عمي استغفر الله حشى هذي بنتك شلون تقول عنها جذي
ابو هند بصراخ : خلصنني
فواز : لا شفتها مع شباب وكانوا ينادونها
ابو هند شهق ومسك بنته وطاح ضرب فيها

اما فواز سحب هند من ايدين ابوها وهو يهدي عمه : يا عمي تكفى هدي الامور ما توصل لهالدرجه عميي
ابو هند مسك بنته ودز فواز وصعد فوق وقفل باب غرفتها وكمل الطق عليها
اما فواز لحقه وقعد يطق الباب عشان يوقف عمه
اما ابو هند لا حياة لمن تنادي وكمل ضرب فيها
.......................
مرام رجعت تعبانه عقب ما وصلت فوز لبيتها وهي تحاااتي هند اللي دقت عليها مليوون مرة وما ردت
اول ما فتحت الباب انصدمت من اللي شافته
شافت ابوها شايل عبد الله من ملابسه وويهه احمر من القهر
مرام : شفيييييكم
ابوها لف عليها و رجع طالع اخوها ودزه على الارض بدون رحمة
مرام شهقت وركضت لاخوها
مرام تمسك عبد الله تبي تقومه
الا ابوها بعصبيه : حلفي بتقومينه وانا ما خلصت كلامي!!!!!
مرام تقوم عبد الله ومو معطيه ابوها بال
ابوها مسكها ورفعها من الارض مثل ما سوا مع اخوها
مرام حطت عيونها بعيون ابوها الحمر من القهر خلف نظاراته الطبيه وريحه الزقاير تفوح من فمه وهو يقربها لويهه : لما اكلمج ما تطنشيني فاهمه
مرام غمضت عيونها عشان لا تبجي
ابو مرام : طالعيييني
مرام بطلت عيونها اللي تحكي بكل كلمه عتاب للي مفروض يكون سندها . لابوها ،لعضيدها
ابو مرام دزها على الارض لين ما ضرب ظهرها الباب بقوة
عبد الله بصراخ : لييش ليش تسوي فيها جذي
مرام بألم وصوت يالله يالله يطلع : عبوود خلاص مالك شغل روح غرفتك
ابو مرام بصراخ : تصارخ علي يعل لسانك الق.
قاطعتها مرام : لا تدعي عليه
ابو مرام لف عليها : والله يا عيال ابوكم قمتوا تراددوني
عبد الله ركض لمرام وسندها على كتفه وجا له ابوه ووخره عنها وقرب لمرام : تبين تعرفين اخوج هال### شنو مسوي هااا
مرام بصوت واطي قريب للهمس : شمسوي ؟
ابو مرام : شفته بالشارع مع الفلبينيات وهو يغازلهم ويرقمهم اشكره جدام اللي رايح واللي راد فشلني الله ياخذه مع بوناصر فششلني
مرام بنفسها : كل هذا عشان فشلك مو عشان ولدك ااخ
ابو مرام بصراخ : كله منج اللي ما عرفتي تنتبهين لاخوج
مرام قامت بصعوبه وطالعت ابوها : الحين انا انا اللي ما انتبهت له لييش انا ابوه والا انت انا اللي مفروض انتبه له ولا انت لا تحطون اغلاطكم علي لا تحطون نتيجه - ارتجفت شفتها وهي تأشر على نفسها وعلى اخوها - تربيتكم الغلط علي
ابو مرام مسك باب البيت الكبير وفتحه بيطلع : ماشي مااشي يا عيال الذين ان ما ربيتكم من يد ويديد ما اكون ابوكم
وصك الباب بقوة وطلع
مرام صرخت باعلى صوتها : تعااال تعاال ربنا من يد ويديد احسن لنا واحسن لك تعااال
عبد الله يهديها : خلاص مروم هدي اعصابج
مرام دزته وراحت غرفتها ركض عشان لا تبجي وتضعف قدامه ومن وصلت غرفتها انهارت بالبجي
........................،
فوز قاعدة بغرفتها وتسمع اغاني ولما ياعت نزلت تحت سمعت صراخ بالصاله ركضت الا امها وابوها يتهاوشون
فوز انصدمت وركضت لفهد بغرفته عشان تقول له لكن ما لقته ونزلت سيدة للصاله بتهدي الوضع
فوز : يمه يباا تكفون خلاص شفيكم
ابو فوز : انتي جبب وصعدي غرفتج
فوز بجت وصعدت لغرفتها
وهي محتاارة اول مرة ابوها وامها يتهاوشون
و اول مرة ابوها يصارخ عليها جذي
فوز وهي تقعد على سريرها وتغطي عيونها : يا ربي شفيهم شفيييهم
...................
عند سكينه
داخل الحمام تطالع نفسها بالمنظرة وتطالع خدها المورم
بجتتت لين ما بقى ولا دمعه بعيونها
وابتدت بالصراااخ حتى كسرت المرايه لقطع صغيييرة بايدها اللي امتلت بالدم
طاحت على ارضيه الحمام ودمها يسيح من ايدينها الثنتين اللي انجرحت من المراية
وتذكرت اللي صار لما رجع ابوها وهو سكران وكان بيبوسها بالصاله وهو كلللش مو بويعه لكنها قاومته لما عضها وسبب لها كدمة كبيرة بخدها تذكرت كل شي وهي تشهق بالدموع
اما بشقتهم الصغيرة وعند الصالة-
كان ابوها قاعد وهو سكرااان وبيده البطل
وانطق الباب وفتحه وهو يتمايل يمين ويسار
ولمن بطل الباب كانت ( فرح ) - رفيجه سكينه البوية اللي يسمونها ( عزوز )
فرح : هلا حجيي
ابو سكينه : ه هلا هلا
فرح قعدت قباله لما قعد ع القنفه وحبت تطفره شوي بضحك
فرح : اقول حجي
ابو سكينة : هاا
فرح بغمزة : بجم البطل ؟
ابو سكينه بابتسامة : تشترين ؟
فرح : هههههههههههههههه اقول يا يبا وين بنتك وينها
ابو سكينة : مااادري عنها الا قولي لي ها تبين
فرح قامت وهي تضحك ودخلت غرفة سكينة دورتها مالقتها وطقت عليها باب الحمام
سكينة بصراخ : وخخر ما تففهم رووح
فرح خافت : سكينه شفييج
سكينه بطلت الباب سيدة لما سمعت صوت فرح
فرح انصدمت لما شافت ويه سكينه والرضة او ( الكدمة ) على خدها اليمين شلون صايرة زرقاء وايدينها الثنتين تسيل دم
فرح سندتها ولمتها : شفيج ؟؟
سكينه : مماكو شي خلااص
فرح : امشي امشي نوديج الطبيب يضمدون ايدينج
وسندت سكينة على كتوفها ومرت من الصاله عشان تروح للباب وتفتحه
.
.
..........................
اما زين كانت قاعدة بغرفتها وتكلم مها اللي صارت رسمي حبيبتها *
ومع مكالمتها المشبوهه
كانت اذن اختها الكبيرة ( امل ) اللي قاعدة عندهم لانها متهاوشة مع ريلها على الباب
انصددمت امل وطقت الباب بقوة
زين : هاااا ويهد
امل بنبرة غضب : بطلي الباب
زين قامت وبطلت الباب : جذيه يطقون الباب هاا
امل : جب ولا كلمة و تأدبي وانتي تحاجيني
زين : افففف خلصيني شتبين
امل : عطيني التلفون اشووف
زين : خيير شتبين فيه
امل بصراخ : عطيني اياه
زين : ذلفي ذلفي وتبي تصك الباب
دزت امل الباب بقوة وخذت التلفون
امل : الوو
مها بصوت ناعم : هلا
امل صكته بويهها وقطت الفون علئ زين
امل : منو هذي
زين : رفيجتي وبعدين انتي شكوو
امل مسكتها من ملابسها : انا اختج
زين دزتها لين لصقت بالباب : طلعي برا
امل عطتها طراق محترم وهي معصصبه
لكن قبل لا تطلع مسكتها زين من ملابسها من ورا
وبنبرة غاااااضبه لفتها وردت لها الطراق
ودزتها برا غرفتها وصكت الباب
امل انصددمت من ردة فعل اختها وقعدت تبجي وهي قاعدة بالممر مال الغرف
......................
بسيارة السايق الصغيرة
فرح وسكينه رادين من المستوصف عقب ما ضمدوا ايدين سكينه الثنتين بالشاش وحطوا على خدها لزقه جروح كبيرة مربعة
فرح : سكينه تكفين قولي لي منو سوا فيج جذي
سكينه وجهت نظرها للدريشة وقالت لها كل شي
فرح : افففف والله طلع الحجي مو هين هههههههه
سكينه : ههههههههه صج انج هبله
فرح : يا عمي مرة ثانية لا ياج سكران عطيه طراقين عدلون ويهه
سكينه : هههههههههههههه
فرح : والله من صجي انا خالي كل ما يينا البيت وهو لاكة اقعد اطقه وابرد حرتي لا قام ما يدري وين ربي حاشره
سكينه : ههههههههههههههه يحليلك يا عزوز ضحكتني
فرح : اي يا يبا اضحك خل عنك البجي والهموم
سكينه : ههههههههههههه

7البارت الثاني والعشرون
بصباح دراسي جديد -
مرام تمشي بممرات المدرسة وماسكه فوز يدورون هند
فوز لمحت زين : زين زيين
زين التفت على فوز ومرام اللي يايين ناحيتها : هلا ؟
فوز : ما شفتي هنود ؟
زين : لا غايبة اليوم
مرام : غايبة ؟
فوز همست بينها وبين عمرها : يمكن من السالفه اللي امس
زين : اي سالفه ؟
فوز : لا ماكو سالفه
مرام : فوز انا بروح الحمام عشان ادق عليها
فوز : بروح معاج عشان اكلمها بعد
وتوجهوا للحمامات المدرسه اللي فوق وطلعت مرام فونها من جيب بوكسرها اللي تحت واتصلت على هند
لكن هند نفس امس ما ردت
فوز طلعت فونها بعد ودقت لكن نفس الشي هند ما ردت
مرام سندت ظهرها على طوفه الحمام الزرقاء : افففف وربي قلبي بيطلع من الخوف عليها الخراا
فوز شوي وتبجي : اخاف سوا فيها شي
مرام عصبت : لييش هنود شمسويه ما سووت شي امس هال## اهما اللي لحقوها امس
فوز : الله يستر يا ربي خااااايفه
..................
هند * ااااه يا هند *
حالها لا يحسد عليه ابداً
مستلقيه على فراشها ونائمة بملابسها الصفراء التي لم تبدلها من امس من التعب
نائمة وكل خليه من جسدها تؤلمها من الضرب
قامت من نومها على صلاة الظهر ولما طالعت نفسها وطالعت الرضوض اللي بجسمها بجت
سحبت نفسها سحب للحمام وبطلت الشور وهي تبجي وصوت شهقاتها كل ماله ويعلى ويغطي على صوت الماء اللي فوقها
لفت جسمها بفوطتها البيضه وطلعت قعدت على التسريحة بتعب ومشطت شعرها القصير المغرق على ورا وهي تتأمل ويهها المتعب بالمنظرة
تنهدت ومسحت دموعها وطلعت لها بيجاما مريحة وقفلت الباب وحاولت تنام لين ما انتظمت ضربات قلبها وتنفسها ونامت
..................
بالمدرسه - عند سكينه
نزلت بوقت الفرصة الثانية وانصدموا البنات من منظرها بالشاش الملفوف حوالين ايدينها الثنتين و لزقه الجروح الكبيرة على خدها
طبعا سكينه ما نزلت من الصف الا توه بالفرصه الثانية عشان جذيه البنات انصدموا من شكلها لان توهم شافوها *
استلقت على كرسي اخضر طويل من الحديد بعد ما خذت لها من المقصف شي تشربه
وتأملت البنات اللي رايحة واللي رادة وهموم الدنيا كلها فوق راسها ، من بين البنات شافت مرام وفوز قاعدين بروحهم على كرسي يشابه الكرسي الاي اهيا منسدحه عليه وشكله كل واحد فيهم الهم راكبه
قامت وراحت لهم
سكينه : هاي بنات
مرام رفعت راسها وانصدمت من مظهر سكينه وتوها بتبطل حلجها سبقتها فوز : عسى ما شر شصايرلج ؟؟؟
سكينه : ماكو طايحة
مرام : سلامات يا معودة
فوز : سلامات يا قلبي
سكينة : الله يسلمكم ، الا تعالوا شفيكم شكله هموم الدنيا فوق راسكم ووين البقه ؟
وقالولها مرام وفوز كل السالفه -
سكينه : اووف من صجكم
فوز : اي والله
مرام : والحين قلبي بيوقف من خوفي عليها
سكينه : ما عليه تلقونها الحين نايمة وساحبه على المدرسه وانتوا هني تحاتون ماعليكم يبا
مرام : لو نايمة ع الاقل بتقوم على كثر ما اتصلنا
سكينه : يمكن حاطته صامت
مرام وفوز يواسون عمرهم : يمكن
....................
....................
مها وهي لاصقه بجنب زين : امبيييه من صجج
زين : اي والله هذا اللي صار يا قلبي وسوري ان ال### صكته بويهج امس
مها تصك حلج زين بايدها : اصص لا تقولين جذيه هذي اختج
زين : هههههههه لعيونج بس
مها : الا زيون
زين تمثل انها دايخة : يا رووووح زيون
مها : ههههههههه
* وابتدوا مغازل بذيء وبما انه ما يخدم الرواية بشي اتعذر منكم اني ما راح اكتبه *_^ فانتم ارقى من قراءة ذالك *
...........................
امتلأ صوت الاجواء بأذان المغرب
وهند بغرفتها نايمة وطافتها صلاة الصبح والظهر وحتى العصر
اما بالدور اللي تحت انطق الباب ولما فتحت الخدامة كانت مرام
مرام : صوول وين هند ؟
صول بجت : هزا نوودا امس بابا في طقي وااجد والله مسكين نودا - وتمسح دموعها بطرف كمها - للهين نايم
مرام انصصدمت : واهيا وين
صول : غرفه مال هي انا يطقي باب عشان ياكل اهيا مايرد
مرام ركضت بالدرج وراحت فوق ولما وصلت لغرفه هند طقت الباب باقوى ما عندها : هنووود هنووووووووود
هند قامت بكسل وبطلت الباب واول ما شافت مرام ارتمت بحضنها ونست كل الالم
مرام دخلت لغرفه وصكت الباب وهند للحين بحضنها : شفيج ؟؟
هند وخرت عن مرام ومسحت دموعها : ولا شي
مرام بنبرة حزن : لا تجذبين صول قالت لي كل شي ليش ابوج طقج
هند نزلت دموعها وقالت لمرام كل شي من ركبت سيارة فواز لين ما طقها ابوها
مرام : وكسر تكسر ايده انشالله
هند ابتسمت : هههههه ترى ابوي
مرام قعدت على السرير وقعدت هند : لا تلوميني هنود سامحيني بس قهرني
هند : لا عادي اصلا انا اكرهه
مرام : هنوود شهالحجي
هند بصوت عالي : اي اكرهه ، اكرهه واكرهم كلهم حتى امي اللي خلتني عشان تعيش حياتها - وغطت عيونها وبجت -
مرام حضنتها ومسحت دموعها : ما لج شغل فيهم دامنا معاج احنا اهلج
هند : انشهد يا مرام والله انج انتي وفوز اهلي واكثر من اهلي
اندق تلفون مرام وكانت المتصله فوز -
مرام : ههههههههه الطيب عند ذكره ، الو
فوز : ها رحتي لهنود
مرام : اي كاهي يمي
فوز بلهفه : عطيني اياها
هند : هلا فوز
فوز : يا بعد قلب فوز شفيييج
هند : مافيني شي
فوز : هنوود انا بالطريج شوي ويايتلج انزين
هند : اوكي
و لما صكته -
مرام : ها شفيها
هند : تقول بالطريج يايه
وكملوا سوالفهم الين ما تبطل باب غرفه هند وكانت فوز
سلمت عليها هند و قعدوا وما حسوا بنفسهم الين ما صارت الساعه 9
طلعت فوز لان فهد دق عليها وهو تحت عقب ما سلمت على البنات وركبت السيارة مع فهد
....................
زين بغرفتها وقبالها مها بكامل زينتها
زين : تحطين هالشي بخاطري ؟؟
مها : خلاص زيون قلت لج لا
زين ببراءة او بالاصح * تمثل البراءة : ما هقيت ان البنت الوحيدة اللي حبيتها تحرمني من الشي اللي طول عمري تمنيته
مها بتردد : ب بس انا مو جذي
زين نزلت لركبتها : اذا تحبيني لا ترديني
مها وخرت عيونها عن زين : لا زين خلاص لا
زين بنفسها : ما عليه يا مها مردج بتقتنعين !
.....................
فرح : اوهوووو اقولك ابي البنت
سكينه : خو عزووز شسوي انا بعد
فرح : البنت دااشة بخاطري ولك صااروخ حرام اضيعها من ايدي
سكينه : قلت لك شكلها مو مال هالسوالف
فرح : افففففف
....................
دخلوا فهد وفوز البيت والا بصراخ امهم وابوهم اللي كثر هواشهم هاليومين
فهد : يمااا يبااا خلاص لين متى
امهم وابوهم بصوت واحد : انت جب !!
فهد خذا فوز وصعد فوق لكن بنص الطريق بالدرج
سمعوا صياح ابوهم وجنه مخترع لفوا الا امهم طايحه بالارض
فوز وفهد : يمااااا
.......................
هند بغرفتها وتحس انها مصخنه توها بتنام
الا تسمع ابوها يناديها
هند : اففف شيبي هذا الله ياخذه
ونزلت *
هند : نعم
ابوها وهو كاشخ بالغترة والعقال ومرته يمه وعياله : بنروح نتعشى برا روحي لبسي
هند : مابي اروح
مرت الابو : كيفج يالله يما امشوا
الابو : متأكدة ؟؟
هند صعدت : اي
.................
مرام وهي قاعدة على الابتوب تخلص بحث دق فونها وكانت المتصله ( عبير )
مرام : الو
عبير : هلا مرام
مرام : اهلين
عبير : امرج ولا تمريني
مرام : لا انتي مريني عازمتج على العشاء
عبير : اوكي تم
< بهالجم اسبوع اللي فيها مرام وعبير كانوا يطلعون مع بعض وايد بالوقت الي يكونون فيه فوز وهند مشغولين وما يقدرون يطلعون >
................
بالمستشفى - قسم القلب
فوز قاعدة على الكرسي وتبببجي من قلب على امها اللي اكتشفوا ان فيها مرض القلب
وفهد يواسي ابوه
قامت فوز ووخرت عنهم بعيد وبلحظة حنين وضعف اتصلت على ضاري
ضاري رد بلهفه من اول نص رنة : فوز
فوز ببجي : ضاااااري
ضاري خاف : شفيج يا روح ضاري ؟؟
فوز : م محتاجتلك وااايد
ضاري : شفيج يا قلبي
فوز : اميي امي فيها القلب وانا انااا واايد متضايقة ضاري تكفى لا تخليني
( شيء من الحنين إليكِ ، وشيءٌ من الحنينِ للماضِي ، وشيءٌ من الحنينِ لِ نفسي #احتاجكِ )
...................
فواز اتجه بسيارته لبيت عمه وكله خوف ولهفه على هند
طق الباب وفتحت صول
فواز : سلام
صول منفسه عليه : نئم ؟؟
فواز : ووين بابا
صول : بابا راح
فواز : ووين هند ؟
صول : هند فوق
فواز بدون مايدري سيره قلبه لغرفتها واستانس لما لقى الباب مفتوح شوي
دخل لقى الغرفه ظلمه فتح الباب ونور عليه ليت الممر
شاف هند نايمة بدون غطاء حن قلبه وراح يغطيها
لكن لما قرب شاف انفاسها سريعه وشكلها ترتجف
لمس ايدها وكانت بااردة مثل الثلج ولمس جبهتها كانت نار
رفعها عن السرير بسرعه ببجامتها و ركض فيها لتحت ولسيارته سدحها قدام وربط حزام الامانه عليها وانطلق لاقرب مستوصف
....................
مرام وعبير عند صرافه البنك عشان تسحب مرام من البطاقه
عبير : عندج بطاقه كي نت خااصه !!
مرام وهي تدخل البطاقه : اي
عبير : اخسس يا حظج على اهلج
مرام بنفسها : مو كل شي فلوس يا عبير موو كل شي لو تدرين عن اللي فيني ما حسدتيني
عبير : لا والله الحين كل شي بالفلوس
مرام هزت راسها بدون ما تنطق بكلمه بأوكي
دخلت الرقم السري وطلع ان الرصيد صفر
عبير : شفيج ؟
مرام وهي تسحب الورقه البيضاء اللي طلعت وتعفسها : الرصيد صفر
عبير : ماعليه خلاص انا بدفع اليوم
مرام : لا امشي بروح لابوي الشركة باخذ منه
عبير : يا بنت الحلال ما يحتاج
مرام : عبير قلت لج خلاص
عبير : كيفج
وتوجهوا لشركة ابو مرام
...........
سندت فوز امها على يمينها وفهد ساندها على يسارها
فوز تبببجي : يمةة شوي شوي
ام فوز قعدت وحضنت عيالها لصدرها : لا تحاتوني خلاص هذه الدنيا
فهد باس راسها وحضنها وفوز بججت
ولما التفت وراها شافت ابوها

راح لام فوز وحضنها وباس راسها وعطاها الورد : حمد لله على سلامتج
ام فوز استحت : الله يسلمك
فهد : اوووه اووه على الرومانسيه امووت
وضحكوا الكل
- رغم الالام التي نمر بها يجب علينا الابتسام
-
مرام وعبير وصلوا عند شركة ابو مرام الرمادية الكبيرة
نزلت مرام ووراها عبير وراحت للطابق الرابع اللي مكتب ابوها فيه ولما وصلت راحت عند السكرتيرة اللي برا المكتب
مرام : ابو عبد الله موجود ؟
السكرتيرة : اي بس هو مشغول
مرام : انا بنته
السكرتيرة : ازا بتريدي ما بئدر دخلك
مرام طنشتها ودخلت
لكن انصدمت عندما وقعت عيناها على ابيها في وضع مخل مع احدى الموظفات على كرسي مكتبه الكبير
ابو مرام وهو يدز الموظفه : مرااام
مرام طالعته بنظرة عتب وطلعت وصكت باب المكتب الاسود بقووة
استندت عليه من برا وغطت عيونها وبجت
عبير اللي كانت واقفه عند السكرتيرة : مرووم شفيييج !!
مرام مسحت دموعها قبل لا تشوفهم عبير وبصوت مبحوح ؛ امشي بروح البيت
عبير تسندها : على راحتج يا يبا
*
الاب هو الظهر والسند لكل ولد او فتاة
الاب نعمة لن يقدرها الا من حرم منها #حقيقة
.
.
ابي لقد بلغت سوء الحياة فكن معي
كم تمنيتك تحضنني ، كم تمنيتك تطمنني
كم تمنيت رضاك وكم تمنيت خوفك
لست بلقيطة لتهجرني ولست حيوانا لتتركني
احتجتك كثيرا في هذه الحياة
والدي ، ابي ، سندي
افتقدتك رغم كل الالم
افتقدتك رغم كل الجروح
لست بكارهه لك لكني لم احبِبْك
كثير المشاغل - انت
وكثيرة الاشتياق - انا
والدي ، ! خيبت املي في كل لحظة
وخيبت املي في كل طريق
انا كذالك اصبحت - بسببك
بسبب اهمالك
بسبب جفائك
#بقلمي
اختكم يافاهمني