كاتب الموضوع :
يا فاهمني
المنتدى :
القصص القصيرة من وحي قلم الأعضاء , قصص من وحي قلم الأعضاء
رد: رواية قد جلبت لي الدمار
البارت الثامن والاربعون
ورقة .. من أوراق الشجر..جافة.. هزيلة..
قد شحب لونها.. وضعفت قواها.. وانطفأ بريقها..
.. كتب عليها الموت..
.. انفصلت عن باقي أخواتها..وتركت الفرع..فأخذت تسقط..
.. وتسقط..
.. وتتهاوى..
.. إلا أنها وهي الصغيرة.. الضعيفة..
.. أخذت في الدوران حول نفسها ..
.. تلف.. وتدور .. وتدور.. تريد أن تستمتع بآخر اللحظات..
... تريد أن تستغل كل الفرص..
لإثبات .. شخصها..
.. وقوتها..
.. ووجودها..
..لم يكن موتاً.. بل ..*
تلك هي الحياة ....
.. >> خاطرة منقولة للأمانة <<*
.............................................
بالفرصة -*
حيث الجدال كثير و الضحك ايضا*
كانت فوز قاعدة يم هند وتسألها عن هالتغير المفاجئ اللي صار لها ، وعن غياب مرام اليوم ؟
هند : وهذي السالفة كلها
فوز حطت ايدها على حلجها : كل هذا صار وانا توني ادري !!! وبعدين من صجكم انتوا !!! كل هذا زعل بينكم ،، يا اخي خلاص كلمة وصارت وانتي بعد وااااايد غلطانة الله يهديج ، عيل تقولين هالحجي اللي مثل السم لها وانتي رفيجة عمرها من صجج !! على العموم متى تتسنعون وتصيرون اوادم و ترجعون مثل قبل ؟ ها متى ؟
هند و عيونها للارض : ييت أراضيها جان تعطيني نظرة خايسة ، بعد شتبيني اسوي ؟
فوز : راضيها مرة ثانية وثالثة ورابعه وهي من حقها بعد تزعل ، عيل تبين تطعنينها بحجي جذي مثل السم و تبتسم لج صراحة يا هند انتي الغلطانة بكل هذا*
هند : فووز ترا همن انا رفيجتج ، لا قع تعاتبيني و تسوين لي سوالف ، أقولج انا لغيت سفرتي لامي عشانها ما تحملت اسافر وهي مجروحة مني وفوق هذا ييت براضيها بعد شتبي اكثر ؟
فوز : انتي معصبة مو عشانها ، انتي معصبة عشان لغيتي سفرتج
هند : شكووووو ، أنا معصبة عشان انتي قع تكلميني وكأني انا الغلطانة بكل هذا و بالصج انا ما غلطت
فوز : هنوووود !! ثنتينكم رفيجاتي بس الحق ينقال انتي الغلطانة وانتي اللي الله يهديج لسانج مفتلت ، هند انا بنصحج وبقول لج الحق ترى الواحد ينحب وينكره من لسانه واسلوبه ، الناس ما يعرفون شنو اللي بقلبج اذا طيبه ولا شر بس اللي يترجم لهم كل هذا اللسان*
بجت هند وطاحت بحضن فوز : ما راح تسامحني*
فوز مسحت على راسها : مروم طيبه ومستحيل تكره احد ولا تحقد عليه صدقيني
..................................................
اما بالجزء الاخر من المدرسة و بعيدا عن مكان هند و فوز -*
و بالتحديد عند شلة زين اللي قاعدين على جزء مرتفع قليلا عن الارض*
كانت زين قاعدة جدام حور ومنسدحة عليها وحور تلعب بشعرها -
بدرية *: و الحقيرة جان تسبني وتصكه بويهي تخيلوا ؟*
سجى : وبتسكتين لها ؟*
بدرية : شلون يعني ؟
سجى : يا ### قصدي واضح ، عيل تسبج و تلعن ابو خيرج وفوق هذا تصكه بويهج و تقعد يعنني انا الشخصية واللي ذابحتج قهر و تسكتين وتتشكين جنج مسكينة ؟!
بدرية : عيل شسوي ، اذبحها ؟*
سجى : ذبحيها ، لكن بمعنى ثاني*
بدرية : شلون يعني ؟ ما فهمت ، فهميني ؟
التفتت سجى على زين : ها زيوون علمي هالهوله شتسوي
زين : ها ؟ شنو شفيكم ؟
سجى : بشييي بشييي هال### طايحة بجو رومانسي و سك##### ومو دارية عن شي*
الكل : ههههههههههههههه
بدرية : شعليه عايش بنعيم ، نعييييم
زين : هههههههههههه قل اعوذ برب الفلق
حور : اي والله قل اعوذ برب الفلق
رفعت زين راسها لحور : حيااتي بيطقونا عين
حور : يخسون*
سجى : شدعوه عليكم ؟
الكل : هههههههههههه*
نزلت حور لمستوى زين اللي منسدحة بحضنها من جدام وهمست بإذنها : بيبي امشي نروح من هون
زين بغمزة وصوت خافت : شناوية عليه ؟*
حور عضت طرف شفتها : اللي انتي ناوية عليه*
صفرت زين وضحكت بصوت عالي : فدوة علييييييييج - تصفييير -
البنات : شفيكم ؟*
قامت زين وقومت حور : شغل شغغغل*
سجى : شنو شغله ؟*
بدرية : شكله شغل قذر*
البنات : ههههههههههههههههه
.................................................. .
اما بمكان غير المدرسة - و جو غير جو المدرسة*
قامت مرام من النوم وهي بسرير مو سريرها*
و على فراش مو فراشها ....
تحس بثقل و راسها يعورها مووت
مسكت راسها بإيد و حطت ايدها اليمين على السرير وثقلها عليها بإيد ...*
عورتها ايدها اليمين لمن ثقلت عليها ورفعتها عن السرير تشوفها ، شافت مكان نص ايدها وكان ازرق و يخرع ..*
قربته لعيونها وقعدت تلمسه عورها ونقزت*
من مكانها*
مرام : امبييييه شنو هذا ؟؟؟*
دورت بعيونها بكل الغرفة و شافت على الكوميدينة اللي يمها إبرة سكري محطوطة*
قربت منها وشالتها من مكانها*
واستوعبت ان هالابرة مليونين بالمية انغرست بايدها*
بأصابع مرتجفة بطلت غطاء الابرة البرتقالي ، وشمت راس الابرة تبي تعرف شنو اللي انغرس فيها ؟*
ما لقت شي يدلها ، وحتى من داخل الابرة فاضي تماماً*
قطت الابرة بنفس مكانها وقامت من السرير
تبي تدور عن سكينة ،،*
سمعت صوتها مع صوت شخص آخر ؟*
شدها الصوت وتوجهت بخطاها للمطبخ ودخلت
شافت فرح تطبخ على الفرن و سكينة تقصص الخضرة*
فرح تصارخ : بووووخلي بوووخلي تعال شوف شسالفه ام هذي ؟!
سكينه : فاضي لك آنا قع اقصص هالغبر*
فرح *غمزت * : شكلك صرت تعرف تطبخ
سكينة تنهدت: ايييييه الايام و قساها علمتنا*
مرام صرخت : سكييينة
التفتوا الثنتين مخترعين -
فرح : شسالفة امج انتي ؟؟ شسالفه امج ؟ خرعتيني و ثول
مرام طالعت فرح بنص عين و توجهت بنظرها لسكينة : شسويتي فيني ؟*
سكينة وهي تبتسم : شسويت ؟*
مرام : خلصيني سكينة !!! شاللي صار امس ؟*
سكينة : تعبتي ونمتي ، هذا اللي صار*
مرام رفعت ايدها : وهذا شنوو ؟؟ شغزيتيني فيه يا سكينة شنوو ؟؟
فرح و سكينة طالعوا بعض وقاموا يضحكون -
مرام صارخت : ليش تضحكوون ؟؟؟ قولي لي خلصييني
سكينة وهي تقطع الخضرة ببرود : هذا الله يسلمج شي نسيت اسمه ، اممم تذكرينه فرح ولا ما تذكرينه*
فرح : يمكن سلطة هههههههههه
سكينة : سلط الله على بليسج ههههههه
مرام افتلت اعصابها صرخت بأعلى صوتها : يا ##### قولي خلصيني*
سكينة تغني ببرود : سنين مرت ما طريتي على البال واليوم حظي بذكرياتج تعطل
فرح : تري رارا رارا ترارا*
مرام مسكت راسها وصرخت : ما تتحجوون*
سكينة : اوهووو زين جذي خربتي علينا جونا
فرح : حده ! بو خلي قولها فكنا*
سكينة : مخدرات خلصتي اللي الحين بجسمج قع يمشي م خ د ر ا ت
مرام تسمر جسمها بمكانها وتعالت ملامح الصدمة بويهها ارتجفت من فوق لتحت : م خ د ر ا ت !!!*
فرح تقلدها : اي م خ د ر ا ت
صرخت مرام صرخة فوق مستوى صوتها : يا زباله يا #### يا ###*
توجهت للطاوله وكسرت الاغراض اللي عليها*
فرح : أف أف أف انتي شفيج ؟؟*
سكينه : خليها -وتأشر على راسها بحركة انها مجنونة -*
مرام طاحت على ركبتها وويهها على الارض : خليتيني ادمن يا سكينة ادمن !!! ليش ليييش ؟؟؟؟ شسويت لج*
مشت سكينه جهتها و قعدت بنفس مستواها و بحذر رفعت حنجها ( ذقنها) بطرف السكين وحطت عيون مرام الخايفه بعيونها الواثقة : تتوقعين ليش ؟ تدرين ليش او شحقه خليتج جذيه ؟؟؟ - رفعت صوتها - راجعي نفسج يا أستاذة مرام شنو سويتي
مرام بصوت مرتجف : عشان طردتج ؟!!! ييتج لي عندج وتأسفت شتبين اكثر ؟؟؟؟؟؟*
سكينه حركت راسها يمين ويسار : تو تو تو نووو يا قلبي مو بس عشان جذيه ؟*
مرام بصوت مبحوح : عيل ؟*
سكينه بصوت عالي و مرتفع : لإنج انتي و ابوج السبب بكل هذا ، لإنج انتي السبب بتشردي طول هالفترة بالشوارع والذل والمهانه والعيش القاسي بغسيل السيارات*
مرام : انا ؟*
سكينه قامت : لا يدي
قامت مرام على حيلها وصرخت : الله ينتقم منكم يا سفلة الله ينتقم منككم - وطلعت -
ركضت بسرعه لبرا هالشقه القذرة و نزلت لتحت وما لقت سيارة السايق*
قضبت فونها و دقت على تاكسي*
وقعدت على درج العمارة القذر تنطره -
................................................
اما بهالوقت هذا كانوا البنات طالعين من المدرسه -*
رجعت فوز مع السايق و قطت جنطتها بالصاله وانسدحت على اقرب قنفة من التعب والارهاق ، غطت عيونها بيدها و تذكرت مرام ما تدري ليش*
قربت لجنطتها و بطلتها و خذت فونها من الجيب السري و بطلته
دورت عن رقم مرام و دقت*
لكن كان مغلق*
تأففت و رجعت انسدحت -*
سمعت صوت الباب يتبطل*
فهد : ادخل ادخل حياك البيت بيتك
تركي : تسلم حبيب قلبي
فوز اول ما سمعت صوته تسمرت بمكانها ع القنفه وهي منسدحة من الاحراج
فهد قعد وما انتبه عليها : تفضل تفضل
فوز تأشر له بصوت خافت : لا لا لا لا
تركي كان يطقطق بفونه وجا بيقعد على القنفه اللي هي منسدحة فيها - اما فوز كانت بقمة احراجها وصوتها راح*
لان لا فهد ولا تركي دروا عنها وكل واحد يطقطق بفونه*
تركي توه بيقعد*
صرخت فوز : لا*
اخترعوا تركي و فهد -*
فوز قعدت وويهها احمرررر : ك ك كنت منسدحه وما انتبهت ف فيني
تركي ابتسم ابتسامة تينن : ما عليه ، فوز شلونج ؟*
فوز بسرعه : الحمد لله
ومن الاحراج نست جنطتها بالصاله وركضت لغرفتها
فهد : نسيتي جنطتج ههههههههههههههه
تركي : ههههههههههههههههههه
.................................................. .
وصلت سيارة التاكسي عند باب بيتهم
نزلت وهي مهموووومة و تمسح دموعها*
دخلت بنفسيه منهااااارة لداخل
وشافت ابوها و اخوها يتغدون على طاوله الطعام أللي ياما تمنت يجتمعون عليها -
بدون لا سلام ولا كلام تجاهلتهم و راحت بتكمل و تروح لغرفتها
وقفها صوت ابوها الجهوري : وين رايحة ؟ لعنبوج ما تستحين حتى سلام الله ما تسلمين*
مرام ما التفتت و سفهته بتكمل طريقها
لكن ابوها عصب ووصل لوراها بثانية و مسك نص ذراعها ولفها له : ما تسمعين يعل...
قاطعه صراخها لانه مسك مكان الابرة : ااااه*
ابوها هدها مخترع : شنو شفييج ؟؟
مرام مسكت ايدها ونزلت راسها بألم - وركضت لغرفتها
اما ابوها فرجع لطاولتها محتار شاللي اصابها ؟*
.................................................. ...
اليوم التالي - بالمدرسه
داومت مرام وهي بقمة خوفها و وسواسها عن اللي بيصير لها بالمستقبل عقب ما سووت بحث امس بالنت عن كل شي بالمخدرات*
وهي بالصف كان طول الوقت نظرها للارض
كان يأتيها صداع خفيف ويروح و الوسواس ذبحها يقلب بمخها يمين و يسار -
ابله الكيمياء : كلكم ما تعرفون ، محد يعرف يحل مثل هالمسائل غير ماشاء الله عليها مرام
التفتوا كل الصف ينطرون من مرام الاجابة والحل لكنها كانت بعالم ثاني -
الابلة : مراام ، مرااام
مرام : ها ؟؟*
الابله : وين وحتي ؟؟؟*
مرام : شفيكم ؟
الابله : قومي حلي المسأله حبيبتي
مرام قامت تبي تحل ، ولما كانت تبي تركز حست بوشوشه وان الصبورة مؤ واضحة وراسها ابتدا عواره الحييل ، مسكته واستندت على الطاولة : اااااه ااااه
الابله صرخت : مرام شفيج ؟؟*
ركضوا البنات لها ومسكوها وبأصوات متفرقه : شفيج .. شصار ... خلوها ترتاح
مرام مسكت راسها وقعدت على الطاوله : خلاص روحوا ما فيني شي*
- طق الجرس -
الابله خذت اغراضها وقبل لا تطلع : مرام تعالي معاي أبيج شوي
مرام قامت وهي ما فيها حيل وتضغط على نفسها عشان لا تبين انها تتعور : هلا ؟
الابله : عندي مشوار للاداره و ابي امشي معاج لهناك ع الاقل نسولف شوي
مرام : اوكي
التفتت الابله على طالبة مرت : حبيبتي ودي هالاغراض لمكتبي
البنت : انشالله
و ظلت تمشي مع مرام -
الابله : مرام مستواج صاير نازل يا حبيبتي ليش جذي فيج شي ؟*
مرام وهي ماسكه راسها بطرف ايدها تضغط راسها من تحت بطريقه غير ملحوظة : لا ابله ماكو شي
الابله مسكت ظهرها : متأكدة ؟*
مرام هزت راسها : اي
الابله طالعت باب الادارة : حبيبتي انا بدش تقدرين تنطريني هني ؟*
مرام هزت راسها بأي -
ولما دخلت الابله مسكت راسها وضغطته حييييييل حيييييل*
وبينها وبين نفسها : الله ياخذج يا سكينه وينتقم منج اااااااااه
قاطعها صوت بنت : شفيج ؟*
بطلت عيونها وشافت جدامها بنت ماسكة جنطتها بلبس قصييييير و شعرها اسود لي جتفها و باند فضي و بحمرة وردييييه فسفوري !!!*
مرام ما ردت عليها و ربعت ايدها تناظر بالفراغ
البنت : فيج شي ؟
مرام : لا رد ---------
وقتها طلعت الابله من الادارة ماسكة اوراق
ولما شافت البنت : توج ياية حبيبتي ؟*
البنت : اي*
الابله : انتي يديدة
البنت : اي اول يوم أداوم و المدرسه يديدة
وين أشوف صفي ؟*
الابله : داخل عند ابله بدرية
البنت : ما اعرف وين اروح ؟
الابله : مرام حبيبتي تقدرين تدلينها
مرام : اوكي*
الابله : ما عليه اسفه نطرتج وما كملت لكن عندي شغل ضروري
مرام : لا عادي
دخلت من الادارة و البنت تبعتها -
البنت : وين رايحين ؟
مرام ما ردت و ظلت تمشي *,*
البنت تأففت بداخلها من هالنفسيه اللي جدامها -
دخلت مرام مكتب ابله بدريه والتفتت على البنت واشرت بعيونها ان هذا هو المكتب
ومثل ما دخلت بصمت طلعت بصمت
اما البنت قالت بينها وبين نفسها : والله لو ما سمعتها تحاجي الابله من شوي جان قلت طرمة
الابله : شفيج ؟
البنت : ابله انا يديدة هني و ابي اعرف صفي
الابله بعصبية : شهالميكب ؟؟؟
البنت : شنو؟
عطتها الابله الكلينكس : مسخي حمرتج وين ياية عرس !!
تأففت وقامت تمسح -
الابله : شسمج ؟
البنت : جنان يوسف ال........
الابله : اي صف
البنت : ١٢ علمي
الابله : لحظة شوي -
وبعد لحظات من تفقد سجل اثنى عشر علمي
: انتي علمي ثالث
.................................................. ..
بصف هند -*
هند : امبيه قربت اختبارات الفترة ؟؟؟؟ تونا مداومين*
روان : اي والله صااجة ؛( ؛( ؛(*
هند : روين كل شي صار بسرعة ، بسرعة عطلنا وبسرعة يت هالزفت المدرسة والحين بتيي اختبارات الفترة ؛(*
روان : الله يعين*
.
.
.*
التفتت هند على الدريشة اللي انطقت وراها
وابتسمت وبطلتها : بسم الله الرحمن الرحيم خرعتيني ويهد
خلود وهي تطل من برا الدريشة : أبلة بدرية يتكم ؟
هند : لا*
خلود : توه مرتنا والجداول ملوت الاختبارات توزعت
هند و روان طالعوا بعض : ويييييييع
خلود : اي والله ويع ، عيل الفيزياء اول اختبار !!
هند : عاد إحنا الله يستر
روان : ليكون انجليزي !!!!
هند : هههههههههه لهالدرجة متعقدة منه
خلود : أوه أوه كا ابله بدرية أنا بحط ريلي وأروح قبل لا تشوفني*
.*
.
.
ابله بدرية : بنات الحين بتستلمون الجداول و بتمر عليكم ورقة وقعوا عليها بالاستلام
هند تهز ريلها بتوتر تنطر هالجدول يشرّف*
ولمن يا*
روان : هاج
هند خذت الورقة ووقعت بالاستلام وخذت الجدول و شهقت*
: اووول اختبار اجتماعيااااات !!!!!! ليش ؟؟؟؟؟؟؟*
روان : هههههههه متعقدة منه*
هند : حددددددددده
.................................................. .....
أما عند مرام -
فكانت قاعدة بالصف و طبعا على طاولتها
تدق باصابعها الطاولة بتوتر و راسها للحين ما خف ألمه
عيونها على الطاولة الخضراء وسرحانه
كأنها تحل معادلة حياتها ، بقلم عقلها و حبر تفكيرها .*
تحس ان داخلها زلازل ساكنة*
محد يدري عنها الا باطن نفسها
و لوهلة بدأ الصداع يتغلل لجسمها و يؤلمها*
غمضت عينها حييل وحطت راسها على الطاولة :^
ولمن حست بالراحة شوي رفعته -
وارخت نفسها *للكرسي اللي ورا ظهرها *
فوز دخلت من باب الصف : مرووم
و توجهت لكرسيها -
مرام : نعم
فوز قعدت على طاولتها ولفت نفسهها صوبها : ليش غبتي امس ؟
مرام : مالي خلق أداوم
فوز : اها جذييه
سكتت مرام و ردت لوضعيتها وغمضت عينها .
فوز : مرام ترى هند قالت لي عن اللي صار بينكم ، ليش جذيه مروم منتوا يهال ، وبعدين هنود تقول يات تتسامح منج طالعتيها بنظرة مو حلوة ليش الله يهداج ، هذا واهيا لاغية سفرتها عشانج*
مرام باستهزاء وهي مغمضة عيونها ولا زالت على وضعيتها : هه
فوز : شمعنات حركتج هذي ؟ مرووووم ترى انتوا رفيجات مو عدوات .،، وبعدين من صجكم كل هذا يصير و يخرب علينا يمعتنا ووناستنا
مرام سكتت بدون رد --
فوز : وربي اشتقت لكم وااايد ، وااايد يالله عاد حرام عليكم وخن نرجع احسن من قبل
مرام : فوز واللي يرحم والدينج ممكن تصكين على هالسالفة لو سمحتي ،
فوز : لا مااني صاكة هالسالفة و سمعيني !!!
مرام : اوهووووو ما *نخلص إحنا*
فوز : جب و سمعيني*
مرام : فووووووز فكينا ،،،،*
فوز : ممكن تسمعيني وانتي ساكتة !!
مرام : لا مو ممكن
فوز وقفت ومسكت كتفها و سحبتها: الا ممكن
صرخت مرام بعصبية وافتلات اعصاب : انتي هيييييي خلاص فكيني ذلفي الله لا يردج والا تدرين طلعي برااا
فوز ما استوعبت دمعت عيونها -*
مرام بصراخ اعلى : ماا تسمعين , طللعي
طلعت فوز بخطوات سريعة وهي تمسح دموعها*
ودعمت جنان عند الباب -
فوز بصوت واطي و باكي *: اسفه
جنان : لا عادي يا قلبي شفيج ؟
راحت فوز لصفها بدون ما ترد ، بينما دخلت جنان هالصف وهي تطالع البنات اللي فيه وبنات صفها*
وشافت مرام قاعدة ورافعه حاجبها بغرور والشر يتطاير من عيونها*
تأملتها بإعجاب وكملت طريقها -
جنان : هااي*
مرام ما التفتت ولا حتى درت عنها
جنان : احم انزين السلام عليكم
مرام : لا رد ------
جنان رفعت حاجبها هي الثانية وقعدت على طاوله نفس مستوى طاوله مرام لكن بالمجموعة اللي بالنص -*
وهي تسب وتلعن بهالنفسية الزفت اللي على هالبنت واللي ما تعرف نظام الاتيكيت و الذرابة بالحجي*
حطت اغراضها وهي تتأفف و قعدت -
.................................................. ....
طق الجرس الهدة - وتفرق شمل الطالبات للرجوع الى البيت والراحة ،،
تعب النهار يريدون ازاحته بالطعام و القيلولة
لكن من أتكلم عنهم ،، هم من لا يحملون مشاكل
او بالأصح من يحملون مشاكلا يستطيعون تحملها ، لان لا احد بهذه الدنيا تخلو حياته من المشاكل ،، هذه ليست جنه بل تلك هي الحياة ..*
هند و روان بالباص يسولفون و يضحكون*
والباص يتحرك و يمر جميع بيوت المنطقه والقطعه*
وعقب الشين ولما وصل لبيت هند :*
نزلت و مشت بهدوء*
طقت الباب وطقت و طقت*
ولما تعبت من الضغط على الجرس
حطت ثقلها كله على الباب
وبويهها من جدام انسدحت على الباب -
وبعد مدة بسيطة تبطل الباب وطاحت بحضن شخص
فواز : هند فيج شي ؟؟
هند رفعت راسها تستوعب هالصوت -
سندها فواز وقعدها بالصاله : فيج شي ؟
طقت طبوول قلبها من داخل لمن شافته قبالها
من زماان عنه ووايد اشتاقت له
فواز : هند ؟
هند هزت راسها ب لا " يعني ما فيني شي "
فواز : شلونج ؟
هند ابتسمت و زين ما شقت هالابتسامة ويهها *ولأول مرة ترتبك : الحمد لله*
فواز ارتبك من ارتباكها : من زمان عنج
هند نزلت راسها " وكأنها بهاللحظة كلش موو هند اللي لسانها طويل و ما تستحي والوضع عندها فلة "*
فواز : احم اءء ف ف فيج شي ؟
هند : لا - وقامت - قبل ما تفضحها دقات قلبها و يسمعها*
اما فواز فتنهد تنهيييييييدة كبيرة ومنظرها الخجول يداعب كيانه
.................................................. .....
بعكس هند السعيدة برؤيتها لفواز
كانت مرام بغرفتها وتصرخ من الم راسها
وتقط الوسايد والمخدات وتكسر العطور والأثاث ، تبي احد يحس بالشعور اللي اهيا الحين قع تحسه
كااانت تصاااارخ حيييييل ولكن محد يسمعها
الخدم نايمين بالدور الثالث وعبود طالع وأمها وابوها انتوا أدرى وينهم او بالاصح باي ديرة اي واحد فيهم ؟
طاحت على سيراميك غرفتها وابتدت تضغط على راسها وتتنفس
كان معرقة*
وتشعر بالغثيان
جسمها محتاااااج للمخدر
وهي تبي الراحة
تقلبت يمين ويسار قامت ووقفت طاحت وانسدحت*
والألم ما راح كل ماله ويزيد*
بطلت كل الأدراج بطريقة عشوائية و طلعت كرتون بندول*
كلت حبة و ثنتين وثلاث وحتى اربع
ولمن ما فاد كلت وحدة كاملة*
بغت تموت ..... لكن احساسها بالغثيان انقذها
ركضت للحمام ورجعت كل اللي كلته
رجعت حييييييل حتى توقعت ان روحها بتطلع من العوار
ولما خلصت ... توجهت بخطوات مرتجفة للمغسله
غسلت ويهها و حلجها*
وقعدت على ارضيه الحمام ترتاح
وتكمل ضغط على راسها
ضغطت ضغطت وما فاد
طلعت برا الحمام*
وطاحت على سريرها
كانت *تصارخ وتتعور وهي تعرف شنو جسمها بالضبط يبي
بس هي كانت مفكرة انها تبي تسيطر على عمرها عشان تمنع سكينة وأمثالها من استغلالها ...
مرت ربع ساعة بالضبط والألم زاد
والدموع بدت تنهمر بغزارة*
ما قدرت*
قامت تدور تلفونها مثل المينونة
دقت على سكينة و بعد رنتين ردت -
مرام : س س سكييينة الحين الحيين تعطيني انتي طيحتيني بهالزفت وانتي بتساعديني
سكينة بهدووء وببرود : تعالي شقتي ، و ييبي لج مبلغ محترم لإنج من غيره ما لج شي
..........*
#غريبة هي الحياة*
وغريبون هم الناس الذين يعيشون فيها
اهكذا يرون لذة الانتقام ؟
اهكذا تمنعون من المرء السلام ؟*
لماذا ؟
#بقلمي
|